السكه شمال بقلم / لولو_محمد ( كامله )

الحلقه ١٠٤

((((((((السكة شمال )))))))))
#لولو_محمد
الحلقه مئه و اربعه
مازن / انا اسف
مرام / محصلش حاجه
مازن / لا حصل بس والله ادايقت عشان مش عاوزك تتعبى عاوزك مرتاحه و مبسوطه عاوزك تعيشى احسن عيشه مش عشان اى حاجه
مرام / انا مرتاحه و مبسوطه انا دى حياتى وواخده عليها و عمرى مشتكيت
مازن / بتيجى على نفسك اوى ماى واحده تيجى تنضف هتاخد كام يعنى
مرام / اه قول بقى كدا عاوزنى اجيبلك خدامه عشان عينك تزوغ عليها
مازن / هههههههههههههههههههه بس استنضفى هاه هاتيلى وحده حلوه
مرام تضربه فكتفه
مازن / انتى مستقويه نفسك انا لو اديتك واحده من دى هرقدك
مرام / متقدرش
................................
مازن / يابنتى بلاش استفزاز
مرام / ايه هتورينى وشك التانى مبخافش
مازن / هتندمى
مرام / اخرك هاته
مازن يقوم يقف و مرام تتعدل فى قعدتها
مازن / استعنى عالشقا بالله مش عاوزه تشوفى وشى التانى هوريكى وشى التانى تيكلينج مونستر
مازن يفضل يزغزغ فمرام و هى تدحك و تصرخ
مرام / ههههههههههههه حرمت خلاص والله حرمت بس بقى هههههههههههههه
مازن / مش انتى عاوزه وشى التانى ادى وشى التانى
مرام / ههههههههههههههههه والله خلاص بقى حرمت انا اسفه بس بقى هههههههههههههههه يا تيته هههههههههههههههههههههههه
مازن / محدش هيلحقك منى
مرام / ههههههههه مش قادره اخد نفسى ههههههههههههههههههههه
مازن / كل يوم من دا اما نشوف مين الكبير هنا
مرام / قلبى حرام عليك
مازن يقعد جنبها و هى وشها احمر و بتمسح دموعها من كتر الدحك و بتنهج
مرام / دا وشك التانى هاه ؟؟
مازن / مرعب مش كدا
مرام / يعنى شويه بس قولى هو انت كل وشوشك حلوه كدا
مازن / اللى بتشوفيها انتى بس
مرام / طب و باقى الناس
مازن / ملكيش دعوه بباقى الناس انتى مش زى باقى الناس
مرام تبتسم مازن يبعد شعرها عن وشها
مرام / ياترى تيته بتقول علينا ايه بره
مازن / مش عارف
مرام / تعال نطلع نقعد معاها
مازن / تعالى
مرام و مازن يطلعوا بره يلاقوا سميحه قاعده تبص عليهم
سميحه / شايفه انكوا اتراديتوا
مرام و مازن يقعدوا
سميحه / ربنا يهدى سركوا انا هقوم اعمل شاى و انتوا كلو عشان تكملوا مزاكره
سميحه تقوم تدخل المطبخ مازن يبص لمرام و يدخل وراها
سميحه / عاوز حاجه يا حبيبى
مازن / هو انتى ليه يا تيته مدخلتيش
سميحه / ادخل فى ايه
مازن / فى الموضوع من اوله
سميحه / عشان انتوا مش صغيرين و لا انا هعيشلكوا العمر كله اتعلموا تحلوا مشاكلكوا لوحدكوا و بعدين كان هيحصل ايه لو ادخلت مانتوا حليتوها لوحدكوا اهو و زى الفل و الموضوع اصلا مكنش مستاهل يعنى
مازن / زعلتى منى
سميحه / لا مزعلتش انت برده ليك حق
مازن يبتسم
سميحه / انت غالى عندى اوى يا مازن و غلاوتك عندى من غلاوه مرام بالظبط تعرف ليه
مازن / عشان انا واد مز و اتحب
سميحه / هههههههههههههههههههه عشان انت واد مز و تتحب بس عشان حاجه اهم عشان انا عمرى مشوفت مرام سعيده قد مهى سعيده معاك و دحكتها اللى كنت بسمعها من شويه دى خلتنى مش عاوزه حاجه تانيه بعدها مالدنيا عاوزنى ادخل بقى و اقطع على ودانى المزيكا الجميله دى
مازن / ههههههههههههههه ربنا يخليكى لينا يا تيته
مازن يحضن سميحه مرام تدخل المطبخ
مرام / خيانه .. اوعى ياض سيب تيتتى دى بتاعتى انا
مرام تشد مازن و تحضن سميحه هى سميحه تشد مازن و تحضنهم هما الاتنين
سميحه / هو حبيبى زيك بالظبط
مرام تبص لمازن و يبتسموا
.................................
فى شقه مروه
مديحه / المهم انبسطتوا
مروه / جدا جدا بجد كان اسعد يوم فحياتى
الست / طب الحمد لله
محمود / دلوقت بقى معدلهاش حجه المفروض تاكل الكتب اكل و النتيجه تتحاسب عليها
اسعد / بصراحه عداه العيب و ازح مزاكره و زاكرلك خروج و فسحك نزاكر بقى
مروه / طب والله بزاكر
اسعد / ليكى عليا على كل ماده تقفليها ليكى منى باكو مقفول
مديحه / لا و ليكى منى انا كمان هديه حلوه اوى بس خليها مفاجاه بقى لما النتيجه تبان ههههههههههههههه
الست / خيرك سابق يا ست ام محمود
مديحه / دا كلو الا مروه عندى ربنا وحده اللى يعلم غاليه عندى قد ايه مش كدا يا محمود
محمود / اه طبعا
مديحه / محمود بقى اتعين فى الشركه عند مازن بيه خطيب مرام
محمود يبص لمديحه
مديحه / هيمسك فلوس مرام اللى صفوت بيه هيكتبهالها
الست / امال مش لازم ياخد باله من فلوس اخته
مديحه / و لا المرتبات بقى مقولكوش
الست / الشارع كلو ملوش سيره غير المرتبات اللى مازن بيديها لكل اللى اتعينوا مالشارع و بيدعوله
اسعد / اصلا هو هيلاقى زى محمود فين طب دانا ائامنه على حياتى مش على فلوسى
محمود / كتر خيرك يا معلم
محمود يبص على امه و يرجع يبص الناحيه التانيه و يتنهد
..........................
تانى يوم فى فندق
على واقف متوتر عمال رايح جاى قدام الباب نورا تظهر من بعيد لابسه فستان اصفر طويل على يشوفها يجرى عليها
على / اخيرا انا كنت فقدت الامل انك تيجى
نورا / اسفه عالتاخير الطريق زحمه جدا وواقف
على / قولتلك اعدى عليكى
نورا / كدا احسن
على / تعالى الحفله بدات و زمان الدور هيجى عليا
نورا تهز راسها و تانج على و يدخلوا سوا يقعدها على كرسى و يروح يقف فى جنب و يشاورلها من تحت لتحت و هو مبسوط تبتسم
...........................
فى الشركه عند صفوت
صفوت / لا طبعا مش معترض بس مفتكرش ان جدتها هتوافق
مازن / ليه يا خالو هو انا قولت هاخدها شقتى و لا حتى فلتنا انا قولت تيجى هنا و حضرتك هتبقى موجود
صفوت / بص عشان انا عارف انك مش هتسكت انا هكلمها و هتحايل عليها و ابوس ايديها و رجليها كمان عشان توافق بس انا من دلوقت بقولك مش هتوافق
مازن / مهو مينفعش يا خالو اسيبها لوحدها هناك
صفوت / سيبها لله
مازن / ماشى
.......................
قدام بيت نورا
على / انا مبسوط اوى انك جيتى عالى فكره
نورا / بص يا على انا جيت عشان دا يوم مهم بالنسبالك و دا هيسعدك بس بليز متحاولش تفسر مجيي باى شكل
على / تعرفى انتى بس لو تدينى فرصه
نورا / صدقنى الموضوع مرفوض شكلا و موضوعا
على / طب على الاقل خلينا اصدقاء
نورا / نستعبط يعنى
على / ههههههههههههههههه يمكن
نورا/ على لو سمحت
على / خلاص خلينا معارف اجى كل فتره اشرب معاكى القهوه و نتكلم اهو يبقالى حد هنا افضفضله
نورا / ماشى هستاذنك بقى
على / اتفضلى
نورا تدخل و تبتسمله و تقفل الباب و تقلع الجزمه و تعينها و تفك شعرها على ضهرها و لسه هتمسح المكياج تلاقى تليفونها بيرن ترد
نورا / خير يا على فى حاجه
على / اه فى نسيتى العلبه بتاعتك تزكار الشركه من الحفله معايا فى العربيه
نورا / اه مفيش مشكله
على / انا بلف و راجع هديهالك و بعدين اروح
نورا / ملوش لزوم صدقنى
على / معلش دى فيها نسخه اللعبه بتاعتك ووعدتينى تجربيها و اصلا انا طول السهره بتحايل عليكى تفتحى العلبه عشان الكيك و انتى مش راضيه ارجوكى ارجوكى
نورا / ماشى يا على مستنياك
نورا تقفل جرس الباب يضرب
نورا / لحقت ؟؟
نورا تقوم تفتح تلاقى سعيد
نورا / سعيد ازيك
سعيد / محتاجين نتكلم
نورا / دلوقت ؟
سعيد / لو مفيش عندك مانع يعنى
نورا / سعيد انا راجعه تعبانه
سعيد / اه خدت بالى كنتى مع بتاع اللعب
على  يدخل
سعيد / اه طبعا ليكى حق تكونى تعبانه انا اسف عن اذنكوا
سعيد يمشى نورا تجرى وراه بره الشقه و على يروح يقف على باب الشقه يتابعهم فى صمت
نورا / سعيد سعيد استنى استنى
سعيد / نعم اؤمرى خير
نورا / انت فهمت غلط
سعيد / والله ماشى فهمت غلط يفرق فى ايه
نورا / لا يفرق
سعيد / فى ايه انك تقوليلى عاوزه اعيش لوحدى و الاقيكى خارجه مع الباشا بفستان زى ده
نورا / كنا فى حفله احنا مجرد
سعيد / مش فارقه مش فارقه متتعبيش نفسك كدا كدا اخره يومين تلاته بالكتير
نورا / سعيد لو سمحت
سعيد / لو كنتى فاكره غير كدا يبقى بتدحكى على نفسك ياما بقى بتدحكى عليه هو
نورا / انا مسمحلكش
سعيد / حقك طبعا و انا اسف لو كنت عديت حدودى انجوى
سعيد يمشى و نورا واقفه بتنفخ تبص وراها تلاقى على واقف تدخل و ترزع الباب و هو بره بيبص عليها و تقعد ورا الباب تعيط تبص قدامها تلاقى علبه عالترابيزه تقوم و تمسح دموعها و تفتحها تلاقى فيها كب كيك و سى دى و ظرف تفتح الظرف تلاقى صوره محاربه جرافيك شبها بالظبط و لابسه حزام جواه سيف و على ضهرها قوس و سهام و نظره التحدى فعنيها تلف الصوره تلاقى كلام مكتوب : اهداء اللى اجمل محاربه على مر العصور يارب الكيك يعجبك
نورا تمسك الكب كيك و تحطه فى التلاجه و هى حزينه و تدخل تترمى عالسرير و تفضل تعيط لحد متروح فالنوم
........................
فى شقه مرام
مرام و مازن قاعدين بيزاكروا مازن يتمطع و يحط ايده حوالين ضهر مرام تبصله يعدلها
مرام / متبطل حركات المراهقين دى
مازن / كنت بتاوب صاحى من بدرى
مرام تبصله انت هتستعبط مازن يدحك
مازن / هههههههههه هو بالنسبه للاجزاء الكتير اللى زاكرناها دى مفيش اى حلاوه عليها يعنى
مرام / مفيش
مازن / طب مش مزاكر
مرام / بحوشهملك صدقنى
مازن / شكلك هتطلعى زى الامهات اللى بتضرب على عيديه عيالها فى العيد
مرام / هى يعنى بتاخدها تصرفها على نفسها مهى بتصرفها عليهم و بعدين هى العيديه دى بيجيبوها منين مهى دافعه قدها
مازن / انا مالى انا بالفيلم دا كلو انا عاوز حقى
مرام / انت رزل
مازن / انا مخاصمك اوعى
مازن يمسك الكتاب و يروح يقعد على طرف الكنبه بعيد عنها و يزاكر و يركز فى الكتاب ثوانى و يسمع صوت خلاط ينزل الكتاب ميلاقيش مرام يقفل الكتاب و يدخل المطبخ
مازن / بتعملى ايه
مرام / عصير
مرام تصب العصير فى الكبايات و تديله واحده ياخدها
مازن / تسلم ايدك
مرام / صالحتنى
مازن ملامحه تتغير و يحط الكبايه
مازن / لا
مازن يسيبها و يمشى و مرام تدحك
.............................
فى شقه نورا
بنت تفتح التلاجه تلاقى الكب كيك تحطها فى طبق و تجيب شوكه و تاكلها تلاقى حاجه بتلمع جواها تفتحها لحد متلاقى خاتم تنبهر و تبص على ورقه الكب كيك مفيش حاجه مكتوبه تدخل جوه مفيش حد تمسك التليفون و تتصل بحد
.........................
فى شقه مرام
مازن و مرام بيتكلموا فيديو كول
مرام / متبطل بقى شغل العيال ده
مازن / لا انا زعلان زعلان جدا كمان
مرام / طب خلاص اهو
مرام تحدف لمازن بوسه
مازن / لا يا ماما انا ميدحكش عليا مش على اخر الزمن مازن منتصر يتنصب عليه اقولك انا مش عاوز منك حاجه هى فين المخده اه اهى تخيلى دى انتى ماشى
مرام / ماشى
مازن يمسك المخده و يلطشلها و يفضل يخنقها و بعدين يرزعها جنبه
مرام / انا دى
مازن / اه انتى دى وحشه و نوتى و مخاصمك
مرام / اخص عليك طيب اهو دى انت
مرام تجيب تكايه من جنبها عالكنبه و تحضنها اوى اوى و بعدين تبوسها
مازن / انتى بتعملى ايه يا جزمه انتى
مرام / ببوس حبيبى
مازن / ارمى يابت البتاعه اللى فايدك بدى بدل والله
مرام / متحلفش مفيش قوه فى الدنيا هتفرق بنا
مرام تحضن المخده
مازن / لو مرمتيهاش هاجى اقطعها انتى فاهمه
مرام / مهما حاولت مش هتقدر تفرق بين قلبين جمعهم القدر
مرام تحط ضهر ايدها على راسها بشكل درامى و تبص للجنب و راسها لفوق مازن يقوم و يرزع الباب و ينزل عالسلم مرام تتعدل فقعدتها
مرام / انت بتعمل ايه
مازن / جايلك وورينى بقى انا و لا البتاع ابن الكلب ده
مرام / هههههههههههههههههههههههه انت اتجننت
مازن / دانا متباستش كدا يابن الكلب وربنا مهسكت
مرام / طب خلاص اهو هرميه والله خلاص .... امشى يا وحش امشى خلاص رميته بقى اطلع
مازن يركب العربيه و يركب الموبايل فى الحامل و يسوق
مرام / ياربى عليك انت مجنون بجد مش طبيعى انت بتعمل ايه
مازن / انتى هتدحكى عليا مش هسكت الا لما افرتك امه
مرام / تيته نايمه يا مازن و الوقت متاخر الناس
مازن / كنتى فكرى فكل ده قبل متبوسى البيه
مرام / دى مخده يا متخلف انت
مازن / مخده مش مخده هيتقطع هيتقطع
مرام / ههههههههههههههههه طب بص روح و انا بكره والله والله هعوضك
مازن / ازاى
مرام / مش انت بتحب الكاش الفيروزى
مازن / هتلبسيه
مرام / اه هلبسه هتيجى بكره تلاقينى لبساه و مسيبه شعرى كمان
مازن / انتى بتكدبى عليا مش هتعملى كدا
مرام / لا الدنيا حر و هعمل هنروح مالكليه هغير هدومى و اللبسه
مازن / لا مش مصدقك
مرام / والله هعمل روح بقى
مازن / انتى حلفتى
مرام / حلفت اعقل بقى و روح
مازن / عارفه لو لمستى الكلب ده
مرام / عيب خلاص حرمت
مازن / اما نشوف والله اجيلك
مرام/ لا عيب خلاص روح انت بس و متقلقش خالص
مازن ياخد اول ملف و يرجع
مرام / انا مش قادره اصدق جنانك ده
مازن / انتى السبب دانا كانوا بيضربوا بيا المثل فالعقل و الرزانه
مرام / دا فعالم موازى ده صح
مازن / مش عاجبك اجى اوريكى والله اجيلك
مرام / خلاص يا عم انت بتتلكك
مازن / بصراحه اه
مرام / هههههههههههههههههههههههههههه
مازن / قلبى انا
مرام مبتسمه و بصاله
مازن / طب اسوق انا و لا اسرح فى العنين الحلوه دى
مرام / لا سوق و روح و ارتاح و انا هدخل انام و هستناك بكره
مازن / ماشى تصبحى على خير
مرام / مازن
مازن / حبى
مرام / انا بحبك اوى
مازن / الف و ارجعلك والله
مرام / ههههههههههههههههههه خلاص بقى بطل يلا روح الوقت اتاخر اوى اصلا
مازن / و انا كمان بموت فيكى
مرام تبتسم و تحدفله بوسه يبتسم و تقفل المحادثه مازن يركن العربيه و يطلع فوق و يمسك المخده و يبوسها و ياخدها فى حضنه و ينام و مرام كمان تاخد التكايه فحضنها و تاخدها جوه و تنام
...........................
فى الكافيه
على يدخل و هو متوتر يشاور لنورا تبتسم و تروحله
نورا / نص ساعه و هاخد بريك
على / هستناكى هنا
نورا / هجيبلك قهوه
على يهز راسه و يروح يقعد و هو متوتر نورا تجيب القهوه و تصبله و تمشى و هو عينه معاها و عمال يهز فى رجله و يلعب فى ايديه و عينه على نورا اللى رايحه جايه فوسط الزباين لحد متروح للكاشير و تقلع المريله و تحطه و تاخد شنطتها و تشاور لعلى يروح يجرى يحاسب و يطلع وراها و يتمشوا سوا و على باين عليه التوتر
على / ازيك انا خفت اتصل بيكى امبارح يعنى حسيت ان اليوم
نورا تمد ايدها فى جيبها و تطلع الخاتم
على / انا كنت بحاول اقدمه بطريقه رومانسيه يعنى و بعدين انتى مرضتيش تاكليها و انا اتحايلت عليكى كتير و بعدين سعيد ده جه و قفل اليوم و انا طول الليل جنب التليفون
نورا / بص يا على
على / انا عارف ان التوقيت زى الزفت و الموضوع لخبط بس
نورا / على لو سمحت انا مش زى مانت فاكر انا مينفعش افتح بيت مينفعش اكون زوجه و لا ام
على / ليه بتقولى كدا انا اللى احكم انا ليا حق انى احكم
نورا / انا بحب واحد تانى
على / سعيد
نورا / لا مش سعيد واحد فمصر
على / بيحبك
نورا / لا مبيحبنيش هو كتب كتابه دلوقت على بنت زى العسل ربنا يسعدهم
على / امال ليه لسه معلقه نفسك بيه
نورا / مش بايدى صدقنى حاولت حاولت كتير تعرف انا حتى اتخطبت .. سعيد مانت قابلته بس مقدرتش حسيت انى بخونه بخون الاتنين الاتنين و بخون نفسى لانى بعيشها فى كدبه كبيره انا مش قدها
...................