السكه شمال بقلم / لولو_محمد ( كامله )

الحلقه 110

((((((((((السكة شمال )))))))
#لولو_محمد
الحلقه مئه و عشره
محمود / يعنى ايه مجتش لحد دلوقت
سميحه / لا جت و مشيت جت غيرت هدومها و مشيت راحت مع مازن حفله كاريوكى باين عندهم فى الفيلا
محمود / الساعه اتناشر على فكره يا تيته لو مش واخده بالك
سميحه / مانا قولتلك كلمتهم و جايين فى السكه و بعدين مهى مع جوزها يعنى
محمود /صح معاكى حق عن اذنك
محمود يطلع مالشقه يلاقى مرام و مازن طالعين عالسلم مسخسخين مالدحك
مرام / و لا صافى و هى ساده ودانها بصراحه حقها
مازن / هى الشجره المثمره كدا دايما بيحدفوها بالطوب يا اعداء النجاح
مرام / ههههههههههههههههههه لا فعلا مثمره مثمره اوى هههههههههههههههههههه
محمود / مبدرى
.............................
مازن / اخبار الشغل ايه سمعت انك بداتها جد اوى    
محمود / يعنى قولت اشرفك
مازن / مشرفنى منغير حاجه .. ايه كنت رايح فين كدا
محمود / هروح فين يعنى الساعه 12 الناس بتنام فالوقت ده
مازن / ليه انت بنت تعال هروح انا و الشباب غير جو و انبسط
محمود / عندى شغل الصبح
مرام / روح معاهم شريف هيبقى هناك و اهو تبقى عينى تقولى بيعملوا ايه منغيرى
مازن / بدئاها بدرى اوى يا ست مرام
مرام / ههههههههههههههههه يلا سلام ابقى كلمنى لما تروح
مرام تسيبهم و تمشوا
مازن / هتيجى ؟؟
محمود / اجى
محمود يمشى مع مازن
..............................
فى كافيه كبير
مازن و زياد و محمود و انس و تلت شباب قاعدين
انس / ياعم والله هننبسط
مازن / يا سيدى مره تانيه هى يعنى اول مره اروحها
الشاب 1 / ياعم احنا هنقعد نتحايل عليه خلاص بقى الباشا بقى راجل متجوز ولازم يروح البيت قبل تسعه و الا ترفعله الشبشب
مازن / هاااااايه حافلااااه
زياد / هههههههههههههههههههههههههه دانتوا مشكله فاكر لما كنتوا بتحفلوا عليا بالساعات صحيح كاس وداير
شاب 2 / صحيح يعنى من ساعه مقعدنا تليفونك مرنش ايه دانا لو مكانها و غبت عنى تلت ثوانى الشيطان هيقعد يهدى فافكارى و يقولى لا يا شيخه ميعملش كدا
زياد / ايه يا عم مهى باعته معاه اخوها اهو
شاب 1 / ايه يا عم التغفيله دى و سايبنا نتكلم مالصبح طب مش كنتوا تنبهونا بدل منعك مازن ده زينه الشباب والله زينه الشباب
مازن / ههههههههههههههههههههه فصلتنى يخربيت عقلك على فكره عشان اريحكوا مرام عارفه عنى كل حاجه خلاص نهدى بقى ماشى نهدى
شاب 3/ بس صحيح انت ساكت ليه يا محمود من اول القاعده يعنى لتكون بجد جاى عصفوره
محمود / بسمعكوا
مازن / محمود على فكره مش جوكوا خالص هو جاى هنا بالعافيه محمود ده جو شريف كدا
مازن يبص لشريف يلاقيه عمال يكتب واتس عالموبايل مازن يكلمه ميعبروش
مازن / بيقولوا شريف وقع منه عشر تلاف جنيه و مزه لقتها بس مش راضيه ترجعهاله و جالى يعيط و .. لا مش للدرجادى يعنى انت يابنى انت ياله
شريف يبصلهم باستغراب
شريف / فى ايه
مازن / نحن هنا على فكره
شريف يقفل الموبايل
شريف / اهو خلاص ارتحتوا
شاب 3/ مين الجو
شريف / خليك فحالك
شاب 1/ يا عم نفرحلك
شريف / مليش مزاج افرحك مش فاهم انا خلفتك و نسيتك انا
مازن / اهدوا يا رجاله الحفله كدا هتوسع منكوا انتوا عارفين شريف كويس
زياد / صحيح يا شريف سمعت ان اريج دخلتها نص تمانيه
شريف / الف مبروك عقبالك
زياد / صحيح يا مازن لبنى هتعزم صافى على السخنه كلم مرام تانى
مازن / انا مكلمتهاش اولانى اصلا الموضوع منتهى بالنسبالى و بالنسبالها
زياد / مخلصناش من حوار الفيلا عشان تطلع فحوار المصيف يا مازن دا ايه الدماغ ده
مازن / خدنى على قد عقلى و ريحنى
شاب 1/ ايه الحوار
زياد / جده مراه الاستاذ هتسافر و هتسيبها لوحدها فى البيت فانا بقوله تيجى تقعد معانا مانتوا اولدرى كاتبين الكتاب و متجوزين يقولى مينفعش
محمود / مهو مينفعش فعلا
زياد / يا محمود انت فشقه و هى فشقه و بعدين يعنى هو مازن مش هيشوفها طول الاسبوعين و اللى هيخليه يقعد معاها لوحدهم عندكوا تيجى هى تقعد معانا
محمود / و يقعد معاها لوحدهم بمناسبه ايه
شاب 2/ هههههههههههههههههههه لا حلوه دى ايه ياعم امال كتب كتاب ايه اللى حضرناه
محمود / لما يبقى ياخدها بيته يبقى يقعد معاهم لوحدهم كتب الكتاب زيه زى الخطوبه الفرق انه يقدر يخرج معها
شاب 1/ انت اخوان و لا سلف يا اخ محمود
محمود / و لا ده و لا ده
مازن / فى ايه يا رجاله اصلا الموضوع ده يخصنى انا و انا و هى مرتاحين عالوضع ده
شاب 3/ مريحاك يعنى
مازن / ميخصكش و متدخلش فسكه مش هتعرف تخرج منها ماشى مش كل حاجه تهزر فيها بدل متغابى عليك هنا فاهم و لا لا
زياد / خف يا زفت دى مراته مش واحده من اياهم اهدى يا مازن انت يعنى لسه هتعرفه
مازن / انا ماشى
زياد / استنى يا مازن مصدقنا قعدنا هو اصلا معاد نومه جه و هيروح
شاب 3 يبص للكل شاب 2 يشاورله يمشى يقوم و يمشى و هو بينفخ و مازن يقعد و هو بينفخ صمت
شاب 2/ وحدوه
الكل / لا اله الا الله
شاب 2/ احنا جايين هنا ننبسط ماشى بقالنا ياما متجمعناش و بعدين مش عاوزين محمود ياخد عننا فكره وحشه
محمود / لا خد راحتك
شاب 2/ انت بتشتغل ايه يا محمود
محمود / لسه بدرس انا مع مازن و مرام فى الدفعه
شاب 2/ توام
محمود / لا احنا جيران بس متربيين سوا زى الاخوات يعنى مش شققا
شاب 1/ معلش انا اسف بس الكلمه اتحشرت فزورى
مازن / يا تبلعها يا تسيبها تموتك عشان انا مش طايق حد
شاب 1/ لا ابلعها
زياد / عاوز تقول ايه
مازن يبصله
زياد / الفضول هيموتنى يا اخى الله هههههههههههههههههههههههه
شاب 1/ مهو تموت انت احسن ميتغابى عليا هو و يموتنى خلاص يا  عم مدام هما مرتاحين كدا احنا مالنا
مازن يسيب المكان و يمشى و شريف يقوم يجرى وراه و محمود ميتحركش
شاب 2/ مقومتش يعنى
محمود /  اقوم ؟؟
زياد / ميقصدش يا محمود
شاب 2/ لا طبعا مقصدش انا يعنى قولت اللى خلى مازن ياخد الموضوع على اعصابه اوى كدا اولى انك انت كمان تدايق 
محمود / و ادايق ليه لا على راسى بطحه و لا عندى ايد بتوجعنى
شاب 1/ لا اسد يا حوده
شريف يرجع و يقعد
شريف / وحشتكوا صح
زياد / امال ميزو فين انا قولت روحتوا
شريف / مانا جريت وراه لحد البارك بس ملحقتوش مشى فرجعت قولت مسبش حوده وسطيكوا لوحده ايه مش هتطلبولنا حاجه بقى
زياد / ازاى نطلب
.......................
فى شقه مرام
سميحه / ههههههههههههههههههههههه
مرام / بصراحه كنت هموت مالدحك
سميحه / ربنا يسعد ايامكوا و تبقى كلها دحك و هزار و فرفشه
مرام / امين
سميحه / بس برده قلقانه محمود مينضمنش
مرام / مازن مش صغير و انا متاكده انه هيحتويه
سميحه / على الله
تليفون مرام يرن
مرام / دا مازن
سميحه / كدا طب ادخل انام انا بقى لما تخلصى طفى النور
مرام / ههههههههههههههههههه و انتى من اهله يا تيته
سميحه / و انتى من اهله يا ست البنات
سميحه تدخل و مرام ترد
مرام / وحشتنى فالشويه دول على فكره
مازن / انتى اكتر
مرام / انت فين
مازن / مروح
مرام / غريبه بدرى كدا دانت ملحقتش
مازن / رخموا عليا و انا مليش خلق لحد
مرام /امال محمود فين
مازن / لا محمود الجو جه على مزاجه و قعد بس متقلقيش شريف معاه
مرام / اهى دى اللى غريبه بجد بقى
مازن / فصلونى بجد ياريتنى مروحت
مرام / طب افرفشك ازاى اغنيلك تانى
مازن / ههههههههههههههه غنى
مرام / يا ليالى روحيله عن شوقى و نارى احكيله يا يجيلى ياما اجيله مش قادره فبعده اعيش و قوليله كفايه و يخلى لبعده نهايه مش عاوزه انا غيره معايا و الباقى ميلزمنيش
مازن / على عينى والله
مرام / هههههههههههههههههه روقت شويه و لا اغنيلك تانى
مازن / لا دانا متازم نفسيتى فالحضيض
مرام / هههههههههههههههههههه بحبك
مازن / و انا بعشقك
مرام / انا بعشقك انا انا كلى لك انا انا بعشقك انا انا كلى لك انا انا انا انا انا انا ههههههههههههههههه
مازن / يا مزاجك
مرام / ها روقت و لا لسه مانا اصلى مش حافظه اغانى اغنيها
مازن / يا قلبى كفايا بسمع صوتك
مرام / امال ليه صوتك مش رايق فى ايه مدايقك اوى كدا
مازن / مفيش
مرام / هتخبى عليا صوتك باين عليه فى حاجه مديقاك العيال دول زعلوك فى ايه احكيلى مش انا حبيبتك
مازن / انتى دنيتى كلها يا مرام تعرفى انا معدتش عاوز اقعد وسط الناس عاوزك انتى بس ببقى قاعد معاهم بقول امتى نروح عشان ارجعلك يارب متنامش يارب متنامش يارب
مرام / هههههههههههههههههه طار فى الهوى شاشى و انت متدراشى يا جدع
مازن / هههههههههههههههه ايه ده
مرام / النوم طيرته من عينى يابن الذينه
مازن بحزن / هاين عليا اجيلك اوى
مرام / مالك يا مازن فى ايه
مازن / مقولتلك مبقتش بعرف اقعد وسط الناس انا بعيد عنك ببقى وحيد غيرك مش عاوز حد
مرام / انت فين دلوقت
مازن / فالشقه ليه
مرام / طب ايه رايك نتكلم فيديو كول دا هيبسطك شويه
مازن / جدا
مرام / طب ثوانى و هكلمك
مرام تقفل فجاه و تجرى قدام المرايه و تسيب شعرها و تسرحه بسرعه بسرعه و تبص على نفسها و تبتسم و تجرى تقعد عالكنبه و تتصل بمازن يفتح
مازن / دا ايه العذاب ده
مرام / اخص عليك
مازن /هههههههههههه مهو انتى مش حاسه انتى بتعملى فيا ايه
مرام / بعمل ايه
مازن / بتجننينى
مرام / نبقى خالصين مانت كمان جننتنى بس اقولك الجنان ده طلع حاجه حلوه اوى عارف بس متدحكش عليا
مازن / مش هدحك قولى
مرام / لا هتدحك
مازن / ههههههههههههههه مش هدحك قولى بقى متدحكنيش الله
مرام / انا ادمنتك عارف بتوحشنى اوى و انت مش معايا بقعد ابص على صورك عالفيس و اكلمك و لا بقى لما بشوفك انت عملت فيا ايه و عملت كدا ازاى
مازن / المفروض انا اللى اسالك السؤال ده انتى عملتى فيا ايه و ازاى
مرام / عملت ايه
مازن / لا يتحكى و لا يتقال يا مرام مفيش كلام يوصفه عمرى محسيته و لا قادر افهمه عمرى متخيلت انى احسه كنت بالس على اى حد يقول بحب او يوصف الحب بس كل اللى وصفوه بالنسبه للى بحسه معاكى شويه و خصوصا بقى لما بتبقى رايقه كدا و تحبى فيا
مرام / انت كسرت كل اسوارى اعمل ايه دخلتلى و لخبطتنى مبقتش عارفه انا بقول ايه و لا حتى بقول كدا ازاى تعرف بعد مبنقفل بقعد افتكر و ادحك لو قالولى لو حلفو انى هيجى عليا يوم و اقول لحد و لا اكلم حد كدا عمرى مهصدق و لا بقى لما بنبقى مع بعض و تحضنى مثلا
مازن / بيحصل ايه
مرام / بموت
مازن / ليه كدا يا مرام حرام عليكى
مرام / فى ايه
مازن / للمره المليون بقولك بلاش كلمه موت دى متقولى اى حاجه تانيه
مرام / مازن اهدى دا مجاز يعنى
مازن / لما بسمعها انا بموت و مش مجاز بموت بجد بتخنق روحى بتطلع
مرام / للدرجادى
مازن / انا عمرى مخفت مالموت عمرى بالعكس كنت بستناه و انا فاتح صدرى و لا يهمنى بس وقتها حياتى مكنلهاش طعم مكنش عندى اللى اعيش عشانه فمش فارقه يعنى كان ليا حبايب خالو و مونى و بابا و زياد و صحابى القريبين اوى زى نورا و شريف و صافى كنت بخاف عليهم بس خوفى عليكى انتى اكتر بكتير
مرام / دا مجاز
مازن / الموت بياخد اللى بحبهم من جوه حضنى ببقى عاجز قدامه ببقى ضعيف
مازن يدمع
مرام / مازن حبيبى
مازن / انا مش هقدر اعيش لو جرالك حاجه مش هقدر اصلا اتخيل ان يجرالك حاجه
مرام عنيها تتملى بالدموع
مازن / انتى بتعيطى ليه يا بلوه انتى دلوقت
مرام / ههههههههههههه عشان انت بعيد اوى مش قادره اخدك فحضنى مش عارفه امسح دموعك
مرام تمسح دموعها
مرام / ايه النكد ده فصلتنى راح فين مازن قليل الادب انا مبحبش مازن النكدى ده وحش
مازن / كنت فاكرك مبتحبيش مازن قليل الادب
مرام / مبحبوش هو كمان بس ارحم من التانى ده
مازن يبتسم
مرام / انت عارف انا لابسه ايه
مازن / ههههههههههههههههههههههههههه
مرام تهز راسها و تلعب حواجبها
مرام / الكاش اللى انت بتحبه
مازن / ورينى
مرام / بعينك
مرام تطلع لسانها
مازن / هههههههههههههههههههه
مرام /تعرف تيته بتقولى هو ايه حكايته ده اصلى بقيت اللبسه و اغسله و ارجع اللبسه تانى
مازن / و انا قاعد هنا يا فرحتى
مرام / هههههههههههههههه بكره اللبسلك الاحلى منه كمان
مازن / عارفه الكاش ده و البجامه الحمره الشتوى بتاعتك يالهوى يا مرام على اللى جرالى يوميها
مرام / يوم ايه
مازن / لما طلعتيلى بالبجامه الحمره و شعرك ياربى يومها
مرام / لما ضربت محمود انا نمت معيطه جامد اوى فاليوم ده بسبب اللى محمود عمله
مازن / انا منمتش خالص فى اليوم ده بس بسبب اللى انتى عملتيه تعرفى انا بحب شعرك اوى
مرام / هههههههههههههههههههههه اشمعن
مازن / مش عارف بس بحس انى عاوز اللعب فيه عاوز اسرحهولك كانك بنتى الصغيره
مرام / هتعرف و لا تقطعه
مازن / هتعلم
مرام / و انت جاى تتعلم فى شعرى
مازن / بتاعى و انا حر فيه ملكى
مرام / مش هعرف ارد على ده فدى حقيقه انا كلى ملكك تعرف انى بحب الاغنيه دى اوى انا كلى منك انا كل حاجه فيا حبيبى بتناديك انا انا مش بحبك الحب كلمه قليله بالنسبه ليك
مازن / انت فرحه جت لعندى بعد عمر من التعب السعاده اللى بعيشها يا حبيبى انت السبب
مرام / دحكتك عقلك جنونك و الحنان اللى فعيونك انت عملت فيا ايه انا عمرى مكنت كدا تعرف بحس انى نايمه فوسط البحر مع انى بخاف مالميه بس
مرام تتنهد و مازن مبتسم
مازن / بس ايه
مرام / معاك مش خايفه لا مش خايفه خلى الموج يودينى و يجبنى مش خايفه اصله عمره مهيكون اعلى مالموج اللى جوايا من مشاعرى و خيالى و
مرام مبتسمه بخجل و شها احمر و تبص الناحيه التانيه و ترجع تبص لمازن باصصلها و مبتسم
مرام / انا بحبك اوى ... اوى
مازن / انا مش هاجى بكره
مرام / ليه
مازن / عشان لو شوفتك مضمنش هعمل فيكى ايه يا بنت اللذينه انتى
مرام / ههههههههههههههههههههه
مازن / هى اليابان اخترعت كل حاجه و جت على حاجه توقف الزمن و اتشلت
مرام / اخص عليك دا بدل متخترع حاجه تجرى الوقت عشان نبقى سوا
مازن / هانت بصبر نفسى بيها كل ثانيه و اقول هانت
مرام / اوعى يجى عليك يوم و حبك ليا يقل اوعى تزهق منى اوعى تسبنى حتى لو قولتلك سبنى اوعى تسمع كلامى اوعى تصدقنى لو قولتلك اى كلمه غير بحبك اوعى تصدقنى اوعى اوعى تبعد
مازن / عمرى مهقدر حتى لو حاولت مش هقدر
مرام / متحاولش اوعى تحاول اوعدنى
مازن / اوعدك
مرام / لا قول اوعدك انى مش هسيبك و لا هبعد اوعدنى انك هتستحملنى مهما حصل اوعى تزهق او تمل
مازن / السنين هتفوت و تمشى منك انت انا مش همل بوعدك يا حبيبى عمرى شوقى ليك مفيوم يقل هبقى فرحك وقت حزنك فالتعب تلاقينى حضنك كل يوم من عمرى ليك
مرام تبتسم
مازن / اوعدك عمرى مهبعد و لا اسيبك و لا افقد فيكى الامل عمرى مهخونك و لا اشوف غيرك اوعدك انى هعيش بس عشانك و عشان ملوكه
اذان الفجر
مرام / انا هقوم اتوضى و اصلى و ادعى ربنا يعجل و يجمعنا سوا فاسرع وقت
مازن / و انا كمان هعمل كدا
مرام / تصبح على خير قصدى تتمسى بالخير قصدى ههههههههههههه
مازن / و انتى الخير كله
مرام تبتسم
مازن / اقفلى
مرام / بحاول والله مش عارفه هههههههههههههههههه
مازن/ و لا انا عارف
مرام / طب منسيبه مفتوح جنبنا و نصلى سوا
مازن / الله تعالى
مرام / هقوم اتوضى و ارجعلك
مازن / مرام
مرام / ايوه حبيبى
مازن / انا هصلى فالمسجد احسن
مرام تبتسم
مازن / لما هرجع هكلمك و نصلى تانى سوا بس خلينى اصلى الفجر فى المسجد احسن
مرام / ماشى قوم
مازن يقرب الموبايل و يبوسه مرام وشها يحمر
مازن / ايه القرف ده
مرام / هههههههههههههههههههههههههه
مازن / لا مش نافعه خالص قومى قومى خلينى اصلى فاليوم ده
مرام تبوس الموبايل بتاعها و تقفل و تحطه جنبها و تقوم تروح الحمام و هى عماله تلف حوالين نفسها كانها بترقص باليه تتوضى و تلبس الاسدال و تصلى و تدعى وتعيط و هى بتدعى
مرام / يارب انا عمرى مطلبت منك حاجه كنت علاطول كريم عليا و بتدينى منغير مطلب يارب انا مش عاوزه غيره اجمعنى بيه يارب اسعدنا يارب و اقفل علينا باب هو اتغير بقى كويس و بيصلى سامحه و متاخدناش بذنب اللى كان بيعمله هو تاب يارب هو مش عاوز غير الحلال دلوقت يارب متفرقش بنا و لا تمتحنى فيه يارب انت الوحيد القادر على كل شئ انت اللى زرعته جوايا متوجعنيش فيه يارب متحرمنيش منه يارب مش هقدر والله مهقدر
سميحه تفتح الباب تلاقى مرام قاعده بتعيط عالسجاده