السكه شمال بقلم / لولو_محمد ( كامله )

الحلقه ١٨٣

(((((((((((((السكة شمال))))))))))))
#لولو_محمد
الحلقه 183
اسعد / ايه اللى نزلك يا مازن يابنى و انت تعبان داحنا كنا جايين نزورك عندم شاى على ميه معدنيه للبهوات يا سلامه سكر بره
مازن / ولاد الحرام يا معلم اقعد انا عاوزك فى كلمتين
اسعد / خير يابنى
مازن / انا عاوز اشتكيلك بصفتك كبير المنطقه من حاجه حصلت و مديقانى
راجل كبير يقرب الكرسي بتاعه
الراجل / فى ايه يا مازن يابنى مين زعلك و احنا نقطملك رقبته
……………………….
مازن / انت شكلك راجل كبره و هحكيلك من فتره انا دخلت الحاره و طلبت ايد بنتكوا و اتجوزتها على سنه الله و رسوله وقتها الكل كان بيحلف باخلاقها و تربيتها حصل و لا لا
اسعد / هو فيه ايه يا مازن ايه لزمته الكلام ده
مازن / فى ان امبارح فى كلام اتقال مكنش ينفع اعديه و جيت اتكلم مع الرجاله عشان مش من الاصول انى اتكلم مع ستاتكوا
الرجاله يبصوا لبعض و سلامه بينزل الشاى و مازن عينه عليه و هو باصص في الارض يخلص و يجرى على جوه
مازن / امبارح انا كنت سخن و برجع طول الليل اخويا اتصل بمراتى عشان هى الوحيده اللى معاها المفتاح بما انها فرشت حاجتها في الشقه خلاص و هى عشان بنت اصول مرضيتش تبعت المفتاح جت تاخد بالها من جوزها و الصبح الحجه سميحه و الحجه مديحه كتر خيرهم جم يطمنوا عليا و انا قمت و جيت بنفسي عشان اى حد عنده تعليق عن مراتى او عنى او عن اى حاجه تخصنى يقوله فوشي
اسعد / يابني الموضوع كله كان سوء تفاهم و اللى وصلك وصلك غلط
مازن / دا كلامك يا معلم
راجل / يا مازن يابني مرام قبل متكون مراتك دى بنتنا و سمعتها تخصنا و اللى يسيئها يسيئلنا
مازن / عداك العيب يا حج
توفيق يشد كرسيه و يحطه فوش كرسي مازن
توفيق / عداكوا العيب يا رجاله بس بما اننا بنتكلم في الاصول بقي يا مازن بيه فاللى بيحصل ده مش اصول
محمود / شوفوا مين اللى بيتكلم
اسعد / هو الكبار مش بيتكلموا ياض انت انت ايه اللى حشرك في الكلام
مازن / سيبه يا معلم خلينا نفهم منه على الاقل هو بياكلم في وشي خليني ارد
توفيق / راجل و تعجبني بقي خير في سلامه و سلامه في خير احنا ناس ولاد بلد و دمنا حامى
مازن / منغير متكمل عشان حتى كلامك وصلني بس نبدا مالاول انا لو حصلى اى حاجه دلوقت مرام هتورث و لا لا
اسعد / بعد عمر طويل يابني ليه بس
مازن / تورث و لا لا
الراجل / تورث
مازن / شرعا مراتى و حصل اشهار و اتكتب كتاب على ايد مازون و لا لا
اسعد / حصل
مازن / و بعدين كانت وسطوا لحد معاد الفرح لحد مالحرامى دونا عن بيوت الحاره كلها اتهجم عليها و كسر الشقه و انتوا نايمين حصل و لا لا
توفيق / مكنش يصح برده تبات في بيتك
مازن / انت مين اصلا عشان تتكلم هو مش انت الحيوان اللى اتهجم عليها انت و العره صاحبك هو الاصول اصلا ان كلب زيك يقعد يتكلم وسطينا
توفيق يقف
توفيق / انت لولا انك فمنطقتي
مازن فمكانه ببرود
مازن / كنت عملت ايه كنت قطعتلى فرامل العربيه عشان تموتنى تاني
توفيق / انا لو عاوز اموتك
مازن / هتعمل ايه هاه
مازن يقوم يقف قدام توفيق و الرجاله تحوش
اسعد / امشي يا تيفا من هنا حقك علينا يا مازن يابني حقك علينا امسحها فينا
مازن يقعد و توفيق واقف متنح المعلم يطلع من القهوه
المعلم / امشي يا توفيق و لينا كلام تانى في اللى حصل
توفيق / و ماله ضيف برده
توفيق يبص عالشباب اللى كان قاعد معاهم و يمشي و شريف عينه عليه
مازن / مرام مكنتش معايا لوحدنا انا خدتها الفيلا بتاعتنا كان في اختى و خطيبها و اصحابنا و اخويا و والدى و مراته و خالى الله يرحمه غير كميه خدامين و بوابيين و جناينيه اجرمت يعني و لما الحجه سميحه رجعت رجعتها و بالنسبه لليومين اللى قضيتهم هنا ربنا وحده اللى يعلم انا كنت عامل ازاى بعد موت خالى الراجل الطيب اللى كان فيه بينه و بينكوا عيش و ملح
اسعد / الله يرحمه
مازن / هو مات ازاى يا معلم اسعد ... اتقتل قبل فرحى بيومين يعني لو مكنش مات كان زمان مرام في بيتي دلوقت
اسعد / يابني الكلام ده
مازن / الكلام ده ملوش لازمه انى ارد عليه بس بتكلم فيه عشان لو لسه في حد نفسه يجيب فسيرتى يسترجل و يتكلم في وشي احسن
معلم القهوه / حقك علينا يا مازن يابني
مازن / ياريت كل راجل فيكوا يتكلم مع مراته او بنته او اخته او حتى امه يقولها اعراض الناس مش لعبه
الراجل/ حقك يابني
مازن / و اخر كلام عندى انا سهل عليا اوى انى اخد اللى يخصونى مالحاره و انساكوا نهائي بس تيته بتشكر فيكوا و بتقول اهلها و جيرانها حتى مرام البنت اللى عملتوها لبانه في بقكوا يوم مقولتلها اتمنى يا مرام كل امانيها كانت انها تنضف الحاره و تحل مشاكلها هى دى اخرتها يعني
شاب / حقك علينا يا مازن بيه اصلا انت بتكلم الناس الغلط اللى عملوا الحاجات دى مش قاعدين هنا وسطينا
مازن / انا مليش كلام غير مع رجاله و كبارات المنطقه و كلهن قاعدين الباقي عليهم بقي
معلم القهوه / خلاص يابني وعد منى الموضوع ده هيتقفل نهائي
مازن / دا لمصلحه الحاره يا معلم والله ... عن اذنكوا يا رجاله و شكرا عالشاى
مازن يقوم
اسعد / مكنلوش لزوم تقوله حاجه يا محمود انا كنت هتصرف لوحدى
معلم القهوه / شكلنا كلنا بقي زى الزفت قدام الجدع
شريف / مش محمود اللى قال يا معلم
اسعد / يا شريف يابني
شريف / خلاص يا معلم الموضوع خلص و ياريت يتقفل بجد و ميتفتحش تانى
راجل / عن اذنكوا عندى شغل الصبح بدرى
راجل ٢ / خدنى في طريقك بالاذن انا كمان
الناس تتسرسب من القهوه و را بعض
...................
فى شقه سميحه
مرام بتصب الشاى فى المطبخ و مازن واقف جنبها
مرام / انا كنت عارفه انك مش هتقدر تبعد عنى اكتر من كدا بس قولت اسيبك تجرب
مازن / اوعى الواد الجامد
مرام / هههههههههههه لا بجد فى ايه الصبح قولتلى انك عاوز شريف فى موضوع دخلت الاوضه و قفلت عليا و فضلتو تتكلموا و بعدين لما محمود جه برده كل شويه تاخدوا جنب و تتودودوا و دلوقت روحتوا قعدتوا عالقهوه و قولت فى حوار انت مش شايف ان حواراتك كترت اوى يا مازن بيه
مازن / هما قالولى بس انا مصدقتش
مرام / هما مين دول و قالولك ايه
مازن / الناس قالولى ان الستات احسن ناس ينفع يشتغلوا فى المخابرات مفيش حاجه بتعدى من تحت مناخيرهم
مازن يعدى صابعه من تحت مناخير مرام تزق ايده
مرام / اوعى كدا انا بتكلم جد داحنا لسه مخلصناش اصلا من حوار الصبح انك تسبنى و تنزل لا عارفه روحت فين و لا بتعمل ايه
مازن / بالنسبه لانى عيان دا ميشفعليش فى التحقيق ده
مرام / امممم يشفعلك خلاص مش هسال
مازن / حبيبتى يا ناس
مرام / على الله يطمر
مازن / مش احنا متفقين ان لو الحاجه تخصك انا هقولك
مرام / ايوه
مازن / ايه بقى
مرام / فضول بطمن عليك يعنى
مازن يمسك ايدها يبوسها
مازن / انا كويس طول مالايدين الحلوه دى جنبى
مرام / ماشى وسع بقى خلينى اطلع الشاى اللى برد ده بدل معمتى تنفخنى
مازن / و انا هسكت انا محدش ينفخ مراتى غيرى
مرام / لا يا شيخ
مازن يوطى على بطنها
مازن / اه هنفخلك الكرش الصغنن ده
مرام تفتح بقها بدهشه و غضب
مرام / انا معنديش كرش
مازن / اشفطى اشفطى
مرام / وسع يا مازن بدل مكب الصينيه دى عليك اشويك
مازن / لا اوسع مجنونه و تعمليها اتفضلى
مازن يوسع السكه مرام تبصله و تدحك تطلع بره تلاقى سميحه و مديحه قاعدين بيتودودوا يسكتوا اول متخش
مرام / الشاى
مديحه / من يد ما نعدمها امال محمود اتاخر يعنى
سميحه / زمانهم جايين اقعد يا مازن
مازن يقعد الباب يخبط
سميحه / اهم جم
مرام تحط الطرحه و تقوم تفتح تلاقى محمود و شريف
مرام / يارب تكونوا خلصتوا اجتماعكوا السرى
شريف / اجتماع ايه انا كنت بقطع اخوكى فى الطاوله
محمود / انت بتقرص عالزهر
شريف / صح باماره لما خليتك ترميلى الزهر بنفسك باقى الدور
محمود / بعد ايه بعد مكنت تقريبا خلاص عديت و امنت نفسك
شريف / خلى عندك روح رياضيه اتهزم و انت مبتسم
محمود / لو بجد زى مبتقول قومت ليه و معدتش الدور خوفت تخسر
شريف / خوفت اقطعك دور تانى تقعد تعيط عالقهوه وسط الرجاله
محمود / مين ده اللى يعيط طب تصدق هنعيد الدور
مازن / خلاص يا رجاله فى ايه ايه يا حوده فين الروح الرياضيه و انت يا عم خف مكنش مطش كسبته مره من نفسك امال لو مكنتش زملكاوى
شريف / سنظل اوفياء
محمود / لا لو زملكاوى ليك حق يا عم تفرح داحنا قطعناكوا المطش اللى فات
شريف / قطعتوا مين يا عم دانتوا بتكسبوا بالتحكيم
مازن / يختاااااااااااى مش هنخلص النهرده قوم ياض خلينا نروح
مازن يقوم يشد شريف و سميحه و مديحه و مرام بيدحكوا
شريف / طب متعشيناش طيب
مازن / روح اتعشى فبيتكوا يلا تليفون يا مرام
مرام / ههههههههههههههههههههههههه ماشى ماشى الله يعينك
محمود يقعد و يشرب الشاى و سميحه و مديحه بيبصوا عليه
محمود / قال بنكسب بالتحكيم قال طب دا حتى الحكم لغيلنا جون ظلم
مرام /  مخلاص يا محمود انت صدقت و لا ايه شريف ملوش فى الكوره اصلا
محمود / بجد امال مازن ليه قال كدا
مرام / عشان باباه الله يرحمه كان زملكاوى
محمود / و مازن
مرام / مازن بيشجع نفسه و بطل يشجع من ساعه معتزل
محمود / ازاى يعنى
مرام / هههههههههههههههههه اصل مازن كان بيلعب كوره و هو صغير لحد ثانوى كدا و بعدين بطل بقولكوا ايه انا شبه مطبقه هدخل انام حبه
سميحه  / تصبحى على خير
مرام تدخل و اول متقفل الباب
مديحه / قول يا وله عملتوا ايه
سميحه / بس تسمع لما نروحوا شقتكوا ابقوا احكوا براحتكوا
مديحه / عندك حق قوم يواد احكيلى قوم
مديحه تزق محمود تقومه و سميحه قاعده تدحك
.........................
فى الشركه بعد فتره
شريف بيتكلم فى التليفون فيديو
صافى / لا طبعا رفضت هيفرق ايه موديلينج تركيا من موديلينج لندن
شريف / يمكن العائد المادى
صافى / لا انا رافضه المبدا انا عاوزه اخلص دراسه بقى عشان ارجع مصر
شريف / ايوه بقى
صافى / غريبه اوى الدنيا دى
شريف / ليه بقى
صافى / يعنى احلامنا بتتغير بسرعه امبارح تحلم بحاجه و النهرده تنساها و تحلم بغيرها و بكره تنسى الحلم الجديد و تحلم بحلم تانى
شريف / اسمه نضج كل ما بنكبر كل ما بنشوف ان احلامنا و طموحتنا بتتغير
صافى/ لا احلامنا اللى بتتحقق متاخر اوى بنكون خلاص سستمنا حياتنا منغيرها و بدانا فى حاجات جديده فلما بتيجى مبتكونش نفس اللهفه موجوده فاهمنى
شريف / نوعا ما بس دا مش فى كل الحاجات فى حاجات عمرها مبتتغير
صافى / زمان و انا صغيره كان اكبر حلم و ياما اتخانقت مع بابا عشان كان رافض
شريف / الله يرحمه
صافى / الله يرحمه كان نفسى اسافر تركيا ابدء موديلينج عشان الاقى طريقه ادخل بيها التمثيل و بابا الله يرحمه كان رافض نهائى حوار التمثيل ده
شريف / كان رافضه بالمبدا و لا فتركيا بس
صافى / هو انا مكنتش احلم اكون ممثله فى مصر اصلا كان طموحى الاول فى تركيا يعنى متزعلش بنت مراهقه و كدا و كان فارس احلامى شكله مختلف كتير عن دلوقت
شريف / لا يا شيخه و ايه كمان
صافى / قولتلك كنت مراهقه بقى
شريف / و ماله ياختى خلى التركى ينفعك شكلك بتاكلى مالعيون الملونه و الشعر الاصفر
صافى / مقولت كنت صغيره
شريف/ ايه يعنى كبرتى دلوقت
صافى / اكيد يعنى كبرت الكلام ده كان من يجى كتير
شريف / اه كدا معاكى حق كتير دى فتره زمنيه طويله جدا
صافى / اهو ده اللى انت فالح فيه تالس عليا و تمسكلى عالواحده
شريف / لا لو همسك بقى خلينا نمسك فى حته مفيده
صافى / استر يارب
شريف / بما انك كبرتى كدا و نضجتى و بقيتى عروسه حلوه
صافى / ايوه
شريف / مواصفات فتى احلامك كدا بقت عامله ازاى
صافى / امممم مينفعش احذف اجابتين
شريف / هههههههههههههههههههه لا ماينفعش و لا استعانه بصديق و لا اى حاجه و جاوبى قبل التلاتين ثانيه ميخلصوا 
صافى / بص هو انا كبرت لدرجه ان المواصفات الشكليه مبقتش تفرق معايا على قد مانا عوزاه راجل راجل بجد حاجه كدا زى بابا الله يرحمه حد يسمعنى حتى لو مواضيعى تافهه و ميتفهاش يشجعنى احقق طموحى حتى لو طموحى ده مكنش على هواه يبقى جنبى و يحمينى و يكون سند ليا راجل يعنى
شريف / لا شكلك كبرتى بجد
صافى / و انت بقى
شريف / انا عاوز واحده بنت حلال تحب امى و اخواتى و الاهم يحبوها و ترضي بظروفى و تقدر تعبى بس
صافى / طب هى و اهلك هيحبوا بعض طب و انت فين
شريف / لا مهو ان انا و هى نحب بعض دى مفروغ منها زى مبتقولو كدا باى ديفولت
صافى / و ايه كمان فى المواصفات
شريف / الباقى شكليات بس يا سلام لو تبقي حلوه كدا و دلوعه و يا سيدى لو رشيقه و كتكوته فنفسها كدا و مفتكرش انى وصلت من النضج انى اقول لا للانتاج التركى
صافى / ههههههههههههههههههههه
شريف / بس لازم تحت اى ظرف تفهم انى راجل شرقي
صافى / بس الرجاله الشرقيين سمعتهم وحشه
شريف / اشاعات مغرضه
صافى / يعنى بيقولوا ان الراجل الشرقي تحكماته كتير و طلباته اكتر
شريف / بصي هنا اختلفت الاقاويل
مازن يدخل
مازن / انت هنا و انا قالب عليك الشركه ... ايه ده هاى صافى
صافى / هاى مازن ...خلاص مش هعطلك اكتر من كدا نبقى نكمل كلامنا بعدين
شريف / لا استنى احنا واقفين عند نقطه مهمه جدا دى سمعه الراجل المصرى
مازن / ايه ده فى ايه
شريف / بتقول الراجل الشرقى تحكماته كتير
مازن / معاها حق
شريف/ انت بتقول ايه انت
مازن / ايوه الراجل الشرقى بيتحكم فى كل حاجه اللبسى ده اعملى ده و متعمليش ده متكلميش ده متدحكيش بصوت عالى امشى عدل مفيش خروج بعد الساعه كذا  ايوه تقريبا الراجل الشرقى بيحط قيود و حدود لكل حاجه بس ليه بقى
شريف / فهمتك ايوه قولها ليه بقى
مازن / عشان يحميكى عشان بيحبك و بيغير عليكى و دمه حامى مش هيرفع الاريال و فى راجل تانى بيبصلك مثلا او بيدحك معاكى فالتحكمات دى فاغلبها بتكون لمصلحتك
صافى / فى اغلبها مش كلها
مازن / اصلى لازم اكون محايد و اقول انهم احيانا بيبالغوا برده بس غالبا بتكون فى مصلحتك بس لعلمك انتى لو بتحبى الراجل الشرقى ده بالتحديد مش هتحسى انها تحكمات بالعكس غالبا برده هتلاقى نفسك بتعملى الحاجات دى سيستماتيك منغير متحسى باى مشكله بالعكس هتلاقى نفسك بتعمليها منغير ميطلبها او حتى يلفت انتباهك ليها بمجرد متبصى فى عينيه و تفهمى ان الموقف ده دايقه او كدا يعنى
صافى / طب و طلباته الكتير
مازن / مانتوا طلبتكوا مبتخلصش ياختى جت على كبايه الشاى بتاعتنا اللى تعبتك
شريف / هههههههههههههههههههههه اعصابك يا مازن ... اصلا انتى لو بتحبيه مش هتحسى ان دى طلبات بالعكس انتى بنفسك هتبقى عاوزه تقدميله اكتر عشان تسعديه
مازن / استاذ والله يا شيكو
صافى / يا سلام مهو كمان اكيد لازم يقدملى
مازن / مطبعا هيقدملك لو طلبتى لبن العصفور حتى
شريف / معلش يا مازن عشان نخعه لبن العصفور دى دمرت اجيال
مازن / للدرجادى
شريف / امال انت فاكر ايه ... بصى طالما فى حدود امكانياته هيقدملك عينيه حتى المهم انتى بس تقدرى
صافى / طب و الخيانه
مازن / الراجل راجل اى كانت جنسيته فى الحته دى مبتفرقش كلنا عينا زايغه
صافى / فينك يا مرام تسمعى الاعتراف الخطير ده
مازن /انتى هتقطعى الجمله من سياقها انا مكملتش
شريف / سياقها ايه انت عكيت اصلا
مازن / حتى انت ماشى المهم اللى اقصده اننا عينا زايغه طول ماحنا بنحب مبنشوفش غير اللى بنحبها
شريف / يابنى الفكره فى ربنا اى واحد بيتقى ربنا مش هيخون لانه مش بيخونك انتى دا بيخون ربنا و ربنا هيعاقبه
صافى / و التعدد هنا ربنا مش هيعاقبه
شريف /  لا هيعاقبه طبعا لو معدلش بنكوا ربنا هيعاقبه و عقاب شديد جدا كمان
صافى / و ليه من اساسه
شريف / دى حاجه ربنا حللها مش هنقول فيها ليه و مهما اختلفوا فى الاسباب فالظروف بتختلف و بعدين تعدد ايه ياختى احنا قادرين نفتح بيت لما نفتح اتنين خلينى ساكت
صافى / ههههههههههههههههههههه
مازن / يعنى لو معاك تفتح
شريف / انا هفتح دماغك دلوقت
صافى / جاوب
شريف / الموضوع ده شائك جدا الموضوع مش فلوس بس هل انا قادر على الفتح مش انى اصرف بس الفكره انى اكفى الاتنين ماديا و عاطفيا و كل حاجه تانيه هل انا قادر على ده هل انا قد الخطوه و المسؤليه دى و لا لا و بعدين على المستوى الشخصى يعنى عشان ننهى الموضوع ده احنا معندناش تعدد انا لو عرضت الفكره على امى بس مجرد عرض ممكن اللم هدومى من عالسلم لو متبرعتش بيهم للغلابه استخسارا فيا
صافى / ههههههههههههههههههه
مازن / طب الحمد لله انقذنا سمعه الراجل المصرى و لا ايه نظامه
صافى / هههههههههههههههههههه اه الحمد لله
مازن / طب انا هستاذنك فى شريف عشان فى اجتماع هيبدا كمان عشر دقايق و منغيره انتى عارفه اخوكى لايص
صافى / ربنا يخليكوا لبعض مع السلامه
شريف / سلام
شريف يقفل
شريف / قفلت يا هادم اللذات و مفرق الجماعات اؤمر
مازن / بقى كدا ماشى حقك يلا قدامى عالميتينج روم
شريف / اتفضل
........................
بعد فتره فى شقه مرام
مرام بتكلم مازن فى التليفون
مرام / مش مصدقه ان الاجازه خلصت بالسرعه دى
مازن / واضح انك كنتى فى اجازه تانيه خالص عشان دى اطول اجازه عدت عليا انا كنت بدعى ربنا كل يوم انها تخلص من كتر الملل اللى فيها
مرام / ملل ايه حرام عليك طب دا كان فيها كميه احداث
مازن / كلهم اى كلام الحدث الاساسى مش موجود موجود فى الاجازه الجايه
مرام / ههههههههههههههههههه معلش حقك عليا
مازن / عقبال الترم ده ميتنيل يخلص هو كمان اما نشوف هندخل و لا مش هندخل فى ام الجوازه دى تعرفى
مرام / ايه
مازن / انا حاسس انى نحس
مرام / هههههههههههههههههه يا عم حرام عليك
مازن / لا بجد انا حاسس انى حتى لما نروح من الفرح و يتقفل علينا باب واحد هيحصل اى حاجه و الموضوع يبوظ برده
..............................