السكه شمال بقلم / لولو_محمد ( كامله )

الحلقه ١٨٠

(((((((السكة شمال))))
#لولو_محمد
الحلقه 180
فى الفيلا عند زياد
زياد يطلع من الحمام لابس البرنص و بينشف شعره بفوطه يلاقى لبنى واقفه فاتحه الدولاب و بتقلب فيه يروح يحضنها من ضهرها
زياد / بتعملى ايه عندك
لبنى / بطلعلك بجامه تلبسها
زياد يلفها ليه
زياد / وحشتينى اوى
............................................
لبنى / وسع كدا
زياد / حرام عليكى دانا بتقطع
لبنى / انا مخنوقه اوى يا زياد مخنوقه و مليش حد غيرك
زياد / من ايه بس يا قلبى مالك
لبنى / معرفش بس مرام حرقت دمى اوى ... بجد كلامها ضايفنى
زياد / هى قالتلك ايه البت النكد دى انا مش فاهم اصلا مازن شايف فيها ايه و بعدين هانت منه لله احمد الكلب كان زمانا خلصنا منها للابد اعمل فيه ايه بس
لبنى / زياد عشان خاطرى انا مش قادره استحمل البنت دى اكتر من كدا بجد مش قادره
زياد / طب و اتفاقنا و مهرك
لبنى / مش عاوزه غير انها تخرج من حياتنا مش عاوزه غير انها تغور فى ستين داهيه تاخدها شوفت كانت بتبصلى ازاى شوفت
زياد / اللى تشوفيه
لبنى / انا عمرى مكرهت حد كدا عمرى مفى حد اتعامل معايا كدا
زياد / اعصابك دا من غيرتها منك
لبنى / حتى مازن انت مشوفتش كان بيبصلى ازاى كان شمتان فيا انت ليه خلتنى اقلع الحجاب
زياد / انا محصلش قرار قلع الحجاب كان قرارك زى مكان لبسه قرارك انا بس ممنعتكيش
لبنى / انت اللى جبتلى الفستان انت اللى قولتلى اللبسيه
زياد / محصلش
لبنى / لا حصل الكارت انت كاتب فى الكارت
زياد / ايوه انا جبته بس كنت عاوزك تلبسيهولى كنت عاوز اشوفه عليكى تتحجبى منهم براحتك بس انا لا انتى بتاعتى و مش قادر يكون بنا حجاب
لبنى / يعنى انت مكنتش تقصد
زياد / لا و لو عاوزه تلبسى الحجاب تانى
لبنى / اكيد لا طبعا هو لعبه و لا ايه و بعدين كدا احسن بكتير دانا كنت مخنوقه جواه اوى
زياد / اهم حاجه راحتك
لبنى / تصدقنى لو قولتلك انى مش عارفه راحتى فين عماله ادور عليها مش لقياها
زياد / انا عاوز اقولك حاجه بس خايف تزعلى منى
لبنى / مش هزعل انا عمرى مهزعل منك انت الوحيد اللى فضلت جنبى لما كل الناس ادونى ضهرهم حتى مامى و مازن و كلهم انت اللى فضلت جنبى
زياد / عشان بحبك
لبنى / بس انا مبحبكش ... على الاقل مش نفس الحب انت فاهم انا عاوزه اقول ايه
زياد / مش مهم انا مش مستعجل مع الوقت هتحبينى هتتاكدى ان ملكيش فى الدنيا غيرى هتتاكدى ان مفيش حد حبك قدى و لا حتى اهلك هتحبينى و هتحبينى اكتر مما انا بحبك كمان و هتشوفى
لبنى / كنت عاوز تقول ايه
زياد / بصراحه الحجاب مكنش لايق عليكى ... كنتى حلوه انتى اصلا حلوه فكل حاجه انتى اللى حليتي الحجاب بس انا اقصد انه مكنش لايق مع روحك المتمرده انا كنت عارف انك هتقلعيه هتقلعيه و كنت متوقع انك هترجعى من باريس قلعاه بس انتى مرضيتيش تروحى انا مكنتش عارف هتقلعيه امتى بس كنت عارف انك هتقعليه عشان كدا مرضيتش اضغط عليكى فى اى حاجه و صدقينى الفستان ده كان مجرد صدفه زى مقولتلك كنت عاوزك تلبسيهولى انا
لبنى / انت مبتغيرش عليا
زياد / بغير طبعا دانا مبستحملش عليكى الهوا
لبنى / ازاى ... ازاى بتحبنى و مبتغيرش ان حد غيرك يشوفنى لابسه حاجه زى دى ان حد غيرك يهزر معايا دا مازن اتجنن لما شادى لمس مرام بس مع انها عادى و ياما عملناها هو نفسه ياما عملها فى بنات كتير
زياد / عشان انا مش عيل صغير انا بثق فيكى و بثق فى نفسي و بعدين اللى مازن بيعمله ده ما يفرقش عن اى عيل صغير كان بيشترى الشيبسي او الشيكولاته بس عشان يفتحها و يشوف الهديه اللى جواها و يلعب بيها شويه و بعدين يرميها لكن لو حد قرب منك لو فكر بس يلمسك هدفنه حى هخليه يبوس رجلى عشان اقتله و برده مش هرحمه
لبنى تبص لزياد
زياد / مفيش مخلوق لا حبك و لا هيحبك قدى و لا حتى امك اللى ولدتك
لبنى تبص لزياد و عنيها كلها دموع ياخدها فى حضنه
زياد / بكره لما تشوفى انا هعملك ايه فمرام دى هتعرفي قد ايه انا بحبك هتصدقينى ساعتها انى مبستحملش اشوف حد مدايقك
لبنى / برده مش هتقولى هتعمل ايه
زياد / هقولك
…………………….