السكه شمال بقلم / لولو_محمد ( كامله )

الحلقه ١٠٩

(((((((((((((((((((((((السكة شمال ))))))))))))
#لولو_محمد
الحلقه مئه و تسعه
مرام / صحيح مين حبيبك ده
مازن / الدهبى
مرام / اوووف الله يحرقه
مازن / انسيه خلاص خالو رباه خلاه صفى كل شغله فمصر و سافر بره
مرام / احسن خلى البلد تنضف
مازن / على رايك
مرام / هتخطفنى فين بقى
............................
مازن / لو عليا كنت خطفتك فجزيره لوحدنا محدش يقدر يزعجنا فيها بس اعمل ايه مجبر اخاك لا بطل
مرام / هههههههههههههههههههه
مازن / مش كان نفسك تقضى يوم من بتوعى
مرام / قضيت و الله يعينك عالقرف اللى بتشوفه دانت كنت بتشقى يابنى
مازن / هههههههههههههههههه دانتى قلبك اسود اوى مخلاص بقى
مرام / خلاص طبعا
مازن / عاملين كاريوكى بارتى فى الفيلا عند زياد تحبى نروح
مرام / مش عارفه دا اللى هو بنغنى فيه ده
مازن / اه هو
مرام / و انت هتغنى
مازن / ههههههههههههههههههههه لا انا بغنيلك انتى بس متقلقيش
مرام / اه بحسب يعنى انا مراتك استحملك نصيبى اعمل ايه لكن الناس ذنبها ايه
مازن / هههههههههههههههههه للدرجادى خلاص يا ستى غنى انتى
مرام / انا لا عمرى انكسف و بعدين انا مبحفظش اغانى
مازن / وصلنا الحمد لله
مرام / صافى ؟؟ بنعمل ايه هنا
مازن يطلع الموبايل و يرن صافى تطلع مالمحل و تركب
مرام / صافى ازيك
صافى / عندى ليكوا خبر بمليون جنيه
مرام / اتقبلتى
صافى / ايوه
مرام / مبروك فرحتلك اوى
مازن / لا كدا نحتفل بزمه بقى
صافى / ميرسى بجد انا فرحانه جدا
مازن / انتى تستاهلى اصلا
صافى / ميرسى بجد مش عارفه اقولك ايه منغيرك اكيد مكنتش هقدر
مازن / بتهزرى صح المهم جبتى الحاجه
صافى / كل حاجه جاهزه
مرام / فى ايه
مازن / مفاجاه و اوعى تقولى حاجه يا صافى
صافى تعمل انها بتقفل بقها بالسوسته و مازن يسوق
..........................
فى الشركه
شاب / دى حسابات السنه اللى فاتت كلها زى محضرتك طلبت
محمود / شكرا
الشاب / لو حضرتك احتجت اى حاجه
محمود / اكيد طبعا
الشاب / عن اذنك
الشاب يطلع شريف يدخل
شريف / اهلا بالرجاله
سعد / ازيك يا شريف
شريف / الحمد لله داخلين حاميين اوى يعنى قالولى انكوا طلبتوا تراجعوا الحسابات
محمود / انا قولت نقضى اليوم نحاول نفهم الشغل بيمشى ازاى يعنى و كدا
شريف / فكره كويسه بس انا مكنتش اعرف انك هتبدا السلم من تحت اوى كدا على العموم خد راحتك لو عزت اى حاجه كلمنى
محمود / اكيد
شريف / عن اذنكوا
شريف يمشى
سعد / و احنا المفروض بقى هنخلص كل الشغل ده النهرده
محمود/ احنا لازم نقلب الشركه دى حته حته كل ملف كل ورقه انا متاكد اننا هنلاقى حاجه هنا و لا هنا
سعد / يابنى ارحمنى و لما تلاقى هتعمل ايه متبقاش فقرى بقى
محمود / بتتكلم زى امى
سعد / عشان معاها حق انت مشوفتش المرتب اللى فالعقد
محمود / شوفته بيزغللوا عنينا بيشترونا
سعد / ياعم اول مره حد يقدرنا متحمد ربنا بقى و لعلمك انا حاسس اننا مش هنلاقى حاجه
محمود / حاسس اننا مش هنلاقى و لا مش عاوز تلاقى
سعد / الاتنين عشان لو لقينا انا عارف هتعمل ايه هتضيع مننا اللقمه
محمود / هى مرام دى مش زى اختك ياله
سعد / ياعم و هى مرام اشتكتلك دا البت من كتر السعاده اللى هى عايشه فيها ملامحها اتغيرت
محمود / اشتغل و انت ساكت
سعد / حاضر على الله تهدى
........................
فى سبا
مرام لفه شعرها و لابسه برنص و عماله تلعب فى ايديها
صافى / هههههههههههههههه شكلك اول مره تيجى مكان زى ده
مرام / بصراحه اه بصى نعمت ازاى
صافى / هى كانت نعمت اصلا
مرام / لا برده
صافى / تعرفى المكان ده احلى مكان فمصر حرفيا بتنسى نفسك و الدنيا كلها و تعيشى لنفسك و لجمالك مين فينا مبتحبش تبقى حلوه
مرام / اصلا الجو و المزيكا الهاديه و الريحه الحلوه مخليانى ... مش عارفه بيقولوا ايه بس فعلا معاكى حق بتنسى نفسك
صافى / لا و لسه النهرده بس عشان مستعجلين مش هنعيش كل حاجه بس هنيجى فيوم تانى بقى نعمل داى يوز يوم من اوله
مرام / وعد ؟؟
صافى / وعد هو انا دافعه حاجه ربنا يخليلنا مازن
مرام / امين
صافى / هههههههههههههههههههه ايه ده مش هتغيرى
مرام / مش منك
صافى / الحمد لله
مرام / صحيح ايه اخبار شريف
صافى / اخباره من حيث ايه
مرام / يعنى مبتتكلموش اصلى مشوفتوش بقالى فتره
صافى / هيجى النهرده الحفله
مرام / كويس شريف اصلا شاب لطيف اوى
صافى / يعنى
مرام / يعنى ؟؟
صافى / ههههههههههههههه اه و على فكره انا فاهمه انتى عاوزه تقولى ايه و لا انا و شريف جست فريندز
مرام / ههههههههههههههههههه
صافى / مفتكرش ان لسه فى حد مكلمنيش فى الموضوع ده
مرام / و ليه لا
صافى / شريف شاب كويس بس لانا و لا هو لايقين على بعض احنا مختلفين خالص دا غير ان لانا و لا هو جاهزين لاى نوع من انواع العلاقات
مرام / و ليه ميكونش ده طريقه تخرجوا بيها من اى تجربه وحشه عشتوها
صافى / الموضوع مش بالبساطه دى
مرام / انتى اللى معقده الموضوع
صافى ملامحها تتغير و يظهر عليها الحزن مرام تمسك ايدها
مرام / تعرفى انا عمرى محلمت انى اعيش العيشه دى كنت برهق نفسى فى الشغل و المزاكره عشان مديش فرصه لخيالى المراهق و لا لمشاعرى انها تسيطر عليا و مش هكدب عليكى يعنى مازن عنده حاجه كدا كانت بتشدنى و كنت بعمل كل اللى اقدر عليه عشان ابعد عنه لكن النصيب بقى على راى مازن كل مكل منحاول نبعد بنقرب اكتر انتى كمان خليكى واثقه ان ربنا هيعوضك و هيديكى حاجه عمرك محلمتى بيها
صافى / ربنا يهنيكوا ببعض بس لانا و لا شريف هنقدر نسعد بعض كل واحد فينا محتاج حد يسنده و احنا الاتنين مكسورين من جوه حتى لو مش بيبان علينا شريف بيدحك من بره بس من جواه مش كدا خالص عنيه كلها وجع و قهره
مرام / بس شريف قوى و هيقدر يعدى المرحله دى
صافى / ازاى و كل اللى حواليه بيفكروه بيها كلنا كنا موجودين كلنا شفناه و هو مكسور انا عمرى مهنسى اليوم ده وقته احتقرته اوى بصتله من فوق لتحت و ادتله ضهرى لحد مجه عليا اليوم اللى الدنيا كلها ادتنى فيه ضهرها يومها بس فهمت ليه شريف عمل كدا ليه كان ساكت طبعا انتى مش فاهمه انا بتكلم عن ايه
مرام / للاسف فاهمه
صافى تبتسم
صافى / زمان انا كنت برينسيس بقضى يومى فالشوبينج و السبا و الحب بحط راسى عالمخده و انا واثقه و متاكده ان بكره احلى عمرى مدخلت محل و بصيت عالسعر لانى كنت واثقه ان حسابى فى البنك يغطى كنت حرفيا اسعد بنت فالوجود لحد مفاجاه ماى دريم كاسل اتهدت فوق دماغى و صحيت مالنوم لقيتنى عايشه فشقه مساحتها اصغر من اوضتى فى بيتنا والدى متوفى و خطيبى سايبنى بمكالمه تليفون منغير حتى ميكلف نفسه و يكلمنى وش لوش صافى مفيش نصيب خدى بالك من نفسك صحابى اللى كنا طول الوقت سوا لو افتكروا و كلمونى هههههههههه قصدى لو نسيو و كلمونى بالغلط مبقدرش اخرج معاهم لانى معييش احاسب و مش هسمح للى كنت طول عمرى بعزمهم يدفعولى بعت فستان فرحى و نزلت بتمنه اشترى قماش و افصل اول فستان بعته خدت تمنه و قعدت اعيط
مرام / ليه المفروض كنتى تفرحى انتى قدرتى تقفى على رجلك لوحدك و ابتديتى كاريرك الخاص المفروض كنتى تفرحى
صافى / عشان انا عمرى مكان ده حلمى يا مرام عمرى مفكرت انى بدل مكنت ادخل اتيليه و انقى و اللبس و اقيس هقف اتفرج عليهم و ابيعلهم عمرى مبصيت للبياعه و لا خدت بالى من شكلها عمرى متخيلت انى ممكن اكون مكانها طبعا فى الاول كل حاجه كانت عندى فالبيت زى الخياطه فى الافلام زمان عمرى مهنسى وقفه مازن جنبى كان بيسوقلى شغلى و اى حاجه تقعد عندى اكتر من شهر كان بيشتريها و يهادى بيها اى واحده من صحباته و كان بيجبلى زباين
مرام / و الحمد لله دلوقت بقيتى مشهوره و عندك الاتيليه بتاعك اللى على فكره اسعاره غاليه جدا و عمرى مكنت افكر انى ادخله او اللبس منه زمان
صافى / هههههههههههههههه
مرام / لا حقيقى انا كان ممكن احوش شهرين تلاته عشان اشترى بلوزه من عندك صحيح انا متعوده عالعيشه دى لكن انتى لا بس برده انتى فنعمه كبيره اوى و بعدين على فكره بقى انتى ربنا بيحبك
صافى تبتسم
مرام / لا حقيقى تخيلى لو كان كل ده حصل بعد متجوزتى تفتكرى ننوس عين مامته كان هيعمل ايه دانتى ربنا نجدك
صافى / عارفه بس تفتكرى سهل عليا اشوف الانسان الوحيد اللى حبيته و هو فحضن واحده غيرى
مرام تمسك ايدها
صافى / لما يسيب اتيليهات الدنيا كلها و يجيبها عندى عشان ينقيلها فستان عشان بعد مكان بياخدنى انا يجبلى بقى بيشترى لغيرى منى لما تلاقيه بيديكى الكريدت كارد و هو بيبوس ايدها عشان يتاكد انها مبسوطه و مش عاوزه حاجه تانى كانك مكنتيش فحياته و لا لما تقف و تمسك الهدوم بمنتهى القرف و تقول ايه ده و انتى لازم تسكتى عشان متبينيش انك غيرانه و انك هتموتى مالوجع و هو حاطت ايده حواليها
صافى دموعها تنزل و مرام تمسحهالها
صافى / مين هينسى مين همه انا و لا هو
مرام / انتوا الاتنين مش خساره العنين الحلوه الملونه دى تعيط
صافى تدحك
مرام / يلا غار فداهيه اللى ميقدرش واحده فجمالك و شخصيتك و روحك الحلوه يروح فداهيه تاخده هتلاقيه واخدله واحده من بتوع بابى و مامى
صافى / انا من بتوع بابى و مامى
مرام / لا مقصدش انا اقصد يعنى بت محنتفه كدا من اللى بتمشى عالموضه
صافى / انا بمشى عالموضه
مرام / بطلى رخامه بقى انتى فاهمه انا عاوزه اقول ايه
صافى / هههههههههههههههههههههه انتى عسل اوى يا مرام له حق مازن يحبك
مرام / و انتى كمان بكره هتلاقى اللى يحبك و يقدرك و يعرف قيمتك
صافى تبص باستهزاء
مرام / هتشوفى هو انا مش هغسل شعرى مالبتاع ده و لا ايه
..................................
فى الحفله بالليل
مازن بيركن العربيه قدام الفيلا
مازن / المهم انبسطتى دى اهم حاجه
مرام /جدا  و عملت ايدى كمان بصراحه شعرى محستش بفرق اوى انا اصلا كنت بهتم بيه اوى بس ايدى حسيت انها فرقت جدا مكنتش متخيله انى هحس بالفرق ده من اول مره حتى شوف
مازن يمسك ايد مرام و يبوسها تبتسم
مرام / حسيت بفرق
مازن / مبتبانش من اول مره
مرام / هههههههههههههههههه بطل بقى
مرام تسحب ايدها من مازن و تنزل تلاقى لبنى واقفه بعيد باصه عليهم تروحلهم تسلم عليهم
لبنى / اتاخرتى كدا ليه دانا فقدت الامل تيجى
مرام / والله لو عليا مكنتش جيت يعنى اقصد عالجريمه اللى هتحصل فحق البشريه دلوقت
مازن / كدا طب ايه رايك انك هتغنى معايا
مرام / ههههههههههههههههههه انسى
مازن / ايه واقفه بره ليه يا لبنى
لبنى / هكون واقفه ليه انس بينشز جوه
عربيه شريف تركن و ينزل شريف و صافى
مازن / مقولتلك تيجى معانا بدل مانتى تاعبه الواد و مشحطتاه كدا
مرام تبتسم لصافى
شريف / على قلبى زى العسل خليك فحالك انت
مازن / حقك تتنطت علينا حقك منوره يا صافى
صافى / خف
مازن / لا دى بتتحمقلك كمان ماشى ماشى
مرام / قالتلك خف
مازن / كلكوا عليا يعنى بس ياترى مراتى حبيبتى اتحمقت لصحبتها و لا لصاحبى
صافى / اخص عليك معدتش صحبتك يعنى
مرام / للاتنين
مازن / مسكين يا ميزو محدش بيتحمقلك
مرام / يابنى هو فى حد بيقدر عليك
مازن / فضل و نعمه متنقيش عليا لاتحسد حتى دى مبتعتقوهاش ايه ده يا اخى يلا يلا
الكل يدخل و انس بيغنى
انس / قصاد عينى .. فكل مكااااان
مازن / باااااس ايه ياعم ده
انس / ميزو اخيرا
مازن / عاملين ايه شباب
زياد / صوتنا اتنبح يا بتوع الليل و اخره انتوا
مرام / معلش انا اخرته على مجهوت
زياد / لا كدا براحته طبعا ينهار ابيض
مرام / شكرا
مازن / طب ايه مش هغنى و لا ايه
مرام / احنا لسه واصلين خلينا نقعد مع الناس شويه و بعدين نطفشهم تمام حبيبى
مازن / هى بقت كدا ماشى
زياد / مزاجك رايق يعنى
مازن / و ميروقش ليه احمد الدهبى ودع مصر باي باى و خلصنا امتحانات و خدنا الاجازه و معايا مراتى حبيبتى
مرام تبتسم
مازن / و اخويا حبيبى و صحابى كلهم حواليا طب والله لو طلبت اكتر من كدا ابقى طماع
زياد / ربنا يزيدك بقولك ايه عاوزك خمسه هسرقه منك معلش
مرام / خد راحتك
مرام تروح تقعد جنب صافى و شريف كانوا بيتودودوا
مرام / ممكن اقعد
صافى / اكيد تعالى
شريف / سمعت انكوا عملتوا عمره يعنى
صافى / دكتور و رئيس قسم الفصلان حقيقى فظيع
مرام / حرام عليكى والله دمه خفيف
شريف / معلش اصل لسه بقولها راحت فلوسك يا صابر مش باين عليكوا اى حاجه يعنى
صافى / نورمال حبيبى شريف عارف ليه لاننا اولردى حلوين فمهما هيعملوا مش هيفرق اوى
شريف / و مدام انتى عارفه ده بتعملوها ليه و لا هى فلوس حرام يعنى
مرام / هههههههههههههههههههه انت مشكله
صافى / والله معاكى حق يابنى احنا مش بنحاول نكون احلى مفيش حاجه هتخليك احلى غير السيرجيرى لكن ده فور فن عشان نحافظ على البشره للدلع
مرام / الحق يتقال يا شريف الناس دول غيروا مفهوم الدلع خالص
صافى / يا قلبى عشان اول مره بس
مرام / لا بس اكيد مش الاخيره
شريف / كنت عارف انها هتفسد اخلاقك كنت متاكد و بكره تلبسى جيمي شو و تتنطتى علينا
صافى / لا يا شيخ و انا بتنطت عليك بقى
شريف / تنكرى
صافى / اوفكورس هنكر
شريف / اوفكورس و هنكر الاتنين ازاى يعنى
مرام / تصدقوا ان نشاز مازن ارحم بكتير مالصداع بتاعكوا ده انا هقوم اشوف مازن فين
صافى / يا بنتى استنى
مرام تقوم
شريف / سيبيها
صافى / اخبارك ايه شيماء عجبتها البلوزه
شريف / جدا و بتشكرك اوى
صافى / على ايه دى زى اختى و بعدين انا قولتلك تجيبها تنقى
شريف / تنقى ايه انتى عاوزه تخربى بيتى
صافى / خلاص خلاص براحتك على العموم انا اصلا بفكر انزل كولكشن جديده سعرها يكون مناسب اكتر لمستويات تانيه يعنى من باب الفارايتى
شريف / من باب ايه
صافى / باب اللوء عن اذنك
صافى تقوم و شريف يحط رجل على رجل و هو بيدحك
..............................
فى المكتب
زياد / و ليه لا
مازن / عشان لا هى و لا تيته هيوافقوا يا زياد
زياد / امال هتسيبها لوحدها هناك
مازن / مهياش لوحدها معاها جيرانها و صحابها
زياد / جيران ايه توفيق و الصيع بتوعه انت هتستنى لما يتهجموا عليها تانى
مازن / طب يبقى
زياد / انت لسه هتعمل هو انت تسيب باب الخزنه مفتوح و بعدين تدور عالحرامى لما يسرق متفوق يا مازن مراتك تحت عينك
مازن / معرفش يا زياد قولتلك مش هتوافق
مرام تخبط و تدخل
مرام / ممكن اجى
زياد / طب والله جيتي فوقتك تعالى احضرينا
مرام / خير
زياد / انتى صحيح رافضه تيجى تقعدى معانا هنا
مرام / والله يا زياد انا لا وافقت و لا رفضت انا اصلا كنت فاكره ان الموضوع منتهى و اننا هنتجوز فى فيلا خالو صفوت معرفش هو فى جديد و لا ايه يا مازن
مازن / زياد بيتكلم عن الاسبوعين اللى تيته هتسافرهم
زياد / احنا وضبنالك الاوضه اللى جنب مازن اللى غيرتى فيها هدومك المره اللى فاتت عشان انا عارف انك مش هترضى تقعدى مع مازن فى الاوضه مع انى مش فاهم ليه بصراحه انتوا مش كتبتوا الكتاب
مرام / مش الفكره هو الموضوع ان تيته نفسها مش هتوافق اجى هنا و لا انا هبقى مرتاحه يعنى انا واخده على بيتى اكتر
زياد / انتى بتتكلمى جد مش هترتاحى هنا ازاى مدا بيتك برده متقول حاجه يا مازن و بعدين معلش لا متقولش حاجه استنى تيته هتبقى مطمنه عليكى يعنى و انتى لوحدك اذا كنت انا قلقان عليكى من دلوقت
مرام / معرفش يا زياد بجد مش عارفه بس صدقنى انا مش هبقى لوحدى ممحمود هيبقى موجود و امل و طنط امينه و الجيران
زياد / اقنعتينى محمود جارك فعلا امان عن جوزك خصوصا يعنى بعد مخدله مطوه من توفيق عشانك منطقى جدا عن اذنكوا
زياد يمشى
مرام / لا طبعا انا مكنش قصدى اللى هوه قاله خالص انا قصدى
مازن / انا فاهمك و ده الاهم و انا كمان متاكد ان وجودك هنا مش هيريحك
مرام / الحمد لله ان فى حد حاسس بيا
مازن / طب مش هنغنى بقى
مرام / طب انا مراتك و استحملك الناس دى ذنبها ايه
مازن / ذنبك ايه ذنبك بحبك هو بعد الحب ذنب علشانه اموت انا
مرام / هههههههههههههههههههههه
............................
فى شقه مرام
محمود / يعنى ايه مجتش لحد دلوقت
سميحه / لا جت و مشيت جت غيرت هدومها و مشيت راحت مع مازن حفله كاريوكى باين عندهم فى الفيلا
محمود / الساعه اتناشر على فكره يا تيته لو مش واخده بالك
سميحه / مانا قولتلك كلمتهم و جايين فى السكه و بعدين مهى مع جوزها يعنى
محمود /صح معاكى حق عن اذنك
محمود يطلع مالشقه يلاقى مرام و مازن طالعين عالسلم مسخسخين مالدحك
مرام / و لا صافى و هى ساده ودانها بصراحه حقها
مازن / هى الشجره المثمره كدا دايما بيحدفوها بالطوب يا اعداء النجاح
مرام / ههههههههههههههههههه لا فعلا مثمره مثمره اوى هههههههههههههههههههه
محمود / مبدرى
.............................