(((((السكة شمال ))))
#لولو_محمد
الحلقه 191
قدام بيت على
سعيد ينزل مالبيت بيصفر و عمال يلف ميداليه المفاتيح على صباعه يجى يفتح عربيته حد يكممه من ورا و هو بيقوم و يحطوه فى عربيه تانيه و العربيه تطير بيه
...........................
فى شقه على
جرس الباب يضرب كريم يفتح يلاقى نورا غرقانه ميه
نورا / السلام عليكم
ماجده / خشى غيرى هدومك و انا هدفيلك الاكل و اجيبهولك و نتكلم سوا كلمتين
نورا تهز راسها و تدخل الاوضه اسراء تنفخ ماجده تدخل
ماجده / هتنامى معايا النهرده يا اسراء لمى حاجتك و انقلى اوضتى
اسراء / كنت ناويه اعمل كدا اصلا
اسراء تلم حاجتها و تمشى و ماجده تقفل الباب و نورا وقفه بتتنفض من البرد
.............
فى مخزن
سعيد مربوط فى كرسى و فى واحد بدى بيلدينج بيضربه شريف يدخل
شريف / كفايا
شريف يشد كرسى و يقعد قدام سعيد
شريف / مساء الخير يا سعيد عامل ايه
سعيد يبصله بالعافيه
شريف / عطشان
سعيد يهز راسه اه
شريف يشاور براصه للراجل اللى واقف يروح يجيب جردل و يكبه فوش سعيد سعيد يصرخ و يتنفض
شريف / جايبنهالك سقعه معلش عشان تنعشك و تصحصحلى
سعيد / انت مين و عاوز منى ايه
شريف / انا اللى بربى الكلاب اللى زيك و بخليهم يبطلوا لعب ببنات الناس
سعيد / انت بتتكلم عن مين
شريف / هما كام وحده
سعيد / لخص و هات مالاخر
شريف يشاور للراجل ينزل فيه ضرب
شريف / كفايا
سعيد يصرخ
سعيد / انت عاوز منى ايه
شريف / وطى صوتك ياله
سعيد / ابويا مش هيسيبك انا هجيبك لو فى اخر بلاد المسلمين هجيبك
شريف يبتسم الراجل يضربه
سعيد / الله انت عاوز منى ايه
شريف / انا هسال و انت ترد جاوبت روحت مجاوبتش انا موراييش حاجه ادينا قاعدين تمام
سعيد / اسال
شريف يشاور للراجل يشغل كاميره و يركزها على وش سعيد بس
سعيد / هو فى ايه
شريف / من واحد لعشره فى الوساخه قيم نفسك
سعيد / ايه ده
الراجل يقفل الكاميره و يضرب سعيد بوكس
شريف / من الاول
سعيد يتف دم فى الارض الراجل يفتح الكاميره تانى
شريف / سمعت السؤال و لا اسال تانى
سعيد / واحد
شريف ينفخ الراجل يقفل الكاميره و يضربه تانى
سعيد / انت عاوز ايه الله عاوز ايه انت تعرفنى بتعمل معايا كدا ليه
شريف / من واحد لعشره تدى لنفسك كام
سعيد / انت سايب كل الزباله اللى فى الشوارع و جاى تسالنى انا
شريف / محدش قالك تقرب من واحده تخصنى
سعيد / مين
شريف / هما كام واحده
سعيد / معرفش
شريف ينفخ الراجل يضربه يقع بالكرسى فى الارض الراجل يعدله
سعيد / معرفش انا معرفش هما كام انا عرفت بنات كتير انت بتتكلم عن انهى واحده
شريف / قولتلك انا فاضى فبالراحه كدا تحكيلى عنهم واحده واحده كل واحده اسمها و عملت معاها ايه من اول منزلت من بطن الست الوالده ربنا يسامحها لحد دلوقت تمام
سعيد يبصله الراجل يضربه
شريف / انت استحليت الضرب يابنى بقولك تمام
سعيد / تمام تمام تمااااام
شريف / افتح الكاميره يابنى خلينا نسمع
..........................
فى شقه على
نورا غيرت هدومها الباب يخبط تروح تفتح تلاقى كريم
كريم / انا لما كنت بتكلم معاكى كنت بحاول اقولك انى فصفك و بنبهك عشان تاخدى بالك مش عشان تجرى و تكبرى الموضوع
نورا / انا مش زعلانه
كريم / انا اللى زعلان لما نبان قدام على اننا مطفشينك و بنعاملك زى الزفت
نورا / انا مشتكتش لعلى بالعكس انا قولتله انكوا بتعاملونى كويس و ان انا اللى عملالكوا المشاكل
كريم / و مكدبتيش انتى فعلا عملتيلنا اكبر مشكله النهرده انتى من يوم مجيتى هنا و انا بعاملك كويس و مقدر اللى انتى فيه و الظروف اللى مريتى بيها
نورا / و هو من التقدير انك تقول لسعيد عن الظروف دى
كريم / قسما بالله ما حصل
نورا / امال هو عرف منين انا لما نزلت كان مستنينى صاحبك بيدايقنى و انا متكلمتش و لما وصلنى الكليه طلب رقم تليفونى و لما مرضيتش اديهوله عمل الفيلم ده
اسراء تدخل
اسراء / انتى كدابه
نورا / انا مش كدابه و لما انتى جيتى و لقيتينا واقفين فى المدخل هو اللى شدنى دخلنى جوه
اسراء / و سعيد هيبصلك انتى على ايه
نورا / و انتى بتحامى لسعيد ليه يا اسراء
اسراء / انتى حيوانه
ماجده تدخل
ماجده / هو فى ايه انتوا بتعملوا ايه هنا يلا كل واحد يروح على اوضته
نورا / انا مش كدابه سعيد بيدايقنى
ماجده / خلاص اهدى
نورا / على فكره انتوا لو قولتوا لمصر كلها انى كنت بنت شمال انا مش هدايق مش هيفرق معايا لا الناس و لا رايهم فيا المهم يفضلوا بعيد عنى يتكلموا بس محدش يقربلى انا مش واحده رخيصه عشان اللى يسوى و اللى ميسواش يطمع فيها
ماجده / نورا اهدى
نورا / سعيد بيدايقنى
ماجده / طب اهدى يا بنتى اهدى
ماجده تروح تقفل الباب بالمفتاح و تاخد نورا اللى بتعيط و يقعدوا عالسرير
ماجده / اهدى
نورا / انا معملتش حاجه ماشى و لما مشيت انا كنت مخنوقه و مش طايقه نفسى انا كنت عارفه ان ده هيحصل و ان اول مالناس تعرف انا مين و ايه ماضيا هيطمعوا انا كنت عارفه عشان كدا لما قررت اتغير سبت مصر كلها
ماجده / اهدى يا نورا
نورا تمسح دموعها
ماجده / بصى انا مش هنكر انك مش البنت اللى كنت بحلم بيها لابنى بس فنفس الوقت انتى مش وحشه و قدامك فرصه انك تتغيرى و تبقى كويسه
نورا تبصلها
ماجده / بس انا هسالك تفتكرى على لما ينزل مصر و يمشى معاكى فى الشارع و تقابلوا صدفه حد كان يعرفك و لا بلاش تفتكرى لما حد من اهلى اللى ميعرفوش حاجه عنك قابلوا حد صدفه و قالهم دا مرات على كذا و كذا هيحصل ايه اصل مصر كلها اوضه و صاله
نورا / انا حاولت ابعد عنه انا قولتله ابعد هو اللى صمم اعمل ايه اولع فى نفسى عشان ترتاحوا
ماجده / اوعى يا بنتى اوعى انا بس كنت بفضفض معاكى عشان نلاقى حل
نورا / ملهاش حل على فكره يا تقبلونى يا تسيبونى امشى ملهاش حل انا مش هعرف اغير امبارح و الناس مش هترحمنى و لا هترحمكوا فخلاص امشى
ماجده / كان نفسى والله بس على متمسك بيكى و بيحبك على اللى عمره مبص على بنت فى حياته لدرجه انى كنت بقلق عليه حبك انتى و مهما عملت لدرجه انى عملت حاجه ندمانه عليها لحد دلوقت انى قولت لخواته يمكن يكلموه و الحمد لله ان الموضوع مخرجش عننا احنا التلاته
نورا / خرج و اللى حضرتك كنتى خايفه منه حصل سعيد عرف و بكره الشارع كله يعرف و المنطقه و الجيران و يوم و لا اتنين اهلك كلهم و الدنيا كلها هتعرف
ماجده تبص لنورا
نورا / انا رجعت اللم حاجتى و هكلم على و هقوله انى همشى من هنا و بكره تتاكدوا ان سعيد اللى بتدخلوه بيتكوا زباله
ماجده / و انا مش هسيبك تمشى
نورا / و الناس و الجيران و العيله و سمعتكوا
ماجده / مش مهم
نورا / كلام لكن بعد كدا لما الدنيا تحاربك هتعرفى ان الليله دى انتوا مش قدها لما تلاقى عريس اسراء بيطفش اول مالناس تقوله عنى هتعرفى انه كلام
ماجده تبص فى الارض و تقوم تفتح المفتاح و قبل متفتح الباب هتقف و تبص فى الارض و نورا متبعاها ماجده ترجع تقعد جنب نورا
ماجده / اتنقبى
نورا / و بعدين الناس كدا مش هتعرفنى هستخبى فى النقاب و لما هسافر مع على امريكا هعمل ايه طب و الستات هتنقب منهم هما كمان تعرفى باب التوبه مفتوح فى الدنيا كلها الا فى مصر عشان احنا ولاد كلب مبنرحمش
ماجده / و العمل هترجعى للى كنتى فيه
نورا / لا هشوف شقه و اعيش فيها لوحدى و همشى فى طريقى لوحدى منغير ماخد ناس ملهاش ذنب فى طريقى و لما هخلص هسافر امريكا تانى
ماجده / و على
نورا / هكلمه و اقوله كل شئ نصيب انا جربت و منفعش
ماجده / انتى بتحبيه
نورا / ايوه ... بحبه
ماجده / طب و الواد اللى كنتى بتحبيه زمان
نورا / قصه و اتقفلت و معنديش اى استعداد انى افتحها تانى مهما كانت الضغوط هو كمل فى حياته و اتجوز و انا كملت و بنيت لنفسى بيت و شغل هناك و الموضوع اتقفل
ماجده / و لو قابلتيه هيفضل برضه الموضوع مقفول و لا هتحنى
نورا / هو متجوز دلوقت انا مش هخرب حياته انا لو الدنيا كلها قفلت بابها فوشى مش هروحله خلاص الموضوع انتهى
ماجده / خلاص يبقى خليكى هنا
نورا / و الناس
ماجده / بصى يا نورا اخر الكلام لو اتغيرتى فعلا و هتحبى ابنى و تصونيه هنقف جنبك قدام الدنيا كلها لكن لو هتجرحيه و تخلينا نندم ارجوكى امشى
نورا / هحبه
ماجده / خلاص قومى اتعشى الاكل بره سخن والله تلاقيه برد و احنا قاعدين نتكلم
ماجده تبص على نورا تلاقيها بصالها و فجاه نورا تحضنها ماجده تطبطب عليها
ماجده / انا كبيره كفايا انى اعرف ان الدنيا مبترحمش و ان الناس مبتنساش بس ربنا كبير و يمكن باللى هعمله معاكى ربنا يبعد عنى و عن بنتى بلوه كبيره مكناش عاملين حسابها
...............................
فى شقه شريف
شريف يدخل يتسحب و معاه كيس كبير يلاقى الدنيا ضلمه يبص يمين و شمال مفيش حد يتسحب و يفتح الكيس و يطلع منه فرع حروف و يبدا يعلقه بالراحه عالحيطه
.................
فى شقه مازن
التليفون يرن مازن يصحى
مازن / الو
مرام / صحيتك
مازن / احلى صحيان
مرام / اسفه بس مقدرتش استنى
مازن / ايه يا قلبى
مرام / انا حلمت بيك
مازن يبص جنبه مفيش حد يبتسم و يتمطع
مازن / و يا ترى بقى كنت مؤدب
مرام / يعنى
مازن / نعم ياختى يعنى ايه يعنى دى
مرام / هههههههههههههههههههههههه ايه يا عم
مازن / يعنى انا طالع عينى و مش عارف يبوس و هو
مرام / هههههههههههههههه مهو انت
مازن / لا ياختى انا مليش دعوه بيه
مرام / يا مجنون
مازن / انتى يعنى مصحيانى تحرقى دمى
مرام / هههههههههههههه لا مصحياك عشان اقولك وحشتنى و بحبك و هحبك و مش قادره على بعدك ده
مازن / اااااه قلبى يا ناس
مرام / وحشنى اوى يا مازن
مازن / واحشنى كمان و هجيلك بس مش مسؤل بقى عن اللى هيحصل و لا تيته تدخل و لا الباب يخبط و لا البراد يفور و الازاز يتكسر و الدنيا تشتى و الكلام ده كله مليش فيه
مرام / ههههههههههههههههههههههه انت مشكله
مازن / انا برده امال انتى ايه
مرام / انا بحبك
مازن / لا مش قادر انا جايلك
مرام / ههههههههههههههههههههه اعقل يا مجنون
مازن / انتى خليتى فيا عقل
مازن يطلع من الاوضه يبص فى الليفنج مفيش حد يقف و يستغرب يلف فى الشقه مفيش حد
مرام / مالك سكت ليه
مازن / شريف مش هنا
مرام / امال راح فين
مازن / مش عارف انا لما صحيت ملقيتوش افتكرت انه نام فى الليفنج مثلا و هو بيرغى او فى المطبخ بياكل اى حاجه لكن دا مش موجود قلبت عليه الشقه كلها مش موجود
مرام / يمكن روح
مازن / يروح فين صافى بايته عندهم دا امه تنفخه ... مامته !!! مرام اقفلى هتصل عليه عشان قلقت و هكلمك تانى اطمنك تمام
مرام / اوك تمام تمام متنساش تطمنى ماشى
مازن / تمام
مازن يقفل و يتصل بشريف
....................
فى اوضه البنات
الاربع بنات نايمين فى حضن بعض تقى تقلق و تحس بحركه بره تتخض و تصحى اخواتها بالراحه
تقى / حرامى حرامى قوموا
البنات يقوموا مفزوعين
صافى / هتصل بشريف
شيماء / و هو فين شريف دا معلا ما يجى يكون دبحنا
رؤى / يدبح مين اوعى كدا
تقى / انتى رايحه فين يا مجنونه ليكون معاه سكينه و لا حاجه
رؤى / و احنا هنقعد هنا عزل لحد ميدخل يدبحنا واحده ورا التانيه انا هتسحب عالمطبخ و انتى يا تقى صحى ماما
تقى / لا انا اخاف اروح لوحدى
شيماء تروح تفتح الدولاب و توقع الماسوره اللى الهدوم متعلقه عليها و تاخدها و رؤى تجرى تجيب حزام جلد
شيماء / احنا هنطلع و انتوا اجروا هاتوا المقشه و المساحه مالمطبخ
صافى / انتوا مجانين انتوا بتعملوا ايه
شيماء / امال نقعد لحد ميموتنا
صافى / كنا كلمنا شريف و خلاص
رؤى / انتوا هتفضلوا ترغوا انا طالعه اربى امه
رؤى تفتح الباب و تطلع و الكل يطلع وراها الترقه يلاقوا خيال حد بيتحرك فى الصاله رؤى تشاور لصافى براسها صافى تجرى عالمطبخ ووراها تقى
صافى تجيب المقشه و تقى تجيب سكينه
صافى / هاتى السكينه معايا انا لتعورى نفسك
تقى / ماشى
يبدلوا و يطلعوا يلاقوا شيماء و رؤى لسه بيراقبوه يبصوا لبعض و يهجموا فوقيه ضرب
شيماء / حرااااامى حرررااااامى
رؤى / ملقتش الا بتنا يابن الكلب
شريف / دانا يا مجانين انا
صافى تجرى تايد النور الست تطلع من جوه مخضوضه و معاها المنفضه
الست / هو فين الحرامى ابن الكلب ده
صمت و تبادل نظرات و شريف ماسك دماغه
شريف / ابو ام الرومانسيه على اخترعوها
الست تروح عليه و تضربه بالمنفضه و اخواته بيحاولوا يحوشوا عنه و صافى باصه عالحيطه شيكوا بيحبك يا باربى و فى ورد و بلالين تبتسم و ناسيه الخناقه اللى ورا
الست / انت بتعمل ايه هنا يا وله هاه
شريف / والله كنت هعلق البتاعه دى و نازل
الست / و جاى تتسحب فى انصاص الليالى زى الحراميه
شريف / والله كنت عاوز اعمل مفاجاه
رؤى / خلاص يا ماما
الست / اوعوا كدا
الست تبص عالحيطه صافى تروح تقف جنب شريف
شريف / عاجبك كدا كل ده بسببك
صافى / و انا كمان بحبك اوى
رؤى / اوعدنا يارب
الست / اتلمى يا بت خشى على اوضتك
رؤى / الله اشمعن هما دا ايه الظلم ده
شيماء تشد اخواتها على جوه و شريف و صافى فى دنيا تانيه
الست / احم احم
شريف / طب الحمد لله جربنا الرومانسيه وزى مانتوا شايفين فشلت فشلت زريع فاقدر امشى انا بقى عن اذنكوا
شريف يفتح الباب و ينزل و الست تروح تحضن صافى و تبوسها و البنات يتلموا و يقعدوا يصوروا الحيطه
.....................
عالسلم فى بيت شريف
شريف نازل تليفونه يرن يرد
مازن / انت فين يا عم قلقتنى عليك مامتك كويسه
شريف / كلهم كويسين انا اللى اتخرشمت عالاخر
مازن / ليه خير ايه اللى حصل
شريف / لما اجيلك هجيب هيموكلار و اجيلك
مازن / انت هتستعبط و انا هقعد اغلى كدا لما تيجى فى ايه يا بنى
شريف / مفيش حاجه يا عم متقلقش انا فى الطريق اصلا
مازن / طب متتاخرش انا مستنيك
شريف يقفل و يركب العربيه و يمسك دماغه
شريف / عيال مفتريه بنات ايه دول الله يعينه اللى هيتجوزكوا يا جزم
........................
فى شقه مازن
مازن قاعد عالكنبه مسخسخ مالدحك و شريف ماسك كيس فيه تلج و بيحطه على دماغه
شريف / انت بتدحك ليك حق والله
مازن / يا عم افتكرت مرام لما ادتنى بالدماغ
شريف / هو العيب فينا و لا فيهم يا عم
مازن / سيبك انت قولى تانى كدا امك كملت عليك حتى بعد مايدت النور
شريف / انت يعنى مش عارف امى
مازن / ست زى العسل والله ربنا يشفيها يارب
شريف / امين ... انا داخل انام لو مصحتش يبقى حسبى الله و نعم الوكيل فى الحب و سنينه
مازن / ههههههههههههههههههه ادخل ادخل و انا هكلم مرام اطمنها زمانها هتموت مالقلق
شريف يدخل جوه و مازن يتصل بمرام يلاقيها مشغول يستغرب
.................
فى شقه شريف
صافى بتكلم مرام فى التليفون
صافى / شوفتى الصوره
مرام / حلوه اوى بس شريف صعب عليا اوى مسكين والله
صافى / اسكتى دانا كنت طلعاله بالسكينه الحمد لله انى كنت خايفه كنت عورته و لا موته كانت تبقى مصيبه
مرام / الحمد لله و الحمد لله انى اطمنت عليكوا لحسن انا دمى نشف اصلا و قاعده مستنيه مازن يكلمنى ابدا معبرنيش قلقت اكتر
صافى / انا هقفل بقى عشان شيماء بتشاورلى شكلها مفيش نوم و هنقضيها رغى للصبح
مرام / صبح ايه بقى مخلاص كلها ساعه و الفجر ياذن
صافى / على رايك
مرام / يلا روحى و انا هكلم مازن اطمنه
صافى / تمام يلا سلام
صافى تقفل و تنط فى السرير جنب البنات و يقعدوا يدحكوا على اللى حصل
.......................................
أنت تقرأ
السكه شمال بقلم / لولو_محمد ( كامله )
Roman d'amourشاب ثرى متعدد العلاقات يقع فى حب فتاه ملتزمه فقيره و يرفض محيطه هذه العلاقه و يحاولون التفريق بينهما
