السكه شمال بقلم / لولو_محمد ( كامله )

الحلقه ١٧٠

((((((((((السكة شمال ))))))))))))
#لولو_محمد
الحلقه 170
خليفه / والله يا بيه اللى اعرفه قولته و مش عارف اعمل ايه اطلعه و لا اعمل ايه
مازن / اقفل دقيقه و هكلمك
مرام / فى ايه
مازن / زياد بعت حد يغير كالون شقتى
مازن يتصل بزياد
مازن / الو ازيك
زياد / انا تمام الحمد لله خليفه كلمك
مازن / ايوه ايه حكايه الكالون دى خير فى ايه
زياد / هفهمك لما اشوفك فى الشركه
.................................
سميحه تطلع مالحمام
سميحه / فى ايه يا مرام
مازن / تمام تمام مفيش مشكله سلام
مرام / فى ايه
مازن / مش عارف بس يعنى مفيش مشكله زياد عاوز يغير كالون الشقه و هيفهمنى لما اشوفه عادى يعنى مش حوار
مرام / تمام انا هدخل اتوضى انا بقى
مازن يتصل بخليفه و مرام تدخل الحمام
......................................
فى الشركه
زياد / يعنى مش زعلان
مازن / لا هى متوقعه منى كدا اصلا فعادى
زياد / انا معدتش فاهمها هى رجعت الفيلا معايا لحد مصالحها على مامتها بس مينفعش تفضل عندك فى البيت انا اساسا مش عارف هى جابت المفتاح منين و لما سالتها مردتش و مكنتش فى حاله تسمح انى اضغط عليها فعادى يعنى خليفه قالك و انت غيرت الكالون و انا بره الليله تمام
مازن / تمام
زياد / هتقول لمرام
مازن / متشغلش بالك انت انا هتعامل
زياد / قشطه ... انا سهرت طول الليل عالملف ده بيتهيالى تشوفه بنفسك احسن
مازن ياخد من زياد ملف و يفر فيه
مازن / ايه ده
زياد / دى مناقصه الشركه بتاعتنا دخلاها و لقيتك انت كمان مقدم عليها انا لو منك اكلم بابا ابراهيم و تظبطوا سوا العطاءات عشان نضمن انها متخرجش مننا المناقصه دى مهمه جدا و مينفعش تتساب
شريف يدخل
شريف / صباح الخير
مازن / انت ايه اللى جابك
شريف / انا لو فضلت فى البيت اكتر من كدا هرقد بصحيح فمش عاوز نقاش فى الموضوع ده
مازن / طب ادخل كلهم شغالين فى المكتب جوه و خد ده فى ايدك بص عليه
شريف / قشطات
شريف ياخد الملف و يدخل جوه
زياد / هو مش المفروض يرتاح
مازن / بصراحه انا محتاجه اوى فى حاجات كتير جدا محدش فينا فاهمها و هو الوحيد اللى بثق فيه و يقدر يساعدنى
زياد / والله معدش فى غير شريف يمشى الشركه يعنى
مازن / شريف كان دراع خالو اليمين و يعرف كل حاجه فى الشغل من كبيرها لصغيرها خالو كان معلمه كل حاجه عشان اليوم ده لما يجى
زياد / خلاص يا عم مش حوار انا همشى انا عشان ورايا كذا حاجه فى السريع و بعدين هرجعلك
مازن / تمام ...سلام
مازن يدخل المكتب يلاقى الكل مسخسخ من الدحك
شريف / انا اللى هيجننى لحقتوا تعرفوا امتى هو الخبر انتشر بالسرعه دى
مازن / خبر ايه
محمود / شريف مامته جيباله عروسه
مرام / البت حلوه يا شريف شوفها
شريف / خلصت منهم فى البيت عشانى اجى الاقيكوا هنا حقيقى مرزق من يومى
مازن / لا بس البنت حلوه فعلا
شريف / هى امى نزلت صورتها عالفيس و لا ايه كلكوا شوفتوها امتى
مرام / رؤى بعتتهالى امبارح كنا بنتكلم
مازن / و انا شرفتها بالصدفه والله
مرام / اه صح باماره عينك اللى كانت راشقه فى الموبايل طول المحادثه
مازن / يا عم انت قاعد فى امان الله و دى عماله تدحك كل شويه و تكتك عالموبايل الفضول بقى و انت عارف
محمود / طب متشوفها بجد يا شريف
شريف / جايين نشتغل و لا نحفل
مازن / نحفل طبعا
شريف / لا مدام كدا بقى يبقى نشوف حاجه نشربها
شريف يروح يفتح رف فيه تلاجه مينى بار صغيره يفتحها 
مرام / هات سيفن عشان يهضم الفسيخ
شريف يقفل التلاجه و يرجع لمرام تبتسم
شريف / انا مش هروح لا انا ههج
مرام / ههههههههههههههههه
شريف يسيب المكتب و يطلع بره و الكل مسخسخ
...................................
فى الفيلا
بارتى كبيره و الكل فرحان و بيرقص و لبنى قاعده فى اوضتها بتلعب فى الموبايل الباب يخبط تحط الموبايل عالسرير و تقوم تفتح بالراحه تلاقى زياد
زياد / كنتى نايمه ؟؟
لبنى / لا صاحيه
زياد / انس تحت و معاه الشله كلها مكنش يعرف انك هنا
لبنى / مفيش مشكله
زياد / طب اقولهم انك هنا و لا اعمل ايه لو سالوا عنك
لبنى تبص الناحيه التانيه
زياد / خلاص هتوه اهو عشان لو حبيبتى تنزلى فى اى وقت
لبنى / مش هنزل مليش خلق لحد
زياد / تحبى امشيهم
لبنى / لا مش للدرجادى انا مش عاوزه اتقل عليك اكتر من كدا
زياد / همشيهم
زياد يمشى و لبنى لسه عينها عليه يقف و يبص عليها تقفل الباب بسرعه يكمل مشى
..............................
فى الشركه فى مكتب شريف
مازن يخبط و يدخل
مازن / جبنا غدى مش هتيجى
شريف / شويه فى ايدى حاجه
مازن / يا راجل حاجه ايه دى اللى اهم من الغدى
مازن يروح يقعد جنب شريف و يبص معاه فى الورق
شريف / انت جبت منين الملف ده
مازن / من زياد ليه
شريف / احنا مقدمناش عالمناقصه دى نهائى و انا راجعت كل الشغل قولت يمكن اكون ناسي بس لا مقدمناش
مازن / ايوه ما زياد قالى اننا لسه هنقدم
شريف / هنقدم ازاى فى مناقصه احنا اصلا مشتغلناش عليها الورق ده و الارقام اللى فيه على الاقل محتاج اسبوعين شغل فحت و ردم مين عمله
مازن / معرفش بس الملف كان موجود وسط الملفات اللى فتحناها امبارح انا و مرام و زياد و محمود و سعد عسكرنا فى الشركه هنا امبارح و انجزنا شغل كتير اوى
شريف / سمعت بس انت متاكد ان الملف ده كان فى الشركه اصلا
مازن / انت بتحاول تقول ايه
شريف / بقول
شريف يلف بالكرسى و يرمى الملف فى الزباله
شريف / لو المناقصه دى ابراهيم بيه مقدم عليها تبقى حلال عليه و خلينا نركز فى باقى الشغل انا متحملش مسؤليه انى اقدم على مناقصه هتقفل بكره و انا اصلا لا درستها و لا جهزت ملفها
مازن / بالمنطق معاك حق طبعا بس مش يمكن خالو الله يرحمه
شريف / مفيش ورقه خالك بيبص فيها الا لما بشوفها يا مازن انا متاكد ان الملف ده اتحط فى الشركه بعد موت صفوت بيه
مازن / مين و عمل كدا ليه
شريف / معرفش بس هيبان يعنى هيروح فين المهم دلوقت بقى نروح نتغدى
مازن يبتسم و يقوم هو و شريف
.........................
فى الفيلا
انس و زياد قاعدين فى المكتب
انس / و انت سبته
زياد / كنت هعمل ايه لسه بكلمه و هقنعه يادوب مسك الملف فى ايده من هنا و شريف طب من هنا
انس / و طبعا التانى اداله الملف فلحظتها كدا
زياد / طبعا اى حاجه بخصوص الشغل راى شريف قبل اى حد
انس / و طلعلنا منين دا كمان مش كان راقد لحق يخف بالسرعه دى
زياد / مش مشكله خيرها فى غيرها
انس / بس كان هيطلعلنا قرشين حلوين مالمصلحه دى برده
زياد / خيرها فى غيرها قولت
........................
فى الشركه عند مازن
مازن واقف عند الشباك بيفكر مرام تروح تقف جنبه و تزغده بالراحه يبصلها و يبتسم
مرام / اللى شاغل عقلك
مازن / هو فى غيرك
مرام / بكاش
مازن يبص حواليه المكتب مليان ناس و يرجع يبصلها
مازن / هبقى اثبتلك بس مش هنا
مرام / امال فين
مازن / مكتبى فاضى هسبقك و ابقى حصلينى
مرام / تمام
مازن يغمز لمرام و يروح ناحيه الباب
محمود / على فين
مازن / هبص على حاجه بسرعه و اجى
شريف / و الاكل
مازن / الف هنا انا شبعت من بدرى عقبالك
شريف / فال الله و لا فالك
مازن يضرب كف على كف و يمشى
مرام / انا بس نفسى اعرف بيروح فين
شريف / فضل و نعمه انتى هتكفرى
مرام / والله هتحتاج اكتر من كدا رزق فى ايه انا مش فاهمه
مرام تروح ناحيه الباب
شريف / على فين انتى كمان هاه ؟؟
مرام تبص لشريف
مرام / فى اى حته غير هنا قبل مفشول و ملاقيش فستان يخش فيا
شريف / عالبركه
شريف يغمزلها و هو مبتسم تعمل هبله و تمشى و تقفل الباب وراها شريف يكمل اكل
...............................
فى مكتب مازن
مرام تبص تفتح الباب و تدخل مازن يشدها من ايدها و يزنقها فى الباب و هى بتضحك
مازن / وحشتينى
مرام / على فكره شريف فهم
مازن / اللى غيران مننا يعمل زينا
مرام / برده ميصحش
مازن / يعنى اهون عليكى تسبينى انطفى
مرام / لا ميهونش
مرام تبتسم تليفون مازن يرن ينفخ
مرام / رد يمكن تكون حاجه مهمه
مازن / دا مصطفى من الكليه
مرام / خير
مازن / الو ايوه يا مازن ازيك
مصطفى / الحمد لله اخبارك ايه
مازن / الحمد لله مكالمتك يعنى فى اخبار عن النتيجه صح
مصطفى / اه و اخبار حلوه اوى كمان
مازن / حبيب قلبى حلاوتك محفوظه اتحفنى
مصطفى / انت جبت جيد
مازن / بتهزر و مرام مرام نور الدين
مصطفى / التانيه و الاول محمود فرق اربع درجات بس 
مازن يبص لمرام و يرجع يبص الناحيه التانيه تقلق
مازن / و الباقيين طمنى عالباقيين
مصطفى / ناجحين صافى مفيش غير انس شايل ماده و نيفين ماده و كان معاها ماده بس كلو عدى يعنى تمام
مازن / تمام حلاوتك عندى عدى فى اى وقت خدها
مصطفى / تؤمرنيش باى حاجه تانيه
مازن / لا شكرا .... سلام سلام
مازن يقفل السكه و مرام بصاله بترقب
مرام / دى النتيجه صح النتيجه مش كدا انا عملت ايه قولى عملت ايه طب انت عملت ايه طب اى حد قول اى حاجه بقى ركبى سابت
مازن / محمود الاول عالدفعه مش انتى
مرام / طب الحمد لله كويس طب انا عملت ايه انطق بقى نشفت دمى
مازن / انتى التانيه فرق اربع درجات بس
مرام / الحمد لله حلو جدا الحمد لله الحمد لله الحمد لله
مرام تحضنه و توطى عالارض و تسجد و تقوم تانى
مرام / و انت طمنى عليك عملت ايه
مازن / جيد جبت جيد لاول مره فى حياتى اجيب تقدير جبت جيد
مرام تحضن مازن يشيلها و يلف بيها و هى بتدحك ينزلها دايخه ياخدها فى حضنه يسندها
مرام / دوخت
مازن / خليكى هنا لحد متفوقى
مرام / انا فرحانه اوى فرحانه اوى بجد
مازن / انتى مش زعلانه عالتقدير
مرام / التراكمى بتاعى لسه اعلى منه و بعدين محمود اخويا افرحله يعنى بس تعرف انا فرحانه بيك انت اكتر حاجه فى الدنيا بجد فرحتلك من قلبى
مازن / اصل كان معايا استاذه شاطره اوى هى صحيح مكنتش بتدينى حقى اول باول بس ملحوقه كانت بتحوشهملى
مرام / حلوه الاستاذه دى
مازن يحضن مرام اوى و يبص فى عنيها
مازن / قمر
مرام / بتحبها
الباب يخبط و محمود يدخل يتعدلوا فوقفتهم مرام تجرى عليه
مرام / مبروك يا محمود مبروك مبروك
محمود / فى ايه خير
مازن / طلعت الاول عالدفعه يا سيدى
محمود / قول والله يا بركه دعاكى ياما الله اكبر الله اكبر هههههههههههههههه طب و انتوا عملتوا ايه
مرام / انا التانيه فرق اربع درجات بس
محمود / يعنى لسه الاولى فى التراكمى
مرام / مش هتغلبنى بالسهوله دى
محمود / فاضل سنه متنسيش
مرام / مش ناسيه
مازن / جارا ايه يا جدعان فين الروح الرياضيه كنتوا بتباركوا لبعض من شويه
مرام / ههههههههههههههههههه دا تار قديم بينى و بينه
مازن / طب انا الحمد لله يا محمود نجحت و جبت جيد الله يبارك فيك
محمود / هههههههههههه الف الف مبروك يا مازن طب والله الواحد كان محتاج الخبر الحلو ده عشان يفرح
مرام / تيته مازن تيته نتصل نقول لتيته
مازن / صح صح
مازن يمسك الموبايل و يتصل
مازن / ايوه يا تيته ازيك
سميحه / الحمد لله كويسه و بقيت احسن لما سمعت صوتك فرحنى معاك
مازن / احلى فرحه يا تيته احلى فرحه احنا نجحنا جبنا النتيجه من الكنترول مرام التانيه و محمود الاول بفرق بسيط و انا جبت جيد
سميحه / ياما انت كريم يارب ياما انت كريم انا فرق ساقع عالشارع كله مش هسيب حد الا لما اسقيه ... لا استنى عيب الراجل لسه ميت و الناس لسه بتيجى تعزى يقولوا ايه
مازن / ساقع ايه يا تيته احنا هنفرق لحمه
مرام / ههههههههههههههههههه للدرجادى
مازن / ايوه يا تيته هندبح و ناكل الناس و اهو يبقى بالمره رحمه و نور على خاله الله يرحمه
محمود / الله يرحمه
مرام / فكره حلوه اوى
سميحه / خلاص هكلم المعلم اسعد و اظبط معاه
محمود / انا هروح اكلم مروه افرحها
مازن / لا اله الا الله يا تيته لا اله الا الله
محمود يطلع بره و مازن يقفل السكه و يبص لمرام
مازن / احنا كنا فين
مرام تقرب من مازن يجى يحضنها الباب يتفتح تانى يتعدلوا فوقفتهم
شريف / صحيح الكلام ده محمود بيقول لمروه انكوا نجحتوا
مازن / اه صحيح جبت جيد يا شيكو جيد
شريف / دى محصلتش فى تاريخك عشت و شوفت اليوم ده بعنيا انا مش مصدق نفسى يا ناس ايوه بقى الاسفلت اشتكى
مرام / هههههههههههههههههههه هاى انا هنا
شريف / طلعتى التانيه عرفت يا فاشله
مرام / دا فرق اربع درجات بس
شريف / تتعوض السنه الجايه بس ايه الخبر ده مش هقبل باقل من نص شهر حلاوته انا بقولك اهو
مازن / شهر بحاله شهرين خد المكافاه اللى تعجبك
شريف / ايوه بقى طب ايه مش هنكمل شغل و لا ايه هاه
مازن / جايين يا خويا جايين اتفضل قدامى اتحرك
مازن يشد شريف و يمشى و يبص وراه على مرام واقفه بتدحك و مبسوطه
..............................
فى شقه مديحه
مديحه / لولولو....
سميحه / بس بس بس
مديحه / هو ايه اللى بس سكتينى ليه
سميحه / الناس تقول ايه
مديحه / يالهوى عليكى يا حجه هو انتى ميتعرفلكيش حال ابدا مره تقولى يولعوا الناس و مره تقولى الناس تقول علينا ايه و لا هو عشان الحيله مره من نفسى جبر بخاطرى و فرحنى مش من حقى افرح
سميحه / اخص عليكى يا مديحه و هو محمود عندى اقل من مرام و لا انا يعنى مش فرحانه ليهم بس بالاصول يا مديحه بالاصول و بعدين مانا لسه قافله مع المعلم اسعد هو و هندبح و ناكل و نوزع و نفرح هنفرح والله ان شاء الله بس بالاصول
مديحه / و هى الاصول دى على زرغوطتى انا بس لكن نومه مازن عندكوا كل ليله و السرير اللى اتحطله فى الصاله
سميحه / مراته يا مديحه ينام فى بيته فى بيتها فى الشارع هما احرار مراته و لا مش مراته
مديحه / متكلمتش بس الاصول خاله ميت و متعملش فرح يبقى الاصول انهم فحكم المخطوبين و لا هى الاصول دى بناصلها حسب المزاج
سميحه / والله يا مديحه معارفه ارد عليكى بس اعمل ايه
مديحه / متعمليش انا اللى هعمل ....لولولولولولولولولولولولولولولولولولى لولولولولولولولولولولولولولولى .. لولولولولولولولولولولولولى
..................................
فى الشارع عالقهوه
صبى القهوه / الله هى صوت الزغاريط دى جايه منين
شاب / من عند بيت الحجه سميحه
راجل / خير ان شاء الله
بياعه خضار فارشه فى الارض تتكلم مع واحده جنبها
الست 1/ لتكون مرام حامل
ست 2/ ياختى عيب الكلام ده هى وش ذلك
توفيق واقف مع شاب بيشربوا سجاير و ساندين على حيطه
شاب / ليه بقالهم قد ايه متجوزين
توفيق / باتت عنده كام مره و بات عندها كام مره
الست 1/ ولو  دا الراجل لسه ميت
ست فى الشباك / ياختى يا خبر النهرده بفلوس بكره يبقى بلاش هى الحاجات دى بتستخبى هيبان كلو هيبان
المعلم اسعد يعدى توفيق يوقفه
توفيق / ميا مسا يا سيد المعلمين
اسعد / ازيك يا تيفا عامل ايه
توفيق / عاتب عليك يا سيد المعلمين اخويا لسا مربعنش و نسايبك مولعينها زغاريط هو الميت ايه ملوش حرمه فى الحته دى و لا ايه
اسعد / حقك يا توفيق امسحها فيا
توفيق / لا يا معلم انت اكبر من كدا و جزمتك على راسى بس يعنى خير نفرحلكوا والله
اسعد / اصل النتيجه بانت و العيال نجحت محمود و مرام يعنى
توفيق / الله بجد الف الف مبروك صحيح ان بعض الظن اثم اصل ولاد الحرام عمالين يتكلموا عالست مرام و على نومه مازن باشا عندها كل ليله
.........................