السكه شمال بقلم / لولو_محمد ( كامله )

الحلقه ٥٦

(((((((((((((((((((السكه شمال ))))))))))
#لولو_محمد
الحلقه السادسه و الخمسون
مازن / هو انا وحش اوى كدا
مرام / فوق متتخيل بص يا مازن انا و انت دفعه واحده شوف انت عندك كام سنه و انا عندى كام سنه و مش بس كدا شوف انت سمعتك ايه و انا سمعتى ايه احنا كل حاجه و عكسها انا و انت مننفعش سوا انا الابيض و انت الاسود
مازن / ملك الالوان على فكره
مرام تنفخ
مرام / عقلى مش متقبل الفكره اصلا
مازن / مش مهم عقلك يقبلها المهم قلبك يقبلها
..................................
مرام /  ازاى احب واحد بتاع بنات
مازن / هو ده كل اللى تعرفيه عنى بتحكمى عليا من كلام بصى انا مبعملش حاجه غلط اه ليا شويه حركات كدا بس انتى مينفعش تحكمى على كتاب من عنوانه
مرام / ينفع احط محتوى دينى تحت عنوان فيه ايحاءات مثلا صح انا مينفعش انى احكم عالكتاب من عنوانه بس اكيد العنوان بيعبر عن المحتوى
مازن / مش يمكن العنوان ده مجرد ماركتينج و المحتوى يعجبك
مرام / دى مجازفه كبيره مش مدروسه
مازن / اشمعن انا هجازف معاكى انا معرفش عنك حاجه على فكره ميمكن كل ده كلام فى الهوى ميمكن تحليه بضاعه مش يمكن تطلعى كارته و فرداه كرياتين و لا حتى قارعه و دى باروكه و عنيكى دى تكون لانسيز و مركبه طقم سنان مش يمكن بتغشى فى الامتحانات مش يمكن تيته اللى بتطبخ و انتى بتنسبى الفضل لنفسك مش يمكن بتشخرى و انتى نايمه بتمشى و انتى نايمه او بتتكلمى و انتى نايمه مثلا هههههههههههههههههههههههه
مرام / الجواز مش لعبه انا بتكلم جد و انت بتهزر
مازن / لا مش لعبه لو كان لعبه كنت اتجوزت البنت اللى اهلى دبسونى فيها و فرضوها عليا و فالاخر لما المصلحه تكمل اطلقها و اكمل حياتى بس هو مش لعبه
مرام / انا محتاجه اب لاولادى
مازن / كمان حكمتى عليا انى هكون اب فاشل و لا انتى تقصدى انى مبخلفش عشان دى سهل اثبتها لكن موضوع التربيه ده صعب شويه و بعدين تضمنيلى منين انك هتكونى ام ناجحه اصلا
مرام / انت بتهزر و لا بتتكلم جد
مازن / هو الجواز فيه هزار
مرام / يعنى لما عيالنا دا لو حصل يعنى يسالونى اتعرفتى على بابا ازاى اقولهم ادبست فيه
مازن / هههههههههههههههههههههههههههه انتى مش فاكره اتعرفنا على بعض ازاى
مرام / مش قصدى انا اقصد ان
مازن / طب اتعرفنا على بعض ازاى
مرام / ايه السؤال ده فالمشروع
مازن / كنت متاكد انك مش هتفتكرى بس انا هفكرك من كام سنه كدا تقريبا فاول اسبوع مالكليه كان فى عربيه لونها احمر هتخبطك فكره حاجه عن الموضوع ده
مرام تفتكر مازن يبتسم
مازن / انا الحيوان المتخلف اللى كنت سايقها دى كانت اول مره شوفنا بعض فيها كنتى لابسه شميز ابيض فيه ورود صغيره لونها روز كدا على جيب اسمر
مرام ساكته و بصاله
مازن / ليكى حق متفتكريش كان شعرى اطول ساعتها هههههههه
صمت و الاتنين بيبصوا قدامهم و بعدين مازن يبص لمرام
مازن / ادينى فرصه... ادى لنفسك فرصه تعرفينى... يمكن بقول يعنى يمكن اعجبك و متندميش
مازن يبصلها و يبتسم مرام تقوم تقف  
مرام / انت بتقنعنى بايه يعنى اصوم اصوم و افطر عليك
مازن / هههههههههههههههه دا على اساس انى بصله يعنى
مرام / دى حتى تبقى كتير عليك
مازن / هو انا ليه بسكتلك ؟؟ و بعدين وماله هى البصله وحشه دى حتى انتيتوكسيك و مليانه فوايد انتى يا شيف يا ضغنن تعرفى تطبخى منغير بصل
مرام ترفع حاجبها
مازن / هعتبر سكوتك ده انك موافقه تتجوزينى مبروك عليكى انا
مرام / استنى انا
مازن / انا لازم امشى عشان اللحق اخلص اللى ورايا اشوفك بكره
مرام / استنى مقولتش انى
مازن يمشى منغير ميسمع مرام و يدخل جوه مرام تقف تفكر محمود يدخل
محمود / مرام ازيك عامله ايه تيته مالها ايه اللى حصل
مرام / مش هتصدق اللى حصل كابوس بجد
................................
فى الشارع عند مرام
عالقهوه الناس قاعدين
توفيق / يعنى اعمل ايه عشان تصدقونى دانا فتحتلكوا الفيس عنده و وريتكوا الفيديو
اسعد / انت شكلك مش هتسكت الا لما تحصل مصيبه منك لله انت و اللى زيك
توفيق / يا جدعان انا وحش و ابن كلب و هى بنت زى الورد و انا محقوق بس هو خاطب خاطب يا جدعان ماشى يخطب فبنات الناس يعنى هو دخول البيوت لعبه و لا ايه
راجل 1 / ميمكن فسخ يا جماعه
راجل 2/ استنوا يا رجاله ليكون مخبى عليهم برده احتمال
اسعد / الجدع قال هيجى هو و اهله يلبسوا الدبل اول مالحجه سميحه تخرج مالمستشفى عاوزين اين تانى اكتر من كدا
توفيق / انا عن نفسى مش عاوز غير اننا منتغفلش
مجدى يدخل
مجدى / مساء الخير يا رجاله توفيق عاوزك
توفيق يقوم يروح مع اخوه
مجدى / انت بتهبب ايه
توفيق / شوفت الباشا و اللى عمله
مجدى / هو برده و لا انت بتتفق على مصالح من ورايا بتضربنى فى شغلى بتضيع منى السبوبه
توفيق / ايه يا مجدى اللى بتقوله ده لا طبعا
مجدى / متصعش عليا يابن الجزمه الواد منصور قر بكل حاجه مع اول قلم مين الباشا اللى مسلطكوا على مرام انطق بدل ودينى اسيبك منك لمازن بيه دانت لسه قايم مالسرير يا متخلف
توفيق / بيه عليك انت انما ورحمه ابويا لردله القديم و الجديد
مجدى / بقى كدا ماشى اعمل اللى يريحك بس متجيش تعيطلى
توفيق / متخفش مش انا اللى هعيط
.................................
فى المستشفى عند مرام
مرام / فجاه لقيت تيته فى الارض و صريخ و صويت و انا مكنتش عارفه اعمل ايه لحد ملقيت مازن بيشيلها و المعلم اسعد بيسندها و نقلوها فى العربيه على هنا
محمود / امال ايه حكايه خطوبتك دى
مرام / مهو لما الكل اتجمع علينا فى الحاره مازن قال اننا مخطوبين و المعلم اسعد قعد يسال كتير اتفقوا ان مازن هيجيب خاله و نلبس دبل
محمود يمسك ايدها جامد
محمود / و حياه امك دا على جثتى انتى فاهمه و لا لا
مرام / اوعى يا محمود انت اتجننت احنا فمستشفى
محمود / هو انتوا لسه شفتوا جنان بتقوليلى انك هتتخطبى لابن الكلب ده و تقوليلى جنان
مازن يطلع من جوه يشوف الصوت يلاقى محمود ماسك ايد مرام يفكها و يشد مرام وراه بمنتهى الهدوء
مازن / بيتهالى مش رجوله منك تتشطر على بنت يعنى و لا ايه لو عاوز حاجه تعالالى انا
محمود / هى دى خطتك الجديده مش كدا بتنتقم منى فيها فاكرنى هسكتلك صح دا على جثتى انت فاهم على جثتى
محمود يمسك مازن من هدومه مازن يفكها بهدوء
مازن / احنا فمستشفى و الست اللى نايمه جوه دى تعبانه و هتزعل عليك بس هنصحك نصيحه انت مريض روح اتعالج .... تيته بتسال عليكى ادخوليلها
مرام بتبص لمحمود و تبص لمازن
مازن / انا جوه عالعموم عن اذنكوا
مازن يدخل
مرام / انت ايه اللى جرالك انا مقولتش انى
محمود / انا و لا هو اختارى
مرام / انت بتقول ايه
محمود / انا و لا هو فحياتك بس تعملى حسابك لو اختارتيه
مرام / هختارك انت طبعا انت عبيط انت اخويا يا غبى و لا مازن و لا الف واحد من عينته يملوا مكانك انت اخويا فاهم و لا لا اخويا اللى مليش غيره
محمود / بس ؟؟بس عشان كدا
مرام / لا طبعا يا محمود انا وعيت عالدنيا دى لقيتك كل حاجه فحياتى اخويا و صديقى و جارى انا مقدرش استغنى عنك فلو خيرتنى بينك و بين الدنيا كلها هختارك انت
محمود / و هو
مرام / ماله اصلا انت مالك بيه حاطه فوق دماغك ليه انساه يابنى انساه
محمود يمسك مرام جامد من ايديها تانى و يرجها
محمود / مهو مش مدينى فرصه انساه انا عندى انه يضربنى مليون مره لكن ميقربلكيش انتى فاهمه ميقربلكيش انا مش هقدر اشوفك معاه و لا هو و لا غيره انتى ليه مش قادره تفهمى مش قادره تفهمى انى
مرام تقع فى الارض مازن يفتح الباب يزق محمود فالارض و يسندها
مازن / مرام مرام فوقى مرام انت عملت فيها ايه يا متخلف انت مرام فوقى فوقى
محمود / اوعى ابعد عنها ابعد
محمود بيحاول يزق مازن و يشد مرام منه شريف يطلع يحوش بينهم و يشد محمود بعيد بيصرخ ممرضات كتير يدخلوا
محمود / سبنى اوعى سبنى مش هسيبك والله مهسيبك لو هقتلك بس مش هسيبك اوعى بقولك اوعى
.................................
فى اوضه سميحه
شريف / هى كويسه دلوقت متقلقيش كل ده بسبب قله الاكل و المضاد الحيوى على معده فاضيه لكن هى كويسه مفيهاش حاجه
سميحه / انا مش فاهمه محمود بيعمل كدا ليه
شريف / غريبه يا تيته مع انك المفروض تكونى خبره... يعنى اقصد يعنى عندك خبره فى الحاجات دى بحكم السن يعنى... انا مقصدش يعنى ...انا اقصد
سميحه / انتوا فاهمين غلط مرام و محمود متربيين سوا داحنا كنا بنحميهم فبانيو واحد
شريف / و ايه يمنع يا تيته دلوقت
سميحه / بقولك مستحيل انا عارفه محمود كويس محمود لما كان بيعوز حاجه كان بيطلبها و يزن عليها لحد مياخدها محمود لو كان بيحب مرام كان قال من زمان انا عارفه محمود كويس انا اللى مربياه هو بس اكيد غار عليها لما عرف اللى حصل خصوصا انه مبيطقش مازن مش اكتر
شريف / يمكن خاف
سميحه / مفتكرش
شريف / لنفرض انه بيحبها ايه الوضع ساعتها
سميحه / انا ميهمنيش مين يحب مرام انا يهمنى مرام تحب مين اى كان اختيارها انا معاها فيه انا زى اى ام عاوزه بنتى تبقى سعيده
شريف / و تفتكرى مين هيسعدها اكتر مازن و لا محمود
سميحه / و ايه دخل مازن فى الموضوع دا حوار كلام كدا بس
شريف / كلام ايه يا تيته دانتى فايتك كتير اوى مازن اتفق مع المعلم اسعد اول متقومى مالمستشفى بالسلامه ان شاء الله هيجى يتقدم رسمى هو و صفوت بيه
سميحه تسكت
شريف / مازن بيحب مرام و عاوز يتجوزها
..................................
قدام اوضه مرام
محمود / لا برافو حقيقى برافو
مازن / انت مبتفصلش صح
محمود / انت جايب البرود دا كلو منين
مازن / بارد انا بارد انت اللى مجنون مجنون و جبان
محمود / انت اللى جننتنى سبت كل بنات الدنيا كل البنات دى تتمنى تراب رجليك سبت كل دول و جاى لدى ليه عاوز منها ايه يا اخى عاوز منى ايه
مازن / حبتها ... بحبها... حاولت ابعد كتير مش قادر اعمل ايه
محمود / كداب انت اللى زيك ميعرفش يحب
مازن / ليه حجر مليش قلب مليش مشاعر
محمود / كلها كدب و تمثيل انت لسه نازل على ركبك من كام يوم انا شوفت الفيديو انا قولت خلاص اخيرا هتخرج من حياتنا
مازن / انت مش فاهم حاجه مش فاهم اى حاجه
محمود/ و مش عاوز افهم انا مش عاوز افهم انت متخصنيش فحاجه انا كل اللى يخصنى مرام انت عارف انى بحبها و مع كدا مش قادر تستحمل تشوفها معايا
مازن / هى مش معاك عمرها مكانت معاك و عمرها مهتبقى معاك عمرها مهتشوفك اكتر من اخ كام مره هتقولهالك عشان تفهم انها مبتحبكش
محمود / يعنى بتحبك انت
مازن / هتحبنى
محمود / مش هسمحلك
مازن / و بيقولوا عليا انى انانى ايه ملهاش حق تختار ملهاش حق تحب ان مكنتش ليك مش لغيرك تفرق ايه بقى عن توفيق الزفت ده
محمود / متقارنيش بحد انا مش زى اى حد
مازن / سبها تختار
محمود / حتى لو اختارتنى اخ ليها واجبى انى ابعدك عنها و احميها منك دا واجبى
مازن / انت قولت انك بتكرهنى عشان انا فاشل هتغير هبقى انسان كويس شاطر هبقى واحد تانى انا مش هاذيها انا بحبها هتغير
محمود / محدش بيتغير يا مازن محدش بيقدر و ان قدروا فبيتغيروا للاسوء
الممرضه تطلع من جوه يجروا عليها
محمود / عامله ايه ارجوكى طمنينى
الممرضه / فاقت و بقت كويسه و بتسال عن محمود 
محمود يدخل و مازن يفضل واقف
.................................
فى اوضه مرام
محمود يدخل
محمود / عامله ايه دلوقت
مرام / الحمد لله احسن انت عامل ايه
محمود / انا كويس قلقتينى عليكى يا بنت الايه دى عمله تعمليها توقعى قلبى كدا
مرام / محمود
محمود / متتكلميش ارتاحى ارتاحى و بس ياريتنى كنت انا يا شيخه ياريتنى كنت انا
مرام / ارتاح ازاى و انت بتتصرف بالشكل ده انا تعبانه و طول اليوم ... محمود انا شوفت اصعب يوم فحياتى تيته كانت هتروح منى ... روحت لتيته شوفتها اطمنت عليها ... يا محمود انا لا بحب مازن و لا عاوزه اتجوزه بس الموضوع صعب الناس كانت هتموتنى هجموا علينا كانهم مسكينا متلبسين بفضيحه كل الناس كانت بتتفرج مفيش حد بيرد و لا حتى عارف يرد الموقف كان صعب عمرى مفكرت و لو للحظه فخيالى انى ممكن اعيش يوم زى ده متبقاش انت و الدنيا عليا يا محمود
محمود / و خطوبتك من مازن هى الحل
مرام / انا موافقتش و قولتله نفشكل و نعمل انك قرفت مالمنطقه و الحاجات اللى شوفتها و بتهرب مالمشاكل انا رفضت
محمود / مرام
مرام / انا لو هختار حد هختارك انت بس انت كمان لازم تختارنى يا محمود لازم تفهمنى و تحس بيا انا فمحنه كبيره اوى ربنا ميكتبها عليك و لا على حد انا بمتحن فشرفى يا محمود سمعتى
محمود / قطع لسان اللى يقول عنك كلمه
مرام / انا تعبت بجد مش قادره تعبت تيته كانت هتروح منى انا تعبت بقى تعبت
مرام تعيط
محمود / طب خلاص خلاص ارتاحى و نامى و انا هروح اطمن على تيته و ارجعلك اهدى مش هنتكلم فى الموضوع ده تانى لما تخرجى من هنا  نبقى نتكلم دلوقت ارتاحى ماشى
مرام تمسح دموعها
محمود / انا هنا لو عوزتى حاجه بره متقلقيش ماشى بره
مرام تهز راسها محمود يخرج بره و يقفل الباب
..................................
فى شقه المعلم اسعد
ست / بكره الصبح لازم تاخدنى نروح نزورها و نطمن عليها
اسعد / والله معرف هوريها وشى ازاى بعد اللى حصل
الست / و انت مالك يا حج هو انت اللى قولت الكلام ده دا توفيق و كلنا عارفين اخلاقه عامله ازاى
اسعد / بس معرفتش ارد عنهم دا حتى الجدع اللى اسمه مازن احرجنى بالادب و قالى كتر خيرك كفايا اللى انتوا عملتوه
الست / لا بس هى غلطانه برده و الناس كانت تعرف منين يعنى كان المفروض تقول
اسعد / يا وليه اتقى الله دانتى عندك بنات هو انتى كل مبيجى لبنتك عريس بتجرى تقولى للحاره كلها ايه مهو معاهم حق الكلام كان لسه عالورق
الست / بس سمعت انه غنى اوى و ابن ناس عليوى اوى اوى اوى
اسعد / و احنا مالنا
الست / ممالناش انا بقولك اللى سمعته مشوفتش محمود هناك
اسعد / لا مشوفتوش
الست / اصلهم مش هنا عند خالته فى المستشفى اصلى كلمه الحجه مديحه و مكنوش عارفين اى حاجه عن اللى حصل
اسعد / منك لله يا بعيده زمانك قلقتيها الله يعينك يا حجه مديحه هتقلقى على اختك و لا الحجه سميحه
الست / الله و انا اش عرفنى يعنى انا كنت بتصل اطمن على الحجه سميحه
اسعد / نامى نامى احسن
الست / على رايك يلا تصبح على خير
.............................
فى اوضه سميحه
محمود / والله ابدا بس
سميحه / على العموم انت عارف انى مش زعلانه منك
محمود / بس انا زعلان مش هعاتبك بس زعلان
سميحه / مفيش حاجه حصلت من وراكوا يا محمود كل حاجه جت فجاه هو انا هكدب عليك
محمود / يا تيته انتى اللى فاتحه للى اسمه مازن ده الباب انتى اللى سمحاله يلعب بينا كدا هو اللى متفق مع توفيق كل ده هو مخططتله انتى
سميحه / انت ليه بتصور مازن ده شيطان اوى كدا
محمود / عشان هو كدا انا عارف انه وحش انا عارف انه بيعمل كل ده عشان ينتقم منى و من مرام
سميحه / و هيعمل كدا ليه
محمود / عشان هو وحش هو كدا انسان مريض
سميحه / انت ايه اللى جرالك
محمود / تيته انا ...
محمود يبص لسميحه و ياخد نفس و لسه هيتكلم الباب يتفتح و مرام و مازن يدخلوا
سميحه / حبيبتى سلامتك
مرام / انا كويسه يا تيته خدت محلول و بقيت كويسه
سميحه / شوفتى عشان تبقى تتبترى عالشوربه اهى بردت
مرام تبتسم و تروح تقعد جنب سميحه سميحه تاخدها فحضنها
مازن / انا بقول نسيبكوا ترتاحوا
محمود / ياريت
مازن / انا بره يا تيته لو عوزتى حاجه
محمود / مش هيعوزوا انا جيت خلاص
مازن / دا على اساس انك هتنام معاهم هنا يعنى و لا ايه
شريف / مازن
مازن يبص لشريف و يطلعوا بره و مازن يرزع الباب وراه
محمود / ربنا ياخدك
سميحه / اهدى يا محمود يابنى اهدى مش كدا
محمود / بكرهه
سميحه / ههههههههههههههههههههههههه تعرف الله يرحمه خال مرام كان نسخه منك مكنش يطيق ابوها و لا يطيق سيرته يلاهوى يا محمود فكرتنى دا يوم مابوكى اتقدم لامك ههههههههههههه نفس رده الفعل
محمود يقوم و يسيب المكان و يرزع الباب وراه
مرام / هو فى ايه
سميحه / ربنا يهدى ... بقولك عاوزه اتكلم معاكى فحاجه
مرام / خير يا تيته
سميحه / انتى اتكلمتى مع مازن او محمود فحاجه
مرام / اه اتكلمت مع الاتنين مازن جد فطلبه و اتفق مع المعلم اسعد انه هيجى هو و خاله يطلبونى رسمى اول متطلعى مالمستشفى
سميحه / و انتى رايك ايه
مرام / فى ايه
سميحه / فى مازن
مرام / يا تيته الموضوع كله فاشل اصلا مينفعش يجى عليا يوم و يقولى انا ادبست فيكى و لا عشان سمعتك و لا اى حاجه من دى و بعدين انا مش عشان اسكت توفيق اللبس فمازن
سميحه / هههههههههههههههههههههه
مرام / مازن عمل معانا كذا موقف جدعنه انا منكرش بس برده بتاع بنات و سمعته زى الزفت و خناقاته مع محمود اللى مبتخلصش يا تيته دا مدبلر كام سنه
سميحه / بس ؟؟
مرام / فاضل ايه انا عاوزه راجل ابنى معاه حياتى مش مجرد مرحله مازن مش جد فاى حاجه بيعملها
سميحه / يعنى لا
مرام / انتى شايفه فيه ايه حلو يا تيته
سميحه / مش مهم انا اشوف المهم انتى تشوفى انتى اللى هتتجوزى مش انا
مرام / اصلا مش قادره اتخيل صورتنا سوا عقلى مش
سميحه / و ايه دخل عقلك بالموضوع قلبك بيقولك ايه
مرام / انتى هتعملى زيه
سميحه / لان ده الصح
مرام / انسى يا تيته انا معنديش استعداد ابقى فتره فحياه حد
سميحه / ماشى نامى
مرام / تصبحى على خير
سميحه / و انتى من اهله
مرام تبوس سميحه و تقوم تنام عالسرير التانى
سميحه / اللهم خير لى و اخترلى فانا لا احسن الاختيار
..................................
فى شقه مديحه
مديحه بتتكلم فى التليفون و معاها احلام
مديحه / انا هجهزلها كل حاجه و هستناكوا هنا .... ماشى لما تخرج طمنونى ... يلا لا اله الا الله
احلام / عامله ايه
مديحه / بيكتبولها خروج
احلام / هو صحيح مرام جالها عريس و لا دى اشاعه
مديحه / ياختى وربنا مانا عارفه خشى غيرى هدومك و ارتاحى و انا هدخل احضر الاكل
احلام / لا عنك انتى يا خالتو انا هعمل كل حاجه
..................................