السكه شمال بقلم / لولو_محمد ( كامله )

الجزء التاسع عشر

(السكة شمال )))))))))))
#لولو_محمد
الحلقه 19
نورا / فى حد عندك
مازن / انتى جيتى ازاى كدا
نورا / فارق معاك اوى
مازن / اه فارق مالك انتى مش كنتى بطلتى شرب
نورا / بجمله الحاجات اللى قولت هبطلها و مبطلتهاش
مازن / هعملك قهوه
نورا / سعيد خطب
..............................
مازن يقف و يبصلها هى تقعد على اقرب كرسى و تعيط يروح ياخدها فى حضنه
نورا / انا بكرهك
مازن يعدى ايده على شعرها نورا تزقه و تقوم تقف تقع فى الارض يقوم يمسكها تزقه و تقعد فى الارض
نورا / بطل بقى سبنى.. دلوقت خايف عليا دلوقت اهمك مصعبتش عليك مره.. مره واحده بس اعمل ايه اكتر من كدا دانا سبت مصر كلها و طفشت عشان ابعد عنك و انساك اتخطبت و كنت هتجوز كان هيبقى عندى بيت و اولاد زى اى واحده فى الدنيا بس ازاى مينفعش لازم ارمى كل ده ورا ضهرى و ارجع كلبه تحت رجليك و احط جزمه فبقى و اسكت
مازن / هو كمان محبكيش على فكره لو كان حبك مكنش قدر يخطب واحده تانيه بالسرعه دى
نورا تقوم تقف و هى بتطوح يقوم و يسندها و تزقه و كل متيجى تقع يسندها تزقه
نورا / ميولع انت فاكرنى زعلانه عشانه ههههههههههههههههه للدرجادى مش فاهمنى للدرجادى مش حاسس بيا انا ليه مجبره على العيشه دى انت عارف انا هنا ليه انا هنا عشان اقولك انى مش عاوزه اشوف وشك ده تانى من النهرده مش هسكتلك مش هكون كلبتك تانى ... ابدا ... مش هقبل انى اكون ... اصلا ايه يجبرنى انا مش محتاجه لفلوسك انا عندى كل حاجه انا لو عاوزه اتجوز هيترموا تحت رجلى زى النمل و انت عارف... انت عارف
مازن / عارف
نورا / بس بلف اللف و ارجعلك ليه بقبل انى اشوفك مع غيرى بقبل انى اكون .... بس خلاص لحد كدا و كفايا من اللحظه دى انا مش هعرفك تانى من اللحظه دى انت بره حياتى هنساك و مش هفكر فيك تانى انت فاهم و لا لا
مازن / فاهم
نورا تعيط و مازن يمسح دموعها
نورا / لا مش فاهم مش فاهم اى حاجه مش فاهم اى حاجه خالص
مازن / لا فاهم اهدى خلاص
نورا / فاهم ايه فاهم انك ولا حاجه منغيرى فاهم ان كل الرهانات دى انت كسبتها عشان انا بساعدك بساعدك تبقى مع غيرى بساعدك تحط فقلبى الف سكينه و انا مبسوطه و فرحانه و بسقفلك برافو مازن برافو حبيبى اقتلنى كمان ... اقتلنى ... انت بتبصلى كدا ليه صعبانه عليك قولى صعبانه عليك حاسس بيا
نورا تقعد و تبص بعيد
نورا / انت اصلا عمرك محسيت بيا عارف ليه عشان انا رخصت نفسى ليك انت بتشوفنى واحده رخيصه واحده معندهاش كرامه ... و نسيت ان نورا ملكه ... ملكه بس خلت نفسها جاريه تحت رجليك و برضه مش عاجبك بس تعرف
نورا تقوم تروح ناحيه الباب
نورا / انت اللى هتتعذب مش انا هتدور على واحده تحبك قدى و مش هتلاقى انت فاهم هتندم
مازن / انا اسف
نورا تحاول تفتح الباب عشان تمشى مازن يمسكها
مازن / هتسوقى ازاى و انتى كدا
نورا / والله خايف عليا اوى
مازن / اه خشى
مازن يشدها و يقفل الباب و هي تقاومه
نورا / ايه هتمنعنى بالقوه وسع
نورا تحاول تفك ايدها من ايد مازن مش عاوز يسيبها
مازن / بطلى بقى و اهدى هتموتى نفسك عشان ايه هاه فوقى
نورا / سبنى اموت و لا اروح فداهيه انت مالك سبنى
مازن يحضنها
مازن / انا اسف حقك عليا اسف اهدى بقى اهدى
مازن يبص عليها يلاقيها نايمه يتنهد و يشيلها يدخلها اوضته و ينيمها فى سريره و يغطيها و ينفخ و يمشى و يروح يقعد فى الصاله عاللاب و يمسك الموبايل و يتكلم فى التليفون
مازن / صحيتك
صوت شاب / لا كنت صاحى حضرتك
مازن / هبعتلك ملف تاخده بكره و تروحوا بكره المطبعه تقفوا على ايدهم لحد متستلموا البنرات و الانفيتاشنز مطبوعه و كل حاجه تمام
صوت الشاب / تحت امر حضرتك
مازن / هبعتلك كمان ناس من اللى هينظموا الحفله دى يكونوا معاك
صوت الشاب / تمام حاضر
مازن /اه خد الجيست ليست من استاذ مجدى و ظبطوا كل حاجه و اى حاجه يطلبوها الناس اللى هبعتهملك تسهلهالهم عالاخر
صوت الشاب / تحت امرك
مازن /  مش عاوز غلطه متصغرنيش
صوت الشاب / متقلقش حضرتك كل حاجه هتكون زى محضرتك امرت
مازن / تمام هكلمك بكره اشوف عملتوا ايه عاوز اسمع اخبار حلوه
صوت الشاب / لا اطمن حضرتك اطمن خالص
مازن / هنشوف سلام
مازن يقفل السكه و يتصل بحد تانى
مازن / ايوه يا حوده ازيك
محمود / انت عارف الساعه كام
مازن / ايه انت بتنام بدرى و لا ايه المهم انا بعتلك عالايميل الانفيتاشن بص عليها عشان هبعتها للمطبعه
محمود  / انت عبيط و لا ايه انت مصحينى مالنوم عشان كدا ايه انت فاكرنى واحد مالموظفين بتوعك
مازن / لا بس
محمود يقفل السكه فوشه مازن يدايق و يكتب رساله و يبعتها ثوانى و توصله رساله تانيه مازن يوصل الموبايل باللاب و يتك على كام زرار عاللاب و يمسك الموبايل و يفكه و يبعت منه حاجه يحط ايده على خده و هو بيهز رجله شويه و توصله رساله عالموبايل تانى يبتسم و يحط الموبايل عالترابيزه و يفرد ضهره و ينام عالكنبه و هو مبتسم
.............................
تانى يوم فى شقه محمود
محمود نايم مديحه تدخل تصحيه
مديحه / محمود قوم مرام بره قوم يا وله
محمود / صحيت صحيت
مديحه / انت قافل موبايلك ليه مرام بتحاول تكلمك من بدرى انتوا وراكوا معاد و لا حاجه
محمود/ لا و النهرده اجازه
باب الاوضه يخبط و مرام تدخل راسها
مرام / ادخل
محمود يقوم مالسرير
محمود / تعالى فى ايه
مرام / هنروح المطبعه نستلم الحاجات و نوزعها العربيه مستنيانا على اول الشارع
محمود / عربيه مين
مرام / انت لسه بتسال هنتاخر محدش هيستنانا خمس دقايق و تكون جاهز
مرام تمشى
مديحه / هعملك شاى على متغسل وشك
محمود / تسلم ايدك يا ست الكل اما نشوف اخرتها
...................
على ناصيه الشارع
اسراء و اريج و كرم واقفين جنب عربيه
اسراء / مكنا روحنا احنا و خلاص
كرم / يا شيخه
اسراء / انا قولت هنيجى نلاقيهم لابسين مش لسه هنستنى
اريج / خلاص جايين اهم
مرام و محمود يدخلوا محمود يسلم على كرم و مرام تسلم على اسراء و اريح
مرام / سوري اتاخرنا الباشا كان قافل موبايله و موصلتوش الرساله
اسراء / المهم اتاخرنا بما فيه الكفايه مازن باعت العربيه دى هتوصلنا و كرم معاه عربيته شوفى هتركبى فى انهى عربيه خلونا نتحرك
محمود و كرم يركبوا عربيه كرم و اسراء تروح تركب فى العربيه التانيه مرام تبص لاريج
مرام / هى مالها فى ايه
اريج / كبرى مخك
مرام / بقول كدا برضه
اسراء تركب قدام اريج و مرام يركبوا ورا و العربيات تتحرك
.........................
فى شقه مازن
مازن يصحى يقعد عالكنبه و يقوم يدخل اوضته يلاقى نورا لسه نايمه يروح المطبخ و يحضر الفطار و يكلم حد فى التليفون
مازن / ايوه يا شريف طمنى خلصتوا و لا لسه
صوت شريف / لسه متحركين حالا لسه موصلناش المطبعه سعاتك
مازن / طب لما تخلصوا كلمونى اى حاجه تقابلك كلمنى علاطول انا صاحي
صوت شريف / تمام حضرتك
مازن / مع السلامه
مازن يقفل و يحط لبانه عالنار و يقف جنبها
..........................
فى العربيه
اسراء / امال مازن مجاش ليه
الشاب / معرفش والله
اسراء / شريف صح
شريف  / ايوه حضرتك بس متقلقيش حضرتك هو منبه عليا اى حاجه تحتاجوها اسهلهالكوا عالاخر
اريج / هو انت بتشتغل معاه
شريف / انا سكرتيره الشخصى و مدير اعماله
مرام / الله يعينك
شريف / الموضوع مش صعب اوى كدا
اريج / و بتقبض كويس عالشغلانه دى
شريف / مع مرتب عشر تلاف جنيه فى الشهر و عربيه تحت رجلى اربعه و عشرين ساعه مبدفعش جنيه فى مصاريفها مين يقدر يشتكى و لا ايه
اسراء / عشر تلاف جنيه ليه بتعمله ايه يعنى
شريف / اي حاجه فاى وقت و اى مكان
مرام / و ياترى مجاش ليه
شريف / الحقيقه معرفش بس اكيد وراه حاجه مهمه لان المشوار ده واضح انه مهم اوى بالنسباله
مرام / و عرفت ازاى بقى
شريف / حضرتك مكلمنى كتير جدا يوصينى و بيكلمنى كل شويه يعرف التفاصيل
اسراء / حضرتك حضرتك على فكره احنا اللى المفروض نقولك حضرتك دى متحسسنيش انى كبيره اوى كدا
اريج / معلش انت قولت انك فاى وقت يطلبك لازم تكون موجود
شريف / اكيد
اريج / و مراتك مبتدايقش مالموضوع ده يعنى
شريف / انا مش متجوز
اريج / معقول لسه بتحوش فتمن الانتريه
اسراء/ هههههههههههههههههه
شريف / ههههههههههههههه ياريت المشكله كانت فالانتريه بس للاسف لسه مخطبتش اصلا وصلنا المطبعه اهى اتفضلوا
شريف يركن و الكل ينزل و محمود يروح جنب مرام
مرام / عريس لقطه فى عنبر سبعه
محمود / يا شيخه
مرام / ركز كدا
شريف واقف بيدحك مع اسراء و اريج محمود يبصلها يدحكوا و يداروها
.................................
فى شقه مازن
مازن ياخد صينيه الفطار و يحطها جنب نورا و يقعد جنبها و يلعب فى شعرها بالراحه تفتح عينها بالعافيه يبتسم
نورا / انت بتعمل ايه هنا
مازن / بعملك تفطرى ايه رايك فى الدلع ده بقى
نورا تقوم تقعد و تبص حواليها
نورا / ايه ده انا فاوضتك
مازن / عامله ايه دلوقت
نورا / دماغى هتنفجر
مازن / تستاهلى عشان تحرمى تشربى تانى
نورا تنام عالسرير تانى مازن يناولها كبايه لبن
مازن / اشربى اللبن ده
نورا / مبحبوش
مازن / اشربى
نورا / طب حط رشه كاكو و لا اى حاجه
مازن / اشربيه كعقاب عشان تخلفى وعدك معايا
نورا / انا مش فاكره اى حاجه ... هو انا عكيت جامد اوى
مازن / اه جامد اوى جدا اولا رجعتى تشربى تانى ثانيا تسوقى و انتى سكرانه رابعا تخرجى اصلا باللبس ده فالجو ده انتى عاوزه تموتى
نورا تبص الناحيه التانيه يرجع وشه ليها
مازن / مفيش حاجه فالدنيا تستاهل انتى فاهمه مفيش حاجه تستاهل
نورا / كنت مخنوقه
مازن / هقولك حاجه لو غلاوه الناس بتتقاس على سكايل و هنا اعلى حاجه
مازن يحط ايده فوق خالص
مازن / فدى هتكون اغلى حد عندى مونيكا هنا انتى تحتها هنا علاطول جنب زياد بالظبط باقى الناس بقى تحت هنا متوزعين فهمتى حاجه انتى غاليه عندى اوى يا نورا اوى انتى اعز اصحابى مبثقش فحد قدك مبثقش فحد غيرك اصلا
نورا تبصله بحزن
مازن / انا بخاف عليكى
نورا/ بطل تعاملنى حلو بقى معندكش ضرب شتيمه اى حاجه تكرهنى فيك
مازن / ههههههههههههههه دانتى مش فاكره حاجه بجد بقى بصى ايدك
نورا تبص على ايدها تلاقيها زرقه مكان مسكه مازن ليها
مازن / معصعصه بس عصب يا بت فرهدتينى امبارح ههههههههههههههههههههههه
نورا / هههههههههههههههه و لا فاكره حاجه
مازن / انا ورايا كام مشوار كدا هخلصهم و ارجعلك ماشى
نورا / مازن بليز خليك جنبى النهرده
مازن / هتشربى تانى
نورا تهز راسها لا
مازن / وعد
نورا تهز راسها اه
مازن يبتسم و يقعد جنبها عالسرير و ياخد الصينيه على رجله
مازن / بس لو خلفتى وعدك المرادى هزعل بجد يلا يا ستى افطرى
..................................
فى المطبعه
شريف / فى اى تعديلات
اسراء / تعديلات على ايه مكل حاجه انطبعت خلاص
شريف / لا طبعا لو فى اى مشكله تترمي و يتعمل غيرها
مرام / و ليه يعنى فلوس حرام هى انا مش شايفه ان فى اى تعديل اصلا
كرم / و انا كمان و اهو مصلحه حاجه و اتنجزت
شريف / تمام تحبوا تروحوا مكان معين تقفلوا فيه الدعوات
الكل يبص لبعضه
مرام / الكليه
اسراء / فين فالكليه احنا هنضيع اليوم كلو عشان نلاقى قاعه فاضيه نشتغل فيها
مرام / المكتبه
اريج / هيطردونا يا بنتى اكيد هنعمل صوت
شريف / ايه رايكوا نشتغل فى الشركه
الكل يبص لبعضه
شريف / تمام يلا بينا
...............................
في شقه مازن
مازن نايم جنب نورا و واخدها فحضنه و هي بتعيط
نورا / انا بس نفسي افهم انا ليه زعلانه اوي كدا انا اصلا مبحبوش انا اللي سبته و اتحايل عليا كتير نرجع لبعض و كنت برفض ليه زعلانه بقي
مازن / و فيها ايه لو زعلتي يعني ازعلي و عيطي و كسريلك كام حاجه و بعدين قومي اقفي قدام المرايه و اظبطي مكياجك و كملي
نورا تبصله يهزلها راسه
نورا / انا مش قويه اوي كدا
مازن / و لا انا بس انا عارف ان في جنبي صحاب و اهل هيسندوني اكمل مش انتي هتسنديني اكمل ؟؟
نورا تهز راسها اه
نورا / بفكر اسافر لبابا تاني
مازن / لو ده هيبسطك سافرى
نورا / متيجي معايا
مازن /ههههههههههه طب و نبقي عملنا ايه بقي
نورا / خلاص خلينا هنا
تليفون مازن يرن يقون يقعد و يرد
مازن / ايوه يا شريف طمني ..... تمام خلى خالو يقابلهم ...لا شكرا ....مع السلامه
نورا / مرام
مازن/ هو الزعل بياثر عالسمع و لا ايه انتي مش سمعاني بقول شريف
نورا تعوج بقها و تبصله بطرف عنيها
مازن /اه مرام بينظموا حفله التخرج و انا بساعدهم اهو حجه عشان اكلمها
نورا / و سابتك تكلمها
مازن / بمبدا ان كانلك عند الكلب حاجه قوله يا سيدي
نورا / هههههههههه اممممم و هتفضل كدا لحد امتي
مازن / واحده واحده
نورا تهز راسها صوت باب الشقه بيتقفل
مازن / ثواني
مازن يطلع بره و نورا تقوم تفتح الدولاب و تطلع هدوم مازن يطلع بره يلاقي زياد
مازن / علي فكره ده مفتاح استبن للطوارئ بس
زياد / امشي يعني و لا ايه .... نورا عندك؟؟ عربيتها تحت
مازن / اه هنا تعال اقعد
مازن و زياد يقعدوا و نورا تطلع من جوه لابسه بنطلون جينز و تيشيرت
نورا / هاي زيزو
زياد / تليفونك مقفول ليه يا بنتي كلمناكي كتير اوي امبارح
نورا / مش عارفه هو فين اصلا يمكن نسيته في البيت و فصل شحن يمكن في العربيه مش فاكره
زياد / اه كدا بانت ده مفتاح عربيتك يا مزه حضرتك سبتيها مفتوحه فوسط الشارع و لولا البواب عارفك كانت اتقلبت
مازن / و مكلمنيش ليه
زياد / ابقي اساله يمكن محبش يزعجكوا و لا حاجه
نورا / انا ماشيه هتعوزوا حاجه
مازن / خليكي
زياد / ايه يا نونو هو اذا حضرت الشياطين و لا ايه
نورا / مصدعه و مش فيقالك سلام
نورا تاخد المفاتيح و تمشي
زياد / ايه !!!
مازن / انا داخل اللبس عشان نازل البيت بيتك
زياد / ايه المعامله دي انا جيت فوقت مش مناسب و لا ايه
مازن / هروح الشركه
زياد / لا مانت مش هتمشي الا لما تقولي حوار امبارح من الالف للياء انت كنت عندها فالبيت يا فاجر
مازن / وسع يابني
زياد / اما عيله متقولش لا
مازن / عيله متقفلش بابها فوش ضيف
زياد / طب و سي محمود ركب ارايل و لا كان وضعه ايه
مازن / هو انت فاكرني كنت بعمل ايه هناك
زياد / هو انت حد بيعرفلك حاجه بقي ياعم دانا منمتش طول الليل الفضول هيموتني
مازن / هيموتك انت برضه ماشي البس و اجيلك عشان منتاخرش ماشي و هحكيلك في السكه كل حاجه
زياد/ ماشي بس متتاخرش
................
في الشركه عند مازن
شريف يدخل قاعه اجتماعات و هما وراه
شريف/ اتفضلوا تقدروا تشتغلوا هنا صفوت باشا معاه ناس هيخلص و يجي يقابلكم تشربوا حاجه
اسراء / ميرسي مفيش داعي
مرام / ممكن ميه
شريف / اه طبعا
شريف يروح يفتح رف جواه تلاجه يطلع ازازه ميه ساقعه و فوق التلاجه كبايات يحط لمرام ازازه و كبايه
اريج / انت بتشتغل هنا من زمان
شريف / تلت سنين
كرم / هو مازن هيجي
شريف / هو قالي هيقابلكم هنا دا كل اللي اعرفه عن اذنكم ثواني
شريف يطلع بره و مرام تفتح الدعوات و تطلع اللسته و اسراء تقوم تفتح التلاجه اريج تالس عليها
اريج / ميرسي مفيش داعي تعالي هتفضحينا
اسراء / بتفرج بس
كرم / علي الله يكون في كاميرا هنا و لا هنا هههههههه
اسراء تقفل التلاجه و تروح تقعد
........................