السكه شمال بقلم / لولو_محمد ( كامله )

الحلقه ١٣٢

((((((((((((السكة شمال ))))))))
#لولو_محمد
الحلقه 132
مرام / كان هيحصل يا مازن لولا لطف ربنا كان زمانى مكان صافى
مازن / و توفيق كان بسببى انا برده
مرام / اه بسببك نسيت عملت فيه ايه فى الحاره اول مره
مازن / كان بيعاكسك كنت اقف اتفرج و هو ماسك ايدك بالشكل ده
مرام /  كنت هعرف اتعامل على فكره
مازن / اه طبعا امال ايه
مازن يقوم يروح يقف فى ركن
مرام / مازن لو بتحبنى بلغ البوليس لو بتحبنى متكسبش عداوات جديده
..............................
مازن / متعلمتيش انتى صح مشوفتيش حوار امل خلص على ايه
مرام / ايوه بس المرادى
مازن / متفرقش كتير يا مرام صدقينى متفرقش كتير نهائى
مرام / و انا مش هقدر اكمل حياتى مع مجرم
مازن / مجرم ؟؟؟ انا مجرم
مرام / اه و بلطجى متفرقش حاجه عن توفيق و اللى زيه الفرق الوحيد انك بتعملها بشياكه
مازن / دا رايك فيا
مرام / اه رايي فيك و كفايا بقى لحد كدا
مرام تقوم تكمل لم فى هدومها مازن يحاول يحضنها تبعد عنه و هى بتتافف
مازن / للدرجادى
مرام / من فضلك
مازن / طب لو سمحتى اجلى اى حاجه للصبح
مرام تبصله
مازن / ارجوكى
مرام / ماشى
مازن / تصبحى على خير
مازن يطلع بره يلاقى صافى واقفه مع شريف و فى ايدها كيسه فيها مراهم
صافى / متدايقش نفسك هتكلم معاها
مازن يهز راسه بحزن صافى تدخل و تقفل الباب
شريف / شدت مع لبنى و قالتلها لو مش عجباكى حياتنا ارجعى للفقر اللى كنتى فيه و ان كان اقل امين شرطه ممكن يحط عليكوا و كلام من ده
مازن مش مهتم
شريف / عالصبح هتهدى و صافى مش هتسيبها متقلقش
مازن / شيفانى مجرم و بلطجى
شريف / متلومهاش انت عارف قد ايه هى ميثاليه و بتحب تعمل كل حاجه صح هى صغيره برده مش فاهمه حاجه و كل ده جديد عليها
مازن / بس هى معاها حق يا شريف حياتها كانت اهدى بكتير قبل مدخلها كل الحاجات دى بتحصلها بسببى اصلا فيفرق بايه بقى انى انقذها فى النهايه و ابان البطل مكلو بسببى
شريف / دا نصيب مكل واحد فيكوا حاول يبعد عن التانى و مقدرتوش و خلينا منطقيين اللى حصل حصل و مفيش خروج منه
مازن يبصله
شريف / هى دخلت الدنيا دى خلاص و مينفعش تخرج منها كدا كدا هتفضل ايدك اللى بتوجعك و الكل عارف فالافضل انها تبقى جنبك هو ده اكتر مكان امان بالنسبالها انها تبقى تحت عنيك عشان تقدر تحميها لكن لو بعدت مهما حاولت اكيد مش هتقدر
مازن / مش هقدر ابعد عنها اصلا المشكله انى كنت عارف ان كل ده هيحصل عشان كدا عمرى محاولت اقرب منها زمان كنت بتابعها من بعيد اعرف اخبارها اطمن عليها لكن عمرى مقربت كنت عارف ان وجودى فحياتها هياذيها بس النصيب جمعنا ببعض و كل مقربت منها اكتر مقاومتى ليها بتقل لحد ملقيت نفسى مش قادر احاول حتى ابعد تعرف مع انى كنت عارف الكلام لما طلع منها اصعب مليون مره
شريف / اكيد مكنتش تقصد
مازن / متفرقش
تليفون مازن يرن
مازن / دا زياد ... ايوه معاك ... بالشفا ... ماشى سلام
مازن يقفل
شريف / خير
مازن / قبضوا عليهم فى كمين معاهم كميه حشيش تلبسهم تابيده
شريف / متقولش لمرام بقى هههههههههههههههههه
مازن / ههههههههههههههههههههه صحيح هم يبكى و هم يدحك
شريف / معزوره يابنى والله
مازن / عارف والله يلا يلا كان يوم طويل
مازن يمشى مع شريف
شريف / تلاقيك اتحسدت والله يابنى عشان بترقص معاها
مازن يزق شريف شريف يرجع يحضنه و هو بيدحك
..............................
فى اوضه مرام
مرام قاعده عالسرير منهاره مالعياط و صافى قاعده بتدهن الاجزاء الوارمه من وشها
صافى / تفتكرى هيهدى عالصبح
مرام تبصلها و تمسح دموعها و تروح تقعد جنبها
مرام / بتوجعك
صافى / شويه
مرام / انا اسفه كل ده بسببى انا
صافى / متبقيش هبله شهاب اصلا حيوان و الحمد لله انها جت لحد كدا انتى مشوفتيش بنت المجنونه دى كانت بتبصلى ازاى كانت عنيها كلها غل كانت هتاذيكي بجد و لا الحيطان اللى كانت معاها عارفه شادى جنبهم بيبى بيرضع
مرام / الله يطمنك
صافى / متخافيش مازن مش هيسكت
مرام / و ده اللى مخوفنى اللى بيعمله ده غلط
صافى / و اللى هما عملوه مكنش غلط
مرام / بس مينفعش لما الكلب يعضنى اعضه
صافى / لا بس لازم تعاقبيه تضربيه تحبسيه لكن مش هتتعاملى كانه معملش حاجه يعنى
مرام / مانا قولتله كلم البوليس
صافى / يا مرام شهاب كمان واصل و كان هيلاقى طريقه يخرج منها بس ساعتها انا هكون اتبهدلت فى الاقسام و الموضوع هيتفضح و سيرتى هتبقى على كل لسان و اثبتى بقى انه منجحش فى اغتصابى فعلا
مرام تبص لصافى
صافى / مازن هيعاقبه العقاب اللى يستحقه مش هيقتله
مرام / طب تضمنى منين انه بعد كدا ميحاولش يكررها تانى
صافى / مضمنش مفيش حاجه فى الدنيا مضمونه اعمل ايه تعرفى يوم كتب كتابك و انا مروحه فى شويه صيع حاولوا معايا و لولا شريف ادخل ربنا وحده اللى يعلم كان ايه اللى هيحصل بصى الموضوع صعب الناس بتاكل فبعض حرفيا بياكلوا فبعض مفيش ضمانات
مرام / انا تعبانه جدا
صافى / و انا بصى تعالى ننام و الصبح لما تهدى نتكلم تانى و اتكلمى مع مازن تانى و شوفى هيحصل ايه
مرام تقوم من جنبها و تفرد ضهرها عالسرير بهدومها و تتنهد بحزن و كسره
..............................
فى اوضه لبنى
لبنى / الحمد لله انها جت على قد كدا بس تعرف انت عبقرى انا عمرى متخيلت انك هتقدر تلم الموضوع بالشكل ده و اهو كدا مهما قال و لا فتح بقه مفيش حد هيصدقه بس كان نفسى اوى تيجى فيها هى
زياد / والله صافى صعبت عليا
لبنى / يلا ادى اخره اللى يقرب مالجرثومه دى ..مالك؟؟
زياد / شريف مش مريحنى
لبنى / معلش انت عارف صافى غاليه عليه قد ايه ههههههههههههههه
زياد يبصلها
لبنى / عوزاك تقرب من مازن اليومين دول و متديش فرصه لشريف يلعب فى دماغ مازن مش عاوزين وجع دماغ
زياد / منغير متقولى
لبنى / و انا برده هحاول اعصر على نفسى لمونه و اقرب منها
زياد / اوعى
لبنى / بتقول ايه
زياد / احنا قولنا ان انتى قفشتى مع صافى لمى الليله هما مش هيطلعوا بكره معانا اليخت هيفضلوا هنا مش عاوزين حد يشوف صافى و يسال ايه اللى حصل محدش عارف مين شاف ايه و لا سمع ايه طول مالموضوع بنا هنعرف نلمه
لبنى / معاك حق بس كانت فين الدماغ دى من زمان
زياد / لا يا شيخه موجوده ياختى انتى بس اللى تركيزك فى حته تانيه
لبنى / تقصد ايه
زياد / بقولك ايه احنا هنقضيها رغى متقومى تورينى اى حاجه ماللى كانت بتحصل فى الاوضه
لبنى / بس كدا ثوانى هغير هدومى و اجيلك
زياد / يا دلعو يا دلعو هههههههههههههههه
................................
فى اوضه مرام
مرام نايمه عالسرير و عنيها مبتبطلش دموع تتقلب تبص على صافى نايمه و داهنه وشها مرهم تبص عليها و تتنهد و تفتكر
////////////////////////////
مازن / مجرم ؟؟؟ انا مجرم
مرام / اه و بلطجى متفرقش حاجه عن توفيق و اللى زيه الفرق الوحيد انك بتعملها بشياكه
مازن / دا رايك فيا
مرام / اه رايي فيك و كفايا بقى لحد كدا
........................
مازن / توعديني ..توعديني تفضلي جنبي حتى لو افتقرت و معدش حلتى حاجه
مرام / اوعدك اصلا...
مازن / خلاص محدش تاني فالدنيا يفرق معايا
..........................
مازن / مش فاهم
مرام / يعنى نطلق
مازن / ايه ؟؟
مرام / انا العيشه دى مش عجبانى مش قادره اتخيل انى هعيش انا و عيالى فى التوتر و الخوف ده طول عمرنا
................................
مازن / انا بحبك بحبك انتى و بس سبت الدنيا كلها و اختارتك انتى بقدملك النهرده و بكره و بعده و اللى باقى من عمرى هو ده كل اللى عندى هو ده كل اللى اقدر عليه بس لو ده مش كفايا بالنسبالك
مازن يبص لمرام يلاقيها بصاله يسكت
مرام / سكت ليه
مازن / مش قادر اقولها
مرام / نسيب بعض؟؟
مازن / دا على جثتى مش هيحصل
...............................
مرام / يارب انا عمرى مطلبت منك حاجه كنت علاطول كريم عليا و بتدينى منغير مطلب يارب انا مش عاوزه غيره اجمعنى بيه يارب اسعدنا يارب و اقفل علينا باب هو اتغير بقى كويس و بيصلى سامحه و متاخدناش بذنب اللى كان بيعمله هو تاب يارب هو مش عاوز غير الحلال دلوقت يارب متفرقش بنا و لا تمتحنى فيه يارب انت الوحيد القادر على كل شئ انت اللى زرعته جوايا متوجعنيش فيه يارب متحرمنيش منه يارب مش هقدر والله مهقدر
//////////////////////////////////
مرام تتنهد و تقوم تطلع بره و تروح لمازن اوضته تخبط الباب بالراحه يفتح يلاقيها واقفه و عنيها كلها دموع يفتح دراعاته تدخل فى حضنه و تفضل تعيط يقفل الباب و ياخدها و يقعدوا عالسرير
مرام / انا تعبانه اوى تعبانه اوى بجد
مازن / حقك عليا انا اسف والله العظيم انا نفسى مش طايق الهم ده بس اعمل ايه يعنى اديكى شايفه القرف بيجيلى لحد عندى مفيش لحظه حلوه بتهنى عليها و كل مقول اخيرا يا مازن هتفرح الاقى الدنيا بتدينى بعزم ما فيها
مرام تبصله يمسح دموعها
مازن / انا ممكن استحمل اى حاجه لكن دموعك دى بتوجعنى و فكره انك تبقى مش موجوده فحياتى الموت بالنسبالى اهون مليون مره من انى حتى اتخيلها
مرام / و انا كمان والله
مازن / يبقى متقوليهاش تانى
مرام تهز راسها مازن يمسح دموعها
مازن / هما اللى بيجبرونى عالطريقه دى هما اللى بيطلعوا الوحش اللى جوايا
مرام تتعدل و تبعد عن حضنه و تقعد يبص عليها باهتمام
مرام / تعرف جت عليا لحظه النهرده انا نفسى كنت خايفه منك
مازن / منى انا !!! انا عمرى مهاذيكى يا مرام
مرام / ايوه دلوقت عشان بتحبنى لكن افرض فيوم مالايام
مازن / مفيش يوم مالايام مفيش حاجه فالدنيا هتغير مشاعرى ناحيتك هفضل احبك لاخر يوم فعمرى و لازم تبقى واثقه فده
مرام / توعدنى
مازن / اوعدك.. انا عمرى مهاذيكى و لا هسمح لمخلوق ياذيكى الموت عندى اهون من ان ده يحصل اوعى تخافى ماشى اوعى
مرام تبصله مازن ياخدها فى حضنه
مازن / مش عارف انا اليوم ليه مخلصش عالكاش الاحمر بتاعك ده لا شوفى مش اول مره اشوفه بس عليكى حاجه تانيه خالص
مرام تدحك و تكتمها بخجل يرفع راسها و يبص فعنيها
مازن / ايه رايك نتخيل ان اليوم خلص على كدا رقصنا انا و انتى و خدتك و جينا على هنا و كان مفيش حاجه تانيه حصلت
مرام / بالبساطه دى
مازن / اممممم معاكى حق هى مش سهله فانا بقول يعنى بما انك مغيرتيش هدومك يبقى لسه لبساه تحت صح
مرام تقوم من حضنه و تبصله بحزر 
مرام / انت عاوز ايه
مازن يشدها فى حضنه و هو بيدحك
مازن / تعالى هنا رايحه فين انا كنت بقول يعنى نعيد المشهد نرقص انا و انتى شويه و بعدين ننام و ننهى اليوم زى مكنت بتخيله
مرام / انا بقول اروح انام جنب صافى احسن
مرام تيجى تقوم مازن يشدها عليه و هو مبتسم
مرام / يعنى الحق عليا انى مرضتش اسيبك تنام زعلان و جيت اصالحك
مازن / مانتى لو مشيتى هنام زعلان برده اتكلمتى مع تيته
مرام / لا
مازن ياخد مرام فى حضنه
مازن / انا بقى كلمتها كنت مخنوق فاتكلمت معاها و زمانها قلقانه تعالى اما نكلمها سوا نقولها اننا اتصالحنا
مرام / تمام
مازن يجيب موبايله و يتصل بسميحه و يفتح الاسبيكر
مازن / الو يا تيته ازيك
سميحه / حبيبى قد ايه فرحانه انى سمعت صوتك شكلكوا اتصالحتو
مازن / عرفتى كل ده من كلمه ازيك
سميحه / من صوتك يا حبيب قلبى
مرام / ازيك يا تيته
سميحه / ازيك يا قلبى عامله ايه انا مرضتش اكلمك قولت استنى اكيد هتتصالحوا لوحدكوا
مازن / مقدرتش على زعلى
مرام تزغده يبتسم
سميحه / ربنا يسعدكوا يا ولاد و يهنيكوا اهو كدا الواحد ينام مرتاح دانا من ساعه مكلمتنى و انا شايله هم هعمل ايه فكل قمصان النوم اللى اشتريتها دى
مرام تبص الناحيه التانيه و تقرقض فضوافرها مالكسوف
مازن / طب والله انتى احلى تيته فى الدنيا
سميحه / عشان تعرف انى مش مالحموات اياهم
مازن / دانتى اجدع من حفيدتك اقسم بالله
مرام / شكرا يا تيته شكرا يا حبيبتى
سميحه / الله مش انتى اللى قولتيلى لو لقيت حاجه حلوه اجيبها
مرام / يا تيته كان قصدى بلوزه جيبه بجامه عبايه
مازن / بس بس بس انتى هتفهمى اكتر من تيته و لا ايه بصى بقى يا تيته انا عاوزك تنسى ان مرام هنا خالص و تركزى معايا انا
مرام تبصله باستغراب و تفتح بقها
مازن / اوصفيلى بقى كدا واحد واحد عامل ازاى لونه طويل و لا قصير اوصفيه و اهتمى بالتفاصيل و لا اقولك صوريهملى
مرام تيجى تقوم يمسكها يقعدها و تغطى وشها بايدها
سميحه / اوصفلك ايه و لا اصورلك ايه هى حته القماش دى تنفع الا على صحبتها
مازن / الله .. والله يا تيته انتى بتفهمى
مرام / اقفلى يا تيته ابوس ايدك خلاص شكرا لحد كدا اوى اقطعى معايا بقى
سميحه / هههههههههههههههههههه احسن تستاهلى عشان تبقى تقهريلى الواد الحيله بالمنظر ده تانى
مرام تبص لمازن يعملها ساد فيس و يلوى بوزه
سميحه / طلاق ايه اللى بتتكلمى عليه انتى فاكره انك تقدرى تقعدى ساعه واحده بعيد عنه اذا كنت انا مبقدرش و الروح مبتردش فيا غير لما بيكلمنى و اسمع صوته
مازن / حبيبتى يا تيته
سميحه / دانتى واخده الغالى يا بنت الجزمه
مرام / فى ايه يا تيته انا حفيدتك على فكره مش هو
سميحه / انتى و هو فقلبى واحد
مازن يشد مرام فى حضنه تحط راسها على صدره
سميحه / انتوا ملكوش غير بعض يا ولاد متخلوش حاجه فالدنيا تفرق بنكوا هتندموا والله
مازن / مش بمزاجها اصلا انا كدا كدا عمرى مكنت هسيب و هى عارفه و مجربانى
مرام تبصله و تبتسم يخبط مناخيره بمناخيرها بدحك تتكسف
سميحه / ياما بيحصل يا ولاد و الحمد لله انى اطمنت عليكوا كدا الواحد ينام مرتاح
مازن / تصبحى على خير يا احلى و اجمل تيته فى الدنيا
سميحه / و انت من اهله يا احلى مازن فى الدنيا
مرام / تصبحى على خير يا تيته
سميحه / بس يا جزمه
مرام / ايه ده
سميحه / ههههههههههههههههه و انتى من اهله يا ست العرايس يلا سلام
سميحه تقفل
مازن / هى حته القماش تنفع الا على صحبتها
مرام / خلاص بقى
مازن / هههههههههههه ماشى خلينى انا الكبير يلا قومى اقلعى
مرام / ايه !!
مازن / هههههههه ايه هتنامى كدا
مرام / انا هطلع اوضتى
مرام تقوم مازن يشدها تانى فحضنه
مازن / خدعوكى فقالوا انتى فاكره ان دخول الحمام زى خروجه فوقى يا ماما هتنامى هنا و فحضنى و دا اخر كلام عندى مش هعرف امشى كلامى على مراتى و لا ايه
مرام تجر ناعم بخبث
مرام / انا بس كنت هجيب حاجه انام فيها مينفعش انام منغير بنطلون انا لسه خارجه من دور برد يرضيك الدور يزيد عليا و اعيي تانى
مازن / اممم محلوله استنى هنا
مازن يسيبها عالسرير و يقوم يفتح الدولاب و يقلب فالهدوم يجيب بجامه و يديهالها
مازن / بيتهيالى دى ممكن تمشى معاكى
مرام / ماشى هقيسها فى الحمام
مازن / كم انتى قاسيه يا امراءه
مرام / ياااااه وحشتنى اوى الكلمه دى بقالك ياما مقولتهاش
مازن / خشى يا مرام غيرى خلينا ننام فاليوم ده خليه يخلص خشى الله يهديكى
مرام تاخد البجامه و تخبط مازن فكتفه و هى داخله مازن يروح يحدف نفسه عالسرير و هو فمنتهى السعاده و يمسك الموبايل و يقعد يلعب فيه مرام تطلع مالحمام لابسه بنطلون واسع شانيل و عليه تيشيرت نص كم واسع قبل الركبه بحاجه بسيطه مازن يشوفها يدحك
مرام / بتدحك على ايه حلوه على فكره
مازن / اصل انا فاكر ان اخر مره لبستها كانت برمودا باين
مرام / وسع اما انام
مرام تزقه و تنام جنبه
مازن / قلبى يا ناس
مرام تبصله و تشد الغطا عليها و تديله ضهرها و تنام
..........................
فى اوضه صافى
صافى تقلق تقوم تشرب مايه متلاقيش مرام تقوم تدور عليها فكل حته متلاقيهاش تجرى تجيب التليفون و تتصل تليفون مرام يرن عالكومدينو تتصل بحد تانى
صافى /رد بقى ارجوك رد .... اللحقنى مرام مش هنا ... والله مش هنا ... طيب طيب طمنى ماشى
..........................
فى اوضه مازن 
مازن نايم على جنبه باصص على مرام مدياله ضهرها مبتتقلبش يقرب منها و يحضنها و يفكلها شعرها و يلعب فيه
مرام / بزمتك هنام كدا يعنى
مازن / فى جميع الاحوال مش هعرف انام
مرام تلفله و تنام على ضهرها و هو لسه حاضنها
مرام / انت عاوز ايه بالظبط
مازن يبتسم
مرام / متتلم يا مازن
مازن / انتى هتتلككى هو انا عملت حاجه و لا حتى فتحت بقى مانا متنيل على عينى متكتف اهو
مرام / طب استاخر شويه و نام
مازن / لا انا هنام كدا انا بحب احضن حاجه طريه و انا نايم
مرام تبص الناحيه التانيه و تهز راسها ماشى و تغمض عينها مازن يبوسها من خدها تحاول تتقلب يمنعها و يتحكم فيها اكتر و بايده يحرك وشها ناحيته تبص فى عنيه
مرام / مازن
مازن / حلينى مالوعد ده يا مرام
مرام / مازن
مازن / عشان خاطرى عشان خاطرى
مازن يقرب منها اكتر و تبقى فحضنه و يتكلم بهمس فودانها
مرام / فاضل اسبوعين بس و يمكن اقل.. مازن ارجوك
...................................