السكه شمال بقلم / لولو_محمد ( كامله )

الحلقه ٧٥

(((((((((((السكه شمال )))))
#لولو_محمد
الحلقه الخامسه و السبعون
مازن يقلع الدبله من ايده اليمين و يلبسها فى ايده الشمال
مازن / يلا سلام اشوفكوا اللايف الجاى
تليفون مرام يتعمله نوتيفيكاشنات كتير ورا بعض تبص معمولها منشن كل شويه حد جديد يعمل منشن من دفعتهم تليفونها يرن مش عارفه ترد ووشها احمر و بعدين ترد
.............................
مرام / الو
مازن / بتحدى العالم معاكى يا مرام
مرام / ماشى
مازن / و بقول للدنيا بحالها انى بهواكى يا مرام
مرام / كويس
مازن / و ان انتى حبيبتى و قلبى و روحى معاكى يا مرام
مرام / انت مجنون عارف ده
مازن / بحبك يا مرام
مرام ساكته و مبتسمه
مازن / سالتينى فى الكليه هحارب عشانك و لا لا انا عارف ان ردى ده مش كفايا بس بكره الايام تثبتلك انى مش عاوز فالدنيا غيرك
مرام دحكتها مالودن للودن
مازن / انتى الحاجه اللى عشت عمرى كله بدور عليها و معنديش اى استعداد انى اخسرها
مرام عنيها تدمع
مازن / عمرى محبيت غيرك و عمرى مهحب و زى مقال وياك اكون او لا اكون ... انتى يا بت هتعملى نفسك نايمه تانى والله
مرام بصوت محشرج من الدموع
مرام / مش نايمه
مازن / بحسب
مرام / بسمعك
مازن / مالك
مرام تمسح دموعها
مازن / انتى بتعيطى
مرام / لا لا انا كويسه انا بس .. عمر محد عمل معايا كدا و عمرى محلمت ان حد يعمل معايا كدا انا مش لاقيه كلام اقوله كل الكلام ميوصفش احساسى انا عمرى محسيت الاحساس ده اه بعيط على فكره و مش عارفه اوقفها يا بصله خلتنى اعيط
مازن / انا اسف انا
مرام / لا متعتزرش دى جميله دى احلى دموع فحياتى روح احفظ يا مازن انا عوزاك تدفع مهرى بسرعه عشان انا كمان عندى كلام عاوزه اقولهولك
مازن / حاضر بس بطلى عياط
مرام / هنام
مازن / هعدى عليكى بكره
مرام/ لا مفيش محاضرات بكره روح الشركه و لو عندك وقت فاضى احفظ و انا هقعد ازاكر و هبقى اكلمك فى التليفون
مازن / ماشى
مرام / تصبح على خير
مازن / و انتى من اهل الخير
مرام تقفل التليفون و تدخل تنام فى حضن سميحه
سميحه / قفلتوا بدرى
مرام و هى بتعيط / انا بحبه اوى يا تيته بحبه اوى
سميحه تحضنها و يناموا
.............................
فى شقه مازن
مازن قاعد بيحفظ الباب يتفتح يطلع يشوف مين يلاقى لبنى بتقفل الباب
مازن / دا ايه البجاحه دى
لبنى / زياد سافر و سابنى لوحدى لقيت نفسى زهقانه جيتلك
مازن / اطلعى بره يا لبنى احسنلك
لبنى تدخل تقعد و تحط رجل على رجل
لبنى / زياد عارف انى هنا على فكره
مازن يبصلها باستغراب
لبنى / ايوه مش الفيلا كان فى حرامى هيسرقها يرضيك خطيبه اخوك حد يتهجم عليها و هى لوحدها
مازن / انا بتشل
لبنى تقومله
لبنى / الف مليون بعد الشر عليك يا حبيبى
مازن / انا هريحك و اسيبلك الجمل بما حمل الشقه تحت امرك برطعى فيها زى مانتى عاوزه تصبحى على الف خير
مازن يفتح الباب لبنى تقفله
لبنى / هتسيبنى لوحدى و انا خايفه
مازن / اولعى يا روحى
لبنى / هولع بس وانا بولع هولع فيها معايا
مازن يبصلها
لبنى / انا ماشيه بس خليك فاكر
لبنى تفتح الباب و تمشى
مازن / ايه القرف ده هو فى كدا هو فى كدا
مازن يروح يمسك التليفون
مازن / انت فين يا زفت
زياد / زفت ؟؟ مالك يا مازن
مازن / بقولك انت فين
زياد / يا عم انا على طريق الجونه بس راجع قولى لبنى جاتلك
مازن / انت بتديها مفتاح شقتى بمناسبه ايه
زياد / تصدق انك عيل واطى
مازن / صبرنى يارب متروح عند امها
زياد / امها معايا كنا رايحين نبص عالشاليه و على العموم احنا اصلا راجعين كتر خيرك كتر الف خيرك
مازن / يعنى انا اللى بقيت غلطان يعنى
زياد / اقفل يا مازن لبنى بتتصل اقفل
زياد يقفل السكه فوش مازن
مازن / تستاهلها والله تستاهلها يا متخلف
مازن ينفخ و يحاولى يهدى نفسه
مازن / انا حارق دم اهلى ليه ماللى بيشيل قربه مخرومه هو اللى بيغرق بلا قرف انا داخل انام
.............................
فى شقه مرام
مرام تصحى تلاقى سميحه نايمه تبص على دبلتها و تبتسم و تقعد تلعب فيها و بعدين تبص على سميحه تانى و تقوم تدخل المطبخ و تعلق على حله كبيره سميحه تدخل
سميحه / صباح الخير ايه الهمه و النشاط ده كلو
مرام / صباح النور ايه اللى صحاكى
سميحه / هنام اكتر من كدا ايه بتعملى ايه
مرام / هسيح شيكولاته و اعمل تارت
سميحه / كويس مازن بيحبه
مرام / دا للشغل بقالى كتير مساعدتش بحاجه
سميحه / طيب متعملى بشاميل كمان
مرام / اشمعن يعنى محدش طالبها
سميحه / بجد امال طالبين ايه
مرام / بطلى يا تيته بقى الله
مرام تسيب المطبخ و تمشى سميحه تدحك
........................
فى شركه احمد
احمد قاعد على مكتبه شغال على اللاب بنت تفتح الباب
بنت / فى واحد بره عاوز يقابل حضرتك اسمه مازن منتصر
احمد يقفل الباب
احمد / خليه يتفضل و خلى الامن عالباب احتياطى
البنت / تمام حضرتك
البنت تطلع و مازن يدخل و يقعد و يحط رجل على رجل
احمد / عاش من شافك
مازن / عاوز ايه
احمد / ههههههههههههه انت اللى جايلى
مازن / انت اللى طلبت تشوفنى
احمد / بجد امتى ده
مازن / لما سلطت توفيق على مرام
احمد / مين ؟؟ انا ؟؟ و انا هعمل كدا ليه و بعدين مين توفيق ده اصلا
مازن يبتسم
مازن / ايه ده لحقت تنساه مهو ده اللى ادانى الحشيش اللى حطتهولك فجيبك يوم خطوبتى بايدى دى
مازن يحرك صوابعه
مازن / لا بس كانت ملعوبه صح محستش بيا انت ههههههههههههههههههههه
احمد / مره عليك و مره عليا هى الدنيا كدا هات و خد
مازن / طب كفايا بقى يا احمد عشان انا تعبت من كتر ماديتك .. على قفاك ايه هو مبيوجعكش
احمد / انت ليه مش مصدقنى ان المرادى مش انا
مازن / عشان حبيبك فتن عليك
احمد / يا مازن انت حبايبك كتير و ميتعدوش يا ترى مين ليها مصلحه تخلص من مرام مين محروقه منك و منكاده بحيث انها تاجر بلطجى ياذى حبيبه القلب
مازن / لاخر مره يا احمد ابعد عن سكتى و سكه مرام بالزوق كدا عشان انت عارف قد ايه زعلى وحش و ان كنت ناسى يا حبيبى افكرك
احمد / المهم انت متنساش
مازن يبتسم و يقوم
احمد / متقطعش الجوابات اصلك بتوحشنى
مازن يفتح الباب يلاقى الامن كله بره يبص لاحمد
مازن / طب والله اتغر كدا سلام يا حماده
مازن يقفل الباب و يمشى و احمد يمسك التليفون و يفكر شويه و بعدين يسيبه و يكمل شغل
.............................
فى شقه مرام
مرام تدخل الاوضه و تقفل الباب بالراحه و تمسك التليفون
مرام / صباح الخير
مازن / صباح النور وحشتينى نمتى كويس
مرام / يعنى و انت
مازن / بصراحه لا منمتش
مرام / ليه
مازن / قفشت مع زياد
مرام / ليه
مازن / متاخديش فبالك بتعملى ايه
مرام / بعمل تارت
مازن / حوبى انا
مرام / تيته بتقولى اعمل بشاميل بس التارت يتعان لكن البشاميل لا لازم يتاكل و هو سخن عشان الجبنه تمط
مازن / انتى بتعزمينى عالغدى
مرام / و فيها ايه
مازن / وحشتك ؟؟
مرام / و هو انا مينفعش اعزمك الا لو وحشتنى
مازن / بلى ريقى بشويه ميه دا اللى سقى كلب دخل الجنه
مرام / هقوم اعمل المكرونه و هرنلك قبل مدخلها الفرن متتاخرش
مازن / مش هقدر اجى للاسف
مرام / ليه تعال اتغدى و نقعد نزاكر سوا شويه
مازن / انا لسه رايح الشركه معرفش هتاخر و لا لا
مرام / هعملها برامات و مش هدخل برامك الا لما تكلمنى و تقولى انك جاى ايه رايك
مازن / افرضى اتاخرت
مرام / هستناك
مازن / افرضى
مرام / عنك مجيت اصلا انا الغلطانه اقولك مش عامله حاجه و طظ فيك
مازن / اهون عليكى
مرام / مانا مش هتحايل عليك يعنى بجد عصبتنى
مازن / و انا مقدرش على زعل ست البنات تحبى اغنيلك
مرام تبتسم
مازن / و ببقى هموت و اشوفها و قد ايه بيوحشنى خوفها كسوفها لما بكون واحشها دى دنيا كنت هموت و اعيشها لقيتها بيها حلم حلمت بيه كنت هموت عليه هايهااااااى
مرام / بس بس كفايا نشاز
مازن / هههههههههههههههههه هتعملى البشاميل و لا اغنيلك
مرام / حاول متتاخرش مش هتغدى منغيرك
سميحه تفتح الباب