السكه شمال بقلم / لولو_محمد ( كامله )

الحلقه ١١٨

((((((((((((السكه شمال))))))))
#لولو_محمد
الحلقه ١١٨
بنى / يا سلام عاوز تقنعنى اننا هناك مش هتنزل الميه خالص يعنى يا ستى لو عالمايو بسيطه دلوقت مايوهات المحجبات اشكال و اللوان و فكل المحلات
زياد /مازن معاه حق هى فعلا مش هتنبسط
لبنى / ليه
زياد / لما نروح هقولك
لبنى / لا قول دلوقت
زياد / خلاص يا لبنى بقى
لبنى / لا انا مصره عاوزه افهم
زياد /  عشان اللى حصل السنه اللى فاتت مثلا
........................
لبنى / يا سلام و ايه اللى فرق السنه اللى فاتت عن كل بول بارتى عملناها فحياتنا و بعدين مازن متجوز دلوقت الوضع اكيد اختلف و يا سيدى ان كان عالكام بنت اياهم مش هعزمهم  اصلا مش انا اللى كنت بعزمهم و انت عارف و بعدين معلش يعنى يا مرام هو انتى سر حربى مخبينك ليه
مرام / مش فاهمه قصدك
رساله تيجى لشريف يقوم ياخد جنب 
لبنى / يعنى المفروض تروحى مع مازن و تيجى مع مازن و تبانى كدا عشان الكل يعرفك و يعرف ان مازن متجوز و متجوز مين
مرام / مالكل عارف
لبنى / مش قصدى انا اقصد تثبتى حضورك تبانى معاه حد فاهم قصدى يعنى عشان كل واحده تلزم حدودها معاه بعد كدا
مازن / هو الكلام ده طالع من لبنى بجد و لا دا تاثير المحشى و لا ايه
لبنى / ليه يعنى هو انا كنت فارقت زياد من يوم مارتبطنا
مازن / فدى معاكى حق
لبنى / هى دى وجهه نظرى ان مرام تظهر اكتر و تبان اكتر عشان تقتل اى احلام فدماغ اى واحده من اياهم
مرام / ميحلموا براحتهم انا مش طماعه الحلم ليهم و الحقيقه ليا
صافى / اوووووووووووووووف
زياد / لا احنا نقوم نمشى بقى يا جماعه عشان الكلام اللى كبر عن مستوى القاعده ده
مرام / هههههههههههههههه للدرجادى
شريف يرجع
شريف / هو الحقيقه انا فعلا لازم امشى تسلم ايدك يا مرام على الاكل بجد
مازن / فى حاجه يا شريف خير
شريف / عادى البيت هروح اشوف فى ايه
مازن / ابقى طمنى تمام
شريف / تمام
صافى / شريف ممكن توصلنى فطريقك
شريف / اكيد
صافى / سلام يا مرام
مرام تقوم تسلم على صافى و زياد يسلم على مازن و زياد يغمز للبنى تقوم هى كمان
مرام / الله رايحين فين
لبنى / كفايا كدا عشان كمان طنط فريده متزهقش
مازن / هشوفك بكره فى الشركه
زياد / على الله اشوفك انت يا خويا يلا سلام سلام يا مرام
مرام / سلام يا زياد
الكل يمشى مرام تشاور لمازن يروح يقف جنبها و تبصله بطرف عينها
مازن / حوبى
مرام / هتقول لوحدك و لا هضطر اوريك الوش التانى
مازن / انتى الحقيقه و هم الحلم يا قلبى
مرام / واحد
مازن / يعنى هيكون ايه اللى حصل يعنى طيش شباب
مرام / اتنين
مازن / عكيت خلاص ارتحتى كدا
مرام / ههههههههههههههه مهو اكيد عكيت قول بقى عكيت ازاى
مازن / خلاص بقى عشان خاطرى انسى متفتحيش مواضيع تقفلنا من بعض
مرام / مش يمكن انا خيالى راح لبعيد و ظلماك
مازن يبصلها
مرام /  مش ظلماك انا صح
مازن يهز راسه لا مرام تهز راسها اه و هى بتبص الناحيه التانيه
مرام / مش ظلماك اوى يعنى
مازن يهز راسه لا مرام تبتسم
مرام / هتعمل كدا تانى
مازن / اخر مره والله هبقى مؤدب هبقى مؤدب
مرام / وعد
مازن / وعد هبقى مؤدب مع كل البنات اللى خلقها ربنا الا انتى
مرام تبصله مازن يغمزلها و يشيلها فجاه و ينط بيها فى حمام السباحه و هى بتصرخ و يغطسوا و بعدين يقب بيها و هى فحضنه و هى تكح و تصرخ و تقاوم
مازن / ماسكك ماسكك اهدى بس
مرام / انت مجنون طلعنى طلعنى
مازن يشدها للجزء العميق مرام تتشعلق فى رقبته تغطسه و تغطس معاه  تسيبه يطلع و هو ماسكها  تفضل حضناه
مازن / اهدى اهدى
مرام / انت جزمه عارف كدا طلعنى بقولك طلعنى
مازن / انا مرتاح كدا عاوزه تطلعى انتى اتفضلى
مرام متشعلقه فى رقبته و هو باصصلها و مستمتع اوى و هى عماله تبص يمين و شمال على طريقه مفيش
مرام / حقك حقك ماشى نطلع من هنا بس ماشى حاضر
مازن /  هتعملى ايه
مرام / هتشوف نطلع و هتشوف
مازن / خلاص محناش طالعين
مرام / ايه هنفضل كدا العمر كله
مازن / معنديش مانع انا اصلا بحب المايه
مرام / يا سيدى متحبها هو انا قولتلك متحبهاش انا مالى طلعنى و انزل ان شالله تبات فيها حتى بس طلعنى
مازن / اهون عليكى تسبينى لوحدى
مرام / يعنى اهون عليك اغرق يعنى
مازن / مش هسيبك متخافيش خليكى فحضنى كدا و انتى مش هتغرقى
مرام / على مزاجك طبعا
مازن / طبعا لو ينفع اكتر من كدا مش هقول لا
مرام / اكتر من كدا ازاى يعنى هو فى اكتر من كدا
مازن يبتسم
مرام / انا تعبت طلعنى
مازن / تدفعى كام
مرام / ابتدينا
مازن / ههههههههههههههههههههه
مرام / اعقل يا حبيبى حد يشوفنا
مازن / ميشوفونا هو احنا بنعمل حاجه غلط
مرام / ماشى تكسب عاوز ايه و تطلعنى
مازن / بوسه
مرام / نفسى مره واحده تفاجئنى مره واحده بس
مازن / ايه ده هو انا كل ده مفاجئتكيش و لا مره لا يبقى نفاجئك بقى مازن يبدا يفك زراير قميصه يفك اول و تانى زرار مرام تفك ايدها عشان تمنعه تفلت من رقبته تغطس يمسكها و يطلعها تقب مره تانيه
مرام / يا حيوان يا جزمه
مازن / هههههههههههههههههههههههههه هو انا اللى قولتلك سيبى خليكى متشعلقه كدا
مرام / نرفزنى كمان نرفزنى عشان لما نطلع من هنا اطلعه عليك حاضر حاضر كمان كمان
مازن / تعالى اعلمك العوم
مرام / لا مش عاوزه
مازن / للدرجادى الوضع ده عاجبك انا كمان عاجبنى اوى يا قلبى
مرام / يعنى اديك روصيه ابطحك دلوقت
مازن / ههههههههههههههههههههههههه فى مزه حلوه كدا تقول لجوزها رصيه و ابطحك
مرام / مانت مستفز
مازن / هتتعلمى و لا لا
مرام / مش عاوزه منك حاجه
مازن / طيب خلينا
مرام / انا عارفه هردهالك ازاى هتشوف
مازن / ازاى
مرام / هخليك نايم و هحلقلك شعرك ده و اخليك اقرع
مازن / ههههههههههههههههههههههههههه دا اخرك يعنى بسيطه نطلع من هنا و انا احلقهولك
مرام / مستفز
مازن يحط ايده حوالين وسطها و يفك ايدها من حوالين رقبته و مرام مش راضيه تسيب
مازن / نامى عالميه انا شايلك
مرام / لا انت هتغدر بيه انا عارفه ناوى على حاجه
مازن / هههههههههههههه للدرجادى مفيش ثقه بنا
مرام / حفظت عنيك خلاص انت ناوى على حاجه انا عارفه ناوى على ايه هاه ؟؟
مازن / هعلمك العوم والله هعمل ايه يعنى
مرام / طب خليها الصبح نجيب مايوهات و نجرب طلعنى بقى هتغابى عليك بجد
مازن / الست العاقله  تقول لجوزها ايه
مرام / طلقنى.. الست العاقله تقول لجوزها طلقنى او متتجوزش اصلا
مازن / ههههههههههههههههههههه يخرب عقلك انسى يا مزه هو دخول الحمام زى خروجه
مرام / ماشى ماشى اعمل ايه
مازن / نامى عالمايه
مرام / مبعرفش
مازن / مبتعرفيش ايه انا شايلك اهو افردى جسمك انتى بس سيبى نفسك و المايه هترفع
مرام / هتسيب ؟؟
مازن / يا مرام اخلصى
مرام تفرد نفسها عالميه بس لسه ايد من ايديها ماسكه فى هدوم مازن و هو فارد ايديه الاتنين تحتها
مازن / طب بزمتك هتستمتعى بالميه ازاى و انتى متنشنه كدا نامى يا مرام غمضى عينك و نامى انا شايلك اهو
مرام تتعدل و تتعلق فى رقبته تانى
مازن / الله
مرام / عشان خاطرى يا مازن من اول النهار و انا على رجلى عشان خاطرى يوم تانى بكره او اى حاجه وحياتى و حياه مرام عندك
مازن / تمام تعالى
مازن يسحب مرام للاستارت و يطلع و يشدها و يغطيها ببشكير و ياخدها على فوق
……………………
فى كافيه
زياد / ممكن تهدى طيب
لبنى / يابنى قولتلك حبايتين فى العصير و الموضوع هيخلص البت بتبجح فيا و تقولى مازن مش عاوز انت هتجننى
زياد / و انتى صدقتى صح يا بنتى قولتلك مليون مره البت دى مش سهله و ملوداه هى بس رمتلك الكوره فملعبه عشان تبان بريئه اوى لكن هى مش كدا هتفضل توديه و تجيبه عشان تفضل حلوه فعنيه و تطول معاه على قد متقدر و تسحب منه على قد متقدر
لبنى / اديك قولتها نخلص منها بقى
زياد / و تفتكرى مازن مش هياخد بالها انها مش فوعيها تفتكرى هيرضى على كرامته حاجه زى دى دا ممكن يعند اكتر و يقلب علينا
لبنى / انا جبت اخرى
زياد / مازن خدها من عندنا لهناك عشان متتحججش و اهو سبحان الله جت من عنده خالو جتله سفريه و هيغيب عن الفيلا يومين و هيبقوا لوحدهم حجتها هتبقى ايه
لبنى / كل ده تضييع وقت و كل يوم بيعدى الكلبه دى بتبت قدمها وسطينا و مش بعيد احنا اللى نطير مش هيا
زياد / صبرنى يارب بصى يا لبنى اللى انتى شيفاه صح اعمليه بس متجيش تشتكى ياما تثقى فيا و تسبينى اتصرف ياما براحتك و دا اخر كلام عندى عشان مش كل متشوفى خلقتها تتنرفزى عليا
لبنى / بجد
زياد / اللى يشوفك يقول غيرانه منها
لبنى / طبعا غيرانه
زياد يبصلها
لبنى / ايه كنت فاكرنى هنكر و اقولك انا اغير من دى اه الكلام ده اقوله لاى حد غريب بس انت لا انت مرايتى يا زياد انا اخبى و ادارى عالناس كلها الا انت مقدرش اخبى عنك اى حاجه
زياد يلين و يمسك ايدها
لبنى / كل ده حقنا احنا النعيم اللى هى عايشه فيه ده حقنا احنا هى اخرها تمسح الحمامات فى الكافيهات اللى زى دى مش تقعد وسطينا و تلبس كوليه بالمبلغ ده
زياد / بكره انزل انا و انتى و تنقى كوليه احلى منها و بكره ليه قومى دلوقت
لبنى / مش كفايا يا زياد الكوليه مش كفايا لازم طموحك يبقى اكبر من كدا انت تستاهل اكتر مالفتافيت اللى مازن بيرميهالك كل ده المفروض يبقى بتاعك انت دا حقك
زياد / هيبقى بس كلو بوقته
لبنى / انا عارفه و مش ههدى الا لما يتحقق
.......................................
فى الفيلا
مرام تدخل الاوضه و هى غرقانه مايه و عماله تنقط فى الارض و تبرطم
مرام / ماشى يا مازن ماشى اما وريتك مبقاش انا ماشى حاضر حاضر حاضر
مرام تفتح الدولاب و تطلع غيار يقع الكاش الفيروزى تمسكه و تفكر ثوانى
مرام / حاضر يا حبيبى حاضر
مرام تتصل بمازن ميردش
مرام / طبعا تلاقيك بتستحمى و تروش عن نفسك ماشى اصبر عليا
مرام تتصل بصفوت
مرام / ايوه يا خالو ازيك
صفوت / حب خالو ايه مقدرتيش على بعدى و لا ايه
مرام / طبعا يا خالو اكيد
صفوت / هههههههههههههههههه اتعلمتى منه البكش قولى اعترفى فى ايه
مرام / هنلعب استغمايه و مازن بيتحدانى انه عارف كل ركن فى الفيلا تنصحنى استخبى فين بالظبط بفكر استخبى فوق الروف او فى الجنينه ايه رايك انهى احسن عاوزه اكسب بليز يا خالو 
صفوت / انتى عوزانى اساعدك تكسبى مازن فبيته 
مرام / ايه هتساعدنى و لا هتشترى حبيبك
صفوت / انت حبيبى يا قمر هساعدك طبعا بصى فى فالمكتب عند المكتبه اللى فاجنب لوحه فازه جواها ورد احمر شيليها هتلاقى تحتها لوحه اكتبى خمستاشر اتناشر الجدار هيتحرك و هتلاقى خزنه لما تدخلى دوسى الزرار الاحمر هتقفل عليكى هتلاقى جوه على فكره اوضه كامله بحمام بكنبه تقدرى لو حبيبتى تنامى و تليفزيون و تلاجه دى خزنتى طبعا محدش يعرف عنها حاجه غير انا و مازن و انتى دلوقت
مرام / مهو عارف اهو و ممكن يلاقينى
صفوت / اه عارف بس ميعرفش انك تعرفى عمره مهيدور عليكى هناك
مرام / حبيبى يا احلى خال فى الدنيا .... امووووووواه
صفوت / هههههههههههههههههههههه اى خدعه ابقى كلمينى قوليلى عملتوا ايه
مرام / هههههههههههههههه اكيد سلام بقى عشان اللحق
صفوت / سلام
مرام تجرى تقفل الباب بالمفتاح و تطلع كاشات كتير اشكال و اللوان و تلبس الفيروزى تتصور بيه كام صوره و تقلعه و تلبس غيره و تفرد الفيروزى عالسرير و تجرى تفتح الحمام و تشغل الدش و تقفل باب الحمام و تاخد باقى الهدوم و تخرج مالاوضه و تروح اوضه تانيه تتصور و تغير و تسيب الكاش عالسرير تليفونها يرن
مرام / كنت فين يابنى
مازن / كنت باخد دش سريع خير يا قلبى لحقت اوحشك
مرام / جدااااا
مازن / بس كدا دانا هاجيلك هوا
مرام / لا انا لسه مستحمتش بص انا واقعه مالجوع شكل البسين جوعنى اوى كنت ناويه انزل انا اعمل لقمه لينا لما اخلص بس انت خلصت اهو و سبقتنى ممكن يا حبيبى بليز تعملى عشوه حلوه
مازن / بس كدا تؤمرى يا قمر
مرام / مازن بقولك ايه
مازن / قولى يا بيبى اؤمرى
مرام / انا مش عاوزه عشا عادى مش عارفه ليه نفسى هفانى على بيتزا انت قولتلى انك بتعملها حلو اوى ممكن تعملهالى انا متاكده ان المقادير كلها فى المطبخ
مازن / غالى و الطلب رخيص نصايه و اطلعلك باحلى بيتزا
مرام / متتاخرش يلا يا حبيبى لحسن انا لسه بميتى هعيا كدا سلام
مازن / سلام
مرام تقفل و تفضل تتنقل من اوضه لاوضه و مازن ينزل تحت يعمل البيتزا و لما يخلص يقطعها و يحطها فاطباق و يطلع ازازه الكاتشب مالتلاجه و يحطها و يحطهم على صينيه و يطلع فوق و يدخل اوضه مرام يسمع صوت الدوش و يشوف الكاش عالسرير يبتسم فنفس الوقت مرام تطلع من اوضه و تنزل تجرى على تحت لابسه اسدال و تدخل المكتب و تفتح الخزنه و تدخل و تقفل عليها تلاقيها اوضه فيها كل حاجه و فى ركن منها خزنه تانيه متوسطه تقلع الاسدال و تفتح التلاجه تلاقى حاجه ساقعه و مايه و شيكولاتات تفتح رف جنبها تلاقى شيبسهات و برطمان مليان مكسران تطلع كام حاجه و تقعد على كنبه عريضه و تحط الموبايل قدامها و تقعد تاكل
مرام / اما نستنى و نشوف هتعمل ايه يا سى مازن اما وريتك ماشى
.........................
فى اوضه مرام
مازن يحط الصينيه عالترابيزه و عينه على كومه هدوم مرام المبلوله مرميه قدام الدولاب يبصلها باستغراب و يروح يخبط عالحمام 
مازن / مرام البيتزا سخنه يلا
مرام يروح يروح للصينيه تانى و يبدا يوزع الكاتشب عالبيتزا و يزوقها بفن و بمزاج و كل شويه يبص عالكاش و فالساعه
مازن / مهى عمرها مهتطلع طبعا و هدومها هنا
مازن يروح ناحيه الحمام و يخبط تانى
مازن / مرام تحبى اطلع مالاوضه لحد متطلعى تلبسى و لا انتى هدومك معاكى جوه .... مرام انتى مبترديش ليه انتى مش سمعانى
مازن يخبط تانى بقوه اكبر
مازن / مرام متقلقنيش عليكى ردى بدل مهدخل .. و ساعتها بقى مش مسؤل عن اللى هيحصل ههههههههه
مازن يحاول يفتح الباب يتفتح يستغرب و يفتح الباب بالراحه مفيش حد جوه
مازن / هو فى ايه
مازن يطلع التليفون و يتصل بمرام ترد من اول مره بصوت كله دلع و انوثه
مازن / انتى فين يا مرام قلقتينى عليكى
مرام / ليه بس كدا يا حبيبى هكون فين يعنى انا هنا مستنياك كل ده بتعمل البيتزا
مازن / مستنيانى فين انا بقالى كتير عندك فالاوضه كنت فاكرك فى الحمام لما سمعت صوت المايه
مرام / اوووووف دانا نسيت اقفلها بليز يا ميزو يا حبيبى اقفلها حرام المايه دى فى الارض
مازن يدخل يقفل المايه و هو مستغرب
مرام / حبيبى انت اتاخرت كدا ليه انا جوعت اوى
مازن / الله مانا عملت البيتزا سخنه و تهبل انتى اللى فين
مرام / انا جنبك انت مش هتيجى بقى هفضل مستنياك كدا كتير
مازن / ههههههههههههههههه انتى بتعملى ايه
مرام / باخد سيلفى
مازن / والله
مرام / شوفت حبيبك
مازن يبص عالسرير و هو بيدحك
مرام / كنت ناويه اللبسه و بعدين قولت يقول ايه معنديش غيره رميته و لبست واحد تانى
مازن / لونه ايه
مرام / اسود و فى شفايف حمره عالصدر
مازن / ههههههههههههههههههههههه و لو جيتلك دلوقت
مرام / مش لما تعرف انا فين الاول
مازن / ههههههههههههههههه انتى قد اللعبه دى
مرام / مش عارفه انت قولى
مازن / نلعب ماشى بس لما اجيلك بقى مليش دعوه
مرام / قولى الاول انت عشت فى البيت ده طول عمره صح
مازن / و حافظ كل حته فيه يعنى مش هجيبك هجيبك
مرام / و مين قالك انى مش عوزاك تلاقينى دانا مستنياك على نار
مازن / ههههههههههههههههه يا شيخه
مرام / والله و عشان اثبتلك انا هبعتلك السيلفى اللى لسه وخداها و بما انك عارف البيت كويس هتعرف انا فين مش كدا
مازن / دانا لما اجيلك
مرام / مازن هى الصور اللى هبعتها دى حد هيشوفها
مازن / لا ابعتى
مرام / ماشى هبعتها مستنياك يا حبيب قلبى انا
مرام تقفل السكه ثوانى و توصل لمازن صوره سيلفى لمرام لابسه حاجه حمالات سوده مش باين غير كتافها و شعرها و هى بتبصله بدلع بس باين فى الخلفيه البلكونه و الفيو بتاعها و عفش الاوضه
مازن / انتى اللى جبتيه لنفسك
مازن يطلع يجرى مالاوضه و يطلع الدور اللى فوق يفتح اول اوضه ميلاقيش حاجه اللى جنبها يلاقى كاش اسمر طويل مرسوم شفايف حمره عالصدر عالسرير يدحك
مازن / بقى كدا ماشى اما نشوف حاضر من عنيا يا حوبى
مازن يتصل بمرام تانى
مرام / انت فين يابنى انا هفضل مستنياك كتير و لا ايه
مازن / انتى بترديهالى صح
مرام / انا مش عارفه انت بتتكلم عن ايه
مازن / مانتى هتروحى فين هجيبك هجيبك بس ساعتها بقى مضمنش نفسى
مرام / و هو انا اعترضت طب دانا حتى قولت الكاش اللى معاك ده طويل اوى و انت اكيد بتحب القصير
مازن / ههههههههههههههههههههه انتى فكرتى كويس فى اللى انتى بتعمليه ده
مرام / هاه ابعتلك صورته قولى الاول بتحب اللون الابيض صح
مازن / بحبك انتى
مرام / ههههههههههههههههههه طب مبتجيش ليه بقى الله
مازن / ماشى يا مرام ابعتى
مرام / هبعت بس اوعى تتاخر لحسن النوم بدا يكبس عليا يرضيك انام جعانه
مازن / افضلى انتى كلمينى بالتون ده لحد ماجيلك و ساعتها بقى محدش يلومنى
مرام / شكلك بتضيع وقت و مش ناوى تيجى
مازن / ابعتى ياختى ابعتى مهو ياما يانتى النهرده
.....................................