السكه شمال بقلم / لولو_محمد ( كامله )

الحلقه ١٢٠

((((((((السكة شمال)))))
#لولو_محمد
الحلقه ١٢٠
مازن / طب خليكى جنبها انا هنزل اتكلم معاه ممكن
صافى / اكيد طبعا
مازن / تسلمى يا صافى مش عارف منغيرك كنت عملت ايه
صافى / دى اختى يا مازن يلا اتحرك
مازن ينزل يبص على شريف يلاقيه قاعد فى جنب بيغلى
مازن / مالك فى ايه
شريف / مفيش كويس
مازن / على اخوك ياله فى ايه قول
شريف / شيماء فسخت
.........................
مازن / بركه يا جامع هو الخسران
شريف يبصله و يسكت
مازن / فى اي يابنى انطق عملها حاجه اتهجم عليها
شريف / كنت قتلته جتله فرصه شغل فى مكان احسن و هيسيب البلد
مازن / و دا مبرر انه يسيب شيماء
شريف يبصله
مازن / الدهبى
شريف يبتسم
مازن / دا ايه ابن الكلب ده
شريف / و انا اللى قولت هخلص منه
مازن / بس انا لو منك مزعلش الحمد لله انها عرفت بدرى كدا مش احسن مكانت تتجوز عيل واطى و مادى اوى كدا
شريف / بعد معلقها بيه يا مازن انت مشوفتش كانت بتعيط عشانه ازاى كانت بتبصلى كانى انا السبب انا اللى كسرت قلبها مش هو
مازن / حقها هيجيلها
شريف / انا زهقت انا لا عاوز حقها و لا حقى و لا عاوز اى حاجه انا عاوز اخواتى يخرجوا ماللعبه دى مش عاوز حد ياذيهم بسببى
مازن يحضن شريف يعيط فحضنه
مازن / انت ملكش ذنب فكل ده انا السبب هو بيعمل كدا عشان ينتقم منى انا
شريف يبعد عنه و يبتسم بكسره 
شريف / احنا فى ايه و لا فى ايه صحيح مرام عامله ايه
مازن / احسن باذن الله هتبقى كويسه
شريف / يارب
مازن / هيجيلها سيد سيده و بكره تشوف هيجيلها اللى يقدرها و يشيلها فى عنيه
صافى تدخل
صافى / مرام صحيت يا مازن انا قولت اكيد عاوز تبص عليها
مازن يطلع يجرى صافى تروح تقعد جنب شريف يدارى و يبصلها يلاقىها مبتسمه
صافى / هى الكسبانه على فكره مدايقش نفسك
شريف يبص قدامه تمد ايدها تمسك ايده يبصلها
صافى / كل حاجه هتبقى كويسه هتبقى احسن مالاول كمان اوعدك
شريف / عرفتى منين
صافى / عشان انت كويس و تستاهل كل خير
شريف يبص على صافى مبتسمه يبتسم
...............................
فى اوضه مرام
مازن يدخل ملهوف يلاقيها قاعده بتشرب شويه شربه
مازن / زمانها بردت هخليهم ...
مرام / تعال
مرام تحط الطبق جنبها مازن يجرى ياخدها فى حضنه
مازن / قلقتينى عليكى اوى
مرام / لقتنى هاه
مازن / اتاخرت اوى انا اسف
مرام / مين غيرلى هدومى صافى
مازن / مش انا والله
مرام / ههههههههههههههههههههههههه
مازن / كنت ناوى بس رجعت فى اخر لحظه خفت جريت ناديت نادين جت غيرتلك
مرام تبتسم
مازن / كان هيحصل ايه يعنى لو لقيت نادين نايمه و قمت انا بالواجب هاه كان هيحصل ايه يعنى
مرام / ههههههههههههههههههه مش قدرالك
مازن / حقك عليا انا السبب
مرام / ليه هو انت اللى عيتنى و بعدين انا بقيت زى الفل و بكره هبقى احسن باذن الله
مازن / يارب يا حبيبتى يارب
مرام / مالك يا حبيبى فى ايه كل ده عشان اللعبه باظت قولى بقى لقتنى بعد قد ايه
مازن / لا دخت عليكى لولا انك مرجعتيش البرواز مكانه مكنتش هلاقيكى و ساعتها ربنا وحده اللى يعلم كان هيحصل ايه
مرام / الحمد لله كله نصيب
مازن / متعمليش فيا كدا تانى متقلقنيش عليكى تانى
مرام / مش هعمل وعد
مازن يبتسم و ياخدها فى حضنه اكتر
مرام / مقولتليش بقى انهى كاش عجبك اكتر
مازن/ ههههههههههههههههههه انتى مجرمه يا بت عارفه كدا
مرام / هههههههههههههههههه عارفه
................................
فى اوضه مرام تانى يوم
لبنى و صافى قاعدين جنبها فى السرير و مازن و شريف و زياد قاعدين على كراسى
لبنى / اكيد حسدناكى و لا تعرفى تلاقى زياد حسد مازن على اكلك الحلو  مقولت هتعلم خلاص بقى
زياد / الله الله هو كل حاجه تدبسوها فى زياد بريئ يا بيه اصلا الاكل بتاع مرام مينفعنيش الصراحه اكل كله كالوريز و يفتح النفس كدا مش هظبط الفورمه و لا بعد مليون سنه
مازن / هههههههههههههههههه عشان تعزرنى
زياد / ياعم تلاقيها بتزغطك عشان تطخن و محدش يبصلك و تعرف تضمن انك ليها لوحدها
مازن / والله ليها لوحدها منغير حاجه
مرام تبتسم بخجل و لبنى هتطق
لبنى / خير معملتى يا صافى انك جيتى قعدتى معاها هى اكيد فعلا محتاجه حد ياخد باله منها
صافى / صدقينى مكنتش محتاجانى خالص مازن قايم بالواجب و زياده
شريف / مشوفتيهوش انتى يا مرام دا كان هيتجنن عليكى كان هيفرتك الدكتور مش فاهم مين اللى فهمه ان المفروض تخفى يعنى لمجرد ان الدكتور كشف عليكى يعنى يكونش ساحر
مازن / خليك فحالك تعرف لو مكانى كنت عملت اكتر من كدا
زياد / الحمد لله على كل حاجه بقولك ايه شدى حيلك كدا قبل المصيف انا برتب للفسحه دى من السنه اللى فاتت والله اسفرك عيانه انا حفلت
مرام / لا باذن الله هكون كويسه انا كمان عوزاها اوى عشان مونيكا كمان وحشتنى جدا و كمان عاوزه اقضى اطول وقت مع صافى قبل متسافر و تنسانا
صافى / اخص عليكى انا عمرى منساكوا ابدا انتوا اهلى يا مرام
مرام تبتسم
صافى / والله العظيم بالرغم انى اتعرفت عليكى متاخر خالص لكن دخلتى قلبى منغير سبب
مازن / عشان تعزرونى
لبنى / انا هعمل مكالمه تليفون ثوانى و جايه
زياد / بقولك يا ميزو اخبار الشغل ايه
مازن / مش فايق لاى  كلام فى الشغل دلوقت يا زياد
زياد / بخصوص مناقصه وادى النظرون بابا بيفكر ينسحب و بصراحه انا شايف انها خساره انا مش عارف اقنعه يكمل فيها و مستخسرها تطلع برانا
شريف / احنا مقدمين فيها فعلا
زياد يبص لشريف
زياد / طمنتنى المهم تكسبوها
مازن / الارزاق بتاعه ربنا متشغلش انت بالك
نادين تدخل و شايله الاكل مازن يقوم ياخده منها و يقعد جنب مرام و ياكلها بنفسه لبنى تدخل تشوف المنظر تطلع تانى زياد يبتسم و يقوم وراها
................................
فى الهول تحت
زياد / مالك يا قلبى
لبنى / المحن بيخنقنى
زياد / اللى غيران منهم يعمل زيهم
زياد يحضن لبنى و يقربها منه اوى صفوت يدخل يتعدلوا
زياد / صباح الخير صفوت بيه
صفوت يبصله من فوق لتحت و يطلع فوق يدخل اوضته
صفوت / مالك يا مرام مالها يا مازن فى ايه
مرام / مفيش حاجه يا خالو انا كويسه الحمد لله
صافى / بتدلع علينا بتشوف غلاوتها
صفوت / لما عرفت سبت كل حاجه و جيت
لبنى و زياد يدخلوا
صفوت / انت ليه مودتهاش مستشفى ايه الاهمال اللى انت فيه ده دى الامانه اللى سيبهالك
شريف / الدكتور بنفسه قال مش مستهله حضرتك
صفوت / حسابك معايا بعدين قوليلى يا قلبى عامله ايه دلوقت
مرام / انا كويسه اوى يا خالو هما اللى مصممين يقعدونى فى السرير و بيعاملونى كانى عيانه و شربه و مسلوق و بتاع دول بيدونى حقن يا خالو حقن
صفوت / ههههههههههههههههه و طاوعك قلبك يا مازن تشكشك القمر ده
مازن / مش انا صافى
صفوت / لا لو صافى يبقى سماح ازيك يا قمر سمعت ان مصر هتضلم قريب اوعى يكون كلامهم صحيح اصفى شغله و اجى وراكى على لندن
صافى / هههههههههههههههههههههههههه
مرام / هو انا بتخان و لا ايه
مازن / عشان تعرفى ان ملكيش غيرى
مرام/ ايوه يا حبيبى فعلا
صفوت / ههههههههههههههههههههه نتكلم جد بقى انا كلمت المستشفى هتبعت ممرضه مقيمه
مرام / يا خالو مش مستهله و الله
صفوت / لا مستهله انتى امانه هنا لحد مترجع تيته
مرام / شوف و انا اللى افتكرت ان دى هتبقى معاملتى طول عمرى
صفوت / تعالى انتى بس و اوعدك انك هتعيشى هنا ملكه يا مرام
مرام / تسلم يا خالو ربنا يخليك ليا
لبنى تبص الناحيه التانيه بتغلى زياد يمسك ايدها تبصله يغمزلها بالراحه تهدى
زياد / كان نفسى نقعد معاكى اكتر من كدا بس للاسف ورايا شغل هضطر استاذن
لبنى / وصلنى بقى و انت مروح
صفوت / شريف عاوزك تعدى عالشركه تودى الاوراق دى انا اجازه النهرده لو فى اى حاجه ابقى كلمنى
شريف / مفيش مشكله تحت امرك
صافى / انا همشى انا بقى بجد خلاص هموت و انام
صفوت / وصلها يا شريف لو سمحت و اطمن عليها لحد متدخل بيتها
شريف / متقلقش حضرتك عن اذنكوا
الكل يمشى
مازن / عسل يا خالو انت بتوصى شريف على صافى
صفوت / ليه هو فى حاجه
مرام / دا فى حاجات
صفوت / ابن اللعيبه يلا بيضاله فى القفص
مازن / عيب كدا يا جدو دى قد عيالك
صفوت / مبتتهدش انت ها مبتتهدش
مازن / لا مبتهدش
صفوت / حقه هو يبقى معاه الجمال ده كلو و يتهد
مازن / قومى ياختى من هنا مش هنخلص دا راجع رايق و هيستلمنا
صفوت / بصراحه رايق جدا خالك مضى صفقه العمر
مازن / و مين فينا اللى بيقع واقف بقى يا خالو
صفوت / صفقه بقيمه اتنين مليار دولار
مازن / فنان خالى ده فنان
صفوت / امال انت فاكرنى بلعب يلا روحوا اوضتكوا بقى عشان انا مطبق من امبارح و هموت و انام
مازن / معلش اوضتك الوحيده اللى فيها ادويه فكانت اول مكان اجيب فيه مرام
صفوت / مدام انتوا بخير اعمل اللى تعمله انت عارف
.....................
فى اوضه مرام
مازن مسند مرام و نادين وراه شايله الادويه تحطها على الكومدينو و مازن يسند مرام للسرير
مرام / ارتحت كدا
نادين تمشى
مازن /مش هرتاح الا لما تجرى زى الحصان فى كل حته
مرام / مانتوا اللى مش سايبنى اجرى اعطنى حريتى اطلق يدى
مازن / هههههههههههههههه
مرام / هو صفقه ايه اللى خالو كان بيتكلم عنها و هو فى فعلا فلوس كدا
مازن / هههههههههههههههههه فى كدا و فى اكتر من كدا كمان
مرام / ربنا يزيد له حق يبقى فرحان طبعا
مازن / انتى متخيله ان خالو كان سعيد عشان الفلوس غلطانه خالو كان سعيد عشان اطمن عليكى خالو كان المفروض يجى بكره بالليل جه جرى لما عرف انك تعبانه
مرام / جميل اوى خالو صفوت
مازن / هو اللى ليا من ريحه امى الله يرحمها
مرام / مكنلهاش عيله ولاد خاله ولاد عم
مازن / محدش منهم فى مصر كلهم هاجروا زمان و منزلوش مصر و لا حتى زيارات
مرام / اه طب و عيله باباك
مازن / عيله ابويا بقى الوضع مختلف خالص عيله ابويا هنا بس دول اخرهم يعدوا على حسابات الشركه ياخدوا فلوس لكن رجليهم مش هتطلعهم فوق لحد مكتبى يبصوا عليا
مرام / مفيش كدا على فكره
مازن / انتى ليكى عم يا مرام صح هو فين
مرام / تيته اتخانقت معاه و من يومها مشفناهوش بس الوضع مختلف هو ماشى بمبدا يا نحله لا تلسعينى و لا عاوز منك عسل لكن انت الوضع بالنسبالك مختلف بدليل انهم بياخدوا من فلوسك و بس
مازن / هو عمك عرف انتى متجوزه مين
مرام / معرفش انا اصلا معيش رقمه و لا اعرف عايش فين من يوم مبعنا بيت بابا الله يرحمه مسمعتش عنه اصلا انا عمرى مشوفته انا كنت صغيره اوى لما كل ده حصل بس تيته حكتلى يعنى
مازن / مرام ممكن اقولك حاجه بس متاخديهاش بحساسيه
مرام / قول
مازن / انتى عارفه كام واحد بيجي الشركه كل يوم يقول انه جارك و من طرفك
مرام ملامحها تقلب
مازن / بكره لما تيجى هنا الفيلا و تعيشى انتى و تيته و الناس كلها تعرف هتكتشفى ان ليكى قرايب عمرك مسمعتى عنهم فى حياتك و اصدقاء لوالدك و اصدقاء لوالدتك الله يرحمهم و جيران بتكوا القديم و زمايلك فى المدرسه من اول الحضانه لحد الثانوى انتى متخيله ان الحرامى ساب بيوت المنطقه كلها و دخل بيتك ليه مش عشان طقم السولتير بتاع شبكتك
مرام باصه فى الارض ياخدها فى حضنه
مرام / الناس بتمد ايدها عشان محتاجه انا لو معايا فلوس مش هخلى حد محتاج
مازن / مانتى معاكى يا مرام
مرام تبصله مازن يروح يجيب ورقه و قلم 
مازن / كل الفلوس دى بتاعتك شوفى مين محتاج و اديله
مرام / عاوزه اجدد الدار بتاعه البنات
مازن / اعتبريه حصل و ايه كمان
مرام / فى راجل غلبان بيبيع قرص بالسمسم على عجله على ناصيه الحاره مالناحيه التانيه غلبان اوى بيفضل قاعد طول الليل لحد ميبيع اللى معاه عشان يروح لعياله انا معرفش ظروفه ايه بس محمود كان بيقولى انه بيفضل قاعد حتى فى عز البرد و مبيرضاش يروح الا لما يبيع كل اللى معاه
مازن / عوزانى اعمله ايه
مرام / اللى تقدر عليه شوف ظروفه ايه و ساعده
مازن / و ايه كمان
مرام / اممممم عاوزه ارصف الحاره و انضفها و ادهن بيوتها
مازن / و ايه كمان
مرام / اممممم عاوزه اجدد المستشفى اللى فى الحته تعبانه خالص و مفيهاش اجهزه و لا سراير و لا اى حاجه و الناس بتنام عالارض حتى الدكاتره طفشانين و لا فيها حقن و لا مكروركوم حتى
مازن / من عنيا و ايه كمان
مرام / عاوزه مسجد كبير اوى فحته حلوه على روح بابا و ماما
مازن / حاضر
مرام / و عاوزه ابنى مدرسه اعدادى  فى المنطقه انا كنت بمشى كتير اوى على مبوصل للمدرسه والله
مازن / انتى مش عاوزه اى حاجه ليكى
مرام / انا عندى انت هعوز ايه تانى
مازن / قلبى يا ناس انا كتبت كل حاجه و هديها لشريف و لو افتكرتى اى حاجه تانى قوليلى و انا اكتبها
مرام / طب انا قولتلك كل اللى انا عوزاه انت بقى عاوز ايه
مازن / عاوزك عاوز انام فى حضنك كل ليله
مرام / مينفعش اصلك هتدايق
مازن /ليه بقى ان شاء الله
مرام / عشان اكيد هفضل اللعب فى شعرك طول الليل و دى بتعصبك
مازن / مين قالك كدا طب اللعبى كدا ورينى هدايق و لا لا
مازن ينام فى حضن مرام تقعد تلعب فى شعره
مرام / تحب احكيلك حدوته
مازن / احكى
مرام / كان ياما كان فى سالف العصر و الاوان بنوته صغيره اسمها مرام
مازن يبصلها تبتسم
مرام / مرام كانت بتجرى بسرعه عشان تلحق السيكشن و فجاه عربيه جايه بسرعه سايقها شاب وسيم
مازن / دا انا اهو
مرام / هههههههههههههههههه تفرمل قبل متخبطها
مازن / و بعدين
مرام / مرام تشتمه و تروح سكشنها و تنساه
مازن / لكن هو مقدرش ينساها
مرام / تدور الايام و السنين و تجمعهم تانى و هو يلف حواليها و يدور و هى شيفاه حته واد مغرور
مازن / ليه الغلط دا بس
مرام / ههههههههههههههههه لحد مفاجاه متعرفش ازاى و لا منين دخل قلبها و كسر حصنها المتين
مازن / انتى بتحكى القصص حلو اوى على فكره
مرام تبتسم
مازن / و بعدين
مرام / معرفش قولى انت اخره القصه ايه
مازن / معروفه الواد المغرور اتجوز جميله الجميلات و عاشو فتبات و نبات و خلفو صبيان و بنات
مرام / يارب
مازن / هههههههههههههه
مرام / مش هتنام انت صح انت سهران من امبارح
مازن / انا مبعرفش انام بسهوله و انتى عارفه
مرام / خلاص هطفى النور و تحاول تنام
مازن / تعرفى ان ربنا بيحبنا اوى و ان عياكى ده خير
مرام / اكيد بس اشمعن
مازن / عشان لو مكنتيش عيتى ربنا وحده اللى يعلم كنت هوفى بوعدى ليكى ازاى
مرام / بتهزر صح
مازن / مانا مش ملاك و لا نبى يعنى عشان تكلمينى بالطريقه دى و تبعتيلى صورك دى و فالاخر تطلبى منى اتصرف عادى يعنى
مرام / امممم سورى
مازن / لا متتاسفيش خفى
باب الاوضه يخبط مازن يبص لمرام و يقوم يفتح يلاقى نادين
نادين / انا اسفه انا عارفه ان حضرتك قولت محدش يزعجك بس فريده هانم تحت و عاوزه تطمن على مرام
مرام / انا هنزلها 
مازن يبصلها و يرجع يبص لنادين
مازن / خليها تطلع هنا احسن
نادين / تمام حضرتك
نادين تمشى مازن يدخل يقعد جنب مرام اللى اتعدلت فى القاعده
مازن / كان ممكن انزل انا اسلم عليها و اقولها انك نايمه و ترتاحى و خلاص
مرام / دى جايه تعمل واجب لازم نستقبلها كويس
مازن / انا عامل عليكى
مرام / انا كويسه متقلقش دا شويه برد يعنى
مازن / ماشى اللى يريحك
فريده تدخل
فريده / حبيبتى عامله ايه
مرام / بقيت كويسه الحمد لله
فريده / ايوه كدا شدى حيلك ... عاجبك عمايل اخوك دى يا مازن اعرف من بره ان مرام عيانه
مازن / الموضوع مش مستاهل يعنى
مرام / ايوه دول شويه برد
فريده / ازاى يا حبيبتى انتى دلوقت من عيله منتصر زيك عندى زي مونيكا بالظبط
مرام / ميرسى اوى
فريده / انتى اصلك متعرفيش انتى غاليه عندنا قد ايه انا مرضتش اقول لمونى انك عيانه كانت ركبت  اول طياره و جت علاطول
مرام / على ايه بس يا جماعه انا كويسه والله
فريده / مازن بليز ممكن تسبنى انا و مرام لوحدينا ثوانى
مازن يبص باستغراب مرام تهزله راسها يطلع بره
فريده / انا عارفه ان الوقت مش مناسب بس انا مسافره بكره و مش عارفه اعمل ايه
مرام / فى ايه
فريده / عمك باباكى يعنى ابراهيم
مرام تبص فى الارض
فريده / انتوا غلطتوا يا مرام و انتى غلطتك اكبر انتى وافقتى ترتبطى بواحد بالرغم انك عارفه ان اهله مش موافقين و حطتيه قدام الامر الواقع