السكه شمال بقلم / لولو_محمد ( كامله )

الحلقه ٩١

((((((((((السكة شمال )))))))))
#لولو_محمد
الحلقه الواحد و التسعون
صافى و مرام يدخلوا صافى لابسه فستان بس مش عامله مايك اب و لا شعرها و يدخل وراهم موديل تانيه تروح على مازن عشان تبوسه يرجع خطوه لوره بابتسامه
البنت2  / واو دا الجواز صحيح بيغير ههههههههههههههههه
مازن يبتسم و صافى تظبطهم
صافى / تمام مفيش حاجه ناقصه عيشوا بقى على مكمل لبس
صافى تمشى و البنتين كل واحده تقف و مازن يصورهم و يروح يعدل البوزز و مرام تساعده فى عدل الفساتين و بعدين يقعد يفرج مرام عالصور
........................
مازن / تمام لو عاوزين تغيروا تقدروا تتفضلوا
البنتين يدخلوا جوه و مرام تقرب على مازن و هو مشغول بالكاميره
مرام / هو صحيح الجواز بيغير
مازن يبصلها و هى بتبصله بابتسامه خبيثه
مازن / لا مش الجواز بس الحب اه بيغير
مرام / امممم و يا ترى بقى دا عشان انا موجوده و لا بقى ده العادى بتاعك
مازن / اها انتى غيرتى بقى
مرام / من مين من دى
مازن / وحشه ؟؟
مرام / و هو انا مبغرش بس مالاقل منى مش يمكن مثلا اكون واثقه فنفسى او يعنى احتمال ضعيف اكون واثقه فيك
مازن / لا هنا بقى الموضوع يختلف
مرام / اها ازاى
صافى تدخل
صافى / تمام انا جاهزه ... يوووووه الكوليه
صافى تيجى ترجع تحتاس فى الفستان
مرام / هروح انا اجيبه
صافى / كوليه دهبى كدا هتلاقيه جوه لوحده
مرام / تمام
مرام تيجى تدخل جوه تسمع البنات
بنت 1/ هههههههههههههه لا بس بصراحه اتفاجات بس شمتانه فيه يستاهل
بنت 2/ حقك ايه دى اصلا بقى مازن يوم ميخطب يختار دى
بنت 1/ فلاحه اوى فنفسها
بنت 2/ يا ستى بكره ينضفها و يلبسها و يعمل منها حاجه
بنت 1/ هينضف من بره بس لكن الفلاح بيفضل طول عمره فلاح
مرام تفتح الباب و تدخل
بنت1/ هاى يا مرام عاوزه حاجه
مرام / الكوليه الدهبى
بنت 2 تناولهاولها
مرام / شكرا
مرام تمشى و تاخد الكوليه تديه لصافى تلبسه
صافى / ميرسى يا مرام
مازن يصور صافى و مرام واقفه فجنب بتبص عليها و الحزن باين عليها البنتين يطلعوا من جوه
صافى / حلو اوى ثوانى هغير هدومى
صافى تمشى و مرام تروح وراها و يدخلوا الاوضه
مرام / شغلك حلو اوى يا صافى
صافى / بجد عجبك ميرسى اوى
مرام / انتى ليكى فالموضوع ده من زمان
صافى / اه مامى كانت دى هوايتها رقم واحد كنت بحضر ديفيليهات من وانا صغيره و كنت دايما بحلم اكون فاشون ديزاينر و دخلت فنون جميله و دلوقت عاوزه اكمل دراستى بره
مرام / انتى فعلا موهوبه
صافى / ميرسى
مرام / صافى هو انتى بتعملى حاجه محجبات
صافى / اه طبعا دا الكولكشن ده بالخصوص مليان محجبات خصوصا بعد الاستايلات التركى مملت السوق هنا
مرام / بجد
صافى / ايوه دى بقت مطلوبه فوق متتخيلى فكان لازم اشتغل فيها
مرام / عندك حاجه على مقاسى
صافى / يا حبيبتى اعملك مخصوص
مرام / لا مقصدش انا يعنى شوفتكوا و انتوا بتتصوروا قولت يعنى
صافى تطلع من جوه لابسه فستان تانى
صافى / عاوزه تبقى موديل
مرام / انا معرفش انا عمرى محاولت بس يعنى شكلكوا كان حلو اوى يعنى و انتوا بتقفوا كدا و تعملوا كدا قولت يعنى بصى بلاش احسن عشان مضيعش الوقت هما اكيد محترفين يعنى و انتى عارفين بيقفوا ازاى و بيبصوا ازاى خلاص خلاص مش مشكله
صافى / امممم تعرفى انا عندى فستان هيبقى تحفه عليكى
مرام / خلاص خلاص هى اصلا كانت فكره هبله
صافى / استنى
صافى تروح تجيب فستان سواريه و تديه لمرام
صافى / تعالى اساعدك تلبسيه
...................
عند مازن
مازن يخلص مع البنتين
مازن / تمام اللى بعده
البنتين يمشوا
شريف / انا جعان هطلب اكل
مازن / و انا كمان اطلبلنا كلنا بقى حاجه حلوه على زوقك
شريف / كلنا مين كلنا كلنا
مازن يبصله
شريف / و انا مالى كلنا
شريف يقوم يطلع بره و مازن بيلعب فى الكاميره و بعدين يبص شويه كدا على باب الاوضه و يروح يخبط عليه
صافى / ادخل
مازن يفتح الباب سنه صغيره صافى بتمكيج واحده قاعده على كرسى قدامها لابسه فستان احمر مطرز مقفول و بكم و عليه طرحه دهبى
صافى / كدا تمام اوى قومى
مرام تقوم من عالكرسى و تلف تبص لمازن
مازن / وااااو
مرام تبتسم
مازن / كملى لبس يا صافى انتى و البنات على مشوف انا الموضوع الخطير ده
مرام / هههههههههههههه انفع
مازن / انا اللى معدتش نافع خالص
صافى / ههههههههههههههههههه مش قولتلك
مرام تبص لصافى و مازن يمدلها ايده تمسكها يساعدها لحد متوصل للكرومه و يظبطلها وقفتها
مرام / هتعرف تطلع منى حاجه حلوه و لا هتعبك عالفاضى
مازن يبص فى عنيها و هو بيعدل راسها
مازن / اتعبى معاكى للصبح مفتكرش استمتعت بتصوير حد قد مهستمتع بتصويرك دلوقت بس كدا اثبتى عالوضعيه دى
مازن يرجع لمكانه و يصورها و مرام كل شويه تاخد بوز تانى
مازن / هههههههههههههههههههههه الله مانتى شاطره اهو
مرام / انفع يعنى
مازن / جدا استنى
مازن يروح يقف جنبها و يحط ايده حوالين وسطها و ياخدوا سيلفى تحط راسها على صدره و تبتسم و مازن يصورهم و هما مبتسمين  شريف يدخل مرام تتعدل
شريف / احم ايه ده هى معتقتكيش انتى كمان
مرام / انفع
شريف / لا انا مينفعش اقول رايي جوزك واقف و العمر مش بعزقه
مازن / ايوه خليه لنفسك و يلا شوفلك حته يلا اقعد فيها
شريف / والله طب و ادى قاعده
مرام / هههههههههههههههههههه
صافى تدخل
صافى / انا جاهزه
مازن / لا مش حلو الشوز مش لايق
صافى / متاكد
مازن / مش عارف انتى ادرى طبعا بس مش حاسه
شريف / يا عم انت هتفهم فى الجزم اكتر منها دى بتلبس جيمى شوز يا عم
مازن / جيمى شو يا متخلف
صافى / اقعد امسكهالى بقى
مازن / اعزريه ملوش هو فالحاجات دى
مرام / و انت ليك
صافى / يا بنتى مازن كان جتله فتره كدا و بقى فاشونستا رهيب و مقولكيش بقى كان مولعها بس معرفش بقى
شريف / اه كان مطول شعره و بيعمل توكه كدا و بيلبس حاجات عجيبه و محنتف فروحه كدا و حاجه اخر قرف
مرام / طب على كدا الحمد لله انه بطل
صافى / انا هروح اغير الشوز يارب اللاقى حاجه تانيه تليق عن اذنكوا
صافى تمشى
مرام / كنت بتوكه هاه ؟
مازن يصورها تتخض يدحك
شريف / المهم بقى ايه يوم فرحكوا صافى كعبها اتكسر و قعدت تعيط فانا افتكرت انها اتعورت و دمى نشف لقيتها بتقولى دى جيمي شو والله كان هاين عليا اكسر الكعب التانى
مازن / مانت لو عارف تمنها هتعيط انت كمان
شريف / كام يعنى
مازن / يعنى اقل جزمه من تصميمه حوالى ستميه دولار يعنى حوالى اتناشر الف جنيه
مرام / ايه كام دانا اللى هعيط اتناشر الف جزمه ليه يعنى بتمشى لوحدها
شريف / مثلا يعنى مالها اللى فرجلى دى بمتين جنيه و حاجه اخر اللسطه اهى
صافى تدخل
مازن / احسن كتير اقفى بقى
صافى / روحى اللبسى يا مرام علقتلك فستان عالشماعه قيسيه على ماجى اظبطه
مرام / اوك ماشى
مرام تمشى
......................
فى الاوضه
بنت 1/ تحبى اساعدك
مرام / ميرسى ممكن تروحى عشان مازن يصورك على مخلص
بنت 1/ لا عادى هو اصلا متعود يستنانى دايما بيقول عنى انى باكل الوقت
مرام تبصلها و تعدل فستانها البتنجانى المطعم بالاسود
بنت 1/ هو انتى اتعرفتى على مازن ازاى
مرام / معايا فالكليه
بنت 1/ هههههههههههههههههه انا برده قولت انك شكلك صغير و انتى بقى فسنه كام
مرام / تالته
مرام تلبس طرحه سوده على الفستان من نفس التطعيم اللى فالفستان
ينت 1/ عجبتك بقى حكايه الموديل دى
مرام / ادينى بتسلى لحد منخلص
بنت 1/ بيتهيالى هتبقى احلى لو قلعتى الطرحه دى
صافى تدخل
صافى / انت هنا بتعملى ايه يلا مفيش وقت روحى يلا ... واو بجد
مرام / حلو
بنت 1/ اصلا الكولكشن كلها تحفه يا صافى بجد انا عن نفسى هحجزلى فستان و لا اتنين منهم
صافى / انتى لسه واقفه مازن هيتعصب عليكى روحى
بنت 1/ هههههههههههههههه من امتى الكلام ده هروحله اهو
البنت تمشى و صافى تروح تظبط مرام
صافى / الفستان ده خطير عليكى ايه رايك
مرام / شغلك حلو اوى و التطريز كمان بجد انتى فنانه دا تطريز هاند ميد ده صح مش مكن
صافى / انا كل شغلى هاند ميد حتى القص و الخياطه انا بعمل كل تفصيله فتصميماتى بنفسى
مرام / عشان كدا طالع حلو اوى بجد بس دانتى بتتعبى اوى فالموديل
صافى /  بتعب مشوفتيش انتى ده
صافى تطلع فستان الفرح و تفكه من كيسته مرام تنبهر بيه بيلمع و مطرز من فوق لتحت
مرام / دا تحفه بجد
مرام تروح تحط ايدها عالفستان و تبتسم و صافى متبعاها
صافى / عجبك
مرام / جدا دا كانه حته من الجنه
صافى تبتسم اوى
مرام / خد وقت منك قد ايه ده
صافى / الفستان ده خد منى تلت شهور لوحده شغل جبت القماش بتاعه من تركيا و خليت ماما تساعدنى فيه
مرام قاعده سرحانه فى الفستان تفوق على صوت مازن بيزعق
مازن / فى ايه اول مره تقفى
مرام تبص لصافى و يطلعوا
بنت 1/ انت ازاى تكلمنى كدا
مازن يديها ضهره و ميردش و يعمل نفسه بيلعب فى الكاميره
مرام / فى ايه
مازن / مفيش اقفى ... اسف
بنت 1/ عادى فتره و هتعدى زى غيرها
بنت 1 تبص على مرام من فوق لتحت و تمشى و مرام باصه عليها
مرام / فى ايه
مازن / مفيش يا روحى تعالى
مرام تقف و مازن بيعدلها و باين انه مدايق تحط ايدها على كتفه يبصلها تبتسم يبتسم
مرام / كدا احلى
مازن يسيبها و يرجع مكانه و يقعد يصورها
بنت 2/ دى اول مره تبقى مودل يا مرام
مرام / ايوه
بنت 2/ اتعلمتى بسرعه اوى انا فاكره اول مره ليا ههههههههههههههههه فاكر يا مازن
مازن / بحاول انسى
بنت 2/ ههههههههههههههههههه اخص عليك طب دى حتى كانت ليله محصلتش
مازن / هى فعلا متتنسيش و مفتكرش ان صافى نفسها هتنسى الفستان اللى قطعتيه عشان مش عارفه تمشى
بنت 2/ ههههههههههههههههههههههه دا بس اللى انت فاكره
مازن يبصلها تدحك و تدخل جوه يرجع يبص على مرام بتدارى عنيها منها يبص فى الكاميه
مرام / خلصت اروح اغير
مازن يهز راسه اه مرام تمشى و صافى تطلع
صافى / انا جاهزه
........................
بعد شويه
صافى تدخل و البنتين يخرجوا مرام قاعده على كرسى و سرحانه مغيرتش
صافى / انتى لسه مغيرتيش ليه مانا سيبالك الفستان
مرام ساكته
صافى / مالك تعبتى لو تعبتى خلاص مش لازم بس بليز اخر واحد انا فعلا عاوزه اشوفه عليكى
مرام تبص لصافى عنيها حمره صافى تروح تقفل الباب بالمفتاح
صافى / فى ايه يا مرام
مرام / مفيش انا بس شكلى مرهقه شويه هقوم اغير هدومى و اروح
صافى / لا فى اقعدى هنا مالك حد دايقك بحاجه
مرام تهز راسها لا
صافى / انا عارفه اللى هيغير مودك
مرام تبصلها
صافى / عشان خاطرى والله مهطلب منك حاجه تانى بس بليز اتصوريلى بالفستان ده
مرام / خلى اى حد غيرى يلبسه
صافى / مش هيبقى حلو على حد قد مهيبقى حلو عليكى انتى
مرام / اشمعن اشمعن انا انا معنديش حاجه اضيفهاله هو عنده كل حاجه
صافى / لا عندك و عندك كتير اوى كمان مش مصدقانى طب قيسيه كدا و جربى تعالى طب والله محد متصور بيه غيرك حتى لو مش هحطه فى الكولكشن خالص حتى لو مش هتقبل فى الجامعه
مرام تبصلها و تبتسم
صافى / قومى بقى
مرام تقوم مع صافى
....................
بره
بنت 2 ترجع تانى
مازن / مغيرتيش ليه
بنت 2/ قافلين على نفسهم بالمفتاح معرفش يعنى
مازن / طب اقعدى على ميخلصوا انا كمان تعبت هروح اشوف حاجه اشربها
مازن يطلع بره يلاقى شريف بيحاسب بتاع الدليفرى 
مازن / جبت ايه
شريف / زى مانت شايف خمستاشر بتزايه
مازن / كويس انا جعان اوى اصلا .... يلا شباب الاكل
شباب و بنات يطلعوا من اوض تانيه و البنتين يطلعوا من جوه
بنت 1/ انا ميته مالجوع
مازن / غيرى الاول عشان متبهدليهوش
مازن يسيبهم و يروح يخبط على باب مرام و صافى
مازن / ايه الاخبار عندكوا
صافى تفتح الباب و هى مبتسمه عالاخر
صافى / جاهز
مازن / انا اللى جاهز ؟؟ ايه بتعملوا ايه كل ده
بنت 1 و 2 يدخلوا
بنت 2/ انا ميته مالجوع بجد تعبت جدا النهرده
مرام تطلع لابسه فستان الفرح و طرحه نازله على ضهرها و تاج و مكياج رقيق اوى كانها ملاك مازن مش عارف يشيل عينه من عليها مرام تتكسف و صافى متابعه نظراتهم اوى
مازن / حرام عليكى يا صافى اللى عملتيه فيا النهرده ده
مرام تبص الناحيه التانيه
مازن / صافى انا عاوز الفستان ده بليز
صافى / ميغلاش عليك بس مش يمكن هى تنقى موديل تانى
صافى تبص لمرام تلاقيها مبتسمه و باصه لمازن
صافى / يلا خلصوا بقى على مغير عشان انا شامه ريحه بيتزا و هموت عليها
صافى تزق مرام بره لمازن اللى متنح مكانه و تقفل الباب
مازن / هو احنا قولنا الفرح امتى
مرام / هههههههههههههه
مازن / قاسيه اوى عليا كدا ليه
مرام / هنفضل واقفين كدا كتير يلا بقى صورنى خلينى اقلعه
مازن / قلبى مش مطاوعنى
مرام/ ههههههههه مش مطاوعك على ايه
مازن / اخليكى تقلعيه شكلك بيه كانك حته سحابه ... حته سحابه تعالى
مازن ياخد مرام و يوقفها و يخليها تعمل ايدها كان عليها حاجه
مرام / ايه ده
مازن / بصى للسحابه اللى على ايدك و انا هبقى اركبها بعدين
مرام / هههههههههههههههههه ماشى و ابقى حطنى واقفه على سحابه بقى و طايره فى السما و كدا
مازن / هعمل كدا فعلا
مازن يصور مرام كذا صوره من كذا ناحيه
مازن / غيرى البوز
مرام / اممم اقف ازاى يعنى
مرام تحط ايدها فوسطها
مازن / زى مانتى لفى هناك شويه بصيلى بقى ايوه تمام
تليفون مرام يرن تروح تطلعه من شنطتها
مرام / تيته دانا نسيتها خالص زمانها قلقانه عليا.... الو ايوه يا تيته ازيك ... لا انا كويسه معلش نسيت اكلمك ... اه مع مازن ... الله يسلمك ... حاضر ماشى سلام
مرام تقفل
مازن / تعالى اما ناخد صوره سوا
مازن يحط ايده حوالين وسط مرام تسيبه و تمشى
مرام / معلش انا لازم امشى يادوب اروح اغير
مرام تروح الاوضه و تقفل الباب و مازن واقف عالباب بيبص عليها صافى تدخل
صافى / ايه خلصتوا
مازن يبتسم و يوريها
صافى / الله حلو اوى و متاكده انك لما تخلص الايديت هتبقى احلى
مازن / متقلقيش هبعتهملك النهرده
صافى / ربنا يخليك ليا انا هروح اكمل اكل بقى احسن انا مكلتش حاجه من الصبح من كتر التوتر اللى كنت فيه
صافى تمشى و مازن يروح يخبط عالباب
مازن / مرام
مرام / ثوانى و لا اقولك ناديلى صافى و لا اى حد يساعدنى
مازن يفتح و يدخل يلاقى مرام بشعرها
مازن / ينفع انا
مرام تبصله مازن يقفل الباب و يبصلها و يبتسم
..........................