السكه شمال بقلم / لولو_محمد ( كامله )

الحلقه ١٦٠

(((((((السكة شمال )))))
#لولو_محمد
الحلقه 160
مرام / بقولك ايه انا جعانه و مكلتش مالصبح نجيب عشا و لا هتروح تاكل فى بيتكوا
شريف / لا احنا فينا مالحركات دى و لا ايه بتمسكينى انتى من الحته اللى بتوجعنى
مرام / انت جاى عايز ايه يا شريف
شريف / عاجبك عياطه زى الولايا يعنى  ... خد
شريف يدى لمازن ملف يفر فيه
شريف / فى الوقت اللى كنت انت بتضيع وقتك مع البنات انا يا سيدى كنت بتعلم مالاسطوره خالك الله يرحمه خالك مماتش و ساب ضهرك مكشوف هتجيب حقه و لا هتعمل ايه
................................
مازن يروح ياخد شريف بالحضن و يبوسه
شريف / اوعى ياله متوضى اوعى ياله
مازن / بحبك يا شريف اقسم بالله العظيم بحبك
شريف / استغفر الله العظيم انت راجل متجوز عيب الكلام ده ها عيب اتفضل قدامى
مرام / هههههههههههههههههه هو فى ايه انا مش فاهمه حاجه انت واخده على فين
شريف / يا ستى دا كل الورق و الملفات و التسجيلات اللى كانت عند صفوت بيه الله يرحمه على احمد الدهبى بمجرد ميتسلم للحكومه و بزقه بسيطه مننا احمد هيتربى و يتربى و يتربى كمان و بيتهيالى كدا انا للمره المليون بثبتلك انى اجدع منك خليك فاكرها
مازن / اقسم بالله انت اجدع واحد عرفته فى حياتى
شريف / مانا عارف
محمود / يعنى ايه الدهبى فعلا هو اللى عملها طب مستنين ايه يلا بينا عالقسم
شريف / قسم ايه يا حوده احنا هنطلع باسطول محاميين على النائب العام و نجيب عليها واطيها
محمود / ايوه بقى
مرام / هو ده الكلام
مازن و شريف يجو يمشوا شريف يقف
شريف / شوف كنت هنسى محمود عاوزك تروح الشركه و تلم كل حاجه مازن من هناك و حاجتك و حاجتى
مازن / انا مش هبيع
شريف / لا يا راجل و انا كنت هسيبك تبيع يعنى دى تمثيليه يا بابا
مرام / ليه
شريف / السوق لما عرف ان صفوت بيه اتوفى و مازن هيبيع الكل عرف ان المركب بتغرق و قرروا ينطوا منها و اسهم الشركه بقت فى الارض و المساهمين عرضوا اسهمهم للبيع و كل من هب و دب بيشترى
مرام / بس انت كدا بتاكد الاشاعه
شريف / ايوه عشان الاسهم ترخص اكتر و نشترى احنا كل اللى فى السوق و بعد كدا مازن يمسك شركته تانى و يثبت للكل انه ابن اخت صفوت بيه و انه راجل و يقدر يدير المؤسسه دى و يرفع اسهمها
مازن / بس انا مش هقدر اعمل ده لوحدى
شريف / كل اللى عملته عشانك ده و بتقول لوحدك كل الناس اللى حواليك دول و بتقول لوحدك متفوق بقى يا بنى
مازن يبص حواليه و يبتسم
محمود / حالا هطلع عالشركه حالا
شريف / اصلى يا حوده
مازن و شريف و محمود ينزلوا و مرام واقفه مبتسمه سميحه تدخل تاخدها بالحضن
مديحه / على راى المثل تبات نار تصبح رماد بس مش كنتى تقولى يعنى يا حجه ان مازن هنا و لا هو احنا فى الغم مدعيين و فى الفرح منسيين
سميحه / مزاجى جايبنى على كبايه بن محوج من بتاعتك يا مديحه خساره فيا
مديحه / و هو فى حاجه خساره فيكى يا حجه ثوانى و اعملهالك
سميحه / تسلم ايديكى يا ست الستات
مديحه تمشى و سميحه و مرام يبصوا لبعض و هما فرحانين
..........................
فى القسم
معتز / البقيه فى حياتك يا تيفا
تيفا / حياتك الباقيه يا باشا
معتز / كنت غطسان فين بقى ان شاء الله
تيفا / كنت بجرى على اكل عيشى يا باشا بس اول مولاد الحلال كلمونى جيت جرى اشوف بنت الكلب اللى قتلته دى هاتولنا حقنا منها يا حكومه احنا بنتحامى فيكو يا حكومه
معتز / الا ايه هو اكل عيشك ده يا توفيق و لا اقولك توفيق بيه دا المبلغ اللى لقيناه فى شقتك مبطلعوش انا يا راجل من شغلى فى الحكومه
تيفا / اش جاب لجاب يا باشا دى فلوس جهازى شقا عمرى انا و امى و اخويا تحويشه العمر لا مؤاخذه من يوم موعينا عالدنيا و احنا بنحط القرش عالقرش عشان اجيب شقه و اجهز و لسه يا باشا قدامى شبكه و مهر و عفش و ليله الباشا متجوز و عارف بقول عالدبله يعنى
معتز / اه انت هتفكرنى بس برده مقولتليش بتشتغل ايه يا توفيق يعنى فهمنى معلش
تيفا / عندنا ورشه ميكانيكا فى الحاره سعاتك بس يعنى الواحد من يوم للتانى بينزل يقلب عيشه فى الشوارع يعنى مش هستنى العربيات تجيلى بروحلها انا يعنى اقصد
معتز / لا بس واضح انك شاطر اوى فصنعتك دى
تيفا / ورثها ابا عن جد يا باشا
معتز / بس للاسف اميره بتتهمك ان انت اللى قتلت مجدى
تيفا / كدابه يا باشا هو فى اخ بيقتل اخوه دا كان اكتر من ابويا دا هو اللى ربانى يا باشا دا كان كل حياتى طب والله ربنا وحده اللى يعلم كان بالنسبالى ايه دا هو اللى ليا فى الدنيا يا باشا حسبى الله و نعم الوكيل فيها حسبى الله و نعم الوكيل فيها بعد كل اللى عمله عشانها بعد كل اللى عملناه احنا عشانها دا لسه دافع مصاريف عمليه امها يا باشا من جيبه مع ان ليها اخوات تانين يا باشا بس اخويا كان من يومه راجل و مجدع تكون دى اخرته يكون ده جزاته هاتولنا حقنا يا حكومه حسبى الله و نعم الوكيل فيها حسبى الله و نعم الوكيل فيها
معتز / اه بس يعنى متاخذنيش فى السؤال بفهم بس انت عايش معاها فى بيت واحد طول الفتره دى و هى يعنى حلوه و لونه و كدا يعنى
تيفا / يا باشا كلو الا لحم اخويا يا باشا دانا لو شوفتها عريانه اغطيها و متاخذنيش يا باشا انا مش هتكلم فى عرض اخويا حتى لو كانت هى يعنى لا مؤاخذه متستاهلش مش على اخر الزمن يعنى معلش يا باشا اعزرنى فى الحته دى انت راجل و فاهم و احنا ولاد بلد و دمنا حامى
معتز / ماشى يا توفيق ماشى
.......................................
فى شقه ميار
جرس الباب يضرب لبنى تروح تفتح تلاقى احمد فوشها تتخض و تبص عالسلم يمين و شمال
لبنى / انت اتجننت انت بتعمل ايه هنا انت عاوز توديى فى داهيه و ايه منظرك ده مين عمل فيك كدا
احمد / متخافيش اوى كدا عامل حسابى لا فى حد شافنى و انا جاى و لا و انا طالع
احمد يزق لبنى و يدخل و هى بتبصله باستغرب تبص يمين و شمال مفيش حد تقفل الباب
لبنى / انت مجنون عارف كدا و لا لا و مين اللى شلفطك كدا مازن صح كنت عارفه والله كنت عارفه مش هنخلص الا لما واحد فيكو يقتل التانى انا عارفه و بعدين ايه البجاحه دى انت جايلى لحد هنا انت ايه طب لو مش خايف على نفسك خاف عليا افرض ماما هنا زياد هنا افرض زياد لسه مراقبنى حد شافك
احمد / متخافيش انا عامل حسابى لكل حاجه عارف ان زياد فى الشركه و عارف ان مامى الحلوه فى النادى مع صحباها و خصوصا اونكل عزت عبد الرؤوف و غالبا هتتاخر معاه اصل القاعده الحلوه متتعوضش برده
لبنى / غور من وشى
احمد/ انا جاى و جايبلك حريتك معايا
لبنى / افندم ؟؟ مش فاهمه حريه ايه دى بقى ان شاء الله
احمد / انتى مش اللى مانعك عنى ارتباطك بزياد و حبك لمازن بسيطه مازن يقتل زياد مازن يدخل السجن و زياد يقابل وجه كريم و ساعتها مش هيبقا غير انا و انتى زى مكان المفروض يحصل مالاول
لبنى / عشم ابليس مازن عمره مهياذى زياد يا احمد
احمد / هتشوفى
احمد يجى يمشى لبنى تمسكه
لبنى / عملت ايه قولى عملت ايه
احمد / الله ما انا معاكى اهو معملتش حاجه
لبنى / انا عرفاك يا احمد مبتظهرش الا و الشر فرجليك قولى هتعمل ايه ... قولى يا احمد مش انا حبيبتك مش انت بتحبنى
احمد / هههههههههههههههه لا لا لا كدا هضعف و انا بصراحه بتلكك
لبنى / عشان خاطرى
لبنى تشد احمد من ياقته عليها و تقرب منه اوى و تبص فى عنيه يكلمها بنتهى الرقه
احمد / مازن .. هيقتل .. زياد .. النهرده
لبنى / مستحيل مازن روحه فى زياد بيعتبره اخوه الصغير بيعتبر نفسه ابوه هتعمل كدا ازاى قولى
احمد / معرفش
لبنى تلطشه بالقلم يدحك
احمد / ههههههههههههههههههه طب انا عملت ايه طيب
لبنى / انطق بدل متجنن عليك انطق
احمد / بموت فى جنانك ...بس والله معرف اللى اعرفه قولته قولتلك ان زياد هيموت النهرده و مازن هيلبسها هههههههههههههههههه
لبنى تجرى عالموبايل و تتصل بحد احمد يجرى يحضنها و ياخد الموبايل منها يرميه بعيد 
احمد / هتكلمى مين و تقوليله ايه الموضوع هيتم هيتم حتى لو حذرتيهم بالعكس مش بعيد تسهليه اكتر هتقولى لزياد ايه هتتقتل هيجرى يستخبى مع مازن و ساعتها هتلبس مازن اكتر و العكس هتقولى لمازن هيسيب اللى فى ايده و يجرى على زياد و ساعتها مش هيبقى فى شهود نفى ان مازن كان معاهم و برده هتلبس مازن اكتر
لبنى / هتلبسها لمازن ازاى
احمد يطلع موبايله و يوريها صوره مسدس مازن
احمد / تعرفى المسدس ده طبعا دا عليه بصمات ميزو سابهولى هديه لما جالى الفيلا قولت اردله الهديه بهديه انقح منها ايه رايك فيا بقى بزمتك مش احسن من خيبتها بتاعك ده الا قوليلى صحيح سمحتيله يقرب منك بعد اللى حصل قادره اصلا تبصيله بعد مجربتى غيره اذا مكنش مالى عينك مالاول و لا مكفيكى و لا حتى عارف يكفى نفسه هيملاها دلوقت بعد معرفتى ان فى احسن تعالى معايا و انا هخرجه من حياتك للابد ... هههههههههه هو بصراحه كدا كدا خارج خلينا نتفق على ده بس فمره هيخرج لوحده من حياتك بس و التانيه هيخرج مالدنيا و هياخد مازن فى ايده
لبنى / لو فضلت معاك هنا هتدينى المسدس لو سبت زياد هتدينى المسدس
احمد / على حسب
لبنى / يعنى ايه على حسب انت هتلاعبنى كل يوم هتطلعلى بحاجه شكل انا قرفت من نفسى يا اخى انت ايه ... ادينى المسدس و انا اسيبه
احمد / و انا اضمن منين انك متغدريش بيا مهو متزعليش منى مبروم على مبروم ميرولش يا بيبى
لبنى / خد الضمانات اللى انت عاوزها انا مستعده امضيلك عالورق اللى انت عاوزه بس ادينى المسدس
احمد / المسدس هيفضل معايا عشان يوم متغدرى بيا و تسبينى و ترجعى للحيوان ده اخلص منه و الاقى حد يشيل
لبنى / و اضمن منين انك ميجيش يوم تزهق منى و ترمينى
احمد / كان زياد زهق انتى مبيتزهقش منك يا قمر
لبنى تبصله و تروح تجيب الموبايل و تتصل بزياد
لبنى / الو انت فين 
زياد / فى الشركه عند مازن الدنيا هنا بايظه خالص حاجه قرف
لبنى / زياد انا فكرت و قررت
زياد / فى ايه
لبنى / احنا لازم نسيب بعض
احمد يبتسم و يروح يقعد عالكنبه و يحط رجل على رجل
زياد / معلش تانى قولتى ايه
لبنى / انا هسيب البلد و مش هرجع هنا تانى انا و انت كفايا علينا اوى كدا
زياد / انتى عند مامتك صح انا جايلك انا هاجى اشوف الكلام ده التليفون مينفعش
لبنى / هتيجى مش هتلاقينى اسمع يا زياد انا قررت و الموضوع انتهى اى كلام فيه مش هيفيد
زياد / طب ايه اللى حصل ايه اللى جد ردى عليا يا لبنى ايه اللى اتغير من ساعه مسبتك لدلوقت ايه اللى حصل
لبنى تقفل السكه و تبص لاحمد و ترمى الموبايل فى الارض و تروح تقعد على اقرب كرسى احمد يقوم يقعد على ايد الكرسى
لبنى / لمصلحتك تمشى من هنا دلوقت اكيد زياد هيجى و غالبا ماما كمان هتيجى
احمد / و ايه المشكله مهو كدا كدا هيعرف انك سبتيه عشانى
لبنى / اسمع يا احمد انا لا طيقاك و لا طايقه نفسى تمام ..  بجد
احمد / احنا لحقنا نرجع فى كلامنا
لبنى / دراعى بيوجعنى دراعى اللى انت لسه لاويهولى دلوقت بيوجعنى ايه هتفضل تتك عليه لحد متكسر فى ايدك هو ده الحب من وجهه نظرك هو ده حب و لا امتلاك ده
احمد / سلامه دراعك يا لبنى و انا ميهنش عليا كسرك انا همشى و اوعدك انى ابعد عن سكتك خالص و هستناكى تجيلى بس يكون فى علمك انا مش شاطر اوى فموضوع الصبر ده قولت اقولك يعنى عشان محدش يلومنى بعد كدا
احمد يوطى على لبنى يبوس راسها و هى مدايقه و يمشى تقوم تجرى تجيب الموبايل و تقعد تقلب فيه و تفكر و بعدين تتصل بحد
.............................
فى الشركه عند مازن
زياد ماشى شايط يلاقى محمود شايل بوكس كبير
زياد / انت بتعمل ايه هنا
محمود / بلم حاجتى عاوز ايه
زياد / حاجتك و انت كل دى حاجتك
محمود / مهو شريف و مازن قالولى اجيبلهم حاجتهم هما كمان
زياد / امتى الكلام ده
محمود / من شويه عندنا فى البيت
زياد / انا مش فاهم حاجه مازن كان عندكوا فى البيت
محمود / اه ... لا هو مش عندنا عندنا يعنى كان عند مرام فى ايه مالك مستغرب كدا ليه
زياد / و لا حاجه و لا حاجه بعدين ابقى افهم عن اذنك
محمود / اذنك معاك
زياد يمشى و هو بيفكر
///////////////////////////
زياد / هو ايه اللى بيحصل مازن راح لمرام البيت ليه مهو اكيد مش عشان يطلق لانه لو طلق اكيد محمود ... معقول صالحها ؟؟ و هى هتسيبه يبيع ... شريف و مازن طلبوا منه يلم حاجتهم .. شريف هيسيب مازن يبيع ... هو فى ايه ... مازن بيلم حاجته من قبل ميتفق مع اى حد عالسعر ... تكونش دى تمثيليه من شريف و كان مجهز بيعه احسن ... معقول مازن باع خلاص ... مش وقته خالص القرف ده اشوف موضوع لبنى هانم و بعدين افوقلهم
...................................
عند النائب العام
تليفون شريف يرن
شريف / دى لبنى
مازن / عاوزه ايه دى
شريف / وانا اش عرفنى انا ... الو
لبنى / ازيك يا شريف .. شريف فى موضوع خطير لازم اتكلم معاك فيه
شريف / خير فى ايه
لبنى / مازن ... مازن عمل مصيبه و انا مش عارفه اعمل ايه
شريف يبص لمازن اللى متابع و يدى لمازن الموبايل
مازن / الو ايوه يا لبنى
لبنى / مازن !!! ازيك
مازن / فى ايه خير زياد جراله حاجه
لبنى / لا بس فى موضوع كدا ... مازن انت فين مسدسك سبته فين
مازن يفتكر المسدس و هو بيرميه فى الارض و يقوم يقف مفزوع و يبص لشريف اللى اتنقله الفزع و قام وقف هو كمان
لبنى / مازن انت معرفتش حاجه منى ماشى ارجوك طلعنى مالحوار ده
مازن / انتى عرفتى منين
لبنى / مازن طلعنى مالموضوع ده خد بالك من نفسك ماشى
مازن / تمام تمام
مازن يقفل
شريف / فى ايه
مازن / انا نسيت موبايلى فى الفيلا عند احمد
شريف / نهارك اسود لازم نرجع نجيبه
مازن / فات الاوان وقع فى ايده خلاص
شريف / مصيبه ليعمل بيه حاجه ادى اخره جنانك ادى اخر هبلك هنعمل ايه دلوقت هنعمل ايه
مازن / مش عارف مش عارف
المكتب يتفتح و راجل ببدله يخرج موظف يقوم من عالمكتب و يدخل يجرى يدخل و بعدين يطلع علاطول
موظف / مازن باشا فخرى بيه فى انتظار حضرتك جوه
مازن يبص لشريف شريف يهز راسه لا
شريف / بيتهيالى ناجل الخطوه دى شويه
مازن / معلش اعتزرله جالنا تليفون مهم هنبقى نعدى عليه بعدين
مازن ياخد شريف و يمشوا
شريف / بس لبنى عرفت منين
مازن / صوتها مكنش مظبوط كانت خايفه
شريف / انا مبثقش فى البت دى الصراحه انا معدتش بثق فى حد خالص
مازن / بس انا بثق فيك يا شريف اسمع اللى هقولك عليه و تنفذه بالحرف
شريف / خير قول
...................................
فى شقه لبنى
ميار / انتى اتجننتى يعنى هو كدا مالباب للطاق
لبنى / انا تعبت
زياد / انتى اصلا بقالك فتره متغيره و كل مكلمك تقولى مفيش 
لبنى / كويس انك واخد بالك
زياد / طب فهمينى ايه اللى حصل مهو اكيد تغيرك ده مش عشان موت صفوت خال مازن انتى اصلا مكنتيش بتطيقيه فمتجننيش
لبنى / هو بالعافيه يا اخى بالعافيه يعنى
ميار / اهدى يا لبنى اهدى يا زياد بص سبها تهدى يوم و لا اتنين و انا هتكلم معاها و صدقنى دى فتره و هتعدى صدقنى يابنى
زياد / ماشى يا طنط انا هسيب حضرتك تهديها بس يكون فى علمك يا لبنى انا مش خاتم فى ايدك تلبسيه وقت متحبى و تقلعيه وقت متحبى المره اللى فاتت لما صالحتك كان عشان انا شاريكى بس انا مش هفضل اشترى لوحدى طول عمرى عن اذنكوا
زياد يرزع الباب وراه و يمشى لبنى تقعد على كرسى و تعيط
ميار / ايه اللى حصل يا لبنى ايه اللى جد
لبنى / تعبت بقى تعبت هو فى ايه تعبت هو انا ايه حجر متحسوا بيا شويه تعبت
ميار / تعبتى من ايه من عيشه الملوك اللى انتى عايشه فيها هتلاقى احسن من زياد ردى عليا
لبنى / كل اللى انا فيه ده بسبب علاقتى بزياد كل القرف ده عشان فكرت فى زياد كان يوم ميعلم بيه الا ربنا يوم مسمعت كلامك و صاحبت زياد
ميار / يوووووه مازن تانى انتى ايه مبتزهقيش ... اسمعى لو عشان حوار انه هيطلق حلى فى عنيكى لا فوقى مازن رجع لمرام صالحها خلاص زياد قالى و لعلمك زياد نفسه شاكك فى الموضوع ده لمحلى فى الطريق و هو اللى قالى ان مازن صالح مرام و كان عندهم فى الشقه من شويه
لبنى / الحمد لله و الله فرحتلهم بس الموضوع ملوش علاقه خالص لا بمازن و لا بمرام
ميار / امال لو مش مازن فى ايه ردى عليا فى ايه
لبنى / مفيش يا ماما مفيش الله مفيش
ميار / اسمعى يا لبنى انتى لازم تفوقى لمصلحتك لو مش عشانك يبقى عشانى و لازم تفهمى انك لما سبتى زياد المره اللى فاتت فوقتيه خلتيه ياخد باله انك ممكن تسبيه معدش اهبل زى الاول
لبنى / قصدك ايه
ميار / يعنى زياد معدش فاتح الحنفيه علينا بقى مركبلها عداد يعنى كل حاجه بقى ليها تمن و مفيش حاجه ببلاش
لبنى / هو انا فهمت الاولانيه لما هفهم دى انا مش فايقه للالغاز دى
ميار / يعنى زياد بقى بيمضينى على كل جنيه بسحبه حتى شاليه الجونه مكملش اقساطه دخل شريك
لبنى / انتى بتقولى ايه
ميار / انا لو بعت اللى ورايا و اللى قدامى لزياد مش هعرف اخلعه و لا اسدله ديونى دا كفايا عمليه التجميل بتاعتى الاخيره اللى عملتها فى لبنان صرفت عليها كل السيوله اللى كانت معايا و كنت لسه هكلمه الاقيكى بتقولى هتقطعى معاه
لبنى / و المطلوب منى
ميار / المطلوب تعقلى يا قلب امك تعقلى انتى لو سبتى زياد هنفلس هنشحت الا بقى لو كان عندك له بديل يسد ديونا لزياد و يصرف هو علينا و يعيشنا فى نفس المستوى اللى احنا عايشين فيه مانا اكيد مش على اخر الزمن هتبهدل يعنى بسبب لحظه جنان من بتوعك دول
لبنى / نفس الجمله اللى قولتيها لما طلبتى منى زمان اتصاحب على زياد و كانى مليش اى دور غير انى احافظ على المستوى اللى عيشينه كانى مجرد بيعه و شروه للى يدفع اكتر
ميار / لا طبعا مقصدش كدا ابدا بس انتى عارفه انى صرفت كل اللى ورايا و اللى قدامك عشان اربيكى ضيعت عليكى عمرى واحده غيرى كانت ممكن تتجوز واحد يصرف عليها و يدلعها بس اخرتها ايه كنتى هتبقى زى نورا و يمكن اسوء و لا يمكن كنت اللتفت لشغلى و سافرت برا و عشت حياتى و سبتك تواجهى الفقر هنا لوحدك زى صافى لكن لا انا واقفه جنبك و بساندك بعلمك ازاى تاخدى حقك مالدنيا مش ببيعك انا بحافظ عليكى بسلمك للى يشتريكى انا عوزالك الاحسن انا امك و عارفه مصلحتك
لبنى / انا تعبانه و عندى صداع ممكن انام ممكن لو سمحتى ادخل اوضتى و انام و لا اروح اشوفلى فندق ابات فيه الليله دى عشان كلكوا ترتاحوا
ميار / لا يا قلبى اوضتك مفتوحه اصل اكيد زياد مش هيسيبلك الكريدت كارد مفتوحه تسحبى منها زى مانتى عاوزه فكدا كدا ملكيش مكان تانى غير هنا تصبحى على خير
لبنى تبص لميار و تدخل اوضتها و ترزع الباب وراها
...............................
فى الشركه عند احمد
احمد / مكنتش متخيل انى هشوفك تانى النهرده بس تعرف والله فرحت
شريف / كويس ان فينا واحد بيفرح لما بيشوف التانى يلا مش مشكله مع ان مكنش فى اى داعى للتفتيش اللى حصل بره و تاخدوا الموبايل و الحركات القرعه دى ايه داخل مبنى الموساد المهم انت عارف انا جاى منين دلوقت
احمد / الحقيقه مش مهتم بس قول كنت فين يا شيكو
شريف / كنت مع مازن عند النائب العام
احمد / والله خير فى ايه
شريف / اتفضل
شريف يحط ملف قدام احمد احمد يفتحه و يبص فيه
احمد / ايه ده
شريف  / بتعرف تقرا
احمد يبص لشريف
شريف / انا اقنعت مازن انه يهدى شويه قولتله انك هتسيب البلد و تمشى تانى و المرادى مش هترجع و هتلاقى عندك برده عقد بيع الشركه دى و دى بصراحه حقه بما ان صفوت بيه الله يرحمه هو اللى تعب فيها فاكيد تبقى من حق الورثه
احمد يقوم يقعد قدام شريف و شريف حاطت رجل على رجل
احمد / ايوه بس انا بحب مصر اوى يا شريف و بصراحه مش هقدر اسافر دلوقت
شريف / انا كدا عملت اللى عليا و شكلى هدبس فى تمن العيش و الحلاوه ليك فى الزيارات
شريف يقوم يروح ناحيه الباب
احمد / شيكو
شريف يبصله
شريف / نعم
احمد / تعال اقعد
شريف / لا مهو المشوره دى مش ببلاش خير قول و انا هنا
احمد / الا هى حياه صحبك تساوى عندك ايه
شريف / هههههههههههههههههههه ايه غيرت رايك و قررت تقتله +
احمد / لا اقتله ايه مازن حياته غاليه عندى اوى اغلى من حياتى بس عندى حاجه تهمه
..........................