السكه شمال بقلم / لولو_محمد ( كامله )

الحلقه ٥٠

((((((((((((السكة شمال ))))))))
#لولو_محمد
الحلقه الخمسون
مديحه و سميحه يدخلوا
سميحه / فى ايه يا ولاد مرام مالها
محمود / معرفش جم خدوها من وسط المحاضره
مازن / متقلقيش يا تيته انا كلمت المحامى و هما معاها جوه
مازن  يبص لمحمود
مازن / انت كلمتهم ليه
محمود / انت هتعلمنى اعمل ايه و لا ايه
.......................
مازن / مفيش فايده والله مفيش فايده
الباب يتفتح العسكرى يطلع مع مرام
سميحه / مرام
مرام / معملتش حاجه والله يا تيته دا كداب
العسكرى / اتحركى
العسكرى ياخد مرام بعيد
سميحه / هما واخدينها فين
المحامى يطلع
مازن / هو فى ايه
المحامى / احمد الدهبى متهمها بسرقه تلاتين الف جنيه من ايردات المطعم
مازن / كداب طبعا
المحامى / هى ماضيه على استلام طرد و متصوره و هى بتحطه فى شنطتها بس هى بتقول انها ادته لاستاذ احمد بس طبعا مفيش اى دليل على كلامها
مازن / مالاخر يعنى هيحصل ايه
المحامى / انا حاولت اخليها متدخلش الحجز بس للاسف الظابط رفض خالص فى تفتيش بيمر و ممكن يتاذى بس هيوصى عليها العسكرى محدش يقربلها جوه لحد موكيل النيابه يوصل
مازن / دا اخركوا يعنى ماشى
مازن يمسك الموبايل
مازن / دا اخرك على العموم براحتك ربع ساعه بالظبط لو مكنتش قدامى و نهيت اللعبه دى حالا قسما بالله هطلع عالنائب العام و اديله نسخه مالورق اللى هبعتهولك عالميل دلوقت
مازن يقفل التليفون يبص لشريف يهز راسه و يطلع بره
سميحه / انت كنت بتكلم مين
مازن / احمد
محمود / و المفروض نصدق بقى انك ملكش دعوه بالموضوع ده
مازن / انت عندك صراصير فنافوخك و لا ايه وضعك و انا هعمل كدا ليه
محمود / متتلم يلا بدل
مديحه / بس يا محمود مش وقته احنا فينا اللى مكفينا
محمود / بجد والله!!!
مديحه / انت متعرفش حاجه ماشى فقعد ساكت لما نشوف هنخرج مالهم ده ازاى
سميحه / بس يا مديحه
مديحه / سكت
محمود / هو فى ايه معرفوش
مديحه / مفيش
محمود / فى ايه يا تيته فى حاجه حصلت وانا مسافر محكيتهوهاليش
سميحه / خلاص بقى يا محمود مش وقته الله
محمود يبص لامه و يسكت و هو بينفخ
.......................
فى الزنزانه
العسكرى يزق مرام جوه تقع فى الارض ست مليانه تروح تقومها
الست / مبراحه ياعم قدك دى قومى ياختى قومى
مرام تقوم و تنفض هدومها
الست / اسمك ايه ياختى
مرام / مرام
الست / مرام ايه
مرام / ليه
الست / متردى يا بت ردت الميه فزورك اسمك مرام ايه
مرام تتفزع و ترد بخوف
مرام / مرام نور الدين
الست / نورتى ياختى احنا مستنينك مالصبح
مرام تبصلها تلت ستات تانين يقوموا و ينزلوا فى مرام ضرب و يقلعوها الطرحه و يقطعولها بلوزتها و هى بتصرخ العسكرى يفتح الباب
العسكرى / بتعملى ايه يا وليه منك ليها اتلمى يا جزمه وسعى يا وليه
العسكرى ياخد مرام و يطلعها بره و هى بتحاول تدارى نفسها بطرحتها لحد ميرجعها اوضه الظابط سميحه تشوفها تصرخ و مازن يقلع الجاكت و يدهولها تلبسه و تقفل السوسته و تعيط فى حضن جدتها احمد الدهبى يدخل محمود يحاول يضربه المحامين يحوشوه و مازن معاهم
محمود / يابن الكلب يا زباله
مازن / اعقل احنا فى القسم اهدى
احمد / و دا مين ده يلا مش مهم
احمد يبص لمرام من فوق لتحت و هى بتعدل طرحتها و بتعيط و يدخل جوه و العسكرى يشد مرام يدخلها زياد و لبنى يدخلوا
زياد / مازن انت كويس عامل ايه
محمود / كملت
مازن / انت بتعمل ايه هنا
زياد / كلمونى قالولى انهم قبضوا عليك و ان المحامين معاك هنا
مازن / انت هتصيع عليا يا زياد
لبنى / و انت مدام مش مقبوض عليك بتعمل ايه هنا يا مازن
مازن / خدها و امشى يا زياد خدها و امشى عشان انا العفاريت الزرق بيتنطتوا قدام عنيا دلوقت ماشى خدها و امشى
.............................
فى الاوضه جوه
احمد / حقك عليا يا مرام هو لو كان سالنى كنت قولتله انك اديتينى الفلوس بس يعنى الخبطه اللى اتخبطتها فى مناخيرى يوميها نستنى اقوله
مرام تبصله
احمد / هو انا مطلوب منى حاجه تانى اصل انا للاسف عندى مواعيد كتير اوى النهرده و لولا مرام غاليه عندى و مرضالهاش البهدله مكنتش جيت والله
الظابط / لا تمام مفيش مشكله حضرتك تقدر تتفضل بعد متمضيلى هنا
احمد يقوم يعدى من جنب مرام بالظبط و هى تبعد بجسمها عنه و ماسكه دموعها بالعافيه يمضى و يرجع يعدى تانى من جنبها
احمد/ متزعليش يا مرام استاذن حضرتك
احمد يمشى الدموع تنزل من مرام
مرام / ممكن اروح
.................................
بره فى القسم
المحامى يطلع و معاه مرام
لبنى / ايه ده مرام هنا يانهار ابيض خير يا مرام عملتى ايه
مرام تبصلها
مرام / يلا نروح يا تيته
لبنى / هو مش ده الجاكت بتاعك يا مازن
مازن يبصلها
مازن / قسما بالله
زياد / خلاص خلاص الحمد لله اطمنا عليك يلا يا لبنى
زياد يشد لبنى و يمشوا و مرام باصه لجدتها و ماسكه دموعها بالعافيه و مديه للكل ضهرها
مرام / عاوزه اروح
سميحه / يلا يا قلبى يلا
..................................
فى شقه مرام
مرام تدخل الاوضه ووراها سميحه و تقفل الباب مرام تقلع الجاكت و تديه لسميحه
مرام / قوليله شكرا
سميحه / ارتاحى يا قلبى ارتاحى تتقطع ايدهم اللى اتمدت عليكى يا قلبى حسبى الله و نعم الوكيل فكل ظالم
سميحه تناول مرام هدومها و تساعدها تلبسها جنبها ازرق
مرام / اه يا تيته حسبى واجعنى اوى
سميحه / فى مرهم فى الدرج استنى
سميحه تجيب المرهم و تدهنهولها
مرام / اه يا تيته بالراحه بتوجعنى
سميحه / اياك تنشك فعينك يا ابن الكلب يا قذر حقك عليا يا قلبى حقك عليا يا ضنايا
مرام / انا مش واجعنى جسمى على قد موجعانى كرامتى يا تيته شافونى بالمنظر ده الدفعه كلها شافت البوليس و هو بيقبض عليا الدفعه كلها شافتنى و انا بركب البوكس و لبنى الزفت دى جتلى القسم و شمتت فيا ربنا شمتهم فيا
سميحه / متقوليش كدا حرام عليكى
مرام / انا غلطت يعنى عشان اتبهدل كدا
مرام تعيط اوى باب الاوضه يخبط
سميحه / ارتاحى شويه
سميحه تفتح الباب و تطلع و تقفل الباب وراها تلاقى مديحه واقفه عالباب
مديحه / هى عامله ايه
سميحه / هتنام
باب الشقه يخبط محمود يفتح يلاقى سعد شايل حاجات
سعد / جبتلكوا حاجتكوا هو ايه اللى حصل فين مرام و ايه اللى حصل
محمود / مفيش حاجه حصلت بلاغ كاذب مرام جوه على فكره
سعد / دا مازن كمان هنا
مازن / كنت ماشى ... هبقى اكلمك فى التليفون اطمن عليها
سميحه تديه الجاكت بتاعه يلبسه
محمود / ملوش لزوم متتعبش نفسك ووفر رصيدك
مازن يعدى و يخبط محمود فكتفه و يمشى
محمود / متخلف تعال يا سعد ادخل
سعد / لا مره تانيه معلش شكلكوا مرهقين
سميحه تقعد و هى زعلانه على اخرها و مديحه تقعد جنبها تطبطب عليها محمود يبص عليهم و يبص لسعد و يهز راسه سعد يمشى و محمود يقفل الباب و يدخل و يروح يخبط على اوضه مرام
سميحه / سيبها ترتاح يا محمود
محمود / عاوز اطمن عليها
سميحه / تعبانه جسمها ازرق من الضرب اللى خدته منهم لله
محمود / معلش ليهم يوم والله العظيم لندمهم ان كانوا هما و لا الكلب اللى متحامين فيه
مديحه / انت بتتكلم على مين
محمود / على زياد و الكلبه بتاعته و سى زفت مازن
سميحه / و مازن ماله باللى حصل اللى عمل كدا احمد
محمود / و انتى صدقتي يعنى دى كلها تمثيليه خايبه عشان ياخدوا حقهم مننا مشوفتيش كانوا شمتانين فينا ازاى
سميحه / محمود انا مش قدرالك
مديحه / انت مكنتش معانا هناك و لا ايه مازن هو اللى ضغط على احمد عشان يتنازل احمد هو اللى حيوان و ابن كلب
محمود / يا سلام امال ست الحزن و الدلدول بتاعها عرفوا مكانا ازاى بلاش دى اصلا مازن كان بيقوله هودى الورق للنائب العام كلهم بظرميط فبعض شغل هليبه على كبير و اصلا كل ده تلاقيه تمثيل عشان الباشا يبان بطل قدامنا المنقذ اللى منقدرش نستغنى عنه
سميحه / انا داخله انام تتمسوا بالخير
محمود / و اصلا شوفتى حركه الحنيه بتاعته يقلع الجاكت اصلا تلبس مكانه ليه مكانت خدت الجاكت بتاعى
سميحه / كنت اقلعه يا محمود بيه كنت اقلعه و لا كنت عاوزها تفضل واقفه وسط العساكر بالمنظر ده و انت و الرجاله تبحلقوا فيها لحد متطلب منك تديها الجاكت بتاعك مديحه خدى ابنك و روحوا انا روحى فمناخيرى
سميحه تدخل و ترزع الباب وراها
مديحه / عاجبك اللى انت عملته ده ادى اخره جنانك تعرف قعدوا يقولولى متقوليلوش متقوليلوش هيتجنن و يعمل مصيبه اتاريك مش محتاج انت جاهز للمصايب لوحدك
محمود يبصلها
مديحه / احمد عرض على مرام فيلا و ساعه سولتير و المطعم كل ده عشان تتجوزه عرفى و لما رفضت هددها انه هيعمل زى مانت شايف كدا
محمود مصدوم
مديحه / احنا لو محتاجين حد الفتره دى هيبقى مازن تفتكر لو مكنش مازن موجود النهرده او مكنتش ستك عامله علاقه كويسه معاه كنا خرجنا مالبلوه دى ازاى يا محمود فوق اللى ملوش ضهر بينضرب على بطنه
محمود / و مازن ده ضهرنا بقى ان شاء الله
مديحه / لا الفلوس يا محمود معاك قرش تسوى قرش غير كدا تداس بالرجلين فوق لنفسك و لمستقبلك و سبنا فى الهم اللى احنا فيه الحمد لله انها جت على قد كدا و ربنا يستر فى اللى جاى اوعى عدينى
مديحه تعدى و محمود يقف و الحزن على وشه
..............................
فى الاوضه جوه
سميحه واخده مرام فى حضنها و مرام بتعيط تليفون سميحه يرن
مرام / مش هنخلص النهرده
سميحه تبص عالموبايل
سميحه / دى الست ام عبد الله خير هقوم ارد عليها بره نامى انتى و ارتاحى
سميحه تقوم و تطلع بره الاوضه و مرام تقوم تقعد و تمسح دموعها و تمسك الموبايل و تفتح النت كميه نوتيفيكاشن كتير جدا
مرام / يووووه
مرام تفتح الفيس و تكتب بوست
مرام /  يا جماعه انا تمام محصلش حاجه بلاغ كاذب و خرجت فساعتها و حسبى الله و نعم الوكيل فى اللى كان السبب
مرام تقعد تلعب عالموبايل تليفونها يرن
مرام / ايوه يا اريج
اريج / عامله ايه يا بنتى كلمتك مليون مره مبترديش
مرام / كنت قفلاه لحد مشوف فى ايه
اريج / طب هو ايه اللى حصل طمنينى
مرام / الراجل مدير المطعم ضاعت منه حاجه اتهمها فيا بدل ميتعب نفسه و يدور بس الحمد لله لقاها علاطول
اريج / بس كدا دا كل واحد بقصه و انتى عارفه احنا لو محطيناش التاتش فكل حاجه و فتينا نموت
مرام / انتى هتقوليلى
اريج / طب هتيجى الكليه بكره
مرام / باذن الله
اريج / خلاص تمام هشوفك بقى فى الكليه
مرام / شكرا
اريج / سلام
اريج تقفل تليفون مرام يرن تانى
مرام / مش هنخلص النهرده
مرام ترد
مرام / الو ايوه يا منى لا والله يا بنتى مفيش حاجه كويسه
...............................
فى الفيلا
مازن / انت هتصيع عليا يا زياد
زياد / والله انا معدتش عارف مين فينا اللى بيصيع على مين
مازن / لا يا شيخ
زياد / ماشى يا مازن انا هقدم السبت اه احنا روحنا نشمت فيها بس والله مكنا نعرف انك هناك و لا كنا نعرف ايه اللى حصل اصلا
مازن / ليه السواد ده يا زياد
زياد / مش هما دول اللى ضربونى يا مازن
مازن / محمود اللى ضربك و انا جبتلك حقك خلصنا ليه بقى لسه شايل
زياد / خلاص معدتش شايل انا كدا خدت حقى و تمام
مازن / انا بقيت بخاف منك
زياد / ههههههههههههههههههه منى انا تسلم يا سيدى هعتبرها مدح ان فى حد فى الدنيا بيعملى حساب اصلا
مازن يبصله
زياد / المهم انت بقى ايه حكايتك الشقه اللى لو هتموت عمرك مكنت هتفرط فيها ببساطه تديها للبنى اللى المفروض على حسب علمى مبتطيقهاش و فنفس الوقت تقفش على ماهى خطيبتك حبيبتك اللى انت برده مش عاوز تكمل الرهان على مرام عشان متخونهاش لمجرد انها تقولك بيع الشقه اللى انت للسه بايعها للبنى و لفى بينا يا دنيا دوخينا يا دنيا ايه بقى هاه ايه
مازن / انت عارف ان الرهان ده مكنش على مزاجى اصلا و بعدين عاوزين ايه اكتر من كدا اديك شوفت عندها تتسجن و تتبهدل و لا انها تفرط فى شرفها يعنى لا فرق معاها فلوس و لا حتى بهدله محتاج اثبات اكتر من كدا عشان تتاكد انها محترمه و شريفه و مش زى كل البنات اللى عرفناهم
زياد / اه فاضل الحب
مازن / مفيش فايده
زياد / بس حلوه حركه الجاكت دى بس واضح انه مريحهاش رجعتهولك بسرعه
مازن / مانا قولتلك ان بلوزتها اتقطعت
زياد / طول عمرك حنين يا مازن
مازن / انت عاوز توصل لايه
زياد / بص انت اخويا و حبيبى و سالتك مليون مره قبل كدا مرام تخصك عجباك قولت لا و عشان كدا انا دايس بس صدقنى لو تهمك هتبقى زى مونى بالظبط
مازن / يابنى احلفلك بايه انا و مرام مننفعش لبعض خالص
زياد / هو معاك حق بس القلب و ما يريد بقى
مازن / مفيش فايده انا طالع انام
زياد / انت هتبات هنا و لا ايه
مازن / ايه امشى ؟؟
زياد / لا مقصدش دا بيتك طبعا بس بفكرك ان لبنى قطعت العقد يعنى لتكون مش عاوز تروح هناك عشان كدا
مازن / لا مش عشان كدا و لا حاجه بس انا قولت يعنى .... تعرف انت معاك حق انا هروح بيتى احسن
زياد / الله انت زعلت و لا ايه
مازن / لا مزعلتش انا مبزعلش منك يا زيزو و انت عارف
زياد / اهم حاجه عندى
مازن يبتسم و يمشى و زياد يطلع فوق و يدخل الاوضه
لبنى / عمل ايه
زياد / مشى
لبنى / بالبساطه دى
زياد / اه قال كلمتين و مشى كويس انك منزلتيش و الاحسن انك تهدى شويه الفتره الجايه
لبنى / اهدى؟؟ انت عاوزنى اضيع الفرصه دى من ايدى
زياد / نضيعها ايه داحنا هنستغلها احسن استغلال بس انتى خليكى بعيد عن الصوره خالص
لبنى / مش فاهمه انت ناوى تعمل ايه بالظبط
زياد / هقولك
..................................
فى اوضه مرام
مرام / ياربى ودنى وجعتنى
سميحه / مش اكتر منى حاره ميعلم بيها الا ربنا ستاتها لتاته
مرام / ههههههههههههههههههه
سميحه / الوليه شافتك و انتى داخله مهديتش الا لما قالت للحاره بيت بيت و واحده واحده
مرام / انتى هتقوليلى دانا تليفونى فصل من كتر التليفونات و الرسايل
سميحه / ههههههههههههههههههههههه اريح والله تعرفى بفكر بكره اخدك و نروح
مرام / لا معلش اى كان لازم اروح بكره الكليه عشان انا لو مروحتش
سميحه / مش هتخلصى مالكلام عارفه عارفه و بصراحه معاكى حق
مرام / و كمان عشان فى ناس هيبقى مستنين انى مجيش
سميحه / انتى و محمود هتجيبوا اجلى بدرى
مرام / بعد الشر عنك يا تيته فى ايه
سميحه / انسى يا مرام ركزى فمستقبلك بس بطلوا تشغلوا نفسكوا بناس تانيه مش هينفعوكوا
مرام /  انا مش حطاهم فى دماغى هما اللى حطينى فدماغهم جم من اخر الدنيا عشان يشفونى فالحبس و يشمتوا فيا
سميحه / و ربنا منولهالهمش خلاص بقى
مرام / حاضر خلاص خلاص حاضر
سميحه / على الله
...............................
فى شقه مازن
شريف / ليها حق تقفل الموبايل طبعا مانت مالصبح بتقول مشغول اهو
مازن / بص الفيس
شريف / جنازه و يشبعوا فيها لطم
مازن / طب خلاص خد الموبايل و قوم روح اصلا الوقت اتاخر و زمانها نامت عندها كليه الصبح
شريف / ماشي هعدى عليك بكره بقي و لا استنى تكلمنى
مازن / لا عدى هروح انا داخل انام اهو
شريف / ماشي
شريف يقوم يمشى و على ميوصل لباب الشقه  و موبايل شريف يوصله رساله يرجع لمازن
مازن / فى ايه
شريف / موبايل مرام بقى متاح
.........................
فى الشقه عند مرام
مرام تطلع مالحمام و تقعد عالكنبه فى الصاله تسرح شعرها وواضح انها بتتالم و هى بتتحرك تجيلها رساله واتس تمسك الموبايل
مرام / مساء الخير ؟؟
مرام تستغرب توصل رساله تانيه
مرام / انا مازن عملالى بلوك فاكره
مرام تدحك توصل رساله تالته
مرام / سورى لو الوقت كان متاخر بس انتوا بترغوا مالصبح و تليفون تيته حاليا غير متاح و كنت عاوز اطمن عليكى
رساله رابعه
مرام  / طب ممكن تخلى عندك دم و تطمنينى عليكى طيب
................................