السكه شمال بقلم / لولو_محمد ( كامله )

الحلقه ٧١

((((((((((((((((السكه شمال ))))))
#لولو_محمد
الحلقه الواحد و سبعون
شريف / و انتى ذنبك ايه
مرام / ذنبى ان كل ده حصل بسببى فعلا حصل عشان انا نحس مش مكتوبلى افرح امبارح و النهرده و كل يوم لازم يحصل حاجه
شريف / فتره و هتعدى
مرام / عارفه بس خايفه و هى بتعدى تدوسنى ... انا اسفه انا
مرام تمسح دموعها
شريف / كل حاجه هتبقى تمام ... مبروك الدبله
...................................
مرام تبص على ايدها و تبتسم
شريف / لو عاوزه نصيحه من اخ
مرام تبصله
شريف / اوعى تسمحى لحاجه فى الدنيا تقلع الدبله دى من ايدك الا لو عشان تتنقل للايد التانيه
مرام تبص الناحيه تبتسم
شريف / الف من له مصلحه ان الموضوع ده يبوظ و انك تخرجى من حياه مازن على امل انه يرجع زى زمان
مرام / مفتكرش هقدر اقلعها حتى لو عاوزه على راى مازن كل مبنحاول نبعد بنقرب اكتر
شريف / هههههههههههههههههه
مرام / بتدحك ليك حق ... صحيح اسفه عقبالك
شريف / ادعيلى
مرام / ربنا يسهلك الصعب و يوفقك
شريف / حددت معاك مع اهلها يوم الخميس
مرام / بجد مبروك
شريف / على الله ابوها يوافق بس
مرام / و هو هيلاقى احسن منك فين هيوافق متخافش اذا كنت انا وافقت على مازن هو مش هيوافق عليك
شريف / ههههههههههههههههههههههههههههههههههه اما لو مازن سمعك
مازن يدخل
مازن / اسمع ايه
مرام تقوم عليه تجرى
مرام/ مازن انت كويس
مازن / ايوه انتى عامله ايه و محمود عامل ايه
مرام / معرفش
شريف / كويس الحمد لله مش حاجه خطيره
مازن / طب تعالوا نطمن عليه
مرام / روحوا انتوا
شريف / مرام مش وقت حساسيات دلوقت
مازن / فى ايه
مرام / بعدين
مازن / ماشي يلا
.......................
فى اوضه محمود
محمود نايم و مديحه و سميحه جنبه
محمود / لما شوفته داخل البيت وراها جيت جرى مكنش فى وقت انادى اى حد او اعمل اى حاجه
مديحه / انت عملت الصح يا حبيبى و الحمد لله ربنا نجاك ليا بالسلامه
الباب يتفتح و مازن و مرام و شريف يدخلوا و مرام تقف بعيد
مازن / عامل ايه
محمود / عايش
مازن / الحمد لله مكنتش هسامح نفسى لو جرالك حاجه
سميحه / و انت مالك باللى حصل كلو مقدر و مكتوب
مازن / لا يا تيته انا الغلطان كان المفروض اوصلها لحد باب البيت مكنتش هتفرق الخمس دقايق دول يعنى
سميحه / زى مقولتلك كلو مقدر و مكتوب
مديحه / انتى زعلانه منى يا مرام
مرام تروح ترمى نفسها فحضن مديحه و تعيط
مديحه / يقطعنى والله مكنت اقصد انتى بنتى يا هبله هو لو كان جرالك حاجه مش زعلى عليكى كان هيبقى زى زعلى على محمود بالظبط حقك عليا حقك عليا
مرام تقعد جنبها و تمسح دموعها
محمود / عامله ايه
مرام / انت اللى عامل ايه كدا تقلقنى عليك مش تنشف كدا
محمود / حاضر هنشف حاضر المره الجايه هبقى انشف
مرام / ههههههههههههه قطع ايديهم اللى اتمدت عليك ان شالله هما و اهلهم
محمود يبص لايد مرام
محمود / مبروك
مرام تبص على دبلتها
مديحه / الله ورينى
مديحه تشد ايد مازن تبص على بتاعته و هو مبتسم ابتسامه صغيره
مديحه / حلوه مبروك عليكوا عقبالك يا موكوس
مرام / يقوم بس بالسلامه نخطبله علاطول و عروستك عندى
محمود / لا شكرا ابعدى انتى خالص عن الموضوع
مرام / ليه يعنى
محمود / زوقك وحش
محمود يبص لمازن يبص للناحيه التانيه و يدارى دحكته
مرام / باماره ان نص حاجتك انا اللى بخترهالك ماشى ماشى تاثير البنج بس
سميحه / ههههههههههههههه بس بقى يا ولاد تعرفوا انا هدبح حاجه و افرقها لله عشان اللى حصل النهرده ده
مرام / طبعا هنفرق عشان سلامه حوده
باب الاوضه يتفتح و يدخل مجدى و امه
مديحه / جايه ليه يا جلابه النصايب
الست / جايه اعمل الواجب و اطمن على ابنك الحيله يام محمود
مديحه / تقتلوا القتيل و تمشوا فجنازته
الست / لسه مقتلناش
الست تبص لمازن
مجدى / بس ياما احنا جايين عاوزين نفض الموضوع ده ودى خناقه و انفضت انتوا تتنازلوا و احنا نتنازل و يا دار مدخلك شر
مازن / و انتوا هتتنازلوا عن ايه بقى ان شاء الله
مجدى / عن حق اخويا اللى مرمى فى المستشفى يا باشا و لا ايه
مازن/ و ان قولتلك اعلى ما فخيلك اركبه
مجدى / هركبه يا باشا و هدلدل رجليا كمان بس احب اقولك ان اخويا هيخرج هيخرج و ان كنت انت باشا و ليك معارفك فاحنا و لامؤاخذه مفيش اكتر من حبايبنا و ياما خدمنا ناس و الف من يخدمنا فخليها تيجى منك احسن متيجى عليك
مازن يمسك فهدوم مجدى و شريف يحوش
مازن / انت بتهددنى يابن الكلب
مجدى / عندك اللى تخاف عليه و لعلمك اللى حصل النهرده لو مكنش توفيق كان هيعمله غيره و كان هيعمله احسن كمان و ساعتها بدل مكنت هتعيط عالنانوس هتعيط عالسانيوره
مجدى يفك ايد مازن من عليه
مجدى / متسبش الحمار و تتشطر عالبردعه و زى مقولتلك اخويا خارج خارج يلا يا ست الكل ورانا مشاوير كتير النهرده
الست / الف حمد الله عالسلامه يا حوده ان شالله ناس تانيه
الست تبص لمازن و تمشى
محمود / هو يقصد ايه توفيق معملش كدا من نفسه و فى حد كاريه على مرام
مازن يبص لمحمود
محمود / طب و مين له مصلحه يعمل كدا و ليه
مرام / احمد ؟؟
مازن يبصلها
مرام / زى محاول يحبسنى قبل كدا
شريف / قولتلك الف من نفسه الجوازه تبوظ
مرام / و المطلوب يعنى
مازن / متشغليش بالك انتى انا هتصرف و كويس انه قال عشان ناخد بالنا و نتصرف
مرام / هتعمل ايه يعنى
مازن / هعمل ايه فى ايه هكلم شركه حراسات طبعا
سميحه / اللى عاوز ياذى مش هيغلب
مازن / متخافيش يا تيته مفيش حاجه هتحصل
تليفون شريف يرن ياخده و يطلع بره الاوضه
مازن / مرام ممكن ثوانى
مرام تقوم و تروح مع مازن بره
شريف / توفيق جاب شهاده امراض عقليه
مرام / يعنى ايه
مازن / يعنى هيخرج
مرام تبص لمازن يبص لشريف شريف يدخل جوه مازن يقعد و مرام تقعد جنبه
مازن / انا عاوزك تيجى انتى و تيته عند خالو الفيلا كام يوم
مرام / مينفعش انا متعودتش اهرب
مازن / و الحراسات مش هيبعتوا فساعتها و انا عاوز ابقى مطمن عليكى
مرام / مش عشان موقف يعنى انا مكنتش مديه خوانه اصلا كنت علمتهم الادب
مازن يبتسم و يداريها
مرام / لا ميغركش على فكره يوضع سره فى اضعف خلقه
مازن / و مين قال انك ضعيفه انتى اقوى واحده شوفتها فحياتى
مرام / صحيح انت بتشيل مسدس
مازن / اه اول حاجه عملتها لما كملت واحد وعشرين سنه بس عمرى مكانت عندى الجراءه انى استخدمه ... استخدمته و بعرف استخدمه بس يعنى عمرى محاولت اضرب نار على شخص هو فالتمرين عالنشان و بس غير كدا عمرى مضربت نار
مرام / شايله احتياطى
مازن / الحقيقه منظره
مرام تبصله باستغراب يبتسم
مازن / اكدب عليكى يعنى
مرام / لا شلنى بس
مازن / بعد الشر عنك يا قمر بس هى دى الحقيقه انا عمرى مكان عندى الجراءه انى اقتل حد او حتى ائذيه بالمسدس حتى النهرده توفيق كان بيدحك عليا و يقولى انى جبان عشان فعلا مش عارف اضرب عليه نار مع انه يستاهل القتل و لو فى حاجه اسوء مالقتل يستاهلها
مرام / بس ده مش جبن دى الشجاعه بعينها انك تبقى قادر تاذى و متاذيش
مازن / امال انا ليه مدايق اوى كدا ليه حاسس انى غلطت
مرام / هو كان يوم صعب و طويل انا مش عارفه ايه النحس ده انا حاسه ان دى كلها اشارات من ربنا فكر فيها كدا انا حاسه بده انت حاسس بايه
مازن / مش عارف انا النهرده مشاعرى هنجت كنت فرحان جدا و بعدين زعلان جدا و بعدين فرحان جدا و بعدين خايف جدا و بعدين عصبى جدا و بعدين الجهاز هنج و ضرب باين مش حاسس باى حاجه
مرام / انا عندى الحل للجهاز المهنج بتاعك ده
مازن يبصلها
مرام / فنجانين قهوه مظبوط و مفيش مانع لو معاهم شيكولاتايه بس بالبندق ايوه عوزاها بالبندق
مرام تبص لمازن تلاقيه مبتسم
مرام / ايه ؟؟
مازن / مفيش
مازن يقوم و يعدل هدومه و يمدلها ايده تبصله و تبص لايده و تبصله
مازن / ايه مش هتيجى معايا
مرام تقوم و تمشى معاه بس فى بنهم مسافه
...............................
فى اوضه محمود
محمود / يعنى ايه يعنى لو مجنون يحبسوه يحطوه فمستشفى المجانين طالقينه عالناس ليه
شريف / للاسف ده القانون
محمود / و العمل مهو كدا هيعيدها تانى و تالت و رابع هنعمل ايه يعنى
مديحه / حقه مش كل مره تسلم الجره
شريف / مش هيجرؤ يكررها انا متاكد ان الموضوع مش هيخلص على كدا
مديحه / انت مش بتقول خرجوه
شريف / اه خرجوه بس دا صدقينى يا طنط السجن كان ائمنله بكتير من بره
محمود يبص لشريف
سميحه / امال مرام و مازن فين
شريف يطلع يبص بره ميلاقيش حد يدخل و يهز كتافه معرفش
................................
فى فيلا مازن
صفوت / اقسم بالله لو كانلك يد
ابراهيم / منغير متحلف اسمعنى انا اه مش موافق عالجوازه دى و حتى لو كنت فعنيك احقر مخلوق عالارض انا عمرى معمل حاجه زى دى انا مش مجرم
صفوت / امال مين له مصلحه ياذى البنت دى غيرك
ابراهيم / انت اكيد مريض يا صفوت فوق البلد مليانه بلطجيه و مجرمين لكن لازم تفهم انى مش واحد منهم و صدقنى انا عمرى معمل كدا انا عندى بنت
صفوت / هيبان انا مش هسكت و مازن كمان مش هيسكت
ابراهيم / و انا مليش اى دخل باللى حصل قولتلك مليش اى دخل باللى حصل
صفوت يبصله من فوق لتحت و يمشى
ابراهيم / نورت يا صفوت بيه
زياد يدخل
زياد / فى ايه يا بابا خالو صفوت كان عاوز ايه
ابراهيم / راجل مجنون و متخلف تخيل انه متخيل انى اجرت بلطجيه و سلطهم على الست هانم خطيبه مازن
زياد / ههههههههههههههه يا سلام والله تلاقيها تمثيليه عملاها الست هانم عشان ترد على اللى حضرتك عملته و ترسم على مازن و تكسبه فى صفها اكتر و توقع بنكوا 
ابراهيم / انا مش عارف ايه اللى عجبه فى البت دى
زياد / والله يا بابا انا نفسى ياما قولتله البت دى مش مريحانى لكن حضرتك بقى عارف مازن مبيسمعش لحد
ابراهيم / انا مش عارف اعمل انت متخيل ايه اللى هيحصل لو ممدوح بيه عرف اللى حصل دا هياثر ازاى عالشغل اللى بنا
لبنى تدخل
لبنى / لو تسمحلى يا اونكل
ابراهيم / لبنى حبيبتى ازيك تعالى
لبنى / انا شايفه ان كلكوا مديين الموضوع اكبر من حجمه
ابراهيم / انتى بتقولى ايه
لبنى / حضرتك عارف مازن كويس و قد ايه هو لعبى حضرتك عاوز تقنعنى انه قرر فجاه انه يتجوز و من دى حضرتك مش شايفها غريبه شويه
زياد / تقصدى ايه
لبنى / اقصد ان مازن يعنى ممكن يكون ملقاش سكه مع اللى اسمها مرام دى ففكر يدخل عليها الدخله دى لحد يعنى حضرتك فاهم و بعد كدا
ابراهيم / حتى دى حتى دى يا لبنى مينفعش ابدا الناس تقول علينا ايه
لبنى / و احنا مالنا يا اونكل الله هو يعنى كان اغتصبها مهى اللى شمال و رخيصه و ان كانت طمعانه فقرشين فاكيد هتاخدهم و تمشى
زياد / انا عمرى متخيلت ان مازن ينزل للمستوى ده
لبنى / معلش و هو ايه مستوى مازن يعنى
ابراهيم / الموضوع ده ميسكتش عليه ابدا
لبنى / انا عندى فكره ممكن يعنى تاثر على مازن شويه
زياد / قوليها
لبنى / الغيره مازن دايما بيحب يكون مركز الاهتمام حتى لو ملقاش ده بالزوق بيعمل مشاكل عشان ياخده بالعافيه فانا كنت بفكر يعنى ان حضرتك تقاطعه فتره و تهمله و متسمحلوش يستفزك
زياد / يقاطعه اكتر من كدا
لبنى / اه و يلاقى بديل كمان
ابراهيم / بديل ؟
لبنى / زياد حضرتك لو اهتميت شويه بزياد و خليت مازن يشوف ان اللى بيسمع كلامك بيكون هو مركز الاهتمام انا متاكده انه هياثر عليه
فريده تدخل
ابراهيم / ايوه بس مازن بيحب زياد جدا و عمره مهيبصله
فريده / اسمحلى يا ابراهيم لبنى بتتكلم صح لو زياد مسك الشركه هنا و اثبت نفسه و انت شجعته على ده و مازن لقى الكل بيبنى حياه احسن و هو اللى مستمر فى اللعب مش هيحس بالمتعه اللى كان بيحس بيها و هيبطل دا اسمه الاقناع بالايحاء العكسى دا معروف جدا فى علم النفس
لبنى / و كمان حضرتك اكيد مش هتلاقى حد احسن من زياد يمسكلك شغلك و تثق فيه
فريده / طبعا دا فالاول و الاخر ابنك زيه زى مازن بالظبط
ابراهيم / بس زياد لسه بيدرس
فريده / انا متاكده انه هيوفق بين الاتنين و اهو كمان هيبقى تحدى لزياد عشان يثبتلك قد ايه هو يستاهل ثقتك دى
ابراهيم يبص لزياد
زياد / انا مش هخيب ظنك ابدا
ابراهيم يبص الناحيه التانيه و يفكر
..................................
فى كافتريا المستشفى
مازن / انا شكلى هدمن قهوه المستشفيات دى
مرام / فدى معاك حق فتره و تعدى ان شاء الله و ربنا يتوب علينا من المستشفيات و لا نجيها زايرين و لا متزارين
مازن / هههههههههه حلوه صحيح بتعرفى تعملى قهوه
مرام / مقولكش اما بعمل حته فنجان قهوه حكايا اصلا القهوه متتعملش الا على السبرتايه و تشرب احلى وش
مازن / لما اجى عندكوا ابقي دوقيني
مرام / ماشي و هعملك كمان البشاميل مش انت بتحبه
مازن / جدا
مرام / خلاص هبقي اعملهولك
مازن / على فكره انا كمان بعمل قهوه حلو اوى و بعملها بطرق كتير جدا كمان
مرام / شكلها كان حلو اوى لما بعتلى صورتها بص انا محتفظه بيها
مرام تفتح و تطلع صوره القهوه اللي مازن بعتهالها مازن ياخد الموبايل و يبص و بعدين يقلب يلاقى صورته جنب الشاحن اللي كان باعتهالها
مازن / و محتفظه بدى كمان
مرام / اه نسيت امسحها عادى يعني
مازن / نسيتي؟؟؟
مرام / اه نسيت اتلخمت فيها ايه يعني هو انت فاكر دماغى دفتر يعني ايه مبتنساش
مازن / لا بس ايه رايك بزمتك مش صوره حلوه
مرام / مركزتش فيها
مازن / دانتى كدابه كدب الابل
مرام / ايه
مازن / مانا ساكتلك مالصبح و عمال اقول متزنقهاش متزنقهاش خليك جنتل مان ان تخلى عندك دم ابدا
مرام /هههههههههه انت بتقول ايه انت
مازن / مبقولش
مرام / ههههههههههه احسن برده اسكت
مازن / سكت
مرام / صحيح هى الصوره كنت لاعب فيها بالفوتوشوب
مازن / لا والله جمال ربانى
مرام / اتلهي انا كنت هسال عن سلك الشاحن طويل ازاى كدا دانا بتاعى بيزل اهلي
مازن / دا كبل داتا متر و نص
مرام /العلم نور برده يا جدع
مازن / هههههههههههههههه و ايه تاني لفت انتباهك فالصوره
مرام / مفيش قولتلك مركزتش فيها
مازن / متيجي ناخد صوره للذكرى
مرام / لا مبحبش اتصور
مازن / امال كنتى بتتصورى مع تيته و محمود يوم السينما ليه
مرام/ يوميها كنت لابسه حلو لكن دلوقت انا لابسه اي طرحه عشان ننزل عشان طرحه الطقم كتمت بيها الدم لمحمود هههههههههههههه كان بيهلوس ياريتني سجلتله بس يعني هو الواحد كان فى ايه و لا فى ايه ههههههههههههههه
مازن مبتسم
مرام / انت علاطول مبتسم كدا
مازن / احمدى ربنا صدقيني مش عاوزه تشوفى وشي التاني
مرام / اه زى يوم مشخطت فيا جامد
مازن / اه دا بعد مضربتينى فصدرى
مرام / اللى طولته بقي ههههههههههه
صمت
مازن / سكتى ليه
مرام / هاه ..سرحت
مازن / اللى واخد عقلك
مرام / انت ... يعني كنت بفكر فالصدف العجيبه اللي جمعتنا سوا ... مبتعضش ها
مازن /  هههههههههههههه انا اسف
مرام / القهوه دى مضروبه انا عاوزه انام اوى
مازن / طب تعالي اوصلكوا عندنا النهرده لحد ممحمود يخرج مالمستشفي
مرام /انا مش هستخبي و ان استخبيت النهرده بكره هعمل ايه
مازن / انا خايف عليكي مش هسامح نفسي لو جرالك حاجه
مرام / متقلقش وراك رجاله
مازن / مش شايف يعني
مرام / و لما ينضرب يقعد يعيط
مازن / هههههههههههه و بتقولي عنى انا بلطجى
مرام / على فكره مبهزرش مع حد كدا القريبين منى اوى
مازن / اخيرا ابو الهول نطق و قال كلمه تبل الريق
مرام / مش عارفه يمكن تاثير النوم
مازن / ههههههههههه طب نستغل الموقف بقي و نجرجرك فالكلام اعترفي حبتيني و لا لسه
مرام / انا مش هتكلم غير قدام المحامى بتاعي ههههههههههه
مازن / اعترفي بالزوق احسنلك
مرام / مهما عزبتونى مش هعترف عباس الضو بيقول لاااااااااااااااا
مازن / ههههههههههههههه براحتك انا عارف الاجابه اصلا
.................................