السكه شمال بقلم / لولو_محمد ( كامله )

الاخيره

((((((((السكة شمال )))))))))
#لولو_محمد
الحلقه الاخيره
الدى جاى ينادى صحبات العروسه عالمسرح البنات كلهم يطلعوا و يعملوا دايره حوالين مرام و يرقصوا معاها و مازن و الشباب ينزلوا يرقصوا تحت صافى تطلع مالعماره تبص يمين و شمال شريف يجى من ضهرها
شريف / ايه الحلاوه دى
صافى / مقفول اهو
شريف / قمر
صافى / وحشتنى اوى اوى اوى على فكره
شريف / نبعت نجيب الماذون و لا ايه
..............................
صافى / هخاف يعنى و لا هخاف
شيماء و رؤى ينزلوا يشدوا صافى يطلعوها ترقص مع مرام و شريف واقف متابع سعد يروح يقف معاه
سعد / ايه يا عم واقف لوحدك كدا زى ابو العروسه
شريف / من بقك لباب السما
سعد / مستعجل عالهم اوى
شريف / هم ايه بس يا سعد هو الواحد هيتمنى حاجه من ربنا اكتر من انه يحضر فرح عياله
سعد / فدى معاك حق بس لسه بدرى عالليله دى روح انت هيص مع صحابك و انا يا سيدى هقف شويه مكانك و متقلقش مش هاكل بدل الناس
شريف/ ههههههههههههههههه قشطه يا سعد
شريف يدخل يرقص مع مازن و الشباب يعملوا دايره حواليهم
..............................
فى شقه مرام
مرام و صافى و اخوات شريف و مروه و اخواتها كلهم قاعدين عالسرير فى الصاله و كل واحده عامله ماسك شكل
مرام / لو مازن جه شافنى بالمنظر ده هيخلع وقتى
صافى / ههههههههههههههههههه امال هما فاكرين الجمال بالساهل
شيماء / هو انا هسيب البتاع ده لحد امتى
صافى / ربع ساعه كمان و هنشيله كلنا
رؤى / ماله ماسك الزبادى بالخيار يعنى بدل كل الهم ده
شيماء / سبيها تفسد اخلاقنا
صافى / افسد اخلاقكوا ايه يا جزم الحق عليا انى بعلمكوا الانوثه
مرام / والله لو عملتى البدع مهيحوق دانا حتى ماسك الزبادى بالخيار اللى بيقولوا عليه ده عمرى معملته انا اخرى صابونه طبيه مالصيدليه بغسل بيها وشى الصبح و قبل منام و شكرا
صافى / دا فى حد ذاته مش وحش بس يعنى ايه اللى يمنع انك تهتمى اكتر يعنى
مرام / منك نستفيد يا ؤختشى
تقى / صحيح يا مرام انتوا هتسافروا دبى بعد الفرح علاطول
مرام / اه هنسافر يوم الحد هنقضى اول اسبوع فى دبى و بعدين من هناك نطلع على تركيا و نرجع عالدراسه وش
مروه / يا بختك انا نفسى اروح تركيا اوى عارفين محمود وعدنى اول مربنا يكرمه هنطلع تركيا
مرام / يا ستى توكلوا انتوا على الله و اعتبرى شهر العسل بتاعكوا نقطتكوا منى
مروه / و اللى يرجع فى كلامه
مرام /يبقى عيل
رؤى / هى الربع ساعه دى مش هتخلص انا وشى نمل
مرام / و انا بنام على نفسى
صافى تبص فى الساعه
صافى / خلاص قوموا اغسلوا وشكوا و يلا ننام و الصبح نكمل
مروه / هو فى لسه الصبح
مرام / دى لو عليها يبقى صبح و ضهر و ليل
صافى / الحق عليا يلا قوموا اغسلوا وشكوا خلونا ننام معشر بنى جعافر صحيح
................
تانى يوم الصبح فى الكوافير
مروه / هى مرام بتعمل ايه جوه كل ده
صافى / بترسم التاتو
مروه / مكلنا رسمنا مخدناش الوقت ده
شيماء / عروسه بقى و بيتوصوا بيها شويه
مروه / ورينى بتاعك كدا يا رؤى اشمعن انتى فى فرع ورق شجر حوالين الكلمه و انا دايره عاديه
رؤى / انا اللى طلبت
مروه / انا هروحلها تظبطهالى زيك
مروه تقوم رؤى تبص لشيماء تبرقلها تسكت مروه ترجع
مروه / قافلين على مرام قالولى لما العروسه تخلص هنعملك اللى انتى عيزاه
صافى / خلاص اقعدى لحد متخلص
مروه / انا زهقت و بعدين هما مش هيغسلولى شعرى بقى هفضل بالبونيه ده كتير
صافى / يا بنتى انتى مستعجله على ايه متسبيه
رؤى / صحيح يا صافى انتى هتسافرى امتى
صافى / الفجر يادوب اروح مالفرح اغير هدومى و اللم حاجتى و اطلع عالمطار عدل
رؤى / يعنى مكنش ينفع تمديها يومين كمان
صافى / والله جايه اليومين دول بالعافيه و زمايلى مغطيين عليا
شيماء / يا ستى متعوضه
صافى / عملتوا ايه فى الامتحانات صحيح
رؤى / انا مش موجوده
شيماء / هههههههههههههه بكره نقعد جنب الحيطه و نسمع الظيطه
رؤى / خليكى فى حالك ياختى
مرام تطلع من جوه
مروه / اخيرا
مروه تقوم تدخل جوه
صافى / خلصتى
مرام /  تمام
صافى تدحك مرام تضربها بهزار
......................
فى شقه مازن
مازن بيلبس و زياد بيظبطله البدله
مازن  / كان نفسى اوى مونى تبقى معايا النهرده
زياد/ و انا مش مالى عينك و لا ايه هى الله يعينها محتاسه هناك فى حاجه الفرح و بعدين يا سيدى ملحوقه اديكوا هتسافروا شهر العسل سوا و لا انت ناوى تحلقلها فى تركيا
مازن / تعرف تتوكس
زياد / دانا محترف
مازن / ههههههههههههههههه شكرا انك جنبى النهرده يا زيزو
زياد / عيب ياله فى ايه دا النهرده يومك ... شوفت رغيك يادوب انزل اجيب لبنى مالكوافير و اطلع عالقاعه استقبل الناس كان نفسى ابقى معاك فى الزفه بس
مازن / يا سيدى كتر خيرك اوى على كدا
زياد يمشى و موبايل مازن يرن يرد
شريف / ايه ياعم بتعمل ايه كل ده
مازن / انا جاهز خلاص نازل اهو
شريف / و انا مستنيك بالزفه تحت البيت ظبطلك العربيات و كلو تمام التمام
مازن / مين فى القاعه بيستقبل الناس
شريف / هيكون مين يعنى تيته و عمتوا  و المعلم اسعد
مازن / و زياد هيجيب لبنى و يحصلهم
شريف / شوفته شاورلى و مشى اهو المهم ناوى تنزل و لا نطلعلك و لا ايه نظامك
مازن / شويه برفيوم بس يا رزل نازل اهو خلاص
مازن يقفل الخط و يحط الموبايل فى جيب البدله يحط البرفيوم و ينزل يلاقى شريف و محمود واقفين قدام البوابه و عربيه سبور مكشوفه متزوقه قدام الباب
شريف / زى مطلبت ايه رايك
مازن / تحفه
مازن يحضنهم و تليفونه يرن
مازن / قلبى يا ناس
مرام / انا قولت غيرت رايك
مازن / اغير رايى ايه دانا قتيلك النهرده خلصتى
مرام / اه خلصت
مازن / مسافه السكه و اكون عندك
مرام / تمام
مازن يقفل
مازن / يلا كلو يركب البنات خلصوا
شريف / تمام و الكرو فى الفيلا مستنينك عشان الفوتوسيشن
مازن / اووووف دانا نسيتهم خالص
شريف / متقلقش انا ظبطت كل حاجه
مازن / حبيبى يا شيكوا
مازن يركب العربيه و يطير بيها و هما لسه مركبوش محمود يبص لشريف و يدحكوا و يركبوا و يطلعوا وراه ووراهم باقى العربيات
........................
عند الكوافير
مازن واقف ماسك بوكيه الورد و شريف بيظبطله الجرافات و متوتر البنات يطلعوا واحده ورا التانيه و مرام تطلع فى النص قمر لابسه الفستان تصميم صافى يشوفها يرمى البوكيه ورا ضهره فى العربيه و يروح يحضنها و هى مكسوفه و بتدحك و فى شاب عمال يصور
صافى / ايه يا عم لسه فى فرح و كدا
شريف / تعالى ياختى منك ليها مالكوا محلويين اوى كدا ليه ... و ايه ده يا توته طلع منك بنت يخرب عقلك
تقى / اعداء النجاح
صافى و اخوات شريف يركبوا فى عربيته صافى قدام و اخواته التلاته ورا و مروه تروح ناحيه محمود يفتحلها باب العربيه تركب و هو مبتسملها و هى مكسوفه اخواتها يركبوا ورا و يروح يسوق و مازن يجرى يجيب بوكيه الورد و يديه لمرام و يانجها و الشاب يصورهم لحد ميفتح لمرام العربيه و تركب و يقفل الباب و يروح ينط جنبها و تدحك
مازن / اربطى الحزام
مرام / مازن اروح القاعه ببرستيجى لو سمحت
مازن / خلاص نسوق بالراحه
مرام / شكرا
مازن يطلع و الزفه كلها وراه و كلو كلاكسات
......................
فى القاعه
الناس ماليه القاعه و مديحه رايحه جايه تسلم عالضيوف تروح ناحيه ام مروه
مديحه / ايه الحلاوه دى جايه تقطعى عالعروسه و لا ايه
الست / ههههههههههههههه امال انتى نقول عليكى ايه
مديحه / انا طول عمرى حلوه ياختى هى بس النفس
الست / هههههههههههههههه هما اتاخروا كدا ليه بتصل بمروه مبتردش
مديحه / لسه مكلمينهم طلعوا مالكوافير و راحوا يتصوروا و زمانهم جايين
الست / الا قوليلى ياختى هو انا شايفه يعنى كل اللى فى القاعه من الحبايب امال اهل العريس فين يعنى مش تاخدينى تعرفينى عليهم كدا 
مديحه / اقولك ايه بس ياختى الله يرحمه صفوت بيه كان هو اللى ليه فى الدنيا مفيش بقى غير اصحابه و دول معاه فى الزفه و الباقى دول كلهم موظفين عندهم
الست / لا متقوليش
مديحه / اه والله حتى ابوه الواطى عمل فرح اخته كمان كام يوم فى دبى عشان يتلخموا كلهم و محدش يحضر هنا
الست / و اخته رضيت
سميحه تدخل
سميحه / اخته محددين الفرح بتاعها من زمان و حاولت تنزل للاسف مقدرتش عشان الضيوف كتير هناك و اتصلت امبارح بمرام و فضلوا فوق الساعتين يرغوا و بعدين ايه المشكله يعنى احنا هنعمل فرحنا هنا و هو هياخدها و يسافروا يعملوا الفرح التانى هناك فى دبى و من هناك هيطلعوا على تركيا مع اخته و عريسها
الست / طب والله جديده دى
سميحه / قال على راى المثل العروسه للعريس
الست / و الجرى للمتاعيس هههههههههههه على رايك والله
............................
فى الفيلا
مازن بيتصور هو و مرام و الكل بيصوروا بالموبايلات شويه و البنات يدخلوا يتصوروا مع مرام مازن ياخد الكاميره و يصورهم بنفسه و بعدين صافى تمسك الكاميره و تصور الشباب و مازن فى النص
صافى/ معلش يا مازن انا و شريف ممكن
مازن / دانتى تؤمرى
شريف يقف و مرام تدى لصافى البوكيه تتصور بيه صافى تحدفلها بوسه تبتسم و اخواته بيعدلوا لصافى فستانها و ياخدوا كذا صوره و بعدين اخواته يدخلوا يتصوروا معاهم و بعدين مرام تدخل و مازن يدى الكاميره لحد تانى و يدخل
مرام / محمود و مروه بقى محمود و مروه
محمود / لا انا لا بطلع وحش بطلع وحش
مازن يشد محمود و مروه تروح تقف جنبه و يعملوا معاهم زى معملوا مع شريف و بعدين ياخدوا صوره جماعيه كلهم
شريف / مش يلا بقى و لا ايه المعازيم خللت فى القاعه
مازن يبص لشاب
شاب / احنا هنلم العده و نحصلكوا على هناك
مازن / تمام يلا يا جماعه
الكل يركب العربيات و يمشوا و هما عمالين يضربوا كلاكسات
................................
فى القاعه
لبنى / النهرده فى افتر بارتى عندنا فى الفيلا محدش يروح
سوزى / يا بنتى كلتى ودانا بقالك اسبوع عالافتر بارتى دى هو فى ايه
لبنى / مفاجاه
سوزى / لا بجد قولى
هانيا / يابنتى متحاوليش دى بير غاويط محدش بيعرفلها حل دى
لبنى / اوعدكوا اننا هننبسط النهرده اخر انبساط
مروان / انا اى حفله راشق
لبنى / تعجبنى هههههههههههههههههههه يلا عن اذنكوا بقى اعدى على باقى الجروب عشان ابلغهم
لبنى تمشى تقابل سميحه
سميحه / الله ازيك يا حبيبتى فستانك حلو اوى
لبنى / لو مكنتش اللبس احلى حاجه عندى فيوم زى ده هلبسها امتى
سميحه / انتى حلوه فكل حاجه
لبنى / ميرسى عن اذنك
لبنى تعدى و تقابل مارينا
لبنى / ايه الاخبار
مارينا / تمام الفيديو هيشتغل وقت البوفيه
لبنى / انا متاكده انك محضره حاجه جامده كالعاده
مارينا / انتى عارفه مازن و غلاوته
لبنى / انا لو منك ابدا فى الفيدو بتاعى انا و زياد من دلوقت
مارينا / لا
لبنى / عشان متتزنقيش بعدين ههههههههههههههههه عن اذنك
لبنى تسيبها و تمشى تقابل زياد
زياد / اللى يشوفك فرحانه كدا يفتكرك اخت العروسه
لبنى / اكتر يا بيبى اكتر ههههههههههههههههههههههه
زياد / ايه ده وصلوا وصلوا
لبنى / اخيرا
القاعه تضلم و الشاشه تشتغل لمازن و مرام فى العربيه بتركن و كميه صواريخ و فاير واركز بتنضرب فى الهوا و الكاميره فى السما بتجيب كل ده و مرام و مازن عمالين يتوشوشوا و يدحكوا و باقى الزفه تنزل مالعربيات و يروحوا حوالين عربيه مازن ينزل و يروح يفتح الباب و مرام تنزل و صافى بتعدلها الفستان و مازن يانجها و اخوات شريف بيحدفوها بالورد و هى بتحدفلهم بوس بايدها و تدحك مديحه تطلع بره و المزمار يشتغل تحضن مرام و تمسك ايدها و ترقص معاها و الكل يتلف حواليهم و مازن بيسقف ثوانى و يبقى هوا فى النص بيرقص مع مرام و الكل بيرقص حواليهم يشد ايد شريف يرقص معاه و مرام تشد ايد صافى و يرقصوا سوا و مديحه تشد ايد محمود و مروه و تدخلهم جوه و الكل فرحان و زياد و لبنى يطلعوا من جوه زياد يوشوشوها و يروح يدخل وسطهم و يرقص مع مازن و يقلده و يعمل زيه شريف يوشوش مازن يعدل نفسه و يروح يانج مرام اللى بتدحك على اخرها و يمشوا و الكل بيسقف وراهم لحد ميدخلوا المبنى واحد يقابلهم ياخد مرام و هى بتبص لمازن اللى بيروح مع واحد تانى ناحيه باب تانى و صافى تروح وراها و باقى الناس يدخلوا يقعدوا و القاعه مضلمه
مروه / هما خدوهم فين
محمود / دلوقت نعرف
الدى جاى يبدا يعد فايف فور ثرى تو وان و فجاه باب فوق على بلكونه يتفتح و مرام واقفه فيه تشتغل اغنيه انا ملكه زمانى و قصرى كله ماس  جليتور يترش حوالين مرام مع النور يلمع حواليها ان جتنى حبيبى بلغ الحراس يتفتح باب تحت و مازن يدخل لابس سيف على وسطه و تاج دهب و كاب فرو احمر زى بتوع الفرسان و مبتسم مازن بيتحرك و الاستاف واقفين اتنينات برماح كانهم حراس يوسعوله بيوسعوله السكه قول من شوقى ليها جتلها و خلاص جيت احمى عنيها من عيوووون الناس البلكونه اللى مرام واقفه عليها تاخدها و تنزل كانها استانسير و مازن مستنيها و الاغنيه شغاله لحد متوصل تحت يمسك ايدها و ياخدها و يروحوا ناحيه الدانس فلور ياخدوا منه السيف و الكاب و التاج و تشتغل اسماء الله الحسنى و هما واقفين مازن يوطى عليها
مازن / خدوا منى التاج
مرام / معلش هبقى اجبلك واحد تانى
مازن / عجبتنى الفكره على فكره
مرام / انا كنت مرعوبه و البتاعه دى بتنزل
مازن / كنت هشقطك متخافيش
مرام / قلبي يا ناس
مازن / ههههههههههههههههههههه
اسماء الله تخلص مرام و مازن يروحوا ناحيه سميحه يبوسوا ايدها و هى عنيها كلها دموع
مرام / بقولك ايه هتعيطى هعيط
سميحه / لا اوعى من النهرده مفيش دموع خلاص
مازن ياخد مرام و يرجعوا ناحيه الدانس فلور و تشتغل اغنيه محمد عساف زكرياتنا الحلوه مازن ياخد مرام فى حضنه نفسي أدخل جوة قلبك وبعيوني أشوف مكاني واللي عشته قبل حبك وانتي جنبي أعيشه تاني أبقى أحلم بينادوكي حضن م الأيام يدفي وقت ضعفك ابقى أبوكي وأبقى ابنك وقت ضعفي نفسي أدخل جوة قلبك وبعيوني أشوف مكاني واللي عشته قبل حبك وانتي جنبي أعيشه تاني أبقى أحلم بينادوكي حضن م الأيام يدفي وقت ضعفك ابقى أبوكي وأبقى ابنك وقت ضعفي نفسي أكونلك كل حاجة وكل حلم بتناديه كل كلمة بتقوليها كل احساس حاسة بيه نفسي أكونلك كل حاجة وكل حلم بتناديه كل كلمة بتقوليها كل احساس حاسة بيه اترسم جوة في ملامحك ع الزمن والدنيا اصالحك وأبقى دمعة فرحة نازلة من عينيكي الحلوة دي
مازن يعدى بضهر صوابعه بالراحه على خد مرام تبتسم و هما بيرقصوا سوا و القاعه ضلمه مفيش غير نور بسيط عليهم
نفسي لما تقولي نفسي اللي نفسك فيه تلاقيه لما يخرج مني نفسي انتي بس تعيشي بيه لو تقولي الاه دقيقة أتوجع من جوة قلبي أبقى فرحك وقت ضيقة يبقى تعبك هو تعبي نفسي أكونلك كل حاجة وكل حلم بتناديه كل كلمة بتقوليها كل احساس حاسة بيه نفسي أكونلك كل حاجة وكل حلم بتناديه كل كلمة بتقوليها كل احساس حاسة بيه ذكرياتنا الحلوة تكتر نفسي وانتي معايا نكبر نتسند على بعض يومها وتضحكيلي الضحكة دي
مازن يشيل مرام و يلف بيها وسط تسقيف و صفير
الدى جاى / يلا كل الكابلز يشاركوا عرسانا عالدانس فلور
شريف و صافى و زياد و لبنى و محمود و مروه و مارينا و فادى يطلعوا و كذا كابل و تشتغل اغنيه لانك معايا سامو زين
لانك معايا لانك معايا فى كل لحظة وكل ثانية ومش بعيده ومش بعيده ولو بعيد دايما عليا حبيبى معاك حبيبى معاك انا بنسى كل الدنيا ديا لحظة لقاك لحظة لقاك روحى بترجع تانى ليا وياك انا بنسى العالم بنسى الناس وانتى معايا مش عايز حاجة تانية خلاص جمبك انا كل الدنيا دي متشغلنيش مش عايز حاجة غير انك متسبينيش
شريف يشيل صافى و يلف بيها الكل يبطل رقص و يتابعهم و مرام تصفر مازن يبصلها و هو فاتح بقه يصفر هو كمان و شريف يبصلهم و يدحكوا و الاغنيه لسه شغاله و الباقيين بيرقصوا و هما متابعينهم
مازن / قلدونا بقى
شريف / سبونا ناكل عيش انتوا بس
مازن / عيش ايه يا فقرى معاك حته جاتوه
مرام / احم احم
مازن / ايوه يا سينابونايه حياتى
الكل يدحك و الاغنيه تخلص و يبدئوا يشغلوا اغانى تانيه الكل يطلع يرقص معاهم
.......................................
فى شقه مازن 11
سميحه بتسقى مرام لبن دافى و مازن واقف عالباب مع زياد بيدحكوا
زياد  / من النجمه هبقي عندك
مازن / دور عاللى هيفتحلك بقي
زياد  / ههههههههه هى بقت كدا
سميحه تطبطب على كتف مازن يمسك ايدها و يبوسها
سميحه / مش هوصيك
مازن / فى عنيا
سميحه / تسلم عنيك يا حبيبي
سميحه تنزل هى و زياد و مازن يقفل الباب وراهم و مرام بتشيل الفويل من فوق صينيه العشا و تاخد صابع كفته و تاكل بتمزج و مازن عينه عليها و مبتسم بخبث و بيقلع فرده الجزمه و يرميها ورا ضهره و بعدين يقلع الفرده التانيه و يرميها ورا ضهره
مرام/ فاكره مره كنت بقول محدش هيعمل صينيه العشا بتاعتي غيرى و لا فضيت حتى اكل
مرام تبصله و تقلع الجزمه
مرام / يااااه تصدق معاك حق دانا رجلى ورمت
مازن يقلع الجاكت
مرام / والله بس كان يوم حلو
مازن قلع الجرفاته و رماها
مرام / انا كنت خايفه تمطر علينا و العربيه منغير سقف تبقي مشكله بس الحمد لله ربنا ستر ههههههه
مازن بيفك زراير قميصه مرام تبصله و تستوعب و ترمى صابع الكفته فى الصينيه و تجرى على جوه و هو وراها
مرام / يلاهوى
مازن / على فين يا بت تعالي هنا
مرام تدخل الاوضه و تقفل الباب و تدور عالمفتاح متلاقيهوش تبص في الارض و تدور
مرام / انت فين يابن الجزمه
مازن يفتح الباب تنط بالفستان عالسرير مرتبه سوست تفضل تتهز طالع نازل فمكانها مازن يطلع المفتاح من جيبه و يقفل الباب بيه
مازن / بتدورى على ده
مرام / هو احنا فينا من كدا
مازن يكمل فك زراير القميص
مازن / فرح و عملت دانس فلور و رقصنا تيته ووصتني عليكي نفسك فاى حاجه تاني
مازن يجي يطلع السرير مرام تنط ناحيه الباب و تفتح المفتاح
مرام / دى زى نفسك فى ايه قبل متموت يعني و لا ايه ... يخربيتك فستان
مازن يلحقها قبل متفتح الباب و يرده و يقفله بالمفتاح تاني
مازن / و دى تيجي برده هنقضيها فرهده و جرى ورا بعض بصي بقي لا فى حد هيخبط و لا منبه هيضرب و لا انا هسمح لحد يفصلنى اساسا
مازن يزنق مرام في الحيطه
مرام / مهو انا هفهمك
مازن / وانا سامعك
مازن يحضن مرام و يبوسها من رقبتها
مرام / احنا مصليناش
مازن لسه حاضنها بس بيسمع
مرام / مش نصلى ركعتين نبدا بيهم حياتنا عشان ربنا يباركلنا
مازن يبصلها و هى تقفله زراير القميص و تبصله بدلع
مرام / يعني استنيت كل ده و جاى على دى يعني
مازن / ركعتين بس ؟؟
مرام / بالعدد
مازن / ماشي بس دى اخر حاجه و الا
مرام / عيب عليك انا عمرى دحكت عليك
مازن باستهزاء  / ابدااا ... باماره بحوشهملك جنب اخواتهم النهرده هنصفى حسابنا كله يكون فعلمك
مرام / و انا هروح منك فين يعني يلا بقي
مازن / ماشي روحى اتوضي
مرام / كدا ؟؟ مش اغير الاول
مازن / ماشي اقلعي
مرام / ايه!!!
مازن / لا اله الا الله مش قولتى هتغيرى
مرام / اطلع بره متبقاش غلس بقي
مازن / ماشي بس هخلى المفتاح معايا
مرام / مفيناش من غدر ماشي
مازن / خمس دقايق لو مخلصتيش هفتح الباب
مرام / خد بجامتك معاك
مازن / لا هصلى كدا هروح اتوضى و ارجعلك
مرام / ماشي
مازن يفتح الباب و ياخد المفتاح معاه و يطلع بره و مرام تقفل الباب وراه و تتنفس الصعداء و تروح تفتح الدولاب و تطلع عبايه استقبال و تحطها عالسرير و تبدا تفك الطرحه
..............
فى الصاله
مازن يفرش سجاده الصلاه و يبص على الاكل
مازن / دا انا لو من كفار قريش مش هاكل كل ده
مازن يدخل يخبط عالباب
مازن / ادخل ؟؟
مرام / مش عارفه افكه
مازن يستغرب و يفتح الباب يلاقيها يادوب قلعت الطرحه
مازن / نعم !!!
مرام / مش عارفه افك رباط الفستان
مازن يدخل و يقف وراها و يبتسم و يفك شعرها
مرام / تانى ؟؟
مازن يجيب شعرها لقدام و يبوسها من رقبتها
مرام / متركز يابني انت بتعمل ايه
مازن / والله انا كل مركز انتى اللى بتفصليني
مرام / هههههههههههههههههه الرباط يا حبيبي فك الرباط خليني اغير و اروح اتوضي
مازن ينفخ و يفك الرباط مرام تسحب نفسها بعيد تروح تجيب العبايه و تطلع مالاوضه و مازن وراها تروح الحمام و قبل متقفل الباب يحط رجله
مرام / فى ايه يا مازن هبات في الحمام يعني متوترنيش بقي الله
مازن / خدى راحتك
مرام تقفل الباب
مازن / بس متاخديهاش اوى يعني
.............
فى شقه شريف
تقى نايمه عالكنبه و صافى لابسه كجوال و شريف ياخد الشنطه ينزلها و شيماء و رؤي بيعيطوا
صافى / لا مهو انا مش كل ماجى مسافره نقعد نعيط
الست / تروحى و تيجي بالسلامه يا حبيبتي
صافى / ربنا ما يحرمنى منكوا ابدا
شيماء / كلمينا لما توصلى
صافى / متعتمديش اوى انا مطبقه من امبارح و انتى عارفه
رؤي / هتوحشينا اوى المرادى
صافى / لا انا كدا هعيط جنبكوا و هتفوتنى الطياره يلا سلام
الست / سلام يا حبيبتي  لا اله الا الله
صافى / محمد رسول الله
...................
فى شقه مازن
مرام تطلع مالحمام لابسه العبايه و شايله الفستان تحطه فى الليفنج و تدخل الاوضه عند مازن تلاقيه عمال يطلع فى قمصان نوم قصيره و ينقي
مرام / بتعمل ايه
مازن / خدى ده هيبقي عسل عليكي
مرام / طب مش نصلى بقي
مازن / ياريت اتفضلي
مرام / هنصلى بالنساء بقي مش انت لسه حافظها
مازن / ان شاء الله طبعا هى قل هو الله احد و شكرا و انجزى بقي ابوس ايدك عايز ابوس
مرام / هههههههههههههههههه يا حرام
مازن / انتى لسه هترغى
مازن يشيلها و يطلع بيها الصاله و يحطها عالسجاده و يطلع حبل و يربط طرف فى  ايدها و طرف فى ايده
مرام / ايه ده
مازن / معلش باخد ضماناتي
مرام / هههههههههههههههههه انت اتجننت يا مازن بطل هزار مش ههرب
مرام تفك الحبل
مازن / هتصلي و لا ايه
مرام / هنصلي يلا
مازن يقف و مرام تقف وراه
مازن / الله اكبر
.......................
فى الفيلا عند زياد
الشله كلها متجمعين
انس / حلوه فكره الافتر بارتى دى
زياد / و لسه المفاجاه الكبيره
لبنى / لا متحرقهاش دلوقت يا زياد
هانيا / اخص عليكوا متقول بقي يا زيزو
مروان / ايه يا لولا النظام
سوزى / جرا ايه يا جماعه انتوا هتشتغل نفسكوا مكلنا شوفنا الكادو راكنه بره و احنا داخلين
زياد / اهى العربيه دى بقي حكايتها حكايه تحكى انتى و لا احكى انا يا بيبي
لبنى / هههههههههههههههههه احكى انت
زياد / كان ياما كان فى سالف العصر و الاوان واحده اسمها .....
.........................
فى شقه مازن
مرام و مازن بيصلوا
مازن / السلام عليكم و رحمه الله السلام عليكم و رحمه الله
مرام / السلام عليكم و رحمه الله السلام عليكم و رحمه الله
مازن يقوم يقف و يمد ايده لمرام تمسكها و تقف يشيلها
مرام / طب ممكن اخد صابع كفته عشان جعانه
مازن يقرب بيها مالسفره و هى متشعلقه فى رقبته تمسك باقي الصابع بتاعها و تاخد قطمه و تحط اخر حته فى بق مازن يعض صابعها بدلع
مرام / هههههههههههههههههه يا خساره برد
مازن / بعدين بقي نبقي نسخنه
مازن ياخد مرام و يدخل جوه يحطها بحنيه عالسرير و هى لسه متشعلقه فى رقبته
مرام / اللهم جنبنا الشيطان
مازن/ اللهم جنبنا الشيطان
مرام / و جنب الشيطان ما رزقتنا
مازن / و جنب الشيطان ما رزقتنا... حلالى الله اكبر
مرام / هههههههههههههههههه
..................
فى المطار
صافى / كل مره بتوجع اكتر ماللى قبلها
شريف / المرادى كانك مجتيش لا شوفتك و لا اتكلمت معاكى
صافى / بس رقصنا سوا و اتصورنا سوا و عملنا حاجات اول مره نعملها
شريف / الاجازه الجايه هنعمل اكتر
صافى / مش هقدر انزل قريب خلص الشقه بسرعه خليني انزل مسافرش تاني
شريف / هتوحشيني اوى
صافى / انت اكتر
شريف / امشي لحسن الطياره تفوتك
صافى / يارب تفوتنى
شريف / هههههههههههههههه والله اخدك عالماذون وش 
صافى / و ماله
شريف / امشي يا بت مبهزرش
صافى / و لا انا
شريف / و الفرح و الفستان و الزفه منفسكيش فى الحاجات دى زى كل البنات
صافى / كان نفسي زى مكان نفسي اسافر بس دلوقت خلاص بقوا حاجات تافهه اوى
شريف / مش عاوز يجي يوم و تندمى
صافى / ندمانه بس انى معرفتكش من زمان
شريف / و انا ندمان انى ضيعت كل الوقت ده منغير مقولك بحبك
صافى تبتسم
شريف / امشى الطياره هتفوتك بجد
صافى / هتوحشني اوى
صافى تحضن شريف يفك ايدها بالراحه
شريف / على عيني
صافى تبصله بحزن و تمشي و هو عينه عليها
.................
فى شقه مازن
مرام نايمه في حضن مازن و محوط عليها و بيلعب في شعرها
مازن / مرام
مرام تفتح بالعافيه
مازن / انا عرفت فين التاتو
مرام تبصله و تدحك بخجل و ترجع تخبي وشه فحضنه و تغمض
مازن / اصحي متناميش دلوقت
مرام / مش قادره صدقني
مازن / مش عاوز اليوم يخلص بسرعه كدا
مرام / سيبه يخلص لسه باقي العمر قدامنا نعيشه سوا
مازن / اوعديني
مرام / بايه
مازن / ان باقي العمر هنعيشه سوا
مرام / اوعدك
مازن يحضنها اوى و يعدل الغطا عليها و ينام و هو محوط عليها و مبتسم و سعيد
نهايه الجزء الاول