السكه شمال بقلم / لولو_محمد ( كامله )

الجزء 24

(((((((((((((السكة شمال )))))))))))))
#لولو_محمد
الحلقه الرابعه و العشرون
مازن طالع السلم تليفونه يرن
مازن / الو
صوت / استاذ مازن
مازن / ايوه مين حضرتك
صوت / انا انتصار مرتضى بشتغل فى دار ايتام بكره احلى للبنات
...............................
مازن / اهلا و سهلا اقدر اساعدك بايه
انتصار / الحقيقه انا سمعت عن الخير اللى حضرتك بتعمله و الحقيقه البنات فى الدار ناقصهم حاجات كتير اوى فلو يعنى حضرتك تيجى و تشوفهم
مازن / اكيد طبعا
مازن يدخل اوضته و يقفل الباب
انتصار / احنا الحمد لله عندنا تلتاشر بنت فى اعمار مختلفه معظمهم فى المدرسه و درجاتهم و مستواهم الدراسى عالى و كويسين حتى اخلاقهم و سلوكهم حضرتك لو شوفتهم هتعرف الدار نضيفه قد ايه
مازن / ممكن حضرتك تبعتيلى العنوان و اعمار البنات و ايه ناقصهم فى رساله و انا اللى هقدر عليه هعمله
انتصار / حاضر حالا هبعت لحضرتك و شكرا مقدما
مازن / على ايه بس
انتصار / و اسفه عالازعاج مع السلامه
مازن / مفيش ازعاج و لا حاجه مع السلامه
...............................
فى دار الايتام
انتصار / مهو زوق اهو امال انتى بس عملالى فيلم رعب
مرام / يمكن عجبه صوتك فى التليفون
انتصار / اما انتى
مرام / هههههههههههههههههههه انا هروح بقى هتعوزى حاجه منى
انتصار / لا شكرا و شكرا عالكيكه البنات بيحبوها اوى
مرام / يا ستى اول متخلص كلمينى اعملهم تانى
انتصار / ماشى يلا مع السلامه
مرام / سلام
..........................................
فى الكليه تانى يوم
اريج ماشه مازن يوقفها
مازن / ازيج اريج
اريج / ايوه يا مازن ازيك اخبارك ايه و اخبار شريف
مازن / شريف ؟؟ اه كويس الحمد لله
اريج / خير
مازن / كنت عاوز منك خدمه
اريج / اؤمرنى
مازن / عاوزك تصوريلى كشكول المحاضرات بتاع مرام فكل المواد سكشن محاضره ملزمه ملخص اى ورقه عند مرام ممكن ازاكر منها تصوريهالى
اريج / حاضر مع انى مش فاهمه متطلبهاش منها ليه هى عمرها مرفضت تصورها لحد
مازن / محمود خانقنى
اريج / و برده متصورش بتاعه محمود ليه برده محمود عمره مرفض يدى محاضراته لحد
مازن / ليا انا رفض طلبت منه يساعدنى و رفض و اقولك سر
اريج / قول
مازن / جالى البيت و اتخانق معايا و قالى مطلبش من مرام حتى تساعدنى
اريج / و ليه محمود يعمل كدا
مازن / هو حر بقى و انا مش ناقص لا مشاكل و لا وجع قلب فعلى ايه هاتيهملى انتى منها لو تعرفى انتى صحبتها و بتحبك
اريج / حاضر من عنيا
مازن / تحبى تاخدى تمنهم دلوقت
اريج / لما اصور و اعرف كام هحاسبك متخافش مش هبقشش عليك
مازن / ههههههههههههههههه ماشى شكرا مقدما
اريج / العفو يا سيدى سلام
اريج تمشى
....................................
فى السيكشن
محمود يدخل يقعد جنب مرام تشيل حاجتها و تروح تقعد فى مكان تانى جنب بنت
البنت / الله هو التوأم الملتص اتفكوا و لا ايه
مرام تبصلها و تبتسم من تحت الدرس و ترجع تبص فى الكشكول تانى اريج تدخل السيكشن و تشاور لمرام مرام تطلعلها
مرام / ازيك يا اريج مشوفتكيش فى المحاضره
اريج / راحت عليا نومه المهم عاوزه منك خدمه
مرام / اؤمرينى خير
اريج / انا عوزاكى تصوريلى كل المحاضرات و السكاشن و الملخصات و الملازم اللى عندك لو فى ورقه فيها كلمه تصوريها اى حاجه عندك صوريها
مرام / حاضر انتى اخر حاجه كنت مصورهالك كانت تقريبا
اريج / لا مالاول خالص من اول يوم فى الترم عاوزه كله
مرام / ليه يا بنتى مانا بصورلك اول باول
اريج / مهو مش ليا
مرام / امال لمين
اريج / بقولك ايه هتصورى و لا لا
مرام / هصورلك حاضر بكره نروح انا و انتى المكتبه نصور كل حاجه
اريج / النهرده بعد الكليه هروح معاكى نصور كل حاجه
مرام / النهرده مش فاضيه ورايا شغل كتير و هروح اتردم فيه مع تيته و عمتى
اريج / خلاص هعدى عليكى اخد الحاجه اصورها و ارجعهالك
مرام / و هو النهرده من بكره هتطير هو انتى متسربعه كدا ليه انتى هتصورى الورق ده لمين
اريج / هيفرق معاكى يعنى فى حد مش عاوزه تديله الورق
مرام / لا مش الفكره بس افهم انتى متسربعه ليه انتى خلاص فقدى الامل مع شريف هههههههههههههههههههه
اريج / لا مش الفكره هو انا اصلا مش لاقيه اى حجه اكلمه بيها
مرام / امممم اه مشكله فعلا الحفله خلصت
اريج / المهم بقى صورى الورق عشان خاطرى
مرام / ابدا قولى لمين الاول
اريج / مازن
مرام / مازن ؟؟ مازن منتصر مازن ده
اريج / اه هتقولى لا ؟؟
مرام / لا مش هقول لا بس مش فاهمه
اريج / يوووه عليكى بقى هفهمك بس سر بنا متقوليش لحد انى قولتلك حاجه
مرام / قولى ياختى
...............................
فى البيت عند مرام
محمود / كنتى فين
مرام / و انت مالك
سميحه / عيب يا مرام ردى حلو
مرام / هو بيسال بصفته ايه اصلا .. ايه تحب تاخد موبايلى تدور فيه تانى
محمود / تانى يا مرام مقولتلك مكنتش بدور فيه و بعدين انتى بتعملى حاجه غلط مثلا ادور فيها
مرام / مبعملش و مكنتش بعمل بس كل واحد و دماغه بقى عن اذنكوا هغير هدومى
محمود / قولتلك اسف عاوزانى اعمل ايه اكتر من كدا ابوس رجلك يعنى
مديحة / انا قايمه بالاذن ... ورايا عالبيت يا محمود
مديحة تمشى
سميحة / هو ده اللى انتوا عاوزينه يعنى كل واحد فينا يروح بيته و تضيعوا كل حاجه الشغل و العيله و كلو دا على الاقل افتكروا حق الجيره يا ولاد
مرام / هو انا اللى اتجننت و عملت كل ده و لا هو
محمود / مهو مازن
مرام / مازن ؟؟؟ مازن تانى ايه مازن هو اللى جرحنى المره اللى فاتت و لا هو اللى مد ايده عليا المرادى مازن عمل ايه متعلقش غلطاتك على شماعه مازن
محمود / انتى ليه مش عاوزه تفهمى يا مرام
مرام / انت روحت لمازن هزقته فى بيته و قولتله انه ميطلبش منى اساعده صح
محمود يبصلها باستغراب
مرام / ايه مكنتش فاكرنى هعرف
محمود / شوفتيه فين
مرام / لما الراجل قالى ساعدى مازن انا رفضت من نفسى و قولتله يكلمك انت مكنتش اعرف ان لما يجيلك لحد بيتك و يقولك ساعدنى انت هتقفل بابك فوشه
سميحه / الكلام ده حصل يا محمود
مرام / على فكره يا تيته مش مازن اللى حكالى و مازن محاولش اصلا يتكلم معايا عشان خايف يسببلى مشاكل اكتر من كدا عشان اكيد مش هيكون خايف منك يا محمود
محمود / انا قولتله يشوف حد مالمعيدين يساعده و احنا نركز فى مستقبلنا و اننا مينفعش نجزف بمستقبلنا عشانه
تليفون مرام يرن
مرام / عن اذنكوا
مرام تاخد جنب
سميحه / هو انت عملت كدا فعلا يا محمود
محمود / يا تيته مازن ده سرطان لو مستقصلناهوش هينتشر و يموتنا كلنا
سميحه / تقفل بابك فوش واحد بيطلب منك تساعده
محمود / يا تيته كل ثانيه هضيعها معاه بضيعها من مستقبلى
سميحه / يابنى اللى بيتكم علمه عن الناس ربنا بيلجمه بيه متبقاش زى
مرام تطلع من جوه
مرام / دى انتصار مالدار امبارح اتصلت بمازن و طلبت مساعدات للدار النهرده شريف راح شاف الدار و كان جايب لعب و هدوم للبنات و كرتونه لبن صناعى لشهد 
محمود / و هى جابت نمرته منين
مرام / خدتها منى لما حكيتلها عالحفله بيتهيالى يا محمود عرفنا كلنا الفرق بينك و بينه
محمود / و انتى خالت عليكى الحركات دى
مرام / كان ممكن يطنش كان ممكن يعمل لرقمها بلوك و مكنتش عرفت توصله كان ممكن يهزقها و يقفل فوشها السكه بس هو اتصرف
محمود / دا بعد المرمطون بتاعه كل الحركات دى عشان يزغلل عنيكى عشان تبهرى بيه و تدخلى فالموسوعه زى كل البنات اللى حواليه
مرام / و هو يعرف منين ان ليا دخل بالموضوع اصلا بطل بقى تفسر كل حاجه على مزاجك بطل خيالك المريض ده
محمود / هو ليه محدش شايف الحقيقه ليه كلكوا مخدوعين فيه اوى كدا
سميحه / انت اللى كارهه منغير سبب هو عمره مكلم مرام و لا حتى لمحلها و لا قرب منها
مرام / كلو كان قدامك و ان كان عالكام رساله الهبل اللى انت عامل عليهم الحوار ده كلو فدول ملهمش اى معنى
محمود / خلاص بقى هو الملاك و انا بقيت الشيطان و كلكو فصفه ضدى
سميحه / احنا مش ضدك و لا انت شيطان و لا حتى هو ملاك انت ابنى و ليك عندى النصيحه انت احسن منه مليون مره و لازم تتصرف عالاساس ده
محمود / و المفروض اعمل ايه اتصل بيه و اعتزرله و لا اروحله البيت ابوس رجله
سميحه / محدش فينا يرضالك الذل يا محمود
محمود / انا مش عارف اعملكوا ايه بصراحه مش عارف ارضيكوا ازاى بكره الايام تثبتلكوا انى كنت صح و ان البتاع ده مش هيجى من وراه غير الخراب للبيت كله
سميحه / اهدى بس يابنى ... روحى يا مرام اعملى لاخوكى حاجه يشربها اعمليله لمون يروق دمه خليهم اربعه اما اروح اطيب خاطر عمتك ربنا يهدينا كلنا
سميحه تمشى و مرام تدخل المطبخ محمود يقف ثوانى و يدخل وراها
محمود / ايه اللى يرضيكى و انا هعمله
مرام تبصله و تقطع اللمون و تعصره
محمود / متعمليليش لمون هيجيبلى قرحه
مرام تبصله
محمود / اصلى مكلتش من يوم الخميس نفسى مسدوده و اللمون على معده فاضيه بيجيب قرحه
مرام / و ايه اللى سادد نفسك
محمود / مش عاوزك تزعلى منى
مرام / انت ضربتنى
محمود / تنقطع ايدى يا شيخه اقولك هاتى السكينه دى اما اقطعها يمكن تسامحينى
محمود يشد منها السكينه تشدها منه
مرام / مش هزار ده
محمود / و انا مبهزرش
مرام / انا زعلانه منك
محمود / يعنى اموت نفسى عشان ترتاحى
مرام / انا صورت الورق لمازن و بعته مع اريج هو ميعرفش انى عارفه ان الورق ليه عشان خيالك ميروحش لبعيد
محمود يفتح التلاجه و يطلع حله محشى بايته و يديها لمرام
محمود / خدى سخنيلى ده و غيرى السيره
مرام / ارجع محمود اللى اعرفه
محمود / حاضر هشيله من دماغى خالص و مش هدخل تانى فاى حاجه تخصه لو ده يريحك
مرام / لا انا عوزاك تفتكر انى مرام نور الدين اللى الكل بيحلف باخلاقها اللى لو اتحطت مع مليون واحد زى مازن و اللعن مفيش حد هيقدر يمس منها شعره
محمود / حاضر
مرام / و لا انت عندك شك فده
محمود / لا معنديش بس ده ميمنعش انى اخاف عليكى برده
صوت سميحه و مديحه برده
صوت سميحه / ياختى مصارين البطن بتتعارك دلوقت هتلاقيهم اتراضوا
صوت مديحه / اما نشوف
محمود و مرام يطلعوا و معاهم اللمون
سميحه / اتراضيتوا
محمود يبص لمرام
مرام / اتراضينا
سميحه / شوفتى ربنا يهدى سركوا يا ولاد
.............................
تحت بيت اريج
مازن / مش عارف اشكرك ازاى بصراحه انتى بت جدعه انا لو كنت وقفت على راسى مكنتش هعرف اجيب الورق ده
اريج / مش للدرجادى يعنى
مازن / بتهزرى امال لو مكنتش قايلك كل حاجه
اريج / ايوه انت قايلى كل حاجه بس انا عارفه مرام من زمان انت لو كنت طلبت منها الورق كانت صورتهولك بنفسها عادى لو كنت طلبته من اى حد كان صورهولك برده
مازن / اى حد ممكن لكن مرام مفتكرش
اريج / طب ايه رايك ان مرام عارفه انى مصورالك الورق ده
مازن / انتى قولتيلها انه ليا
اريج / اصل مرام مصورالى ورق كتير قبل كدا ففضلت تسال و انا فالتحوير بصراحه خيبه فقولتلها كل حاجه
مازن / كل حاجه
اريج / مهى صحبتى يا مازن و انا مش هعرف اكدب عليها
مازن / قولتلها عاللى محمود عمله
اريج / بصراحه اه
مازن / ليه يا اريج انا مش عاوز اكون سبب انى اعملهم مشاكل كان ممكن تصورى الجزء الجديد و القديم تصوريهولى من عندك
اريج / عادى على فكره هى مش زعلانه منك
مازن / خلاص يا اريج مش مشكله شكرا عالورق عن اذنك
اريج / انت زعلت منى
مازن / لا ابدا عن اذنك
مازن يركب العربيه و يمشى
..............................
فى شقه مازن
نورا / و انت عرفت منين ان اريج هتقول لمرام
مازن / ههههههههههههههههههه عشان البنات مبيتبلش فى بقها فوله
نورا / دانت مصيبه و هتعمل ايه دلوقت
مازن / هعمل ايه فى ايه
نورا / انت يعنى ايه يضمنلك ان مرام و محمود هيقفشوا بسبب الحوار ده
مازن / لا مش هتفرق يقفشوا يتصالحوا مش قضيتى
نورا / هو انت بتلف و تدور عاوز توصل لايه بالظبط
مازن / اى سكه بينى و بين محمود تتقفل عشان الطريق الوحيد يكون عن طريق ...
نورا / مرام
مازن / قلبى يا ناس
نورا / ايوه بس انت متضمنش محمود برده ممكن ينخ خصوصا بعد مقالهالك صريحه انه قريك و كشفك
مازن / لا محمود الايجو بتاعه عالى اوى عمره مهيوافق يساعدنى و لو حصل بسيطه تاتش صغير نفكره بمقامه فيه هيوسع خالص مالسكه
نورا / و بعدين
مازن / سيبى بعدين لبعدين
نورا / حاضر نيفين سالتنى عليك بتقول مش عارفه توصلك
مازن / و سيبى نيفيت كمان لبعدين
نورا / دا كدا بعدين بقى زحمه اوى
مازن / طب منخلينا فدلوقت يا نونو مالك كدا
نورا / تصدق عندك حق
نورا تبتسم لمازن يغمزلها
..................................
تانى يوم فى مدرسه ثانوى
البنات بتلعب طايره فى الحوش
امل / انا عاوزه اللعب ممكن
بنت 1/ زى مانتى شايفه مفيش مكان الفريقين كاملين
بنت مالفريق التانى تطلع
البنت 2 / خشى مكانى يا امل انا تعبت
بنت 1/ قولوا خسرتوا و خلاص و نبدا ماتش جديد كدا كدا كنتوا خسرانين
امل / طب مدام احنا كدا كدا خسرانين متكملوا الماتش و اللى يحصل يحصل
بنت 1 تبص لفريقها و يدحكوا
بنت 1/ ماشى
بنت 1 تلعب الكوره تيجى فى صدر امل توقعها فى الارض
بنت 1/ ايه مبتعرفيش تلعبى و لا ايه دى اسمها كوره المفروض تضربيها بايدك لفوق كدا تخليها تعدى الناحيه التانيه الفسحه هتخلص و احنا بنعلمها هههههههههههههههههههه
امل / شكرا عالدرس
امل تقف و بنت 1 تحدف الكوره لفوق و تضربها بنفس الطريقه امل تنط و تضرب الكوره ترد فى وش بنت 1 توقع فى الارض مناخيرها تجيب دم
بنت 1/ انتى نسيتى نفسك يا بنت الكلب
امل / مكنش قصدى
بنت 1/ انا هعرف اربيكى كويس اما وريتك مبقاش انا هايدى خليفه
فريق البنت 1 ياخدوها عالحمام و مدرسه تدخل
امل / والله كان غصب عنى كنا بنلعب و جت فوشها بالغلط
بنت2/ ايوه والله يا ميس انا شوفت كل حاجه مش انتوا شاهدين يا بنات
بنات 3/ اه يا ميس امل مكنتش تقصد
بنت 4/ اصلا الكوره اللى قبلها هايدى ضربت امل بالكوره فصدرها وقعتها فى الارض و امل مشتمتهاش و لا عملت زى مهى عملت كدا
المدرسه / طب روحوا على فصلكوا دلوقت 
................................
فى شقه عاديه
تيفا يطلع من الاوضه بيزحف بالشبشب و يمسح بصابعه تحت مناخيره زى الشمامين و يدخل المطبخ و يسند عالباب بنت واقفه تقلى بتنجان
تيفا / صباح الخير يا اميره
اميره / صباح الخير يا توفيق
تيفا / امى فين
اميره / راحت هى و مجدى الترب عشان سنويه ابوك الله يرحمه و يبشبش الطوبه اللى تحت راسه
تيفا / و انتى بتعملى ايه
اميره / بعمل الغدى هعملكوا شويه مسقعه تاكلوا صوابعكوا وراها
تيفا يبص عليها من تحت لفوق
تيفا / امال العيال فين
اميره / فى المدرسه من بدرى زمانهم راجعين
تيفا / طب اعمليلى شاى
اميره / من عنيا حاضر ثوانى و اجيبهولك
تيفا يبص عليها تانى و يمشى يرجع اوضته و هى تعلق على براد الشاى عالنار
..................................
فى المدرسه عند امل
المدرسه كاتبه مساله عالسبوره و البنات بيحلوا امل ترفع ايدها المدرسه متبصلهاش بنت ترفع ايدها
المدرسه / قولى يا منه
منه / س تساوى خمستاشر
المدرسه / صح يا منه برافو عليكى ... هديكوا مساله تانيه و بعدين هقولكوا دى جت ازاى للى مش عارف
المدرسه تمسح السبوره و تكتب مساله تانيه الكل يحل امل اول بنت ترفع ايدها المدرسه تتجاهلها تانى بنت تانيه ترفع ايدها 
المدرسه / قولى يا هناء
هناء / ص تساوى تلاته و نص
المدرسه / غلط يا هناء مين تانى عرف يحلها
امل ترفع ايدها هى و بنت كمان
المدرسه / قولى يا ايه
...................................