السكه شمال بقلم / لولو_محمد ( كامله )

الحلقه ٦٩

(((((((((((((((السكة شمال ))))))))))))))
#لولو_محمد
الحلقه التاسعه و الستون
مازن يدخل مع مديحه مرام تروح تفتح شقتها
مرام / تيته ... يا تيته مازن هنا
سميحه تطلع من جوه و معاها كيس اسود
مرام / مازن عند عمتى
سميحه / كويس انا كنت مستنياه اصلا
مرام / خير
سميحه / لا خير خشى انتى بقى غيرى و سخنيله الغدى عملت حته صينيه بطاطس بالفراخ هياكل صوابعه وراها و حاولى تتاخرى عوزاه فكلمتين
..........................
مرام تبصلها باستغراب
مرام / حاضر
سميحه تمشى تروح ناحيه مازن
مازن / اهلا يا ست الكل ايه الحلاوه دى
سميحه / بطل بكش ياله عوزاك
مازن / اؤمرى
سميحه تبص لمديحه
مديحه / هعملكوا شاى و بالمره اسخن المسقعه
مازن يبتسم و مديحه تدخل المطبخ مازن يوطى على سميحه
مازن / قولى هنقتل مين
سميحه / بس بقى يا وله خد
مازن / ايه ده
سميحه / فلوس العمليه اللى انت دفعتهالى
مازن وشه يقلب
سميحه / انا عارفه انى اتاخرت عليك فيهم اوى بس انا مكنتش قادره انزل و الدنيا كانت ملخبطه زى مانت عارف ربنا يخليك يابنى
مازن / ليه بتعملى كدا يا تيته هو انا مش زى مرام و محمود
سميحه / ايوه بس
مازن / و بعدين انا مدفعتش عشان ترجعيهم انا دفعت عشان اصلا كل ده حصل بسببى لو مكنتش جيت مكنش
سميحه / مكنش زمانك هتبقى خطيب مرام دلوقت كان زمانها بتنام و تشبع نوم مش تسهر طول الوقت تتكلم فى التليفون بتتكلموا فى ايه صحيح
مازن يبتسم
سميحه / صحيح و انا مالى ربنا يهنى سعيد بسعيده
مازن / انا مش هاخد الفلوس دى و هعتبر ده محصلش اصلا
سميحه / ده حقك
مازن / لو هنتحاسب فانا مديونلك بكتير اوى يا تيته مديونلك باللى لو عشت عمرى كله مش هقدر اسده
سميحه تبتسم
مازن / انتوا المكان الوحيد اللى برتاح فيه من يوم مدخلت البيت ده و انا واحد تانى يوم مجيتى المستشفى تطمنى عليا ابويا ذات نفسه معملهاش تعرفى اتصل بيا بالتليفون بس مكنش عشان يطمن عليا عشان بيهزائنى عشان بمشى بسرعه و قد ايه انا مستهتر و بكره يجي يستلم جثتى مالمشرحه
سميحه / هو ميقصدش اكيد مكنش يقصد يقولك كدا
مازن يبتسم بابتسامه مكسوره
سميحه / هو اكيد مبيعرفش يعبر عن خوفه عليك هو بيحاول ينصحك هو طريقته غلط بس صدقنى هو ميقصدش
مازن / تعرفيه منين عشان تدافعى عنه
الباب يخبط و ابراهيم يدخل مازن يقوم يقف
ابراهيم / الحمد لله مغلطتش فى العنوان
مازن / ازيك يا بابا
سميحه / اهلا و سهلا اتفضل
ابراهيم يدخل و يبص للمكان بمنتهى القرف و مازن متابعه
سميحه / اتفضل اقعد
ابراهيم / انا مرتاح كدا
مديحه تطلع و معاها الشاى تقف تتسمر
مازن / بابا يا عمتى
مديحه / اهلا وسهلا اتفضل حماتك بتحبك
ابراهيم / يلا يا مازن مش قادر استحمل
مازن / و مدام حضرتك مش قادر تستحمل جيت ليه
سميحه / مازن
ابراهيم / جيت انجيك من شويه الوصوليين دول
مرام تدخل
مازن / انا مش صغير و عارف مصلحتى كويس ان كنت جاى تبارك فاهلا و سهلا بيك ان كنت
مرام / مازن
مازن و ابراهيم يبصولها
ابراهيم / هى دى
مازن / روحى هنا يا مرام
ابراهيم / دى اللى عجبتك هى دى اللى سبت بنت الحسب و النسب عشانها
مازن / عشان خاطرى امشى
ابراهيم / اتفقت عالتفاصيل مهر مؤخر شبكه
مازن / امشى يا بابا امشى اقولك تعال انا هاجى معاك
ابراهيم / قولى هتدفع فدى كام
مديحه / هو فى ايه
سميحه / بس يا مديحه
ابراهيم / هيدفع فيكى كام
مرام واقفه ساكته
ابراهيم / انتى فكراه بيحبك بجد
مازن / انت عاوز منى ايه ليه بتعمل كدا
ابراهيم / اخرك ليله اتنين و هيرميكى على اخر دراعه هيزهق منك زيك زى غيرك
مازن / بس بقى اسكت
سميحه / مازن اهدى
مازن / انت بتكرهنى كدا ليه جاى المشوار ده كلو عشان تدمرلى حياتى معملتهاش لما كنت راقد معملتهاش لما كنت بتولد معملتهاش فحياتى جاى تعملها دلوقت ليه جاى ليه
ابراهيم / مش عشانك انا مش جاى عشانك انا جاى عشانها هى
مازن / فارقه معاك اوى
ابراهيم / للاسف فارقه لما كنت بتصيع مع البنات الشمال بتوعك كنت بسكت لكن تروح بيوت الناس لا
محمود يدخل
ابراهيم / انا حزرتك متجيش تعيطيلى
ابراهيم يمشى و الكل واقف يبص على مازن يسيب المكان منغير ولا كلمه
مرام / مازن استنى
مازن ميسمعهاش و يمشى
محمود / مين ده هو فى ايه
سميحه/ ابو مازن
محمود / و ماله منفوخ علينا اوى كدا ليه
مديحه / جته داهيه فقله زوقه
سميحه تروح ناحيه مرام و تطبطب عليها و تاخدها و تمشى
محمود / مرام
مرام تبصله
محمود / فكرى تانى
مرام تمشى مع سميحه و تدخل بيتها و تقفل الباب و محمود واقف بيبص عليها
..........................
فى شقه مازن
مازن قاعد فى اوضه ضلمه قدامه نور اللاب بس و بيعيط الباب يخبط مازن يمسح دموعه و يقفل اللاب و يروح يفتح الباب يلاقى شريف
شريف / انت كويس
مازن / اه مالى يعنى
شريف / مرام كلمتنى بتقول مش عارفه توصلك
مازن / تليفونى صامت
شريف / مالك انت كنت بتعيط
مازن / لا وسع
مازن يطلع و يقفل الباب بالمفتاح و يروح الحمام و يقفل على نفسه شريف يطلع الموبايل و يتصل
شريف / ازيك
مرام / روحتله
شريف / اه كويس
مازن يطلع مالحمام و على كتفه فوطه بينشف وشه شريف يديله الموبايل
شريف / مرام
مازن يبص للموبايل و يبص لشريف شريف يمسك ايد مازن و يحطه فى ايده و يروح ناحيه المطبخ مازن يبص للموبايل و بعدين يرد
مازن / الو
مرام / ازيك
مازن / الحمد لله
مرام / حاولت اكلمك كتير اوى
مازن ساكت
مرام / انت كويس
مازن / اه تمام انتى عامله ايه
مرام / تحب نخرج
مازن ساكت
مرام / عاوزه اخرج تيجى معايا
مازن / عاوزه تروحى فين
مرام / اى حته تعال ناكل ايسكريم
مازن ساكت
مرام / هو قال كدا عشان يوقع بنا صح
مازن يتسند عالحيطه و يقعد عالارض
مرام / انت مش هتعمل معايا كدا انت قولت انك بتحبنى صح
مازن / و عمرى محبيت و لا هحب غيرك
مرام / خلاص يبقى عدى عليا نروح ناكل ايسكريم .... انا خايفه
مازن يتعدل
مرام / انا محتاجاك جنبى تطمنى
مازن / اللبسى انا جاى
مرام / متتاخرش مستنياك
شريف يطلع مالمطبخ ماسك ساندوتش و كبايه عصير
شريف / لو جرحت البت دى انا عمرى مهسامحك هات الموبايل
شريف ياخد الموبايل و يديله كبايه العصير و يمشى و مازن يدخل ياخد موبايله و ينزل وراه
.............................
فى شركه احمد
احمد و ماهى قاعدين الباب يتفتح و توفيق يدخل
توفيق / ميا مسا يا باشا
احمد / اقعد يا تيفا
توفيق / ميصحش معاليك
احمد / تيفا بقى احسن واحد للشغلانه دى
توفيق / رقبتى يا باشا
احمد / الا قولى يا توفيق الفلوس اللى خدتها منى فالمصلحه اللى فاتت و بوظتها خلصت
توفيق / شوفت يا باشا شوفت اهى عشان المصلحه باظت الفلوس مكنش فيها بركه وقعت منى و انا مروح يوميها
احمد / ههههههههههههههههههه و لا تدايق نفسك خد
احمد يحدف توفيق برمزه فلوس متينات توفيق يبصله بانبهار
ماهى / و ليك قدهم لما تخلص
توفيق / رقبتى يا ست الكل
احمد / اصلا توفيق ميفرقش معاه الفلوس هو بيعز مازن لله فلله
توفيق / يا باشا دا واد ابن كلب
احمد / هى مرام رفضتك ليه يا توفيق صحيح
ماهى / يعنى هى هتسيب مازن و تبصله سورى يا توفيق اكيد مقصدش
توفيق / و لا تقصدى اى حاجه منك مقبوله يا ست الكل
ماهى / تخيل يا توفيق ان مازن يسيبنى انا عشان حته بت زى دى
توفيق / نهار اسوح يا جدعان دا اكيد اتجنن
ماهى / شوفت
احمد / اكيد سحراله يا روحى
ماهى / يلا منها لله بقى
توفيق / معلش لا مؤاخذه مش فاهم هو انا مطلوب منى ايه بالظبط
ماهى / بص يا توفيق لو انت قاعد فبيتك و بتحط قدامك طبق اكل ينفع انا اجى اكسر عليك الباب و اخد الطبق و امشى
توفيق / ميغلاش عليكى الطبق و صاحب الطبق يا ست الكل
ماهى تنفخ و تقوم
احمد / يا توفيق ركز هى تقصد انك ازاى تسكت ان مازن يدخل يعلم عليك فحتتك و يخطف منك اللقمه الطريه بتاعتك
توفيق / اااااه  حكم القوى بقى نعمل ايه
احمد / و القوى فى الاقوى منه يا تيفا
ماهى / و احنا بقى الاقوى منه
توفيق يبص لماهى
ماهى / لو البت دى تلزمك خلصنى منها انت لو متلزمكش قولى و انا اشوف غيرك
توفيق / تشوفى غيرى ازاى يعنى
ماهى / عادى هو احنا هنغلب دى حته بت بتلت قروش ملهاش ديه
توفيق / يا ست الكل دى بت غلبانه و يتيمه
ماهى / يا حنين طب خلاص شوف انت بقى بمعرفتك هتخلصنى منها ازاى مش عوزاها فطريقى عشان مفرمهاش و ساعتها هتزعل عليها بجد
احمد / بس يا قلبى مش كدا بص يا توفيق البت عجباك و هى فالاول و الاخر بنت حتتك و جحا اولى بلحم طوره شيلها من سكه مازن عشان زعل ست الكل وحش و ساعتها كلنا هنزعل
ماهى / و متقلقش الفلوس عندى مفيش اكتر منها
توفيق / ايوه يعنى اعمل ايه
ماهى / يووووه بقى
احمد / اتصرف يا توفيق شوف انت اللى يرضيك و اعمله و احنا مش هندخل فى شغلك
توفيق / ماشى
احمد / هستنى منك تليفون تطمنى
توفيق / تؤمر يا باشا بالاذن يا ست الكل
توفيق يمشى
ماهى / تفتكر هيعرف يعمل حاجه شكله واد اهبل كدا
احمد / عرف خلصنا معرفناش اهو هو و مازن بقى يصطفوا ببعض احنا مالنا
ماهى / على رايك احنا مالنا ههههههههههههههههه
.............................
فى حاره مرام
مازن يركن العربيه مرام تفتح الباب و تركب مازن يبصلها باستغرب
مرام / ايه بتبصلى كدا ليه
مازن / انتى واقفه من بدرى
مرام /لا اتغديت ؟؟
مازن يهز راسه لا
مرام / طب خد عملتلك علبه بطاطس على رز و فصصتلك حته الفرخه و فى ساندوتش مسقعه صحيح انت بتحب الصدور و لا الوراك
مازن / اى حاجه
مرام / كويس كل بقى و لا تحب نروح نقعد فى حته الاول
مازن يبصلها
مرام / متبصليش كدا انا عفاريت الدنيا بتتنطت فى وشى و ابليس بذات نفسه ساب الدنيا كلها و قاعد بيوسوسلى بذات نفسه لما هطق فلو سمحت متستفزنيش عشان انا غشيمه و هتزعل
مازن يبص قدامه و يطلع بالعربيه
مرام / هتفضل ساكت كدا كتير
مازن / انا اسف عاللى حصل
مرام / انا كنت عارفه انه هيحصل بس كنت متوقعه انه هيقول تاخدى كام و تبعدى عن ابنى
مازن يبصلها
مرام / و انا بقى اخد الشيك و اقطعه و اتنفخ و اقوله فلوسك متلزمنيش
مازن / ههههههههههههههههههههههههه
مرام / مدانيش فرصه يا خساره
مازن يركن العربيه و هو مش قادر يمسك نفسه مالدحك مرام تبصله و تبتسم
مازن / هههههههههههههههههههه مش قادر اسوق
مرام / تيته دايما تقولى متسمحيش لحاجه تقف فى طريق احلامك
مازن يبصلها و يسكت
مرام / لو بتحبنى بجد متسمحش لحاجه تفرق بنا
مازن / هعمل ايه دا ابويا
مرام / عارفه و قال اللى قاله و منقدرش لا نلومه و لا نغيره بس على الاقل كنت طمنتنى قولى انك بتحبنى قولى انك متمسك بيا قولى ان كل اللى قاله مش حقيقى
مازن / والله ما حقيقى والله بحبك و الله عاوز اتجوزك و اكون معاكى بيت و اسره والله مبتسلى بيكى و رحمه ماما كل اللى قاله كدب
مرام / و انا مصدقاك
مرام عنيها تدمع و تداريها و تبص قدامها
مرام / انا معرفش ليه مصدقاك معرفش بس مش عارفه ابعد بحاول صدقنى بحاول بس مش قادره فى قوه اكبر منى بتشدنى و خايفه خايفه اوى
مازن / انا عمرى مهاذيكى و ده وعد انا عمرى مخلفت وعدى
مرام / كل الناس بتقولى العكس كلهم بيقولولى انك وحش انت هتتسلى بيا و ترمينى هندم انا مش عاوزه اندم
مازن / انا وعدتك قبل كدا الدموع الوحيده اللى هتشوفيها معايا هى دموع الفرحه
مرام تبصله
مازن / انا مش هقدر اغير ابويا بس لو هختار بينك و بينه هختارك انتى لو هختار بينك و بين الدنيا هختارك انتى انا فيا عيوب كتير اوى يا مرام بس انى اتجوز واحده عشان اتسلى بيها دا اكيد مش واحد منهم
مرام تبصله و تبتسم مازن يبصلها
مرام / على فكره المفروض تجبلى دبله و مكتوب جواها اسمك مينفعش ايدى تبقى فاضيه كدا و لا ايه
مازن يبتسم و يطلع بالعربيه
.......................
فى الشركه عند صفوت
ابراهيم يفتح الباب و السكرتيره بتحاول تمنعه صفوت يقوم
سوزان / خضرتك ميصحش كدا
صفوت / سبيه سبيه
ابراهيم / ابقى نقى اللى بيشتغلوا عندك
صفوت / احسن من ناس كتير فاكرين نفسهم حاجه خير عاوز ايه
ابراهيم / اسمع يا صفوت انا معنديش وقت اضيعه
صفوت / يبقى تنجز و تخش فى الموضوع
ابراهيم / زى مشجعت مازن عالهبل ده تلم الليله انا مش ناقص فضايح
صفوت / مش فاهم تقصد ايه لا تصدق فهمت مرام صح ... مرام دى احسن حاجه حصلت فى حياه ابنك و بعدين انت بتتكلم كانك مهتم بيه اوى يعنى من امتى
ابراهيم / انا ايه يا اخى عاوز ايه خدت ابنى و قلبته ضدى و دلوقت بتعصيه عليا عاوز ايه
صفوت / انا مش هرد عليك
ابراهيم / دا بدل متنقيله واحده تليق بيه و باسم عيلته تجبله حته بت متسواش تلاته ابيض
صفوت / بيحبها
ابراهيم / والله
صفوت / انا هوفر عليك و عليا وقت و حرقه دم احنا فغنا عنها مازن اختار مرام و مفيش قوه فى الدنيا هتفرق بينهم فاهم و لا لا
ابراهيم / و ماله خليه يتجوزها يومين تلاته عشره و يرميها زيها زى اى حاجه فحياته عجبته جربها زهق رماها تقدر تقولى على حاجه واحده بس فحياته كملها هدف واحد وصله
صفوت / مازن بيتغير عشانها انت ايه مش ملاحظ هو بقى عامل ازاى صحيح هتلاحظ ازاى هو انت مهتم اصلا
ابراهيم / دى طمعانه فيه و ففلوسه
صفوت / و ماله تستاهل ... انت مش عجباك مرام عشان مش من عيله صح طب ايه رايك فبنت مليونيره عندها رصيد فالبنك و شركات مقاولات و استيراد و تصدير تعجبك
ابراهيم يبصله
صفوت / انا هكتب كل حاجه باسم مرام بيتهيالى كدا هتليق بمقام جنابك
ابراهيم / انت اتجننت و لا جرا لعقلك ايه
صفوت / فلوسى و انا حر فيها و لا تكونش كنت طمعان فيها اكمن مليش ورثه الا مازن
ابراهيم / انا مش هرد على مجنون زيك
صفوت / متردش و اتفضل اطلع بره و خد الباب وراك عشان التاكييف
ابراهيم يبصله
صفوت / و خليك فاكر انا مش هسمح لمخلوق يفرق بين مازن و مرام سامعنى مش هسمحلك
ابراهيم يمشى و صفوت يمسك الموبايل و يتصل بحد
..................................
فى محل جواهرجى
مازن و مرام بيبصوا على الدبل مرام تختار دبله فضه كلاسيك عريضه
مرام / ايه رايك عجبانى اوى
مازن ياخدها و يلبسها فى الشمال و يبتسم و بعدين يقلعها و يديها للراجل
الراجل / تحب تكتب عليها ايه
مازن / مرام
الراجل / و التاريج
مرام / النهرده
الراجل / تمام فى حاجه فى الكولكشن الحريمى لفت نظرك و لا اجيب لحضرتك كولكشن تانى
مازن يبص لمرام
مرام / بصراحه لا انا عوزاها كلاسيك سيمبل مش عاوزه حاجه فيها شغل هو جميل ما شاء الله بس انا عوزاها كلاسيك
الراجل يفتح رف و يطلع منه باليته و يوريها لمرام تاخد منها واحده مرام تقيسها فى اليمين و تبص عليها و تقلعها و تديها للراجل
مرام / هى دى
مازن / اكتب مازن و تاريخ النهرده
.............................