السكه شمال بقلم / لولو_محمد ( كامله )

الحلقه ١٤٨

((((((((السكة شمال )))))))
#لولوَ_محمد
الحلقه 148
فى فيلا صفوت
مازن / انا كل يوم بتصدم فيك اكتر انت ازاى تعمل كدا
انس / انت بتدافع عنها ليه انت لسه مصدق انها غلبانه و بريئه دى استاذه و رئيسه قسم البت شاغلت كفيل ابوها لحد موقعته و راحت للدكتور اللى سقطها و خلته يرجعها بنت تانى عشان تعرف تسبك  الدور عالدغف اللى هتتجوزه
مازن / و دا يديك الحق تبتزها يعنى و بعدين انت ازاى تعمل حاجه زى دى بتصورها بتصور نفسك انت لحمك رخيص عندك اوى كدا اهو وقع فى ايدى هتعمل ايه بقى
انس / انت بتهددنى و لا ايه مانت كدا هتفضحها برده
...................................
مازن / انت عبيط و لا بتستهبل اسمع يا انس انت تنسى الموضوع ده خالص سيب البت تعيش حياتها ابعد عنها و ملكش دعوه بيها
انس / ياعم حياه ايه دا قد ابوها انت بتسمى دى حياه و بعدين يا اخى مش حرام عليها تغشه انت ازاى عاوزنى اسكت
مازن / استغفر الله العظيم بص يا انس اخر كلام عندى عاوز الفلوس انا هديهالك و ادينى الحاجه اللى عندك بس تعمل حسابك ان حسابك ساعتها بقى معايا يعنى لو بعد مليون سنه ظهر ديل للحوار ده انت معايا
انس / و انا برضه هاخد فلوس منك يا مازن عيب عليك يا جدع
مازن / متصعش عليا
مازن يطلع دفتر الشيكات و يكتب الشيك لانس و يديهوله
مازن / انا لا فاضى و لا رايق لحركات النقص دى فياريت الحوار ده يتقفل دلوقت و ننساه كلنا عشان نعيش مع بعض فى سعاده و سلام ممكن
انس ياخد الشيك و يدى لمازن فلاشه تانيه
مازن / انس
انس / وربنا مفى غيرها و بعدين الحوار بقى عندك خلاص مش هقف قدامك يعنى مع ان والله ان كانت البت و لا الدغف صعبانين عليا بصراحه اللى هيحصل ده ميرضيش ربنا
مازن / ملكش دعوه خليك فحالك
تليفون مازن يرن يشاور لانس يمشى و يطلع فوق انس يبص للشيك و يبص على مازن و يمشى
...................
فى اوضه مازن
مازن يقفل باب الاوضه و يدخل يفتح الدولاب و هو بيتكلم فى التليفون
مازن / انا عارف والله انى اتاخرت عليكى بس معلش
مرام / طب خير كان فى ايه
مازن / متشغليش بالك حوار غبى من بتاعهم انسى انسى ايه تيته نامت و لا ايه
مرام / اه نامت
مازن / بكره يوم طويل و دبح و ضيوف و فيلم فلو عاوزه
مرام / مازن منتصر متحاولش معايا انت عارفنى كويس فبالزوق كدا بدل مطلع جنونتى عليك قولى فى ايه
مازن / هههههههههههههههههه طب سؤال احنا اتنين بنحب بعض نشغل نفسنا بمشاكل الناس ليه و ننكد على روحنا ميولعوا بجاز بعيد عننا احنا مالنا
مرام / منطقى لو مكنتش نزلت تجرى على نيفين تشوف مالها يا ترى بقى فى ايه مالها
مازن / باختصار هتتجوز و انس دايقها فطلبت انى ابعده عنها و حصل
مرام / هو انس ده مله اهله ايه بجد عاوز ايه انا عمرى مشوفت فحياتى انسان كدا هو عاوز ايه مش كفايا اللى عمله فيها
مازن / خلاص والله متحرقيش دمك مش هيقربلها تانى الموضوع خلص
مرام / انسان مقرف بجد مش طيقاه دا لو وقع تحت ايدى
مازن / اعصابك يا عم الحج مش كدا احنا محتاجينك
مرام / مازن ابعد عن الاشكال دى بجد مبيجيش من وراهم خير ان كان هو و لا شادى بجد اشكال تقرف
مازن / يولعوا بعيد عننا انا ميهمنيش غيرك انت يا قمر
مرام / كل بعقلى حلاوه كل
مازن / طب والله جعان
مرام / طب متاكل حاجه
مازن / مليش نفس الفيلا منغيرك ملهاش حس بفكر اخد بعضى و اروح شقتى 
مرام / انا بجد مخنوقه اوى
مازن / ربنا ياخدهم بحق جاه النبى ليه يا مرام تتخنقى ليه بس احنا مالنا و مالهم يولعوا بجاز بعيد عننا احنا مالنا
مرام / معرفش والله بس بجد مدايقه معرفش بقى
مازن / اجيلك
مرام / يا سلام
مازن / ايه مقدرش اعملها و لا ايه
مرام / هههههههههههههه لا تقدر بس يعنى هتيجى تعمل ايه
مازن / دانا هعمل عمايل ادونى فرصتى بس و انا هخربها
مرام / هههههههههههههههههه انا بحبك اوى يا مازن
مازن / و انا كمان بحبك والله
مرام تستعبط
مرام / مش سامعه مش عارفه التليفون بيقطع و لا ايه
مازن / بقولك بحبك اوى يا مرام
مرام / ههههههههههههههه يابنى على صوتك شويه
مازن / بحباااااااااااااااااااااااااك سمعتى كدا و لا ايه
مرام / هههههههههههههههههه سمعت سمعت تصدق على قد ما تيته وحشانى بس معرفتش انام فى حضنها شكلى خدت على حضنك انت
مازن / محدش بيرتاح غير فبيته يا مرام
مرام / ايه ده الموبايل هيفصل اقفل هروح احطه فى الشاحن و اروح انام و اشوفك الصبح بقى
مازن / تمام تصبحى على خير
مرام / و انت من اهله يا حبيبى سلام
مرام تقفل و مازن يلعب فى موبايله شويه و بعدين يرميه عالسرير و ياخد الهدوم اللى طلعها مالدولاب و يدخل الحمام
.................................
تانى يوم فى الفيلا عند صفوت
صفوت و مازن نازلين تليفون صفوت يرن مازن يبصله صفوت يرد
صفوت / صباح الخير
جميله / انا كنت عاوزه اشكر حضرتك جدا لسه حالا الورق وصلنى
صفوت / طب الحمد لله فى اى مشاكل تانى
جميله / انا الحقيقه مش عارفه هرد جميل حضرتك ده ازاى
صفوت / و لا جميل و لا حاجه متقوليش كدا
جميله / انا عارفه انى تقلت اوى على حضرتك بس هو الحقيقه فى موضوع تانى محتاجه اتكلم مع حضرتك فيه فلو تحب اعدى على حضرتك فى الشركه
صفوت / الحقيقه انا مش هروح الشركه النهرده بس ممكن نتقابل بالليل فى مكان
مازن يبص لخاله و يزغده بهزار خاله يشاورله يسكت
صفوت / تمام هقابلك هناك الساعه 8 باذن الله ... مع السلامه مع السلامه
صفوت يقفل
مازن / مين دى اللى هتقابلها بالليل يا نمس احنا رجعنا للشقاوه تانى و لا ايه مش بعد مربنا هدانى
صفوت / تعرف تتوكس
مازن / دى احسن حاجه بعرف اعملها
صفوت / هههههههههههههههههه طب يلا عشان منتاخرش
شريف يدخل الفيلا
شريف / صباح الخير
مازن / جاى فوقتك بالثانيه عملت ايه فى اللى طلبته منك
شريف / كلو تمام فى العربيه
مازن / طب يلا بينا
مازن و صفوت و شريف يمشوا
..........................
فى الحاره
فراشه من اول الشارع لاخره و ناس كتير متجمعين على لحمه بتتقطع بياخدوا منها و فى ترابيزات مفروشه و بيتحط عليها اكل و فى كام ترابيزه فى الجنب عليهم حلل كبيره جدا و ناس بتغرف منها للى قاعدين بياكلوا و ناس طالعه من البيت عند مرام شايلين حلل تانيه مازن يركن العربيه و ينزل يشيل هو و شريف شنط هدايا فخمه و يدخلوا الحاره و الناس عماله تسلم عليهم
اسعد / اهلا بالباشا الكبير
صفوت / ايه الكبير دى دانا اصغر منه
اسعد / ههههههههههههههههه طبعا امال ايه انا كنت بكلم مازن
صفوت / ههههههههههههههه ازيك يا معلم اخبارك عاش من شافك
اسعد / مانت اللى مبتجيش
صفوت / مشاغل والله يا معلم بس الواد مازن قالى انك قطعته فى الطاوله و انا بصراحه مبسبش تار ابن اختى ابدا
اسعد / هههههههههههههههههههه و انا مش هخرج من هنا الا لما اخدك ماطشين رايح جاى بس الاول هسيبك تطلع تسلم عالحجه و تاكل لقمه و بعدين استفرد بيك على رواقه
صفوت / اتفقنا
مازن / فى اى حاجه ناقصه يا معلم
اسعد / حاجه ناقصه ايه دا الخير كتير و بزياده
مازن / الحمد لله اى حاجه شريف معاك بقى
شريف / ايه ده هو انا مش هاكل انا كمان و لا ايه
اسعد / هههههههههههههههههه لا ازاى دانت قبل الكل
..................................
فى الفيلا عند زياد
لبنى / يا بنت الكلب
انس /  انا قولتلك عشان لو كان فى دماغك حاجه كدا و لا كدا تلحقى نفسك بدل ميتحط عليكى
لبنى / مين ده اللى يحط عليا تحب ابعتله تحليل الحمل بتاعها
انس / بقولك ايه مازن دلوقت معاه اللى يقطم رقبتى بيه انسى البت خلاص كفايا عليها كدا
لبنى / ليها روقه افوقلها بس
زياد ينزل من فوق
زياد / حبيبى يا انوس فى ايه مالكوا
لبنى / مفيش يا قلبى انس مكنش يعرف اننا رايحين عند تيته سميحه فكان جاى يقضى معانا اليوم
انس / فرصه تانيه بقى
زياد / متيجى معانا يابنى مازن هيفرح اوى لما يشوفك
انس / مره تانيه مليش فى الزحمه و بعدين مرام نفسها مبتطيقنيش
لبنى / احسن احسن فاكر قالتله ايه فى السخنه
زياد / تمام خلاص معاك عربيه و لا نوصلك
انس / لا معايا عربيه يلا طيروا انتوا بقى سلام
انس يمشى
زياد / فى ايه
لبنى / بنت الكلب جريت عيطت لمازن بوظتلى خطتى كلها
زياد / اكيد اتعلمت من اخطائها مش هينفع تجيلك تانى بعد ماستخدمتى التحليل بتاعها و فضحتيها
لبنى / و انا مالى بالموضوع ده اصلا
زياد / انسيها
لبنى / انت كمان طب مش تعرف الاول مازن عمل ايه لما عرف
زياد / عمل ايه
لبنى / ادى لانس مليون جنيه عشان يسكته مليون جنيه بيرمى ملايينه يمين و شمال انت عارف الفرح اللى الباشا عامله ميزانيته تقريبا كام انت متخيل طول الجيست ليست عارف فى كام قناه تى فى هتغطى الفرح كام صحفى و مصور هيبقى موجود كل ده لبنت السباك انا هطق هموت
زياد / فرحك هيبقى احلى من فرحها مليون مره بس انتى انويها
لبنى / لما تسدد مهرى و لا نسيت
زياد / هانت فاضل عالحلو تكه
لبنى / خلينى وراك
زياد / تكسبى طول مانتى ماشيه ورايا هتكسبى
............................
فى  شقه مرام
مرام تاخد الهدايا و تحطها جوه فى الاوضه
مرام / بلاش يا مازن
مازن / هى اللى مصممه توديله هديه اعمل ايه انا و بعدين انا جبتله البرفيوم اللى بيحبه هيقول ايه بقى
مرام / هيقول اكيد هيقول و انا بصراحه مش هقدر اسكت لو قال لتيته كلمه زى مقالى
مازن / و لا انا هسكت بس اعمل ايه انا كنت هبوس رجلها مش راضيه
مرام / والله كان المفروض هو اللى يجى مش هى اللى تروحله
مازن / اللى يجى منهم اديله هنا و اللى ميجيش هنعمل ايه بقى الله
مرام / خلاص خلاص اغرفلك تاكل
مازن / هتاكلى معايا تفتحى نفسى
مرام / اكل معاك
مازن / خلاص اغرفى
مرام / ثوانى
مازن / صحيح يا مرام كلمتك كتير الصبح غير متاح
مرام / انا قفلت معاك من هنا و فصل فى ايدى قبل موصل بيه للشاحن حطيته و قعدت افرك فى السرير لحد منمت فجاه لقيتهم بيصحونى اللحقى الناس تحت و يلا عشان نساعدهم قومت لبست و نزلت اجرى و نسيته خالص كويس انك فكرتنى اما اروح افتحه
مازن / سبيه سبيه نبقى نفتحه بعدين
مرام / انت شايف كدا
مازن / انا شايف انى جعان
مرام / هوا
..............................
فى شقه مديحه
صفوت / تسلم ايدك يا ست الكل والله حاجه تشرف
سميحه / دا فضله خيرك
صفوت / دانتى الخير كله يا حجه طب والله امبارح معدى علينا فى الفيلا بسبب ان مرام سابتنا و مشيت
سميحه / هانت خلاص كلها كام يوم و ترجع تانى و متخرجش منها ابدا
صفوت / امين
زياد يدخل ووراه لبنى شايله بوكيه ورد
زياد / السلام عليكم
محمود يروح يسلم عليه و شريف يبصله
محمود / اتفضلوا اتفضلوا اهلا و سهلا
لبنى و زياد يدخلوا و لبنى تدى لسميحه الورد
لبنى / حمد الله عالسلامه يا تيته معلش مجيناش امبارح قولنا ترتاحى
سميحه / نورتى يا حبيبتى اقعدى كلى
لبنى / اكل ايه لا ميرسى
صفوت / اقعدى يا لبنى متتكسفيش دا حلاوه رجوع الحجه بالسلامه
زياد / لا كدا ناكل بقى الف حمد الله عالسلامه يا ست الكل ... ازيك يا خالو
صفوت / ازيك يا زياد اخبارك و اخبار الشركه ايه
زياد / ادينى بخبط بس الحمد لله بابا ابراهيم موجود الفتره دى و بحاول استفيد من وجوده على قد مقدر
صفوت / لو احتجت اى حاجه كلمنى
زياد / طبعا يا خالو
لبنى / امال مازن فين من ساعه مجينا مشوفناهوش لا هو و لا مرام
مديحه / هروح اشوفهولك
صفوت / لا يا ست الكل ميخلصنيش تعبك هما اكيد فى الشقه التانيه سبيهم عرسان برضه
مديحه / هههههههههههههههههههههه على رايك
مازن و مرام يدخلوا
مازن / شرقت فجاه عرفت انكوا بتجيبوا فى سيرتى اهلا اهلا اهلا
مازن يسلم على زياد
زياد / ايه يا عم الجو الجامد ده بدئتو الفرح بدرى انتوا
سميحه / ربنا يجعل كل ايامنا افراح
زياد / امين يا تيته طب والله انتى متعرفى انا مستنى الفرح ده قد ايه تعرفى يا تيته انا بدات اجهز لفرحى انا كمان من دلوقت اخلص منهم و افوق لنفسى
شريف / عشم ابليس
زياد يبصل لشريف
شريف / انت فاكر انك هتخلص منهم بعد الجواز و لا ايه دول لزقه بغره هيفضلوا على قلبنا مربعين كدا و بكره يجيبوا عيالهم يقعدوا معاهم
سميحه / ياخويا من بقك لباب السما على قلوبنا زى العسل
شريف / طبعا يا تيته امال ايه
زياد / امال صافى فين مش شايفها
مرام / بتخلص حاجات لورقها و هتيجى علاطول
لبنى / هتوحشنى اوى بنت الايه
مرام تتجاهلها
زياد / بقولك يا ميزو عاوزك فى حوار
مازن و زياد يطلعوا البلكونه و شريف متابعهم
زياد / ايه اللى انا سمعته ده
مازن / فى ايه يابنى خير
زياد / انت اديت لانس مليون جنيه عشان يتلم عن نيفين
مازن / و انت مالك انت بالحوار ده
زياد / كنا متفقين الصبح يا عم هيجى معانا و بعدين فجاه اعتزر و مسبتوش الا لما قالى كل حاجه
مازن / الواد ده بقى بيعصبنى و فضلى تكه و ادخله البلاك ليست مع حبايبه شادى و شهاب
زياد / اه صح باماره المليون جنيه اللى اديتهاله
شريف يدخل
شريف / مانت لسه مديله اتنين مليون جنيه قريب
زياد / انت بتقول ايه يا شريف
شريف / ايه ده هو مكنش انت اصل الحساب بتاعك قل اتنين مليون جنيه الاسبوع اللى فات و سبحان الله حساب انس زاد اتنين مليون جنيه فنفس الوقت
زياد / انت عاوز تقول ايه
شريف / لو مش انتى يبقى اكيد لبنى مش هى معاها توكيل منك برده
زياد / برده عاوز تقول ايه يعنى
شريف / الفلوس اتحولت تانى يوم ممرام شربت الويسكى الصبح اول حاجه عملوها لما صحيو هما الاتنين راحو البنك حولوا الفلوس انت كنت نايم و لا ايه
زياد / عاوز تقول ايه لبنى و انس قاصدين يحطوا لمرام الويسكى فى العصير دا قصدك يعنى
شريف / انا مقولتش كدا انت اللى قولت
زياد / قولت امتى
شريف / دلوقت حالا انت لسه قايل دلوقت حالا
زياد / فايقلك انا فعلا بقولك ايه يا شيكو شيلنى من دماغك يا حبيبى ماشى
مازن / خف يا شريف
شريف / هخف انا اصلا مكنتش اقصد موضوع مرام خالص انا اقصد يعنى انكوا بتدوله فلوس عادى و محدش بيكلمكوا لما مازن يعملها جايين تحاسبوه طب دا حتى من حكم فماله ما ظلم
زياد / انت اتعديت حدودك جامد اوى يا شريف اوعى تفتكر انى مقدرش ارد عليك انا بس بحترم المكان اللى احنا فيه و الناس اللى حوالينا على الاقل مش انا اللى عملت قدام صافى بطل و روحت من وراها حطيت ايدى فايد اللى حاول يغتصبها الا قولى يا شريف انتوا كنتوا مرتبينها سوا فكره جديده انك تعلق بيها المزه تبان قدامها بطل فتقع فى حبك لا عبقرى
شريف / لا استاذ بصحيح و يا ترى ازاى قدرت اقنع شهاب انه يجازف بحياته و يقوم بالتمثيليه دى هاه دفعتله كام لا السؤال الاهم دفعتهم منين
زياد / و انا اش عرفنى انا كل اللى اعرفه انك روحت لشهاب الفيلا و عرضت عليه تصالحه على مازن
شريف / دانت مراقبنى بقى
زياد / يعنى حصل
مازن / كفايا كدا نتكلم بعدين احنا التلاته الناس جوه بيبصوا علينا
شريف / اخر حاجه يا مازن معلش اه يا زياد حصل روحتله كنت عاوز اعرف جاب مفتاح الاوضه منين مين فى الاستقبال اللى ساعده عشان يترفد بس الحقيقه الكلام اللى قالهولى انه ميعرفش المفتاح جاله ازاى هو خرج مالحمام لقاه محطوط رجعت انا بقى لتسجيلات الفندق لقيت الكاميره اللى فكوريدور اوضه شهاب تسجيلها ممسوح اليوم ده كله فللاسف مش عارفين مين دخل و حط المفتاح لشهاب فى الاوضه هو مين له الصلاحيه يدخل اوضه الكاميرات و يلعب فى التسجيلات يا مازن
مازن / ممكن كفايا بقى
زياد / اسمحلى اجاوبك انا كتير موظفين الامن و المدير و انا و مازن و انت يعنى سهل اوى تكون انت اللى خدت المفتاح و حطيتهوله و لما اتصرف هو انت ادخلت و عملت نفسك بطل
شريف / هههههههههههههههه رجعنا تانى لنفس الفيلم الهندى بس شهاب قالى
مازن / خلاص كفايا اللى هيفتح بقه فيكوا فى الموضوع ده تانى هيخسرنى للابد انتوا الاتنين اخواتى تمام و اللى بتعملوه ده عيب
شريف / مازن لو سمحت
مازن / انا مش فايق للهبل ده يا شريف مش وقته معاك دليل قطعى على كلامك ان زياد له اى علاقه بحوار شهاب هاتها غير كدا اقفل الموضوع و نفس الكلام ليك يا زياد عندك دليل على شريف هاته لكن اى كلام فى الهوا كدا عيب اوى ميصحش دا اولا ثانيا بالنسبه لحوار انس انا مش اهبل يا زياد انا عارف كويس اوى ان لبنى و انس طبخوها سوا و عارف كمان ان لبنى حولتله الفلوس و اوعى تفتكر سكوتى على لبنى ضعف انا بس عاملك اعتبار عشان عارف قد ايه هتزعل عليها فانا لو منك اللمها عشان انت اكتر واحد عارفنى و عارف قلبتى كويس
زياد يبص الناحيه التانيه مرام تدخل شايله فى ايدها شنطه هدايا من اللى مازن كان جايبها
مرام / ممكن اجى
زياد / طبعا
مرام / تيته جيبالكوا دى انت و لبنى يارب تعجبكوا
زياد / تعبت نفسها عالفاضى احنا مفيش بنا الكلام ده .. انا لازم امشى ورايا معاد مهم عن اذنكوا
زياد يروح يشد لبنى من ايدها و يمشوا
مرام / هو ايه اللى حصل
مازن / شد مع شريف شويه
مرام / ليه
مازن / متاخديش فبالك حاجات هبله فى الشغل
مرام / طب انا هروح اساعد عمتى لو عوزتوا حاجه نادونى
مازن / تمام يا قلبى
مرام تدخل و شريف باين عليه انه مدايق
مازن / ليه عملت كدا
شريف يبصله و يبص الناحيه التانيه
مازن / انت عارف زياد غالى عندى قد ايه لانا هتحمل عليك كلمه و لا هتحمل عليه مليون مره قولتلكوا متقفوش قدام بعض الند بالند كدا انا مش هينفع اقف بينكوا هسيبكوا تاكلوا فى بعض هتاكلوا بعض و هتاكلونى و مش هعرف ادخل
شريف / شهاب قالى
مازن / شهاب دا عيل كداب و ابن كلب عاوز يضرب كرسى فى الكلوب و يوقع بنا
شريف / انت شايف كدا
مازن / انا شايف ان اللى فات نرميه ورا ضهرنا و نركز فى اللى جاى انا عريس و محتاجك جنبى ممكن لو سمحت تنسى كل حاجه فى الدنيا و تركز معايا ان فرحى يكون احسن فرح حصل فى الدنيا ممكن
شريف يهز راسه ايوه مازن ياخده تحت باطه و يدخلوا جوه
.............................................