السكه شمال بقلم / لولو_محمد ( كامله )

الجزء 22

((((((((السكة شمال ))))))))))))
#لولو_محمد
الحلقه الثانيه و العشرون
مرام/ عاجبك كدا اهى تيته قلقت عليا .... ايوه يا تيته .... حاضر ... مسافه السكه ... مع السلامه
مرام تقفل
مرام / كدا هبيعك رسمى تيته عوزانى اروح عندنا ضيوف عاوزينى
اريج / ايه عريس
مرام / ياختى اتنيلى مهو فقرك ده اللى جايبنا الارض دى جارتنا و بنتها
اريج / بقولك ايه متاخدى محمود و تروحوا مواصلات
مرام / والله !!! طيب هنتوزع بس ابقى اعزمينا عالفرح
اريج / فقرى انا اللى جايبك الارض برضه
مرام / ههههههههههههههههههههههههههههه
.....................................
تانى يوم فى الكليه
اسراء و اريج يدخلوا يلاقوا ناس كتير فالقاعه و بالون جيت و بالونات و البانرات متعلقه و شريف واقف بيتكلم مع حد فى اللاسلكى يروحوله
اسراء / صباح الخير
شريف / اهلا صباح النور
اريج / لا الله ينور انت هنا من امتى
شريف / مازن بيه جبيبنا كلنا من سته الصبح
اريج / معقول بس احنا متفقين معاه على سبعه امبارح
شريف / انتوا لكن احنا لا
اسراء / الله يعينك امال هو فين
شريف / مين
اسراء / مازن يا شريف هههههههههههههههههههههه
شريف / بيظبط الكاميرات فوق
مرام و محمود يدخلوا
محمود / ايه اتاخرنا و لا ايه
اريج / احنا لسه واصلين
اسراء / ايه الحلاوه دى يا مرام
اسراء تمسك ايد مرام و تخليها تلف مرام تدحك
اريج / ليكى حق تخلعى امبارح ضامنه مركزك
مرام / ايه هيتقطع و لا ايه
شريف / هههههههههههههههههههه
محمود / امال الباشا نايم فى البيت و لا ايه
نور القاعه يطفى و يشتغل كشاف واحد عالمسرح على مازن و بعدين النور ينور و مازن ينزلهم محمود يبص لمرام تدحك مازن بيتكلم فى لاسلكى
مازن / لا مضايفتينيش تمام ... صباح الخير
محمود / حلو الشغل
مازن / شكرا انت هتكون انت و كرم عالباب بره بتنظموا الناس و مرام فى الباكستيج و اسراء و اريج جوه القاعه و الباقيين انا وزعتهم مع شريف عن اذنكوا
مرام / ثانيه معلش ... هعمل ايه فى الكواليس مش المفروض اكون بره عند البوفيه مع الاكل
مازن / لا فى اتنين جايبهم هما اللى هيعملوا الحوار ده انتى هتنظمى الفقرات
مرام تبص لمحمود ... حد يتكلم فى اللاسلكى
صوت / مازن عاوزك ورا بسرعه
مازن / عن اذنكوا
اسراء / هو ايه اللى حصل ده
شريف يطلع بتاعه
شريف / اسرع وسيله للتواصل ... اه لكل واحد فيكوا واحد خدوه مالترابيزه اللى هناك دى بتعرفوا تستخدموه
اريج / مبعرفش بس ممكن تعلمنى
شريف و اريج و اسراء يروحوا هناك
مرام / ملناش لزمه هنا صح
محمود / مش معنى انه جه عالجاهز و غطى على تعبنا اننا هنسبهاله عالجاهز
مرام / جه عالجاهز بص حواليك احنا مهما عملنا مكناش هنعمل ربع الشغل ده
شريف يدخل و معاه لاسلكى
شريف / معلش مازن بيه عاوزك ورا حالا تعال يا محمود عاوزك
مرام تاخد اللاسلكى و شريف ياخد محمود بره النور يطفى و الكشاف ينور فوش مرام ترفع ايدها مدايقها الاضاءه تتظبط تنزل ايدها صوت يطلع مالاسلكى
صوت مازن / اتحركى قدام للاستايدج
مرام تتحرك و الاضاءه متركزه عليها تطلع المسرح النور ينور تلاقى مازن فوشها
مرام / هو النور و الكشافات دى لزمتها ايه
مازن / بيج انترانس
مرام / بمعنى
مازن / يعنى دخول كبير
مرام / لا مش الترجمه المعنى فايدته هنعمل بيه ايه يعنى
مازن / ااااه بصى احنا هنوقف اوائل الدفعه هناك مكان مكنتى واقفه و المسرح مضلم ماعدا الاستايدج هنا و الدكاتره واقفه اللى اسمه يتندى من القايمه اللى معاكى اللى انتى هتنادى منها
مرام / انا ؟؟؟
مازن / هيدخل على موسيقى لحد ميوصل هنا يستلم الشهاده و يقف تنادى اللى بعده كدا الاوائل الباقين هتنادى عادى بقى
مرام / لا انا مش هعرف اعمل ده خلى اسراء او اريج او اى حد انا منفعش خالص
مازن / شايفه الكرسى ده
مرام تبص
مازن / ده كرسى وزير التعليم العالى جنبه علاطول كرسى المحافظ و التلت صفوف دول الجروب اللى معاهم و رجال الاعمال و انتى قدها
مرام / انت كدا طمنتنى يعنى لا مش هعمل ده شوف غيرى اصلا كل الكاميرات دى هتوترنى مش هعرف اعمل اى حاجه و هتوترنى و هعك لا انسى بص انا هنظم الناس تحت مع اريج مثلا و خلى اسراء هنا
مازن يبتسم
مازن / اقفى هناك محدش هيشوفك تعرفى تقرى مالورقه و لا دى كمان صعبه
مرام / لا انت قولت هنظم فقرات فالكواليس انت مقولتش انى هعمل حاجه مهمه
محمود يدخل و يطلع المسرح
محمود / فى ايه مالك
مرام / محمود احسن منى فالحوار ده انا منفعش
مرام تنزل من عالمسرح
محمود / فى ايه
مازن / مكنتش متخيل انها جبانه اوى كدا ما علينا
مازن ينادى فى اللاسلكى
مازن / حد يبعتلى اسراء ورا
مازن يمشى و ميبصش لمحمود
....................................
بره القاعه
مرام واقفه مع بنتين بيرصوا اطباق باتيه و ساليزونات و مينى جاتوه و مينى بيتزا و مينى تارت اريج تدخل
اريج / تصدقى انك بت واطيه
مرام / انا
اريج / متقولىله اريج مفيش غير اسراء بتعرف تمسك مايك يعنى
مرام / الحق عليا انى بخليلك الجو
اريج / جو ايه
مرام / اهو هى تنشغل فى اللسته و انتى بقى تظبطى هههههههههههههههههههه
اريج / بس بقى شكله مفيش منه رجا
مرام / ههههههههههههههههه هتستسلمى بالسرعه دى
اريج / ممكن تبطلى تريقه و بعدين فى واحده ترفض تطلع فى التليفزيون هتفضلى فى الضلمه طول عمرك
مرام / مبحبش الكاميرات مبطلعش حلوه فى التصوير
اريج / ماشى ياختى متعمليلى طبق و لا احنا مش هنفطر و لا مش قد المقام و لا ايه
مرام / متعملى لنفسك اتشليتى عن اذنك
الناس تبدا تيجى
اريج / اتفضلوا
البنات يناولوا الناس اطباق صغيره و الناس يملوها و اريج تاخدهم جوه و مرام مبتسمه فلاش يضرب فى عينها تبص تلاقى مازن مبتسم
مرام / امسحها
مازن / لا
مرام / متعصبنيش
مازن / انا صورت الكل اشمعن انتى يعنى
مرام / مبحبش اتصور
مازن / ليه وحشه
مرام / طب وريهانى
مازن يوريها و الكاميرا فى ايده
مرام / مش شايفه هات
مرام تاخد منه الكاميرا و تمسحها و تديهاله و هى مبتسمه و هو ماسك نفسه عن الدحك بالعافيه
مازن / انا عنيد جدا
مرام / مش اعند منى لو سمحت متصورنيش تانى بجد
الناس تيجى و محمود و كرم يطلعوا يقفوا مع مازن و مرام
مازن / خشى اعملى شيك اخير على الترابيزات اللى جوه
مرام / تمام .. عن اذنكوا
مرام تمشى
كرم / خدلنا صوره يا مازن
كرم يحضن محمود مازن يصورهم و يبتسم و يدخل جوه يوشوش شاب معاه كاميرا يبتسم و يشاور على عنيه مازن يبتسم و يروح يوشوش شاب تانى معاه كاميرا الشاب التانى يشاور لمازن ثامب اب مازن يبتسم و يطلع المسرح مرام بتعدل ازازه الميه
مازن / كلو تمام
مرام / اه كلو تمام
مازن / تمام عن اذنك
مازن يدخل الكواليس و مرام تقف مش لاقيه حاجه تعملها تبص يمين و شمال
.................................
بعد شويه كتير
مرام بره القاعه
مرام / ممكن لو سمحتى اخد نسكافيه
البنت تبتسم و تناولها كبايه مرام تحط فيها السكر و تقلب محمود يقف جنبها
محمود / منغير فطار
مرام / الصداع هيفرتك نفوخى مش قادره
محمود / سلامتك تاخدى حبايه
مرام / لا فطرت
محمود / اه من بدرى
مرام / الف هنا
كرم يدخل ماسك لاسلكى
كرم / محمود مازن بيسال عليك ورا فى الكواليس
مرام تبص لمحمود و تاخد النسكافيه و تمشى
محمود / هو عاوز ايه مخلاص دورنا خلص
كرم / و انا اش عرفنى متروحله تساله
محمود / مش رايح عاوزنى يجيلى مبشتغلش عنده
كرم / انت ايه مشكلتك متعدى اليوم مكلنا شغالين اقولك هروحله انا امسك
كرم يدى محمود اللاسلكى و يمشى
................................
فى الكواليس بعد شويه
مرام واقفه تبص عالمسرح و مبتسمه و العميد بيسلم شهادات التخرج للخريجين مازن من ورا يصورها و يدارى الكاميرا و يقعد على اقرب كرسى
مازن / شكلك و انتى بصالهم كانك سرحانه فى فيلم رومانسى
مرام تبصله و تبتسم و ترجع تبصلهم
مرام / للحظه سرحت و تخيلت نفسى مكانهم
مازن / هانت
مرام / شكرا على فكره
مازن / على ايه
مرام / عشان خليت الحفله حلوه و مبوظتهاش زى مكنت متخيله انك هتعمل
مازن / العفو
مرام تبص تانى عليهم صوت فى اللاسلكى بتاع مازن
صوت / الوزير بيسال عليك يا مازن
مازن / هقابله عند باب الخروج
مازن يقوم من عالكرسى و يبص يلاقى مرام بصاله و مبتسمه
مازن / متيجى اعرفك عليهم
مرام تهز راسها لا و هى مبتسمه
مازن / تعالى
مرام تروح معاه
الوزير / بسال عليك مالصبح مستخبى فين يا مجرم
صفوت / تاعبنى اوى يا معالى الوزير
مازن / والله كنت بصور
المحافظ / ساندى بتسال عليك طول الوقت انت غيرت رقمك و لا ايه
مازن / هبقى اكلمها اكيد ... اه بالمناسبه دى مرام نور الدين الاولى عالدفعه و هى اللى منظمه الحفله دى
المحافظ / انا عاوز نسخه مالصور دى يا مازن و الفيديوهات
مازن يبص لمرام مرام تبص فى الارض
المحافظ / اخبار تجديدات المكتبه العامه ايه صفوت بيه
الوزير / صفوت بيه مش هوصيك انا عاوز المشروع ده يخلص فى اقرب وقت
صفوت / تحت امرك معالى الوزير اطمن معالى المحافظ اتفضلوا اتفضلوا
صفوت و الناس يمشوا و مرام واقفه تبص فى الارض
مازن / انسان خنيق هو و بنته دانا غيرت رقمى مخصوص عشان متتصلش عليا و كل متجيب الرقم الجديد اغيره
مرام تمشى منغير ولا كلمه و تروح لمحمود واقف بعيد و يمشوا و مازن يبص عليهم شاب ببدله يدخل
الشاب / ازيك يا مازن
مازن يبصله
الشاب / ايه مش عاوز تسلم عليا و لا ايه
مازن / لا ازاى ازيك يا احمد انا بس اتفاجات انى شوفتك
احمد / ههههههههههههههههه و انا مصدقك عامل ايه
مازن / انت بتعمل ايه هنا
احمد / مش انا قررت افتح جامعه خاصه
مازن / والله الف مبروك بس انت اتاخرت اوى يا احمد اصلهم كتروا اوى
احمد / لا دى هتبقى مختلفه مانا اصلى كنت فمكتب الوزير بنتكلم فى الموضوع ده تعرف انا رايى تسيبك مالجامعه الحكومى الهبله دى و تيجى تقدم عندى و متقلقش يا سيدى هنجحك ههههههههههههه
احمد يحط ايده على كتف مازن مازن يحرك كتفه يوقع ايد احمد
احمد /  سعيد انى شوفتك ابقى خلينا نتقابل
مازن / اكيد لما اجى اقدم فالجامعه بتاعتك اكيد هنتقابل
احمد يبتسم و يمشى مازن يتف فالارض بقرف و يمشى 
................................
فى الحفله بالليل
اسراء / هى بتروح بمزاجها و تحضر بمزاجها
مازن / مكنلهاش دور و انا قولتلهم روحوا و بعدين انا مش شايف مشكله اصلا
اسراء / والله طيب عن اذنك
اسراء تمشى
مازن / ايه الاشكال دى
شريف يدخل
مازن / لو فى اى مشكله مش عاوز اسمعها
شريف / هههههههههههههه لا متخافش كلو تمام
مازن / الحمد لله
شريف / الفلاشات اللى انت طلبتها عليها كل صور الصبح و الفيديوهات بقى هناخدها بكره
مازن / ماشى
شريف / ماشى و لا ايه
مازن / البركه فيك بقى فنش الليله و روح
شريف / تمام
مازن / سلام
مازن ياخد الفلاشات و يمشى
............................
فى شقه مرام
مرام ممدده فى السرير و زعلانه سميحه تتقلب تقلق تلاقيها صاحيه
سميحه / انتى لسه صاحيه
مرام / هنام اهو
سميحه / انتى لسه بتفكرى
مرام / هو انا المفروض مكنتش اروح مع مازن زى ممحمود قال و لا الراجل فعلا هو اللى قليل الزوق
سميحه / هما مش فى طريقك متشغليش بالك
مرام / لا يا تيته فطريقى انا الاولى على دفعتى بلاش واحد بيعرفك عليا تعمل مش شايفنى ليه هو انا صغيره اوى كدا فعنيه ايه الاسلوب ده يدينى ضهره كانه مش شايفنى
سميحه / مهو اداه لمازن كمان و عمل نفسه مش سامعه
مرام / لا يا تيته سلم عليه و ساندى بتسال عليك و هزار و دحك لكن انا مش موجوده شفافه صحيح على راى محمود المصالح بتتصالح لا و فالح بس فاول الحفله يتصور معانا و لا الكلمه اللى قالها فى التليفزون احنا اهم حاجه عندنا الشباب احنا جايين ندعم الشباب و نكون فى ضهرهم لا احنا مش فضهرهم احنا هنديهم ضهرنا احنا مجرد شو بيعملوه على حسابنا قال يعنى مهتميين بينا
سميحه /  عدى يا مرام متقفيش كتير موقف و عدى
مرام / محمود معاه حق مهما عملنا مش هيشوفونا
سميحه / لا هيشوفوكى غصب عنهم هيشوفوكى هيجيلك يوم و هتكبرى فيه هتكبرى تبقى زى الشمس و محدش هيقدر يعمل نفسه مش شايفك هيجروا هما عليكى عشان يسلموا و يتصوروا و انتى اللى تتجاهليهم هيجى اليوم ده كل اللى عليكى انك تركزى على هدفك و تشيليهم من دماغك هما يومين و ماشيين الكرسى مبيبقاش لحد يا بنتى العلم هو اللى بيبقى
مرام / بجد يا تيته
سميحه / اعملى اللى عليكى و متفكريش فحاجه غير مستقبلك نامى
مرام تهز راسها سميحه تبوسها و تلف تكمل نوم مرام تبص للسقف فحزن توصلها رساله واتس بصوره تفتحها تلاقي نفسها سرحانه و هى بتتفرج عالخريجين و هما بيتكرموا تبتسم رساله توصل
مازن / مش هاين عليا تبقى زعلانه
مرام تكتب
مرام / و اشعرفك انى زعلانه اصلا
مازن / مكنتيش هتبقى صاحيه لحد دلوقت بعد يوم طويل زى ده الا لو زعلانه
مرام / محصلش حاجه تزعلنى اصلا انا روحت نمت و لسه صاحيه
مازن / ماشى
صور كتير توصل تحملهم و تفتحهم تلاقيهم صورها تبتسم
مرام / هو انا مش قولتلك مبحبش اتصور
مازن / و انا مالى هما اللى صوروكى
مرام / والله !! طيب تصبح على خير
مازن / و انتى من اهله
مرام / امسح الصور دى من عندك
مازن / تعرفى تتلهى
مرام تدحك و تبعت اسمايل غضبان
مازن / هعمل بيهم ايه يعنى هتاخديهم مع السى دى بتاع الحفله انا معايا حوالى تلتلاف صوره و لا حاجه غير اللى هيجوا بكره باقى الحفله اللى فاتتك
مرام / مش جوى اصلا
مازن / و لا انا عشان كدا مشيت و سبتها
مرام / والله !! طيب تصبح على خير
مازن / ههههههههههههههه و انتى من اهله
مرام تحط الموبايل جنبها و تبص للسقف ثوانى و بعدين تمسكه تانى و تقعد تتفرج عالصور و تغير صوره الفيس و تحط واحده منهم و تبتسم و تحط الموبايل و تنام
.................................
تانى يوم فى شقه محمود
محمود يدخل شايل عيش و كيس فيه فول و طعميه
محمود / العيش السخن
مديحه / فرطه عندك و روح خبط على ستك شوفهم صحيو و لا لا
محمود يحط العيش عالسفره و يروح يخبط على سميحه طبله سميحه تفتح
سميحه / يا مزاجو
محمود / انتوا نايمين و لا ايه دانا جايب عيش يتاكل حاف
سميحه / و انا ثوانى و البتنجان المقلى يكون جاهز
محمود يبص يمين و شمال
سميحه / فى الحمام بقالها ساعه اما ادخل اخبط عليها لتكون كملت نوم جوه و لا حاجه خش اما اجيبلك البطاطس المحمره توديها

محمود / دا احلى جمعه دا و لا ايه
سميحه / يلا يا بكاش
سميحه تدخل تخبط على مرام فى الحمام و محمود يدخل يلاقى طبق تفاح عالسفره ياخد واحده
محمود / مغسول التفاح ده يا تيته
سميحه / اه مغسول كل براحتك
محمود يقطم قطمه صوت نوتيفيكاشن واتس من موبايل مرام جنب طبق التفاح يبص مازن فيديو يحط التفاحه و يمسك الموبايل و يفتح الرساله و يقلب فى الرسايل بنهم و يبان على وشه الغضب مرام تطلع مالحمام لابسه الاسدال محمود يوريها الموبايل
مرام / ايه ؟؟؟
محمود / مش هاين عليه زعلك
مرام / سيبك منه اهبل مش عارف بيقول ايه
مرام تحاول تاخد الموبايل ميديهولهاش
محمود / طب هو مش عارف بيقول ايه انتى بتتكلمى معاه الساعه اتنين بالليل ليه و مش اول مره كمان
مرام / دا كان باعت صور الحفله
محمود / انتى فاطره مستهبله عالصبح و لا انتى ايه حكايتك
مرام / فى ايه يا محمود اتكلم عدل
محمود / هو ايه اللى كل متتزنقى تقولى اتكلم عدل اتكلم عدل انا عدل انتى بقى مالك فى ايه
مرام / خد بالك انت بتغلط تانى و انا المرادى مش هسمحلك انت فاهم
............................