السكه شمال بقلم / لولو_محمد ( كامله )

الحلقه ١٢١

((((((((السكة شمال)))))))
#لولو_محمد
الحلقه ١٢١
فريده / مازن بليز ممكن تسبنى انا و مرام لوحدينا ثوانى
مازن يبص باستغراب مرام تهزله راسها يطلع بره
فريده / انا عارفه ان الوقت مش مناسب بس انا مسافره بكره و مش عارفه اعمل ايه
مرام / فى ايه
فريده / عمك باباكى يعنى ابراهيم
مرام تبص فى الارض
فريده / انتوا غلطتوا يا مرام و انتى غلطتك اكبر انتى وافقتى ترتبطى بواحد بالرغم انك عارفه ان اهله مش موافقين و حطتيه قدام الامر الواقع
مرام / والله يا طنط
فريده / انا عارفه كل حاجه انتى لازم تتاكدى ان سعاده مازن رقم واحد بالنسبالى بس ابراهيم مش قادر يبص للموضوع غير انك خطفتى ابنه
مرام / طب اقدر اعمل ايه انا قصرت فى ايه انا والله محاولت حتى اقرب من مازن هو اللى
فريده / قولتلك انى عارفه كل حاجه زياد قالى و لعلمك انا عارفه ان مازن بيحبك من زمان اوى من ايام مزياد كان عاوز يتجوزك اوووبس
فريده تحط ايدها على بقها و تمثل الكسوف و الصدمه
فريده / انا أقصد ان زياد كان عاوزه يتجوزك كان علاطول يقول لمازن انه بيحبك و مازن كان دايما يقول لا مينفعش اوووف هو ايه للى بقوله ده .. بصى يا مرام اللى اقصده ان عمك له حق فزعله و كمان متاكده ان صفوت استغل النقطه دى عشان يزود الفجوه بين مازن و ابوه عشان كدا شجعه عليكى انا مبقولش انك وحشه انا بقول ان كان المفروض مازن صبر على ابوه و اقنعه كان حسسه ان رايه ليه اى اهميه فحياته فهمانى يا بنتى
مرام / ايوه فاهمه حضرتك
فريده / كلمى مازن خليه يكلم ابوه و يراضيه انتى مش متخيله حاله ابراهيم عامله ازاى
مرام / حاضر متقلقيش حضرتك ابدا
فريده / مش قلقانه انا هستاذن بقى عشان اسيبك ترتاحى
مرام / حضرتك لسه مشربتيش حاجه
فريده / لا حاجه ايه انا نفسى اشرب شربات فرحكوا ههههههههههههههه
فريده تبوس راس مرام و تقوم تطلع بره تلاقى مازن مستنيها
فريده / انت معاك جوهره حافظ عليها
مازن يبتسم و يروح ورا فريده يوصلها تمنعه
فريده / متسبهاش لوحدها روحلها هى محتاج
مازن يبتسم و فريده تمشى و مازن يرجع يلاقى مرام قاعده عالسرير و باصه فى الارض يروح يقعد جنبها
مرام / يااااه دا المضاد ده همدنى اوى ممكن تطفى النور عشان انام
مازن/ اكيد يا قلبى حاضر
مرام / و انت كمان روح ارتاح شويه انا مش هستحمل تقع منى
مازن / انا
مرام / عشان خاطرى يا مازن روح ارتاح
مازن / طب خلينى جنبك
مرام / مش هعرف انام و انت جنبى معلش فتره
مازن / امرى لله ماشى تصبحى على خير
مازن يبوس راس مرام و يطفى النور و يقفل الباب و يمشى
................................
فى اوضه صفوت
مازن يدخل يايد النور صفوت يقلق
صفوت / فى ايه يا مازن فى حاجه
مازن / معلش يا خالو بس محتاج اتكلم معاك ضرورى
صفوت يقوم يقعد
صفوت / فى ايه خير
مازن / طنط فريده كانت هنا و لسه ماشيه دخلت خمس دقايق لمرام خمس دقايق بس قلبتها
صفوت / يارب صبرنى عالوليه دى و سمها بقى قالتلها ايه
مازن / معرفش و مرام مقالتش و مش هتقول بس انا عارف ان فى حاجه ملامح مرام اتغيرت بتدارى بس لو انا مفهمتش مرام مين هيفهمها يا خالو
صفوت / اكيد مين فصحابك مرام بتثق فيه اوى
مازن / صافى بيتهيالى الوحيده اصلا هى متعرفش غيرها و علاقتهم ببعض كويسه جدا
صفوت / خلاص كلم صافى خليها تيجى
مازن / دى لسه مروحه يا خالو
صفوت / مش دلوقت يابنى بالليل تيجى بالليل
مازن / بس انا مش عاوز حد يدخل بنا انا عاوز مرام لما يبقى فى اى حاجه تيجى تكلمنى علاطول متسمحش لحد يوقع بنا
صفوت / ميمكن ده اللى حصل فعلا و مرام فهمت لعبه فريده و عشان كدا مكلمتكش
مازن / يمكن
صفوت / و يمكن برده متكنش فريده قالتلها حاجه برده و انت برانويد
مازن / برده ممكن
صفوت/ و يمكن تخلى عندك دم و تسبنى انام شويه عشان انا مش قادر
مازن / ايه ده يا خالو ده
صفوت / هو عشان انطردت مالجنه هتيجى تقرفنى روح نام شويه على مامرام تصحى
مازن / نفسى يا خالو والله نفسى انام نفسى احط راسى عالمخده انام زى اى حد نفسى
صفوت / مرام معاك فحضنك مفيش مخلوق هياخدها منك و انا فضهرك قلقان من ايه
مازن / مش هيسيبوها يا خالو مش هيسيبوهالى مرام نقطه ضعفى و الكل عارف
صفوت / و انت نقطه ضعفى يا مازن بس احنا التلاته سوا مفيش مخلوق هيقدر علينا متقلقش
مازن يبص لصفوت
صفوت / طول مانا عايش مفيش حاجه فالدنيا هتفرق بينك و بين مرام
مازن يبتسم
صفوت / سبنى انام بقى
مازن يهز راسه و يقوم يطفى النور و ينزل تحت و يروح ناحيه قفص حديد كبير جواه كلب ضخم و يطلعه و يلعب معاه
مازن / ههههههههههههه و انت كمان واحشنى اوى يا زعتر ... عامل ايه يا صاحبى هههههههههههههههههه عاوز تلعب تعال نلعب .... كاتش
مازن يحدف كوره بعيد الكلب يجرى يجيبها و يرجعهاله مازن ياخدها و يحدفها تانى الكلب يجيبها بسرعه
مازن / هههههههههههههههههههههه برافو يا ولد ايه الشطاره دى اخر مره بقى عشان اروح الجيم ماشى يلا كاتش
مازن يحدف الكوره الكلب يجيبها و يرجع مازن ياخدها و يحاول يدخل الكلب القفص ميرضاش يدخل
مازن / انا عارف انك مبتحبش القفص بس مرام بتخاف مالكلاب ... اصلا كلها كام يوم و نسافر و ساعتها يا سيدى هتاخد راحتك زى زمان معلش ... للدرجادى طب بص هى عيانه النهرده هسيبك تلعب براحتك لحد مهى تقوم و بعدين نتكلم اتفقنا
الكلب يبص الناحيه التانيه
مازن / ههههههههههههههه ايه شغل العيال ده انت هتتقمص و لا ايه هههههههههههه خلاص انا هعرفك عليها بس تبقى مؤدب و اياك تخوفها اخاصمك ... ماشى يا سيدى يلا كاتش
مازن يحدف الكوره بعيد و زعتر يروح يجيبها مازن يدخل الفيلا و زعتر جاى يجرى وراه مازن يقفل الباب و يطلع فوق يبص على مرام يلاقيها مدياله ضهرها و نايمه يقفل الباب تانى و يروح اوضته و يغير هدومه و ينزل الجيم
....................................
فى اوضه مرام
مرام نايمه عالسرير بتفكر
///////////////////////
مرام / مبدل التفكير دا كله متسالى مازن و خلاص ...... لا طبعا عمرى معمل كدا يقول عليا ايه ..... هيقول عليكى انتى ليه ميقول على مرات ابوه ... ميمكن بتكدب ... هى اكيد بتكدب... امال شاغله نفسك ليه ... ليه تقول كدا اصلا مستحيل دا بيحب لبنى و شبه متجوزين و بعدين هو من امتى كان بيطيئنى ... لا بس برده انتى دلوقت مراه اخوه و لازم يقبلك و يعاملك كويس و الحق يتقال يعنى دا كفايا عمره تيته ... بس متنكريش ان بصته ليكى مبتريحكيش ... الجروب كله مبيريحنيش ايه الجديد يعنى مهو انا مش زيهم عشان ارتاح وسطيهم ... اصلا انا ميهمنيش فكل ده الا مازن مدام هو معايا خلاص هقرف نفسى ليه .... بس هى ازاى تقول كدا معقول عوزانى اعمل مشاكل مع مازن او زياد عشان ابان انا الوحشه .... مهى كانت بتسخنك على مازن فى النادى و لا نسيتى ... ميمكن برده مكنتش قاصده و بيتكلموا عادى يعنى هى هتسخن لبنى على ابنها ... اووووف بقى ايه الهم لا عارفه انام و لا قادره اتحرك المضاد الزفت ده مهمدنى ... اصلا انتى الغلطانه من امتى بتستسلمى للبرد كدا قومى كدا و حركى روحك و اتنشطى و خلى الدم يجرى فعروقك كدا
////////
مرام تقوم تقعد
مرام / ااااه اما اروح ابص على مازن و لا انزل اساعد فى الغدى و لا اشوف اى حاجه عدله بدل الرقده دى و اهو ابطل تفكير اهبل شويه
مرام تروح اوضه مازن متلاقيهوش تنزل تحت تروح المطبخ تلاقى نادين و راجل كبير
مرام / السلام عليكم الله ايه الريحه الحلوه دى
الراجل / بيكاتا بالمشروم اتفضلى اتفضلى
نادين / لا بس انتى ليكى شربه لسان عصفور و فراخ مسلوقه لحد متخفى اوامر مازن بيه
مرام / كدا .. طب اساعد فى حاجه
نادين / تساعدى ايه جضرتك محتاجه راحه انتى عيانه
مرام / مش قولت امبارح بلاش حضرتك دى يا بنتى كلنا ولاد تسعه فكك مالرسميات دى بتخنقنى ممكن تناولينى المايه اشرب
نادين تجرى تملا كبايه مايه لمرام تاخدها  تشرب
مرام / مشوفتيش مازن
نادين / فى الجيم الناحيه التانيه من الهول 
مرام / تمام شكرا يا نادين عن اذنك
نادين / اتفضلى حضرتك
مرام تمشى تروح تلاقى باب تفتحه تلاقى اوضه لبس و فيها باب سوكريت عالجيم و فالجنب حمام صغير تبص مالازاز تلاقى مازن بيتمرن و كله عرق تبتسم و تقعد على كرسى تتفرج عليه و هو مش واخد باله و مندمج و حاطت الهاند فرى فودانه و عمال يتمرن
مرام / هههههههههههه لا دانا امشى بدل محسدك حاجه تقع عليك و لا تتكسر و لا حاجه
مرام تقوم و تمشى و تنسى الباب مفتوح و تروح اللفينج شويه تايد التليفزيون و تقلب متلاقيش حاجه تقوم تطلع بره و تفتح باب الجنينه و تتمشى شويه و هى بتبص للسما و تتامل جمالها و فجاه تلاقى زعتر بيتمشى عنيها توسع و تبصله ياخد باله و يبصلها مرام تحاول ترجع الفيلا بالراحه زعتر ينبح تخاف و تجرى يطلع يجرى وراها و هو عمال ينبح و هى تصرخ و فجاه ينط عليها يزقها يوقعها فى الارض و تغطى بايدها وشها و تصرخ صوت صفاره الكلب يجرى تبص تلاقى الكلب بيجرى ناحيه مازن و مازن يجرى عليها و يمسك زعتر من طوقه و يروحلها
مرام / ابعده ابعده
مازن / متخافيش دا زعتر
مرام / بلا زعتر بلا شطه ابعده
مازن / هههههههههههههههه كدا زعلتها هو ده اللى اتفقنا عليه يا وحش
مازن يعمل نفسه بيضرب زعتر بالقلم زعتر يترمى فى الارض و يعمل نفسه ميت مرام تدحك
مرام / هههههههههههههههه ايه ده
مازن / دا اعز اصحابى زعتر تعال يا زعتر سلم على مرام
مرام / لا لا خليه بعيد امسكه بقولك امسكه
مازن يمسك الكلب مالطوق
مرام / خليه بعيد لو سمحت
مازن / متخافيش يا مرام مش هيعضك
مرام / معاك حق دا هيبلعنى علاطول
مازن / ههههههههههههه دا ولا العيل الصغير بصى ... زعتر هات الكوره
زعتر يجرى يجيب الكوره مازن يحدفها بعيد زعتر يجيبها و يرجع مازن ياخدها و يجى يديها لمرام تبصلها بقرف و تهز راسها لا
مازن / متخافيش دا مطعم كل التطعيمات و متدرب كمان متخافيش منه بصى ... سلم يا زعتر
زعتر يقعد و يمد ايده يسلم على مازن
مازن / شوفتى دا عسول خالص
مرام / طب ابعده بقى خلينى ادخل جوه
مازن يبصلها و يمسك زعتر مالطوق مرام تيجى تعدى ينبح عليها تصرخ و تطلع تجرى و مازن واقف بيدحك
مازن / انا مخاصمك و لينا كلام فى اللى انت عملته بعدين عن اذنك يا وحش
مازن يدخل الفيلا يلاقى مرام قاعده فى الهول يروح يقعد جنبها
مرام / هتعيي كدا هدومك كلها عرق
مازن / انتى ايه اللى قومك مالسرير
مرام / نصيبى و قسمتى عشان اقطع الخلف على ايد سى زعتر بتاعك ده
مازن / ههههههههههههههههه انتى اللى جبانه يا جبانه
مرام تزغرله و تطلع فوق يطلع وراها
مازن / انتى عارفه لما هعرفك عليه هتحبيه اوى دا كانه عيل صغير بيحب يلعب طول الوقت و لعلمك نفسيته حساسه جدا يعنى لو شخطتى فيه بس ممكن يكتئب
مرام تقف و تبصله
مرام / انت عاوز تنقطنى هو مين اللى يكتئب لما تشخط فيه
مازن / زعتر
مرام / دا كان هيموتنى بره
مازن / انتى اللى جريتى و هو ميعرفكيش افتكرك حرامى على فكره هو كمان كلب حراسه شاطر اوى
مرام / يارب انت شايف يارب
مرام تسيبه و تمشى
مازن / يابنتى افهمى زعتر نفسيته حساسه ناحيتى لاننا صحابه لو احنا شخطنا فيه او زعقناله او عاملناه وحش ممكن يكتئب و يمنع الاكل و يموت لكن بقى لو حرامى او حد غريب زعتر هو افضل بدى جارد ممكن تقابليه فحياتك يفديكى بروحه
مرام / هاى بخاف مالكلاب باى
مازن / مانتى بتخافى مالميه يا مرام
مرام / دى حقيقه
مازن / تعرفى ان زعتر يعتبر من احسن انواع البيبى سترز برده
مرام / انت بتخاف مالاسود
مازن / اكيد
مرام / اهو زعتر ده بالنسبالى اسد ضخم
مازن / صدقينى انتى ظلماه دا طيب خالص
مرام / يا سيدى اللعب معاه و حبه ان شالله حتى تاخده فى حضنك و انت نايم لكن خليه بعيد عنى
مرام تدخل الاوضه مازن لسه هيدخل وراها ترزع الباب فوشه
مازن / تصدقى ان حلال فيكى زعتر دانا هجيبه انيمه قدام الباب
مرام تفتح الباب وتزغر لمازن و ترزع الباب تانى مازن يمسك نفسه عن الدحك بالعافيه
مازن / هتشوفى
مازن يمشى يروح اوضته و مرام تطلع البلكونه تبص على زعتر اللى عمال يمشى و يشمشم فى الجنينه تنفخ و تروح اوضه مازن و تفتح الباب و تدخل تسمع صوت الدش ترزع عالباب
مرام / انت يا استاذ انت يا بيه
صوت المايه يقف و ثوانى و مازن يطلع لابس برنص و بينشف شعره بفوطه
مازن / عيون الباشا و عيون البيه
مرام / ممكن افهم ايه اللى بتعمله ده
مازن / بنشف شعرى
مرام / دانت هتشلنى بقى
مازن / ههههههههههههههههه طب ممكن افهم حبيبى متعصب ليه
مرام / انت ازاى تدخل تستحمى و متقفلش عليك باب الاوضه بالمفتاح 
مازن / و فيها ايه يعنى
مرام / طب افرض مكنتش انا اللى دخلت افرض كانت نادين مثلا
مازن / و نادين هتدخل هنا ليه
مرام / اهو لاى سبب
مازن / نادين اخرها هتقف عالباب بره تخبط فتحت اهلا وسهلا مفتحتش هتفضل عالباب حتى لو باب الاوضه ذات نفسه كان مفتوح عالبحرى مش هتخش
مرام / ماشى
مرام تيجى تمشى يمسكها و يقربها منه 
مرام / عاوز ايه
مازن / هو ايه اللى عاوز ايه انتى سايبه اوضتك و جايه اوضتى عشان تقوليلى مقفلتش الباب ليه بالمفتاح مش يمكن كنت مستنيكى تخشى
مرام / فى ايه وسع كدا
مازن / هههههههههههههههه و ان موسعتش
مرام / بص انا عفاريت الدنيا بتتنطت قدامى و انا غشيمه و
مازن / بحبك
مرام تسكت و تبص الناحيه التانيه يحضنها 
مازن / و بموت فيكى
مرام / خلى زعتر ينفعك
مازن / و انتى هتقارنى نفسك بحته كلب
مرام / مشيه
مازن / مقدرش لو بتحبينى مش هتطلبى منى كدا
مرام تبصله يفكلها طرحه الاسدال
مازن / انا بحبه دا صاحبى
مرام / خلاص احبسه
مازن / حاضر هحبسه حاجه تانى
مرام / لا مفيش
مازن يفكلها شعرها و يلعب فيه
مرام / ايه ده انت بتعمل ايه
مازن / انتى شايفه ايه
مرام تلم شعرها و تلف الطرحه
مرام / خالو هنا افرض دخل فجاه و الباب مفتوح
مازن / على فكره انا هسحب كل كلامى مع تيته انتى مش هتروحى من هنا الفرح اول متيته ترجع اعملك الفرح اللى نفسك فيه و تيجوا تعيشوا هنا و هوضب الدور اللى فوق فاضى اعمل فيه سويت كبير ليا انا و انتى و بس عشان تاخدى راحتك لا حد يسمعنا و لا حد يزعجنا يعنى اخرك اسبوعين و تبقى بتاعتى
مرام وشها يحمر و تبص فى الارض مازن يسند دقنها و يخليها تبص فعنيه تبتسم بخجل
مازن / طب ينفع كدا يعنى تبصيلى كدا يعنى هستنى الاسبوعين ازاى انا دلوقت
مرام تسيبه و تجرى على اوضتها و هو واقف بيدحك
.................................
فى الشركه
شريف / يابنى هتخسر ايه متبطل نشوفيه دماغك دى
محمود / سبنى على راحتى يا شريف و بعدين انا كلمت مرام فى الموضوع و خلص
شريف / انت حر و اهو برده تشيل الشغل فغيابى
محمود / شغل ايه
شريف / فى ايه يا محمود صفوت بيه مبيامنش لاى حد على الحاجات المهمه و انت فوق مستوى الشبهات عشان كدا و انا مسافر هسيبلك مفتاح الخزنه الكبيره بس خد بالك ليضيع منك دا مفيش منه غير نسختين واحده معايا وواحده مع صفوت بيه و لعلمك صفوت بيه مبيفتحش الخزنه دى قدام اى حد
محمود بخبث
محمود / بس دى مسؤليه كبيره اوى يا شريف
شريف / و انت قدها دى فالاول و الاخر فلوس اختك يعنى و شركتها هى و عيالها بعد عمر طويل يعنى
محمود / والله انت فاجئتنى
شريف / عالعموم لو مش عاوز خلاص كدا كدا صفوت بيه
محمود / لا مش عاوز ايه لحسن صفوت بيه يزعل و لا ياخد عنى فكره غلط و لا حاجه
شريف بخبث
شريف / لا متقلقش انت انا هكلمه و اشرحله الوضع
محمود / لا متتعبش نفسك انت و ابقى سيب المفتاح و انا باذن الله هكون عند حسن ظنه متقلقش انت بس
شريف / مش قلقان
محمود / ايوه متقلقش خالص و عاوزك تنبسط هاه مش كل يوم بتسافر يعنى
شريف / ماشى يا حوده المفتاح اهو و الرقم السرى خمستلاف و اتناشر
محمود / بدرى كدا
شريف / اهو بدل منسى
محمود / عالبركه مفيش مشكله
شريف / هتعوز منى حاجه
محمود / لا شكرا يا شريف شكرا يا حبيبى خمستلاف و اتناشر قولتلى صح
شريف / اه صح
محمود يهز راسه و شريف مبتسم يخبط على كتفه بالراحه و يمشى و محمود يبص عالمفتاح فى ايده
......................
فى شقه نيفين
نيفين تدخل تلاقى امها قاعده تعيط
نيفين / فى ايه يا ماما بتعيطى ليه
الست / الحيوان ابن الكلب حسبى الله و نعم الوكيل
نيفين / هو مين ايه اللى حصل
الست / مفيش حاجه يا حبيبتى مفيش حاجه متشغليش بالك انتى
نيفين / لا فى بتعيطى ليه و مين الحيوان اللى كنتى بتتكلمى عنه
الست / ابو زفت بعد ممضى ابوكى على ممانعه سلط عليه ناس سرقوا شنطته بفلوسه بورقه بكل حاجه و دلوقت مستخبى عند ناس معرفه خايف للبوليس يقبض عليه
نيفين / و لو قبضوا عليه ايه اللى هيحصل اكيد هيرحلوه
الست/ انا كنت فاكره زيك كدا بس لا دا بيتحس الاول و يلففوه بقى على ميفتكروه و يرحلوه دا يومهم بسنه
نيفين / طب هو ليه كل ده ايه اللى جد ليه قلب على بابا فجاه كدا يعنى دا جزاتنا اننا فتحناله بتنا و ضيفناه ايه الوطينه دى
الست / حسبى الله و نعم الوكيل منه لله منه لله
نيفين / هتتحل ان شاء الله هتتحل
......................
فى الفيلا
مازن قاعد عالمكتب و فاتح اللاب مرام تفتح الباب و تدخل يقفل اللاب بسرعه و هو مخضوض
مرام / لقيتك اخيرا ...قافل على نفسك من الصبح بتعمل ايه ... انت مالك اتخضيت كدا ليه انت كنت بتتفرج على حاجات مش كويسه والله العظيم يا مازن تبقى بقمصه وسع
مرام تحاول تفتح اللاب مازن يمنعها
مازن / حاجات ايه انا بتاع كدا برضه اوعى
مرام / طب والله ان مفتحت اللاب وورتنى كنت بتتفرج على ايه مقعدلك فيها انت فاهم و لا لا و متخلينيش انادى خالو و اكبر الموضوع افتح اللاب ده ورينى
مازن / مش اللى فبالك ماشى اهدى بقى
مرام / طب افتح
مازن ساكت
مرام / ماشى انا ماشيه سلام
مازن يمسك ايدها تبصله يفتحلها اللاب تبص تلاقى محمود بيفتح الخزنه و عمال يفتح فى الملفات و يبص فيها
مرام / دا محمود
مازن / اه محمود
مرام / بيعمل ايه
.................