السكه شمال بقلم / لولو_محمد ( كامله )

الحلقه ٣٩

(((((((السكة شمال )))))))))))
#لولو_محمد
الحلقه التاسعه و الثلاثون
مازن يقوم يدخل البيت يلاقى مرام نازله عالسلم
مرام / ايه ده انت بتعمل ايه هنا
مازن / انتى رايحه على فين كدا
مرام / و انت مالك
مازن / احمد ؟؟ اوعى تكونى صدقتى حوار الشغل ده
مرام / ملكش فيه بقولك ايه محمود مش فوق فانا لو منك اللف و امشى
مازن / و مين قالك انى جاى لمحمود اصلا
...........................
مرام / بجد والله طب عالعموم انا كمان ماشيه عشان هتاخر عن اذنك
مازن / هو ايه الاسلوب ده طب انا هريحك انا جاى لتيته
مرام / خير
مازن / وانتى مالك روحى شوفى كنتى رايحه فين لحسن تتاخرى هو هيدفعلك كام صحيح
مرام / اللهم طولك يا روح
مازن / انا عامل عليكى
مرام / ايه هتدفعلى اكتر
مازن / مش يمكن
مرام / مليون جنيه فى الشهر
مازن / مفيش مشكله نخليهم مليون و نص حلوين
مرام تبصله باستغراب و تسيبه و تنزل يحصلها
مازن / ههههههههههه استنى بس ثانيه
مرام / ابعد من وشى عشان انا جايبه اخرى ماشى
مازن / دقيقه واحده بس
مرام / يا مازن وقفه السلم دى شكلها وحش اوى
مازن يحط العلبه عالارض
مازن / بصى يعنى لو لاقدر الله احتاجتيها لو ضربتى حد ببطن ايدك دى فمناخيره لفوق كدا هيقع فى الارض و مناخيره هتتكسر يعنى لو لاقدر الله احتاجتيها
مرام تسيبه و تمشى
مازن / براحتك
مازن ياخد العلبه و يطلع يخبط على سميحه تفتح
سميحه / مازن خير يابنى فى حاجه
مازن / ازيك يا تيته ممكن ادخل
سميحه / طبعا يابنى اتفضل
.............................
فى هايبر ماركت كبير
محمود و سعد بيرصوا كراتين
سعد / اشمعن يعنى
محمود / معرفش اصلا مش هتفرق بكره النتيجه هتبان و هنعرف البيه قبل يمرنا و لا لا
سعد / بقولك ايه يقبل و لا ميقبلش مرام هتتمرن بفلوس لكن احنا هيبقى تضيع وقت عالفاضى اخلينى فشغلى اللى بيجيب فلوس احسن
محمود / كان ممكن اقول كدا لكن دلوقت لا عاوز اتقبل عشان اكون قريب من مرام
سعد / دا على اساس انكوا هتشتغلوا فنفس المكان
محمود/ تعرف تسكت و انت كل متفتح بقك تقفلى الدنيا كدا
سعد / هههههههههههههههه ماشى يا عم اتكتمت رص رص
.........................................
فى الشركه
نسرين / احمد بيه مستنى حضرتك مالصبح
مرام / حضرتى
نسرين / الله مش انتى اول مدخلتى قولتيلى استاذه نسرين خلاص نمشيها رسمى انما بقى لو تحبى
مرام / لا احب اوى
نسرين / تعجبينى ثوانى بقى ابلغه انك جيتى
مرام / ماشى
نسرين ترفع السماعه
نسرين / احمد بيه انسه مرام هنا ... تمام
نسرين تقفل السماعه و تقوم تفتح لمرام الباب و تدخل معاها
احمد / ازيك يا مرام عملتى ايه
مرام / الحمد لله
احمد / الحمد لله بصى يا ستى اولا اوعى تفتكرى ان الشغل هنا هيبقى دلع بالعكس انا متوقع منك كتير عشان كدا هشيلك شغل بجد بس متقلقيش نسرين معاكى لو احتاجتى اى حاجه بتعرفى تتعاملى مع الاوفس و الكومبيوتر صح
مرام / ايوه
احمد / تمام نسرين من فضلك اديها ملف الاجتماع تدخله و علميها ازاى تبعت التقارير و الابدايتس للفروع
نسرين / تمام حضرتك
احمد / النهرده لعب عيال عشان انتى لسه خارجه مالامتحان متاخديش على كدا تقدروا تتفضلوا
مرام و نسرين يمشوا
....................................
في شقه سميحه
مازن/ و من يومها الحياه بقت عند ايه اللي هيزعلك هعمله ايه اللي هيفرحك مش هعمله و لا كاني ابنه و لا كانه ابويا ساعات بحس اني كل مبقيت وحش كاني بنتقم منه بس فنفس الوقت ببقي مدايق اوي علي نفسي مانا فالاول و الاخر بضر نفسي
سميحه /طب مجربتش و لو مره تتكلم معاه و لو مره فالموضوع ده
مازن / لا اصلا مفيش بيني و بينه حوارات اقل مكالمه تليفون تقلب بخناقه مجرد ميشوفني بس كانه شاف عفريت لدرجه اني مش فاكر اخر مره حتي حضنا بعض حتي لو بقالنا قد ايه مشوفناش بعض
سميحه / بس قلتلي خالك ده كويس
مازن / ده سكر لا له غيرى و لا ليا غيره بس طول الوقت قافش مع بابا بسببي الله يعينه والله علي فكره انا بتعامل معاكي علي انك تيته بجد مش عارف ازاي خدت عليكي كدا و يارب مكونش متقل عليكوا اوي
سميحه / لا مانتش متقل و لا حاجه خد راحتك اعتبر البيت بيتك
مازن / ربنا يعزك يارب الا قوليلي يا تيته انتي نفسك فايه ناقصك حاجه
سميحه / لا يبني تسلم و تعيش الحمد لله مش ناقصنا حاجه
مازن / انا المره اللي فاتت اتصرفت بحسن نيه بس كنت غلطان يمكن عشان انا فكرتى عنكوا كانت غلط بس والله مكنت اقصد حاجه وحشه زي ممرام مفهمت
سميحه / اللي فات مات
مازن / انا بسالك لاني نفسي اشوفك مبسوطه
سميحه / طب مانا مبسوطه يابني
مازن / يعني مفيش اي حاجه اقدر اعملهالك
سميحه / لا في
مازن / ايه
سميحه / خد بالك من نفسك و من حياتك و مستقبلك شوف شغلك و دراستك و زي مقولت انت مبتاذيش غير نفسك انجح مش عشان هو عاوز ده لا عشان انت تستاهل ده
مازن / طب مانا
سميحه / بص يا مازن انا عارفه ان الشباب فسنك بيبقوا طايشين و السكينه سرقاهم بس انا خسرت ابني و هو فسنك كدا كان سبيح ابن سبيح و شطارته غرته بس البحر ملوش كبير يابني زي الدنيا بالظبط علي قد مهتديك علي قد مهتاخد
مازن / الله يرحمه
سميحه / الله يرح
مه مازن / تيته منفسكيش تحجى او تعملي عمره حتي
سميحه / ايه هتطلعني احج
مازن / لو عملت كدا هتعملي زي المجانين عيالك بيتنطت بفلوسه و كدا
سميحه / لا مش هعملها و هطلع و هدعيلك بس بشرط
مازن / ايه هو
سميحه / انك تطلعني من فلوسك انت فلوس جبتها من عرقك و شقاك مش واخدها من اهلك
مازن / انا عندي فلوس بتاعتي مش واخدها
سميحه / كلامي واضح يا مازن لما تشتغل و تتعب في الفلوس ابقي تعال طلعني احج
مازن / ماشي يا تيته هشتغل
سميحه / انت مبتاكلش مالكيكه ليه دي مرام اللي عملاها
مازن /اخاف تسمني هي بتكرهني كدا ليه
سميحه / هههههههه و هي يعني كانت عارفه انك جاي و هي بتعملها و اصلا هي مبتكرهكش مرام عمرها مكرهت حد هي بس ناشفه شويه و مبيعجبهاش الحال المايل و انت متزعلش مني انت زى ابني مازن / هههههههههههههههه ماشي ماشي
سميحه / قولي بقي هتعمل ايه فالاجازه
مازن / خطوبه اختي الاسبوع الجاي فهسافر دبي عشان احضرها وربنا يستر بقي من بابا هناك و بعدين هتفسح شويه اغير جو لحد مالترم التاني يبدا
سميحه / ربنا يتملها علي خير تليفون مازن يرن يبص فيه
مازن / انا لازم امشي بقي هستاذنك
سميحه / نورتني
مازن / تيته معلش هو انا ممكن اكررها اجي اقعد اشرب معاكي شاي تيته بجد لو مدايقك او متطفل
سميحه / تنور يابني
مازن / عن اذنك مازن يمشي و هو مبسوط
...............
في الشركه
احمد / ايه الاخبار يا نسرين
نسرين / كلو تمام يا احمد بيه
احمد / تمام لما تخلصي الملف اللي فايدك حصليني عالمكتب يا مرام
مرام / حاضر
احمد يدخل جوه
نسرين / علي فكره مش اي حد بيشتغل فالشركه هنا
مرام / ان شاء الله اكون عند حسن ظنكوا هو انتى شغاله هنا من زمان
نسرين / فالمكتب هنا مش كتير بس انا الاول كنت بشتغل علاقات عامه
مرام / انا عن نفسي عمري مفكرت اصلا اني اشتغل في شركه انا طموحي دايما كان انى افتح البزنس الخاص بيا
نسرين / كنتي هتفشلي
مرام / ليه بتقولي كدا
نسرين / عشان اهم قاعده للنجاح في البلد دي الكونكشنز العلاقات يا مرام هي اللي بتسهل الصعب بتفتح الابواب المتقفله الروتين فمصر ممكن يكون قاتل لو متعرفيش الشخص المناسب اللي يخلصلك امورك
مرام / فهمت
نسرين / بس انتي دلوقت علي اول الطريق الصح للنجاح احمد بيه معارفه كتير جدا جوه و بره و عمره ميتاخر فحاجه عن حبايبه بس خدي بالك زعله وحش اوي
مرام / و انا ازعله ليه ربنا ميجيب زعل ابدا
نسرين/ فمره كان في موظف هنا فالشركه بيسرب معلومات الصفقات لشركه منافسه تعرفي احمد بيه كان ممكن يحبسه بمكالمه تليفون بس هو معملش كدا دا بيعه اللي وراه و اللي قدامه و خلاه عبره لاي حد يفكر يقلده او يكسرله كلمه قومى يلا شوفى كان عاوزك فى ايه
مرام/ حاضر
مرام تقوم تدخل جوه
.............................
فى الشارع عند مرام
مازن ينزل مالبيت يروح لمجدى
مازن / ها يا توفيق اخبار العربيه ايه
توفيق / كلو تمام يا باشا
مازن يطلع فلوس
توفيق / لا يا باشا عيب
مازن / خد يا توفيق دا حقك و انا عمرى ماجى على صاحب حق
توفيق / صادق يا باشا
مجدى / خد منه يا توفيق متكسفش ايد الباشا
مازن / شريف هيكلمك يا مجدى يبعتلك العنوان اللى تروحله ارفع راسى
مجدى / رقبتى يا باشا
مازن / مع السلامه
مازن يمشى
توفيق / كان بيعمل ايه فوق الجدع ده طول الوقت ده
مجدى / و انت شاغل نفسك ليه
توفيق / لا بس اصل محمود مش موجود و البيت كلو حريم و احنا مش على اخر الزمن هنركب ارايل يعنى
مجدى / اللى تهمك فيهم مكنتش موجوده فانزل من على ودانى و لا انت ليك شوق فحاجه
توفيق / لا يا ابن امى مليش هو اصلا حواره جاب اخره على كدا
..................................
فى عربيه مازن
مازن / ايوه يا ماهى والله جاى فالطريق
ماهى / انت اتاخرت اوى
مازن / العربيه عطلت منى و كنت عند الميكانيكى
ماهى / عربيه ايه اللى عطلت عربيتك تعطل
مازن / هههههههههههههههه ايه يعنى المشكله
ماهى / لا بس مستغربه
مازن / هتلاقى حد ابن حرام لعب فيها مانتى عارفه حبايبى كتير
ماهى / انا مستنياك فالبيت
مازن / عارف و انا فالطريق جايلك اهو
ماهى / طب بسرعه بقى
مازن / والله طاير اهو اعمل ايه تانى عيل صغير يجرى من ايد مامته مازن يحاول يفرمل مفيش فرامل يشد الهاند و يلف الدريكسيون يفادى الولد و يطلع عالرصيف يخبط فشجره
.................................
فى الشركه عند احمد
احمد بيتكلم فى التليفون
احمد / بجد طب تمام اوى ... لا ... مفيش مشكله خلاص ... ماشى
احمد يقفل
احمد / انا عارف انك تعبانه عشان كدا مش هتقل عليكى النهرده و كفايا اوى لحد كدا
مرام / ايوه بس انا
احمد / و على فكره نسرين شكرت فيكى اوى و دا على غير عادتها خالص و دا معناه انك فوق الممتازه
مرام تبتسم
احمد / بصى يا مرام فى بكره اجتماع مهم جدا مع وفد كويتى و انا عاوزك تحضرى
مرام / انا ؟؟؟
احمد / الموضوع ده هيفيدك جدا الشغل مش شويه ورق بتدخليه عالكومبيوتر الشغل صفقات هات و خد و الشاطر هو اللى ياخد كتير و يدى قليل و ده بقى اللى هخليكى تشوفيه بعينك بكره فى الميتنج ده
مرام / تمام اوك
احمد / عربيه الشركه مستنياكى تحت هتوصلك لحد باب البيت شوفتى بقى انا قد كلمتى ازاى
مرام / ميرسى اوى بس معلش انا عارفه انه اول يوم بس كنت عاوزه اسال فحاجه
احمد / طبعا اتفضلى
مرام / هو انا لما مليت الاستماره كان فى اتنين كمان ملوها معايا هما شاطرين اوى فلو يعنى كان ممكن اعرف هما اتقبلوا و لا لا
احمد / هههههههههههههههههه من اول يوم و بتتوسطى لا بجد فظيعه
مرام تبص فى الارض
احمد / بهزر معاكى على فكره
احمد يديها ورقه
احمد / اكتبيلى اساميهم و اوعدك ان الايميلات هتوصلهم النهرده بالكتير
مرام / شكرا اوى
احمد / انتى تؤمرى يا مرام
مرام / عن اذن حضرتك
مرام تمشى تليفون احمد يرن
احمد / الو ... امتى حصل الكلام ده ... فين ... تمام سلام
احمد يقوم بسرعه يطلع بره يلاقى مرام بتلم حاجتها
احمد / مرام تعالى فى مشوار مهم عاوزك تيجى معايا فيه
مرام / مشوار ايه ده
احمد / هقولك فى السكه
مرام / تمام اتفضل
احمد و مرام يمشوا
........................................
في العربيه
مرام / لا اله الا الله امتي حصل ده
احمد / لسه مكلميني دلوقت و مبلغيني انا واخدك معايا عشان عارف انه زميلك في الكليه و اكيد هتعوزي تعمل الواجب
مرام / طب هو كويس
احمد / ثواني هجيب ورد مالمحل ده و اجي حالا
احمد يركن العربيه و ينزل تليفون مرام يرن
مرام / الو ايوه يا تيته ازيك
سميحه / ايوه يا مرام ايه يا بنتي اتاخرتي ليه كدا
مرام /كنت مروحه بس احمد بيه قالي ان مازن عمل حادثه بالعربيه ورايحين نشوفه فالمستشفي
سميحه / لا اله الا الله حادثه ايه
محمود يخطف الموبايل من سماح
محمود / حادثه ايه يا مرام انتي كويسه انتي فين
مرام / انا كويسه يا محمود مش انا اللي عملت الحادثه دا مازن
محمود / مازن !!! و انتي مالك و مال مازن
مرام / مليش يابني هو عمل حادثه و هروح ازوره انا و احمد بيه
محمود / ميولع يعني هو كان من باقي عيلتنا اما انتي غريبه اوي
مرام / عيب كدا يا محمود دا زياره المريض واجب يا اخي
محمود / طب مستشفي ايه ياختي لما اعمل الواجب انا كمان
مرام / معرفش لما اعرف هقولك
محمود / والله طيب خدي تيته بقي
سميحه / لما توصلي طمنيني ماشي و انا كل شويه هكلمك
مرام / ماشي يلا سلام
احمد يفتح الباب اللي ورا و يحط بوكيه ورد و يروح يركب و يدي مرام ورده تبصلها
احمد / اتفضلي ... ايه مبتحبيش الورد و لا ايه
مرام تاخدها
مرام / لا حلوه اوي ميرسي
احمد يسوق و مرام ماسكه الورده فايدها بتبصلها و تبصله و تبص قدام
.....................
في المستشفي
مازن نايم عالسرير دماغه مربوطه و دراعه مربوط و جنبه عالسرير قاعده ماهي و قاعد زياد و انس و لبني
ماهي / الف سلامه عليك يا حبيبي
مازن يبتسم
زياد / الظابط قال معموله بفعل فاعل
مازن / و انا عارف مين بس اقومله متقلقش
شريف يدخل
شريف / الف سلامه عليك ايه اللي حصل
مازن / انا كويس متقلقش اقعد
ماهي / حد قطع لمازن الفرامل كانوا عاوزين يقتلوه
شريف / ايه الكلام ده
مازن / خالو عرف
شريف / صفوت بيه مش فمصر بس اول معرفت بلغته و هو جاي فالطريق
لبني / و انا بلغت طنط فريده و هي اكيد هتبلغ مونيكا و اونكل مجدي
مازن / ليه يا لبني مش مستاهله يعني
لبني / ازاي يعني يا مازن
باب الاوضه يتفتح و مرام تدخل فوسط زهول الجميع و يدخل وراها احمد شايل الورد و تبادل نظرات من الجميع
مرام / سلامتك انت كويس
احمد / ايه يابني ايه اللي حصل ده
مازن / انا كويس الحمد لله مفيش كسور و لا حاجه شويه كدمات
احمد / اه طب كويس انا اصلي اتخضيت عليك اوي
مازن / لا متتخضش عمر الشقي بقي
احمد / و انت مفيش فشقاوتك يا ميزو ههههههههههه
لبني / ازيك يا مرام
مرام / الحمد لله ازيك انتي
لبني / بصراحه متفاجاه اني شوفتك هنا
احمد / كانت معايا اول مجاني الخبر المشؤم ده و صممت انها تيجي معايا انتوا بردوا زمايل ايه ده زياد انت هنا تخيل مشوفتكش
تليفون مرام يرن
مرام / عن اذنكوا ثواني
مرام تطلع بره
مازن / هتلاقي اهلها قلقوا انها اتاخرت معلش يا شريف وصلها
لبني تفتح الباب و تطلع
احمد / لا متتعبش نفسك يا شريف انا هبقي اوصلها و بعدين يقلقوا عليها و هي معايا برده انا هوصلها و متقلقش انت بس هاخد بالي منها كويس
احمد يوطي علي مازن مازن يمسكه و يشده عليه
مازن/ ورحمه امي لو لمست منها شعره
احمد يفك نفسه
احمد / تقوملنا بالسلامه يا مازن يا حبيبي و الحمد لله اني اطمنت عليك خد بالك كدا من نفسك عشان ترجع تقف علي رجليك بسرعه تاني طب يا جماعه سعيد اني شوفتكوا بس زي ممازن قال اكيد اهل مرام قلقانين عليها الوقت اتاخر همشي انا بقي عشان اوصلها سلام يا زياد سلام يا شريف سلام يا قمر
احمد يمشي و مازن عينه عليه
....................