السكه شمال بقلم / لولو_محمد ( كامله )

الحلقه ١٨٨

(((((((السكة شمال ))))))))))
#لولو_محمد
الحلقه 188
مازن / خير ان شاء الله تصدق اتوترت
شريف / هههههههههههههههههه امال انا اعمل ايه
مازن / الله يعينك بس ان شاء الله خير يعنى
شريف / باذن الله
تليفون شريف يرن مازن و شريف يتوتروا زياده و يقفوا و شريف يرد
شريف / الو ... ازيك طمنينى
صافى / انا كلمت مامى
شريف / و قالتلك ايه
صافى / انا مش عارفه اقولك ايه بس انت عارف ان كل شئ قسمه و نصيب صح
.............................
شريف ملامحه تتغير مازن يحط ايده على كتفه و شريف يبصله بحزن
صافى / و احنا قسمتنا سوا مامى وافقت
صوت صريخ فى التليفون
شريف / يا جزمه يا جزمه يا جزمه وقعتى قلبى يا جزمه يا جزمه
صافى / هههههههههههههههههههه
شريف / حقك تدحكى طبعا حقك ماشى
صافى / انتوا فين دلوقت
شريف / فى الشركه
صافى / تمام خلصوا اى كان اللى بتعملوه دلوقت على منجيلكوا عشان نخرج نحتفل كلنا سوا
شريف / تمام انا مستنيكوا سلام
صافى / سلام
مازن / الف مبروك يا شيكو الف الف مبروك
شريف / حبيبى يا مازن
مازن و شريف يحضنوا بعض
شريف / صحيح انت مدتنيش الفاتوره بتاعه امبارح
مازن / متبطل رخامه بقى
شريف / مازن
مازن / يبنى خلاص والله اعتبرهم نقطتك
شريف / بجد بقى متخلينيش اندم انى طلبت منك 
مازن / لا متندمش بس بجد المرادى عليا
شريف / بص انا معايا دلوقت و خليك فى حاجه تقيله بجد لما هبقى محتاج هقولك
مازن / لا لما تحتاج متقوليش عشان انا مش هبقى فاضى و بطل تخلف بقى متقفلنيش منك بجد دى هديه صغيره اصلا مش حاجه
شريف / كدا ماشى يا مازن
مازن / ايه ماشى يا مازن دى بتهددنى يعنى و لا ايه
شريف / لا مبهددكش و لا حاجه انا بقولك ماشى
مازن / هتعمل ايه
شريف / ولا حاجه
مازن / طيب
شريف يبص فى اللاب و مازن قاعد مقلق
............................
فى كافيه
سعيد / دى طلعت شمال بقي على كدا و ازاى امك توافق تدخل الاشكال دى بتكوا انا ليا كلام مع اخوكى
اسراء / اخويا ايه اوعى تقولهم انى قولتلك حاجه
سعيد / دا على اساس انى بتكلم معاكى و لا حتى ليا علاقه بيكى انا هعرف ادخله منين
اسراء / بس والله هى شكلها غلبانه خالص
سعيد / عشان انتى قلبك ابيض يا حبيبتى و نضيفه مهى دى الطريقه اللى وقعت بيها اخوكى انما ديل الكلب عمره ميتعدل ابدا
اسراء / مش عارفه والله يا سعيد بس ما يمكن فعلا اتغيرت هى اصلا ظروفها صعبه اوى
سعيد / مكلهم بيقولوا كدا بقولك ايه البت دى لا تكلميها و لا تتعاملى معاها
اسراء / ازاى و هى معايا فنفس الاوضه
سعيد / مش شغلى اعملى معاها اى حوار و اتخانقوا المهم تسيبيلها ام الاوضه دى و تروحى تنامى جنب امك
اسراء / و هتكلم معاك ازاى و انا جنب ماما
سعيد / فتره و هتعدى يا اسراء لحد مشوفلى صرفه مع اخوكى و نغورها فى اى داهيه لكن انتى و هى فمكان واحد دا شئ مقبلوش اللى زى دى خطر يا عالم بتصورك و انتى نايمه و لا بتعمل ايه
اسراء / انت بتقول ايه
سعيد / يا بنتى اسمعى الكلام الشمال دول سككهم كلها قرف و انا خايف عليكى
اسراء / انا مش عارفه اقول ايه بصراحه انت قلقتنى
سعيد / انا نصحتك و اللى عليا عملته قومى يلا اما اروحك عشان متتاخريش عن كدا و امك تفتحلك تحقيق
اسراء / ماشى يلا 
..........................
فى الشركه
فى الريسيبشن
مرام و البنات يدخلوا يقابلوا محمود خارج
محمود / الله انتوا بتعملوا ايه هنا
مرام / مامه صافى وافقت فرايحين نحتفل
محمود / الف مبروك يا صافى فرحتلك بجد
صافى / ميرسى متيجى معانا
محمود / مره تانيه واعد مروه اخدها و نتعشى بره
مرام / الله يسهلوا بقى ايوه ليك حق
محمود / قرى بقى عالفسحه اليتيمه خلينا نعيش يومين قبل لخمه الامتحانات
مرام / لا ناصح صح
سعد يدخل
سعد / الحمد لله انى لحقتك .. ازيك يا مرام شوفتى الندل مزوغ منغير ما يقولى عشان يهرب مالتوصيله
محمود / يا عم هو فى حد بيعرف يزوغ منك
سعد / دا بعينك
شريف و مازن يدخلوا
شريف / اهلا اهلا
صافى / اهلا اهلا
مازن / اتارى الشركه نورت
محمود / طب انا هخلع بقى جاى و لا ايه
مازن / متيجى معانا يا حوده هنروح نتعشى بره و نظبط الاداء يعنى احتفال عالديق كدا بخطوبه شريف
شريف / لا يا عم سيب محمود فى حاله عازم الجو و مش عاوز عوازل و لا ايه يا حوده
مرام / متجيبها و تيجى بجد يا محمود
محمود / مره تانيه بجد خليكى خفيفه
شريف / مش قولتلك
مازن / و احنا بقى عوازلك يا شيكو و لا ايه النظام
شريف / دانت حبيبى يابو الموازين
مازن / اه بحسب طب مش يلا و لا ايه
شريف / يلا يا جماعه انا جعان اقسم بالله تيجى يا سعد
سعد / تسلم يا شيكو مره تانيه ان شاء الله
شريف / تمام يلا سلام
...........................
فى شقه على
جرس الباب يضرب نورا تروح تفتح تلاقي سعيد
سعيد / مساء الخير
نورا / مساء النور ثوانى
نورا تدخل جوه و سعيد يبص يمين و شمال و يدخل يلاقي كريم فوشه خارج من جوه و نورا بتدخل اوضتها و تقفل الباب
سعيد / بقولك تخرج
كريم / جايلى مخصوص تقولى نخرج
سعيد / رصيدى خلص و كنت هنزل اشحن قولت مدام كدا كدا نازل نخرج بقي
كريم / طب اقعد اما اغير
سعيد / متتاخرش اى حاجه كدا فالسريع
كريم / تمام
كريم يدخل يوارب باب اوضه اسراء ثوانى و يكلمهم و يقفل الباب و يدخل اوضته و سعيد واقف متابع و بعدين يروح يقعد
.............
فى عربيه محمود
سعد / يعنى دول اخوات شريف
محمود / هو انت اول مره تشوفهم دول حضروا كتب الكتاب و الاطعام الاخرانى
سعد / يا عم انا كنت وسط الرجاله بس مش شبهه يعنى
محمود / مركزتش
سعد / هو الكبير صح
محمود / اه
سعد / متعرفش اللى كانت لابسه ازرق كام سنه
محمود / الله
سعد / جرا ايه يا عم سؤال بريئ يعنى من باب العلم بالشئ
محمود / بص يا سعودتى انا مبعرفهمش من بعض انا حتى معرفش اساميهم انا عارفهم بالشبه كدا دا غير انى عارف ان مرام و صافى خرجوا مع اخوات شريف فلما شوفتهم خمنت ان دول اخوات شريف
سعد / خلاص يا عم عرفت انك متعرفش
محمود / لا بس واضح انك ركزت و حددت هدفك
سعد / انت هتلبسنى فالحيط ليه يا عم مكنش سؤال ده
محمود / ولا كانك سالته حلو كدا
سعد / حلو
سعد يبص قدامه و محمود مبتسم
...............
فى اوضه اسراء
اسراء قاعده عالسرير بتبص لنورا
اسراء / هو انتى اتعرفتى على ابيه ازاى
نورا تقفل الكتاب اللى فى ايدها و تبصلها و تبتسم
نورا / كان بيجى كتير الكافيه اللى كنت بشتغل فيه
اسراء / اه و حبيتوا بعض بقى من هناك صح
نورا / يعنى تقدرى تقولى كدا
اسراء / هو انتى و سعيد اتكلمتوا فى ايه لما انا نزلت
نورا / و لا حاجه
اسراء / خالص
نورا / هنتكلم فى ايه يعنى انا و هو منعرفش بعض عشان يبقى فى بنا حوار
اسراء / اه طيب
نورا / اسراء هو انتى بتحبى سعيد ده من زمان
اسراء / لا من قريب بس هو بيحبنى من زمان و كان خايف يقولى
نورا / و ايه اللى جراءه
اسراء / انى كبرت و بقيت فى كليه و فهمت يعنى ايه حب و كدا يعنى
نورا / اه هو سعيد مع اخوكى فى الكليه صح
اسراء / اه بس هو الكليه بالنسباله شهاده و خلاص هو اصلا بيشتغل مع باباه اصل باباه عنده محل قماش كبير اوى فى السوق و معندوش غيره جابه بعد شوقه عشان كدا مدلعه حبتين
نورا / بعد شوقه مع ان مامته شكلها مش كبير اوى يعنى
اسراء / ما دى مش مامته دى مراه باباه بس هى بتحبه اوى و مبتخلفش عشان كدا بيقولولها ام سعيد عشان هى اللى ربته لما مامته ماتت و كدا و كمان عشان هى متحسش انها مبتخلفش هو ابوه اللى عمل كدا
نورا / هما جرانكوا من زمان
اسراء / من يجى خمس ست سنين كدا بس انتى بتسالى عنه كتير ليه
نورا / ردى مش هيعجبك
اسراء / يبقى مش عاوزه اسمعه عشان انا عارفه هتقولى ايه
نورا / طب هقول ايه
اسراء / هتقولى انه مش مناسب ليا و انه مبيحبنيش و انى المفروض اقول لماما و الكلام ده
نورا / و عرفتى منين انى هقول كدا
اسراء / عشان انا مش عيله صغيره و فهماكى كويس
نورا / ماشى
اسراء / هو ايه اللى ماشى
نورا / انا هنام هتعوزى حاجه
اسراء / لا شكرا
نورا تقفل الكتاب و تنام على جنبها و تدى اسراء ضهرها
.........................
فى شقه مرام
مازن قافل عليه الخن
مرام / ههههههههههههههه انت كمان هتشتكى متسيبهم يحبوا فى بعض على الاقل انت قاعد على كرسى انا كنت واقفه امبارح على رجلى فى المطبخ
مازن / الحمد لله
مرام / مفتكرش انى فرحتلنا احنا شخصيا كدا
مازن / انتى مكنتيش فرحانه اصلا
مرام / لا كنت و كنت فرحانه اوى كمان
مازن / بس حارسه القلعه كانت بتبين غير كدا صح
مرام / لا وقتها كنت خايفه و بصراحه كان ليا حق انت بلطجى اوى
مازن / ههههههههههههههه لسه برده
مرام / ايوه
مازن / طب تعرفى ان انتى اللى بلطجيه مسجله خطر كمان
مرام / ليه بقى ان شاء الله عملتلك ايه
مازن / ثبتينى من اول نظره و سرقتى قلبى من اول دحكه
مرام / قلبى يا ناس
مازن / ههههههههههههههه تعرفى ان مفيش حد مسالنيش اشمعن مرام من كل البنات اللى عرفتهم و هما كتير اوى اشمعن مرام اللى حبتها
مرام / اشمعن مرام
مازن / عشان اللى لف زيي مش بينقى غير احسن حاجه مش هتملى عينه غير حاجه محصلتش واحده فقوتها تهد جبال و فضعفها ارق مالبسكوته متبقاش عارف انت بتحميها و لا بتتحامى فيها واحده مع ان جمالها يحرك الحجر اقلب الدنيا لو حد بصلها مبملش منك و كل زكرى معاكى فاكرها  واحده كل مبقرب منها بشتاقلها اكتر
مرام / كل ده
مازن / كل ده و لا حاجه كل ده ميوصفش بحس ايه ناحيتك و معاكى و جنبك انا باصص لصورك اللى مغطيه الجدار سبحان من صورك
مازن يقوم يحط ايده على الصوره شعر مرام
مازن / ازاى عملتى فيا كدا
مرام / عملت ايه
مازن / مش عارف انتى عملتى فيا ايه
مرام / حبيتك
مازن / لا انا حبيتك الاول
مرام / لا انا الاول بس كنت بكابر تصدقني لو قولتلك انى من قبل معرف انت مين او اى حاجه لما كنت بشوفك صدفه او اللمحك في الكليه وصدقني دى مكنتش حاجه صعبه ابدا
مازن / اشمعن
مرام / ههههههههههههههههههههه عادى لما تلاقي خناقه زحمه ربكه دحك و سخسخه مياصه و قله ادب فمفيش اى احتمال تانى غير انك في النص
مازن / ههههههههههههههههههه المهم كنتى بتعملى ايه لما بتلمحيني غير انك تجيبيني من فوق لتحت بمنتهى الاحتكار
مرام / كنت بدعيلك بالهدايه و لعلمك نظرتى دى كانت محاوله يائسه منى انى اقولك انت ليه بتعمل كدا
مازن / عشان كدا لما كانت بتجيلك فرصه تعامليني حلو ...
مرام / مكنتش بتردد ثانيه انى اعاملك حلو و منكرش انك كتير كنت بتدحكنى بالافيهات اللى كنت بترميها
في المحاضره و  السيكش على سيره المحاضره و السيكشن احب اقولك ادى دقنى لو عرفنا نصحى الصبح نحضر
مازن / مش انتى اللى كل شويه تقوليلى سيبهم يا مازن ما صدقنا يا مازن متبقاش عزول يا مازن
مرام / هههههههههههههههه الحق عليا يا مازن
مازن / لا يا ستى كتر الف خيرك بس على كل كفايا كدا فعلا و خشى نامى و انا هقوم انام انا كمان لو عاوز يكمل حب يروح يحب فى الليفينج
مرام / هههههههههههههههه شرير
مازن / جدا
مرام / هههههههههههههه تصبح على خير
مازن / و انت من اهله سلام
مازن يقفل التليفون و يروح الاوضه يلاقى شريف نايم فى نص السرير يحط ايده فى وسطه و يدالجه و ينام جنبه
…………………….
فى شقه على
نورا بتكلم على فيديو كول فى الصاله
على / بس انتى شكلك مش مظبوط
نورا / منمتش كويس بس
على / طب اخبار الكليه ايه
نورا / الحمد لله المنهج مش اول مره ادرسه فمش محتاجه حد يشرحلى و ماشيه
على / لو احتجتى اى حاجه
نورا / متقلقش عليا انا هعرف اتصرف
على / بصراحه قلقان
نورا / ليه
على / من ساعه مرجعت و انا مش عارف اللى عملته كان صح و لا لا ساعات بحس انى رميتك فى البحر و سبتك لوحدك
نورا / متقلقش انا بعرف اعوم كويس
على / عارف و مؤمن جدا انك قويه
نورا / تعرف يا على انت اول واحد يشوفنى كدا
على / قويه اول واحد يشوفك قويه
نورا / ايوه و اول واحد يثق انى اقدر انجح خصوصا فى حاجه فشلت فيها اكتر من مليون مره
على / مدا مبرر قوى للنجاح ان اكيد مفيش حد عنده كميه التجارب و الخبره دى قدك
نورا / ياريت كل الناس كانت زيك
على / كانت خربت هههههههههههه
نورا / بالعكس كانت اتصلح حالها
على / فى حد عندك دايقك ماما اخويا اختى حد من الجيران اى حد دايقك
نورا / لا
على / للدرجادى بيعاملوكى وحش
نورا / ايه اللى اوحالك بكدا بالعكس دول بيعاملونى احسن من اهلى
على / اديهم وقت لما هيعرفوكى زى معرفتك ساعتها هيشوفوكى على حقيقتك و سامحيني
نورا / على ايه انك كنت راجل معايا
على / كان ممكن استر عليكي كان وضعك هيبقي اسهل كتير وسطيهم لو مكانوش عارفين
نورا / انا عمرى مكنت هقبل انك تخدع اهلك
على / مكنش هيفرق معاهم 
نورا / هما بيعاملونى كويس صدقني مامتك ست عظيمه و اخواتك ربنا يباركلك فيهم الاتنين احسن من بعض
على / اسراء عامله معاكى ايه
نورا / كويسه
على / بتعمل ايه
نورا / مبتعملش حاجه
على / متخبيش عليا انا فاهمك اسراء بتعمل ايه
اسراء تطلع من جوه تشد الموبايل من ايد نورا و تدخل الاوضه تانى
اسراء / ايه ده بتكلمى ابيه ...ازيك
على / ازيك يا سوسكتى اخبارك
اسراء / تمام واحشنى اوى انت عامل ايه
على / تمام
اسراء / انا مخصماك/
على / ليه بس
اسراء / انت بتكلم نورا و انا لا كدا هغير منها
على/ لا ابوس ايدك هبقي اكلمك انتى بعد كدا
اسراء / وعد
على / وعد .. امال فين نورا
اسراء / بره ايه لحقت تزهق منى خلاص ان مكنش الكلام مع نورا متتكلمش
على / والله ابدا انا كنت هقفل فقولت اسلم عليها
اسراء تعمل نفسها بتبص تلاقي نورا بره يبصوا لبعض
اسراء / شكلها دخلت الحمام هبقي اسلملك عليها
على / يبقي كتر خيرك هتعوزى اى حاجه
اسراء / ربنا يخليك لينا
على / مع السلامه
اسراء / سلام
اسراء تقفل و تحدف الموبايل عالكنبه جنب نورا
اسراء / العيب مش عليكي العيب عليا انا انى صدقت ان واحده شمال زيك ممكن تتغير
نورا / ربنا يسامحك انا مكنتش هقوله حاجه مع ان ضميرى بيوجعنى انى شيفاكى ماشيه في السكه دى و مش بمنعك
اسراء / انتى هتمثلى عليا فوقى لنفسك انا فهماكى كويس اوى انتى رسمتى على ابيه الوش البريئ ده و دلوقت جايه توقعى بنا انا الاول شويه ابيه كريم بيعاكسك شويه ماما بتهينك وواحده واحده تسحبيه مننا لسكتك الشمال
نورا / ربنا وحده
اسراء / متجيبيش سيره ربنا على لسانك هو اللى زيك تعرف ربنا دانتى لا حجاب و لا صلاه و ما خفى كان اعظم
نورا / شكرا
اسراء / ظلماكى انا
نورا تبصلها و تسكت
اسراء / دا اخر تحزير ليكى حافظى عالبيت ده بدل مترجعى كلبه شوارع زى مكنتى
...............................