السكه شمال بقلم / لولو_محمد ( كامله )

الجزء الواحد و العشرون

(((((((((((السكة شمال ))))))))))
#لولو_محمد
الحلقه الواحد و العشرون
اسعد / اهو حاجه الواحد بينفخ فيها همه
محمود / و انت ايه همك يا معلم
اسعد / البنات و خلفه البنات الواحد لو كان بس عنده حته واد يتسند عليه مش كان هتبقى حياته اريح
محمود / تسمع منى يا حج
اسعد / قول يابو الاساتيذ
محمود / هههههههههههههههه البت فى الزمن ده مش محتاجه راجل تتسند عليه البت دلوقت هى اللى بتسند ابوها و اخوها و عيلتها كلها عندك تيفا مثلا اكيد ابوه لما خلفه كان فرحان بيه و كان فاكر انه هيسنده
..........................
اسعد / والله بقول لنفسى الكلمتين دول كل يوم
محمود / يا حج بكره بناتك دول يتجوزوا رجاله زى الفل و يبقى عندك ولاد يسندوك برده
اسعد / اسكت متفكرنيش البت مروه كل يوم و التانى يجيها عريس يحرق الدم و يسد النفس كلهم طمعانين الا مفيهم واحد حتى يملا العين
محمود / عرسان ايه يا معلم دى لسه صغيره 
اسعد / صغيره ايه يا حوده انا متجوز امها و هى قدها البت فى اولى ثانوى
محمود / لسه قدامها تلت سنين ثانوي و اربعه جامعه عالاقل يعنى سبع سنين عالاقل لحد متفكر فى الجواز
اسعد / انت هتعمل زى امها يابنى البت فالاول و الاخر ملهاش غير بيت جوزها هو بقى عاوزها تكمل علام دى حاجه ترجعله
محمود / و هى عاوزه ايه مش مهم ؟؟؟
اسعد /  انا خايف عليها بنات اليومين دول بيجروا بعض للمفسده و العيال مبتعتقش و اديك كل يوم تصحى على خبر يسد النفس
محمود / والله يا معلم كلو فالاول و الاخر مالتربيه و مروه متربيه و بنت اصول ميتخافش عليها
اسعد / مش ده صاحبك جه سال عليك مره قبل كدا
محمود يبص يلاقى مازن بيدخل البيت
محمود / اه عن اذنك يا حج اشوفه
اسعد / اذنك معاك
..................................
فى شقه محمود
مرام / اتنين كيلو محشى ورق عنب عالسوا و نص كيلو شاورما هروح اطلع الحاجه مالفريزر
مرام تفتح الباب تلاقى مازن فوشها ترزع الباب تانى و تنفخ و تسمع صوت دحكه بره
مديحه / فى ايه يا بت شوفتى عفريت
مرام / حاجه زى كدا
مرام تحط الطرحه على راسها و تفتح
مازن / اقسم بالله انتى لو قاصده تخلينى اشوف شعرك مش هتعملى كدا
مرام / انت ايه اللى جابك هنا اصلا
مازن / انتى غريبه اوى بتجيبى اللوم عليا دا على اساس ان البوابه عليها مفتاح مهى مفتوحه للى طالع و اللى داخل المفروض انتى يا هانم تاخدى بالك و متفتحيش الباب و لا تطلعى السلم منغير طرحتك
مرام / قولتلك البيت مفيش حد غريب بيخشه و محمود مش هنا
مازن / ايه مينفعش يرجع بدرى
محمود يطلع السلم
مازن / اهو لو كان جه دقيقه بدرى
محمود / اؤمر خير
مازن / كنت جايلك فحوار
محمود / و هو انت فاكر بيتنا ده تكيه ابوك مثلا
مازن / ملكش دعوه بابويا
محمود / البيوت ليها حرمه و لما تحب تيجي تتصل قبل متيجى انت فاهم
سميحه و مديحه يطلعوا
مازن / انا اسف سلام
مديحه / ليه كدا يا محمود ... يا مازن مازن استنى
مازن يمشى
مديحه / ايه قله الادب دى
محمود / قله ادبى انا هو فى ايه البيه رجله خدت عالبيت اوى ....و انتى يا هانم ايه وقفه السلالم دى
مرام / انا كنت رايحه اجيب حاجه من عندنا و قابلته بالصدفه و بعدين متكلمنيش بالطريقه دى
محمود/ انتوا تعبت منكوا
مرام / محدش جابرك
مرام تدخل شقتها و ترزع الباب
سميحه / انت مالك يا محمود ايه اللى جرالك يابنى انت مكنتش كدا
محمود / هو محدش شايف اللى بيحصل غيرى انا الوحش
مديحه / مانت صحابك بيجوا هنا ليل نهار ايه اللى حصل فرق ايه يعنى
محمود / مازن مش صاحبى دا اولا ثانيا صحابى مبيجوش فغيابى ثالثا انا مش عاوز اتعامل معاه تانى انا حر و مش عاوزه يتعامل مع مرام انا برده حر
بنتين يطلعوا السلم
مديحه / اهلا يا مروه اهلا يا سمر
مديحه تسلم و تبوس
بنت 1/ الحمد لله ازيك يا طنط ازيك يا تيته مرام موجوده
سميحه / اه جوه
بنت 2/ ازيك يا محمود
محمود / الحمد لله يا مروه ... انا نازل سلام
مديحه / ربنا يهديك يابنى ... مرام جوه يا بنات خشولها
سمر و مروه يخبطوا عالباب و مرام تفتحلهم يدخلوا
..............................
فى شقه نورا
نورا / انتى عبيطه قولتى للبنى فضحتى نفسك بنفسك يا هبله
نيفين / لبنى مش هتقول لحد لبنى عرضت عليا تساعدنى
نورا / و هتساعدك ازاى بقى ان شاء الله
نيفين / هتاخدنى للدكتور اكشف
نورا / دا لوجه الله دى عاوزه تتاكد انك حامل متروحيش معاها و لو سالتك قوليلها فولس اللارم و انك زى الفل دى مش بعيد تاخد نتيجه التحليل و توديها لابوكى فايده انتى مجنونه صح
نيفين / مقداميش حل تانى انتى مكنتش عارفه اوصلك و انا بقالى يومين مبنامش مالقلق
نورا / تروحى للبنى
نيفين / لبنى ممكن تساعدنى مازن بيسمع كلام زياد و مش
نورا / مازن ؟؟؟ و اشمعن مازن ليه مش انس 
نيفين / يعنى عشان مازن كان اخر واحد
نورا / مبفهمش فالموضوع ده بس مفتكرش و بعدين تبقى غبيه لو فكرتى ان ... اوووووف لا ده هينصفك و لا ده هينفعك و اوعى تفتكرى ان حد هيتعاطف معاكى انتى الغلطانه فى الاول و الاخر ازاى معملتيش حسابك
نيفين / اهو جت كدا بقى
نورا / قومى مش هنستنى بكره هنروح دلوقت نكشف و نحط حد للحوار ده يا تبقى حامل يا لا الرغى و الاحتمالات ده هيجننى و انا اصلا دماغى هتنفجر لوحدها قومى انتى هتقعدى تبصيلى قومى اتحركى
............................
تحت بيت محمود
محمود خارج متعصب يلاقى مازن واقف قدام البيت
محمود / انت غريب اوى بجد انت لسه واقف هنا بتعمل ايه
مازن / فكرت امشى و بعدين لقيتنى غلطان و انت معاك حق انا كان المفروض اتصل قبل ماجى
محمود / بقولك ايه يا مازن مبروم على مبروم ميرولش متلخص و هات مالاخر انت عاوز ايه
مازن / عاوز انجح السنادى صافى
محمود / بسيطه روح زاكر
مازن / محتاج حد يشرحلى المنهج اللى فاتنى و يساعدنى اللمه بسرعه
محمود / اااااااااااااااااه انت بقى عاوزنى اقنع مرام انها تساعدك صح
مازن / مرام ايه لا طبعا متنفعش نهار اسود قال مرام قال انا اصلا مش عارف خالو فكر ازاى فحاجه زى دى
محمود / يا راجل
مازن / خالو حلف لو منجحتش السنادى هيفصل الشركتين و سعتها هتسوح انا مش بعرف اعمل اى حاجه و هخسر كل اللى حلتى
محمود / طب و المطلوب يعنى
مازن / ساعدنى انت انا و انت مبنطقش بعض فانت هتنجز فى اسرع وقت ممكن و كل واحد يروح لحاله
محمود / زى مانت شايف انا مش فاضى ورايا شغل
مازن / مدا شغل برضه
محمود / انا مش للبيع يا مازن و مستحيل اشتغل عندك
مازن / عشانى صح بترفض رزق كويس جايلك و حلال لمجرد انه من طرفى و لا انت بترفضه عشان مش عاوز تساعدنى صح مش كدا انت بتكرهنى بتكرهنى لمجرد انى غنى مش كدا
محمود / لا طبعا
مازن / لا حقيقى انت رافض انى امول الحفله و اساعد لمجرد انى انا اللى همولها انت بتعاملنى باحتقار و تبصلى طول الوقت من فوق لتحت انا كنت فاكر ان كل ده عشان التاتش اللى حصل بنا بس انت بتكرهنى لشخصى
محمود / انا معرفكش عشان احبك او اكرهك و اللى شوفته منك كفايه انى اقطع معاك و بعدين كفايا سمعتك انت و شلتك الزباله اللى زى الزفت
مازن / ربنا يسامحك
محمود / و انتوا تعرفوا ربنا
مازن / مش هرد عليك عشان انت متعرفش اللى بينى و بين ربنا
محمود / انت مصدق نفسك
مازن / ربنا يهديك يا محمود و شكرا عن اذنك سلام
مازن يمشى و محمود يقف مدايق و بعدين يروح محل الجزاره
............................
فى شقه مرام
مرام / دى تانى مره اشرح المساله دى متركزوا شويه
مروه / انا تعبت خلينا نكمل المره الجايه
سمر / تعبتى و لا جوعتى هههههههههههههههه
مروه / ايه الخفه دى ياختى
مرام / تعرفوا انا عامله تارت هديكوا مساله و اللى تحلها حلو هديها حته
مروه / ماما بتقولى انك مبتطلعيش حاجه مالدرس ده و ان اللى بندفعهولك بناكل بيه
سمر / طربش من يومك
مرام / الف هنا انا اصلا ببقى مبسوطه لما اكلى يعجبكوا
سمر / تعرفى انا عملت الكيكه اللى انتى علمتيهانى و مقولكيش بقى اتنسفت
مرام / الف هنا هقوم اجيب التارت اما اشوف مين هتحل
مروه / مبروك عليكى يا سمر انا خلاص بجد مخى قفل خالص
الباب يتفتح و سميحه تدخل
سميحه / انتوا لسه شغالين يا بنات
مروه / والله تعبت بس مش عاوزين يدونى افراج
مرام / الامتحانات قربت و انا هنشغل خلينا نخلص
سميحه / مدام مخها قفل يبقى بتضيعى وقت يا مرام خليها بكره
مرام / خلاص افراج روحوا
سمر / و التارت
مروه / فضيحه
مرام / هههههههههههههههه ثوانى هجيب التارت
سميحه / ابقوا سلمولى على ماما يا بنات
سمر / يوصل
مروه / والله يا تيته ماما بتسلم عليكى و انا اللى نسيت اوصلك
سميحه / اهو وصل
مرام تطلع مالمطبخ فى ايدها علبتين على شكل مثلث تديهم للبنات
مرام / الف هنا
البنات ياخدوا العلب و ينزلوا يقابلوا محمود عالسلم مروه تزغد بالراحه سمر تسبقها خطوه
مروه / ازيك يا محمود
محمود / الحمد لله اخبار الدرس ايه
مروه / حليت كويس و مرام ادتنى دى
محمود / شاطره ايوه كدا اتجدعنى و ارفعى راس بابا
مروه / مالك شكلك تعبان اوى
محمود / صاحى من بدرى بس
مروه / خد دى انا مش جعانه
محمود / خليهالك الف هنا عن اذنك
مروه تبتسم و تنزل و محمود يطلع يلاقى مرام واقفه على الباب و بصاله
مرام / ايه وقفه السلم لناس و ناس مش كدا
محمود / هههههههههههه غيرتى ولا ايه دى زى اختى
مرام / اغير من مين و على مين انت عبيط
محمود / عليا ايه مش مالى عينك و لا ايه
مرام / انا مخصماك عشان تبقى تكلمنى عدل
محمود / انا فيا اللى مكفينى و تعبت
مرام / كلنا واخدين بالنا انك مش طبيعى
محمود / فكل مره بشوف فيها مازن ده بسال ربنا ايه الحكمه فى انه يديله كل حاجه و هو ميستحقهاش ليه يدى فلوس لواحد يضيعها يمين و شمال ليه اصلا يديهاله منغير تعب و ليه احنا نتعب و منلاقيهاش
مرام / ربنا اداك حاجه تانيه اهم مالفلوس انت محتاجها اكتر بس انت عشان هى معاك مش واخد بالك منها مديك حاجات مش عند مازن مديك علم و تفوق مديك حب الناس مديك عيله بتحبك ربنا مديك حاجات كتير انت مش حاسس بقيمتها
محمود / لا عارف قيمتها كويس بس كل ده مبيبقالوش اى معنى قدام فلوس مازن
مرام / اقولك سر
محمود / هههههههههههه قولى
مرام /  طنط مجده لمحت لتيته كدا انها عينها عليك لمروه
محمود / مروه دى
مرام/ اه مروه دى بنت زى القمر و زى مانت شايف عينها منك
محمود / و دى اخدها اربيها يعنى و لا اعمل بيها ايه
مرام / ياعم خدها تربيها احسن متاخدها تربيك
محمود / ههههههههههههههههههههههه لا شكرا انا عاوز واحده متربيه عالجاهز لا اربيها و لا تربينى
مرام / انت مفهمتش قصدى انت ياللى معندكش فلوس و شايف ان فلوس مازن كل حاجه فى ناس شارينك منغير فلوسك و مش اى حد دول ناس معاهم فلوس كمان
محمود / انتى عاوزه توصلى لايه
مرام / بص على نعم ربنا اللى قدامك و احمد ربنا عليها عشان لو لا قدر الله زالت الفلوس مش هترجعها يا محمود
محمود / حاضر يا مرام
مرام / و اه حاجه كمان خليكى واثق فنفسك اكتر من كدا على الاقل الناس اللى بتحبك بتحبك لنفسك مش لفلوسك زى الغلبان اللى انت بتبصله فى النعمه اليتيمه اللى عنده
محمود / خلاص بقى فهمنا بطلى
مرام / افورت
محمود / اوى
مرام / انت رخم و مش هديك مالتارت بتاعى روح نام
محمود / احسن برده هتلاقيكى مغرقاه شكولاته زى كل مره
مرام / لا المرادى مغرقاه مخلل صبرنى يارب امشى ياله
محمود يدحك و يفتح باب شقته و مرام تبتسمله و كل واحد يدخل شقته و يقفل الباب
..................................
تانى يوم فى الكليه
اسراء / بكره الساعه سبعه الصبح كلنا نكون موجودين عشان نلحق نظبط كل حاجه
كرم / طب الاهم من اننا كلنا نبقى موجودين مش المفروض نتفق هنلبس ايه
مرام / عادى يعنى اى حاجه
اريج / لا يا مرام كرم معاه حق المفروض نلبس فورمال على الاقل او لون موحد يعنى اى حد عاوز يسال
كرم / كل الناس هتبقى لابسه بدل و احنا كمنظمين نلبس عادى مينفعش طبعا يا مرام
محمود / خلاص انا عندى بدله سمرا تنفع
كرم / تمام الشباب يلبسوا بدل سمرا طب انتوا يا بنات
مرام / اكيد مش هلبس بدله يعنى
الباب يخبط و مازن يدخل
مازن/ اسف عالتاخير
كرم / مفاتكش كتير كنا بنتفق هنلبس ايه بكره بدل سمرا للشباب
مازن يديهم ايديهات
مازن / تمام و دى الايديهات بتاعتكوا
اريج / حلوين اوى
اسراء / خلاص احنا كمان هنلبس اسود
مرام / و الطرحه
اسراء / اى حاجه اتفقوا انتوا بقى
اريج / ابيض ايه رايكوا
مرام / معنديش ابيض ... مش مشكله هنزل اجيب واحده 
اريج / تمام هاجى معاكى انا كمان ناقصنى كام حاجه ...ناقص حاجه متفقناش عليها
مرام / لا كدا مش فاضل غير ناكد حجز الاكل و الحاجات
مازن / شريف هيجى معاكوا على فكره و هيفضل معاكوا لحد متخلصوا
محمود / ملوش لزوم هروح انا و مرام و خلاص
اريج / بقولك هروح انا و مرام نشترى لبس
مازن / انا لازم استاذن عشان ورايا كام مشوار بس هسيب تليفونى مفتوح سلام
اسراء / و انا كمان سلام عشان يادوب اللحق الكوافير اشوفكوا بكره محدش يتاخر
مازن و اسراء يمشوا
كرم / انا معايا العربيه تحبوا اوصلكوا
محمود / ياريت
اريج / انت مش ناسى حاجه يا محمود شريف مستنى بره لا شكرا يا كرم ملوش لزوم
محمود يبص لمرام تبتسم ينفخ و يهز راسه حاضر
...............................
فى شقه سميحه
سميحه بتصلى اول متسلم باب الشقه يخبط تقوم تفتح تلاقى واحده ست و بنتها فثانوى
سميحه / اهلا اهلا ست امينه ازيك يا اموله وحشانى يا وحشه
امينه / صحيناكى و لا ايه
سميحه / لا يا حبيبتى كنت صاحيه ادخلى تعالى
امينه و بنتها يدخلوا
سميحه / اتفضلوا اتفضلوا
امينه / امال مرام فين
سميحه / لسه مجتش مالكليه
امينه / لحد دلوقت
سميحه / معلش اصلها بتنظم مع الاتحاد حفله التخرج بتاعه دفعه السنه اللى فاتت و الحفله بكره اتصلت و قالت هتتاخر شويه
امينه / ربنا يعينها يلا ملناش نصيب بقى
سميحه / خير يا قلبى فى ايه
امينه / اصل البت امل عندها امتحان شهر بكره فى الحساب و فى كام مساله واقفين قصادها و كنت يعنى ... بس مفيش نصيب بقى
سميحه / طب استنى هكلمها عالتليفون هشوف لو مش هتتاخر تستنوها لو هتتاخر تخلص اموله مزاكره و اول متيجى مرام هبعتهالك فوق
امينه / تزاكر ايه يا ست سميحه طب دانا والله لولا قولتلها تعالى ننزل لمرام مكنتش هتفتح كتاب انا عارفه بس اعمل فيها ايه البت دى
سميحه / لا يا امل دانتى شاطره
امل / قولتلها اخد درس عند المس فى الفصل تقولى اولى ثانوي مش مهم وفرى الفلوس للثانويه العامه و دى نقل و المس مبتشرحش و انا مبفهمش منها حاجه فى الفصل
امينه / ياختى الدروس و المدرسين و القرف روحت سالت قالتلى بتاخد ميه و خمسين جنيه فى الشهر مرتين فى الاسبوع و انا زى مانتى عارفه على معاش ابوها و الكام جنيه اللى بكسبهم مالتريكو هعمل ايه يعنى
امل / الفصل كلو بياخد عندها و طبعا اللى مش بياخد بيتعامل زى الزفت
سميحه / معلش ربك يفرجها هكلملك مرام اشوفها فين عن اذنكوا
...............................
فى محل هدوم حريمى
مرام و اريج فالمحل
مرام / والله عيب علينا اللى بنعمله ده
اريج / هو مش مازن قال يفضل معانا لحد ماحنا اللى نخليه يروح
مرام / تقومى تخليه يجى معانا و انتى بتشترى لبس
اريج / محمود معاه يسليه
مرام / طب اخلصى لقيتى حاجه و لا لا
اريج / كلها عرر تعالى نشوف فمحل تانى
مرام / بقولك ايه انا نقيت الطرحه و عاوزه اروح
اريج / هتبيعينى
مرام / مهو بصراحه انتى بتستهبلى مالهدوم كلها حلوه اهى و سعرها حلو انتى اللى مش عارفه تختارى
اريج / المحل ده مش عاجبنى اصلا بكره التليفزيون هيجى يصور و لازم نبان حاجه محصلتش
مرام / تليفزيون ايه مين قال كدا
اريج / اسراء قالتلى ان شريف قالها كدا الوزير و المحافظ جايين و التليفزيون هيجى يصورهم و يصور الحفله ايه يا بنتى امال انتى فاكره ايه
تليفون مرام يرن
مرام/ عاجبك كدا اهى تيته قلقت عليا .... ايوه يا تيته .... حاضر ... مسافه السكه ... مع السلامه
مرام تقفل
مرام / كدا هبيعك رسمى تيته عوزانى اروح عندنا ضيوف عاوزينى
اريج / ايه عريس
مرام / ياختى اتنيلى مهو فقرك ده اللى جايبنا الارض دى جارتنا و بنتها
اريج / بقولك ايه متاخدى محمود و تروحوا مواصلات
مرام / والله !!! طيب هنتوزع بس ابقى اعزمينا عالفرح
اريج / فقرى انا اللى جايبك الارض برضه
مرام / ههههههههههههههههههههههههههههه
.....................................