السكه شمال بقلم / لولو_محمد ( كامله )

الحلقه ١٧٨

((((((((السكة شمال )))))
#لولو_محمد
الحلقه 178
اذان الفجر
مازن / و كالعاده هتسكت شهر زاد و هيقوم شهريار يصلى و ينام ساعه
مرام / تصبح على خير ابقى ادعيلى
مازن / هى دعوه واحده من يوم مشوفتك و انا بدعيها يارب بقى البت دى تبقى مراتى و يتقفل علينا باب واحد يارب بقى يارب
مرام / هههههههههههههههههههههههه يارب يلا سلام
مازن / سلام
مازن يقفل و مرام تتنهد و تقوم
................................
فى شقه شريف
شريف نايم تليفونه يرن يرد
صافى / صحيتك
شريف يتنفض و يقعد
شريف / لا صاحى
شريف يبص عالموبايل و يمسح عينيه
شريف / ايه اللى مصحيكى .... اه سورى دا فى فرق توقيت
صافى / انا اللى المفروض اعتزر بس انا كنت مخنوقه اوى و محتاجه منك خدمه 
شريف / فى ايه خير
صافى / شريف انا عارفه انك بتروح تبص عالورشه و الاتيله و انى متقله عليك اوى بس انا اصلا مبثقش فى حد غيرك و كمان الناس اللى شغالين هناك بجد ناس مش كويسين خالص كل شويه حد يبعتلى عالواتس مصيبه بيفتنوا على بعض دا مبيجيش و دا يقول التانى مبيجيش و كلهم مبيشتغلوش و حاجه اخر قرف دا غير معاد التسليم اللى اتاخر شغل الاسبوع بيتعمل فى شهر حاجه قرف بجد
شريف / انا لسه كنت هناك اول امبارح و كلهم كانوا شغالين
صافى /  اه و انت مشيت من هنا و الكل مشى وراك انا مش فارق معايا غير مواعيد التسليم عشان السيزون مينضربش مش هلبس الناس الصيفى فى الشتا يعنى
شريف / خلاص هعدى عليهم النهرده
صافى / شريف انا عارفه انى بتقل عليك
شريف / لا و لا بتقلى و لا حاجه انا اصلا هشوف حد اقعده هناك فول تايم لحد ميخلصوا تسليم و بصى اى حد يكلمك بعد كدا خليه يكلمنى انا هتعامل معاهم لانى لما بروح بيبقوا كلهم سمنه على عسل و مستغليين انك مسافره و مش شايفه حاجه تمام
صافى / بس كدا هبقى بتقل عليك اوى
شريف / يا ستى تقلى براحتك المهم متتخنقيش و لا تدايقى خالص تمام
صافى / ميرسى اوى يا شريف تعباك معايا خلاص روح كمل نوم بقى
شريف / اكمل نوم ايه هو الموضوع سهل كدا خلاص فوقت
صافى / امممم انا اسفه بجد
شريف / لا مانتى هتتعاقبى و هتفضلى ترغى معايا لحد مالمنبه يضرب و يجى معاد فوقانى اصل انا انسان ملتزم فى كل حاجه يعنى حتى لو صحيت قبل معادى مبقومش مالسرير الا فمعادى
صافى / هههههههههههه و نعم الالتزام
شريف / الدقه فى المواعيد اساس النجاح يا بنتى امال ايه
صافى / طب و فاضل قد ايه على معاد قومانك
شريف يبص فى الموبايل
شريف / مع الاسف مع الالم عشر دقايق
صافى / يا خساره بس
شريف / والله لو انتى فاضيه انا ممكن اجل معاد قومانى ده تلت اربع سنين عادى
صافى / ههههههههههههههههههههههههه طب بالنسبه للالتزام و المواعيد
شريف / تنحرق هو انا يعنى مش بنيادم من حق فيوم اجازه
صافى / حقك طبعا بس يعنى خليه عشان حاجه تستاهل و لا ايه
شريف يتعدل فى قعدته
شريف / مانتى تستاهلى يا صافى و لا ايه بصى انا هقوم اغسل وشى و اصلى الفجر و اكلمك تانى تمام
صافى / تمام
شريف / سلام مؤقت
صافى / هههههههههه سلام مؤقت
شريف يقفل الموبايل و يبوسه و يحطه عالسرير و يقوم يجرى
..................................
فى الحاره
الناس مروحه من صلاه الفجر و اسعد و محمود ماشيين سوا
اسعد / والله يا محمود الواد الجديد ده مع ان الكل شكرلى فيه بس مش مريحنى زى مكنت انت مريحنى
محمود / ليه بس عمل ايه
اسعد / اعزاره كتير و كل شويه يطلعلى بحجه شكل دا غير ان شغله مش قد كدا والله يا محمود الناس لو تتقى ربنا فى اكل عيشها حالنا هيتغير بس نقول ايه بقى ربنا يهدى
محمود /امين على العموم انا هبقى افضى نفسى يوم و اجى اظبطلك الدنيا
اسعد / مش عاوز اتقل عليك كفايا اشغالك
محمود / بتقول ايه بس يا معلم دانت خيرك مغرقنى
اسعد و محمود يقفوا قدام البيت محمود يبص لفوق مروه واقفه فى الشباك و مبتسمه يبتسم اسعد يبص لفوق
اسعد / ما تيجى تفطر معانا اهو نقعد شويه مع بعض قبل متروح الشغل الواحد وحشته قعدتك
محمود / مره تانيه
اسعد / و لا تانيه و لا تالته هى الفرصه بتيجى مره واحده يلا تعال و لا انت هتلاقى فطار احلى من فطار مروه
محمود / و هو فى زى اكل مروه برده يا معلم
اسعد / ههههههههههههههههه طب تعال يلا
اسعد ياخد محمود و يطلعوا فوق
.............................
فى شقه شريف
شريف ينام عالسرير و هو بيكلم صافى فيديو كول 
صافى / صليت
شريف / و دعيتلك
صافى / دعيتلى بايه
شريف / دعيتلك ربنا يرجعك لينا بالسلامه و يبعد عنك الناس الوحشه و كدا يعنى
صافى / هههههههههههههههههههههههه
ادم يدخل
ادم / صافى
صافى / تعال يا ادم بكلم شريف تعال اعرفك عليه
شريف / هى الدعوه ملحقتش توصل و لا ايه 
ادم / اهلين كيفك
شريف / تمام الحمد لله
ادم / صافى خبرتنى كتير عنك كنت مفكرتك رفيقها الخيالى ولا شو بس طلعت عن جد
شريف / تخيل
ادم / بتركوا لحالكوا تكملوا حكى كتير مبسوط انى اتعرفت عليك بس والله عندى شغل كتير جوه
شريف / شكرا
ادم يدى التليفون لصافى
ادم / الشباب هيطلعوا حفله المسا رح تيجى
صافى / لا مليش مزاج
ادم / تمام بخبرهم يلا باى
ادم يمشى و صافى تكمل مكالمه
صافى / سورى اصل فى حفله بالليل و الكل كانوا متفقين انهم هيروحوا بس انا مليش فى الجو ده
شريف / احسن برده
صافى / اصلا انا قيلالهم من الاول انى مش هروح بس هو زنان اوى تعرف لما هدخل جوه تانى هيفتح نفس الموضوع و مش بعيد يتصل بيا قبل البارتى بنص ساعه يسالنى مش هتيجى يا صافى
شريف / لذيذ اوى ادم ده بس سمعت بعض الاقاويل ان مصممى الازياء الرجاله بتبقى ميولهم حدث و لا حرج
صافى / تؤ ادم سترايت
شريف / و انتى عرفتى منين بقى ان شاء الله
صافى / عنده جيرل فريند
شريف / اه بجد
صافى / اه كريستين بنت مغربيه من اصل فلسطينى بس دمها شربات بتشتغل موديل عند مدام شنايل بصراحه صاروخ
شريف / ربنا يهنيهم ببعض
صافى / صحيح هو احنا كنا بنتكلم فى ايه قبل ادم ده ما يدخل
شريف / مش فاكر و مش مهتم افتكر عادى نفتح مواضيع جديده
صافى / مواضيع
شريف / ايوه جمع موضوع و اصلها وضع
صافى / اكتر ماده كنت بكرهها العربى ده
شريف / انا كنت بكره المزاكره بوجه عام ياما غلبت ابويا الله يرحمه معايا كان يجرى يجيبنى من البلايستاشين يودينى الدروس بنفسه عشان يضمن انى روحت و تبقى ليلتى سوده لو عرف انى مدفعتش الشهر و صرفتها عالهبل اللى كنت بعمله الله يرحمه تعب بسببى اوى 
صافى / الله يرحمه اكيد فخور بيك دلوقت
شريف / يعنى هو كان لازم يموت يعنى عشان يبقى فخور بيا مكنش ينفع يبقى فخور و هو عايش مكنش ينفع اريحه و اكون الابن اللى بيتمناه يعنى
صافى / كل الاولاد بتجيلهم مرحله كدا حتى احنا البنات فى فتره المراهقه بنتعب اهالينا كلنا بنبقى عاوزين نحس اننا بقينا كبار و مبنسمعش لحد
شريف / معاكى حق
صافى / بكره ولادك يجننوك كدا
شريف يبتسم
صافى / انت بتحب الولاد و لا البنات اكتر
شريف / البنات بحب البنات اوى .. احم بناتى يعنى اكيد هحبهم اوى ان شاء الله ان عشنا و كان لينا عمر و شوفت اليوم ده يعنى
صافى / يخربيت قفلاتك يا اخى انسان فصيل
شريف / ههههههههههههههههههههههههههههه
صافى / انا كمان بحب البنات اوى و نفسى اجيب بنوته اللعب معاها و اسرحلها شعرها و نقعد نلعب سوا بالمكياج و نبعتر الدقيق فى المطبخ كدا
شريف / هههههههههههههههههه فكرتينى مره بتقى بتسال امى بتقولها هو احنا ليه علاقتنا ببعض ناشفه كدا ليه مبنلعبش بالدقيق و مخدات الريش و نبهدل الدنيا امى قالتلها و ماله يا حبيبتى نعمل بس انتى اللى هتنضفى الدنيا بعد منخلص لعب تقى قالتلها و مالها كاندى كرش يعنى كانت اشتكرت
صافى / هههههههههههههههههههههههه تقى دى عسل بحبها موت
شريف / و هى كمان بتحبك اوى كلهم عندى الحقيقه بيحبوكى اكاد اجزم ان مفيش فرد فى البيت ده مبيحبكيش
صافى / كل اللى فى البيت كلهم يعنى
شريف / من اول امى لحد تقى بس تقى حاجه تانيه وخداكى قدوه
صافى / طب تنقى حاجه احسن شويه بس مننكرش انها موهوبه دى كل يوم تبعتلى رسومات شكل
شريف / لو تعرفى كميه كراريس الرسم و الالوان اللى بتشتريها هصعب عليكى والله بس تعرفى اهو احسن مالنت و القرف خليها ترسم و تلون
صافى / تعرف الاحلى ايه
شريف / ايه
صافى / لما تستلم الموديلات اللى هى صممتها من الورشه صدقنى هتشوف تقى تانيه خالص
شريف / بس ماما مش عجباها السكه دى يعنى بتقول تبقى هوايه ماشى لكن الدراسه
صافى / و ايه المشكله اما الانسان ينمى الموهبه بتاعته بالدراسه فنون جميله تربيه نوعيه حتى لو بكورسات المهم يشتغل على نفسه
شريف / وجهه نظر
صافى / صحيح يا شريف انت هتقولهم انك مروحتش الشغل ليه
شريف / ههههههههههههههههه لا مانا هروح وقت متقفلى هلبس و انزل
صافى / طب افرض مقفلتش
شريف / هفضل قاعد
صافى / اه طب هتقولهم ايه
شريف / معايا تليفون هخلص و انزل
صافى / اها تمام كنت فاكره هتقولهم تعبان و لا حاجه
شريف / يلاهوى ليه و انا اهبل على فكره احنا البيت على مستوى العالم اللى العيان فيه بيندم انه عيي انا لو بموت مش هفضل فى البيت ده عيان ثانيه واحده
صافى / ههههههههههههههه للدرجادى ليه بس
شريف / اقولك ايه مانتى مشوفتيش حاجه بصى اول حاجه لما بيعرفوا انك عيانه فى مناحه كدا تحسى انك هتودعى مع انهم شويه برد عادى يعنى لكن لا يا حبيبى يابنى كبد امك يا ضنايا مكنش يومك يا بغلى
صافى / هههههههههههههههههههههه
شريف / تليه بقى مرحله التزغيط و مباراه ماستر شيف العرب و كل واحده تدخل بصينيه مليانه اكل طب دوق دى منى يا ابيه اما انا عملتلك شويه شوربه مش عارف ايه تجنن هى دى اللى هتجيب اجلك ان شاء الله
صافى / بعد الشر
شريف / مش عاوز اقولك عن انواع الشوربات اللى انا دوقتها فى فتره عيايا عظيمه قد ايه ابدااااااع ابداع و احلفلهم عيان بطنى وجعانى ابدا و امى ربنا يسترها و يشفيها يارب عظيمه اوى امى دى تقف على راس السرير كدا و تقولى كل يا حبيبى كل عشان تخف كل عشان تصلب طولك كل عشان ترم عضمك
صافى / هههههههههههههههههههه طب والله عسل
شريف / دانتى اللى عسل
صافى وشها يحمر
صافى / احم طب و بتخف بقى و لا
شريف / لا بخف طبعا و من اول معلقه كمان عشان انزل و اروح بقى عند مازن و لا فى الشركه ارقد هناك بقى و اروح عالنوم مانا لو منزلتش هاكل كل ده و دى معده انسان مش بلاعه الصرف العمومى هى
صافى / هههههههههههههههههه بس بقى الناس عماله تبص عليا
شريف / يا بختهم 
صافى / يا سلام مانت شايفنى اهو
شريف / اممممم شغال فضل و نعمه منتبترش
صافى / امممم بيشاورولى كل شويه و انا مطنشاهم بص هكلمك بالليل لما اروح تمام
شريف / تمام
صافى / سلام يا شيكو
شريف / سلام يا باربى
شريف يقفل و يقوم يلبس
.......................................
فى الشركه عند زياد
راجل / العقود اللى حضرتك طلبتها
زياد / بعت نسخه منه عالاميل لابراهيم بيه
الراجل / لا لسه لما حضرتك تدينى الاوكيه الاخير هبعتها
زياد / خلاص تمام متتعبش نفسك انت انا هبعتهاله بنفسى
الراجل / تمام حضرتك تؤمرنى باى حاجه تانى
زياد / لا تقدر تتفضل انت
الراجل يهز راسه و يخرج و لبنى تدخل زياد يشوفها يتنطر من على المكتب و يقوملها
لبنى / صباح الخير
زياد / صباح النور ايه المفاجاه الحلوه دى
لبنى / زهقت من قاعده البيت نزلت اللف بالعربيه لقيتنى جيت على هنا
زياد / شوفتى بقى ان سكتنا بتوصل لبعضينا
لبنى / كلمت ماما ؟؟
زياد / بكلمها كل يوم طبعا اطمنها عليكى
لبنى / انا بفكر ارجع
زياد / ليه انا زعلتك فى حاجه
لبنى / لا بس انا مش مرتاحه للوضع انا ليا بيت
زياد / مدا بيتك برضه يا لولا
لبنى / مش عارفه
زياد / مالك يا لبنى فى ايه
لبنى / بكره عيد ميلاد سوزى و اتصلت تاكد عليا
زياد / و هديتها جاهزه استنى ثوانى
زياد يروح يفتح الخزنه و يطلع منها سلسله فيها دلايه ورده فيها فصوص حمره
لبنى / الله دا حلو اوى
زياد / مشوفتيش انتى بقى هديتك
زياد يروح يطلع علبه تانيه اكتر فيها اسوره اللماظ يطلعها و يمسك ايد لبنى و يلبسهالها
زياد / مكنتش حلوه كدا و انا بشتريها
لبنى تبتسم
لبنى / شكرا يا زياد بجد زوقك حلو اوى
زياد / اكيد
لبنى / دا ايه الغرور ده
زياد / مش حبيتك انتى دون عن البنات كلها اكيد زوقى حلو
لبنى / هههههههههههههه شكرا يا سيدى
زياد / هنروح الحفله سوا مش كدا
لبنى / مكنتش عاوزه اروح اصلا
زياد / ليه بس طب دى حتى فرصه تغيرى جو
لبنى / مش عارفه حاسه انهم هيحفلوا عليا بمنظرى ده بجد انت مش متخيل البتاع ده خانقنى قد ايه انا مبخرجش عشان كل يوم بقف قدام المرايه كتير اوى بحاول انقى حاجه عدله اللبسها مش لاقيه
زياد / خلاص يا قلبى تعالى ننزل دلوقت نروح احسن اتيليه فى البلد ننقى احلى و اجمل حاجه لاحلى و اجمل لبنى فى الدنيا
لبنى / تفتكر
زياد / طبعا و بعدين هو انتى يعنى هتروحى بطقم اتلبس قبل كدا اكيد لا برستيجك يا قلبى
لبنى / تمام لو موراكش حاجه
زياد / تولع كل حاجه تانيه المهم عندى انتى يلا اتفضلى
لبنى تبتسم و تمشى و هو يمشى معاها
............................
فى الشركه
مازن / تصدق لو كنت اتاخرت خمس دقايق بس كنت اتصلت اطمن عليك مش عوايدك يعنى
شريف / مره من نفسى يا اخى
مازن / براحتك يا عم انا بطمن بس انه خير
شريف / لا خير اطمن
تليفون مازن يرن يعمله صامت و يسيبه يرن قدامه
مازن / سوزى اكيد بتتصل عشان تعزمنى على عيد ميلادها
شريف / متبعتلها الهديه و تحلقلها هى يعنى فارق معاها حاجه تانيه
مازن / مهو لحد متوصلها الهديه دى هتفضل ترن
شريف / و انت هتفضل مستحمل الطفيليات دى لحد امتى
مازن / مش عارف
شريف / تعرف انا لو منك اعملها بلوك و معبرهاش
مازن / مانا اكيد هقابلها كتير عند زياد او فى اى مناسبه تبع الشله او حتى فى النادى طرقنا هتتلاقى هتتلاقى فليه بقى
شريف / خلاص زى مقولنا فى الاول ابعت الهديه و خلاص
التليفون يبطل رن
مازن / سكتت الحمد لله
شريف / تراهنى انها هتتصل تانى كمان شويه
مازن / منغير مراهنك هتتصل
شريف / هههههههههههههههههههههههه
مرام تفتح الباب و تدخل و هى بتتكلم فى التليفون
مرام / لا ازاى كل سنه و انتى طيبه ... اه معايا اهو ثوانى هديله الموبايل
مرام تدى الموبايل لمازن
مرام / سوزى
مازن يبص لشريف شريف يقوم من على المكتب و هو كاتم الدحك مش قادر
مازن / ايه ده سوزى ازيك فينك يا بنتى .... معقول ... يا خبر اه والله اصله صامت اصلى كنت مشغول اوى معلش .... لا ازاى معقول اكيد باذن الله ... دا كلو الا زعلك طبعا طبعا من عنيا اكيد ... لا خلاص وعدتك جايين ... اه ان شاء الله ... اه طبعا ... و دى حاجه تتنسى ... سلام يا سوزى سلام يا جميل سلام
مازن يقفل شريف ينفجر فى الضحك
شريف / ههههههههههههههههههههههههههه
مازن / اخرس ياله
شريف / مش قادر اقسم بالله
مرام / هو فى ايه
مازن / مفيش يا ست البنات مفيش
شريف / على فكره انا جاى معاكوا الحفله دى
مازن / يا سلام للدرجادى
شريف / معلش عشان خاطرى تعال على نفسك 
مازن / بقولك يا مرام انتى عاوزه تروحى العيد ميلاد ده 
مرام / لو هتروح اجى مفيش مشكله
مازن / على بركه الله
شريف / ههههههههههههههههههههههههههههههههه يخربيت كدا مش قادر
............................
فى الاتيليه
زياد قاعد بره و لبنى بتقيس فستان محجبات مجسم عليها اوى
لبنى / ايه رايك حلو ؟؟
البنت / تحفه عليكى طرحه دهبى بقى هيبقى خرافه
لبنى / طب مفيش موديلات تانيه انا حاسه ان كل الموديلات اللى لبستها تقريبا زى بعض اختلافات بسيطه اوى
البنت / فى بس مش تايبيست بقى و حضرتك قولتى بلاش
لبنى / تمام
لبنى تطلع بره تورى زياد
زياد / تحفه
لبنى / انت شايف كدا
زياد / والله انا شايف انه احلى واحد فكل اللى انتى قيستيهم
لبنى / خلاص هلبس ده و امرى لله
لبنى تدخل جوه بنت تجيب لزياد فستان قصير منفوش كب اسود بيلمع
زياد / تحفه تمام هاخده
البنت تهز راسها و تبتسم و ثوانى و لبنى تطلع لابسه هدومها و البنت التانيه وراها شايله الفستان
لبنى تروح تبص على الفساتين تانى و تقلب فى فساتين المش محجبات و بعدين يبان على وشها علامات خيبه الامل و تبتسم لزياد و يمشوا
...................................