السكه شمال بقلم / لولو_محمد ( كامله )

الحلقه ٧٧+٧٨

(((((((((((((((السكه شمال)))))))))
#لولو_محمد
الحلقه السابعه و السبعون و الثامنه و السبعون
مرام / تيته اصلها من النوع الديمقراطى تعرف يعنى هى اخرها لو شيفانا بنغلط تقولنا انتوا بتغلطوا بس مش بتمنعنا اننا نغلط و لو محتارين بين حاجتين تقولنا على رايها بس متجبرناش نعمله هى كدا ساعات كتير كنت ببقى محتاره اوى و عاوزه حد يقولى اعمل ايه و للاسف مبلاقيش لان تيته كانت دايما تقولى انتى عارفه الصح مالغلط انا مقدرش اخد قرار مكانك انتى اللى هتتحملى عواقبه متعبه تيته اوى
مازن / و طلعت ايه فالاخر بنت بمليون راجل قادره تشيل المسؤليه و متحكمه فى حياتها و مبتسمحش لاى حد يكسرها بتقف قدام الاسد منغير متتهزلها شعره
مرام / بس دا مش حقيقى
مازن / بجد
مرام / ممكن ابان من بره كدا بس انا مش كدا انا جبانه جدا
.................................
مازن / مش حقيقى انا شوفتك
مرام / انا بخاف اتجرح بخاف احب بخاف اتعلق بحد بخاف اعبر عن مشاعرى بخاف افضفض مع حد او اقوله سري بخاف من حاجات كتير اوى
مازن / هيروح
مرام / تفتكر
مازن / انا مش هيهدالى بال الا لما يروح
مرام / و بعدين هتعمل ايه
مازن / هبقى انا حبيبك و سرك
مرام تبتسم بخجل
مرام/ واثق اوى انى هحبك يعنى مش يمكن
مازن / هههههههههههههههههههههههه لا مش يمكن هيجى يوم و هتوطى على ودنى و تقوليلى بحبك يا مازن
مرام / اشمعن يعنى مش يمكن هقف فوسط الدنيا و اصرخ بيها بصوت عالى
مازن / هيحصل بس الاول هتقوليها بخجل ووشك احمر زى الفراوله و عنيكى بتلمع و شعرك سايب على ضهرك
مرام / حيلك حيلك رايح على فين انت ناسى انى محجبه
مازن / مانا مفتكرش انك هتقوليها قبل كتب الكتاب بصراحه نفسى بس انتى مش هتعمليها
مرام / و دا حقيقى بس عرفت منين
مازن / عشان لو كان ينفع تقوليها قبل كتب الكتاب كنتى قولتيها
مرام / هاه ؟؟؟
مازن / كنتى قولتيلى انا بحبك يا مازن
مرام / ههههههههههههههههه لا حلوه بجد
مازن / تنكرى
مرام / انكر ايه
مازن / انك بتحبينى
مرام / انكر و نص
مازن / كدابه عنيكى مبتقولش كدا
مرام / و حضرتك بقى خبير عيون كمان
مازن / العين اللى بتحب بتلمع و بسمه الخجل اللى بتبقى على وشك اول مبتشوفينى و وشك اللى بيحمر و فى علامه جديده مقابلتهاش غير فيكى
مرام / احم و هى ايه بقى
مازن / الدبش بتحاولى بكل طاقتك تغطى على كل اللى فات بالدبش
مرام / بص هو انا اكيد بيعجبنى الواحد الواثق فنفسه بس انت كدا بقيت مغرور
مازن / دى واحده من عيوبى و اعترف ناس كتير قالولى انى مغرور فعلا بس فحالتكك ده مش غرور دى ثقه انا عارف انا بقول ايه و على العموم انا مش هضغط عليكى هستنى لكتب الكتاب 
مرام / و ليه متحاولش معايا اكتر مش يمكن يعنى يمكن اقولهالك  
مازن / تقوليلى ايه
مرام / اقولك با ... انت عارف بنتكلم عن ايه
مازن / هههههههههههههههههههه لا ذكيه
مرام / لا دانا اعجبك اوى
مازن / عجبانى و ربنا
مرام / قولهالى انت
مازن / بحبك يا مرام
مرام / هيجى عليك يوم و هتزهق و مش هتقولها
مازن / ابدا
مرام / او هتقولها منغير احساس تقضيه واجب
مازن / ابدا
مرام / طب هيجى يوم و تقولها لواحده غيرى
مازن / احتمال بس كلو بايد ربنا
مرام تسكت
مازن / مش انتى عاوزه بنوته
مرام تبتسم بخجل
مازن / هتسميها ايه
مرام / لسه بدرى عالكلام ده على فكره بعدين نتكلم فيه انت لسه مدفعتش مهرى
مازن / عجبنى اسم حبيبه اوى طالع موضه
مرام / حلو حبيبه مازن لا مش حلو
مازن / ليه
مرام / عشان يمكن ميبانش عليا بس انا غيوره اوى و مينفعش يكون ليك حبيبه غيرى
مازن / قلبى يا ناس
مرام / حلو اسم ملك
مازن/ ملك مازن منتصر حلو عجبنى طب لو ولد
مرام / هو انا هعمل كل حاجه
مازن / مالك
مرام / حلو
مازن / بحبك يا مرام
مرام تسكت
مازن / روحى نامى عندنا كليه الصبح و انا هروح احفظ 176 ايه ربنا هيقدرنى ان شاء الله
مرام / ان شاء الله تصبح على خير
مازن / و انتى من اهلى
مرام تبتسم و تقفل و تدخل تنام فى حضن سميحه
.....................................
فى الكليه تانى يوم
اريج / اصلا انا متوتره جدا و مرعوبه من بابا
مرام / ليه بس
اريج / معرفش خايفه ميوافقش
مرام / شريف شاب كويس اوى و اى اب يتمنى لبنته واحد زيه
اريج / ايوه شريف انسان ملوش زى جدع و اخلاق و خدوم و رومانسى رومانسى اوى بس للاسف ظروفه صعبه جدا مامته و عياها و اخواته البنات دا حتى المتجوزه كل يوم و التانى بتدخله فى حوار
مرام / بس هو بيعرف يوفق بين كل ده
اريج / ايوه بس هيجيب شقه امتى و يجهز امتى انا خايفه بابا يطلب منه شبكه كبيره او يعجزه فى الجهاز
بنت / مازن يساعده
اريج / شريف عمره مهيقبل حاجه زى دى شريف كرامته عاليه اوى عنده
مرام / هتتحل متخافيش اصلا انتى ليه مقدره البلا قبل وقوعه بكره يجى و يتكلم مع باباكى و باذن الله خير تفائلو بالخير تجدوه بس قوليلى بقى رومانسى اوى ازاى هاه
البنت / شوفوا شوفوا اللى بتسال امال لو مكنش بيتحدى العالم كله معاكى
اريج / هههههههههههههههههه لا و البت تقيله بقى اخرها لايك لا يا شيخه
البنت / طب خليها لوف حتى
مرام / خلصتوا
اريج / عملتى ايه لما شوفتى الفيديو
مرام / عملت لايك و دخلت نمت
اريج / بس
مرام / لا اتكلمنا شويه فى التليفون و امبارح جه اتغدى عندنا و روحنا سينما و بس
البنت / فيلم ايه رومانسى صح
مرام / كوميدى اصلا تيته كانت معانا عشان خيالكوا المريض ده ميسرحش
اريج / والله لو خاطب واحد صاحبه كان عمل اكتر من كدا
مرام / ههههههههههههههه بطلوا بقى بجد
اريج / لا بجد يا مرام حرام عليكى الواد غنالك قدام الكل و قال الفيديو اهداء لخطيبتى اللى هى كلنا عارفين انها انتى و الكل عملك منشن و انتى متعمليش اى حاجه
مرام / عملت تارت و مكرونه بشاميل
اريج / تارت و مكرونه بشاميل الله يعينه عليكى
مرام / مهم دول اللى بعرف اعملهم
اريج / يا خيبتك خليكى كدا جعفر فنفسك لحد ميطير
البنت / هاتيله هديه
مرام / هديه ايه
اريج / ساعه
مرام / عنده كتير و كلهم تحفه
البنت / فى دى عندك حق دا غير انهم اكيد سينيهات و انتى مش هتقدرى على تمنهم
اريج / يا بنتى تمن ايه دا لو جبتله قلم فرنساوى بجنيه هيطير بيه الهديه بمقام اللى بيجيبها
البنت / مهو ده اللى بقوله لازم مرام تجيب هديه محترمه تليق بمقامها
مرام / زى ايه يعنى مهو عنده كل حاجه
اريج / برفيوم مثلا
مرام / عنده كتير و فيهم واحد ريحته استغفر الله العظيم تودى جهنم حلوه اوى
اريج / اسمه ايه
مرام / معرفش و بصراحه كدا مش هساله
اريج / رخمه
مرام / هتكسف الله
اريج / هاتيلو قفص عصافير
البنت /لا فى عالنت هدايا كتير فضه خواتم و كدا بتتعمل بالطلب اعمليله واحد يكون رسمته مختلفه كدا
اريج / او ممكن دبوس بدله باسمه شوفته ده حلو اوى
مرام / تعرفوا حد بيعمل الحاجات دى
البنت / انا اعرف هضيفك فجروبها
مرام / اوك تمام
مازن يعدى و يبتسم لمرام تبص الناحيه التانيه
اريج / نعم ؟؟
مرام / ايه ؟؟
اريج / قومى اقعدى معاه شويه بقالك ساعه سيباه
مرام / مهو اللى كان واقف مع زياد
اريج / و سابهم هتسبيه لوحده اما انتى طوره اوى
مرام / قومت قومت متنسيش تضفينى فى الجروب
البنت / حاضر
مرام تلم حاجتها و تقوم تروح تقف جنب مازن
مرام / الكرسى ده فاضى
مازن يبصلها و يبتسم
مازن / لا محجوز
مرام / طب شكرا مرام تشيل كشكول مازن و تقعد و تبصله و تبتسم
مازن / وحشتينى فى الشويه دول
مرام / متشوفش وحش
محمود يدخل يدور على مكان فاضى مازن يشاورله على الكرسى اللى جنبه الناحيه التانيه يروح يقعد
محمود / شكرا
مازن / تؤمر
مازن يوطى على مرام
مازن / ايه رايك بعد السيكشن اخطفك فمشوار
مرام / فين
مازن / و هو فى حد مخطوف برده بيعرف هو رايح فين على العموم اوعدك هبقى مؤدب
مرام / هههههههههههههه
مازن / اعتبر دى موافقه
مرام / نجرب
مازن / تمام
المعيد يدخل و محمود عينه على مازن و مرام اللى جنبه
....................................
فى الشقه عند مديحه
مديحه قاعده بتلف كرنب و سميحه بتحشى بتنجان
مديحه / لا يا حجه بس السوق عمره منام مننا كدا
سميحه / سيبيها على الله
مديحه / مهى لو مرام بس تركز كدا و تظبطنا بكام اوردر حلويات هتمشى الباقى
سميحه / مهى عملت امبارح لما يبقوا يخلصوا تبقى تعمل تانى
مديحه / صنف واحد يا حجه تعملها يجى صنفين تلاته عشان اللى ميعجبوش ده يطلب ده
سميحه / حاضر لما تيجى مالكليه هخليها تعملهم
مديحه / عالعموم هى لو مش فاضيه تعلمنى و انا اعملهم
سميحه / حاضر يا مديحه لما تيجى هقولها خلصى بقى الحله اللى فايدك
...................................
فى الشارع عند مرام
مازن يركن العربيه محمود و مرام ينزلوا
محمود / سلام
محمود يجى يمشى يلاقى مرام بتركب قدام
مرام / سلام
محمود / انتى رايحه فين
مرام / خارجين
محمود / ايوه فين
مرام / معرفش
محمود / والله طيب خدى بالك من نفسك
مرام / سلام
مرام تركب و مازن يطلع بالعربيه و محمود عينه عليهم
...............
فى العربيه
مازن سايق و مرام جنبه بتبص مالشباك مازن يشغل اغانى و يقلب
مرام / متركز فى السواقه احسن بدل منتقلب
مازن / طب قلبى انتى
مرام / طيب
مرام تقلب اغنيه التانيه التالته اغنيه قصر الشوق مروان الخورى
مازن / بس هى دى سيبيها
مرام تسيبها و ترجع تبص مالشباك
مرام / صوته حلو اوى و احساسه كمان
مازن / و كلماتها حلوه اوى كل حرف فيها
مرام / ممكن اجيبها مالاول
مازن يتك على زرار الاغنيه ترجع مالاول و يسمعوها و هما مبتسمين
صوتك وجهك عطرك شعرك لمسه ايدك عمتندهلي شايف فيكي ام ولادي
مازن / ملك و مالك
مرام تبسم بخجل و تبص مالشباك
شامم ريحه ارضي و اهلي عارف خلف البحر الازرق لما الشمس تموت بتخلق عارف انك عمري الجايي لما الماضي ببحرك يغرق بقول بحبك قلبي بيكبر وسع الكون ويرجع يصغر عمر فوق الرمل الدايب قصر الشوق اللي ما بيتعم بحلم فيكي و عم بتامل يكبر مره الحلم ويكمل عمر بيتي عايديكي بيت صغير يصير الاجمل شو مشتاق لبيت صغير و انتي تحبيني مش اكتر وشبابيك الالفه تضوي وبواب الحيره تتسكر دقه قلبك ترسم قلبي عمرك عمري ودربك دربي مشتاق لوجهك يحميني يحميني من وجوه الكذبه بقول بحبك قلبي بيكبر وسع الكون ويرجع يصغر عمر فوق الرمل الدايب قصر الشوق اللي ما بيتعمر بحلم فيكي و عم بتامل يكبر مره الحلم ويكمل عمر بيتي عايديكي بيت صغير يصير الاجمل
مازن يركن العربيه قدام عماره و ينزل و مرام تنزل مازن يقفل العربيه
مرام / انا مش شايفه اى كافيه او مطعم هنا
مازن / كافيه ايه و مطعم ايه انتى جعانه ؟؟
مرام / لا بس امال احنا هنا ليه
مازن / تعالى
مازن يدخل العماره و مرام واقفه عالباب مازن يرجعلها
مازن / ايه ؟؟
مرام / هنعمل ايه هنا
مازن / دا الاستوديو بتاعى اللى بنعمل فيه الفوتوسيشن تعالى
مرام / انا اسفه بس مش هطلع
مازن / فى فوق ناس كتير على فكره شغالين مش هنكون لوحدينا
مرام / انا اسفه
مازن / للدرجادى
مرام / انا بجد اسفه
مازن يبص فى الارض ثوانى
مازن / ماشى استنى ثانيه
مازن يطلع فوق و ينزل ووراه شباب و بنات كتير و كل واحد شايل حاجه و مرام واقفه مزهوله
مازن / معملنهاش قبل كدا يا شباب بس هنعمل الفوتوسيشن فى الشارع
بنت / هاى انا صافى مايكب ارتيسيت و احيانا فاشون ديزاينر
مرام / اهلا
مازن / احنا متصورناش زى اى عرسان فى خطوبتنا قولت نتصور ايه رايك
مرام / انت عارف انى مبحبش اتصور
مازن / عشان خاطرى عشان خاطرى
مرام / ماشى عشان خاطرك
مازن يبتسم اوى و يبص لصافي
مازن / لوك سيمبل هى حلوه منغير حاجه على مظبط الاضاءه
صافى / شباب حد يفتح الجراج ندخل عربيه الاوتدور
واحد مالشباب / مفتوح
صافى / تعالى مرام.. مرام صح
مرام تهز راسها و تروح بعدها بعمارتين تلاقى جراج مفتوح و فى مينى فان صافى تفتح الباب و تدخل و مرام تركب بعدها صافى تقفل الباب
صافى / اقلعى الطرحه
صافى تفتح بوكس ضهره مرايا و كله مايكب ادراج مرام تفك الطرحه و صافى تمكيجها و بعدين تلبسها الطرحه حد يخبط عالباب
صافى / ثوانى
صافى تفتح الباب و تنزل و مرام تنزل مازن يبتسم
مرام / شكلى ايه
مازن / كالعاده قمر
مرام / ميرسى
مازن و مرام يرجعوا المدخل يلاقوا كشافات كبيره محطوطه و كرومه خاضره منصوبه عالحيطه و عالارض
مازن / اتفضلى
مرام تقف عالكرومه و مازن يمسك الكاميرا و يصورها و فى بنتين بيساعدوها تاخد البوزيز و كل مياخد صوره يوريهالها تبتسم اكتر
مازن / نتصور سوا بقى
مرام / اوك
مازن يدى الكاميره لشاب تانى و يقرب من مرام ترجع ورا يبتسم و هى تبص الناحيه التانيه
مازن / هاتلى البيريه و حزام المسدس و الكلابشات من فوق
شاب يطلع يجرى و مرام بتبص لمازن
مازن / العيال الشقيانه طلوع و نزول ذنبهم فى رقبتك
الكل يدحك و الشاب ينزل و صافى تطلع فوق مازن يلبس الكلبشات و يلبس مرام البيريه و يديها حزام فيه مسدس و عصايه
مازن / اللبسى ده على وسطك
مرام / انت بتعمل ايه
مازن / اعملى زى مبقولك
مرام / حاضر
مرام تلبس المسدس و تدخل بنت تعدل لمرام الوقفه بتاعتها و تمسكها المفتاح و مازن يقف جنبها متكلبش و يعمل زعلان و هى ترفع حاجبها و تعلق مداليه المفتاح على طرف صابعها و تمسك المسدس و تحطه على راس مازن و الشاب يصور صافى تنزل ببوكيه ورد و تديه لمازن يبتسم و ياخد المفتاح من مرام و يفك الكلبش و ياخدوا منها الحزام و البنت توقف مرام كانها متفاجاه و مازن يقعد على ركبته و يديها الورد و الشاب يصور
صافى / طب ايه مش هندخل فى الجد بقى و لا ايه
مازن / اخاف تضربنى
صافى / صوره واحده بس دانتوا مخطوبين يعنى يلا بقى
صافى تزق مرام ناحيه مازن مازن يبصلها و الكل ماسك كاميرات و بيصوروا من كل الاتجاهات
مرام / صوره واحده بس
مازن يقرب من مرام و يعدل دقنها بايده بحيث عنها تبقى فعينه و يحط ايده التانيه حوالين وسطها تتنفض و تسيبه و تمشى الشاب خدتها مازن يجرى ورا مرام يلاقيها واقفه فى الشارع
مازن / ايه كفايا كدا نروح حته تانيه
مرام / بيتهيالى كفايا اوى خطف لحد كدا و نروح و لا انت ايه رايك
مازن / اللى يريحك اتفضلى .... شكرا شباب
مازن يفتح العربيه لمرام تركب و يروح يركب الناحيه التانيه
مرام / انت زعلت منى
مازن / انا ؟؟ ابدا و ايه اللى يزعلنى
مرام / يعنى عشان مرضتش اطلع و كدا
مازن / لا مش زعلان هو اكيد انك مش بتثقى فيا مديقانى شويه بس مش سهل انك تلاقى واحده بتحافظ على نفسها و ده بيسعدنى
مرام / كويس انك متفهم يعنى ... صحيح اخبار مونى ايه
مازن / والله مقصر فى حقها جامد
مرام / طب متكلمها تسلملى عليها وحشانى اوى
مازن يمسك الموبايل و يتصل و يفتح الاسبيكر و يديه لمرام
مونى / حبيب قلبى يا ناس
مازن / ازيك يا روح قلبى انتى عامله ايه و اخبار المز ايه
مونى / مجننى يا ميزو مجننى
مرام / ازيك يا مونى
مونى / وااااو مرام ازيك وحشانى موت موت موت عامله ايه و الواد ده عامل معاكى ايه
.......................................
مرام / شغال كويس
مونى / لما يعطل كلمينى كتالوجه معايا
مازن / هتتفقوا عليا من اولها كدا انا مش قدكوا
مونى / اوعى تخدعك براءه عينيه دا سرق قلبى من اول نظره
مرام / هههههههههههههههههههههههه
مونى / انا لازم اقفل معلش هحاول اكلملكوا لما افضى
مازن / خدى بالك من نفسك
مرام / سلام
مونى / سلام
مونى تقفل
مرام / بحبها اوى
مازن / يا بختها على فكره اختى
مرام تبصله و تبتسم و تبص الناحيه التانيه
مازن / هو انا لازم اوصلك دلوقت مينفعش تخليكى معايا كمان شويه
مرام / طب متيجى معايا البيت
مازن / بتعزمينى يعنى
مرام / دا بيتك على فكره تيجى وقت مانت عاوز
مازن / اعمل ايه مانتى اللى مهرك غالى اوى
مرام / غالى عليا
مازن / الدنيا كلها متغلاش عليكى
مرام / تحب اشوفلك سوره تانيه
مازن / لا انتى طلبتى مهرك و انا هدفعه
مرام / براحتك
مازن / انتى بجد كان ممكن تخففى المهر
مرام / غيرت رايك بالسرعه دى
مازن / لا بس واضح يعنى انك انتى كمان مستعجله عالجواز
مرام تضربه فدراعه بهزار يدحك
مازن / هههههههههههههههههههه
مرام / انت مستفز اوى
مازن / و انتى عسل اوى
مرام / سوق سوق مش عاوزين نعمل حادثه
مازن / لا متخافيش انتى فايد امينه
مرام / على يدى
مازن / الفرامل كانت مقطوعه كان بيحاول يقتلنى ابن الجزمه بس صحيح كان ايه رد فعلك لما عرفتى انى عملت حادثه
مرام / ايه السؤال ده ادايقت طبعا ... فالاول و الاخر انت روح يعنى
مازن / بس
مرام / امال يعنى متنساش انى كنت زعلانه منك وقتها
مازن / مظلوم و غلاوتك
مرام تبصله
مازن / صحيح يا مرام بتعرفى ترقصى
مرام / ايه ؟؟ ايه السؤال ده و انت مالك اصلا
مازن / يعنى ايه و انا مالى
مرام / ايوه يعنى و انت مالك ازاى اصلا تسالنى فحاجه زى دى
مازن / هو انا سالتك فى ايه بقولك بتعرفى ترقصى
مرام / اعتبرنى مبعرفش
مازن / حاسس انك كدابه
مرام / مش انت واد فتك و بتعرف الكفت اعرف لوحدك بقى
مازن / ههههههههههههههههههه فتك ؟؟ دى اتلغت من ايام يوسف وهبى يا بنتى
مرام / معلش سبنالك الجديد
مازن / قلبى بيقولى بترقصى حلو اوى
مرام / ممكن تبطل قله ادب بقى
مازن / هى دى قله ادب هو انا بقولك هاتى بوسه
مرام تضربه على دراعه
مرام / احترم نفسك
مازن / اضربى كمان عاوز اتوب هههههههههههههههههههههه
مرام / انت فرحان انك بتنضرب طب كونت قولى و انا اظبطك
مرام توطى تحت و تقلع الشوز مازن يدحك
مازن / انتى بتعملى ايه يا مجنونه
مرام / هتوبك اصبر بس
مازن يركن العربيه بسرعه مرام تخبط راسها فى التابلوه
مرام / اااااه يا متخلف
مازن / اسف والله اسف ورينى
مرام / وسع بقى انت سخيف
مازن يمسكها من دقنها و يبص على وشها
مازن / سليمه
مرام / والله وجعتنى
مازن / بتقلعيلى الجزمه
مرام / مش انت اللى عاوز تنضرب و انا مقدرش ارفضلك طلب ابدا
مازن / هموت بجد يخربيت دماغك انا عاوزك تضربينى بايدك الحلوه دى
مرام / انت عبيط و لا مشكلتك ايه بالظبط
مرام تيجى تفتح باب العربيه مازن يشده يقفله
مرام / اوعى بقى بجد خنقتنى انت عبيط و لا ايه مشكلتك
مازن / طب اهدى والله هفهمك انا عاوزك تضربينى عشان ايدك تلمسنى
مرام تتنح و مازن فاصل دحك مرام تفتح الباب و تنزل مازن ينزل وراها
مازن / استنى يا مجنونه بس استنى اسف والله
مرام / سبنى يا مازن لو سمحت مش طيقاك
مازن / طب خلاص اسف
مرام / امشى عشان رد فعلى دلوقت مش هيعجبك امشى لو سمحت
مازن / طب ممكن نكمل خناق فالبيت عشان احنا فالشارع
مرام / و مدام انت عارف اننا فالشارع بتستفزنى ليه يا بارد
شاب يطلع من محل
الشاب / فى حاجه يا انسه
مازن / مفيش حاجه شكرا
الشاب / انا مبكلمكش انت انا بكلمها هى
مازن / مرام
مرام واقفه ساكته و مدايقه
مازن / مرام مش وقت هزار
الشاب / انت كمان هتزعقلها و تخوفها و لا ايه
مرام / دا خطيبى شكرا
مرام تزق مازن و تروح تركب و هى مدايقه
مازن / عن اذنك
الشاب / ايه ولاد المجنونه دول
مازن يركب العربيه يلاقى مرام قاعده مدايقه
مازن / انا اسف افورت
مرام / حصل خير ممكن تروحنى بقى
مازن / حاضر
مازن يسوق العربيه
مرام / بعرف
مازن / هاه ؟؟
مرام / بعرف ارقص
مازن / مانا عارف مونى قالتلى ههههههههههههههههههههههه
مرام / انت بارد اوى يخربيت كدا ايه الاستفزاز ده
مازن / هههههههههههههههههههه يا بنتى والله انتى اللى اوفر
مرام / لا انت اللى مستفز ومتستفزنيش بقى بجد مش طيقاك الله
مازن / خلاص خلاص انا اسف انا قولت يمكن يعنى تضربينى و لا حاجه
مرام / دا بعينك
مازن / ههههههههههههههههههههههه
مرام / بطل دحك بدحكتك المستفزه دى
مازن يبصلها و هو مبتسم
مرام / متبصليش ركز فى الطريق
مازن / شكلك عسل اوى و انتى مدايقه ووشك احمر و عامله زى العيال الصغيره كدا
مرام تبصله
مازن / انا اسف حقك عليا
مرام تبص قدامها و ترجع تبصله بطرف عينها و هى زعلانه
مازن/ بحبك يا نرفوزه
مرام / متكلمنيش
مازن / مقدرش انا
مرام تبصله و تدحك متعرفش تكتمها مازن يدحك
مرام / امشى امشى خلينا نروح بدل منتقلب و انت جزمه كدا
مازن / هبطلك الشتيمه هلاقى طريقه و ابطلك الشتيمه زى مبطلتك الضرب هبطلك الشتيمه
مرام تبصله و تفتح بقها يدحك على اخره و يكمل سواقه
...................................
فى بيت مرام
مرام طالعه السلم و مازن وراها محمود يفتح الباب
مرام / ازيك
محمود / مبدرى
مازن / احنا متاخرناش
محمود / انا بكلمها هى و متنساش انك حياله قارى فاتحه
مازن يمسك ايد مرام اليمين بايده الشمال و يرفعها لفوق مرام لابسه الدبله فاليمين و مازن لابسها فى الشمال و محمود عينه عالدبل
مازن / لا مخطوبين دا غير انى مستاذن من تيته و هى وافقت
مرام / حصل خير عادى هو قلقان علينا عادى
محمود / عليكى بس
مازن / متخفش عليها و هى معايا
محمود / والله مخايف عليها غير عشان هى معاك
مرام / محمود
محمود / خدوا راحتكوا انا اصلا نازل
محمود ينزل
مرام / متزعلش منه
مازن يهز راسه
مازن / انا همشى هتعوزى حاجه
مرام / خليك شويه
مازن / زاكرى احسن و انا هبقى اكلمك فوق
مرام / عشان خاطرى
مازن / بس مش هطول
مرام / اوك تعال
مازن و مرام يدخلوا جوه
..............................
فى محل اسعد
اسعد / ايه بس اللى نزلك المحل يا محمود يابنى
محمود / انا كويس يا معلم متقلقش
اسعد / يابنى انت جرحك لسه مدبلش و ممكن يفتح مننا
محمود / القاعده بتتعبنى
اسعد / سلامتك يابنى مالك مش زى عوايدك
محمود / مفيش هتلاقى المسكن مهمدنى بس
اسعد / اخبار الكليه ايه
محمود / كويس الحمد لله
اسعد / محمود يابنى لو عاوز تتكلم فى حاجه انا زى ابوك و هسمعك انت فعلا مش مظبوط
محمود / فتره و هتعدى يا معلم متقلقش فتره و هتعدى
اسعد / طب اسمع كلام ابوك و اطلع ارتاح شويه فسريرك اقولك خد الدفاتر معاك خلصها فى سريرك ايه ريك
محمود / ماشى عن اذنك يا معلم
اسعد / نورت يابنى نورت
محمود ياحد الدفاتر و يطلع يجى يفتح باب الشقه يسمع صوت دحك مازن و مرام فى الشقه التانيه يدخل و يرزع الباب
..................................
فى الكليه تانى يوم
مرام / عارف لو كنت غلطت فى الكويز ده كنت زعلت منك اوى
مازن / الحمد لله اصلى مقدرش على زعلك
مرام / مفيش اخبار عن شريف
مازن / بصى متوتر جدا و مش طايق نفسه
مرام / حتى اريج مجتش النهرده
مازن / لا بس انا متاكد ان الموضوع هيمشى يعنى هما هيلاقوا احسن منه فين
مرام / شريف شاب كويس اوى و يستاهل كل خير و بيحبك اوى على فكره
مازن / عشان بيفهم عقبالك
مرام تبص الناحيه التانيه و تبتسم
مرام / احنا فى الكليه على فكره فبطل
لبنى تدخل
لبنى / هالو لوف بيردز
مرام / ازيك يا لبنى
لبنى / كنت عاوزه اسالك هتعملى ايه فعيد ميلاد ماما فريده الاسبوع الجاى
مرام تبص لمازن
مازن / مش هتحضر
لبنى/ لا طبعا مينفعش عيب جدا
مرام / مين ماما فريده
لبنى / حماتك يا حبيبتى مامه مازن و زياد و مونيكا عيد ميلادها الاسبوع الجاى
مازن / مرام اصلا معهاش باسبور اكيد مش هينفع تسافر
لبنى / تسافر فين ماما فريده هنا فمصر دى عندنا فى الفيلا... ايه ده انت مكنتش تعرف ... على فكره يا مرام هتحبيها اوى ماما فريده دى سكره دمها خفيف جدا و هتحبيها موووت
مرام تهز راسها ببسمه مكسوره
لبنى / لو هتحتاجى اى مساعده انك تنقيلها هديه انا عارفه زوقها كويس
مازن / شكرا مش عاوزين نتعبك
لبنى / اوك .. عن اذنكوا
لبنى تمشى و مرام يظهر على وشها الحزن
مرام / هنعمل ايه
مازن / انتى مش ملزمه ناحيتها باى حاجه دى مش امى و لا حتى حماتك
مرام /بس
مازن / مرام متدوريش على وجع الدماغ انا هبعتلها هديه باسمك و خلاص
مرام تهز راسها موافقه
.......................
فى السيكشن
محمود قاعد قدام جنبه كرسى فاضى مازن و مرام يدخلوا
مرام / كنت مستخبى فين طلعت مالمحاضره ملقيتكش
محمود / هكون فين يعنى فالمكتبه
مرام / اه مدورتش هناك فعلا
محمود / و تدورى ليه و تتعبى نفسك كان كفايا تطلعى موبايلك و ترنى عليا مش انتى برده لسه مسجله نمرتى
مرام / حجزتلنا طيب
محمود / لقيت كرسى واحد بس
مرام تبص على مازن تلاقيه قاعد فى الصف التالت و حجزلها
مرام / مش مشكله عن اذنك
مرام تاخد حاجتها و تروح تقعد جنب مازن و يتودودوا و يدحكوا و هو بيغلى
...............................
فى شقه مرام
مرام / لو حليتها صح هديك حاجه حلوه
مازن / لا انا بطلت اصدقك بتدحكى عليا كل مره
مرام / هههههههههههههههه بطل بقى اخر مساله بجد و هنقفل مزاكره النهرده
مازن / طب ايه هى الحاجه الحلوه الاول
مرام / عندى جوه موس شيكولاته وهم
مازن / لا مش عاوز اكل انا عاوز حاجه تانيه
مرام / هو ده اللى عندى للاسف
مازن / انا كنت عاوز اعزمك عالغدى بكره لو ينفع
مرام / مبحبش اكل المطاعم اكلى احلى
مازن / عارف بس انا اللى هطبخلك
مرام / طب و ماله متطبخ هنا
مازن / لا تعالى نروح الفيلا عند خالو نقضى معاه اليوم ايه رايك
مرام / اقول لتيته
مازن / ماشى
مرام / بس الاول لازم تحل المساله دى صح
مرام تحط الكشكول قدام مازن جرس الباب يضرب مرام تقوم تفتح تلاقى محمود
مرام / ازيك يا محمود تعال
محمود / ماما عوزاكى
مرام / ثوانى يا مازن
مرام تروح ورا محمود و مازن عينه عالباب محمود يقفل باب شقتهم
مرام / هى فين
محمود / مش هنا
مرام تحط ايدها فوسطها و تيجى تطلع يمنعها
محمود / اقعدى
مرام / طب افتح الباب
محمود / ايه معدتيش بتثقى فيا و لا ايه
مرام / لا بثق فيك انت اخويا بس ميصحش و بعدين انت ليه كدبت اصلا يعنى مازن هيقول ايه دلوقت
محمود / يولع
مرام / محمود بطل بقى وسع خلينى امشى
محمود / لما نتكلم الاول
مرام / طيب بس على الاقل افتح الباب افرض حد خبط هنعمل ايه هنقول ايه اعقل بقى بطل جنان و افتح
محمود / انتى فاكره نيفين يا مرام فاكره لما جتلك و قولتى متغيره
مرام /اه مالها
محمود / دى نتيجه تحليل بتاعتها نيفين كانت حامل و اجبروها تسقط
مرام / انت بتقول ايه
محمود / دى حقيقه الباشا بياخد بنات الناس ينام معاهم و يرميهم على اخر دراعه
مرام / مش حقيقى انت جبت ده منين
محمود / مش مهم جبته منين المهم انى قدرت اجيبه
مرام تبص لمحمود
محمود / نيفين مش اول واحده كان فى قبلها كتير و كان فى بعدها كمان الفرق انها غلطت و حملت عشان كدا دبحوها و لعلمك مهنش عليهم حتى ينضفوا مكانهم عشان كدا قدرت اعرف
مرام تقعد على اقرب كرسى مصدومه
محمود / عرفتى الحقيقه عرفتى ليه انا كنت بتجنن لما بشوفه بيقربلك انتى غاليه عندى اوى يا مرام
مرام تبص لمحمود و الدموع ماليه عنيها
محمود / كدا كدا كان هيبان على حقيقته بس تعرفى دلوقت احسن متعرفى بعدين محدش عارف كان نويلك على ايه ياخدك فى حته و لا يسقيكى حاجه و لا يعمل فيكى ايه
مرام ساكته و مصدومه محمود يروح يفتح الباب يلاقى مازن واقف عالباب
مازن / عمتو فين
محمود يسيب المكان و ينزل و مرام قاعده بتعيط مازن يدخلها
مازن / مالك يا مرام
مرام تبصله و هى بتعيط
مازن / فى ايه مالك محمود عملك حاجه قالك حاجه فى ايه مالك
مازن يقعد تحت رجلين مرام و هى بتبصله و الدموع نازله من عنيها و تديله ورقه التحاليل 
..............................
عالسلم
محمود نازل و بيكلم حد فى التليفون
محمود / انا عملت اللى اتفقنا عليه فاضل تعملوا دوركوا سلام
محمود يبص لفوق و ينزل
....................