السكه شمال بقلم / لولو_محمد ( كامله )

الحلقه ١٨٥

((((((((السكة شمال ))))))
#لولو_محمد
الحلقه 185
مرام / ايوه بقى داحنا كدا هنولعها
مازن / هههههههههههههههههههههه مفيش حاجه حلوه بمناسبه الخبر السعيد ده
مرام / امممم
مازن / انتى هتفكرى لسه ارزعينى واحده
سميحه تطلع من الاوضه
مازن / فادج من جوه واحده فادج مش فى منه و لا خلص كان فى امبارح
مرام / فى فادج هقوم اجيبلك
مازن / اه قومى و لا اقوم انا و لا نقوم احنا الاتنين و لا ايه
مرام / لا هقوم هقوم انا
...................................
فى المحاضره
مازن قاعد فى النص بين محمود و مرام و الاتنين بيكتبوا بجد و هو قاعد بيسمع
الدكتور / باقى الشابتر تقروه و لو حد عنده اى اساله يسال المره الجايه و المحاضره الجايه نبدا فى شبتر اتنين
الدكتور يمشى
محمود / دا عبيط و لا ايه
مازن / هههههههههههههه يلا نفطر يلا
مرام / انت مكنتش بتكتب ليه بقى ان شاء الله
مازن بيتحرك و مرام وراه
مازن / مهو يا اكتب يا ركز اختارى
مرام / لا طبعا ركز
زياد يعدى ووراه لبنى و انس  و ميكلمش مازن
مازن / عن اذنكوا ثوانى
مازن يجرى ورا زياد
مازن / زياد ... زيزو
زياد و لبنى و انس يقفوا
مازن / ايه يا عم معدى لا سلام و لا كلام 
زياد / اسبقونى عالكافيتريا و انا هحصلكوا
لبنى / تمام
لبنى و انس يمشوا
مازن / انت لسه زعلان منى
زياد / كنت فاكر ان انت اللى زعلان
مازن / انت عارف انى مبزعلش منك
زياد / فعلا باماره ان اخر مره اتكلمنا فيها كانت لما كنت بتتخانق معايا و من ساعتها مهنش عليك حتى ترفع سماعه التليفون تسال
مازن / و انت يعنى اللى سالت خلاص اللى فات مات بقى تمام
زياد / بمزاجك هو
مازن / طب خلاص حقك عليا يا سيدى انا والله بس انشغلت لا زعل و لا حاجه صدقنى
زياد / مازن خليك منطقى انت دلوقت بقى ليك دنيتك لوحدك مع صحابك الجداد احنا معدلناش مكان وسطهم
مازن / انت اخويا ياله
زياد / كلام
مازن / احنا مختلفين مش هنكر ايوه انا اتغيرت بس مهما حصل احنا هنفضل اخوات دى عشره عمر يا زياد
زياد / عاوز ايه يا مازن
مازن / هعوز ايه يا زياد جاى اسلم على اخويا مشوفتوش من فتره قابلنى بالوش ده
زياد يشد وشه كانه بيبتسم
زياد / حلو الوش ده
مازن / بطل رخامه بقى يا زياد اعملك ايه يعنى عشان اصالحك انت عمرك مكنت كدا
زياد / عشان عمرى محد عاملنى كدا كنت طول عمرك فى ضهرى كنا انا و انت ضد الدنيا كلها لكن المرادى انت خدت صف الدنيا ضدى
مازن / محصلش
زياد / ماشى
مازن / هو بابا عمل معاك حاجه قالك حاجه
زياد يبتسم و يداريها
زياد / حاجه واحده !!! طب قول حاجتين تلاته عشره بتعرف تعد لحد كام على العموم براحته احنا نقدر نقوله تلت التلاته كام كفايه اوى انه عاطف علينا و مقعدنا فى بيته هنعوز ايه اكتر من كدا
مازن / لو مش عاوز تقعد فى الفيلا لو عاوز تاخد اى فيلا تانيه
زياد / و امى يا مازن مراته هتروح فين هقولها اطلقى و لا هقولها ايه
مازن / طب اعمل ايه طيب
زياد / متعملش هتعمل ايه يعنى ولا حاجه
مازن / انا مش هقدر اطلق مرام يا زياد انا مش هقدر اعيش من غيرها
زياد / و انا مقولتلكش طلقها انت فاكر انى مش فرحان بالتغيير بتاعك انت فاكر ان حالك القديم كان عاجبنى انا بس فمشكله و مش عارف اتصرف مخنوق و قرفان و حتى حماتى لا صابره و لا مقدره اللى انا فيه و طلباتها مبتخلصش
مازن / عاوزه كام يعنى
زياد / هتديهملى يعنى
مازن / و انا من امتى استخسرت فيك يا بنى ادم دانا كلى ليك
زياد / مش عاوز حاجه
مازن / قول بس محتاج كام
زياد / قولتلك مش عاوز... على فكره مرام و محمود زهقوا مالوقفه انا لو منك اروحلهم
مازن  / ملكش دعوه بيهم قولى بس محتاج كام
زياد / قولتلك مش محتاج يا مازن مش محتاج حاجه
مازن / طب والله لتقول مش هتحايل عليك بقى يا زيزو بطل رخامه من امتى كنت بتتكسف منى قول بقى قول ياض بدل مضربك
مازن يشد زياد عليه بهزار كانه هيضربه و هو بيدحك زياد يدحك
مازن / ايوه بقى انت مبتجيش غير بالعنف و لا ايه كنت قولت كنت قطعتلك
مازن ياخد زياد تحت باطه و زياد بيدحك
مازن / قول بقى
زياد / تلاته مليون محتاجه اجهزه جديده لعياده الجلديه
مازن / بسيطه اعتبرهم اتنقلوا لحسابك و بعد كدا لما تحتاج حاجه تقول بلاش الحركات القرعه دى امال لو كان مبلغ جامد كنت بوست رجلك عشان تتكلم يلا انجر قدامى عالكافتريا خلينا نفطر بدل مفطر بيك انا دلوقت
مازن يشاور لمرام و محمود يروحوا ناحيتهم
.............................
فى الفيلا عند زياد
لبنى / نفسى اعرف انت بتعمل كدا ازاى
زياد / طب والله انا غلبان واحد غيرى كان طلب خمس سته عشره اهو استغل الموقف
لبنى / و مازن بقى مش هيعرف انك ضحكت عليه و خدت الفلوس لحسابك
زياد / و مين قالك انى مش هديها انا هدى لمامتك فعلا
لبنى / انت بتتكلم جد انت هتدى لماما التلاته مليون
زياد / لا هو المليون اللى هى طلبته و الباقى هيتحطوا فى حسابك انتى كالعاده
لبنى / و يشوفنى انا الوحشه اللى بقرون اللى بتستغلك عشان تاخد فلوس صح
زياد / و انتى شكلك قدام مازن يقفرق معاكى فى ايه المهم شكلى انا الاخ الغلبان المغلوب على امره
لبنى / انا زهقت من نظراته ليا انا مبعملش حاجه لكل ده الكل بيبصلى على انى بنت شمال
زياد / اللى يهمك نظرتى انا ليكى مش نظره الشحاتين دول اتنين مليون جنيه و لا نظره متاكلش عيش
لبنى تسكت
زياد / شوفتى بقى بقولك ايه انا جعان متيجى نخرج نتعشى فى اى حته
لبنى / تمام
.......................
فى شقه على
اسراء و نورا فى الاوضه
اسراء /  رسمه العين دى عجبتنى اوى فعلا معاكى حق لما قولتى هتليق على وشى
نورا / انتى اصلا جميله و اى حاجه هتليق عليكى
اسراء / هو انتى كنتى بتشتغلى فى مصر قبل متسافرى امريكا
نورا / لا
اسراء / ابيه على بيقول انك من عيله كبيره
نورا / يعنى
اسراء / باين على لبسك و حاجتك بس ايه اللى يخلى واحده زيك تشتغل جرسونه فى كافيه
نورا / الظروف
اسراء / باباكى خسر فلوسه فى البورصه
نورا / بابا دكتور تجميل فى امريكا
اسراء / عشان كدا بقى
نورا / عشان كدا ايه
اسراء / اصلى سمعت ان الامريكانين دول لما ولادهم بيكبروا شويه بيخلوهم يصرفوا على نفسهم
نورا / يعنى
اسراء / الحمد لله اننا مصريين كان زمانى فى الشارع من زمان
نورا تبتسم ماجده تدخل الاوضه اسراء تجرى عليها
اسراء / شوفتى يا ماما ايه رايك بزمتك مش كدا احلى
ماجده / اخوكى عاوزك
اسراء / خير
ماجده / معرفش روحى شوفيه
اسراء / حاضر
اسراء تطلع بره ماجده تقفل الباب و تبص لنورا نورا تبتسم بتوتر
ماجده / ناقصك اى حاجه
نورا / لا شكرا كل حاجه موجوده
ماجده / على قالى انك بنت كويسه و على الاساس ده دخلتك بيتى
نورا / هو انا عملت حاجه
ماجده / انا مش هستنى لما تعملى ملكيش دعوه باسراء متعلميهاش الحركات بتاعتك دى
نورا / هى طلبت منى اعلمها تحط مكياج للجامعه
ماجده / انا قولتلك و خلاص انتى هنا ضيفه تاكلى و تشربى و تنامى و تزاكرى اكتر من كدا ياريت توفرى مجهودك
نورا / حاضر
ماجده / لو جعانه الاكل جاهز
نورا / شكرا
ماجده تخرج و نورا تقعد عالسرير
.........................
فى الشركه
مازن / خلى الباقى لبكره بقى انا مش قادر يا شريف
شريف / لا انا بكره اجازه
مازن / ليه
شريف / ورايا مشوار مهم هروح المطار استقبل صاحبه صافى اوصلها للمطار
مازن / متبعت اى سواق يعنى
شريف / صافى محلفانى و كل يوم تتصل تاكد عليا ان انا اللى استقبل صحبتها بنفسى
مازن / حلوه ميجان دى
شريف / مشوفتهاش
مازن / و هتعرفها ازاى
شريف / هكتب اسمها على ورقه هعمل ايه يعنى
مازن / اه ابقى اكتبه بالانجليزى بقى بلاش غباوه
شريف / تصدق الحته دى كنت مسقطها خالص بس اصلا صافى قالتلى ان ميجان بتعرف تتكلم عربى المهم خلينا نخلص بقى و امضيلى على الورق ده عشان انا بنام على نفسى و عاوز اروح انجز
مازن / مانا شغال مالصبح اهو هو انا بلعب
شريف / لا اتفضل
..............................
فى شقه شريف
تقى قاعده بترسم امها تدخل عليها
الست / هو ده اللى اتفقنا عليه
تقى / والله خلصت الواجب
الست / طب راجعى زاكرى حضرى حاجه بكره
تقى / المهم مرسمش و خلاص
الست / خلاص يا تقى اعملى اللى انتى عوزاه بس هنتحاسب فى النتيجه
تقى / و انا مش هقصر رقبتك
الست / هنشوف
صوت باب الشقه الست تقفل الباب و تطلع بره تقابل شريف
الست / شوفلك حل فى اختك دى
شريف / سبيها ترسم
الست / و المزاكره
شريف / اعملى حمله تفتيش فجاه و لو لقيتى اى حاجه بايظه ابقى عقبيها
الست / خليك انت شجعها
شريف / و المطلوب اقولها ايه مترسميش الكل بيقول انها موهوبه و الاكتر ان موهبتها بتجيبلها فلوس امنعها ازاى
الست / اخبار صافى ايه
شريف / كويسه الحمد لله
الست / مش هتنزل قريب
شريف / لا وراها حاجات كتير جدا و مش هينفع تنزل بس احتمال تنزل فى اجازه الكريسماس يعنى على نص السنه كدا
الست / فكرت فى اللى قولتلك عليه
شريف / فكرت
الست / و نويت على ايه
شريف / لسه مقررتش حاجه لسه بفكر و كفايا زن بقى يا ماما عشان خاطرى
الست / تحب اكلمهالك انا
شريف / يارب ماما
الست / خلاص خلاص تحب احطلك تاكل
شريف / تسلم ايدك بس انا يادوب انام عشان انا ورايا مشوار مهم جدا بكره الصبح بدرى تصبحى على خير
الست / و انت من اهله
شريف / صحيح حوار الصيدليه خلص و جبنا واحد يشتغل فيها رتبى مع شيماء بقى عشان تبقى تظبط مواعيدها و تنزل تقف فيها
الست / و الجدع ده كويس يعنى
شريف / دكتور صيدلى شاطر معرفه حد من الشركه شاب لسه متخرج جديد اهو رزق و اتفتحله هو كمان
الست / فاهمه بس يعنى انا اقصد اخلاقه و كدا
شريف / والله كل اللى نعرفه عنه انه من عيله محترمه و هو نفسه محترم و شاطر لو بان غير كدا بقى نبقى نتصرف
الست / عالبركه
شريف / الافتتاح اخر الاسبوع باذن الله تصبحى على خير بقى
الست / و انت من اهله يا حبيبى
شريف يبوس راس امه و يدخل و يقفل الباب وراه
.........................
فى مطعم 
نورا و على قاعدين
نورا / مكلفتش نفسها تيجى حتى
على / يمكن اتاخرت فى الزحمه ادينا خرجنا نتفسح و خلاص جت جت مجتش براحتها
نورا / تلاقيه منعها تجيلى
على / متفكريش فيه تمام انا و انتى اول مره نخرج مع بعض فى مصر انسى اى حاجه تانيه بصى انتى قولتى انك جيتى المطعم ده قبل كدا قوليلى بقى ايه الاكلات الحلوه اوى عندهم
نورا عينها عالباب و كلها دموع
على / نورا
نورا / الكوردن بلو
على / متاكده كنت بفكر فى السى فود
نورا / لا الكوردن بلو احلى السى فود هنا مش حلو
على / تمام خلاص اتنين كوردن بلو ؟
نورا تهز راسها و لسه عينها عالباب مامتها تدخل نورا تقوم تقف تلاقى وليد داخل وراها يمسك ايدها نورا تقعد تانى و تبص لعلى اللى قام وقف
وليد / وليد ابو المجد رجل اعمال ووالد نورا
على / على الزناتى فيديو جايم بروجرامر
وليد / بروميسينج بيزنس
الست / هيام الاباصيرى والده نورا .. ازيك يا حبيبتى وحشتينى اوى مصدقتش نفسى لما كلمتيني
نور / ليه جبتيه معاكى
وليد / نورا
نورا / على لو سمحت انا عايزه امشى
على / نورا
نورا / انا عايزه امشى
نورا تشد شنطتها و تجرى
هيام / اجرى وراها و نبقى نتكلم بعدين
على يهز راسه و يجرى ورا نورا يلحقها عالباب و هى منهاره مالعياط
على / نورا نورا نورا استنى رايحه فين
نورا / هى ازاى تعمل كدا ازاى تجيبه معاها عاوزين يعملوا فيا ايه تانى دانا لسه حتى موقفتش على رجلى عاوزين يعملوا ايه
على / خلاص خلاص كانها جت ووافقت و الموضوع انتهى دلوقت انسى
نورا بتعيط
على / نورا نورا لو سمحتى
نورا / ليه تعمل كدا
على / خلاص انسيها انسيها تعالى نمشى
نورا / انا محتاجه ابقى لوحدى يا على لو سمحت
على / مستحيل بصى تعالى نروح مطعم تانى نتعشى و نغير جو و بعدين نروح تمام
نورا / لا انا مش جعانه خلينا نروح احسن
على / نورا
نورا / انا كويسه انا بجد كويسه خلاص خدت على كدا اصلا مش فارقه اقولك تعال نجيب عشا و نروح نتعشى معاهم فى البيت خلينى احاول اقرب من اهلك يمكن ربنا يعوضنى بيهم
على / متاكده
نورا / ايوه
على / تمام تعالى
...................
فى المطار
شريف واقف مستنى و كل شويه يبص فى الساعه و ينفخ و ماسك فى ايده ورقه مكتوب عليها ميجان بالعربى و الانجليزى ميجان و الناس عماله تطلع و تعديه منهم بنت لابسه بلوفر مقفول هاى كول و ايس كاب و نضاره شمس كبيره مغطيه نص ملامحها و بتجر شنطه كبيره تعدى من جنب شريف ثوانى و الناس تبطل تطلع يبص تانى مفيش حد طالع يبص فى الساعه و ينفخ و يطلع الموبايل و يتصل بحد غير متاح يبص تانى يجرب يتصل يسمع صوت من وراه
الصوت / جرب تكلمها عالرقم المصري هترد
  اليافطه تقع من ايده و يبص وراه يلاقي صافى واقفه مش على بعضها و مبتسمه و حاطه طرف دراع النضاره فبقها اول ميلفلها تنط تحضنه يشيلها و يلف بيها و بعدين ينزلها و يبعدها و يحاول يلم نفسه و هو مش مصدق
شريف / انتى هنا بجد
شريف يمد ايده و يلمسها و يلم نفسه تانى و هى بتتنطت من الفرحه
شريف / انتى بجد انتى هنا انتى هنا بجد
صافى تبتسم زياده و مش عارفه تقف ثابته من الفرح
شريف / دى احلى .. انا ... انتى ... انتى هنا بجد
صافى / ايه رايك في المفاجاه دى انا منمتش من امبارح مش قادره استني
شريف / و انا من ساعه مقولتي ان صحبتك جايه و انا بدعى ان تحصل معجزه و تيجي معاها
صافى / و انا كنت بعاني انى مقولكش و اخليها مفاجاه بجد وحشتني اوى
شريف / انتى مش  متخيله انا حاسس بايه دلوقت انا مش عارف اتلم على بعضى مش عارف اجمع كلمتين اصلا
صافى / و لا انا
شريف / انا فرحان اوى فرحان اوى بجد
مازن و مرام يدخلوا
مازن / طب ايه هنقضي اليوم هنا
مرام و صافى يحضنوا بعض جامد اوى و شريف واقف مش فاهم اى حاجه
مرام / وحشتيني وحشتيني اوى اوى اوى بجد
صافى / و انتى اكتر بجد انتى مش متخيله
مازن / و انا كمان سعيد انك جيتي يلا بقي نتفسح و لا هنقضي باقي اليوم هنا و لا ايه
مرام / انا عندى كميه كلام اقولهولك هاكل ودانك من كتر الرغى
مرام تانج صافى و يسبقوا و صافى عينها على شريف اللى باصصلها بزهول و مبتسم شريف يمسك ايد مازن
شريف / انت اللى جبتها
مازن / مرام قالتلى ان صافى وحشاها عزمتها تيجي اسبوع اجازه شامله الاقامه و التنقلات رايح جاى
شريف / شكرا
مازن / انا لو منك استغل الاسبوع ده يلا بقي انت لسه واقف متتحرك
مازن و شريف يتحركوا ناحيه مرام و صافى صافى بتلف كوفيه على رقبتها
صافى / تحفه يا مرام بجد وهم
مازن / بتاعتى احلى على فكره
صافى / ايه رايك يا شريف
شريف / قمر .. احم الكوفيه حلوه اوى تسلم ايدك يا مرام
مرام / شكرا
مرام تبص لمازن و هما الاتنين مبتسمين
مازن / احنا سلمنا عليكي و انتى اكيد تعبانه من السفر و احنا للاسف عندنا محاضره و غالبا بالمنظر ده مش هنلحقها فهخلى شريف يوصلك الفندق تحطى حاجتك و ترتاحى و نبقي نتقابل بالليل تمام
صافى / تمام
مرام / هتوحشيني لبليل
صافى / شكرا شكرا اوى
صافى تحضن مرام و مرام تشاورلها و تمشي مع مازن صافى تبص لشريف لسه نفس الزهول على وشه و نفس الفرحه فعنيها
شريف / انا لسه مش مستوعب انك قدامى
صافى / انا قدامى اسبوع واحد بس ربنا وحده اللى يعلم  انا اخدته ازاى اصلك وحشتني اوى الفتره اللى فاتت فاول لما مازن عرض عليا سبت كل حاجه و جيت
شريف / هو انتى لازم تروحى الفندق دلوقت مينفعش تفضلى معايا شويه
صافى / ينفع طبعا ينفع ياريت  تحب نروح فين
………………………..