السكه شمال بقلم / لولو_محمد ( كامله )

الحلقه ٤٣

(((السكة شمال ))))))
#لولو_محمد
الحلقه الثالثه و الاربعون
مرام / تصدق معاك حق انا كل يوم بسال نفسى انا ليه معملتلكش بلوك من زمان هى دى الاشاره بقى انى اعملك و ادى بلوك
مرام تقفل مازن يحاول يتصل يتكنسل يحاول يبعت واتس
مازن / دى عملتلى بلوك
شريف / حقها ايه الهبل اللى انت قولته ده اصلا مكنت تقولها متمضيش على العقد احمد عاملك فخ و اكيد نيته مش كويسه
مازن / باماره ايه يعنى هو بيمضيها على ورقه عرفى دا عقد شغل
شريف / اه نظريه برده بس انت كدا عملت ايه غير انك خدت البلوك و قفلتها منك اكتر ماهىه مقفوله
...................................
مازن / و لا حاجه عملتلى ايه فى الورق اللى طلبته منك
شريف / بكره الصبح يكون عندك مع العقد
مازن / خالو عرف حاجه
شريف / عيب عليك عرف طبعا و هينفخك بس بعد متقوم بالسلامه صحيح بيطمن عليك وزعلان انك روحت على هنا خصوصا انك عارف انه حالف مهو داخل البيت ده ابدا
مازن / انا كلمته فى التليفون بس هو مفهمش انا لو روحت شقتى البلوه اللى معايا دى هتقرفنى و هبقى انا و هى لوحدينا طول الوقت
شريف / ههههههههههههههه عامل معاها ايه صحيح
مازن / عامل عيان زى مانت شايف و قريب اوى مش هبقى عامل هبقى عيان فعلا بس مش عارف هيبقى بسببها و لا بسببك صبرنى يارب
شريف / ههههههههههههههههههههههههه و انا مالى يا عم هو كل حاجه ترميها عليا اقولك انا ماشى و هعدى عليك بكره
مازن / متتاخرش
شريف / سلام
..............................
فى الشركه تانى يوم
نسرين تفتح الباب احمد يقوم يجرى يسلم على سميحه و يقعدها بنفسه
سميحه / تسلم و تعيش يابنى ربنا يزيدك و يعزك
احمد / ربنا يخليكى يا تيته والله لو اعرف انك هتيجى بنفسك دانا كنت جتلك لحد عندك و لا تعبتيش نفسك
سميحه / ربنا يباركلك يارب
احمد / ايه مرام قالتلك على اللى عملته امبارح
سميحه / والله يابنى انا مش مصدقه ان فى حد بيعمل حاجه زى دى فالزمن ده
احمد / ليه بس وبعدين هو انا يعنى هعملها لوجه الله مانا مستفيد اضعاف اضعاف استفادتها
سميحه / ربنا يوسع رزقك يارب
احمد / امين يا تيته ادعيلى المهم انا عن نفسى بحب الامور كلها تبقى واضحه من اول يوم عشان ميحصلش اى حاجه بعد كدا
سميحه / حقك
احمد / مرام مرضيتش تمضى عقد معايا عشان عاوزه تبقى على راحتها و ده حقها و هى واثقه فيا بس انا مكنتش خسران حاجه من وجودها فالمكتب هنا بس دلوقت انا هحط ملايين فى المطعم على حسها مش لعبه مينفعش بعد مفتح المشروع تيجى تقولى لا انا مش هقدر اكمل لقيت عرض احسن او مثلا زهقت و تسبلى المركب تغرق
مرام / انا مش هعمل كدا
احمد / و انا واثق بس الظروف بتتغير
سميحه / و انت معاك حق بس انا عاوزه اللفت انتباهك لحاجه مرام لسه بتدرس و اكيد مش هتقدر تشيل المطعم لوحدها على الاقل لحد متتخرج
احمد / انا كنت ماسك الشركه هنا و انا بدرس فى الكليه و لا انتى عاوزه التعيين يا مرام انا كنت فاكر ان المطعم ده حلمك
سميحه / هو حلمها اه بس انا الشهاده عندى مهمه زى مانت قولت الظروف بتتغير
احمد / و انا مقولتش لا بس يعنى متزعليش منى انا تجاره برده مش طب هى مش بالصعوبه اللى تحتاج تزاكر اربعه و عشرين ساعه خصوصا ان اللى فهمته من مرام ان هى كانت بتشتغل فى الصيف و بعدين حضرتك محسسانى ان مرام هتقف تطبخ لكل الناس دول لوحدها دى معاها فريق كبير جدا من الاستاف المدربين كويس جدا و هيساعدوها انتى مقولتيش لتيته و لا ايه يا مرام
سميحه / يابنى انا معترضتش بس انا خايفه على مستقبلها
احمد / على العموم ده العقد اقريه كويس و لو حبيتى تقعدى مع محامى من بتوع الشركه هنا
سميحه / ملوش لزوم
سميحه تبص فى العقد و تبص لمرام
سميحه / بص يابنى انت بتقدملى فرصه محلمش بيها بس انت العقد ده بيضمنلك انت بس ان مرام تفضل تشتغل معاك لكن ميضمنش لبنتى انك توفرلها ظروف شغل تناسب ادميتها العقد ده بيحفظ حقوقك لكن مش جايب اى سيره عن حقوق مرام
مرام / و انتى لحقتى تقريه يا تيته
سميحه / قريته الصبح و اتاكدت ان هو دلوقت لما بصيت فيه
مرام / قريتيه فين يا تيته
سميحه / مازن كلمنى و بعتلى نسخه على الواتس
مرام / و مازن جاب نسخه مالعقد منين
احمد / مهواش سر يعنى يا مرام على العموم يا تيته انا للاسف وقتى مش ملكى مع انى كان نفسى نقعد مع بعض وقت اكتر بس استاذ مسعد شافع المحامى بتاع الشركه هيقعد مع حضرتك و راجعوا العقد و شوفى البنود اللى مديقاكى و اللى تحبى تضيفيها و هو هيعمل اللازم
احمد يبص فى الساعه و يقوم يقف
احمد / اه هبقي اكلمهم في المطعم اقولهم انك اتاخرتى بسببى عشا اليوم ميتخصمش المكان مكانكوا انتوا مش ضيوف عن اذنكوا
احمد يفتح الباب و يقفله وراه مرام تبص لسميحه
مرام / هو فى ايه يا تيته
سميحه / فى ايه يا مرام ايه اللى حصل يعنى
مرام / انتى احرجتى الراجل اوى
سميحه / قريتى العقد دا عاوزك تمضى على شرط جزائى بمليون جنيه عشان تشتغلى عنده خمس سنين
الباب يتفتح و راجل يدخل
الراجل / دكتور مسعد شافع المستشار القانونى لمجموعه الذهبى تحت امرك يا حجه ايه اللى مش عاجبك فى العقد
سميحه / بصراحه كلو بص بقى بالنسبه للبند الاول انا فى نقطه صغيره عاوزه اعدلها
الراجل / اتفضلى يا حجه
.......................................
فى الفيلا
شريف / هههههههههههههههههههه يابن الجنيه دماغك دى ايه زمانه بيغلى دلوقت
مازن / مكنش نفسى يعرف ان انا اللى قولتلهم
شريف / انا قولتلك مش هتعرف تسبكها
مازن / عملت اللى عليها لو عرف ان نسرين اللى عملت كدا راضيها عالاخر و اوعى تزعلها تعبت معانا جامد
شريف / من عنيا هتعمل ايه فى الورق اللى جبتهولك
مازن / حلو اوى عينه يمكن نحتاجله
شريف / كلمت صفوت بيه
مازن / اه كلمته بس كبر مخك هيدايق شويه و بعدين يفك
شريف / تمام حاضر حاجه تانى
مازن / رايح فين انت مش هتتحرك من هنا النهرده
شريف / اوى اوى بس ليه خير
مازن / قضى اخف من قضى
شريف يقعد جنب مازن اوى
مازن / استر يارب
شريف / تفتكر ده الهدوء اللى قبل العاصفه
مازن / اتمنى
شريف / يا خوفى بدل ميطيروا بعض يتفقوا عليك
مازن / مستحيل
شريف / طب افرض ماهى هى اللى طيرت لبنى
مازن / تصدق اتجوزها و اعيش خدام تحت رجليها بس كان غيرها اشطر
شريف / مش متفائل
مازن / هههههههههههههههههههه و لا انا
شريف / ههههههههههههههههههههههههههه
..................................
فى البيت
مرام بتتكلم فى التليفون
مرام / المشكله انى مش عارفه فين الصح مالغلط
محمود / اى حاجه تيجى من ورا مازن تبقى شر على فكره
مرام / بس النهرده تيته بتقول انه انقذنا تعرف انه بعتلها العقد و شرحلها البنود اللى محتاجه تتعدل مشوفتش انت تيته و هى قاعده مع المحامى و هو مش عارف يروح معاها و لا يجى
محمود / تعرفى انا يمكن لو مكنتش جيت هنا و شوفت المكان اللى احنا ساكنين فيه او المعامله اللى بتعاملها انا و سعد فى الشركه كنت قولت ان احمد ده مش تمام بس كل اللى بيشتغلوا معاه بيشكروا فيه و انا و انتى عارفين مازن كويس
مرام / فهماك انت اللى مش فاهمنى مازن النهرده ساعدنى مش ضرنى حتى لو مبيجيش من وراه خير بس اللى عمله ساعدنى بس اللى انا مستغرباه اوى ليه مستر احمد وافق على كل شروطنا ليه علاطول موافق
محمود / الواحد من كتر الناس الزباله اللى بيشوفهم فى حياته مش قادر يستوعب ان ممكن يكون فى حد عدل خلاص سوء النيه بقى هو الاساسى
مرام / تعرف ان تيته و عمتى قالوا نفس الكلام
محمود / بصى مالاخر انتى مفيش حد يقدر يجبرك على حاجه انتى بت بميه راجل فجمدى قلبك كدا و دوسى و متخافيش و ان شاء الله ربنا هيوقفلك ولاد الحلال
مرام / ربنا يخليك ليا يا اجدع و احسن اخ فى الدنيا
محمود / ربنا ياخدك
مرام / ايه !!!
محمود / بهزر ها ها ها اقفلى يا مرام الموبايل هيفصل
مرام / اشحنه و كلمنى عاوزه احكيلك عالشغل فى المطعم النهرده
محمود / لا بكره بقى اكون نمت كدا و روقت عشان انا جبت اخرى النهرده
مرام / اوك مفيش مشكله تصبح على خير
محمود / و انتى من اهله سلام
مرام تقفل المكالمه و ترمى نفسها عالسرير مالفرحه و بعدين تمسك الموبايل تانى و تكتب بوست
مرام / اوعوا يفوتكوا افتتاح اكبر و اجمد كافيه و مطعم فى مصر " ليتوال اوغ " مع اجمد و احلى منيو فى الدنيا
مرام تقفل الموبايل و تحضن المخده و تنام
..................................
فى المطعم تانى يوم
مرام تخبط على باب المدير و تدخل تلاقى راجل كبير قاعد على مكتب
المدير / اهلا بالشيف الصغنن
مرام / هههههههههههههه صباح الخير
المدير / صباح النور ايه فى اى مشاكل فى المطبخ
مرام / لا مفيش مشاكل الحمد لله بس كنت عاوزه اسال امتى المنيو الجديده هتنزل
المدير / منيو جديده بتاعه ايه
مرام / هو مستر احمد مبلغش حضرتك
المدير / اه اه نسيت قصدك الاكلات الشرقى اه وماله بصى احنا مش هنحطها فى المنيو دلوقت احنا اتفقنا هنحط زى سبوره كدا فوسط المحل طبق اليوم و جنبه صوره كبيره عالطبيعه و انتى بقى تورينا شطارتك
مرام / اوك تمام
المدير / انسه مرام انتى لسه صغيره و دى فرصه كويسه جدا مش هتتكرر انك تتعلمى اكلات جديده مكنتيش بتعرفى تعمليها
مرام / اكيد فهمت حضرتك و شكرا عن اذنك
المدير / اتفضلى
مرام تطلع الراجل يمسك الموبايل
المدير / صباح الخير يا احمد بيه على الله مزاج حضرتك يكون رايق النهرده
احمد / صباح النور خير
المدير / الانسه مرام
احمد / مالها
المدير / عاوزه تغير المنيو و احنا اتفقنا كان على انها تدرب فى المطبخ
احمد / لا اتفقنا انك تريحها لمده اسبوعين و مش عاوز ازعاج
المدير / تمام حضرتك بس .... الو الو
احمد يقفل السكه
...................................
فى الحاره عند مرام
عربيه تركن و مازن ينزل منها على عكاز يشاور لشريف يستنى فى العربيه و يدخل لوحده الحاره و يروح يقف قدام توفيق
مازن / صباح الخير يا تيفا اخبارك
تيفا / صباح النور يا مازن بيه
مجدى / خير يا مازن بيه ايه اللى عمل فيك كدا كرسى يا باشا
مازن يقعد
مازن / عيل ابن حرام يا مجدى عيل ابن حرام كان فاكر انه هيقتلنى الاهبل لما يقطع الفرامل ميعرفش ان العربيات الجديده بيبقى فيها وسايد هوا معزور برده مهو متعود عالشعبطه
مازن يبص على تيفا و يبتسم
مجدى / لا الف سلامه عليك يا باشا قولى بس هو مين و احنا هنقوم بالواجب معاه
مازن / لا متقلقش انا هقوم بالواجب انا بس مديله يومين يدارى او يودع اهله
مازن يبص على تيفا تانى واقف بيغلى مجدى يبص على توفيق
مازن / شوفت عربيتى الجديده يا توفيق احلى مالقديمه مش كدا انا اصلى بحب العربيات اوى تعرف يا مجدى انا عمرى مروحت التوكيل العربيه اللى بتدايقنى بس بغيرها
مجدى / ربنا يزيدك يا باشا ربنا يزيدك
مازن / طب تمام انا مبسوط انى شوفتكوا هطلع انا بقى اسلم عالحجه سميحه كانت عوزانى فحوار كدا هتعوز حاجه يا مجدى
مجدى / متحرمش يا باشا
مازن / تيفا متتكسفش اطلب
تيفا / تسلم يا باشا
مازن / سلام
مازن يشاورلهم و يمشى مجدى يمسك فى توفيق
مجدى / ورحمه ابويا لو ليك يد فى الموضوع ده
توفيق يزق ايد مجدى و يمشى ناحيه بيت سميحه
..................................
فى الشركه عند احمد
نسرين / بخصوص الدعايه بتاعه الافتتاح انا
احمد / تفتكرى يا نسرين فين الاقى محامى اشطر من مسعد شافع
نسرين / مش فاهمه سؤال حضرتك
احمد / انتى شغاله هنا بقالك قد ايه
نسرين / حوالى ست سنين حضرتك من ايام والد حضرتك
احمد / و هو هنا من اكتر من خمستاشر سنه برده من ايام والدى
نسرين / مش فاهمه حاضرتك تقصد ايه
احمد / لا فاهمه ههههههههههههههههههه بصى يا نسرين انا مش زعلان بالعكس انا بتعجبنى اللعبه الحلوه و دى كانت حلوه منه
نسرين / من مين حضرتك
احمد يقوملها
احمد / انتى هتستعبطى يا روح امك
نسرين / انا مسمحلكش تكلمنى بالطريقه دى انا مستقيله
احمد / و انا قبلتها بس متنسيش تعدى عالحسابات تسوى باقى الشروط اللى فعقدك
نسرين / حاضر عن اذنك
احمد / هتوحشينى والله بجد هتوحشينى
نسرين تبصله من فوق لتحت و تمشى احمد يمسك التليفون و يطلب رقم
احمد / ثوانى و تبقى قدامى
احمد يقفل السكه رساله توصل تليفون احمد يبتسم
احمد / ماشى
.......................................
فى شقه سميحه
سميحه / ههههههههههههههههههه طب والله فرحت بشوفتك اكتر مفرحت بشغل مرام الجديد
مازن / لسه مش قادر اصدق والله بس نقول ايه
سميحه / انت مدايق نفسك ليه مانت قريت العقد الجديد و الراجل وافق على كل شروطنا حتى المحامى كان هيتجنن
مازن / الحمد لله و محمود رايه زى مرام كدا
سميحه / اللى انت عملته معاهم مكنش شويه
مازن / اه اهو ده بقى اللى نفسى افهمه انا عملت ايه
سميحه / يا مازن
مازن / يا تيته
سميحه / ههههههههههههههههههههه
مازن / لو كانت عاوزه شغل
سميحه / هما مش عاوزين اى حاجه منك انت يا مازن
مازن / لكن الدهبى حلو
سميحه / مشوفناش منه حاجه وحشه يابنى و الجدع لحد دلوقت مقدم السبت و الحد و كل ايام الاسبوع الصراحه انا اصلا مش عارفه انت ليه مدايق نفسك كدا
مازن / عشان مبروم على مبروم ميرولش يا تيته مش مهم اللى فيه الخير يقدمه ربنا
سميحه / احسن حاجه سيبك انت طمنى على رجلك
مازن / لا دى بسيطه هتتفك كمان تلت اسابيع
سميحه / على خير ان شاء الله هتسافر امتى
مازن / بكره
سميحه / الف مبروك عقبالك
مازن / بلاش دلوقت خالص يا تيته الدعوه دى لحسن انا على اخرى اقسم بالله
سميحه / ههههههههههههههههههههه ليه بس
مازن / حوار طويل هحكيهولك لما ارجع باذن الله بس انا دلوقت لازم امشى هتعوزى اى حاجه
سميحه / تسلم و تعيش يا حبيبى كتر الف خيرك مع السلامه
مازن يقوم و يمشى و اول مينزل السلم مديحه تفتح باب الشقه و تجرى تقعد مع سميحه
مديحه / كان عاوز ايه
سميحه / بيسلم عليا قبل ميسافر خير
مديحه / لا مفيش بطمن بس اصلى شيفاه رايح جاى يعنى و العشم واخده حبتين
سميحه / مشوفناش منه حاجه وحشه
مديحه / يا مصيبتى يا حجه و اللى عمله مع محمود
سميحه / ميبقاش قلبك اسود بقى الواد جه لحد عندك و اعتزر
مديحه / كدا طيب اما اروح اشوف الاكل اللى عالنار لحسن يشيط
سميحه / ههههههههههههههههههه روحى
.......................................
فى المطعم
احمد قاعد على ترابيزه و مرام تروحله
مرام / طلبتنى ؟؟
احمد / هو ينفع حد يعزم حد عالغدى و يسيبه لوحده
مرام / عندى شغل جوه
احمد / مبحبش اكل لوحدى و انتى عزمتينى مليش دعوه اتصرفى
مرام / امممم طب ادينى خمس دقايق ماشى
احمد / تمام هستناكى
مرام تبتسم و تدخل جوه و احمد يخبط بالشوكه عالترابيزه بالراحه و يبص عليها و بعدين يمسك الموبايل و يبعت رساله
..................................
فى اسكندريه
سعد و محمود نايمين فى السكن فى اوضه نضيفه بسريرين و دولاب
سعد / ياعم اقسم بالله انا مرتحت فشغل قد ده دا السرير اللى فالسكن انضف من سريرى اللى فبيتنا
محمود سرحان
سعد / مالك يا حوده مش معايا خالص
محمود / مالى فى ايه
سعد / بقالى كتير بكلمك
محمود / تيته قلقانى اوى
سعد / ياعم انت هتمشى ورا كلام مازن ده مش كفايا اللى عمله فيك قبل كدا دول عاوزنا نفضل محتاجينلهم صعبان عليهم يشوفونا مرتاحين
محمود / بس تيته مصدقاه و كلامها دايقنى انت بنفسك شايف مفيش حد بيعمل كدا فالزمن ده يا سعد مفيش حد بيعمل حاجه لوجه الله و لا بيساعد حد دا حتى الشحات اللى بيمدلك ايده و يدعيلك هو اصلا بيسرقك و لا شحات و لا نيله مبالك بواحد بيطلع من جيبه و يديك انت ايه مش شايف الدنيا عامله ازاى
سعد / مش شايف غير كل عز بصراحه اكل و شرب و مواصلات و سكن نضيف كله ببلاش و كمان هتاخد فلوس و انت مروح ياعم دانا اللى كان بيطلعلى من اطخن شغلانه اتفحت فيها كان بيضيف فحاجه من دول ياعم خلينا نجبلنا هدمتين حلوين من خالد ابن الوليد و احنا مروحين نتنطت بيهم عالعيال فى الكليه بدل ماحنا قرحنا
محمود / ياعم انا معترضتش بس احنا موضوعنا سهل اجازه نص السنه هتخلص و خلصنا لكن مرام خمس سنين يا سعد خمس سنين منهم سنتين كليه
سعد / طب فكر فيها بالعقل انت لو اشتغلت معيد و قعدت تفحت خمس سنين كورسات هتلم تمن مطعم زى ده او حتى شريك فيه و لو بكرسى
محمود / قول لنفسك
سعد / يابنى مش فاهمنى دى فرصه العمر و ربنا بعتهالك انت تتعين معيد و مرام المطعم تتخرج تفتحوا بيت مرتاح ياعم قليله تجرنا فرجليها للنعيم اللى هى فيه و على راى اللى قال جاور السعيد تسعد
محمود / بس انا اتكلمت مع كذا حد ماللى اتقبلوا فى التدريب من دفعتنا و محدش فيهم قال كلمه واحده عدله
سعد / هههههههههههههههههههه وربنا انت مفى اهبل منك بزمتك انت اصلا صدقتهم هما مش هما دول نفس العيال الفقر اللى بيجوا كل شويه محليناش مزاكرناش معملناش و فالاخر يقفلوا مش هما دول اللى علاطول معهمش فكه عشان يشتروا ازايز ميه عشان يشربوا معانا و ندفعلهم فى المواصلات قال يعنى احنا بنلاقى الفلوس فالشارع ياعمى دول ماشين بمبدا الشكوى رقوى قال يعنى هنطلب منهم حاجه بلا قرف
محمود / مانا برده قولت كدا بس فى حاجه مش مريحانى يا سعد مش مرتاح والله
سعد / اقولك انزل المنشيه و لا الابراهيميه شوف حاجه حلوه لمرام تهاديها بيها لما ترجع و انت هتنسى كل الهبل ده
محمود / كدا كدا كنت ناوى بس وانا مروح اكون قبضت و اجيب حاجه عليها القيمه
سعد / ماشى بس فكك مالهبل اللى فدماغك ده متخليش شطانك يلعب بيك و يوديك و ترفص النعمه برجليك الواحد مصدق دانا كل يوم قبل محط راسى عالمخده بقول اللهم ديمها نعمه و احفظها مالزوال و انت بتتبتر عليها ياخى اتقى الله اتقى الله و نام بقى نام و سبنى انام ساعتين عشان الشفت بتاع بالليل اعرف اسهر فيه براحتى مش كل يوم افضل اسقط عالكومبيوتر نام بقى
محمود / متنام ياعم هو انا حوشتك اقولك و ادى النور يا سيدى اللى مدايقك اتخمد
محمود يطفى النور سعد ينام و محمود يفضل صاحى يفكر
.................................