السكه شمال بقلم / لولو_محمد ( كامله )

الحلقه ٧٢

(((((((((((((السكه شمال ))))))))))
#لولو_محمد
الحلقه الثانيه و السبعون
مازن / اخيرا ابو الهول نطق و قال كلمه تبل الريق
مرام / مش عارفه يمكن تاثير النوم
مازن / ههههههههههه طب نستغل الموقف بقي و نجرجرك فالكلام اعترفي حبتيني و لا لسه
مرام / انا مش هتكلم غير قدام المحامى بتاعي ههههههههههه
مازن / اعترفي بالزوق احسنلك
مرام / مهما عزبتونى مش هعترف عباس الضو بيقول لاااااااااااااااا
مازن / ههههههههههههههه براحتك انا عارف الاجابه اصلا
.................................
مرام / يا سلام و هى ايه بقي
تليفون مرام يرن
مازن / تيته صح
مرام / اه اكيد بيدوروا علينا يلا ننزل
مازن / اوك
............
فى اوضه محمود
سميحه / كتر خيرك يا معلم اسعد من يومك صاحب واجب
اسعد / والله انا اول مقالولى اللى حصل جيت مالبلد جرى
محمود / كتر خيرك يا معلم
مرام و مازن يدخلوا مروه تقوم تسلم على مرام و تبوسها
مروه / ازيك يا مرام
مرام  / الحمد لله ازيك انتى
سميحه / يلا يا مرام نمشى عشان نسيب محمود يرتاح
مرام / ياريت لحسن بنام على نفسى
اسعد / انا هوصلكوا معايا العربيه تحت
سميحه / كتر خيرك يا معلم
سميحه و اسعد و مروه و ام مروه يتحركوا ناحيه الباب
مرام / سلام يا محمود خد بالك من نفسك
محمود يهز راسه
محمود / مازن
مازن يبصله
محمود / ممكن ثانيه
مازن يروحله محمود يحط مفاتيح فايده
محمود / انا مش مرتاح يبقوا لوحدهم
مازن يبص للمفتاح
محمود / خد راحتك هتلاقى بجامات نضيفه فالدولاب لو حبيت تلبس منها
مازن / انت عاوزنى ابات فبيتك
محمود / انا مش عاوزك فحياتى لكن للاسف مضطر هعمل ايه
مازن يهز راسه و يحط المفتاح فجيبه و يمشى و شريف وراه
.............................
فى فيلا الراجل اللى مشغل مجدى
الراجل / انا زهقت من القرف ده
مجدى / حقك عليا يا باشا والله
الراجل / انت عارف انا مشغلك ليه انت فاكر انى مقدرش الاقى غيرك البلد مليانه بلطجيه مفكرتش مره اشمعن انت
مجدى / كرم منك طبعا يا باشا
الراجل / لا يا حبيبى الحدايه مبتحدفش كتاكيت انا بعمل ده عشان انت ملكش سوابق ميكانيكى شريف و ليك واجهه محترمه و العين بعيد عنك انما اخوك و عمايله السوده دى انا مقدرش اجازف و اطلب منك شغل بعد كدا
مجدى / اوعدك يا باشا دى اخر مره و على رقبتى
الراجل / و هو انت تضمن رقابتك اصلا يا حو انت مش عارف انت بتخبط فمين صفوت النمس صفوت النمس بذات نفسه بينخور وراكوا و عاوز يعرف مين له مصلحه فاللى حصل و انا مش هقولك بقى هيعل فيكوا ايه و انا مش هخسر واحد مهم زى ده عشان بلطجى زيك
مجدى / اؤمرنى يا باشا و انا انفذ
الراجل / صرف امورك يا مجدى تتشقلب و تحل الموضوع ده و اوعى تفتكر ان الدهبى هينفعك
مجدى / انت عرفت
الراجل / انت فاكرنى بهزر انت يوم مجيت هنا قولتلك ان كل صغيره و كبيره هعرفها
مجدى / امرك يا كبير
الراجل / غور من وشى امشى
............................
فى الحاره عند مرام
اسعد / دانت تنورنا يا باشا و ان ماشلتكش الارض نشيلك فوق عنينا ينهار ابيض
مازن / كتر خيرك يا حج انا هبات فى شقه محمود هو ادانى المفتاح
اسعد / اللى يريحك يا باشا بس لو عوزت حاجه تكلمنى
مازن / اكيد يا معلم
اسعد يمشى و مازن و شريف يطلعوا و مرام تقابلهم عالسلم
مرام / انتوا بجد هتباتوا هنا
مازن يفتح الشقه و يزق شريف جوه و يبص لمرام
مازن / اوعى تكونى مش مبسوطه اننا هنبقى جيران
مرام / و انا ايه اللى هيدايقنى فدا
مازن / كويس
سميحه تطلع و شايله صينيه اكل مازن يتعدل فوقفته
سميحه / العشا يا مازن كل و نام عندكوا كليه الصبح
مازن / حاضر
سميحه تشد مرام لجوه و هى بتبص لمازن
سميحه / تصبح على خير يا مازن
مازن / هاه و انتى من اهله يا تيته
سميحه تقفل الباب شريف يطلع لابس بجامه ياخد الصينيه و يدخل مازن يرفع حاجبه و يدخل وراه
شريف / والله مفى من تيته دى الله على ريحه البيض شايف السمنه يلاهوى
مازن / الف هنا
شريف / مش هتاكل
مازن / لا مش جعان انت جبت دى منين
شريف يرد و بقه مليان اكل 
شريف / الاوضه دى شكلها بتاعه محمود
مازن / هتطخن يا طفس
شريف / خليك انت فالفرمه و البورمه و سبلى انا البيض ابو سمنه بلدى اللى يهبل ده
مازن يسيبه و يدخل جوه و يفتح الدولاب و يطلع بجامه و يحطها عالسرير و يحط المسدس على الكومدينو و يبدا يقلع النص اللى فوق موبايله تجيله رساله ينام عالسرير و يتشات
مرام / تصبح على خير
مازن / و انتى من اهله
مرام / هظبط المنبه و اصحيك الصبح عشان نروح الكليه سوا
مازن / لا مش رايح هوصلك بس
مرام / نعم ليه يعنى
مازن / انا بهدومى مالصبح و كلها عرق مينفعش اروح بيها الكليه بكره
مرام / ههههههههههههههههههه يا توتو
مازن / معلش استحملى
مرام / ليك هدوم هنا فاكر اللى الصلصه ادلقت عليها غسلتها و عنتهالك فى كيس و المفروض محمود يديهالك بس هو حلف لازم ترجعله هدومه الاول
مازن / هههههههههههههههه تصدقى انا نسيت الموضوع ده خالص
مرام / فى حجج تانيه عند البيه الاستاذ
مازن / لا مفيش هتنامى علاطول كدا
مرام / هموت مالتعب
جرس الباب مازن يقوم ياخد المسدس و يحطه فبنطلونه و يطلع بره يلاقى شريف فتح و مجدى عالباب يروحله
مجدى / لما قالولى الباشا عندنا مصدقتش
مرام تفتح الباب
مرام / عاوزين ايه مننا تانى
مجدى / كل خير يا ست الكل انا جاى اعتزر
مرام / يا سلام والله ان ممشيت لصوت و اللم عليك امه لا اله الا الله
مازن / مرام ... خشى جوه
مرام تبصله و تبص لمجدى و ترجع تبصله
مازن / لو سمحتى يا مرام خشى جوه
مرام تدخل و هى عنيها على مجدى و فمنتهى الغضب
مازن / اؤمر
مجدى / مش هتقولى اتفضل
مازن / للاسف مش بيتى عشان اعزمك تدخل اصحابه فى المستشفى بسببك
مجدى / لا يا باشا مش بسببى دا الواد مدبولى هو اللى غزه مش توفيق و بعدين انا جاى اعتزر و اقولك سماح النوبه
مازن / بالبساطه دى
مجدى / يا باشا اقولك ايه بس والله الواد توفيق ده اهبل الجدع اللى اسمه احمد ده داحك عليه و عامله البحر طحينه
مازن / احمد ؟؟
مجدى / اه الجدع اللى البوليس قبض عليه يوم خطوبتك على ست الكل
مازن / عاوز ايه يعنى
مجدى / عاوز السماح و بعدين مانت ربيته و اوعدك لما هيخرج هربيهولك بنفسى
مازن / ماشى
مجدى / يعنى سماح
مازن / لا بس هنساكوا شويه ياريت بقى متعملوش اى حاجه تفكرنى بيكوا ماشى
مجدى / تؤمرش بحاجه تانى
مازن يبتسم من تحت الدرس مجدى يمشى و مرام تفتح الباب ووشها كله غضب مازن يربع ايده و يسند عالباب و يبتسم مرام تدخل و ترزع الباب مازن يدحك و يدخل يقفل الباب
............................
فى شقه مرام
مرام / ايه المتخلف ده ماشى ماشى
تليفون مرام يرن ترد
مرام / نعم عاوز ايه
مازن / وحشتينى
مرام / يا سلام
مازن / طب انا مخاصمك
مرام / انا عاوزه انام
مازن / ايه ده مش عاوزه تعرفى حتى مخاصمك ليه
مرام / ليه
مازن / لا قولى مخاصمنى ليه
مرام / مخاصمنى ليه
مازن / مش قولنا لما يبقى فى رجاله من فضلك لو سمحتى يعنى رجاءا متدخليش
صمت
مازن / والله متحكم انا فعلا خايف عليكى
مرام / مانا كمان خفت عليك
صمت
مرام / يعنى افرض كان ناوى على شر افرض مكنش لوحده
مازن ساكت
مرام / انت ساكت ليه قولت حاجه غلط انا
مازن / لا مقولتيش
مرام / امال ساكت ليه
مازن / لما قولتى انا خايفه فى التليفون قبل كدا قلبى وجعنى بس لما قولتى خايفه عليك حاجه تانيه خالص
مرام / امسكهالى بقى على فكره بقى
مازن / على فكره بقى انتى عسل
مرام / و انت بصل بصله كبيره قاد كداهو
مازن / ههههههههههههههههههه
مرام / و مستفز
مازن /  و ايه كمان
مرام / تعرف انا غلطانه انى بضيع وقتى فالكلام معاك انا هدخل اخد دش سخن يهدى اعصابى و بعدين انام
مازن / طب ممكن قبل منام نخليها فيديو كول
مرام / لا
مازن / طب استنى هكلمك واتس فيديو كول اقفلى انتى الكاميره بتاعتك
مرام / ليه يعنى هتفرق فى ايه
مازن يقفل السكه و يتصل واتس مرام تفتح
مازن / كان نفسي تفتحى الكاميره عشان اشوف رد فعلك هيبقي ايه لما اقولك انا بحبك
مرام تبتسم بخجل و تسكت
مازن / انا بحبك
مرام ساكته
مازن / ساكته ليه ... مرام مرام
مرام / هاه ؟؟ معلش كنت بتقول ايه شكلى غفلت
مرام تعمل بتتاوب مازن يفتح فى الدحك
مازن / هههههههههههههههه ماشى ماشى
مازن يخبط برواز غصب عنه يقع فى الارض يقوم يعدله يلاقى صوره وقعت منها يبص عليها يلاقيها صوره لمرام بشعرها و فستان سواريه و تاج و مبتسمه يدايق
مرام / فى ايه
مازن بيبص للصوره وقعت من جوه البرواز جنب سرير محمود
مرام / انت بتعمل ايه عندك
مازن / ولا حاجه تصبحى على خير
مرام / و انت من اهل الخير
مازن يقفل و يمسك الصوره و هو مدايق شريف يدخل
شريف / موبايلى هيفصل مشوفتش الشاحن ... مالك
مازن / مفيش
شريف / قفشتوا على بعض و لا ايه
مازن / اعمل ايه فمحمود ده
شريف / ماله عمل ايه
مازن / معملش
مازن ماسك الصوره فى ايده
شريف / دى صوره مرام ؟؟؟
مازن يداريها و يهز راسه اه
شريف / مش مهم مين فيكوا بيحبها الاهم هى بتحب مين
مازن يبصله
شريف / هى خطيبتك انت دلوقت و هو المفروض يحترم ده
مازن / عارف بس هو مش قادر يفهم ده
شريف / كلم تيته اقولك كلم امه اديها الصوره و قولها انك لقيتها و ان ده ميصحش و انك مش هتقول لحد عشان متعملش مشاكل هى هتلمه
مازن / و ان متلمش
شريف / ساعتها مش عارف بقى بس ساعتها يستاهل بقى انت عملت اللى عليك
مازن / انا هقوم اعمل قهوه تشرب
شريف يتاوب و يحدف لمازن موبايله
شريف / قهوه ايه يا عم انا عاوز انام خد دور عالشاحن و حط ده انا هنام فى الاوضه التانيه تصبح على خير
مازن / و انت من اهله
مازن يقوم يدخل المطبخ و يعمل قهوه بعد معاناه انه يلاقى مكان الحاجه و يعدبن ياخد القهوه و يطلع البلكونه يسمع صوت البلكونه اللى جنبه بتتفتح و مرام داخله شايله طبق غسيل كبير ترزعه فى الارض
مازن / منمتيش يعنى
مرام / خضيتنى
مازن / هههههههههههههه معلش
مرام / دخلت اخد دوش لقيت الغسيل ده فى الحمام قولت انشره الاول على مالسخان يعبى شويه مايه سخنه انت بقى منمتش ليه
مازن / انا مبنامش بسهوله على سريرى تفتكرى هنام على سرير تانى
مرام / عارف انت لو مهلوك فى الشغل هتحط راسك تنام على اي حاجه
مرام تبدا تنشر
مازن / يمكن
مرام / و ممكن يكون فكر على فكره بس ياترى ايه اللى ممكن يشغل تفكيرك انت المفروض عندك كل حاجه
مازن / انتى شايفه كدا
مرام تبصله
مازن / هسالك سؤال
مرام / اتفضل
مازن / لو انتى ماشيه فامان الله لقيتى نفسك جوعتى و فى محل واحد بس فاتح و بيقفل بس قالك ان عنده ساندوتش واحد بس و فى واحد تانى كمان عاوز نفس الساندوتش بس انتى معاكى تمنه و هو معهوش هتعملى ايه
مرام / هشتريه و اقسمه
مازن / افرضى مبيتقسمش مش ساندوتش اى حاجه لو اتقسمت تبوظ تتكسر لازم واحد بس اللى ياخدها تعملى ايه
مرام / هسيبهاله و اجيبلى واحده تانيه
مازن/ يعنى انتى لو لقيتى واحده بتحبنى هتسبينى ليها و لا هتقولى دا خطيبى و تمسكى فيا
مرام / لا كدا الموضوع اختلف انت قولت معاك تمنها فانا اكيد مش هيكون شخص لان الناس مبتتباعش
مازن / بحاول ادى مثال
مرام / بص يا مازن مدام شخص فالموضوع مش بايدك بغض النظر بقى معاك تمنها او معكش مدام شخص يبقى الشخص ده لازم هو اللى يختار
مازن / يعنى مدام انا خطيبك
مرام / يبقى ابوها راجل من ضهر راجل لو فكرت تقرب
مازن يبتسم
مرام / بتسال ليه هو فى جو قديم بيطاردك و لا حاجه
مازن / ههههههههههههههههههههه لا مجرد فكره جت فدماغى
مرام تنشر قمصان رجالى
مازن / دول بتوع محمود صح
مرام / اكيد لانا و لا تيته هنلبس دول يعنى
مازن / طب معلش غلاسه هدوم محمود بتعمل ايه عندك
مرام / عادى عمتى فيها طبع انها بتكون الشغل على بعضه يعنى بتسيب الغسيل لما يتكوم كله وبعدين تقسمه نص فغسالتها و نص عندنا و انا بنشره عادى و لو مكنتش عندك انا كنت جيت نشرت لان اكيد فى هدوم عندك فى الغساله
مازن / اه طب و يا ترى هلاقيلك هدوم هنا
مرام / لا طبعا
مازن / انا يمكن مليش حق فى اللى هقوله ده و يمكن اوفر اوى بس انا غيران هو ده طبيعى
مرام / من ايه
مازن / يعنى مش عارف الوضع مش مريح
مرام / دا اخويا
مازن / نوعا ما عارف انه بالنسبالك كدا بس فالحقيقه انتى مش اخته يا مرام
مرام / طب مزياد مش اخوك
مازن / كبرى مخك
مرام / على فكره انا فاهمه
مازن / بجد
مرام / اه فاكر لما قولتلك انى غيرت لما شوفتك حاضن مونيكا يوم قرايه فاتحتنا
مازن / لا الجقيقه انتى مجبتيش سيره انك غيرتى خالص فالموضوع 
مازن يبتسم مرام تسيب الغسيل و تجرى على جوه
مازن / انتى يا بنتى يا مجنونه طب الغسيل هههههههههههههههههههههههه
مرام واقفه ورا البلكونه ووشها احمر زى الطمطمايه و مازن واقف مستنى يمكن تطلع يدخل يجيب كرسي و مصحف و يقعد يحفظ و هى سامعه صوته من جوه و مبتسمه اوى
..................................
تانى يوم الصبح
مرام و سميحه فى المطبخ
سميحه / كلمى مازن شوفيه صحى و لا لا عشان متتاخروش
مرام / انا رنيت عليه و كنسل يبقى اكيد صحى
سميحه / يا بنتى رنى تانى يمكن نام تانى
مرام / يووووه و انا خلفته و نسيته دا ايه الغلب ده
جرس الباب يضرب
سميحه / اهو صحى روحى افتحى
مرام تلبس الطرحه و تروح تفتح تلاقى شريف
شريف /صباح الخير
مرام / ازيك تعال ادخل
شريف / هنزل اجيب عيش و فول و طعميه مالعربيه اللى على اول الشارع شايف الكل جايب
مرام / احلى فول تاكله فول عم مدبولى
شريف / تمام اجيبلكوا معايا
مرام / تيته تاكلى فول عم مدبولى
سميحه من جوه / لا مش عاوزه سبقتكوا
مرام / خلاص هاتلى انا واحد فول وواحد طعميه و شكرا
شريف / تمام سلام
شريف ينزل و مرام واقفه مبتسمه لحد مينزل تروح عالشقه التانيه و تدخل تبص يمين و شمال
مرام / احم احم ... صباح الخير
مفيش اى رد فعل تلاقى باب اوضه محمود متوارب تخبط مفيش صوت تدخل تلاقى بجامه عالسرير و السرير مبهدل
مرام / ابتدينا
مرام تعدل السرير و تطبق البجامه
مازن / احم احم
.................................