السكه شمال بقلم / لولو_محمد ( كامله )

الحلقه ١٤٦

(((((((((((((((السكة شمال ))))
#لولو_محمد
الحلقه 146
توفيق / ميا مسا يا استذه
محمود يبصله من فوق لتحت و يمشى توفيق يقوم وراه
توفيق / مخلاص بقى ميبقاش قلبك اسود احنا برده ولاد حته واحده
محمود / عاوز ايه يا تيفا
توفيق / ياعم بمدك ايدى الله
محمود / معلش زى مانت شايف شايل
توفيق يمد ايده يشيل عنه محمود يحرك ايده
توفيق / كنت هساعدك
محمود / الله الغنى
توفيق / و ماله حقك ... منورين يا بهوات
توفيق يبص على شريف يبتسمله من تحت الدرس و يمشى هو و محمود عالبيت
توفيق / ابقى سلملى عالعروسه .... و العريس
..........................................
محمود يقف شريف يزقه يمشى يدخلوا البيت
شريف / مازن هنا خليها تعدى على خير المرادى هيقتله بجد هو على اخره اصلا
محمود / ليه حاجه جديده حصلت
شريف / لا بس مازن مبينساش من النوع اللى بيجمع ممكن يعدى مره و اتنين و تلاته و فالاخر يديك حسابك القديم عالجديد
محمود / بس كنت فاكر انهم صفوا حسابهم مع بعض دا رقده شهور
شريف / يبقى لسه متعرفش مازن يلا يلا
شريف يسبق و محمود وراه صافى تفتح الباب يدخلوا
صافى / اخيرا انا كنت جعانه موت ازيك يا محمود
محمود / ازيك يا صافى .. ازيك يا مروه 
مرام / ازيك يا محمود
محمود / الحمد لله ازيك انتى ازيك يا مازن
مازن / زوغت انت من خالو صح
محمود / اول معرف انكوا هنا قالى روحلهم بصراحه راجل سكره خالك ده
مازن / اقعد اقعد
مروه / والله لو كنت اعرف انهم جايين كنت عملتلهم الاكل بنفسى
مرام / اكل ايه كفايا تعبك معايا فالشقه تسلم ايدك
محمود / والله كانسها امبارح قولت يجوا يلاقوا الدنيا نضيفه
مرام / باين متعبناش فيها حاجات بسيطه اللى كانت فاضله كتر خيرك
محمود / ايه جهزتوا كل حاجه للفرح
مروه / كانوا لسه بيوصفوا كروت الفرح صندوق موسيقى زى اللى انت جايبهولى اللى فيه عروسه بتلف و بيغنى ده بس بدل العروسه عريس و عروسه
محمود / جديده الفكره دى
مروه / اه عجبتنى اوى
صافى / مروه قالتلى انكوا هتنزلوا تدوروا على فستان للفرح عشان مروه يعنى
محمود / اه باذن الله افضى نفسى يوم و ننزل علاطول
مازن / كنت فاكر انكوا هتعملوا فستان واحد للبرايدز مايد
صافى / ايوه مانا لسه كنت هقوله يجوا عندى اخد مقاساتها عشان يتنفذ
مرام / كويس انك فكرتينى بعد الاكل اطلع لامل فوق عشان تاخدى مقاساتها هى كمان عندى مازوره جوه
صافى / حلو جدا
مروه / و اخواتى
صافى / طبعا
مرام / و كلمى بقى مونى و انجى
صافى / انا عندى مقاس مونى و انجى بيتهيالى زيها بالظبط نفس الجسم
مرام / حلو اوى
مروه / جبتى الفستان
مرام / من زمااااااااان ههههههههههههه عند مازن فى البيت
مروه / حلو
مرام / هتشوفيه فى الفرح
مروه / يا خساره كنت عاوزه اكون معاكى و انتى بتنقيه
مازن / مهى هتنقى واحد تانى
مروه / هتغيرى فساتين
مرام / اصلهم هيبقوا فرحين يعنى عشان الناس هتبقى كتير اوى فهنقسمهم على فترتين
محمود / فيلم سيما هوه متنيه و سواريه
مرام / الظروف بتحكم يا محمود معلش
محمود/ فهمت فهمت مش مشكله اهو الواحد ينبسط بطريقته
شريف / دا على اساس ايه على فكره انت فاهم غلط الموضوع هيبقى صعب جدا اصعب مما متخيل لان انا و انت و تيته و مروه طبعا و مامتى و خالو صفوت هنبقى فالفترتين
مرام / مهو اكيد مش هروح وسطيهم منغير اهل ليا يعنى
محمود / و هما دول بس اهلك يا مرام
مرام / لا و امل و اخوات مروه طبعا اخوات العروسه
محمود / و عمك مش هتكلميه تعزميه
مرام / معرفش انا اصلا معرفلوش عنوان
شريف / لو عاوزه اجيبهولك الموضوع مش هياخد اكتر من مكالمه تليفون
مرام تبص لشريف
مازن / شريف شاطر جدا فى الحاجات دى علاقاته ملهاش حدود فكل حته
شريف / دا بحكم شغلى طبعا مع الباشا
مرام / معرفش لما تيته تيجى تقرر انا اصلا عمرى مشوفته يعنى من زمان اوى مش فاكره حتى شكله و لا شكل عياله هيجوا الفرح يعملوا ايه مضمنش يحرجونى و لا يحصل منهم اى موقف معرفش انا بقول نستنى تيته هى اللى تقرر
مازن / خلاص من هنا لبكره مش مشكله
مروه / طب و بابا و ماما
شريف / الافضل يبقوا بالليل يعنى عشان ميتعبوش عالفاضى و كمان احنا هنحتاج المعلم اسعد يستقبل الناس فى القاعه على منوصل كلنا
مروه / تمام صح جدا برده
مروه تبص لمحمود باين انه مدايق يبصلها يبتسم تبتسم
...................................
فى اوضه مازن فى الفيلا
مازن نايم مرام تفتح الباب بشويش و تدخل تتسحب و تقفله و تدخل بالراحه فى حضن مازن يصحى و يبتسم
مرام / اسفه انى صحيتك بس انا مش عارفه انام عماله اتقلب فى السرير من ساعتها و مش عارفه انام ممكن اخلينى جنبك
مازن / انتى بتستاذنى !!! تعالى يا قلبى
مازن ياخد مرام فى حضنه
مرام / مع ان تيته وحشانى اوى و على قد مانا مشتقالها و نفسى ترجع مش عارفه ازاى هقدر ابعد عنك الكام يوم دول قولت نشبع من بعض شويه
مازن / بس انا عمرى مهشبع منك يا مرام
مرام ترفع راسها و تبصله تلاقيه باصصلها
مازن / حتى لو فضلتى مليون سنه فحضنى كدا عمرى مهشبع منك ابدا
مرام / توعدنى
مازن / اوعدك
مرام / و انا كمان مبشبعش منك تصدقنى لو قولتلك ان كل مبقرب منك اكتر بتوحشنى اكتر
مازن / عارفه انا الاحساس ده كويس
مرام / اسفه انى قلقت راحتك انا عارفه انك بتنام بصعوبه
مازن / قلقتى راحتى ؟؟ انتى عبيطه صح ؟؟ طب دانا مبرتاحش غير و انتى فحضنى كدا
مرام تبتسم اوى و تشاور على دحكتها
مرام / تعرف اهو كل مبتقولى كلام حلو مبعرفش اقفل بقى و بتفضل الدحكه العبيطه دى عليه
مازن / و انتى متعرفيش الدحكه العبيطه دى بتسعدنى قد ايه دانا طلعت روحى لحد مشوفتها
مرام / بس هى مش جديده عليا على فكره
مازن / يا سلام
مرام / اه كانت بتيجى كتير لما كنت بتقعد تكلمنى بالليل فى التليفون ساعات كتير كان بقى بيوجعنى من كتر مانا مش عارفه اقفله و انام و هى على وشى و تيته كانت تقعد تدحك عليا
مازن / و اجى انا الصبح الاقى الشويش عطيه مستنينى
مرام / ههههههههههههههههههههههه
مازن / مسكين مازن ده اتعذب كتير والله
مرام تعدى صابعها بالراحه على خد مازن
مرام / يا حراااام
مازن / لا مفيناش من كدا انا على اخرى و ربنا
مرام / سورى سورى خلاص اتلم يا صباعى اتلم عيب
مازن/ متتلمش اوى يعنى
مرام / هههههههههههه
مازن / انتى عارفه انا عامل زى ايه
مرام / ايه
مازن / زى الصايم فى اخر خمس دقايق قبل الاذان السفره عليها الاكل و هو قاعد باصصله بس مش قادر يمد ايده و مستنى الاذن
مرام / بس الحمد لله انت متسحر كويس
مازن / و لا دوقته
مرام / يا راجل !!! بقولك ايه غير السيره دى متبوظش اللحظه
مازن / احسن برده ... تعرفى انا عندى فكره حلوه اوى
مرام / ايه
مازن / ايه رايك نلعب لعبه
مرام / لعبه ايه
مازن / هنلعب الصراحه و باحكام يعنى مثلا انا هسالك سؤال يا تجاوبى يا ما تتعاقبى
مرام تقرب من عنيه و تتكلم بدلع زايد
مرام / و اهون عليك تعاقب مرام حبيبتى
مازن / هاه !!!
مرام / بقولك اهون عليك ... تعاقب .. مرام ... حبيبتك
مازن / مين ؟؟
مرام / انت .. عاوز تعاقبنى
مازن / دا عقاب حلو  
مرام / حلو اوى يعنى
مازن / حلو جدا
مرام / طب قول كمل يطلع ايه العقاب الحلو جدا ده
مازن / احم بصى يا ستى انا هسال لو جاوبتى تمام مجاوبتيش يتحكم عليكى تبوسينى
مرام / و دا يبقى اسمه عقاب ده
مازن / مانتى كمان هتسالى و لو انا مجاوبتش تحكمى عليا ابوسك
مرام ترجع لطبيعتها
مرام / ههههههههههههههههههههه لا ناصح ياله مانت اكيد مش هتجاوب على ولا سؤال بص بقى
مازن / قول ياسطى
مرام / احنا هنخلى العقاب فى الاخر انت تسال و لو انا مجاوبتش هديك بوسه
مازن / قلبى يا ناس
مرام / و انا هسال و لو انت مجاوبتش يتخصم منك بوسه
مازن / ايه الافترا ده
مرام / و هنجمع فى الاخر و نشوف ليك و لا عليك
مازن / بالنسبه لمرام الدلوعه اللى كانت بتكلمنى من شويه دى
مرام / مالها يعنى عاوز ايه
مازن / بطمن عليها بس مفيش حاجه والله اتفضل يا وحش اسال 
مرام / لا ابدء انت الاول
مازن يقوم يقعد و مرام تقوم تقعد قصاده
مازن / السؤال الاول .. ليه مرضيتيش تشتغلى معايا فى المشروع
مرام / امممممم
مازن / اول بوسه
مرام / ايه ده لا استنى هجاوب .... كنت خايفه احبك
مازن يمسك قلبه و يحدف نفسه عالسرير
مرام / هههههههههههه ايه ده
مازن / لا مش قادر خلاص
مرام / بطل دلع بقى
مازن / يعنى مش عشان انا عيل واطى و ابن كلب و عشان كنتى خايفه تحبينى قولى و ربنا
مرام / انت رزل اوى على فكره انسان غتت و مستفز و انا غلطانه انى بتكلم معاك
مرام تدى لمازن ضهرها ينط يعدل نفسه قدامها
مازن / لا لا لا و انا اقدر دانتى اللى فالقلب
مرام تبتسم
مرام / دورى
مازن / خليكى حنينه
مرام / ابدا ... تقدر تقولى ايه هى اكتر حاجه كانت بتستفزنى فيك
مازن / دا سؤال سهل جدا دحكتى طبعا
مرام / غلط .. يتخصم منك بوسه
مازن / ايه الخم ده لا دحكتى انتى لسه قيلالى ان دحكتى كانت بتستفزك جدا و كانت بتخليكى تعملى حاجات مش عاوزه تعمليها هاه .. حاجات ايه دى هاه .. حاجات ايه
مرام / لما يبقى يجى دورك ابقى اسال متخمش
مازن / جاى يا ماما هو هيروح فين جاى
مرام / هههههههههههههه اكتر حاجه كانت بتستفزنى لما كنت تقولى انتى بتكابرى
مازن / يا شيخه
مرام تبتسم بخجل
مرام / كنت بقول ايه الواد الرخم ده بقى انا بعمل كل المجهود ده عشان ادارى و هو بالبساطه دى فاهمنى كنت بتعرف ازاى
مازن / قولتلك قبل كدا انتى بريئه اوى و عنيكى فضحاكى
مرام / بس انت فعلا كنت فاهمنى اوى حتى فيوم المكتبه
مازن / لما اتعصبتى عليا و بوظتى هدومى بالكاتشب
مرام / ههههههه بصراحه انا مكسوفه من نفسى اوى انى عملت معاك كدا بس انت كنت مستفز اوى انا مبحبش اكون مكشوفه قدام حد كدا
مازن / و هو انا حد برده
مرام تبتسم بخجل
مرام / احم ... دورك تسال
مازن / مش قولتلك دورى جاى
مرام / هههههههههههههه
مازن / حاجات ايه دى بقى اللى دحكتى كانت بتخليكى عاوزه تعمليها
مرام / انت عارف متصيعش
مازن / مجاوبتش كدا صفر صفر مع انك خميتى و سالتى سؤالين
مرام / لا هجاوب على فكره
مازن / ليه الرخامه طيب هاه ليه
مرام / هو كدا هجاوب
مازن / اتفضلى
مرام تبص فى الارض و تتكلم بصوت واطى اوى
مرام / ابوسك
مازن / افندم مش سامع
مرام / متستعبطش بقى
مازن / لا مليش فيه انا جاوبى زى الناس
مرام / ابوسك خلاص
مازن / طب و ايه مانعك بس والله مكنت هعترض
مرام / متتلم بقى الله
مازن / كدا واحد صفر ليا عشان مجاوبتش
مرام / دا مش دورك اصلا صفر صفر
مازن / لا انتى سالتى سؤالين ورا بعض و انا ليا سؤالين ورا بعض
مرام / سؤالين ايه دول
مازن / ايه اكتر حاجه بتستفزك و كنت بعرف منين و ده جاوبته فشالو بعض و انتى مجاوبتيش يبقى ليا عندك بوسه
مرام / انا غلطانه اصلا انى بلعب معاك انا عارفه انك هتخم
مازن / قال يعنى مش على هواكى الخم ده
مرام تضربه بالمخده يدحك
مرام / جزمه
مازن / ههههههههههههههههه ماشى دور مين
مرام / معرفش
مازن / يعنى نقفلها على كدا و نصفى حساباتنا و لا ايه
مرام / لا انا هسال
مازن / اتفضلى
مرام / انت فصلتنى اصلا مش عارفه افكر فى سؤال
مازن / ههههههههههههه طب خلاص هسال انا لحد متفكرى فسؤال
مرام / اسال بس انا هيبقى ليا سؤالين
مازن / ان شالله عشره هخاف يعنى لا داحنا جامدين اوى و مزاكرين و جاهزين اوى اوى يعنى
مرام / هههههههههههههه ماشى يا برم
مازن / برم !!! ماشى السؤال بيقول امتى حسيتى انك بتحبينى
مرام / دا سؤال سهل جدا
مازن / طب جاوبى
مرام / انا اكتشفت انى بحبك يوم مغنتلى عالفيس ساعتها فهمت ان المشاعر اللى جوايا نحيتك دى حب بس امتى حسيت بقى دا كان من قبلها بكتير اوى
مازن / لا امتى بالتحديد
مرام / انا اديتك اكتر مالاجابه اللى انت عاوزها
مازن / مليش فيه
مرام / امممم استنى افكر اول مره حسيت بنغزه فى قلبى كانت يوم ممشيت زعلان من عندنا بعد التلت ايام مخلصوا كنت مدايقه اوى انك مشيت كان هاين عليا اجرى وراك و دخلت الاوضه و انا مدايقه جدا و تقريبا عيطت كمان
مازن / قولى والله
مرام / والله وقتها مكنتش فاهمه انا بعيط ليه مانا اللى رافضه و انت مش مناسب و مش هتسعدنى وقتها كنت فاكره كدا بس فهمت بعدين ليه كنت مدايقه عشان حبيتك التلت ايام اللى طلبتهم كانوا كفايه اوى انى احبك 
مازن / قلبى يا ناس
مرام / دورى بقى انت بقى امتى اكتر مره قلبك دق ناحيتى ركز مش اول مره اكتر مره
مازن / دا سؤال صعب جدا على فكره دانا قلبى ماسك صاجات حضرتك بقاله فتره طويله اوى بس تعرفى كان فى مره دقته كانت مختلفه فاكره لما كنت رايح اضرب محمود و فتحتلك الباب كنتى عامله شعرك ديل حصان و لابسه بجامه حمره
مرام / متفكرنيش و لا بعدها لما فتحت الباب بالغلط و انت يا جزمه وقفت تدحك عالسلم انا بغلى و انت بتدحك ايه ده هو فى كدا
مازن / ههههههههههههههه
مرام / السؤال التانى حسيت بايه لما شوفتنى يوميها يوم البجامه الحمره
مازن / حاجات كتير اوى كنت مدايق جدا و مبهور جدا و سعيد جدا و غيران جدا
مرام / ايه ده ازاى يعنى
مازن / دا سؤال تالت على فكره
مرام / لا انت مجاوبتش اصلا انا مش فاهمه اجابتك
مازن / هخلينى جدع معاكى المرادى كمان و اعديها عشان خاطر عيونك الحلوه دى
مرام / يا سلام و انت من امتى عديتلى
مازن / دا سؤال رابع على فكره
مرام / هو انت بتجاوب حاجه
مازن / هجاوب بصى يا ستى يوميها انا كنت فى السخنه مع مونى كنت مدايق جدا اننا بنتخانق يوم مزعقتيلى و قعدتى تزقى فيا عشان محمود كان يوم صعب جدا بالنسبالى
مرام / صعب ازاى
مازن / دا سؤال خامس هههههههههههههههههههه
مرام تبصله شظرا يدحك
مازن / هههههههههههههه خلينا نكمل ده الاول المهم زياد كلمنى و قالى محمود ضربنى فنزلت طيران و كنت طول الطريق بتكلم انا و مونى عنك و طبعا مونى قعدت تسالنى هى مرام دى حلوه و انا كنت بتهرب مالسؤال و قالتلى متتجوزها انا متخيلاها قمر و انا طبعا ازاى مينفعش طبعا
مرام / انت تطول اصلا
مازن / لا مطولش و عشان كدا قولت مينفعش
مرام تبتسم
مازن / المهم يا ستى الباب خبط قمت فتحت لاقيت قدامى حوريه مالجنه بتنور كدا كنت عارف ان فى الحجاب ده بيدارى حاجه محصلتش بس لما شوفتك اوووووف لا الوضع مختلف خالص كنتى فوق مستوى توقعاتى بس طبعا الاحساس ده اتحول لغضب شديد فثوانى و غيره ان ازاى تطلعى لمحمود كدا ازاى محمود يشوفك كدا و الهانم بتقولى انت بتسالنى بمناسبه ايه اصلا اديكى قلم يفوقك هو ايه اللى بتسالنى بمناسبه ايه بمناسبه انى بحبك و بغير عليكى طبعا انتى هبله و لا ايه
مرام / ههههههههههههههههههههههههههههه
مازن / كان ايه السؤال اللى بعده اه امتى عديتلك كتير اوى حضرتك كتير جدا فكل مره كنتى بتقولى مبحبكش او بتنتقدينى فكل مره كنتى بتكابرى فى اول خطوبتنا فكل مره كنتى بتقولى مفيش نصيب فكل مره كنتى بتطلبى منى ابعد فكل مره كنت بحاول اغازلك و انتى تتقلى عليا كفايا و لا اقول كمان
مرام / ليه كنت بتعديلى
مازن / عشان بحبك
مرام وشها يقلب قلوب و تبتسم و مازن متابعها و مبتسم
مازن / احم .. السؤال اللى بعده كان ليه يوم مدافعتى عن محمود كان صعب اولا لانى غيرت منه جدا انك بتتخانقى معايا عشانه و عشان لما زعقت فيكى خفتى و دى كان اصعب احساس حسيته فى حياتى حبيبتى خايفه منى و مش قادر اخدها فى حضنى اطمنها فى ايه اصعب من ده
مرام / هو انا قولتلك انى بحبك اوى
مازن / معنديش اى مانع انى اسمعها منك تانى و تالت و رابع و عاشر و مليون
مرام / انا بحبك اوى يا مازن
مازن / و انا كمان يا مرام بحبك اوى اوى اوى سؤال بقى من نفسى
مرام / اتفضل
مازن / ليه كنتى بتكابرى ليه مقولتليش انا بحبك يا مازن ليه الكلام الحلو ده مكنش بيطلع منك غير بالعافيه او سهو و كنتى بتجرى تستخبى كانك عملتى جريمه او بسرعه تغيرى الموضوع او تنكرى حتى انك قولتيه ليه
مرام / مش انا والله
مازن يقرب منها و يحوط عليها بايده و هى تتكلم بدلع كانها عيله صغيره عامله حاجه غلط و خايفه مالعقاب
مرام / دى حارس البوابه
مازن / اه بتاعه السور بتاعك فاكره انا مالها دى بقى
مرام / هى اللى كانت حبسانى جوه و بتكلمك بس انا ساعات كنت بفلت منها بس والله كانت ترجع علاطول تحبسنى تانى مكنتش بتسمعلى خالص كنت ببقى بقولك كلام و الاقيها هى بتقولك كلام تانى خالص
مازن / ايه البت النوتى دى اخص عليها امال راحت فين بقى
..................................