السكه شمال بقلم / لولو_محمد ( كامله )

الحلقه ٥٣

(((((((((السكة شمال )))))))))))))
#لولو_محمد
الحلقه الثالثه و الخمسون
شريف يروح يقعد جنب مازن عالسرير
شريف / و اخرتها طيب لا شركه بتروح و لا كليه بتروح و لا بترد على تليفونات و لا بتفتح لحد الباب حتى دقنك محلقتهاش بتعمل فنفسك كدا ليه هاه اخرتها ايه
مازن يقوم يقعد
مازن / انا حر فى حياتى
شريف / مانتش حر لا مانتش حر
....................................
مازن ينام تانى شريف يشده
شريف / قوم بدل مقومك بالعافيه قوم عشان تفك رجلك و عشان تروح الشركه خالك هيتجنن عليك قوم كفايا دلع بقى
مازن / اوووووف هو انت كنت امى فكك منى بقى يا شريف
شريف / الله يرحمها قوم
مازن ميعبرش شريف يمسك التليفون و يتصل
شريف / الو ازيك عامله ايه ... اه هنا اهو كلميه
شريف يقرب التليفون من مازن ميعبرش شريف يفتح الاسبيكر
مونى / ميزو فينك مش بترد على تليفونى ليه
مازن يبص لشريف شريف يبتسم مازن ياخد التليفون و يزقه برجله السليمه يقومه من عالسرير شريف يقوم و هو بيدحك
شريف / هحضرلك الفطار
شريف يطلع بره
مازن / ايوه يا حوبى ازيك
مونى / مالك يا قلبى فيك ايه شريف كلمنى و قالى انك مكتئب
مازن / لا مفيش حاجه انا زهقان بس
مونى / ايه مرام عرفت انك خطبت و لا ايه هههههههههههههههه
مازن / و ايه جاب سيره مرام دلوقت
مونى / بهزر معاك صحيح جايين يتغدوا عندنا بفكر اطفش معندكش حته اطفش فيها
مازن / تعالى و انا اخبيكى جوه عنيا
مونى / مش هينفع انا مسافره لندن الاسبوع الجاى
مازن / اخبار المز بتاعنا ايه
مونى / كويس بيسلم عليك قاعد جنبى على فكره ... مازن بيقول عليك مز
صوت كامل  / بجد شكرا
مازن / كلبه
مونى / هههههههههههههه
مازن / ابعتيلى صورتك يا بت وحشتينى اوى
مونى / ثوانى ...... بعتلك
مازن / وصلت
مونى / قوم يا مازن مبحبش اسمع انك فالحاله دى بجد بليز بقى فرفش كدا
مازن / اوك
مونى / هقفل بقى هتعوز حاجه
مازن / سلام
مازن يقفل شريف يدخل بصينيه عليها فطار
شريف / احسن دلوقت
مازن / اكيد يعنى
شريف / على فكره رقمها متسجل عندك برده لما تحس انك مكتئاب ابقى كلمها مع انى مش شايف اى سبب للهبل اللى انت فيه
مازن / و لا انا
شريف / قولى بقى كنت بتقفل على نفسك الاوضه بالساعات بتعمل ايه
مازن / بلعب هكون بعمل ايه بضيع وقت
شريف / طب انت عندك بكره كليه مش هتروح برده
مازن / لا مش رايح
شريف / ناوى على ايه هتستنى لما هى تعدى السنه و تنقل رابعه و تفضل انت فتالته و لا ناوى تستنى اما هى تتخرج خالص و تسيب الكليه
مازن / انت عاوز ايه مش عاوزنى اقطع معاها
شريف / هو يعنى الكليه كلها مفيهاش غير مرام يا مازن مبلاش تقفيل الدماغ ده بقى متروح و تركز فى مستقبلك زى مبتروح كل يوم هى و بتركز فى مستقبلها اصلا خلاص بقى كل الطرق اللى بينكوا اتقطعت
تليفون مازن يرن يرفعه يوريه لشريف
شريف / مترد عليها يمكن عوزاك فى حاجه
مازن / عاوزه تطمن عليا
شريف / و ايه المشكله يا مازن متخلطش الورق على بعضه و ترجع تقول حياتى ملخبطه
مازن / انت عاوز ايه بالظبط
شريف / عاوزك مبسوط عاوزك ناجح
مازن / بتتكلم زى خالى
شريف / انت بتحبها ؟؟
مازن / مين فيهم
شريف / متستهبلش انت عارف انا بتكلم عن مين مرام لو بتحبها اتجوزها
مازن / هههههههههههههههههههههه
شريف / اتجوزها و اتغير عشانها انت عندك امكانيات ممتازه انك تكون احسن واحد فى الدنيا بس انت مضيعها فى هبل
مازن / انت عبيط يا شريف اتجوز مين مرام انت عبيط انسى
شريف / امال انت مكتئب ليه من ساعه مقررت تقطع معاها
مازن / عشان انا وحيد يا شريف لا عارف ارجع اعيش حياتى اللى كنت عايشها و لا عارف اعيش العيشه الجديده دى
شريف / و انت كنت عايش اصلا بقالك اسبوع قافل على نفسك حد فيهم سال عنك حد فيهم عبرك
مازن / دا على اساس ان فى حد سال منكوا سال عنى
شريف / هشتمك امال الطفح اللى انت كنت بتتطفحه ده مين كان بيجبهولك كل يوم خالتى
مازن / وحشتنى الفصوليا السوتيه اللى بتعملها خالتك اوى يا شريف
شريف / تيته سميحه مكنتش بتسال عنك
مازن / وسع اما اقوم اللبس
شريف / ربنا يهديك
شريف يقوم
............................
فى شقه مرام
محمود و مرام داخلين يدحكوا
مرام / بطل رخامه بقى
محمود / ههههههههههههههههههه
سميحه / حمدالله عالسلامه متاخرتوش ياعنى
مرام / ايه كنا نبات بره و لا ايه يعنى
سميحه / المهم انبسطتوا
مرام / اوى اوى اوى
محمود / الحمد لله الميه جنيه مترمتش عالارض
مرام / شايفه الواطى عمال يذل فيا طول الطريق
سميحه / براحته محمود يعمل اللى هو عاوزه
مرام ترمى نفسها على اقرب كرسى
مرام / فى منتصف قلبى و بوووووم
سميحه / هههههههههههههههههههههههه اسخنلكوا تتعشوا
محمود / لا مش جعان الايسكريم سد نفسى
مرام / و انا صاحيه من بدرى و هموت و انام و فى كليه بكره يلا تصبحوا على خير
سميحه / تصبحى على خير
محمود / تصبحى على خير
سميحه / احكيلى بقى عملتوا ايه
...............................
فى شقه مازن
مازن يفتح الكاميرا
مازن / هاى شباب هاى احلى بنات بقالى ياما مدخلتلكوش وحشتونى اوى و اكيد عارف انى وحشتكوا ههههههههههههههه النهرده جاى اتكلم فموضوع يهم كل الشباب اللى معانا ازاى تخلى البنات تحبك
مازن يغمز
مازن / الحقيقه مش عارف انا ممكن اقولك ازاى تخلى البنات تعجب بيك لكن تحبك دى مينفعش حد يقولهالك لازم تبقى جواك يعنى مثلا الفلوس الشهره اللبس الجسم الاستايل الجنتله كل دى حاجات ممكن تخليهم يعجبوا بيك بس يوم مهتروح منك هيسيبوك و ممكن تحتفظ بيها بس هما يزهقوا منك
مازن يلعب فى شعره
مازن / هى البنت عاوزه ايه يعنى اكتر من كدا شخصيه اخلاق نجاح عاوزه ايه انتى عاوزه ايه معاكم لمده ساعه فى الكومنتات
مازن يقعد يقلب فى الكومنتات و بدحك كل شويه
...............................
فى شقه مرام
مرام قاعده فى اوضتها تشوف اللايف و تبتسم و تفكر و بعدين تفتح صفحتها و تكتب بوست
مرام  / لما تسال حد انت حبيت فلان او فلانه ليه هتلاقيه يقولك مليون سبب يخليك تسرح مع النجوم بس لما تفكر فيها هتلاقي ان كل دول موجودين فناس كتير اوى طب اشمعن ده مش يمكن مش واخد بالك من حد احسن ممكن يعملك كل ده و اكتر و انت مش مديله فرصه ... الاجابه الصحيحه انت حبيت فلان ليه هى قلبى اختاره و ده النصيب الحب ملناش اى دخل او اختيار فيه لا بايدنا نبداءه و لا بايدنا ننهيه
مرام تفكر و تكمل كتابه
مرام / بس لو سالتنى انا عاوزه ايه فالراجل يعنى .. هقول و بكل ثقه انا عاوزه الامان لا هيفرق معايا شكله و لا جسمه و لا فلوسه و لا شغله و لا حسبه و لا نسبه و لا اى بتنجان انا عاوزه حد احس معاه بالامان .. بالامان انى احط راسى عالمخده و انا مطمنه ان جنبى واحد يموت و لا ان حد يمسنى . امان انه يفضل جتبى و ميسبنيش حتى بعد جمالى ميروحوا امان ان اللى قدامى بيحب عيوبى قبل مميزاتى امان انه يكون راجل معايا مش عليا انا مش عاوزه اكتر مالامان
مرام تنشر البوست و يجيلها كومنت من محمود و ترد عليه
محمود / كم انتى كبيره يا مرام
مرام / والله لو بوظتلى البوست زى كل مره انت عارف
محمود / لا مش هالش والله خالص اصل البوست عاجبنى
مرام / الحمد لله ان فى حاجه بتعجبك
مازن يعمل لايك للبوست و يشيله مرام تستغرب
........................................
فى دبى
فريده / ايوه بس انتى غلطانه يا ماهى يا حبيبتى فتره الخطوبه دى معموله عشان تقربوا من بعض اكتر مش كل واحد يكون فى بلد
ماهى / والله يا طنط سورى مامى غصب عنى مازن بيزاكر و محاضرات و كدا عشان يبهر دادى و انا هنا شغلى اعمل ايه بس
فريده / يا حبيبتى و هو يعنى شغلك ميتعملش فى مصر دانتى بس قولى ماهينور الشربتلى هتشتغل فى مصر يا نهار ابيض الدنيا كلها هتجيلك
ماهى / ميرسى يا مامى بس المشكله ان
فريده / يا حبيبتى و هو مازن لما يجى يزاكر مش عاوز ايد حنينه تعمله كبايه شاى او نسكافيه مثلا و تطبطب عليه بساندوتشين و لا تصدقى ههههههههههههههههههههه اكيد هيسيب المزاكره و يقعد معاكى و الا يبقى مبيفهمش ههههههههههههههههههه
ماهى / هههههههههههههههههههه اصلا
فريده / بس يا ماهى برده الدراسه لسه فاولها انزليله شويه عشان ميتعودش عالبعد وبعدين يا ماهى مازن اصله مش زى زياد كدا راسى فنفسه مازن لعبى شويه و ممكن البنات يعنى لازم تنزلى عشان يتلموا عنه
ماهى / يا طنط اسمعينى مازن مش فمصر عشان الدراسه بس و انا مش هنا عشان الشغل بس
فريده / بجد ؟؟ امال خير
ماهى / بصراحه كدا يعنى انا و مازن اتفقنا اننا ندخل الشهر الجاى بالكتير فكلنا بنرتب ورقنا و كدا عشان يجى يفاتح دادى فالموضوع و كدا
فريده / دا احلى خبر سمعته فى حياتى بس انتوا يعنى محتاجين ترتبوا ايه يعنى
ماهى / بخلص الشغل اللى ورايا هنا عشان انزل و هو بيشوف الفيلا و يظبطها دا غير انه رجع الشركه عشان يمسك شغله بدل خالو صفوت
فريده / انتى مش متصوره انا سعيده بالتغير الرهيب اللى مازن وصله ده و كل ده بسببك انتى
ماهى / مش لوحدى فى حد تانى كمان له فضل كبير فى كل ده
فريده / مين
ماهى تحط ايدها على بطنها و تبتسم لفريده
فريده / انتى حامل
ماهى / بليز يا مامى متقوليش لحد احنا عاملينها مفاجاه بس انا قولت لحضرتك عشان يعنى حضرتك عارفه انتى غاليه عندى قد ايه و اهو حضرتك عارفه ان مامى اتوفت و انا صغيره و اكيد مش هلاقى حد يقف جنبى ففتره صعبه زى دى زى حضرتك
فريده / طبعا يا حبيبتى طبعا بس حاجه زى دى عمرها مهتستخبى
ماهى / مهو احنا هنتجوز قبل ماى حاجه تبان انا و مازن اتفقنا على كدا
فريده / امتى دانتى نزلتى مصر من شهر بالكتير
ماهى / اه مهو انا لسه عارفه من يومين و كلمت مازن و اتفقنا على الحاجات دى كلها و كلها يوم و لا اتنين و هتلاقى مازن جاى هنا عشان يكلم دادى فموضوع الجواز
فريده / انتى كدا يا ماهى لازم ترتاحى كويس و تاكلى كويس انا هاخدك للدكتور بتاعى فوق الممتاز
ماهى / اكيد لما مازن يجى بقى
فريده / اوك يا قلبى اللى يريحك اوعى بقى القهوه دى و هطلبك مكانها عصير
ماهى تبتسم
...................................
فى شقه شريف
شريف بيدى الدوى لست كبيره
شريف / والله لو كسلتى فى الدوا تانى لزعل منك
الست / اتصالحت انت و مازن
شريف / اه اتصالحنا اطمنى انتى و متشيليش هم
الست / مازن واد كويس و ابن حلال هو ان كان قالك حاجه انت عارف انه ميقصدش
شريف / عارف قوليلى بقى ايه الموضوع اللى حضرتك عوزانى فيه
الست / اختك شيماء جيلها عريس
شريف / عريس ؟؟ دلوقت بس دى لسه فى الكليه
الست / و ماله ايه المشكله
شريف / مفيش مشاكل و لا حاجه طب و هى رايها ايه
الست / انا لسه مقولتلهاش قولت اقولك الاول تشوف فاضى امتى عشان يجى و يتكلم معاك و هى تشوفه و كدا
شريف / انتى عارفه ان مليش مواعيد حددى المعاد و انا هحاول
الست / مينفعش الناس تبقى عندنا و متكونش موجود
شريف / حددى المعاد و انا هرتب امورى على اساسه بس قوليلى الاول العريس ده ظروفه ايه بيشتغل ايه فين كدا يعنى
الست / بيشتغل دكتور جلديه و عنده عياده خاصه جنب شلغه فى الحكومه
شريف / و شافها فين
الست / شافها فى الصيدليه اللى هى بتتمرن فيها بس مكلمهاش خد رقم البيت و كلمنى انا
شريف / طب ادينى اسمه اسال عليه الاول قبل ميدخل البيت
الست / اسمه مروان عبد القادر القط
شريف / ماشى حددى المعاد و باذن الله كلو هيبقى تمام
.............................
فى شقه مازن
مازن / مبروك
شريف / عقبالك
مازن / فال الله و لا فالك ان شالله انت
شريف / مش باين
مازن / ليه بس كدا انت قفشت مع اريج و لا ايه
شريف / لا بس هنقفش
مازن / ههههههههههههه يا ساتر ليه يا بومه
شريف / انا قولتلها اول مرتب نفسى بعد عمليه ماما و جوازه اختى اللى فاتت هتقدم دلوقت هقولها ايه استنى كمان اما اجهز اختى التانيه اللى على لما اخلص يا عالم هلاقى عريس متقدم للى بعدها و لا لا
مازن / مانت اللى دماغك ناشفه اعملك ايه
شريف / انا مش عاوز مساعدات لو سمحت و بعدين يعنى كفايا اوى اللى انت عملته معايا لحد كدا
مازن / انا معملتش معاك حاجه انت مش مدينى فرصه اعمل
شريف / و مرتبى اللى عالفاضى ده
مازن / انا مش بديك حسنه دا حقك و قليل عليك كمان دانا منغيرك احتاس
شريف / بيتهيالك اى واحد ممكن يعمل شغلى بربع المرتب ده
مازن / بس مش اى حد هيبقى قلبه عليا و اثق فيه زى مبثق فيك يا شريف انت صاحبى قبل متكون اى حاجه تانيه
شريف / و ده اللى مصبرنى عليك و ربنا
مازن / ههههههههههههههههههه جزمه المهم انت عارف انى مش هتاخر عليك فحاجه متشلش هم و اختك زى اختى بالظبط
شريف / عارف
مازن / على العموم انا مسافر كام يوم كدا عشان اخلص من حوار ماهى ده خد راحتك بقى و عيش
شريف / مش عاوزنى معاك
مازن / ههههههههههههههه مبلاش
شريف / على رايك هيدونى لسته جهاز قد كدا كان اللى هناك مش هنا
مازن / ربنا يخليك ليهم و تجبلهم لو مكانوش يدلعوا على اخوهم الوحيد هيدلعوا على مين
شريف / يدلعوا يا عم يدلعوا عقبالى مدلع انا بقى
.................................
فى فيلا ضخمه فى دبى
مونى تجرى بسرعه و تنط على مازن تحضنه
مونى / وحشتنى وحشتنى وحشتنى
مازن / حبيبه قلبى عامله ايه
مونى / انا فى قمه سعادتى انى شوفتك قبل مسافر احلى مفاجاه دى و لا ايه
مازن / مانا برده مقدرش على بعدك كل ده المهم قوليلى ايه اخبار البيت 
مونى / بص ماما و ماهى بقوا اللعن من ماما و لبنى بجد هو فى ايه مش قولنا تمثيليه التانيه عايشه فى الدور اوى
مازن / لا متقلقيش خلاص الموضوع ده هيخلص خالص
مونى / احنا هنفضل واقفين تعال اقعد و احكيلى عملت ايه من ساعه مسبتنى
مازن و مونى يروحوا يقعدوا
مازن / معملتش حاجه مهمه اروح الكليه و انام دا لو روحت يعنى
مونى / لا يا ميزو لازم تشد حيلك كدا
مازن / قولى يارب
مونى / يارب و اخبار مرام ايه
مازن / مرام ؟؟؟ كويسه على قد علمى بتسالى عنها ليه
مونى / اصلى لقيتها مباركالك على فيديو البروبوزال بتاعك مش هى مرام نور الدين برده البت العسل اللى لابسه طرحه بيضا دى
مازن يبص لاخته و يرفع حاجبه
مونى / دى دمها خفيف خالص انا بعتلها طلب صداقه على فكره و لقيتها بنت لذيذه اوى و انا حبتها جدا
مازن / انا مش مصدقك حقيقى مش مصدقك
مونى / ههههههههههههههههه اكيد طبعا عشان انا بكدب
مازن / بتشتغلينى طب والله
مونى / معرفتش انى بكدب من خضتك انى قربت من مرام يا ترى ليه يا ترى ليه
مازن / انتى مشكله يا بت
مونى / طالعالك
مازن / ههههههههههههه لا انتى احسن منى بكتير المهم فين بابا و ماما
مونى / ماما عند ماهى فى البيت و بابا فالشركه يعنى هيكون فين
مازن / ماشى هطلع اخد شاور سريع و اروح للموكوسه بنت الموكوس اما اشوف اخرتها معاهم
مونى / ههههههههههههههههههههه الموكوسه ههههههههههههه
مازن / مبروك يا ميزو اختك هبله
مازن ياخد شنطته و يطلع على فوق و مونى بتدحك
مونى / طب والله فكره
...............................
فى فيله ماهى
ماهى تحضن مازن يبتسم من تحت الدرس
ماهى / حبيبى وحشتنى حمد الله عالسلامه ايه المفاجاه الحلوه دى شوفتى يا مامى مش قولتلك مش هيقدر يبعد عنى كتير
فريده/ انا بجد فرحتلكوا اوى ايوه كدا يا مازن انت مش متخيل بابا مبسوط منك اوى
مازن / ميرسى ممكن اسرق منك ماهى ثوانى
فريده / هههههههههههههههه طبعا اكيد مهى بقالها كتير وحشاك
مازن يبتسم و ياخد ماهى فجنب
مازن / انا هاجى اتعشى معاكوا لو محلتيش الموضوع متزعليش منى بقى
ماهى / مازن عاوزنى اقولهم ايه
مازن / اى حاجه عكس اللى انتى بتعمليه ده
ماهى / انا قولت لما هتهدى هتعقل
مازن / اهدى دا على اساس انك شيفانى عصبى قدامك لو عاوزه تشوفى عصبيتى يا نور انا معنديش مانع اوريهالك و اوريهالك بفيديو اخو بتاعك و اعمل فيه منشن لكل صحباتك بقول فيه ان كل ده كان تمثيل و اقول بقى اللى عملتيه فى الاوضه و اخلى مونيكا تشهد و لبنى مش هتتاخر على فكره انتى عارفه بتحبك موت
ماهى / و هتفضح كمان البنت الهبله اللى اتراهنت عليها انت و صحابك
مازن وشه يقفل
ماهى / ايه فاكرنى مش عارفه انت بتعمل ايه و لا متمسك بمصر ليه مازن حبيبى فوق انا عرفاك كويس و عارفه ان ورا كل الحاجات دى فى واحد شهم و عنده اخلاق المصريين
مازن / انتى بتتحدينى
ماهى / عيب نسيب طنط فريده لوحدها كل ده انا هروح اقعد معاها و تنور بالليل عالعشا و اه كنت هنسى الف حمد الله عالسلامه يا حبيبى عن اذنك
ماهى تمشى و مازن واقف بيبص عليها بطرف عنيه بقرف
.............................
فى شقه مرام
مرام تعطس و تكح
محمود / دا فجاه كدا
مرام / بجد مش عارفه صحيت مالنوم النهرده بموت بجد
سميحه / والله عملتلها تلاته لمون دافى بعسل نحل لحد دلوقت و ابدا مفيش فايده
محمود / طب منروح نكشف يا مرموره مستنيه ايه
...............................