السكه شمال بقلم / لولو_محمد ( كامله )

الحلقه ٤٠

((((((((السكة شمال )))))))))
#لولو_محمد
الحلقه الاربعون
احمد يوطي علي مازن مازن يمسكه و يشده عليه
مازن/ ورحمه امي لو لمست منها شعره
احمد يفك نفسه
احمد / تقوملنا بالسلامه يا مازن يا حبيبي و الحمد لله اني اطمنت عليك خد بالك كدا من نفسك عشان ترجع تقف علي رجليك بسرعه تاني طب يا جماعه سعيد اني شوفتكوا بس زي ممازن قال اكيد اهل مرام قلقانين عليها الوقت اتاخر همشي انا بقي عشان اوصلها سلام يا زياد سلام يا شريف سلام يا قمر
احمد يمشي و مازن عينه عليه
....................
زياد / جتك مصيبه علي تقل دمك ايه اللي جابه ده
مازن عينه فعين شريف شريف يطلع بره مازن يفرد راسه و يغمض عنيه
ماهي / مالك يا حبيبي انت كويس
زياد / اكيد محروق دمه ماللي ميتسماش ده هي لبني فين
زياد يطلع بره
...........
بره الاوضه
مرام بتتكلم في التليفون
مرام / طب تمام انا مستنياك سلام
مرام تقفل السكه تبص وراها تلاقي لبني واقفه
مرام / عن اذنك
لبني / احمد الدهبي حته واحده مبتضيعيش وقت انتي مش كدا
مرام / احنا فمستشفي علي فكره بنزور مريض فلو سمحتي وفري هريك ده عن اذنك
مرام تيجي تمشي لبني توقفها
لبني / انا قلبي عليكي عشان متجيش تعيطيلي فالاخر زي غيرك
مرام / متخافيش مش هجيلك و بعدين ايه الاوفر ده انا بشتغل مع احمد فالشركه
لبني تدحك بصوت عالي
لبني / ههههههههه لا حلوه حلوه و يا تري بيدفعلك كام
مرام / ايه هتعرضي عليا مرتب اعلي انتي كمان
لبني / تؤ انا هقعد بعيد اتفرج و اشجع اللعبه الحلوه
احمد يدخل
احمد / ايه يا مرام اوصلك يلا
مرام / محمود و تيته جايين فالطريق متقلقش حضرتك
لبني / حضرتك هههههههههه مش لايقه عليك خالص يا احمد
شريف يدخل
شريف / انا رايح ناحيتكوا يا مرام لو تحبي اوصلك فطريقي
لبني / هو في ايه يا جماعه كلكوا عاوزين توصلوها دا ناقص مازن يقوم يوصلها بنفسه طلعتي غاليه اوي يا مرام
مرام / شكرا يا شريف بس محمود و تيته جايين فالطريق هروح معاهم
احمد / ايه هنفضل واقفين كدا متيجوا نطلع الكافتريا نشرب حاجه علي ميوصلوا طيب
لبني / خد بالك منها يا احمد دى غاليه علينا اوي
مرام تبصلها و لبني مبتسمه
احمد / متوصنيش فعنيا تعالي يا مرام
شريف / انا هاجي معاكوا دا لو مش هيدايقك يعني يا احمد
احمد / و يدايقني فى ايه تانس و تنور يا اتش دي حتي فرصه نتكلم مع بعض شويه
احمد و شريف و مرام يمشوا و لبني تدخل جوه تاني
...............
في الاوضه
ماهي / طب مدام انت عارفه مقولتش للبوليس عليه ليه
مازن / هيعمل ايه يعني البوليس
ماهي / يعني ايه يعمل ايه هيجيبلك حقك
مازن / انا هعرف اجيبه لوحدي متقلقيش انتي
لبني تدخل
زياد / كنتي فين يا بنتي
لبني / كنت بطمن علي مرام
انس / لا بس مفاجاه جامده اخر حد كان ممكن اتوقعه
لبني / عشان غشيم بالعكس انا كنت متوقعاها جدا
ماهي / ليه يعني
لبني / اصلها صاحبه واجب
لبني تبص لمازن و تروح تقعد
مازن / مشيو ؟؟
لبني / لا راحت الكافيتريا مع احمد يشربوا حاجه اصل محمود و تيته جايين يطمنوا علي مازن
انس / لا فعلا صحاب واجب بصحيح
لبني / بس لا لا شوفتوا دي مرام بتشتغل مع الدهبي هههههههههههههه
انس / و دي بتشتغل ايه يعني
زياد / سكرتيره يعني هتشتغل ايه يعني اهو تشوفه محتاج حاجه ناقصه حاجه كدا يعني
انس / ههههههههههههههه بتشقي يا عيني
مازن / متخف منك له في ايه مالكوا
ماهي / مالك يا مازن ادايقت كدا ليه بيهزروا يعني
مازن / معلش اصلي تعبان شويه
لبني / ليك حق
مازن يبص للبني تبتسمله تليفون مازن يرن
مازن / دا بابا ....الو ازيك يا بابا ...... لا انا ..... اصل ...... انا كويس .....سلام
مازن يحط الموبايل جنبه و يبص للسقف ثواني
ماهي / انا مقولتش لبابا عشان كدا متصلش بيك
مازن / متقولوش لحد يا جماعه الموضوع مش مستاهل
انس / انا هقوم اجيب شاي حد عاوز
زياد / جاي معاك
ماهي / متطلبوهم هنا
لبني / سبيهم سبيهم
زياد و انس يمشوا
لبني / اونكل كان بيقولك ايه
مازن / و لا حاجه اطمن عليا
لبني / شكلك مدايق اوي
مازن / لا تعبان شكل المسكن بدا يروح
ماهي / طب انا هطلب حد يشوفك
ماهي تدوس عالزرار
................
في الكافتريا
شريف و مرام لوحدهم و مرام ماسكه دماغها
شريف / انتي كويسه
مرام / اه الحمد لله مصدعه شويه اصلي صاحيه من بدري ميرسي
احمد يدخل
احمد / اتفضلي القهوه المظبوط
مرام / شكرا
شريف / عارف انها بفعل فاعل في حد قطع لمازن الفرامل محاوله قتل يعني
مرام تبص لشريف
احمد / و مين اللي له مصلحه يعمل كدا هو اه مازن حبايبه كتير بس مش لدرجه القتل يعني
شريف / انا عن نفسي لسه مش عارف بس مازن عارف و متاكد كمان
احمد / و طبعا مقالش للبوليس حاجه
شريف / مانت لسه فاكر طبع مازن اهو هيربيه بنفسه
احمد / ربنا يتولاه بقي
مرام / انا مش فاهمه حاجه
احمد / بس ايه اللي يخلي مازن متاكد اوي من اللي عمل كدا
شريف / معرفش بس هنعرف
مرام / ثواني ثواني معلش انتوا بتقولوا ايه
شريف / فى حد قطع لمازن الفرامل في حد حاول يقتله
مرام /انا فهمت دي بس مين و ليه
شريف / والله معرف بس هنعرف يعني مفيش حاجه بتستخبي
مرام / طب ليه مقالش للبوليس
احمد / عشان مازن عاوز ياخد حقه بايده مش عاوز البوليس يدخل
مرام / ايوه بس ازاي يعني مش في قانون في حكومه
انس و زياد يدخلوا
انس / انتوا لسه هنا داحنا قولنا مشيتو
مرام تقوم
مرام / معلش تليفون
زياد / ازيك يا دهبي عاش من شافك
احمد / انا كويس سمعت انك خطبت لبني ايه اخيرا طولتوا اوي
زياد / سيبك مني ايه النظام
احمد / خليك فاللي يخصك اريح و متتعبش دماغك الصغيره دي بحاجات ملهاش لزمه
زياد / كدا و ماله
شريف عن اذنكوا
شريف يروح عند مرام
شريف / في حاجه يا مرام
مرام / لا مفيش يا شريف شكرا
شريف / امال سبتينا و قومتي ليه
مرام / يعني مستظرفتش اني اكون قاعده لوحدي عالترابيزه مع اربع شباب
شريف / اه بس كان اتنين عادي يعني
مرام تبصله
شريف / مقصدش حاجه والله بس انتي زي اختي بلاش سكه احمد دي
مرام / والله العظيم شغل احلفلكوا بايه يعني
شريف / منغير حلفان انا عارف انا برده ليا نظره فالناس بس انا كمان عارفه بصي خدي بالك من نفسك و خلاص
مرام / شكرا
تليفون مرام يرن
مرام / تيته جت تحت عن اذنك
شريف/ هاجي معاكي
...........
في اوضه مازن
سميحه تدخل ووراها محمود و مرام و احمد و شريف
سميحه / سلامتك يابنى مالك
مازن / كويس يا تيته الحمد لله بركه دعاكى تعبتى نفسك و جيتى
محمود / ابقي خد بالك بعد كدا
مازن / هحاول
سميحه / ساعه القدر يا محمود
محمود / المهم اننا اطمنا عليك و هبقي اكلمك اطمن عليك
مازن / تسلم
محمود/ يلا يا تيته نسيبه يرتاح احسن
سميحه / خد بالك من نفسك يابني
مازن يبتسم و الكل يمشي
ماهي / انا هخليني معاك
مازن / معلش يا نور خلي شريف يبات معايا يمكن احتاج حاجه هيبقي صعب انتي تساعديني
ماهي / مش قادره اسيبك كدا
مازن / معلش
لبني / يلا يا ماهي
ماهي و لبني و زياد و انس يمشوا
شريف / مين
مازن / تيفا الحو
شريف / ماشي
مازن / اتكلمت مع مرام
شريف / متخافش عليها يا عم اذا كنت انت مش عارف تاخد معاها لا حق و لا باطل هو هيعرف
مازن / هههههههههههههههه انا مش عاوز اخد معاها لا حق و لا باطل لكن هو واخدها تحدي عاوز يعلم عليا فيها
شريف / اهو دي بقي انا مش فاهمها
مازن / انت عبيط مانت عايش معايا حوار احمد من اوله
شريف / ياعم احمد ايه انا و انت عارفين ان احمد مزته الوحيده و اللي معتمد عليها اول عن اخر فلوسه و دي مش هتاكل مع مرام خالص انا بتكلم عليك انت
مازن / ايه ؟؟؟
شريف / انت عاوز ايه بالظبط
مازن / عاوز اشوف اخرها
شريف / و لما تجيبه
مازن / هسيبها
شريف / طب و استفدت ايه
مازن / بثبت لنفسي قبلهم ان مش كل البنات شمال و ان في بنات محترمه مهما اتقدملها مغريات مفيش حاجه تاثر فيها
شريف / و انت بقي فاكر ان دخول الحمام زى خروجه و ان اللي بتعمله ده مش هياثر عليك يابنى قولتلك مليون مره البت دي هتربيك و مش هستغرب ابدا لو لقيتك فيوم بتقولي انا عاوز اتجوزها او علي الاقل تحبها
مازن / مش هتوافق
شريف / بتهزر
مازن / و حتي لو وافقت تفتكر انا هكون زوج عدل هتستحمل حياتي هقدر اصلا اعيش اي عيشه غير حياتي دي
شريف / والله اي عيشه هتبقي احسن من حياتك دي مش فاهم عاجبك فيها ايه اصلا
مازن / انا عاوز انام تصبح علي خير
شريف / و انت من اهله
.....................
في شقه مرام
محمود / شامله الاقامه و الانتقالات و كمان شهاده خبره و مكافاه الف جنيه
مرام / طب مدا كويس
محمود / انتى شايفه كدا
مرام / انت شايف غير كدا
محمود / انتى عوزانى اسبكوا و اروح اسكندريه اسبوعين بحالهم
مرام / هههههه دا علي اساس اننا مبنعرفش نروح و لا نيجى من غيرك انا شايفه انها فرصه و حرام تضيعها
جرس الباب يرن مرام تروح تفتح تلاقي راجل شايل بوكس
راجل / انسه مرام ؟؟ احمد بيه باعت لحضرتك ده
مرام / شكرا
الراجل / انا مستنى حضرتك فالعربيه
مرام / تمام
محمود / و دا ايه ده
مرام / هنشوف
مرام تحط البوكس عالترابيزه و تفتح تلاقي فستان محجبات سواريه
محمود / و طبعا دا عادى و انا اللي اوفر مش كدا
مرام و محمود و سميحه يبصوا لبعض
..............
في فندق ضخم
احمد قاعد بيبص فالموبايل علي ترابيزه كبيره مرام تدخل مش لابسه فستان محجبات غير اللي احمد شاريهولها يشوفها يقوم يعدلها الكرسي
مرام / هو مفيش حد جاى و لا ايه
احمد / لما تبقي عازمه حد لازم توصلي قبلهم و لا ايه
مرام / تمام هى نسرين مش جايه
نسرين تدخل
نسرين / سورى بجد عالتاخير بس كارما كانت سخنه و استنيت ماما توصل تقعد بيها
احمد / من ايه الف سلامه لو كنتى بلغتينى فالتليفون كنت قلتلك متجيش انتى بتهزرى
نسرين / ازاى بس النهرده يوم مهم جدا
احمد / مش اهم من بنتك خلي العربيه تروحك
نسرين / بس
احمد / روحى و مرام هنا متقلقيش
نسرين / بس مرام اول مره
احمد / انا مبحبش اكرر كلامى دا شغلي و انا حر فيه
نسرين / اوك لو احتاجتى اى حاجه كلمينى اوك ؟؟
مرام / تمام
نسرين تمشي
احمد / بجد اتافلت اوى انتى اصلك متعرفيش كارما دى بالنسبالي ايه
مرام تبتسم
احمد / عندها اربع سنين بس لمضه بشكل بصراحه بحبها عشان كدا فمره جت مع نسرين الشركه فبقولها هاتى بوسه قالتلى لا عشان انت وحش و مش عاوز تدى مامى بونص تجيبلي الميوزك بوكس اللي نفسي فيه
مرام / هههههههههه عارفه انا النوعيه الفضيحه دى
احمد / و بتعملى معاهم ايه
مرام / بلعب معاهم انا اصلي بحب الاطفال اوى
احمد / و انا كمان
مرام / هو الناس هتتاخر
احمد / ياااه هو انا قعدتى وحشه اوى كدا
مرام / لا طبعا مقصدش
احمد / ممكن اسالك سؤال
مرام / اكيد اتفضل
احمد / تعملي ايه لو معاكى خمسين الف
مرام / بتوعى ؟؟
احمد يهز راسه اه
مرام/ هطلع تيته تحج سياحى عشان متتبهدلش يكفو صح ؟؟
احمد / مش عارف
مرام / انت محجتش ؟؟
احمد / لا لسه بس ناوى يعنى
مرام / باذن الله
احمد / طب لو ميه الف يا مرام
مرام /هطلع احج معاها
احمد / متين الف
مرام /هفتح المطعم بتاعى بالميه الزياده
احمد / مطعم ايه
مرام / انا عندى مشروع صغير فالبيت وكدا و التوزيع اونلاين
احمد / طب مش هدوق حاجه ولا ايه
مرام / بس كدا بكره ادوقك
احمد / لو عجبنى هفتحلك المطعم و نبقي شركا انا بالفلوس و انتى بالمجهود
مرام تبصله
احمد / الدحكه اللي علي وشك و انتى بتتكلمى عن الطبخ و حلمك متتعوضش
مرام / بس للاسف انا زى الفريك محبش شريك
احمد / هههههههههههه هبقي مؤدب والله و مش هعمل مشاكل
مرام / هههههههههه انا اللي هعمل مشاكل صدقنى
احمد / بعيدا عن الهزار الدنيا لما تقدملك فرصه يا مرام امسكى فيها بايدك و سنانك عشان الفرصه لما بتروح مبتتعوضش الناس جم
مجموعه رجاله و ستات يدخلوا
...............
فى المستشفى
مازن بيتكلم فى التليفون
مازن / يا قلبى والله انا زى الفل
موني / يا سلام امال فى المستشفى بتعمل ايه
مازن / شويه فحوصات مش اكتر الحوار كلو ارتجاج مالخبطه غير كدا كلها كدمات عاديه
مونى / صور نفسك
مازن / هههههههههههههههه قولى بقى انى وحشتك و مش قادره على بعدى
مونى / بطل بقى
مازن / يا ستى متقلقيش انا زى الفل و على العموم لما هجيلك هتتاكدى بنفسك انى كويس خلاص
مونى / خد بالك من نفسك يا مازن عشان خاطرى بليز
مازن / حاضر يا قلبى
مونى / اوك انا هقفل بقى و هكلمك تانى اطمن عليك
مازن / ماشى يلا سلام
مازن يقفل ماهى تقوم تقعد جنبه
ماهى / هتخرج بكره الدكتور قالى
مازن / كويس عشان انا اتخنقت
ماهى / انا هلغى الحفله
مازن / ليه مانا هكون خرجت اصلا عادى يعنى
ماهى / ايوه بس الدكتور قال بلاش مجهود
مازن / انا مش عيان ماشى فبلاش تحسسينى انى هموت عادى يعنى يا نور مش كدا
ماهى / انت ادايقت و لا ايه انا بس كنت
مازن / بتبينى انك خايفه عليا فاهم
ماهى / ببين !!!
.................................