السكه شمال بقلم / لولو_محمد ( كامله )

الحلقه ١٨٩

(((((السكة شمال ))))))))
#لولو_محمد
الحلقه 189
نورا / ربنا يسامحك انا مكنتش هقوله حاجه مع ان ضميرى بيوجعنى انى شيفاكى ماشيه في السكه دى و مش بمنعك
اسراء / انتى هتمثلى عليا فوقى لنفسك انا فهماكى كويس اوى انتى رسمتى على ابيه الوش البريئ ده و دلوقت جايه توقعى بنا انا الاول شويه ابيه كريم بيعاكسك شويه ماما بتهينك وواحده واحده تسحبيه مننا لسكتك الشمال
نورا / ربنا وحده
اسراء / متجيبيش سيره ربنا على لسانك هو اللى زيك تعرف ربنا دانتى لا حجاب و لا صلاه و ما خفى كان اعظم
نورا / شكرا
اسراء / ظلماكى انا
نورا تبصلها و تسكت
اسراء / دا اخر تحزير ليكى حافظى عالبيت ده بدل مترجعى كلبه شوارع زى مكنتى
...............................
نورا / انتى متعرفيش حاجه عنى انا عمرى مكنت كلبه شوارع انا طول عمرى اميره بعيش فى فلل و باكل كفيار و سيمون فيميه و بركب عربيات من احدث موديل و بصرف بالهبل انا عشت عيشه لو شوفتيها عقلك العيالى ده هيطير بس انا سبت كل ده عشان ربنا ابتلانى بحاجه نجاكى منها كان ممكن تبقي مكانى اوعى تفتكرى نفسك احسن منى انا بسكت على اهاناتك احترام لاخوكى و للبيت ده مش عشان انا معرفش ارد
اسراء / انا عمرى مهكون مكانك انا مش شمال و لو منك ابدا ادور على مكان تانى بسرعه عشان انتى مش هتطولى هنا تصبحى على مصيبه تشيلك
اسراء تدخل و تقفل باب الاوضه بالمفتاح و نورا تقعد بره تعيط
.....................
فى اوضه مازن تانى يوم الصبح
مازن نايم يصحى على صوت المنبه يلاقى شريف حاضنه كانه مخده و شبه نايم فوقيه يزقه
مازن / جرا ايه يا عم هو سكتناله دخل بحماره هو فى ايه
شريف / ايه يا مازن فى ايه حد يصحى حد كدا
مازن / قولت هتبات عندى قولت صاحبى و حبيبى نمت فى سريرى و انا قاعد جوه بقاوح عشان مرخمش عليك و انت هنا نايم وواخد السرير كله و زانقنى و قولت اخويا و نبلعله الزلط انما تنام فى حضنى ليه يا عم
شريف / ههههههههههههههه يا شيخ اتوكس دا حتى موطى التكيف عالاخر قايم عضمى مكسر
مازن / الدنيا حر
شريف / هى الساعه كام
مازن / سته و نص انا هقوم ادخل الحمام و اللبس عشان متاخرش متنساش تجيب صافى و تيجوا زى متفقنا خلينا نخلص من حوار زياد و لبنى بدل فى الساعتين الفاضيين بدل متدبس فى خروجه مخصوص
شريف / والله مفاهم ايه لزمته اصلا
مازن / عاوزين يباركولوا يا اخى انت ناسى ان صافى من الشله
شريف / اوى اوى باماره عيد ميلادها اللى لبنى بتتفنن تنكد عليها فيه كل سنه
مازن / شريف ... ساعتين زمن قضيهم بالطول و لا بالعرض و انا و محمود و سعد و مرام هنبقى موجودين تمام معلش عشان خاطرى
شريف / حاضر عشان خاطرك
مازن / حبيبى يا شيكوا
مازن يفتح الدولاب و يطلع كيس و يحدفه جنب شريف و يطلع فوطه و غيار لنفسه و يدخل الحمام
مازن / فى هدوم ليك هنا عسان لو حبيت تغير
مازن يمشى و شريف يبص فى الكيسه
............................
فى شقه شريف
الست تدخل تلاقى صافى نايمه فى سرير شريف و الموبايل فى حضنها تملس بالراحه على شعرها تفتح عنيها
الست / صباح الخير يا ست العرايس الفطار جاهز قومى كليلك لقمه معانا
صافى / صباح النور تسلم ايدك
تقى تدخل
تقى / هو ده اللى هخلص مكالمه و اجيلكوا
صافى / والله نمت و انا بتكلم محستش بنفسى غير و طنط بتصحينى
الست / لا طنط ايه انا من هنا ورايح ماما والله ازعل
صافى / ههههههههههه و انا مقدرش على زعلك
شيماء تدخل
شيماء / صح النوم
صافى / صباح الخير
شيماء / انا هنزل عشان متاخرش عالكليه تعملى حسابك بالليل انتى بتاعتى لا تليفون بقى و لا بتنجان هو احنا ملناش حق عليكى و لا ايه
صافى / اتفقنا
شيماء / يلا سلام
شيماء تمشى 
تقى / استنى خدينى معاكى
تقى تجرى وراها
الست / انا مرضيتش اصحيكى بدرى قولت تنامى و تاخدى راحتك بس شريف كلمنى و قالى اصحيكى تقريبا تليفونك فصل شحن بيكلمك غير متاح
صافى / اه نسيت احطه فى الشاحن
الست / و لا يهمك هاتى احطهولك فى الشاحن بتاعى لو معكيش واحد بتاعى سريع و هيشحنهولك علاطول على متخرجى من الحمام و تجهزى هيكون شحن باذ ن الله و لو عاوزه فى البتاع ده بتاع رؤى مش هتقول حاجه اه الباور بانك
صافى / حد قالك انك احلى ماما فى الدنيا
الست / قالولى كتير بس منك انتى زي العسل
صافى / دانتى اللى عسل
صافى تقوم تبوس الست و تدخل الحمام
........................
فى شقه على
ماجده تصحى تلاقى نورا نايمه عالكنبه فى الصاله تتنهد و تروح تصحيها
ماجده / نورا ... نور
نورا تصحى
ماجده / ايه اللى نيمك هنا
نورا / راحت عليا نومه و انا بكلم على
ماجده / يا بنتى خدى بالك فى شاب فى البيت هو صحيح خم نوم بس افرضى كان قلق دخل الحمام و لا حاجه يشوفك و انتى نايمه كدا ميصحش انا عارفه انه زى اخوكى و ان الحاجات دى عندك عادى بس احنا مش كدا لا اخلاقنا و لا دينا يسمحوا بده
نورا / حضرتك معاكى حق هاخد بالى بعد كدا
ماجده / قومى قومى اغسلى وشك و اتشطفى و شوفى وراكى ايه
نورا / انا موراييش حاجه النهرده لو تحبى انا ممكن اساعدك فى البيت و بالمره تعلمينى
ماجده / و انتى بقى بتفهمى فى شغل البيت
نورا / بصراحه ورقه بيضه بس دا مش وحش حضرتك علمينى على فكره انا ذكيه و بتعلم بسرعه
اسراء تفتح الباب و تطلع
اسراء / صباح الخير ازيك يا ماما
ماجده / صباح النور يلا اللبسى عشان اخوكى هيوصلك الكليه النهرده
اسراء تبص لنورا
اسراء / اشمعن يعنى يوصلنى بمناسبه ايه
ماجده / هو رايح هناك يخلص ورق مصلحه ياخدك فى طريقه و لا انتى خلاص ادمنتى بهدله المواصلات
اسراء / لا انا بسال بس
ماجده / خشى يلا اتحركى على مصحيه على الله يصحى
اسراء / لا بصى لو هيتاخر مش هستناه انا بقولك اهو
ماجده / لا هيصحى هو ماكد عليا لازم يصحى بقولك وراه مشوار مهم
اسراء / ماشى
اسراء تدخل الحمام و نورا تدخل الاوضه تلاقى ادوات المكياج بتاعتها كلها بايظه فى بعض تلمها على قد ما تقدر و الباقى تجيب كيس و تعبيه و ترميه فى الزباله اسراء تدخل
اسراء / سورى كنت متعصبه امبارح ممكن تستخدمى من حاجتى
نورا / مفيش مشكله معظمها اصلا كان قرب يخلص او اكسبايرد و كدا كدا كنت هرميهم
اسراء / بصى انا عارفه انى كنت وحشه اوى معاكى امبارح على فكره انا مش كدا والله انا بس
نورا / انا عارفه انا مش زعلانه منك على فكره انا اتعاملت مع ناس كتير اوى فى حياتى و بقدر احكم عالناس كويس و انتوا ناس طيبين اوى و محترمين
اسراء / بصى بخصوص امبارح احنا خدنا عربيه كريم الابليكاشن اوعى تقوليلهم ان سعيد اللى وصلنا بعربيته ماما بتتنرفز اوى
نورا / و مدام مامتك هتدايق بتعملى كدا ليه يعنى هو محدش من الجيران شافك و بعدي صدقينى سعيد دا مش مظبوط اصلا
اسراء / يووووه بقى انا اللى جايه اتاسفلك و اصالحك دا ايه النكد ده اوووف
اسراء تسيب نورا و تمشى
نورا / اعمل ايه بس يا ربى
.....................
فى الكليه
مرام بتظبط الطرحه فى الحمام
مرام / والله كل مره اقول اخر مره اللبسها و برده بنسى و اقع فى نفس الفخ لما هاين عليا اقسمها نصين لا بتتظبط و لا بتتنيل
بنت / هههههههههههههههه يا بنتى والله مظبوطه انتى اللى اوفر
مرام / يا بنتى بتتزحلق دلوقت مظبوطه عشر دقايق و هتبوظ تانى
اريج تدخل الحمام
اريج / ايه ده انتوا هنا
اريج تبص فى المرايه و تحط روج
البنت / مش بعاده يعنى
اريج / لسه شرياه جديد مالبت نسمه قولت اجربه ايه حرام
البنت / لا ازاى ادتهولك بكام
اريج / باربعين مرضيتش تنزل جنيه
البنت / انتى بتهزرى دحكت عليكى دانا شريه اخوه بخمسه و تلاتين من المحل اللى كنت قولتلك عليه
اريج / بنت النصابه
البنت / اهو والله استنى اوريهولك
البنت تطلع نفس القلم من شنطتها درجه تانيه
اريج / هروح ارميه فوشها و هقول للكل محدش يشترى منها تانى بنت النصابه دى هى فاكره نفسها ايه
مرام / استنى بس يا اريج استهدى بالله
اريج / الحمد لله انى مروحتش بيه سبينى اللحقها عشان ارجعه
مرام / انتى لو روحتى المحل ده مش هتدفعى مواصلات فوق الخمسه جنيه دى خلاص عدنهم مواصلاتها دى خمسه جنيه يعنى و نسمه صحبتك من زمان و اكيد مش هتغشك
اريج / حقك طبعا تستتفهى الخمسه جنيه مانتى بقى على قلبك فلوس قد كدا انما انا مصروفى كله على بعضه فى كام خمسه جنيه عشان اضيعها
اريج تطلع بره
البنت / بقت عنيفه اوى الفتره دى
مرام / ربنا يهدى ..... اووووف يعنى اولع فى الطرحه دى
البنت / والله مظبوطه يلا بقى المحاضره هتبدا
مرام / يلا بلا قرف اخر مره اللبسها
البنت / نتكلم فى الموضوع ده الاسبوع الجاى
مرام / لا المرادى بجد
البنت / ماشى اتحركى بقى
........................
فى الكافتريا
صافى و شريف يدخلوا يقابلوا لبنى و زياد و انس يسلموا عليهم
زياد / الباشا اللى فضل مدكن مدكن و خد الحته اللى عالحبل
شريف / صباح الخير
لبنى / الف مبروك يا صافى فرحتلك اوى
صافى / ميرسى
انس / انا هقوم اجيب ساقع بالمناسبه الحلوه دى بقى
صافى / لا ساقع ايه نسكافيه بلاك لحسن هموت و انام
لبنى / بتشربيه ازاى ده يا بنتى
صافى / واخده عليه عادى
لبنى / اه انس منغير سكر و انا واحد كابوتشينو معلقتين سكر
زياد / و الدايت يا بيبى
لبنى / اوووف بقى النهرده فرى مش هنحتفل بصافى كل يوم
زياد / لا بقى لو فرى يبقى هاتلى معاك بالمره كنزايه بيبس
انس / دا على اساس انى اخطبوط ليا تمن ايدين انا اخرى اشيل كبايتين التالته تقوم تجيبها بنفسك كفايا طابور الجمعيه اللى هناك ده دول لو بيفرقوا ببلاش مش هيبقى زحمه كدا
شريف / هاجى معاك يا سيدى و بالمره اجيب فطار لحسن واقع
انس / قشطه يلا
صافى / متعملش حسابى انا على اخرى مامتك ظبطتنى
شريف يهز راسه و يمشى هو و انس
لبنى / و عامله ايه فى بيت شريف بقى
صافى / الحمد لله هما اصلا ناس لذاذ جدا و الموضوع سهل خالص
لبنى / و عملتى ايه فى حجز الفندق
صافى / معرفش اكيد شريف او مازن اتعاملوا
لبنى / اه نسيت ان الاوتيل ده تبع مازن
صافى تبتسم
لبنى / و ناويين الفرح امتى بقى
صافى / لما اخلص دراسه علاطول ان شاء الله عقبالك
زياد / امين
لبنى / ايه ده هى مش دى اريج اللى وقفه مع شريف هناك دى
زياد / اه هى
لبنى / انا مش فاهمه ازاى مديها وش بعد كل اللى عملته معاه
زياد / تلاقيها لما شافته رمت نفسها عليه مش خطوبتها طلعت مقلب و لا طالت لا سما و لا ارض
لبنى / تستاهل انا اصلا مش عارفه كان عاجبه فيها ايه دى بيئه اوى
صافى / عن اذنكوا
صافى تقوم تروح ناحيه شريف و اريج
زياد / مفيش فشار بقى و احنا بنتفرج
..........................
عالقهوه
سعيد / ياعم مقولتلك فكك من تقديمات الحكومه دى و تعال اشتغل معايا انا و ابويا
كريم / امال احنا بنحضر ام الماجستير الزفت ده و صارفين عليه دم قلبنا مدام مش هنتعين فى الاخر
سعيد / انا عن نفسى عملته تسالى انت اللى واخد الموضوع جد مالاول صحيح فى حوار جد كنت عاوزك فيه
كريم / خير
سعيد / بص امبارح و انا نازل قابلت اختك و معاها بت كدا شعر اصفر و بتاع المهم وصلتهم
كريم / تانى يا سعيد
سعيد / انا مش فاهم امك بتقفش مالحوار ده ليه يعنى عدنى اوبر و لا كريم يا عم كريم و لا هو الغريب امان عليهم منى
كريم / اتكلمنا فى الموضوع ده قبل كدا
سعيد / بغض النظر نبقى نتكلم فى الحته دى بعدين بس انا اقصد ان البت دى غريبه اوى
كريم / غريبه ازاى يعنى
سعيد / يعنى متعرفلهاش كدا هى فاكره نفسها امريكانيه بصحيح و لا ايه دا حتى صوتها مايع كدا و طريقه كلامها مسهوكه
كريم / مين دى خالص نورا مش كدا خالص
سعيد / ياعم دى عليها حته دحكه كان هاين عليا انط مالعربيه
كريم / انت بتتكلم عن مين
سعيد / نورا مش اسمها نورا برده
كريم / لا اله الا الله سعيد الحاجات دى مفيهاش هزار
سعيد / و ههزر بمناسبه ايه انا الموضوع حارق دمى من امبارح دانا اصلا سهران طول الليل بفكر هفاتحك فيه ازاى و بعدين هو فى بنت محترمه بتمشى تتقصع فى الكليه كدا اخوك جابها منين دى و بعدين مصريه ازاى و ملهاش اهل فى مصر
كريم / ليها اهل بس فى بنها و بينهم مشاكل
سعيد / يعنى اهلها مستعريين منها و انتوا اللى فاتحين لها بتكوا و بعدين يا عم بيتكوا فى بنوته لازم تاخد بالك من الاشكال اللى بتتعامل معاها
كريم / يا عم نورا بنت كويسه جدا و من ساعه مجت مشوفناش منها اى حاجه من اللى انت بتقولها دى خالص انا اصلا مش مستوعب اللى انت بتقوله و كمان ابيه على يعرفها من فتره طويله و بيشكر فيها جدا و الا مكنش جابها وسطينا
سعيد / انا معرفش انا اللى شوفته قولته و دى اعراض ناس مبحبش اخوض فيها كتير احنا عندنا ولايا غير السيره بقى
كريم يبص لسعيد سعيد يمسك كبايه الشاى و يشرب منها بق و يحطها تانى و كريم عينه عليه و محتار
........................
فى الكافتريا عند شريف
اريج / اوعى تكون لسه زعلان منى
شريف / لا مفيش حاجه حوار قديم و اتنسى
اريج / على فكره انا حاولت اتصل بيك كتير لما دخلت المستشفى بس مكنتش بعرف اوصلك مش عارفه المشكله كانت فين
شريف / لا دانا عاملك بلوك بس
صافى تحط ايدها اليمين بالراحه على كتف شريف و تتكلم بتون كله انوثه و دلع
صافى / ايه يا بيبى كل ده بتجيب النسكافيه ... اوه سورى مخدتش بالى انك معاك حد ... هاى صافى وهدان موديل و فاشون ديزاينر
صافى تمد ايدها لاريج مقلوبه و ضهر ايدها لفوق و الخاتم بارز لفوق اريج تمد ايدها تسلم
اريج / تشرفنا
صافى / سورى لو كنت قاطعت حواركوا و لا حاجه
شريف / لا ابدا انا كنت مستنى الساندوتشات بس
صافى / اه تمام
بنت  تدخل و اريج تحاول تغمزها
بنت / اتفضلى يا ستى الفاتوره جبتهالك دا الاوريجنال ابو خمسه و تلاتين دا اكيد فيرست كوبى و لا حاجه لكن اللى اديتهولك ده الاوريجنال حتى شوفى العلامه هنا
اريج / بعدين
البنت / اشمعن دلوقت بقت بعدين
صافى / سورى بس ممكن اشوفه
شريف / صافى
صافى / ثوانى يا بيبى
صافى تاخد قلم الروج و تدور فى شنطتها على واحد تانى
صافى / دا مستحيل يكون اوريجنال الكود هنا مختلف بصى الاوريجنال معايا انا جيباه من لندن بس درجه الكاشمير مش الاحمر بصى استنى انا متاكده انه معايا هنا فى الشنطه انا لسه حاطه منه الصبح ثوانى اهه بصى الكود اللى تحت مختلف
البنت / يا سلام و ايه يثبت ان اللى معاكى اصلا الاوريجنال مين انتى اصلا
مرام تدخل هى و مازن
مرام / اهدى يا نسمه عيب كدا
شريف / تعالى يا صافى ملناش اصلا بالحوار ده
صافى / انا موديل و فاشون ديزاينر و المايكاب جزء اساسى من شغلى و دا الكارد بتاعتى
صافى تطلع من شنطتها كارت و تديه لكل واحده فيهم
صافى / تقدرى تسالى عنى و تشوفى ان كنت بفهم في المايكاب الاوريجنال و لا مبفهمش
لبنى تدخل
لبنى / فى ايه ايه المشكله
مرام / مفيش مشكله اصلا حوار اهبل و ميستاهلش
حد من الكافتريا ينادى / سته و اربعين رقم سته و اربعين
شريف / الحمد لله احنا يلا بينا نفطر بقى
اريج تبص لصافى بغل
صافى / هو بكام ده يا قمر
البنت / باربعين
صافى / مستحيل انا شرياه بعشرين جنيه استرلينى فى سايل اصلا يعنى فوق الربعميه جنيه دا اكيد تقليد
لبنى / فى المكياج اكيد محدش يقدر يرد على صافى دا شغلها اصلا
صافى / بس هو شكله كويس برده و لونه حلو عليكى مش انتى حاطه منه برده
اريج / كنت بجربه
صافى / اه لونه حلو فعلا
مازن / طب ايه مش هنقعد بقى هنفضل واقفين كدا ... عملت حسابى فى الفطار ده و لا ايه
شريف / جايب بزياده بس يارب نقعد
صافى / ما تيجى تقعدى معانا
اريج / شكرا مره تانيه
صافى / اوك سى يو لايتر
الكل يروح يقعد
لبنى / بس انتى احرجتيها جامد اوى يا صافى بصراحه تفهم هى ايه فى المايكب اصلا دى اخرها زى مشوفتى كدا
صافى / على فكره اللى معاها مش وحش حلو جدا كمان خصوصا على سعره يعنى لو يعتبر لقطه
لبنى / ازاى يعنى فى فرق طبعا فى الماتيريال اللى معمول منها
مازن / خلاص يا صبايا فى رجاله وسطيكوا نحب نشوف موضوع تانى نعرف نشترك معاكوا فيه يعنى لو معندكوش مانع يعنى
صافى / ههههههههههههههههههه سورى انا كنت بحاول اساعد بس
مرام توطى على صافى و يتوشوشوا
مرام / تساعدى برده يا كياده مكنتش مستنيه منك كدا بصراحه بس بينى و بينك تستاهل
صافى / احب افكرك باولجا لما قربت من مازن عملتى فيها ايه ماشى انا جنبك ملاك يا بيبى
مرام / ههههههههههههههههههه
..............................
فى شقه على
كريم يدخل المطبخ يلاقى نورا بتعمل سلطه
كريم / تسلم ايدك امال ماما فين
نورا / فى الحمام على متغير هكون خلصت نتغدى
كريم / سعيد وصلك الكليه امبارح
نورا تبصله
كريم / سعيد مبيخبيش عنى حاجه بصى انا عارف انك اتربيتى فى جو زى مبتقولوا منفتح او اى كان بتسموها ايه و كنتى عايشه فى امريكا بس احنا هنا فى مصر و زى مانتى شايفه احنا اسره متوسطه
نورا / انت عاوز تقول ايه
كريم / خلى بالك من نفسك احيانا الواحد بيتصرف على طبيعته مش قاصد حاجه بس منغير قصد بيتفهم غلط او يعنى انتى فاهمه
نورا / هو سعيد قالك ايه بالظبط
............................................