السكه شمال بقلم / لولو_محمد ( كامله )

الحلقه ١٩٠

((((السكة شمال )))))))
#لولو_محمد
الحلقه 190
كريم / تسلم ايدك امال ماما فين
نورا / فى الحمام على متغير هكون خلصت نتغدى
كريم / سعيد وصلك الكليه امبارح
نورا تبصله
كريم / سعيد مبيخبيش عنى حاجه بصى انا عارف انك اتربيتى فى جو زى مبتقولوا منفتح او اى كان بتسموها ايه و كنتى عايشه فى امريكا بس احنا هنا فى مصر و زى مانتى شايفه احنا اسره متوسطه
نورا / انت عاوز تقول ايه
كريم / خلى بالك من نفسك احيانا الواحد بيتصرف على طبيعته مش قاصد حاجه بس منغير قصد بيتفهم غلط او يعنى انتى فاهمه
نورا / هو سعيد قالك ايه بالظبط
...........................................
    فى كافيه
صافى و شريف قاعدين فى كرسين قدام بعض
شريف / بس مكنلوش لازمه اللى انتى عملتيه ده
صافى / للدرجادى صعبت عليك
شريف / و لا تخصنى اصلا
صافى / امال كنت واقف بتتكلم معاها بمناسبه ايه
شريف / انا كنت مستنى الساندوتشات هى اللى كلمتنى
صافى / و دا مبرر انك ترد عليها
شريف / هههههههههههههههه معاكى حق المره الجايه
صافى / هو كمان هيبقي فى مره جايه طب بص بقي يا بيبى ان كان شكلى الكيوت اوحالك ان بيس يعنى فاحب انبهك انى لما بغير بطلع نار من بقي
شريف / اوعى التنين المجنح
صافى / انا مبهزرش
شريف / هو انتى ازاى بتحلوى كدا لما بتتعصبى
صافى / يا سلام
شريف / بصي يا صافى اولا  اريج حوار و انتهى و لو كانت اخر بنت فى العالم مش هبصلها و خصوصا يعنى لو معايا واحده قمر زيك يعنى
صافى / اوعدنى
شريف / بايه يا بنتى مهى فاسخه خطوبتها بقالها قرن من الزمن لو كانت فدماغى مكنت رجعتلها من زمان
صافى / اوعدنى انك مش هتبص لغيرى
شريف / اوعدك ممكن تفكيها بقي
صافى / فكتها
شريف / امال مكشره ليه نسيتي تغسلى سنانك و انتى نازله الصبح
صافى / ايه الرخامه دى
شريف يقوم و ينقل جنبها و هى تبصله يوطى عليها
شريف / انا بحبك على فكره
صافى / و مالك بتقولها بصوت واطى كدا ليه مكسوف
شريف / انتى مصره بقي
صافى / مصره على ايه
شريف يتكلم بصوت عالى
شريف / مصره الناس دى كلها تعرف انى بحبك فيحسدونى عليكى
الكل بيبص عليهم
شريف / الفيلم فى التليفزيون يا جماعه هناك مش هنا
الكل يبص قدامه
شريف /  شكرا خطيبتي على فكره يعني ... مبسوطه كدا
صافى تبتسم
شريف / والله الواحد مهما خطط هى بتيجي كدا
صافى / يبقي متخططتش و طلع اللى جواك
شريف / كتير هطلع ايه و لا ايه دا مخزون شهور
صافى / و كان ايه اللى جابرك
شريف / مقولتلك عمرى متخيلت ان ست الحسن هتبص للشاطر حسن
صافى / و ايه اللى جرا و جراء الشاطر حسن
شريف / حضن المطار بوظنى خالص اللى هو الحمد لله انى طلبت نتجوز مشيلتكيش و جريت عالماذون
صافى / ههههههههههههه و معملتش كدا ليه
شريف / كنتى هتوافقى
صافى / هو انت لما سالت عنى قبل متتقدملى مقالولكش انى مجنونه
شريف / دانتى واقعه بقي
صافى / اسمها بحبك يا عدو الرومانسيه يا قاتل اللحظات السعيده
شريف / ههههههههههههههههه على فكره انا واقع اكتر منك فعادى يعني
صافى / هو انا ازاى هسافر و اسيبك
شريف / انا برده قاتل اللحظات السعيده
صافى / لو مش عاوزنى اسافر
شريف / دا حلمك
صافى / انت حلمى الجديد انا مكنتش مبسوطه هناك و انا بعيد
شريف / و لا انا بس اهو لعله خير لحد مظبط امورى هنا و اشوف شقه و اوضبها
صافى / شقتى موجوده
شريف / ماينفعش يا صافى انتى بتقولى ايه
صافى / و فيها ايه
شريف / فيها انى مينفعش اقعد في بيتك دا اولا ثانيا انى محتاج مكان قريب جدا من اهلى ثالثا مامتك هتقول ايه متجوزك طمعان في شقتك
صافى / انت متعرفش مامى خالص بقي
شريف / الحقيقه لسه محصليش الشرف بس اكيد هتعرف و حوار الشقه منتهى انا هجيب حتى لو شقه ايجار و اوضبها و افرشها و لما كلو يبقي تمام هبعتلك تنزلى تحضرى الفرح
صافى / طب الحمد لله كنت خايفه تعمل دى كمان لوحدك من غيرى
شريف / لا يا ستى متقلقيش فى دى بالذات هتكون رجلك قبل رجلى
صافى / هو انا هعتزل الموديلينج بعد الجواز صح
شريف يسكت و يبصلها بمنتهى الهدوء
صافى / ايه اعتزلت خلاص
شريف نفس الهدوء
صافى / هى اصلا كانت هوايه يعني و احنا كنا متفقين  انها شغلانه عمرها قصير
شريف يبتسم
صافى / ايه القطه كلت لسانك
شريف / لا بس بحاول اخليكي انتى اللى تاخدى القرار لوحدك
صافى / مازن كان معاه حق لما قال انك لما تحبي الراجل الشرقي هتعملى اللى هو عاوزه منغير ميطلبه
شريف / الاهم انه كان صح لما قال انها مش تحكمات هو بيحبك و بيغير عليكي و بيحميكي مش اكتر
صافى / عارفه
شريف / هو انا امى دعتلى فساعه استجابه و لا ايه انا عمرى مكنت اتخيل انى مرزق اوى كدا
صافى تبتسم
شريف / صحيح فى سؤال مهم جدا عاوز اسالهولك
صافى / خير
شريف / من واحد لعشره قيمي نفسك في المطبخ
صافى / صفر و لو فى درجات بالماينس انا ممكن اخدها عادى
شريف / ههههههههههههههههههههههه
صافى / ايه انت من بتوع اقرب طريق لقلب جوزك معدته و كدا
شريف / اقرب طريق ايه انتى قاعده جوه و مربعه هو بس اهون عليكى ارجع مالشغل تعبان ملاقيش لقمه حلوه من ايديكى اكلها و اقولك تسلم ايدك
صافى / بص انا هحاول بس موعدكش بالنتيجه فمتعشمش نفسك اوى
شريف / لا هعشمها بصراحه هو مش هستعجل بس انا متفائل المهم خلينا بقي فدلوقت تحبى تتغدى ايه بقي
.......................
فى عماره على
نورا تنزل عالسلم تلاقي حد بيشدها
سعيد / على فين يا قمر
نورا / دانت مستنينى بقي
سعيد / مهنش عليا اطلع الا لما اطمن عليكى يمكن تكونى محتاجه حاجه
نورا / ليك حق مانت متعرفنيش و لا تعرف انا ممكن اعمل فيك ايه
سعيد / معنديش مانع اجرب متاكد انها هتبقي ليله متتنسيش
نورا / انت عبيط و لا انت ايه حكايتك انت فاكرنى ايه
سعيد / الشمال بيبانوا من ريحتهم
نورا / الشمال دى تبقي امك و لعلمك لو متلمتش عنى انا
سعيد / هتعملى ايه هاه هتعملى ايه هتكلمى جوز امك و لا صاحبك اللى سبتى مصر عشان تنسيه
نورا / اللى حكالك عنى ظلمك لانه مفهمكش الحقيقه كامله
اسراء تدخل العماره نورا متشوفهاش و سعيد يشوفها
سعيد / الحقيقه انك بنت شمال و انا مقولتش غير كلمه الحق انتى مينفعش تقعدى وسطينا الصاحب ساحب و انا مش هسمحلك تاخدى اسراء فى سكتك
اسراء / فى ايه واقفين كدا ليه
نورا تبص لسعيد يغمزلها و تسيب المكان و تمشي سعيد يتف فى الارض
اسراء / كنت بتتكلم معاها في ايه
سعيد / اهى بلاوى بتتحدف على فكره انا كلمت اخوكى و قولتله البت دى لازم تمشي و شكله شد معاها عشان كدا جت تتخانق معايا بس و عهد الله ما هسكت هى فكرانى واحد مالزباله اللى كانت تعرفهم
اسراء / خلاص خلاص متدايقش نفسك انا هتعامل معاها
سعيد / اوعى لاخر مره يا اسراء البت دى لا تتعاملى معاها و لا لسانك يخاطب لسانها النهرده تلمى حاجتك و تباتى فى اوضه امك محدش عارف هى ناويه تنتقم مننا ازاى
اسراء  / و لا تقدر تعمل حاجه
سعيد / عارف يا قلبي عارف اطلعى انتى دلوقت عشان وقفه السلالم دى مش بتاعتك متلقش بيكي يا قلبي
اسراء / هكلمك ماشي
سعيد / تمام يلا يا قلبي سلام
.................
فى شقه مرام
مازن و مرام قاعدين بيزاكرو
مازن / اووووف دى خامس مره و مبتظبطش
مرام / بص سيبها و شوف غيرها و انا هفكر فيها على رواقه
مازن / و على ايه استنى
مازن يطلع الموبايل
مرام / بتعمل ايه
مازن / استنى ثوانى .... ايوه يا مصطفى ازيك بكلمك فوقت مش مناسب و لا حاجه .... تمام بقولك الريبورت اللى الدكتور منزله ده فيه الجزئيه التالته فى السؤال التانى ... تسلم يا حبيبى ... سلام .... هيبعتلى حلها واتس
مرام / و نبقي استفدنا ايه الحاجه لما بتدور على اجابتها بنفسك بتثبت
مازن / مالحاجه لما متعرفهاش و تسال و تزاكرها هتثبت ربرده و بعدين انا تعبت و مش هضيع اليوم كله فى المزاكره بصراحه
مرام / امال انت جاى ليه بقي
مازن / جاى استهبل ازاكر شويه و بعدين نضيع باقي الوقت حب و دلع
مرام / بعشق صراحتك دى
مازن / طب ايه بقي انا تعبت
مرام / خلاص ناخد ريست عشر دقايق نحب فى بعض بس هما عشر دقايق بس
مازن / انتى مستهونه بالعشر دقايق طب دا السنه اللى بقضيها و انا باصص فى عنيكى كدا
مازن يبص فى عنين مرام
مازن / بتفوت كانها عشر ثوانى شوفى بقي العشر دقايق فيهم كام عشر ثوانى
مازن يعدى ايدى بحنيه على خد مرام و يلعد شعرها عن وشها و يقربها منه باب الشقه يتفتح و سميحه تدخل مازن يزق راس مرام عالترابيزه
مازن / متركزى بقي خامس مره اعيدها ما طول مانتى فرحنالى بشعرك ده مش هنخلص النهرده
مرام / مبالراحه يا عم خلعت رقبتى
مازن / مسمعش حسك انا جبت اخرى دانتوا لو قاصدين تربوني مش هيتعمل معايا كدا
سميحه / مالك يا مازن يا حبيبي متعصب ليه بس
مرام و هى مش قادره تمسحك الدحكه
مرام / بيمد ايده عليا يا تيته
سميحه / بيهزر معاكى
مرام / خليكى حاميله كدا انا داخله اعمل شاى
..........................
فى الشارع
الدنيا بتشتى و نورا ماشيه بتعيط تحت المطر و الدموع بتنزل مع المطر على خدها
/////////
نورا / كنتى فاكره ايه؟؟ ان الدنيا ممكن تديكى فرصه تانيه ..ان اللى زيك ممكن ياخدوا فرصه تانيه.. جربتى عيشه الملوك و جربتى عيشه الخدم فاضل ايه تانى عاوزه تجربيه ..فاكره انهم هيرحموكى ..هيسقفولك و يقولولك برافو عليكى اتغيرتى ...كلو عاوز ينهش فيكى ...انتى رخيصه و هتفضلى طول عمرك رخيصه ...اللبسى زى مانتى عاوزه اتصرفى زى مانتى عاوزه ...عمرك مهتكونى واحده تانيه مفيش فرصه تانيه مفيش بدايات جديده خصوصا للى زيك ...انتى الغلطانه انتى اللى عشمتى نفسك انتى اللى نسيتى حقيقتك ...حتى لو ملكيش ذنب فيها حتى لو هما اللى عملوا فيكى كدا هى دى حقيقتك ...انتى مش ملاك انتى مش ضحيه انتى اللى اخترتى العيشه دى انتى اللى مبتتعلميش ...كام مره تحاولى كام مره ...تانى هتحاولى ؟؟؟هتفضلى لحد امتى تتعلقى بامال كدابه هتفضلى لحد امتى فاكره انك ممكن تكونى حاجه تانيه ...انتى واحده رخيصه و عمرك مهتكونى غير كدا ...مهما حاولتى مش هتكونى غير كدا ...مفيش فايده من الحرب دى مفيش امل فيها ....كفايا بقى كفايا
//////////////
نورا / يارب انا مش عاوزه ارجع للى كنت فيه
تليفون نورا يرن تمسح دموعها و تبص تلاقى رقم شريف تفضل باصه فى التليفون لحد ميفصل و يرجع يتصل تانى تجمع نفسها و ترد
نورا / الو
شريف / ازيك يا نورا عامله ايه
نورا / الحمد لله يا شريف خير
شريف / اممم بصى انا مش عارف ابدء منين بس انا عرفت انك نزلتى مصر و رجعتى الجامعه انتساب
نورا / مازن عرف
شريف / لا و بصراحه مش ناوى اقوله
نورا / احسن اوعى تقوله اسمع يا شريف انا سبت مصر كلها عشان ابدء من جديد و رجعت اكمل دراستى و حولت انتساب عشان مقابلوش ارجوك
شريف / منغير متقولى انا بس كنت عاوز اطمن عليكى انا سالت عالناس اللى انتى قاعده عندهم ناس كويسين و كل حاجه و سمعتهم زى الفل بس انا حبيت اكلمك عشان لو محتاجه اى حاجه اى حاجه يا نورا فى اى وقت انا زى اخوكى و صدقينى هيبقى بعيد عن مازن خالص
نورا / ليه
شريف / عشان متلخبطوش حياه بعض لا مرام هتفهم الصداقه اللى بينكوا و لا هو هيرضى يسيبك الا لما يطمن عليكى
نورا / لا يا شريف ليه هتساعدنى
شريف / المفروض اعمل ايه غير كدا بصى يا نورا انا عشت وسطيكوا فتره كفايه انى اعرف كل واحد فيكوا على حقيقته و انى كمان اعرف قد ايه التغيير صعب و الاصعب انك تحاربى لوحدك فحبيت اقولك انك مش لوحدك
نورا / و اشمعن دلوقت
شريف / مش عارف انا كنت ناوى اكلمك من اول منزلتى مصر و عرفت انك هتكملى دراستك بس والله انشغلت غصب عنى فى مليون حاجه هنا و كل حاجه عليا فاتلخمت بس اسمعى لو انتى محتاجه اى حاجه اوعدك هفضيلك نفسى هتكونى رقم واحد و دا وعد
نورا / شكرا يا شريف له حق مازن يحبك اوى كدا بس انا مش محتاجه حاجه .... الحقيقه لا انا محتاجه و محتاجه حاجه كبيره اوى كمان
...........
فى شقه على
ماجده بتكلم على فيديو كول عاللاب
على / يعنى اعمل ايه دلوقت اقدم استقالتى و ننزل نشحت كلنا و لا اعمل ايه هى دى الامانه اللى سبتهالكوا
ماجده / امانه ايه انت تبلينا ببلوه و تقول امانه
كريم / يا على محدش كلمها هى اللى مشيت لوحدها
اسراء / انتوا اوفر كدا ليه ما يمكن خرجت تتمشى شويه و راجعه هى هتروح فين يعنى ما حاجتها كلها جوه
على / ماما عشان خاطرى عشان خاطرى عامليها حلو انا نزلتها مصر و انا عارف ان ملهاش مكان تانى تروحه عشان انا كنت مطمن عليها معاكى
ماجده /يعنى هى الارض داقت بيك ملقتش غير البنت دى
على / البنت دى مش زى مانتى فاكره صدقينى
ماجده / يعنى هو عشان الشيخ قالك خليك عون ليها مش للشيطان فاكر ان دى بقت مسؤليتك انت
على / انا عارفها كويس انا من يوم مقابلتها مشوفتش منها اى حاجه وحشه هى سابت الدنيا كلها سابت العيشه اللى كانت عيشاها و قبلت بالذل عشان تبقى نضيفه ليه نحاربها
اسراء / ميمكن كل ده تمثيل و مش حقيقى و يمكن زهقت من دور الفقر و رجعت للعز اللى انت بتقول عليه ده و لا يمكن وجودها فى مصر فكرها بحبيبها الاولانى
على / انا كنت عارف ان اليوم ده هيجى كنت عارف ان ده هيحصل بس كنت فاكركوا غير كدا .. انا يوم ما حكيتلك يا ماما كنت بفضفض معاكى بوجعى و استحملت لما لمتيهم و حكتيلهم و فضحتى البنت بس انتوا وعدتونى انكوا هترموا كل ده ورا ضهركوا عشانى و عالاساس ده جبتها ليه تعملوا معايا كدا ليه
كريم / محدش عمل حاجه يا ابيه بالعكس والله بنعاملها كويس بس كل اللى حصل ان سعيد قالى انها بتتصرف بطريقه مش كويسه فقولت اتكلم معاها عشان تاخد بالها انها مش فى امريكا بس والله دا كل اللى حصل سابت البيت و مشيت
ماجده / ما يمكن هترجع يمكن فعلا زى ما اسراء قالت انها هتفك عن روحها و هترجع هى يعنى عشان كلمتنا و ملقتهاش وسطينا نبقى طفشناها و عاملناها وحش
كريم / يا ابيه انا قولتلك اللى حصل عشان انا متعودتش اخبى عنك كان ممكن نقولك نزلت تشترى حاجه و منوتركش و لما ترجع تبقى تكلمك عادى
على / و ان مرجعتش يا على
اسراء / تبقى خدت الشر و راحت
على / انتى بتكرهيها كدا ليه عملتلك ايه
اسراء / و انا لسه هستنى لما تعمل ان رجعت يبقى كانت بتفك عن نفسها و ان مرجعتش يبقى هى اللى اختارت ترجع للقرف اللى كانت فيه احنا لا طردناها و لا عملنالها حاجه هى اللى لو كانت ماشيه عدل مالاول مكنش كل ده حصل
على يقفل السكه
ماجده / ينفع كدا يعنى
اسراء / معلش مهى كلمه الحق بتزعل
اسراء تقوم
ماجده / كلمها يابنى شوفها فين
كريم يهز راسه و يقوم يجيب الموبايل
............................
فى الشارع
نورا ماشيه تحت المطر تليفونها يرن على ترد
نورا / ازيك
على / انتى فين
نورا / بتمشى شويه
على / فى الجو ده يا نورا و متقوليش لحد انتى رايحه فين انتى متخيله انا عامل ازاى هنا دلوقت
نورا / انا كويسه يا على
على / نورا لو سمحتى لو قررتى تمشى فى اى وقت لو دايقوكى فى اى وقت بلغينى و انا هبعتلك تزكره الطياره و تيجى هنا و نتجوز بلا تعليم بلا قرف
نورا / انت ليه بتعمل فى نفسك كدا يا على انا قولتلك مليون مره تبعد عنى انا قولتلك انى منفعكش
على / و انا قولتلك مليون مره انى مقدرتش و مش هقدر انا ربنا وحده اللى عالم انا بقضى يومى هنا ازاى من غيرك انا كل اللى بحاول اعمله انى اخلى الايام تعدى عشان انزل فى اول اجازه اتجوزك على سنه الله و رسوله
نورا / انا منفعكش اهلك بيعانوا معايا الناس مش هترحمك محدش هيسيبك فى حالك
على / طظ فيهم كلهم محدش بياكلنى نورا انا عارف ان اسراء غشيمه و بتتصرف بهبل بس هى صغيره و مش فاهمه حاجه متزعليش منها
نورا / انا بس كنت خايفه عليها
على / من ايه
نورا / تقصد ايه
على / انتى بتقولى انك كنتى خايفه عليها هو فى ايه خايفه عليها من ايه
نورا / من نفسها من تفكيرها و تصرفاتها ده اللى اقصده
على / اه فهمت
نورا / على انا مش عاوزه اللخبطلك حياتك اكتر من كدا
على / انتى لو سبتينى حياتى هتدمر مش هتتلخبط انتى لو مروحتيش دلوقت و كلمونى طمنونى انك وصلتى بالسلامه انا هقدم استقالتى و انزل ادور عليكى و ساعتها يبقى ذنب العيله اللى هتتشرد مالجوع دى فرقبتك
نورا / يا على
على / لو ليا ذره غلاوه عندك لو عملت معاكى موقف واحد كويس روحى دلوقت و نتكلم بعدين و اوعدك ان باذن الله كل حاجه هتتصلح انا شديت معاهم و لو مغيروش اسلوبهم
نورا / المشكله مش فيهم يا على هما مهما حاولوا مش هيقدروا يقدمولى احسن من كدا المشكله فيا انا انا اللى تعباهم انا اللى وجودى وسطيهم عاملهم مشاكل انا اللى وحشه يا على
على / الوحش مبيشوفش نفسه وحش يا نورا دلوقت ارجوكى تروحى ارجوكى
نورا / حاضر
على / هستناكى تكلمينى من البيت و ارجوكى متعمليش فيا و فيهم كدا تانى ارجوكى
نورا / حاضر
على / لا اله الا الله
نورا / محمد رسول الله
...........................
فى شقه مازن
شريف بيتكلم فى التليفون
شريف / لما تخلص طمنى
جرس الباب يضرب شريف يروح يفتح يلاقى مازن
شريف / هكلمك بعدين سلام
مازن / انت مش متصور انا سعيد انى لقيتك قد ايه كنت حاطت ايدى على قلبى انى اوصل قبلك اقعد عالسلم
شريف / معلش هانت كلها يومين
مازن / ايه اخبار الفسحه صحيح و لا اقولك متحكيليش دلوقت خليها الصبح لحسن انا هموت و انام
شريف / ماشى تصبح على خير
مازن / اتعشيت
شريف / اكيد
مازن / تمام يلا تصبح على خير
شريف / سلام
................................
قدام بيت على
سعيد ينزل مالبيت بيصفر و عمال يلف ميداليه المفاتيح على صباعه يجى يفتح عربيته حد يكممه من ورا و هو بيقوم و يحطوه فى عربيه تانيه و العربيه تطير بيه
...........................