السكه شمال بقلم / لولو_محمد ( كامله )

الحلقه ١١٢

((((((((((السكة شمال ))))))
#لولو_محمد
الحلقه 112
مرام / مروه شدت مع صافى و صافى نزلت معيطه و انا خايفه عليها اوى و مش عارفه اعمل ايه
شريف / متعمليش اى حاجه انا هلف و ارجع و هكلم صافى و هنشوف هنعمل ايه
مرام / تمام يا شريف ارجوك تطمنى ماشى
شريف / ماشى سلام سلام
مروه تطلع من جوه لابسه
مرام / انتى رايحه فين دلوقت
مروه / هروح بيتى هروح فين يعنى انا اصلا غلطانه انى جيت
...............................
مرام / شكرا يا مروه حقيقى شكرا
مروه / العفو سلام
مروه تنزل و تقفل الباب وراها
.............................
فى الشارع
صافى ماشيه و هى بتعيط شريف يركن العربيه قدامها بالظبط تتفزع
شريف / اركبى
صافى / هو انت
شريف / اركبى
صافى تركب و هى عماله تعيط
شريف / فى ايه يا صافى حته بت زى دى تنرفزك للدرجادى
صافى تبص الناحيه التانيه
شريف / انتى عارفه انا اول مره اسوق بالسرعه دى فحياتى كنت ولا اللى بيلعب اتارى
صافى تبصله
شريف / لما مرام قالتلى انك نزلتى كنت هتجنن خدت اول ملف و رجعت طاير زمانى اتاخدت خمسين مخالفه يلا مش مهم مازن يدفعهم بقى مهو اللى معرفنى عليكوا
صافى تبتسم
شريف / هتجلطونى والله فيوم انا عارف ان اجلى على اديكوا حد فيكوا هيكون سبب موتى
صافى / بعد الشر
شريف / ازاى تنزلى فوقت زى ده لوحدك و رايحه فين يعنى متطلبى عربيه توصلك و لا تكلمينى و لا تكلمى مازن ليه بتعملى فنفسك كدا حياتك رخيصه اوى بالنسبالك اوى كدا
صافى / انا مخنوقه اوى
شريف / تصدقى مروه دى تستاهل محمود اقسم بالله هما الاتنين فوله و اتقسمت نصين خليط من التخلف مع الرزاله مرشوش عليهم شويه استفزاز و تناحه طبخه منيله بستين نيله
صافى تدحك
شريف / تحبى نتمشى بالعربيه شويه تفكى و لا اروحك و لا اعمل فيكى ايه مهو انا مكتوب عليا مشوفش بتنا تعرفى انا هجيب كوفرته و اتعود انام فى العربيه اسهل
صافى تبصله شريف يتحرك بالعربيه
صافى / مش قادره استنى اسافر و اسيب البلد دى بكل المتخلفين اللى فيها
شريف / الله يحفظك يا ستى مدى اخرتها برده
صافى / انت عارف انى مقصدكش
شريف / مانا فيها يا صافى انا و مرام و مازن و تيته سميحه و صفوت بيه و ناس كتير اوى غلابه و طيبين
صافى / كام واحد يا شريف كام واحد من كام مليون
شريف / حتى لو واحد تفتكرى بره فى كام واحد عدل
صافى / انت متخيل ان الغبيه دى بتلومنى انا على ان شهاب سابنى انت متخيل بتقولى انتى متمسكتيش بيه
شريف / انتى مستنيه ايه من واحده مراهقه زى دى كل اللى تعرفه عن الحب وخداه مالهندى و التركى و البلا الازرق اللى الاجانب مصدرينهولنا
صافى / فى ناس لسه بتفكر كدا كان المفروض اعمل ايه
شريف / و لا اى حاجه هو اللى باعك هو اللى مقدرش النعمه اللى فى ايده انتى كنتى كتير اوى عليه
صافى تبص لشريف
شريف / و بعدين هو الباشا فين مهو متنيل اهو مش لاقى كلبه حتى تعبره بس لو كنتى محتاجه تجيبى على نفسك اللوم فحاجه فانتى اصلا ازاى بصيتى لانثى القنفد ده اساسا داقت بيكى الدنيا الرجاله خلصت عشان تحبى ده
صافى / ههههههههههههههههههههههههههههه
شريف / يا باى على تقل دمه طب تصدقى انا فرحتلك طب والله فرحتلك دا ربنا نجاكى باباى و مامى و دادى و اونكل دا بيتكلم من بطنه يا بنتى استغفر الله العظيم انا عمرى فحياتى مشوفت واحد كسول لدرجه انه بيكسل يحرك شفايفه و هو بيتكلم لا حقيقى شوفتى فيه ايه
صافى / ههههههههههههههههههه بطل بقى
شريف يبصلها يلاقيها بتمسح دموعها و بتدحك
شريف / هو انتى بتحطى مكياج ليه يا صافى
صافى / يعنى ايه بحط ليه
شريف / اصلك احلى كتير من غيره بتحطى ليه
صافى / ههههههههههههههه شكرا
شريف / العفو الا صحيح يا صافى هو كان نافخ و لا دا كان ايه وضعه
صافى / خلاص يا شريف بجد
شريف / اونكل متحت
صافى تدحك و تبص الناحيه التانيه
شريف / قال تتمسكى بيه قال دا الواحد بيشوف العجب فى البلد دى عندك حق يابنتى تقولى ياريتنى اخلع بلا قرف
صافى تبص لشريف و هو سايق
...........................
فى شقه مرام
مرام / هعمل ايه يعنى قفلت الباب بالمفتاح و دخلت الاوضه و قفلت الباب بالمفتاح هيحصل ايه يعنى
مازن / بس ايه التخلف ده طب ملو البلوه اللى اسمها مروه دى هتمشى متقول حتى صافى كانت قعدت لكن ايه التخلف ده
مرام / يا مازن موقف و حصل سوء تفاهم مروه مكنتش تعرف ظروف صافى و اتكلمت بحسن نيه
مازن / انا مبتكلمش فكدا دى حاجه بنهم انا بتكلم ازاى يسيبوكى لوحدك
مرام / يا مازن اصلا ازاى صافى تنزل الشارع فى الوقت ده و لا بترد على موبايل و لا عارفه اوصلها انا خايفه بجد يكون حصلها حاجه
مازن / حاجه قرف حاجه قرف اقسم بالله مشوفت استفزاز كدا فحياتى دا ايه ده
مرام تتنهد
مازن / انا جاى فى الطريق اصلا
صوت حاجه بتقع بره
مرام / مازن
مازن / نعم
مرام / فى صوت بره
مازن / ايه ؟؟
مرام تلبس الاسدال بسرعه و تروح و تيجى تحط ايدها عالاكره الاكره تتعوج مرام ترجع لورا جرى
مرام / مازن فى حد هنا
مازن / انا فى الطريق اوعى تفتحى انا جاى حالا
اكره الباب تتحرك ورا بعض ورا بعض مرام تصرخ
مرام / حراااااااامى حرااااااااامى
و فى حد بيحاول يكسر الباب خبطه اتنين تلاته يتفتح تلاقى واحد طويل لابس اسود فاسود و مغطى وشه و فايده سكينه و فجاه خبط عالباب و ترزيع على باب الشقه و حد بيحاول يكسر الباب و الحرامى واقف فى النص بين مرام و باب الشقه و بيبص على مرام و يرجع يبص على باب الشقه و يجرى عالحمام باب الشقه يتكسر مرام تصرخ محمود و سعد يدخلوا تشاورلهم عالحمام محمود يجرى وراه يلاقى شباك الحمام مفتوح يبص منه يلاقى حد بيطلع عالمواسير بسرعه يطلع يجرى
محمود / خليك معاها
محمود يطلع يجرى عالسلم و مرام تمسك الموبايل و هى بتعيط
مرام / مازن
مازن / ايه اللى حصل فى ايه انتى كويسه
مرام / انا كويسه محمود و سعد هنا
مازن / انا فى الطريق خمس دقايق و اكون قدامك
مرام / تمام
مرام تقعد عالسرير و محمود يدخل بينهج
محمود / ملحقتوش سريع اوى انتى كويسه
محمود يقعد تحت رجلين مرام مرام تهز راسها
محمود / امال فين صافى و مروه
مرام / مشيو
محمود / يعنى ايه مشيو امتى و ازاى و ليه
مرام / معرفش معرفش
محمود / خلاص خلاص اهدى الحمد لله انك بخير الحمد لله اهدى
مرام تعيط صافى تدخل
صافى / فى ايه
محمود / انتوا ازاى تسيبوها لوحدها
مرام / محمود بس
صافى / فى ايه يا مرام
شريف يدخل
شريف / فى ايه يا مرام مازن كلمنى فى ايه
مرام / حرامى دخل طويل و لابس اسود فى اسود و مش باين غير عنيه و ماسك سكينه كسر الباب
صافى تجرى تحضنها و هى بتعيط
صافى / حبيبتى انا اسفه انا اسفه اوى
مرام / الحمد لله انك كويسه انا كنت قلقانه عليكى اوى
صافى / الحمد لله ياربى الحمد لله طب دخل ازاى و انتوا ازاى محستوش بيه
سعد / قطع سلك شباك الحمام و فتح الاوكره و دخل
محمود / ابن الكلب بيطلع المواسير كانه متربى فسرك جريت وراه عالسطح لقيته و لا الفرقع لوز سريع و بينط من بيت لبيت
شريف / انتى كويسه يا مرام
مرام تهز راسها المعلم اسعد يدخل
اسعد / كان فى صريخ حرامى حاجه حصلت
محمود / جت سليمه يا معلم الحمد لله
مرام / هو اصلا حرامى يدخل هنا ليه عندى ايه يسرقه
شريف / شبكتك مثلا
مرام تبص لشريف 
صافى / مش مهم اى حاجه المهم انك بخير
مرام / الحمد لله الحمد لله بعد مكلكوا مشيتو انا قفلت باب الشقه بالمفتاح و قفلت باب الاوضه بالمفتاح و كلمت مازن لو مكنتش قفلت الباب بالمفتاح و نمت كان هيحصل ايه لو كان دخل عليا و انا نايمه كان هيحصل ايه لو كنتوا معايا و مقفلتش الباب كان ممكن يعمل فينا ايه
محمود / اهدى يا مرام احنا حواليكى
مرام / لو مكنتش صرخت محدش كان هيحس بحاجه دانا كنت رايحه افتح الباب بغبائى كنت هفتح الباب لو كان هو اتاخر ثانيه واحده كنت فتحت الباب و طلعتله بره كان هيعمل فيا ايه
شريف / مرام اهدى
مرام / اول محطيت ايدى عالاوكره لقيت الاوكره بتتحرك صرخت لو كان اتاخر و كنت فتحت لو كنت فتحت
صافى تاخد مرام فى حضنها مرام تنهار مالعياط
شريف يروح يبص على شباك الحمام السلك مقطوع بالسكينه و درفه الشيش متشاله و محطوطه جوه الحمام يبص مالشباك عالمواسير جنب الشباك علاطول صافى تدخل و فايدها كبايه مايه
صافى / لقيت حاجه
شريف / عملها ازاى دى اتشعلق عالماسوره و خلع درفه الشيش و فضل شايلها و هو متعلق و قطع السلك و مد ايده و فتح الدرفه و حط الشيش جوه و دخل و خرج و طلع عالمواسير زى القرد دا حرامى عادى يا صافى
صافى / قصدك ايه
شريف / المايه دى لمرام
صافى تبص للكبايه
شريف / روحى اديهالها
صافى تهز راسها و تمشى و شريف بيبص عالحمام و بعدين يدخل جوه فى اوضه مرام
سعد / انا طلبت البوليس و زمانه جاى
اسعد / و انا كمان انا مش عارف اتاخروا ليه
مازن يدخل و يجرى يقعد جنب مرام و ياخدها فحضنه تفتح فى العياط
مازن / انتى كويسه حصلك حاجه عملك حاجه
مرام تهز راسها لا مازن ياخدها فى حضنه تانى
مازن / الحمد لله الحمد لله قومى معايا قومى
محمود / على فين
مازن / مسمعش نفس من اللحظه دى مرام مش هتنزل من تحت عينى
اسعد / حقك تدايق بس وعد منى
مازن / كتر خيرك يا معلم عملت كفايا كلكوا عملتوا كفايا بس انا مش هسيب مراتى بعيد عنى ثانيه لحد متيته ترجع
محمود / هتوديها فين يعنى
مازن / روح نام يا محمود كمل نوم يا محمود و ابعد عن وشى السعادى انا عفريت الدنيا كلها بتتنطت قدامى
محمود / انت بتكلمنى كدا ازى
شريف / مازن اهدى اللى عمل كدا مش حرامى عادى اللى عمل كدا حد محترف
مرام / يعنى ايه
معتز يدخل ووراه اتنين عساكر
مازن / اهلا معتز باشا تعبينك بس نعمل ايه مش هنخلص
معتز / عيب يا مازن بيه دا شغلى ايه اللى حصل
...........................
فى الفيلا عند زياد
لبنى تنزل من فوق تلاقى زياد قاعد تحت
لبنى / ايه اللى مصحيك دلوقت يا زياد
زياد / مستنى البشاره
لبنى / هو هينفذ علاطول كدا
زياد / خير البر عاجله يا قلبى
لبنى / طب متكلم مازن
زياد / اكلمه اقوله ايه
لبنى / مش المفروض سهران عندهم
زياد / لا طبعا مازن مشى انا منبه عليه مينفذش الا لما يتاكد ان مازن مشى و بعد كمان انتى عارفه كويس اللى كان هيحصل لو مازن كان موجود
لبنى / نفسى افهم على ايه شايف فيها ايه
تليفون زياد يرن زياد يشاورلها تسكت
زياد / طمنى .... هههههههههههههههههه لا جدع
لبنى / ايه حصل ايه
زياد يشاولها 
زياد / اوعى يكون حصلها حاجه حياتها غاليه علينا اوى مازن يقلب الدنيا .... حبيبي تسلم حقك محفوظ .... سلام
زياد يقفل
لبني / اووووف اياكش تموت و تخلصنا بقي
زياد / بعد الشر يا قلبي ليه كدا
لبني / مش طيقاها مش طيقاها و بعدين مالك يعني اتحمقت عليها كدا ليه
زياد / عشان لو ماتت مش هتعرف تيجي تبوس رجلك
لبني تبصله يحضنها
زياد / انا وعدتك انها هتبوس رجلك و انا لما بوعد لازم اوفي
لبني / والله هفضل كاتمه كدا لحد ميجي يوم و انفجر و اولع فيها بايدي دى
زياد / اهدي يا قلبي متستاهلش تحرق دمك انا عاوزك تهدى كدا و متقلقيش خالص مساله وقت مش اكتر
لبني / اما نشوف انا طالعه انام تصبح علي خير
لبني تسيب زياد و تطلع فوق و زياد يمسك الموبايل و يتصل بمازن
زياد / ايه يا عم انت هتبات هناك و لا ايه مش قولتلك لما تروح تكلمنى هفضل سهران للصبح كدا دا ايه الهم ده يا اخى
مازن / عاوز ايه يا زياد
زياد / مالك
مازن / حرامى دخل البيت على مرام
زياد / انت بتقول ايه يا بتاع انت امتى الكلام ده و انت كنت فين
مازن / كنت روحت
زياد / طب انا جايلك اوعى تتحرك من عندك انا جاى قولى انت فين و انا هاجى
مازن / احنا فالقسم بنخلص المحضر
زياد / انا جاى انا اصلا لابس و جاى مسافه السكه اوعى تتحرك الا لما اجى
مازن / زياد
زياد / طمنى الاول هى كويسه جرالها حاجه اوعى يكون عمل فيها حاجه
مازن / لا هى كويسه الحمد لله
زياد / الحمد لله دا ايه الهم اللى احنا فيه ده هى الناس دى مش عاوزه تسيبنا فحالنا ليه داحنا لو عايشين فغابه حياتنا هتبقى اهدى من كدا
مازن / حصل خير
زياد / انا فى العربيه اهو مش هتاخر
مازن / ماشى سلام
زياد يقفل و يبتسم و يطلع بره الفيلا
................................
فى القسم
مرام / قولت كان لابس جوانتى اسود اكيد مش هيبقى فى بصامات
مازن / حبيبتى اهدى
معتز / مفيش مشكله يا مازن بيه انا مقدر طبعا الموقف اللى مرت بيه على العموم تقدرى تمضى هنا و تروحى ترتاحى و لو فى اى جديد اكيد هبلغكوا
مازن / شكرا
مرام تقوم تمضى و تمشى مع مازن
محمود / ايه الاخبار
مازن يهز راسه لا زياد يدخل
زياد / ايه الاخبار عامله ايه يا مرام فى ايه ايه اللى حصل
صافى / حد اتهجم على مرام فى البيت غالبا كان ناوى يسرق و لما لقى مرام هرب
زياد / يكون توفيق
مازن / توفيق مكسور
شريف / دا حد محترف
زياد / و احمد ساب البلد اصلا يعنى
مرام / انا تعبانه و مش قادره اقف ممكن نمشى
مازن / تعالى هنروح عند خالو الفيلا
محمود / مازن
مازن / الموضوع منتهى
زياد / طب مازن بص تعالو عندنا احنا ماما فى البيت و لبنى يعنى على الاقل يبقى فى واحده فالبيت و كدا
مازن / خليها مره تانيه مينفعش اول مره مرام تقابل ماما فريده يكون ده الوضع
زياد / بالعكس انا متاكد ان ماما هتتفهم الوضع انا اصلا قولتلهم فالبيت و هما مستنينا
صافى / مرام
مازن / روحى يا صافى شريف هيوصلك
مرام / الوقت اتاخر يا مازن الناس تقول عليها ايه و هى داخله البيت متاخر كدا وواحد موصلها خليها تيجى معانا
زياد / و ماله الفيلا كبيره و تاخدنا كلنا لو حبينا و انت كمان يا محمود تعال
محمود / لا شكرا انا ليا بيت انام فيه مرام بقى هى حره تنام فى المكان اللى يريحها و يريحك
مازن يشد محمود بعيد شريف يقف معاهم
مازن / انا فاهم انت بتفكر فى ايه بس انا عاوزك تفتكر ان مرام مراتى و التلميحات بتاعتك دى ملهاش اى لزمه خصوصا دلوقت
محمود / انت اللى كلامك ملوش لازمه ايه مش هنعرف نحميها
مازن / فكر ثانيه قولى كان هيحصل ايه لو مرام مكنتش قافله الاوضه بالمفتاح لو مكنش عندها الفرصه تصرخ
شريف / اصلا باب الشقه مكسور و شباك الحمام مكسور و باب الاوضه مكسور هتنام فين مرام فى الشارع
محمود / لو اختك
شريف / لو اختى هحطها تحت عينى عشان تبقى فى امان انت مصدق بجد ان اللى حصل كان مجرد سرقه الحرامى محركش كرسى من مكانه الحرامى كان داخل عالاوضه وش
محمود / هخلى مرام تبات فى شقتنا و هبات مكانها
مازن / انت ايه مشكلتك هو انا هاخد اذنك اصلا عشان اخلى مراتى معايا
محمود / مهياش مراتك انت متخيل الناس هتقول عليها ايه
مازن / يولعوا الناس كل واحد كان نايم و بابه مقفلول عليه و مراتى بتصرخ حرامى مشوفتش حد اتحرك من مكانه الا المعلم اسعد لان بنته كانت لسه مروحه و غالبا صحى على صوتها مش على صوت مرام
محمود / انا صحيت على صوت مرام انا كنت اقربلها منك
مازن / و انا مقدر ده جدا جميلك على راسى بس دلوقت كل اللى يهمنى ان الموضوع ميتكررش و على العموم انا هكلم تيته و اقولها و انا متاكد انها مش هتعترض انا اللى بعمله ده الصح
محمود / طبعا هو انت بتغلط عن اذنكوا انا مروح
محمود يبص على مرام بتتكلم مع زياد و صافى و صافى بتطبطب عليها و يمشى مازن و شريف يروحوا ناحيه مرام و زياد و صافى و يمشوا كلهم
..............................
فى الفيلا
فريده / انا رايي متقولوش يا مازن اكيد هيقلق جدا
لبنى / مكدا كدا هيعرف
مازن / على الاقل مش هقلقه النهرده و الحمد لله جت سليمه
لبنى / شكلك مرهق اوى يا مرام متاخدها و تطلعوا تناموا يا مازن خليها ترتاح
مازن / يلا يا مرام
مرام تهز راسها
مرام / شكرا يا جماعه على كل حاجه عن اذنكوا
فريده / نورتى بيتك يا حبيبتى
مرام تبتسم و تطلع
لبنى / اياكش تولع
..........................
فى الاوضه اللى جنب اوضه مازن
مازن يدخل يفتح الدولاب
مازن / هتلاقى هنا بجامات و هدوم شوفى حاجه مريحه و اللبسيها
مرام / بتاعه مين دى
...............................