السكه شمال بقلم / لولو_محمد ( كامله )

الحلقه ٥٧

(((((((السكة شمال ))))))))))))
#لولو_محمد
الحلقه السابعه و الخمسون
مديحه بتتكلم فى التليفون و معاها احلام
مديحه / انا هجهزلها كل حاجه و هستناكوا هنا .... ماشى لما تخرج طمنونى ... يلا لا اله الا الله
احلام / عامله ايه
مديحه / بيكتبولها خروج
احلام / هو صحيح مرام جالها عريس و لا دى اشاعه
مديحه / ياختى وربنا مانا عارفه خشى غيرى هدومك و ارتاحى و انا هدخل احضر الاكل
احلام / لا عنك انتى يا خالتو انا هعمل كل حاجه
..................................
قدام المستشفى
محمود راكب قدام و شريف سايق و سميحه تركب ورا و مازن ماسك الباب لمرام
مازن / انا هاجى انا و خالو بكره
مرام / متتعبش نفسك و تحرجه معاك انت عارف ردى كويس يا مازن انا مش هتجوز بالطريقه دى
مازن / ادينى تلت ايام بس فرصه تلت ايام بس
مرام / هتعمل فيهم ايه
مازن / هخليكى تغيرى رايك
مرام / يعنى تلت ايام ممكن تعمل فيهم ايه يخلينى اغير رايى
مازن / هتخسرى ايه جربى
مرام / و هتبطل زن
مازن / ايوه و لو موافقتيش اوعدك انى هخرج من حياتك للابد حتى صدفه مش هتشفينى
مرام / اتفقنا التلت ايام يبدؤا من
مازن / من بكره لما اجى انا و خالو يبدؤا من بكره
مرام / ماشى اتفقنا بس انت وعدتنى
مازن / اتفقنا
مرام تركب و مازن يقفل الباب و العربيه تمشى
.................................
فى كافيه فامريكا
نورا بتصب القهوه فى مج واحد من الزباين
الزبون / ثانكس نورا
نورا / اللويز ويلكوم
نورا تروح ناحيه ترابيزه تانيه
نورا / كوفى
شاب / يس بليز
نورا تصبله تليفونه يرن
الشاب / ايه بقالى ساعه مستنيك خمس دقايق و همشى سلام
نورا / مصرى ؟؟؟
الشاب / اه
نورا / دى على حسابى
نورا تمشى و الشاب عينه معاها
...........................
فى شقه سميحه
مديحه / شوفتى بقى انك متقدريش تعيشى من غيرى يوم واحد اغيب عنك يوم واحد يجرالك كل ده
سميحه / متبعديش عنى تانى بقى
مديحه / و لا عمرى ابدا
سميحه / هههههههههههههههههههه تعيشى
مديحه / الا صحيح الكلام اللى بيتقال ده ان مازن متقدم لمرام
محمود / ورفضت و الموضوع خلص و ياريت السيره دى متتفتحش تانى
مديحه / بجد يا مرام ليه
محمود / هو ايه اللى ليه
مرام / انا مرفضتش هو متقدمش لسه عشان ارفض
محمود / يعنى ايه
مرام / مازن طلب فرصه تلت ايام و انا وافقت
محمود / هيعمل ايه يعنى بالتلت ايام دول
مرام / معرفش
محمود / امال وافقتى على اساس ايه
مرام / معرفش هو طلب و قال ان لو موافقتش بعدها هيبعد عنى خالص و انا مش هخسر حاجه
محمود / يا سلام
مرام / انا عندى فضول اعرف هيعمل ايه فى الفرصه دى عادى يعنى و هو بالمره اصلى استخاره
محمود / يعنى ايه
مرام / هو فى ايه يا محمود مانا قبل كل خطوه فحياتى بصلى استخاره
محمود / انا مش مصدقك بجد مش مصدقك
احلام / انا اسفه لو بدخل بس هو ايه المشكله يعنى خالتو بتقول انه شاب كويس و من عيله
محمود / افندم
احلام / خالتو اللى قالت كدا والله
محمود يبص لمديحه
مديحه / اه و بصراحه انا شيفاه عريس لقطه و مرام تبقى هبله لو رفضته
محمود / للمره المليون الواد ده سمعته زى الزفت و بتاع بنات
مديحه / دا داخل البيت من بابه عاوزين منه ايه تانى فكروا مره واحده صح دى فرصه مش هتتكرر
محمود / و ايه كمان يا ماما
احلام / انت قولتلى فى المستشفى ان العريس الجاهز بيختصر على البنت سنين سحله فى الفقر و ده غنى يعنى هينقل مرام فمستوى تانى خالص
مديحه / هينقلها و ينقلنا كلنا معاها
محمود / انتى ساكته ليه انتى كمان شايفه ان فلوسه
مرام / منغير متكمل انت عارف كويس انى مش للبيع
مديحه / مسمهاش للبيع اسمها تضمنى مستقبلك
مرام / مستقبلى مع الراجل مش مع فلوسه
احلام / انت ايه رايك يا محمود الفلوس مش مهمه
محمود يبص لاحلام
احلام / انت حاولت تفنعنى بعريس اكبر منى عشان جاهز و بتتعصب على مرام عشان عريس جاهز و لقطه لمجرد انه كان بتاع بنات و دلوقت عاوز يستقر هاتلى شاب واحد مكنلوش ماضى
محمود / انا
لحظه صمت
محمود / طلبتى شاب واحد انا
مرام / قدامه تلت ايام و بعدين هيخرج من حياتنا للابد هو وعدنى بكدا خلصنا بقى
سميحه / مرام
مرام / انا منمتش كويس امبارح و محتاجه ارتاح
مديحه  / معاكى حق كلنا محتاجين نرتاح يلا يا محمود
محمود / الكلام مخلصش
مديحه / بعدين بعدين
مديحه تشد محمود و احلام و تاخدهم بره
مرام ترمى نفسها فى حضن سميحه
مرام / هو ليه كدا ليه بيعمل كدا
سميحه / خايف عليكى
مرام / انا عارفه بس هو اوفر اوى و عصبى طول الوقت و انا تعبت
سميحه / مرام انا عمرى متكلمت معاكى فى الموضوع ده بس انتى عمرك مكان ليكى فارس احلام
مرام / هههههههههههههه ايه يا تيته الكلام ده
سميحه / ايه هتنكسفى تتكلمى معايا فالموضوع ده
مرام / لا مش هنكسف بس انا معنديش اجابه للسؤال ده يعنى مكنلوش صوره معينه انا بس مستنيه حاجه معينه
سميحه / و هى ايه بقى الحاجه دى
مرام / معرفش بس اكيد لما هلاقيها هعرف ههههههههههههههههههههه
سميحه / ههههههههههههههههههههه انتى ايه رايك فمحمود
مرام / لسه قيلالك بقى عصبى اوى
سميحه / لا اقصد يعنى لو كان بدل مازن اقصد اتقدملك يعنى
مرام / قصدك واحد زيه يعنى
سميحه / لا هو
مرام / انتى بتلمحى لايه يا تيته لا طبعا محمود دا اخويا احنا اتربينا سوا دانتوا كنتوا بتحمونا فبانيو واحد انتى نسيتى و لا ايه
سميحه / منستش انا بس بتكلم معاكى يعنى بحاول افتح معاكى انتى فاهمه يعنى
مرام / انا و محمود خساره نكون اى حاجه تانيه غير اخوات انا محتاجه اخ اكتر ممحتاجه حبيب او زوج محتاجه ضهر و سند ليا لو فيوم مالايام جوزى زعلنى اتسند عليه و مفيش حد فالدنيا احسن من محمود يقوم بالدور ده
سميحه / طب مازن ينفع يكون اخ
مرام / هو مينفعش يكون اى حاجه خالص الصراحه و نامى بقى عشان انا تعبتلك سلف
سميحه / ههههههههههههههههههه ماشى يا مرام هنام
مرام / و انا كمان هنام
سميحه تحضن مرام و يناموا
...................................
بالليل فى شقه سميحه
مرام و امل واقفين فى المطبخ مرام بتقطع كيكه و تصب شاى
مرام / اخص عليكى يا امل بقى انا برده اعمل كدا
امل / انا مش فاهمه انتى قفشتى ليه معادى يعنى
مرام / بس انا فعلا مكنتش اعرف اى حاجه عن الموضوع تعرفى انا اساسا مش موافقه
امل / تبقى هبله
مرام / امل
امل / ايه واحده ترفض عريس زى مازن تبقى ايه يعنى
مرام / هو اى عريس و السلام يعنى
امل / هو مازن اى عريس انتى هتجننينى دا بنك بيمشى على رجلين
مرام / و انا مش عاوزه فلوسه انا عاوزه اتجوز راجل يكون
امل / الراجل ميعيبوش الا جيبه دا لو افترضنا ان مازن ده يعيبه اى حاجه اصلا
مرام / بتاع بنات بتاااااااع بنات
امل / و سابهم كلهم و قرر يتجوزك انتى هو فى احلى من كدا
مرام / بالنسبه لمراهقه زيك مفيش بالنسبالى انا ديل الكلب عمره ميتعدل
امل / مراهقه زيى !!!
مرام / هههههههههههههههههه تعالى نقعد معاهم بقى انا خلصت
مرام تاخد الصينيه و تطلع فى الصاله امينه قاعده مع سميحه و مديحه و احلام
امينه / اهى عروستنا جت اهى
مرام تبتسم و تقدم الشاى جرس الباب يضرب تقوم تفتح تلاقى مروه و مامتها
مرام / اهلا ازيك يا طنط
الست / اخبار تيته ايه
مرام / كويسه الحمد لله اتفضلى اتفضلى
الاتنين يدخلوا
مروه / انا فرحتلك اوى اوى اوى
مرام / عقبالك
مروه / يارب بقى يارب
مروه و مامتها يدخلوا
الست / سلامتك يا ست الكل والله كنت ناويه اجيلك المستشفى الصبح بس ملحقتش و لما قالولى روحتى نمتى قولت استنى لبليل
سميحه / الله يسلمك تسمعى و تسلمى اقعدى اقعدى
الست / الف مبروك لمرام والله فرحتلها اوى
مروه / صحيح يا مرام هتلبسى ايه بكره
مرام / هلبس ايه فى ايه
مروه / الله هو مش بكره خطوبتك
مرام / لا
الست / ازاى دا مازن مكلم المعلم و ماكد عليه بكره بعد صلاه العشا هيجى هو و اهله
مرام / ههههههههههههههههه طب مش تقولولى على الاقل اعمل حسابى
سميحه / هههههههههههههههه يا جماعه هو لسه هيتقدم احنا حتى متفقناش على اى حاجه
مروه / هو ده عريس يترفض يا مرام
مرام / هو انتى شوفتيه
مروه / اه طبعا شوفته
مرام / امتى
مروه / منزل صور كتير اوى عالفيس
مرام تبص لسميحه
مرام / ثوانى هعملكوا شاى
مروه انا جايه معاكى
مروه و امل يجروا ورا مرام عالمطبخ
مروه / هتلبسى ايه بكره هاه
مرام / هو فى ايه يا جدعان
امل / تعالى ننزل الصبح نشتريلك فستان شيك اقولك تعالى نروح الكوافير نعملك شعرك
مرام / انا محجبه
مروه / هو انتى هتتخطبى كل يوم
تليفون مرام يرن
مروه / اراهنك انه هو
مرام تطلع بره مديحه تناولها الموبايل مع تبادل نظرات من الكل و ابتسامات من تحت لتحت
مديحه / مازن
مرام تاخد الموبايل و تكنسل
مديحه / الله متردى عليه يمكن عاوز حاجه
الست / هههههههههههه تلاقيها مكسوفه ترد قدامنا
مرام تبص لسميحه تليفونها يرن تانى
الست / خشى كلميه جوه
مرام تدخل الاوضه و تقفل الباب و ترد
مرام / انت لو قدامى كنت قتلتك
مازن / هههههههههههههههه
مرام / انت بتدحك انا بغلى و انت بتدحك
مازن / طب ايه اللى حصل طيب مين زعلك بس
مرام / انت هو فى حد عنده القدره الرهيبه انه يستفزنى و يخرجنى عن شعورى قدك
مازن / ههههههههههههههههههههههههه
مرام / بطل دحك
مازن / اسف اسف حقك عليا ممكن بس اعرف انا عملت ايه فى الحبه اللى نمتهم دول
مرام / بص يا مازن الموضوع ده مش نافع خلينا زمايل فى الكليه احسن حوار الخطوبه و الجواز ده بجد مش نافع
مازن / ماحنا اتفقنا انك تدينى فرصه تلت ايام ايه اللى جد
مرام / الناس بتبركلى كانى اتخطبت فعلا و انا مش هعرف اسكت الناس دى بعد كدا
مازن / انتى بتدى للناس حجم كبير اوى فحياتك المفروض ترميهم ورا ضهرك مش تحطيهم قدام عنيكى طول الوقت كدا
مرام / و هى البنت ايه غير سمعه
مازن / لا اله الا الله هو انا هصاحبك انا هخطبك ايه اللى يبوظ سمعتك فى الموضوع بس
مرام / معرفش بس مش مرتاحه
مازن / مكنتش اعرف انك من النوع اللى بيخلف وعده
مرام / هتعمل ايه يعنى فى التلت ايام دول فى ايه يعنى ممكن تعمله ممكن يغير رايى فيك
مازن / اعمل اللى اعمله احنا اتفقنا
مرام / طب و اهلك
مازن / مالهم اهلى
مرام / يعنى هما موافقين عالهبل ده
مازن / لسه مكلمتهمش بس عادى يعنى محدش كدا كدا بيدخل فى حياتى
مرام / شوفت بقى افرض اهلك رفضوا
مازن / لا متخافيش انا و خالو هنيجى بكره
مرام / باباك مامتك اخواتك كل دول مش مهمين عندك
مازن يسكت
مرام/ شوفت مش هينفع والله مهينفع
مازن / تيته عامله ايه
مرام / كويسه الحمد لله احسن
مازن / و انتى
مرام / انت كدا غيرت الموضوع يعنى
مازن / انا مليش اهل يا مرام مليش غير خالى هو اللى ربانى من وانا صغير و هو اللى بيصرف عليا و يسال عنى و ياخد باله منى
صمت يكسره خبط عالباب و صوت دحك بره
مروه / الله يسهلوا
امل / سيبيها يا بنتى من لقى احبابه نسى صحابه
مرام / سامع
مازن / روحى اقعدى معاهم و حاولى تستمتعى شويه مش كل حاجه جد اوى كدا و لما يمشوا ابقى كلمينى ضرورى ماشى ؟؟
مرام / ماشى سلام
مرام تقفل و تطلعلهم تقعد معاهم
....................................
فى شقه مديحه
سعد / و انت هتسكت عالهبل ده قسما بالله انا لو منك لاروح لمرام و اقولها الحقيقه كلها
محمود / انت عبيط مش بالبساطه دى
سعد / يعنى هتسكت لحد مياخدها منك و يمشى
محمود / دا على جثتى
سعد / طب متعمل حاجه يابنى
محمود / حاولت والله حاولت و كل مره احاول اكلم مرام او تيته حاجه تحصل و دلوقت الدنيا مقلوبه و الشارع كله ملوش سيره غير الموضوع ده
سعد / يادى النيله و طبعا مازن باشا استغل اللى حصل احسن استغلال و مرام مش هتعرف تكدبه عشان تسكت الناس
محمود /  و ياريتهم سكتوا عمالين يتكلموا انه خاطب و بتاع و جابوا الفيس بتاعه و مش عاوزين يسكتوا
سعد / دى اتلعبكت عالاخر
محمود / انت هتقولى
...........................
فى شقه مرام
امل / توفيق ده زباله
مرام / ربنا ياخده و يريحنا منه
مروه / بس بابا مسكتلوش صح يا ماما
مديحه / ربنا يباركله المعلم اسعد والله معرف منغيره كنا هنعمل ايه
احلام / بس ايه حكايه الفيديو ده يا جدعان ليكون خاطب بجد
سميحه / يا جماعه هو قايلى كل حاجه و الفيديو ده كان تمثيل بس البنت دى شيرته عشان تدبسه فيها لكن هو مش خاطب و بعدين مهو هيجى بكره مع خاله ابقوا اسلوه
الست / والله المعلم قال كدا هو فى حد بيلعب بياخد اهله معاه و كان ناوى يساله عن الفيديو ده بكره لما يجى
تليفون الست يرن
الست / ههههه يا خبر دا الوقت سرقنا و زمان الحج استعوئنى يلا يا مروه
امينه / و احنا كمان هنستاذن
مديحه / نسيبك ترتاحى بقى يا حجه
سميحه / كلكوا هتمشوا مره واحده كدا
امينه / ماحنا هنيجى بكره بقى عشان الفرح
مرام تبص لسميحه لحد مالكل يمشى تقفل الباب وراهم
مرام / عاجبك اللى بيحصل ده
سميحه / لما يجى بكره ارفضى و قولى مش موافقه و خلصنا لو ده اللى هيريحك بس دلوقت يلا ننام
مرام / لا هكلم مازن لازم يعرف بحوار الفيديو عشان لما يتفتح بكره
سميحه / طيب انا هدخل انام عشان مش قادره افتح عينى خلصى و حصلينى
مرام / تمام
...........................
فى شقه مديحه
مديحه / ههههههههههههههه طب والله كانت قاعده حلوه
محمود / ماما ممكن لو سمحتى
مديحه / خير يا محمود
محمود / عاوزك خمسه على جنب لو سمحتى بعد اذنك يا احلام طبعا
احلام / انا كدا كدا كنت داخله انام خدوا راحتكوا
احلام تقوم
مديحه / خير يا محمود فى ايه قلقتنى
..............................
فى شقه مازن
مازن بيكلم مرام فى التليفون
مازن / مدى الحقيقه فعلا ايه المشكله بقى
مرام / انا قولت اقولك عشان لو حد سالك يبقى كلامنا واحد بس
مازن / سيبك بقولك هتلبسى ايه بكره
مرام / هلبس ايه فايه عادى يعنى انت هتعمل زيهم و لا ايه
مازن / ههههههههههههههههههههه ماشى اصلا انتى بتبقى حلوه فاى حاجه
مرام / انا حاسه انى فكابوس
مازن / انا حاسس انى فحلم جميل حلم كان بالنسبالى اخره انه يكون مجرد حلم و بس عمرى مكنت اتخيل انه يكون حقيقه ابدا بس واضح ان القدر له راي تانى فى الموضوع هههههههههههههههه
مرام / ليه يعنى
مازن / هو ايه اللى ليه عشان كل الصدف دى تيجى ورا بعض من اول المشروع لحد النهرده كل ده مكنش مترتبله انا بعترف انى دفعت للمعيد يحط بنت شاطره فى المشروع بتاعى بس والله مكنت متخيل انها هتكون انتى و لو كنت اعرف كنت رفضت
مرام / لا مقصدش انا اقصد ليه كنت شايف انه حلم مينفعش يتحقق
مازن / عشان انا بشوفك حاجه حلوه اوى يا مرام مش بس جميله لا انتى كل حاجه فيكى حلوه بحب طموحك و حماسك بحب دحكتك و ثقتك فى نفسك جرائتك و جدعنتك بحب كل حاجه فيكى حتى عصبيتك بحبها
....................................