السكه شمال بقلم / لولو_محمد ( كامله )

الحلقه ٤٦

((((((السكة شمال )))))
#لولو_محمد
الحلقه السادسه و الاربعون
احمد / امال ايه ليه مصره يبقى فى حدود و حدود قويه اوى كدا
مرام / انا ؟؟
احمد / ايوه اولا مصره تقولى مستر احمد و اللقاب ثانيا رفضتى تلبسى الفستان اللى بعتهولك ثالثا
مرام / على فكره حضرتك فاهم غلط انا مش بحط قيود
احمد يبصلها
مرام / دا اسمه احترام بحترم حضرتك و بحترم نفسى و عمرى مفكرت ابدا ان دى ممكن تدايق حضرتك بالعكس الصح عمره ميزعل ابدا
احمد / اه بس انا بحاول اقرب منك
مرام / تقرب منى !!!!
.................................
احمد/ ايوه عاوز اعرفك اكتر بعيد عن الشغل و التكليف و الرسميات و الحاجات الخنيقه دى كلها ليه منكنش اصحاب
مرام / صحاب !!!
احمد / النظره اللى على وشك بتقول انى عكيت صح
مرام / بيتهيالى لازم اروح عشان هتاخر
احمد / للدرجادى انا منفعش اكون صاحب ليكى
مرام / انا بقول هاخد تاكس احسن شكرا على الحمص عن اذنك
مرام تفتح الباب احمد يمسك ايدها
احمد / هوصلك
مرام / مفيش داعى عن اذنك
مرام تنزل مالعربيه احمد يحط الكبايه فى حامل الكبايات فى العربيه و ينزل وراها
احمد / مرام لو سمحتى استنى انا مش فاهم انا قولت ايه
مرام / حضرتك مقولتش مفيش حاجه
احمد / لو سمحتى بلاش الاسلوب ده هو محمود و سعد اللى وصتينى عليهم دول يبقوا ايه مش صحابك و لا يعنى لازم اكون زميلك فى الدفعه عشان نبقى اصدقاء
مرام / اصدقاء !!! قول اصدقاء اصل سورى يعنى ههههههههههههه انا مكسوفه من نفسى اوى يا خبر
احمد / ايه ؟؟؟
مرام / خلاص بقى حصل خير
احمد / لا بجد عاوز افهم
مرام / اصل كلمه صحاب دى عندنا مش حلوه يعنى فهمتك غلط سورى
احمد / فهمتينى غلط ؟؟ فهمتى ايه ... معقول لا متقوليش
مرام تبتسم
مرام / سورى بقى
احمد / ههههههههههههههههههه اركبى ياختى اركبى عشان اروحك قبل متيته تقلق
مرام تروح تركب و هى مكسوفه و بتدحك
...................................
فى اوضه ماهى
ماهى تفتح الباب و تدخل
مازن / ليكى نفس تروحى كوافيرات
ماهى تصرخ و تتخض
ماهى / خضيتنى بتعمل ايه هنا
مازن / مستنيكى
ماهى / مازن انا بجد اسفه اوى عاللى حصل
مازن يشاورلها تسكت تسكت
مازن / مالاخر كدا انا عمرى مهسامحك على الهبل اللى عملتيه بتمدى ايدك عليا و قدام موني اختى الصغيره
ماهى / لحظه شيطان والله انا غرت عليك
مازن / بتمدى ايدك عليا و احنا لسه حتى متخطبناش امال بعد الجواز هتعملى معايا ايه هتعلقيلى الشبشب
ماهى / مازن لو سمحت اسمعنى انا اتجننت عشان انا حسيت انك انك متغير معايا علاطول بتتحجج مره تقولى انك اتغيرت و مره تقولى خلينا نشتاق عشان بعد الجواز و كدا و فالاخر الاقى واحده تانيه حامل منك عاوز رده فعلى تبقى عاوزه ايه
مازن / فات الوقت عالكلام ده بصى انا جاى هنا اعمل حاجه انا عارف انى هندم عليها بس حتى لو انتى متستاهليش انا هطلع راجل معاكى للاخر
ماهى / ازاى
مازن / انا عارف انك قولتى لكل صحباتك انى هتقدملك بكره
ماهى / اه
مازن / انا هعدى الليله دى و هتقدملك فعلا بكره و هلم الليله قدام اهلى و اهلك و المعازيم اللى كلهم عارفين انى هتقدملك مع ان المفروض ان ده هيكون مفاجاه ليكى و هتمثلى انك اتفاجاتى ازاى معرفش
ماهى / بجد يا مازن انا بحبك اوى بحبك بجد
مازن / لا فوقى دا كله تمثيل و بعد مانزل مصر هتطلعى باى حجه و هتفسخى الخطوبه
ماهى / انت بتقول ايه يا مازن
مازن / بحافظ عاللى باقى من كرامتك و لا تحبى اروح لاونكل و احكيله على اللى عملته بنته و نفضها سيره من دلوقت و تتحملى بقى مالسه العيله و صحابك عليكى طول حياتك صدقينى هتبقى احلى نمايه حصلت فى تاريخهم
ماهى ساكته
مازن / انا كنت عارف انها فكره مش كويسه على العموم الوقت متاخرش اوى باباكى اصلا بيسهر عن اذنك
ماهى / استنى خلاص موافقه ماشى تمام
مازن يطلع الموبايل بتاع ماهى و يديهولها
مازن / صحيح نسيتيه معايا فالخناقه اتفضلى
ماهى / شكرا
مازن يمشى و يقفل الباب وراه و ماهى ترزع نفسها على اقرب كرسى و تنفخ
...................................
على الناصيه عند مرام
احمد يركن العربيه مرام تنزل و تقفل الباب يادوب تمشى كام خطوه توفيق يوقفها
مرام / عن اذنك
توفيق / عاوز اتكلم معاكى
مرام / راجعه مالشغل تعبانه و اه ده مديرى فالشغل اللى موصلنى عشان اختصر عليك الكلام و اللت و العجن
توفيق / و من امتى البهوات اصحاب الشغل بيتعطفوا و يتنازلوا و يوصلوا موظفينهم و لا انتى شغاله ايه بالظبط
مرام / انا مش مجبره اوضحلك حاجه و انا غلطانه اصلا انى رديت عليك انا كنت فاكره انى بقصر الشر لكن طلع مفيش فايده وسع
توفيق ميوسعش
توفيق / يا مرام افهمى انا مش برخم عليكى انا عاوزك فى الحلال يا بت
مرام / مفيش نصيب يا توفيق انا اصلا مبفكرش فى الجواز خالص انا بشتغل عشان اجيب قرشين اصرفهم على تعليمى عشان اتخرج و اشتغل فى الكليه و ارتاح من كل الهبل اللى محاوطنى ده ماشى سبنى فحالى بقى خلينى اروح
توفيق / و هى الكليه هتدفعلك كام انا كسيب يا بت و هعيشك فى احسن عيشه
مرام / مش بالفلوس يا اخى و بعدين هو الجواز بالعافيه انا مش عاوزه اتجوز مفيش نصيب
توفيق / طب فكرى
مرام / حاضر هفكر سبنى اعدى بقى منغير مشاكل وسع
توفيق / عدى يا ست البنات عدى
مرام تنفخ و تمشى و هو واقف يلعب فى شعره و مبتسم
....................
فى الفرح
الكل بيرقص و ماهى بتدلع على مازن لبنى تاخد زياد على جنب
لبنى / هو ايه اللى بيحصل ده
زياد / فى ايه
لبنى / متبص مازن و ماهى بيرقصوا سوا
زياد / عادى يعنى فرح و كلنا بنرقص
لبنى / مش مرتاحه البنات فى الفرح كلهم بيتكلموا عن ان مازن هيعمل بروبوزال لماهى النهرده و مستنين على نار
زياد / خلاص تشرب بقى احنا مالنا بقولك ايه مازن مش طايقها و هو بنفسه قال كدا امبارح بصى فكى كدا و هيصى النهرده و متفكريش فحاجه بلاش مصور من هنا و لا من هنا ياخدلك صوره مبوزه و يقول كلمتين ملهمش لازمه زعلانه و لا بيتخانقوا فى يوم زي ده بصى انا عمرى وعدتك بحاجه و خلفت
لبنى / لا
زياد / خلاص و انا وعدتك ان ماهى هتطير يبقى هتطير فكى بقى
لبنى / اما نشوف
...............................
فى شقه مديحه
سميحه قاعده بتتفرج مع مديحه على مسرحيه و يدحكوا و ياكلوا لب
مديحه / هههههههههههههه انا كل مره اتفرج عالحته دى ادحك
سميحه / والله يا مديحه الواحد بيدحك من غلبه
مديحه / ليه يا حجه كفاكى الله الشر
سميحه / قلقانه على مرام اوى يا مديحه
مديحه / ليه ياحجه مهى زى الفل اهى و بتشتغل فى احسن حته فى البلد و كلها كام يوم و المطعم يتفتح و نشوف العز كله دا ده اللى مصبرنى ان الشغل نايم الفتره دى
سميحه / ماحنا عارفين انه بينام فى الاجازه شويه عشان احنا تلتربع شغلنا طلبه جامعات اللى متغربين و معندهمش اللى يطبخلهم
مديحه / ايوه برده
سميحه / كلو بايد ربنا هو اللى بيرزق متشيليش هم الفلوس
مديحه / امال انتى شايله هم ايه يا حجه
سميحه / امبارح الواد توفيق دايقها على الناصيه تانى بس هى لمت الموضوع عشان الناس و عرفت تفلت منه
مديحه / يا مصيبتى تفلت دا ايه هى حصلت والله ل
سميحه / انتى فهمتى ايه هو كان بيتكلم معاها لسه عاوز يتجوزها
مديحه / ينيله وله مش شايف روحه و لا ايه
سميحه/ زهقت يا مديحه زهقت و هى كمان جابت اخرها عوزانا نعزل و نشوف حته تانيه امبارح بتقولى حتى لو اوضه فوق السطوح انا راضيه
مديحه / عاوزه تسبينى يا حجه
سميحه / انا مقولتش كدا بس البت بقت بتخاف تمشى فى الحته
مديحه / و هو الحته الجديده مفيهاش شبيح يعنى مالبلد بقت كلها بلطجيه
سميحه / والله نفس الكلام
مديحه / طب هو كلمها النهرده
سميحه / لا الحمد لله
مديحه / عندى فكره
سميحه / قولى
مديحه / بصى ترنلى قبل متوصل بحبه و انا انزل اعديها الحته دى لحد البيت و لو كلمها هصوت و اللم عليه الدنيا و ساعتها هكون معاها مش لوحديها
سميحه / ودا حل
مديحه / اهو لحد ممحمود ميرجع و لا ربنا يحلها من عنده
سميحه / اديكى قولتيها ربنا يحلها من عنده
...............................
فى الفرح
البنات كلها متجمعين عشان البوكيه و مونيكا مدياهم  ضهرها و مازن واقف قدامها على شمالها و كامل على يمينها بيبصولها و يدحكوا و الدى جاى يقول ثرى تو وان و تعمل انها هترمى البوكيه و بعدين تديه لمازن ينزل يروح ناحيه ماهى يقعد على ركبته و يديهولها و هى تمثل انها متفاجاه و البنات بتصرخ و الشباب تصفر ماهى تاخد البوكيه مازن يقوم يقف و يطلع خاتم و يلبسه لماهى و يحضنها و كامل ياخد مونى و يروحوا يرقصوا مازن يروح مع ماهى فى جنب عند ترابيزه فريده
فريده / حبيبه قلبى الف الف مليون مبروك
مازن / ازى حضرتك يا اونكل
راجل / اهلا يا مازن يا حبيبى ازيك سعيد ان كلامى معاك غيرك
مازن / اكيد
راجل 2/ تعرفى يا ماهى انا عمرى عمرى متمنيت لمازن واحده غيرك
ماهى / ميرسى اوى يا اونكل
مازن / هستاذنكوا بقى اخطف عروستى
فريده / ههههههههههههههههههههه شوفوا الاولاد
مازن ياخد ماهى  و يمشوا يقابلوا احمد يسلم على مازن
احمد / الف مبروك يا بطل
مازن / ايه ده احمد ازيك مشوفتكش خالص
احمد / وانت فاضى تشوف حد بس بصراحه معاك حق تبقى معاك القمر دى و تبص لغيرها برده
ماهى / ميرسى
مازن / كان نفسى اقعد بس للاسف زي مانت شايف ده فرح و احنا مبسوطين عن اذنك
مازن ياخد ماهى و يمشوا
مازن / انا كدا عملت اللى عليا فاضل انتى
ماهى / طب هقولهم ايه
مازن / مش شغلى اتصرفى اى سبب و صدقينى تسبينى انتى احسن مسيبك انا انا برده عامل على برستيجك
ماهى / طب ادينى شويه وقت ارتب حاجه
مازن / اخرك معايا اسبوع بدايه الدراسه
ماهى / اسبوع هعمل ايه فاسبوع
مازن / اقولك بلاش انا هروح اقولهم على كل حاجه انا غلطان اصلا
ماهى / خلاص خلاص ماشى
مازن / تعالى نقعد بقى عشان رجلى وجعتنى مالوقفه
ماهى / اوك
.........................
فى مصر
فى شقه مازن مازن يدخل الشقه و شريف بيساعده
شريف / متنساش عندنا معاد عند الدكتور بكره
مازن / مش رايح فحته اصلا الفتره دى ابقى عدى عليا خدنى
شريف / تمام هتعوز منى حاجه
مازن / ايه النداله دى انت هتسبنى لوحدى و تمشى بالسرعه دى طب اقعد معايا شويه
شريف / هو انا قولت همشى دلوقت انا بقول هتعوز منى حاجه يعنى اطلبلك اكل اناولك مايه اى حاجه
مازن / حقك عليا انا عارف انك مستعجل عشان اخواتك روح
شريف / مفيهاش حاجه هقعد شويه مش هيحصل حاجه
تليفون شريف يرن يكنسل
مازن / امشى يا شريف
شريف / يا سيدى مش هيحصل حاجه خلينى قاعد شويه
مازن / يابنى امشى هو انا صغير مش هيسكتوا الا لما ياخدوا الحاجات اللى جبتهالهم روحلهم و بعدين ابقى تعال اسهر معايا بالليل
شريف / طب مش عاوز حاجه قبل ممشى
مازن / لا لو عوزت هبقى اكلم خليفه و انا اصلا هنام شويه
شريف / طب ادخلك الاوضه
مازن / لا شكرا تقدر تتفضل
شريف / ماشى لو عوزت حاجه كلمنى سلام
مازن / سلام
شريف يمشى و مازن يقوم يدخل الاوضه و ينام عالسرير موبايله يرن مازن يرد
مازن / الو مين
نورا / انا نورا يا مازن ازيك
مازن / انا كويس الحمد لله انتى عامله ايه 
نورا / الحمد لله تمام
مازن / مبسوط انى سمعت صوتك
نورا / مبروك
مازن / الله يبارك فيكى عقبالك
نورا / ماهى بنت كويسه
مازن / ايه اع انتى بتقولى ايه انا فاكرك بتباركيلى على خطوبه مونيكا ايه الهبل ده
نورا / هبل ايه انت مش خطبت ماهى الفيديو قالب الفيس و معمولنا كلنا تاج
مازن / مشوفتش حاجه مين نزله ايه الهبل ده
نورا / المهم انا لازم اقفل عشان ورايا شفت سعيده انى سمعت صوتك
مازن / نورا استنى انا و ماهى مش مخطوبين دا كان تمثيل لكن مفيش بنا حاجه
نورا / سلام سلام
نورا تقفل مازن يتصل بيها متردش
مازن / ده بالظبط اللى كان ناقصنى ... ورايا شفت ؟؟؟ شفت ايه
مازن يحاول يتصل تانى متردش ينفخ يفتح الفيس يلاقى الفيديو لمونيكا بتديه الورد و هو بيديه لماهى و يلبسها الخاتم و كميه لايكات مازن يتصل بالتليفون 
مازن / ايه  الهبل ده انتى ازاى تعملى حاجه زى دى منغير اذنى
ماهى / عملت ايه
مازن / الفيديو اللى نازل و معملنا كلنا منشن ايه مش اكونتك ده و لا ايه حكايتك بالظبط
ماهى / اه انت بتتكلم عن الفيديو ده طب و فيها ايه مكلهم اصلا كانوا موجودين و انت عملت كدا قدامهم
مازن / انتى مصدقه نفسك
ماهى / لو الفيديو مدايقك انا ممكن امسحه
مازن / بعد ايه بعد مكلهم شيروه على العموم براحتك بس خليكى فاكره الوقت بيعدى سلام
مازن يقفل السكه صوت نوتيفيكاشن يبص
مازن / ايه تانى ... كملت لا حقيقى كملت يارب خدهم وريحني يارب
................................
فى دبى
ماهى / شوفتوا كسبت الرهان اهو اول موصل كلمنى
لبنى / الف مبروك يا حبيبتى بجد فرحنالك اوى
بنت / قولى بقى كان بيقولك ايه هاه
ماهى / العادى وحشتينى مش كنتى نزلتى معايا كدا يعنى
بنت 2/ الله بجد يا بختك بيه
فريده و مونى يدخلوا
فريده / اهلا اهلا بعروستنا الحلوه
ماهى / اهلا يا طنط
فريده / لا طنط ايه من دلوقت تقوليلى يا مامى
ماهى / اكيد هاى مونيكا اخبارك ايه النهرده
مونى / كويسه هاى جيرلز
لبنى / هاى مونى
مونى / انا همشى بقى يا مامى عشان متاخرش اوك
فريده / ماشى يا قلبى ابقى طمنينى اوك
مونى / شور سلام
مونى تمشى
ماهى / الله هى رايحه فين
فريده / لوف بيردز بقى هههههههههههههههههه
ماهى / ههههههههههههههه ربنا يسعدهم يارب
فريده / تعرفى يا ماهى انا مبسوطه اوى انك منزلتيش مصر مع مازن فى حاجات كتير اوى لازم نعملها سوا مش عاوزين الوقت يسرقنا
ماهى/ اكيد
لبنى / هاى طنط فريده ازيك
فريده / اهلا ايه ده انتى لسه هنا انا كنت فكراكى سافرتى مع زياد و مازن
لبنى / لا هسافر مع مامى كمان يومين
فريده / تنورى يا حبيبتى تعالى يا ماهى عوزاكى فى حاجه
فريده تاخد ماهى و تسيب لبنى واقفه مدايقه
ماهى / خير يا طنط
فريده / انا عارفه ان مازن طبعه صعب اوى مش زى زياد خالص مازن لعبى و شقى و متعب بس انا واثقه انك هتغيرى كل ده
ماهى / اكيد
فريده / انا مش هكدب عليكى انا جبتله عرايس كتير موت مفيش غيرك اللى قدرت عليه و بصراحه اكتر مكنتش هلاقيله احسن منك
ماهى / ميرسى حضرتك مش عارفه كلامك ده بيسعدنى قد ايه
فريده / بس انا عوزاكى تبقى شاطره اوعى الحركات بتاعه مازن دى تدايقك بكره يعقل
ماهى / لا متقلقيش يا طنط خالص مازن من هنا و رايح هتلاقوه شخص تانى خالص
فريده / و انا متاكده من ده على العموم لو احتاجتى اى حاجه كلمينى علاطول اتفقنا
ماهى / اكيد
فريده / هسيبك بقى تقعدى مع صحباتك عن اذنك
فريده تمشى و ماهى ترجع للبنات
لبنى / خير
ماهى / عادى يعنى زى كل حوارات الحموات المهم هنروح فين النهرده
بنت 1/ اما فى بارتى تجنن ايه رايكوا نروح
لبنى بتبص لماهى و البنات بيتفقوا
..............................
بعد كام فى المطعم
مرام تخبط على باب المكتب و تدخل تلاقى احمد جوه
مرام / حضرتك طلبتنى ... ايه ده مستر احمد ازيك
احمد / ايه مستر دى مش خلاص بقينا صحاب نشيلها بقى اه سورى اصدقاء بتدايقك انتى كلمه صحاب دى هههههههههههههههه
مرام / ههههههههههههههههه المهم اخبارك و اخبار الفرح ايه انبسطت
احمد / كان عادى حضرتك احسن منه المهم انتى عملتى ايه بقى فالفتره دى سمعت انك كنتى هايله كلهم بيشكروا فيكى ايوه كدا ارفعى راسى
مرام / باذن الله
احمد / اتفضلى يا ستى
احمد يدى لمرام بوكس
مرام / ايه ده
احمد / افتحيها عادى مش هتنفجر فوشك
مرام / ههههههههههههههههههه
مرام تفتحها تلاقيها فيها ساعه
احمد / قلبت الدنيا لحد ملقيت هديه حلوه تليق بيكى
مرام / هى حلوه اوى فعلا بس انا اسفه مش هقدر اقبلها
احمد / نعم والله العظيم ازعل منك بعد كل التعب ده
مرام / هى حلوه اوى فعلا بس انا اصلى عمرى مقبلت هديه من حد خصوصا لو غاليه اوى كدا انا اسفه بجد
احمد / امال اصدقاء ايه بقى انتى بتشتغلينى و لا بتاخدينى على قد عقلى
مرام / والله ابدا هى حلوه و عجبتنى بس انا مش هقدر اخدها
احمد / اللى يريحك تقدرى تروحى تشوفى شغلك
...................................