السكه شمال بقلم / لولو_محمد ( كامله )

الحلقه ١٢٨

((((((((السكة شمال))))))
#لولو_محمد
الحلقه ١٢٨
زياد / انت لسه هنا دانا قولت هتطلع تلحق الليله قبل متنضرب
مازن / فايق ورايق اوى
زياد / متقولش لسه ملوداك عيبه فحقك يا ميزو الله
مازن / زيزو اعدل دى مراتى ماشي اظبط عشان منزعلش من بعض
زياد / هههههههههههه ياعم بهزر معاك لقيتك قافش قولت افكك بس تصدق البت طلعت جامده و تستاهل دانا شوفت التسجيل فكاميره الدور يلاهوى طيرت البت ههههههههههههه عجبتني
مازن / هههههههههههههههههههه
شهاب يطلع من جوه
شهاب / وفقت
البنت تطلع مازن يبصلها ويمشوا كلهم
................
فى اوضه مازن
سوزى / جدعه اصلا البتاعه دى غيظانى مالصبح رايحه جايه تبصلنا من فوق لتحت
لبني / بتقولي ايه يا سوزى لا طبعا غلطانه تعرفي انا لو مكانك مكنتش عملت كدا خالص
هانيا / هههههههههههه لبني ملكه تحطيم القلوب
لبني / تعرفي انا كنت دخلت بالراحه فحضنه و بوسته قدام عنيها و خدته على جوه وقفلت الباب برجلى فوشها و هى بتتفرج علينا فحضن بعض
مرام / لا طبعا معرفش اعمل كدا خالص
لبني / متعرفيش تبوسي جوزك لكن تعرفي تبانى بيئه قدام السياح
مونيكا / لبني
لبني / بس يا مونى انتى فاكره ان الموضوع حتي لو اتلم هيعدى عادى هتروح بلدها تقول بنت محجبه من مصر ضربتني تعرفي يعني مش بس شوهتى صوره الحجاب و المسلمين لا دانتى شوهتي صوره المصريين كمان
انجى / ايه الاوفر ده لا على فكره يا مرام انا لو مكانك كنت عملت اكتر من كدا
مونيكا / و انا
الباب يخبط و مونى تفتح الباب مازن يدخل يشوف التجمع يتصدم
مازن / غطى شعرك
مرام تعدل الطرحه و مازن يفتح الباب اولجا تدخل و شهاب و زياد واقفين بره و شريف بيصور
اولجا /ساچولينيي ( اسفه )
مازن / بتعتزرلك
مرام تهز راسها يشاور لاولجا تخرج و  مرام تبص لشريف يبتسملها و يقفل الموبايل و يخرج
مازن / ايه يا مزز السهره حلوه مش كدا
مونيكا / اتوزعنا يلا يا انجى
الكل يتحرك بره مرام تيجي تطلع مازن يمسك ايدها
مازن / استني عايزك
مرام / نعم
مازن / كان فى حوار بنا و زياد قطعه فكراه و لا نبدا مالاول
مرام تبتسم و تبص الناحيه التانيه
مرام / تبصح على خير يا مازن
مرام تيجى تمشى مازن يمسك ايدها
مازن / على فين السعادى
مرام / راجعه اوضتى الوقت اتاخر و انا عاوزه انام
مازن / و ماله نامى هنا دا حتى السرير ده مريح جدا حتى شوفى
مازن يرمى نفسه عالسرير
مازن / مريح اوى
مرام / تصبح على خير يا مازن
مرام تروح لحد الباب مازن يقوم من عالسرير جرى يمنعها
مرام / فى ايه بقى
مازن / بخصوص حوار الجيرلز اونلى بارتى ده
مرام / ماله
مازن / ينفع يعنى بزمتك هما يشوفوكى بترقصى و انا جوزك حبيبك مشوفش
مرام / مهى للبنات بس اعمل ايه يعنى
مازن / يعنى يشوفو رقصك قبلى
مرام / خلاص مش هرقص
مازن / مش فهمانى خالص انتى انا اقصد يعنى هيحصل ايه لو استغلينا الجمع السعيد ده و خلتينى اسبقهم
مرام / انت عاوزنى ارقصلك
مازن / مفيهاش حاجه والله دا ثواب فاكره ثواب 
مرام / تصبح على خير يا مازن
مرام تفتح الباب مازن ميمنعهاش و يقف يبص عليها و هو مبتسم تقف بره و تبصله ياخد المفتاح و يطلع و يقفل الباب مرام تبصله
مازن / هوصلك
مرام / اتفضل
...........................
تانى يوم فى المطعم
صافى / هو انا كنت فغيبوبه و لا ايه محستش بحاجه خالص
شريف / دانتى فاتك الاكشن كله
مازن / اموت و اعرف جابت رقم اوضتى منين
زياد / ميمكن مالريسبشن عادى يعنى
مازن / دا على اساس انها تعرفنى عشان تسال انا نازل فى اوضه كام و لا هى من باقى اهلى عشان حد يديها بياناتى
انس يدخل يشد كرسى و يقعد
زياد / انت فين يابنى اختفيت فجاه و بكلمك تليفونك مقفول اخبط عليك مبتردش انا قولت مت و ارتحنا
انس / و انت مين قالك انى كنت بايت فى اوضتى امبارح هههههههه
زياد / ههههههههههههههه لا ليك حق بقى تقفل موبايلك
مرام / هجيب عصير عن اذنكوا
لبنى /هاجى معاكى
لبنى و مرام و صافى يقوموا و مازن عينه عليهم
زياد / هى ادايقت و لا ايه
مونيكا / لا طبعا ملهاش حق عن اذنكوا
مونيكا تقوم و انجى تقوم وراها
سوزى / هو فى ايه مالهم
انس / هى لسه قافشه منى و لا ايه
هانيا / ايه ده هو زعل مونى و انتو سايبينه قاعد معانا كدا عادى
انس / يابنتى دا حوار قديم و خلص يعنى بس انتى عارفه مونيكا يعنى
مازن / مالها مونيكا يعنى هو عشان محدش بيكلمك مبتحسش انك بتعك
انس / فى ايه يا مازن اهدى طيب انا عملت ايه
مازن / هو ايه اللى مش بايت فاوضتى و الكلام اللى قعدت تقوله انت و شادى امبارح ده مش تاخد بالك ان فى بنات معانا يعنى
مروان / اهدى يا ميزو هى اول مره يعنى امال لو مكنتش انت الملك
زياد / كان
مازن / الحمد لله عقبالهم
انس / متدعيش عليا يا عم و بعدين مش ده الحوار انت فيك حاجه فى ايه
زياد / يابنى انت فاتك الفيلم كله امبارح داحنا منمناش من كتر النم
انس / اخص فى ايه؟ ايه اللى حصل
زياد / البت اللى انت كنت بترقص معاها امبارح راحت لمازن الاوضه و مرام ضربتها
انس / اوبا هههههههههههههه لا بجد حصل ايه
زياد / والله يابنى جبتها من شعرها كومتها عالارض و لولا مازن فصل بينهم غالبا كنا هنشيع البت على روسيا فتابوت
انس / ههههههههههههههههههههههههه و انت سليم يابنى
انس يطمن على مازن بايده مازن يزقه
مازن / اترزع كدا
انس / و هى ايه اللى نزل مرام من فوق يا نمس هاه هاه
زياد / ياخويا اتوكس هو عارف يمسك ايدها حتى
مازن / زياد
زياد / خلاص يا عم حقك عليا بهزر
فادى / على فكره مش حاجه تدايق على فكره كويس ان لسه فى بنات دلوقت كدا فاكره يا مارينا
مارينا / هههههههههههههههههههه انت لسه فاكر
انس / ياعم انت نفسك قصير احنا مالنا
مارينا / انت فاكر كل البنات زى الاشكال اللى انت تعرفهم
انس / ايه يا مارينا بهزر فى ايه
مارينا / عن اذنكوا
سوزى / استنى يا بنتى
مارينا و سوزى يقوموا
انس / و انتى مش هتقومى معاهم
هانيا / لا
انس / المهم خلينا فى حوار اولجا خلص على ايه
مازن / و لا حاجه اعتزرت لمرام و كل واحد راح لحاله
انس / بس تصدق شمتان فيها الكلبه دى عملت معاها البدع امبارح ابدا يلا اللى يجى على انوس هههههههههههه
مازن / انس
انس / حبيبى
مازن / هو انت اللى اديت رقم اوضتى لاولجا دى امبارح
انس / شوفت حبيبك مبيستخسرش فيك حاجه ازاى مع ان كان عينى فيها وربنا
مازن / اه يابن ال
صوت كبايات بيتكسر و زعيق ناحيه لبنى و الكل يقوم يجرى
لبنى / انت ايه حيوان مبتشوفش
شاب من الاستاف / انا اسف يا فندم اسف والله هنضفهم حالا
لبنى / تنضف ايه و زفت ايه مانت لو مركز فى شغلك مكنش دا حصل تلاقيك عمال تبص عالبنات مهو اشكالك اللى سوءوا سمعه السياحه
مرام / انتى بتقولى ايه يا لبنى انتى اللى خبطتى فيه
لبنى / افندم انتى بتردى عليا كمان
مرام / انا مبردش عليكى انا بقول اللى شوفته هو كان شايل الكبايات و انتى خبطيه وقعتى منه الحاجه انتى اللى مكنتيش مركزه
لبنى / دا شغله و بعدين متدخليش فى اللى ملكيش فيه
زياد / فى ايه يا لبنى
لبنى / الحيوان ده لازم يمشى
مرام / مهواش ماشى كسر شويه كبايات اخصموهم منه لكن تقطعوا عيشه ليه حرام
زياد / مرام متاخديش الاشكال دى علينا
مرام / هو مغلطش متقولوا حاجه مكلكوا شايفين
مازن / مرام ممكن تهدى لو سمحتى نشوف اللى حصل
راجل ببدله داخل يجرى
الراجل / اسف جدا يا مازن بيه اول مبلغونى جيت علاطول ايه اللى حصل
لبنى / الحيوان ده اتحرش بيا
الشاب / والله
مرام / محصلش
لبنى / اللزمى حدودك
مرام / يا شيخه اتقى ربنا
لبنى / اخر كلام عندى يانا يا الكلب ده هنا
زياد / تصفى با..
مرام / لو مشى انا همشى
مازن / هيمشى
مرام تبص لمازن و لبنى تبص لمرام و على وشها ابتسامه انتصار
مازن / انت منين يابنى
الشاب / مالقلعه حضرتك
مازن / شريف شوف بيقبض كام و شغله فى اقرب مكان لبيته كفايا عليك شحطته لحد كدا و بنفس المرتب
الشاب / ربنا يعمر بيتك
لبنى تبص لمرام من فوق لتحت و تمشى و سوزى و هانيا يجروا وراها الراجل و الشاب و شريف يمشوا
زياد / مازن لو سمحت كدا الناس دى هتتنمرد علينا و كل يوم و التانى هيعمل مشكله الحمد لله ان المرادى جت فينا لو حصلت مع واحده مالسياح
مرام / مكنتش غلطته
زياد / تعرفى تخليكى فى حالك
مازن / زياد
زياد / هى اول مره تيجى مكان زى ده لا تعرف السستم و لا تعرف الشغل بيمشى ازاى و فاول يوم ليها عاوزه تقوم علينا الشغالين هو فى ايه
مازن / انا مقدر انك مدايق بس اللى بتتكلم عليها دى مراتى و اه الريزورت ده هيبقى هديه جوازى لمرام يعنى تعمل فيه اللى تعمله
زياد / هى بقت كدا مبروك عن اذنكوا
زياد يمشى مازن يبص لمونيكا تمشى وراه
انجى / على فكره انا كمان شاهده لبنى بتكدب
مازن / خلاص الموضوع خلص بيتهيالى خساره اليوم يلا اسبقونا عالبحر و احنا هنحصلكوا
الكل يمشى و تفضل صافى
مازن / اسبقينا معلش يا صافى عاوز اتكلم كلمتين مع مرام
صافى/ اوك عن اذنكوا
صافى تمشى و مازن يفضل باصص لمرام
...............................
فى اوضه لبنى
لبنى / نسيت نفسها نسيت نفسها بنت السباك نسيت نفسها
زياد يدخل
لبنى / تعمل حسابك انى هلم هدومى و انزل مصر و مش هتشوف وشى تانى ابدا انت فاهم و لا لا
زياد / ممكن يا مزز تسبقونا عالبحر الجروب كلو هناك انا ههدى قلبى و نيجى
لبنى / يا اخى بقى
سوزى و هانيا يمشوا و زياد يقفل الباب و يروح يقعد عالسرير و يشد لبنى تقعد جنبه
لبنى / هجيبها تبوس رجلك هجيبها تبوس رجلك لما طهقت
زياد / انا مش بس هجيبها تبوس رجلك انا هقدملك شرفها و سمعتها مهر
لبنى تبصله
زياد / انا هكسر عينها اللى رفعتها علينا دى و اخليها تتمنى الموت و متطولوش
لبنى / انا عاوزه شعرها اللى هما فرحانين بيه ده
زياد / بس كدا و عنيها لو تحبى
لبنى / عنيها متلزمنيش قسما بالله يا زياد لو صدقت المرادى و جبتلى مناخيرها الارض لتجوزك تانى يوم
زياد / جهزى فستان الفرح يا بيبى عشان خلاص هانت المهم دلوقت ..
الباب يخبط
زياد / مين
مونيكا / انا مونى
زياد يروح يفتحلها
.........................
ناحيه مرام و مازن
مرام / بص لوهتهزئني
مازن / اهزئك ايه يا مرام انا بس عاوز اتكلم معاكى فاللى حصل
مرام / انا عارفه ان مكنش المفروض اتعصب كدا بس مقدرتش اسكت كلهم شافو اللى حصل محدش اتكلم مكنش ينفع اسكت
مازن/ ايوه بس انا كنت هحل الموضوع
مرام /مانت ساكت و زياد بيقولوا صفى حسابك و لبني بتشتمه و الراجل التاني ده و كلهم ساكتين
مازن / انا مكنتش ساكت انتى مكنتيش مديه فرصه لحد
مرام / يعني انا الغلطانه لكن هما لا لما يقطعوا عيش واحد غلبان و لا لما يتهان كدا عادى
مازن / لا طبعا مش عادى بس كان ممكن الموقف يتحل بطريقه تانيه غير انه يبان انك بتلوى دراعى يا مرام
مرام / زى ايه
مازن /زى انك تعملى حساب للراجل اللى معاكى و تثقي فيه اكتر من كدا
مرام / و انا معملتلكش حساب يا مازن
مازن / مليون مره اقولك لما يبقي فى رجاله متدخليش
مرام / مهو لما اتكلمت مكنش فى رجاله و لبني كانت بتكلمه كانه شغال عندها و لما جيتو زياد قاله يمشي اتعصبت
مازن / طب استنى انا هعمل ايه مش تزعقي فزياد و فيا فرقتي ايه عن لبني لما هددت زياد
مرام / انت اللى بتسال فرقت فى ايه
مازن / حتى لو معاكى الحق كان المفروض تثقي فيا
مرام /  واثقه فيك بس مش واثقه فيهم هما مين دول يا مازن شويه ناس كل كلامهم عن قله الادب و القرف و الحياه بايظه لا في صح من غلط و لا حلال من حرام دول ناس مش كويسين
مازن / دول صحابي و احنا واخدين على كدا و دا مش موضوعنا
مرام / واخدين انهم يتكلموا كدا قدام اختك عادى طب هى واخده على كدا طب و انا ؟؟
مازن / مرام انتى متعرفيش حاجه احنا شدينا مع انس و قولناله ياخد باله اكيد يعني مش هسمح بحاجه زى دى و على فكره هما مش وحشين اوى كدا هما متكلموش بس عشان الموضوع ميخصهمش و المدير كان هيحله
مرام / بانه يجي عالفقير و يرضي البشوات صح
مازن /لا طبعا
مرام / بص يا مازن انا اسفه و اوعدك انى اخد بالي بعد كدا و اتعامل باسلوب يليق بيكوا
مازن / مرام
مرام / سالت نفسك مره انا ليه حبيتك
مازن يبصلها
مرام / عشان الخير اللى جواك اللى بتعمله ..الناس دى مش زيك
مازن / انتى متعرفهميش متحكميش عليهم من موقف
مرام / معاك حق انا اسفه انا اتعصبت و مقدرتش الموقف بس ياريت تفكر مع نفسك كدا لو انت صحيت الصبح لقيت الحال اتبدل و افتقرت كام واحد من دول هيفضل جنبك
مازن / هتفضلي جنبي ؟؟
مرام / عندك شك ؟؟ انا لو كان همى الفلوس
مازن / توعديني ..توعديني تفضلي جنبي حتى لو افتقرت و معدش حلتى حاجه
مرام / اوعدك اصلا
مازن / خلاص محدش تاني فالدنيا يفرق معايا
مرام تبصله
مازن / انا مفيش حد فالدنيا عندى اعز و لا اهم منك و انا مكنتش هظلم الولد تمام
مرام تهز راسها مازن يمسك ايدها و يبتسم و يرجع للجروب
.................
فى اوضه زياد
مونيكا / دى مهما كانت اجازه و ياما مازن عدالك يعنى يا لبنى مفيهاش حاجه لو عديتى لمرام حاجه يعنى
لبنى / يعنى انتى بتقولى انها غلطت
مونيكا / لا هى شافت حاجه غلط و حاولت تصلحها وبعدين اختلاف الراى لا يفسد للود قضيه
زياد / يا مونى احنا اصلا مش زعلانين موقف و عدى و زى مقولتى احنا جايين اجازه ننبسط و بعدين يعنى الكام يوم اللى مونيكا هتقعد فيهم معانا هنكد فيهم على روحنا
لبنى / انا مقولتش كدا انزلوا و انبسطوا و اعملوا كل اللى نفسكوا فيه و انا هنام شويه و لما اروق هنزلكوا انا مش هقدر اتعامل مع مرام دلوقت خالص
مونيكا / بصى انا تعبت و انا متعودتش اتحايل على حد فبراحتك بقى
لبنى / بجد اشمعن دى اللى هتفكروا فيها فراحتى
مونى/ عشان المرادى راحتك تخصك لوحدك و اه يا لبنى اوعى تفتكرى انى لما سكت تحت انا مكنتش شايفه اللى حصل انتى اللى خبطتى الراجل و انتى الغلطانه متكدبيش و تصدقى نفسك
زياد / مونى
مونى / سورى نسيت انك حبيبه اخويا الكبير و لازم احترمك انا اسفه مقصدش انا بس كنت بحاول اللفت انتباهك و اه احنا كلنا تحت عالبحر بنلعب و ننبسط عاوزه تنبسطى هنفرح بيكى مش عاوزه هندايق بس زى مقولت اول مدخلت انا جايه مصر كام يوم فمش هضيعهم عن اذنكوا
مونى تمشى
لبنى / شايف اختك بتكلمنى ازاى شايف
زياد / انا هتعامل معاها
لبنى / ملوش لزوم هى فى الاول و الاخر عيله الدور و الباقى عاللى شجعتها و جمدت قلبها علينا شافتنا هفائات معدش فى احترام
زياد / بس هى بتتكلم صح يا لبنى كلهم تحت عايشين و لا كان فى حاجه حصلت و اخر انسجام و انتى الوحيده اللى قاعده هنا بتغلى لو فى حد المفروض يكون مكانك فهى مرام مش تسبيلها الجروب تتريس عليهم و تحط رجل على رجل
لبنى / يا سلام
زياد / اغسلى وشك و حطى مكياجك و انزلى ملكه معززه مكرمه و انا بنفسى هحط رجلك فوش الكل
لبنى / لا
زياد / خلاص براحتك
الباب يخبط زياد يروح يفتح يلاقى مازن
مازن / عاوزك لو فاضى
زياد يشاورله يدخل
مازن / لا خلينا لوحدنا احسن
زياد يبص على لبنى و يطلع و يقفل الباب وراه و يبص لمازن
...................................
فى اللوبى
مرام و شريف و صافى قاعدين
صافى / ياما شوفنا مواقف زى دى يا بنتى بس معلش الزبون دايما على حق
مرام / بس دا افترى
صافى / يعنى الفندق يخسر نزيل بيدفع بالدولار عشان موظف بيقبض بالجنيه
مرام / انتى بتقولى ايه يا صافى
صافى / انا مبقولش الدنيا هى اللى بتقول الدنيا ماشيه كدا مش انا اللى حطيت القواعد انا مثلا لو زبونه دخلت الاتيليه و اتخانقت مع بنت ماللى شغالين هراضى الزبونه و هزعق فى البنت بس بعدين هلم الموضوع و اراضى البنت دى بقرشين
مرام / بس دا ظلم و ميرضيش ربنا
شريف / الدنيا مش ابيض و اسود يا مرام الدنيا رمادى منقط بنقط بيضه صغيره و نقط سوده كبيره
مرام / ايه النظره التشاؤميه دى لا طبعا الخير موجود
شريف / موجود فالنقط البيضه الصغيره التايهه فوسط الرمادى و النقط السودا الكبيره مدى شكل حلو للموضوع بس مش قادره تظهر نفسها
مرام / لا مش صح
صافى / انتى صح يا مرام كلنا عافين بس محدش فينا يقدر يتكلم لانا و لا شريف و لا اى حد مالجروب كلنا هنا ضيوف منقدرش نقف فوش زياد او مازن حتى لو هما غلط
مرام / يا سلام
شريف / ممكن بينى و بينه لكن قدام الناس اكيد مقدرش
مرام / هيعملوا ايه يعنى هيطردوكوا انتوا كمان هيهينوكوا هيعملوا ايه
شريف / اى كان رده الفعل كلنا هنندم عليها بعدين
...................