السكه شمال بقلم / لولو_محمد ( كامله )

الحلقه ١٠٨

(((((السكة شمال)))))
#لولو_محمد
الحلقه مئه و ثمانيه
فى شقه مرام
مرام / انا كنت عارفه انك مش هتدايق بس برده
مازن / يا حبيبتى خلصيهم و اجيبلك تانى
مرام / ربنا يخليك ليا انت بتعمل ايه
مازن / واخدين ريست
مرام / هههههههههههه و احنا كمان .. بكره عندى صح
.............................
مازن / طبعا
مرام / روح بقى عشان غليت اللبن
مازن / ماشى يا قلبى كلمينى تانى لما تخلصى
مرام / تمام يا حبيبى سلام
مرام تقفل تسمع صوت محمود
محمود / مرام
مرام تحط الطرحه و تصب اللبن فى الكبايات و تطلعله
محمود / ايه ده
مرام / لبن مغلى وديه شيكولاته مستورده مازن جيبهالى تعال هوريك امشى بقى
محمود و مرام يروحوا عند سعد
سعد / ايه ده لبن
مرام / هنعمل هوتشوكليت على طريقه مازن بجد وهم دى شيكولاته مستورده بتحطها فى اللبن المغلى و تقلبها لحد متسيح و بعدين تشرب و لا تقولى بقى كاكاو بقى و لا هوتشكوليت و لا البتاع اللى مضحوك علينا بيه ده
محمود / طبعا انتى هتقارنى المصرى بالمستورد
مرام / استنى هعملك بتاعتك يا محمود
مرام تمد ايدها محمود يغطى على كبايته
مرام / سبنى اعملك
محمود / مش عاوز
سعد ياكل واحده و تعجبه و يكبش مالعلبه و يعبى جيوبه
محمود / انت حيوان ياله بتقولك مازن جيبهالها تقوله ايه الطفسين اهلى خلصوها
مرام / ليه كدا يا محمود خد يا سعد براحتك و مازن مش هيقول كدا
محمود / ممكن نخلص مزاكره بقى
مرام / زى محضرتك تحب
مرام تقعد تقلب بتاعتها و هى زعلانه محمود يمد ايده و ياخد واحده يدوقها
محمود / حلوه متفرقش كتير عن المستورده اللى كنت بجيبهالك مالهايبر
محمود يرمى بقيتها فى اللبن و يقلب مرام تبتسم
.........................
فى المطبخ فى الفيلا
مازن واقف بيعمل قهوه لبنى تدخل
لبنى / انتى فين يا ... مازن
مازن / بتدورى على امانى
لبنى / الزفته دى مبلاقيهاش ابدا دانا لو هعمل الحاجه بنفسى مش هتاخد الوقت دا كله
مازن / كنتى عوزاها تعملك ايه
لبنى / بقالى ساعه طالبه نسكافيه
مازن / خلص وراحت تجيب
لبنى / طبعا لازم يخلص مهى طول اليوم بتسف منه لو كانت بتشوف شغلها كويس مكنتش سابته لحد مخلص
مازن / يعنى قررتى تقطعى عيشها و تمشيها يعنى
لبنى / قال يعنى القرار قرارى
مازن يبصلها باستغراب و يرجع يكمل
لبنى / لا مش همشيها فى الاول و الاخر بت غلبانه
مازن يدحك بصوت عالى و يكتمها
لبنى / للدرجادى شايفنى وحشه للدرجادى بتكرهنى
مازن / انا مبكرهكيش انا مش شايفك اصلا
مازن ياخد فنجان القهوه و يطلع بره و لبنى واقفه تبص عليه تشوط بايدها اللى عالترابيزه تشحطره بنت تدخل
لبنى / كنتى فين يا زفته الطين انتى
امانى / اسفه والله حالا النسكافيه هيكون جاهز
لبنى تسيبها و تمشى
..............................
فى شقه محمود
مرام / انا تعبت اوى كلموا انتوا
محمود / ممكن نكمل بكره عادى
مرام / لا بكره هراجع مع مازن لو هتوعدنى انك هتمسك اعصابك نقعد كلنا سوا
محمود / تعالى فجنب عاوزك
مرام تقوم تروح هى و محمود اوضته و الباب مفتوح
مرام / سعد كدا يدايق
محمود / متقلقيش على سعد اقلقى على علبه الشيكولاته بتاعتك
مرام تدحك
محمود / بصى يا مرام لو انتى فاكره انى مببقاش واخد بالى من حركات مازن تبقى غلطانه و زى مانا باخد بالى غيرى بياخد باله مش معنى ان محدش بيتكلم اننا مش شايفين
مرام / مش فاهمه بتقول ايه
محمود / متاكده انك مش فاهمه
مرام / هكدب ليه
محمود / ماشى انا اقصد حركات المحن اللى بنكوا اعملوهوا بينكوا و بين بعض مش قدام الناس .. متقوليش متجوزين و مش متجوزين عيب ميصحش
مرام / تيته مبتقولش كدا
محمود / تيته مبتقولش حاجه خالص
مرام / انا مبعملش حاجه غلط ايه الغلط فى انى امسك ايد جوزى
محمود / مفيش حاجه غلط اعملى اللى يريحك
مرام / لا استنى فهمنى
محمود / لما يتقفل عليكوا باب واحد ساعتها بس ابقى قولى عليه جوزك
مرام / بالشرع و بالقانون جوزى حصل اشهار و ماذون و كل حاجه انا مراته
محمود / دخلتو
مرام / انت ازاى تسالنى فحاجه زى دى
محمود / عشان بشم ريحته فيكى
مرام تسيب المكان و تمشى محمود يجرى وراها
محمود / مرام انا اسف خلاص مقدش والله انا اسف
مرام تدخل شقتها و ترزع الباب
سعد / انت هببت ايه جوه
محمود / مش اللى فبالك
محمود يدخل اوضته تانى و يهبد نفسه عالسرير و سعد واقف مرام تدخل و ترزع ازازه برفيوم فى الارض تتكسر مليون حته و ريحتها تملا الشقه
مرام / شم كويس
مرام تدخل الشقه و تقفل عليها الباب سعد و محمود يقفوا يبصوا لبعض
سعد/ خساره و الله دى تلاقيها بالشئ الفلانى
...................................
بالليل فى شقه مرام
مرام بتكلم مازن فى التليفون و سميحه قاعده جنبها
مرام / طب هتكمل و لا هتنام
مازن / ولا طايق ابص فى كتاب و لا حتى طايق اتكلم عن المزاكره الحمد لله ان بكره اخر يوم ياربى
مرام / هانت خلاص معلش استحمل
مازن / تعرفى لو كنت زاكرت المزاكره دى فى ثانوي كان زمانى دكتور دلوقت
مرام / النصيب
مازن / مالك فى ايه
مرام / مفيش
مازن / لا فى هو انا مش عارفك و لا ايه فى ايه محمود دايقك تانى
مرام / لا مش هو
مازن / امال مين
مرام / مفيش عندى صداع بس مدايقنى مخلينى مش قادره افتح عينى
مازن / طب ليه كدا خدى مسكن و لا اى حاجه تحبى اعدى عليكى اوديكى لدكتور او اى حاجه
مرام / لا انا هنام و لما انام هيروح
مازن / هجيلك الصبح
مرام / تمام تصبح على خير
مازن / و انتى من اهله
مرام تقفل
سميحه / مقولتيلوش ليه مكدا كدا هيعرف الريحه قالبه الاوضه لدرجه ان محمود راح يبات عند سعد
مرام / محمود بقى لا يطاق
سميحه / السؤال فى كام واحد غير محمود خد باله و متكلمش او اتكلم عليكى من وراكى
مرام / انتى معايا و لا معاه
سميحه / و لا معاكى و لا معاه بس مليون مره اقولك البتاعه دى ريحتها نفاذه جدا و مبتروحش
مرام / انا محطتش منها غير مره واحده و على ايدى يوم مجبهالى و محطتهاش من يوميها و دا حصل قدامك هنا
سميحه / معرفش بقى على العموم انا اتكلمت مع محمود فى التليفون و حلفلى انه مكنش يقصد اى حاجه غير انه يلفت انتباهك و انه اسف جدا انه عدى حدوده معاكى و انه كان بيسال كاخ يعنى تيجى منه احسن متيجى مالغريب
مرام / حصل خير انا داخله انام
مرام تقوم تدخل اوضتها و سميحه باصه عليها
............................
تانى يوم فى شقه محمود
مرام / عادى يعنى يا عمتى انا خلاص اصلا بدات اخد على غباوته دى
مديحه / والله محمود بيحبك و مبيطيق يزعلك بس انتى عرفاه عصبى و كمان محمود مبيعرفش يزوق الكلام دبش من يومه طالع لابوه
مرام / هههههههههه الله يرحمه
مديحه / يعنى صافيه لبن
مرام / مكنش فى حاجه اصلا يا عمتى
مديحه / طب خدى قالب المكرونه ده سويه عندكوا الفرن عندى مليان
مرام / من عنيا حاضر
مرام تشيل القالب و تيجى تفتح الباب تلاقى مازن فوشها تتفزع و القالب يجى يقع منها مازن يسنده
مازن / ايه يا بنتى شوفتى عفريت لا اله الا الله
مرام / خضتنى يا مازن انت طالع تتسحب
مازن / هبقى اركب فى رقبتى جرس حاضر ههههههههههههههه لا و كمان طلعتينى انا الغلطان ايه الجبروت ده
مديحه / اهلا اهلا مازن ازيك يا حبيبى
مرام / القالب تقيل على ايدى وسع
مازن / طب هاتى عنك
مرام / لا سيب وسع
مرام تعدى و تدخل شقتها
مديحه / بقولك يا مازن
مازن / ايوه يا عمتى
مديحه / انا عارفه انى باجى عليك كتير بس انت زى ابنى برده
مازن / طبعا يا عمتى اؤمرى
مديحه / انا عارفه ان محمود تاعبك بس يعنى هو فى الاول و الاخر ايه مش اخوك زيه يعنى زى زياد
مازن / اكيد
مديحه / انا عارفه انه هيروح بكره بعد الامتحان الشركه ياريت يعنى لو تديهم خبر انه جاى لحسن حد يقابله كدا و لا يكلمه كدا و لا يبصله كدا انت عارف محمود كرامته عاليه عنده اوى
مازن / اكيد ... عمتى هو انا ممكن ادخل
مديحه / يقطعنى يخيبك يا مديحه سايبه الواد واقف كدا و نازله رغى زمانك بتقول عنى قليله الزوق
مازن يدخل و يمشى لحد ميوصل لاوضه محمود يفتحها يلاقيها فاضيه مديحه تحرك شفايفها يمين و شمال و تجرى تقف جنب مازن بيبصلها
مديحه / دى البت مرام كسرت الازازه امبارح نقول ايه بقى دا حتى محمود مقدرش يبات فى الشقه مالريحه و بات عند سعد و لا انا والله دانا نايمه و فاتحه الشبابيك و مشغله الشفاط و ابدا الريحه مبتروحش شكلها اصلى مالغاليه مهو كدا الغالى ميحطش الا الغالى الا بكام دى يا مازن
مازن / فداكى يا ست الكل عن اذنك
مديحه / اتفضل يا حبيبى اتفضل
مازن يروح شقه مرام يلاقيها طالعه مالمطبخ
سميحه / الغدى النهرده بشاميل رزقك يا سيدى
مازن / عاوزك ... عن اذنك يا تيته
مازن ياخد مرام و يدخلها الاوضه و يقفل الباب بالمفتاح و يقعد مرام عالسرير و يروح يقعد جنبها
مازن / اقعدى .. لما سالتك امبارح فى حاجه قولتى مفيش دلوقت عينى فعينك كدا و اكدبى عليا تانى و قولى مفيش اتفضلى
مرام / النهرده اخر يوم نحاول نعديه منغير مشاكل و نركز فى مزاكرتنا
مازن / يعنى مش عاوزه تحكى ماشى هعرف منه
مازن يقوم يحاول يفتح الباب مرام تقوم تمسكه
مرام / انا كسرت امبارح ازازه البرفيوم بتاعتك اللى انت ادتهانى
مازن/ فداكى بس ايه اللى وداكى بيها اوضه محمود
مرام / نرفزنى
مازن / ليه
مرام / بيقولى ريحتك بتبقى فيا اتحرجت و اتعصبت و روحت جبت الازازه و رزعتها فى الارض
مازن / مش فاهم
مرام / انا مبحطش منها بلقط الريحه لما بحضنك او بنبقى جنب بعض اوى و لما قالى اتحرجت اوى و اتلخبطت و مكنتش عارفه افسر و لا اعمل ايه قلبت الترابيزه و كسرت الازازه على اساس انى بحط منها و هو اعتزر لتيته و قال ميقصدش انا اللى غلطت انا اسفه
مازن / على ايه و بعدين هو ماله هو ريحتى فيكى و لا لا
مرام / على الاقل هو قال ممكن يكون غيره خد باله و اتكلم فى ضهرى محمود كويس صدقنى
مازن / انا جبت اخرى
مرام / عشان خاطرى عديها عشان خاطرى و انا والله هحاول اقلل معاه هقلل مع الكل بس عشان خاطرى
الباب يخبط
محمود / مرام انتى هنا
مازن يبص لمرام تروح تلبس الاسدال و مازن يفتح الباب و يطلعله و يقفل الباب وراه
محمود / انت هنا
مازن / اه هنا خير كنت عاوز مرام فى ايه
محمود / مفيش كنت جاى اقولها لو تحب تيجى تزاكر معانا
مازن / هتزاكر معايا هنا شكرا
محمود / ماشى عن اذنك
محمود يمشى و مازن يفتح الباب لمرام تطلع تروح تمسك ايده يسحبها
مازن / لحسن ريحتى تلزق فيكى
مازن يروح يقعد و يفتح الكتاب تروح تقعد جنبه يبصلها
مرام / احرجنى الله
مازن / محصلش حاجه الله
مرام تلزق فيه اكتر
مرام / هى تيته فين
مازن / و انا اش عرفنى
سميحه تطلع مالمطبخ مرام تتعدل فقعدتها و تدخل الاوضه
سميحه / ابقى بصى عالمكرونه
مرام / حاضر
سميحه تقفل الباب مازن يقوم يفتحه و يدخل و يقفل وراه
سميحه / ههههههههههههههههههه دورى مش كدا اتفضل
مازن / اعمل معاه ايه يا تيته اعمل ايه
سميحه / والله يابنى انا تعبتلك سلف بس هعمل ايه ما باليد حيله ربنا يهدى
مازن / كويس ان حد فاهمنى
سميحه / و هى فهماك عشان كدا خافت تقولك تدايقك
مازن / و ادينى عرفت و ادايقت اعمل ايه بقى
سميحه / انت عاوز تعمل ايه
مازن / ولا حاجه مقدرش اعمل حاجه كالعاده هعمله ايه هضربه ليله الامتحان ارقده و اضيع مستقبله طب لنفرض انى عملتها هضربه ليه عشان ازازه برفيوم طب انا ايه اللى مدايقنى متقولى حاجه يا تيته الله
سميحه / انا بقول انه سؤء تفاهم و مرام اللى كسرت الازازه و هو بيتكلم من باب التنبيه يعنى اخوها و كدا
مازن / مش مقتنع
سميحه / انا هسالك سؤال واحد هتقوم تزاكر مع مرام عشان تجيبوا تقدير و تتجوزوا بقى و تحلوا عنى و لا هتقعد تهرى و تنكت فروحك و تخليكوا فقرابيزى
مازن / مش محتاجه تفكير هنقوم نزاكر عشان نجيب تقدير و نتجوز و نخلينا فى قرابيزك
سميحه / هههههههههههههههههههه قوم يلا ربنا يوفقكوا
مازن يقوم يبوس راس سميحه و يطلع بره
..........................
فى شقه سعد
سعد / تلت تلاف جنيه ليه ياعم بقى حته الازازه دى بتلاته جنيه مالها التركيب ام عشره جنيه من عند الراجل اللى فاول السوق يعنى
محمود / تعرف تسكت
سعد / ياعم دا سفه هو راجل سفيه و هى اسفه منه عشان كسرتها احنا مالنا
محمود / ياعم هو انا قولتلك ادفع حاجه خليك فحالك
سعد / بص خلينا نخلص ام الماده الزفت دى و بعدين لما نقبض نبقى نجيبله واحده بدالها
محمود / نقبض منين انت فاكر اننا هينفع نروح نشتغل عنده مخلاص ياسطى
سعد / ليه ياعم هو احنا اللى كسرناها مهى اللى كسرتها دا المفروض هى اللى تجبله بدالها
محمود / تصدق انا غلطان انا هروح ازاكر فى بيتنا
سعد / استنى يابنى بلاش افوره انت يا مجنون
محمود يلم حاجته و يمشى
...............................
بعد الامتحان تانى يوم
مازن / محمود
محمود / نعم
مازن / انا رايح الشركه تيجى معايا
محمود يبصله
مازن / بص خلينا صرحه مع بعض احنا الاتنين مبنطقش بعض تمام و احنا الاتنين مستحيل نتفق تمام بس للاسف احنا الاتنين لازم نتعامل مرام بتعتبرك انت و مامتك عيلتها و انا اكتر واحد عارف قيمه العيله كويس قولت ايه
محمود / انا رايي انك تحاول تملا مكانا اسهل
مازن / هملا و بعدين تعال خد بالك من حاجه اختك و خليك فضهرها تعال
مازن يحط دراعه حوالين رقبه محمود و ياخده و يمشوا ناحيه مرام مبتسمه و يمشوا كلهم ناحيه سعد
........................
فى الشركه
صفوت / ازيك يا محمود اخبارك ... سعد صح
محمود / الحمد لله يا صفوت بيه
صفوت / هنا هعديها فالبيت بقى خالو اتفقنا
محمود يبتسم
صفوت / انا جهزتلك مكتب جنبى عشان انا عاوزك تتعلم بسرعه عشان تبقى دراعى اليمين العرسان مش هيبقوا فاضينلى و انا من حقى اخد اجازه و لو مره واحده قبل مموت
مرام / بعد الشر عنك يا خالو
مازن / اهو كل كلامه سم كدا
صفوت / اتلم ياله
مازن / اتلمينا بقولك ايه يا خالو كان نفسى اقضى معاك اليوم و كدا بس انا منفوخ مزاكره و محتاج انسى الدنيا فاسمحلى اخطف مزتى و نطير و نبقى نيجى بكره او بعده او السنه الجايه عادى ماشى يلا
مرام / مازن
صفوت / دا العادى بتاعه اخرجوا و انبسطوا اه مازن صحيح
مازن / ايوه يا خالو
صفوت / حبيبك ركب الطياره النهرده الصبح
مازن / بالشفا يلا سلام
مازن يمسك ايد مرام و يمشوا
صفوت / ها يا بطل تحب تبدا منين
محمود / مالحسابات اللى بنفهم فيها
صفوت / تمام
صفوت يتك على زرار سوزان تدخل
صفوت / خدى الاستاذ محمود و الاستاذ سعد قسم الحسابات و خلى استاذ عبد العزيز يعلمهم كل صغيره و كبيره
سوزان / تمام حضرتك ... اتفضلوا
محمود و سعد يمشوا
..........................
فى العربيه عند مازن
مرام / صحيح مين حبيبك ده
مازن / الدهبى
مرام / اوووف الله يحرقه
مازن / انسيه خلاص خالو رباه خلاه صفى كل شغله فمصر و سافر بره
مرام / احسن خلى البلد تنضف
مازن / على رايك
مرام / هتخطفنى فين بقى
............................