السكه شمال بقلم / لولو_محمد ( كامله )

الجزء الثانى عشر

((((((((((((((السكة شمال))))))))))))))))
#لولو_محمد
الحلقه الثانيه عشر
موني / تعالي يا انجي اقعدي
انجي / احنا كنا ناويين ناخد درينك و بعدين نروح فيلم فان ديزل الجديد
مازن / يا خساره كان نفسنا نكمل معاكوا بس انا حاجز فيلم احمد عز
مونى / يا خساره يلا فرصه تانيه ....عن اذنكوا انا هروح التويليت
انجى / هاجي معاكي
موني و انجي يقوموا
كامل / ههههههه البنات دول يا اخي ميعرفوش يروحوا الحمام غير جماعات
مازن يبتسم و باصصله
...........
كامل / احم بص انا جديد فالجو ده انا عارف انكوا هتبقوا هنا موني قالتلي
مازن يهز راسه و يبتسم
كامل / هي قالتلي انها كلمتك فموضوعنا
مازن / مش فاكر كلمني تاني
كامل / انا معجب اوي بمونيكا و الحقيقه كلمت طنط فريده و حاولت كتير اكلم اونكل ابراهيم
بس زي مانت عارف
مازن / عارف .. بس مش شايف انها لسه صغيره شويه
كامل / انا مش هتجوزها بكره يعني في فتره خطوبه
مازن / اللي اعرفه ان بابا هينزل من روسيا الشهر الجاي
كامل / عارف و متفق انا و طنط علي انى هجيب اهلي و كدا بس مونى طلبت انى اكلمك الاول و مستناش
مازن / جايين
موني و انجي يدخلوا
موني / انا اقنعت انجي منضيعش الفرصه دي و نخلينا كلنا نتفرج علي عز المرادي و نخلي الاكشن يوم تاني
مازن / يا خساره مع اني لسه حالا كامل اقنعني اننا نخلينا فالاجنبي
موني وشها يقفل مازن يدحك و يطلع اربع تزاكر في اي بي من محفظته لفيلم فان ديزل
موني / ايه ده نو واى
مازن / ههههههههههههههههههههههههههه يلا عشان منتاخرش
الاربعه يقوموا و مازن يحاسب
...........................
فى السينما عند مرام
محمود و مرام و سميحه و مديحه طالعين مالسينما
محمود / كان فيلم حلو اوى
مرام / فعلا انا انبسطت اوى
محمود / بقولكوا ايه متيجوا ناخد سيلفى للذكرى
مديحه / و ماله تعال
محمود يطلع موبايله و يتصوروا كلهم و يشيرها عالفيس
محمود / #العيله
مرام / طب مش هنروح بقى عندنا كليه الصبح
محمود / يلا
...........................
فى السينما عند مازن
كامل قاعد جنبه انجى و جنبها مونى جنبها مازن مونى توشوش مازن
مونى / انت كنت عارف انى هقوله
مازن / اتفرجى عالفيلم و بعدين نتكلم
تليفون مازن يرن نوتيفيكاشن يفتح و يبص يلاقى الصوره يبص فيها مونى تشوفه
مونى / مين دول
مازن / زمايلى فى الكليه
مونى / اول مره اشوفهم
مازن / كانوا فى الحفله امبارح بس مشوفتيهومش مشيو بدرى
مونى / مش استايلكوا خالص
مازن / هتتفرجى عالفيلم و لا هترغى
مونى / هتفرج
مونى تبتسم لمازن و يتفرجوا عالفيلم
................................
تانى يوم فى الكليه
محمود و مرام فى القاعه بتاعه السيكشن مازن يدخل و يقعد ورا و يلعب فى الموبايل يسمع صوت دحك بنات عالى يرفع عينه يبص يلاقى مرام مع بنتين مسخسخين مالدحك يبتسم و يصورهم منغير مياخدوا بالهم
محمود / بتعمل ايه
مازن / ايه ؟؟؟
محمود / كنت بتلعب
مازن / هههههههههههههههههه اه
محمود / شوفت البوست بتاعك امبارح بتاع فيلم فان ديزل
مازن / كنا ناوين ندخل فيلم احمد عز والله بس تقول ايه بقى البنات صمموا
محمود/ ههههههههههههههه دخلته امبارح
مرام تاخد بالها منهم و تابعهم
مازن / اه شوفت الصوره
محمود / بقولك ايه هو الفيلم بيبقى مترجم
مازن / لا
محمود / بجد ؟؟؟ طيب انا هروح اقعد بقى
مازن يهز راسه محمود يروح يقعد و مرام تروح تقعد جنبه
مرام / شيفاكوا بقيتوا صحاب
محمود / كان قاعد لوحده و كنت بساله عالفيلم بتاع امبارح
مرام / و هو ماله يعنى
محمود / لا دا كان مشير صوره مع ناس كانوا فى السينما هما كمان فيلم فان ديزل اجنبى فكنت بساله الافلام دى بتبقى مترجمه و لا لا
مرام / والله ؟؟ و انت بقى عرفت منين انه كان فى السينما امبارح و شاف فيلم ايه كمان
محمود / مالفيس ياختى اهو مشير بوست ويذ ماى سويت ابل باى هى مش الابل باى دى اللى بتحطى عليها قرفه
مرام / هو انت عنده فى الفريندز ليه
محمود / عادى ضفته لما كنا فى المشروع
مرام / بعد ملوالك ايدك و لا قبلها
محمود / انتى فيكى ايه
مرام / انا تعبانه عن اذنك
مرام تسيب القاعه و تطلع محمود يبص عليها و يطلع وراها
محمود / مرام
مرام / نعم
محمود / فى ايه
مرام / مفيش
محمود / لا فى اتفقلتى اوى لما شوفتينى بكلم مازن و اتقفلتى اكتر لما شوفتى الصوره
لبنى تعدى
لبنى / الله انتى هنا يا مرام ازيك
لبنى تبوس مرام و تحضنها و الاتنين مش طايقين بعض
لبنى / كويس انى شوفتك اصلى خفت تكونى مشيتى بدرى فالحفله عشان زعلتى و لا حاجه
مرام / ازعل ليه
لبنى / عشان الكل علق على لبسك يعنى و مستواه والله مكنش وحش للدرجادى هو بس كان .... مختلف
مرام / ماشى
لبنى / بس متنكريش انى حاولت اساعدك و انتى اللى رفضتى على العموم تتعوض فحافله تانيه ان شاء الله نبقى نظبطك عشان تبانى بنيادمه
محمود / انتى عارفه احنا جينا الحفله ليه
لبنى / مع انى عارفه و عارفه كويس كمان بس هقولك ليه
محمود/ عشان نشوف اهاليكوا بس طلع زى متوقعت انتوا ملكوش اهل يربوكوا عن اذنك يلا يا مرام
محمود و مرام يمشوا و زياد يدخل لبنى تعمل نفسها بتعيط
زياد / فى ايه مالك
لبنى / الحيوان ده شتمنى و شتم مامى 
زياد/ انتى بتقولى ايه
لبنى / زى مبقولك كدا و كمان مسكتش دا شتم باباك و مامتك كمان
زياد / خليكى هنا
...............................
فى القاعه
محمود و مرام يدخلوا يلاقوا بنتين خارجين
مرام / على فين
بنت 1/ السيكشن اتلغى المعيد مجاش
مرام / احسن برده انا اصلا مصدعه و عاوزه اروح
بنت 1/ تروحى فين مش هنفطر الاول
مرام / فبيتنا بقى يا منى
منى / طب بصى هنروح نجيب فطار و نتقابل فى الكافتريا نروح سوا تمام
مرام / تمام
مرام و محمود يدخلوا يلاقوا مازن لسه قاعد بيلعب فى الموبايل مكانه و الباقى بيلموا حاجتهم و يمشوا  يلموا حاجتهم و لسه هيمشوا زياد يدخل
زياد / انت بتغلط فستك يابن الكلب
مازن يسيب الموبايل و يقوم يقف يبص لمرام
محمود / و اغلط فيك انت كمان ليك شوق فحاجه
زياد / انت كمان هتبجح
زياد و محمود يمسكوا فبعض و مازن يجري يحوش اخوه و يبعده
مازن / مش هنا يا زياد 
محمود / شاطر لم زبالتك و امشوا من هنا
مازن يلف و يضرب محمود بالدماغ فى مناخيره يوقعه فى الارض مناخير محمود بتجيب دم مرام تزق مازن بعيد مره اتنين تلاته و هو يرجع لورا و ساكت
مرام / انت ايه بلطجى و لا مجرم و لا انت ايه حكايتك بالظبط
زياد يحاول يزقها مازن يحوشه عنها و يزقه بعيد
زياد / متلمى نفسك يا بتاعه انتى
مازن / باااااس
مرام تتفزع
مازن / اوعى سااااامعه اوعى تدخلى فى خناقه رجاله تانى سامعه و لا لا
مرام تتفزع تانى
مازن يشد اخوه و يمشوا مرام تقوم محمود و تطلع منديل و تديهوله
مرام / انت كويس
محمود يقوم ياخد حاجته و يسيبها و يمشى و مرام واقفه
.....................................
فى الفيلا
لبنى / انت ازاى تسكتلها اصلا مديتهاش على وشها ليه بنت الكلب دى
مازن / سكت البتاعه دى يا زياد انا مش فالمود
زياد / بتاعه ايه يا مازن متعدل
مازن / تصدقوا انا ماشى
مازن يجى يمشى مونى تدخل
مونى / ابن حلال كنت لسه هكلمك ايه رايك فى شعرى اتجنيت و قصيته
مازن / حلو ... سلام
مازن يسيبها و يمشى
مونى / ماله ده فى ايه يا زياد
لبنى / متاخديش فبالك بس تصدقى الشعر القصير احلى عليكى بكتير عملتيه فين
مونى / اوووووف
مونى تمشى
لبنى / هو انا المفروض استحمل قله الزوق بتاعه اهلك دى لحد امتى بقى ان شاء الله انا قرفت اوووف
لبنى تسيب المكان و تمشى و زياد واقف ينفخ
...........................
في شقه محمود
مرام / والله يا عمتى هما اللى اتخانقوا معانا والله دا اللى حصل
مديحه / انا مش قادره افهم هو ايه اللى بيحصل دى كليه ايه دى مفيش امن مفيش دكاتره و لا معيدين
مرام / الموضوع جه فجاه احنا كنا ماشين و هما كانوا اتنين و هو لوحده
مديحه / طب و زمايلكوا فين الناس مفيش حتى طلبه .. مرام اوعى تكونى بتكدبى عليا
مرام / انا عمرى كدبت عليكى برده يا عمتى
مديحه / لا دانا على كدا بقى هروح بكره الكليه و اطربقها على دماغ العميد هى ايه وكاله منغير بواب دا الواد يا حبه عين قلب امه من ساعه مرجع و هو قافل على روحه الباب و لا رضى ياكل و لا يشرب حتى مرضيش يرد عليا لما سالته ايه اللى عمل فيك كدا 
مرام / هو فى اوضته
مديحه / هو له غيرها حسره عليك يابنى
مرام / ممكن ادخله
مديحه / خشيله يا بنتى مهو زى اخوكى برده و انا عارفه انه بيعزك و بيعملك خاطر و انا هقوم اسخنلكوا رغيفين اما عامله شويه مسقعه يستهلوا بقك
مرام / ايوه بقى ههههههههههههههههههههههههههههه
مديحه تدخل المطبخ و مرام تروح على اوضه محمود و تخبط
مرام / محمود افتح دى انا
مفيش صوت
مرام / على فكره انا زعلانه منك كدا تسبنى و تروح ايه مخفتش حد يعاكسنى فى الميكروباص ايه بعتنى خلاص كدا
محمود يفتح الباب
مرام / جرا ايه يابو قمصه انت مالك هى اول مره تنضرب يعنى
محمود يسيبها و يدخل يقعد على كرسى المكتب و يديها ضهره
مرام / على فكره بقى هو خدك على خوانه
محمود يبصلها
مرام / يابنى دا تلاقيه من اللى بياخدوا هرمونات و حاجات من دى عشان يعملوا عضلات و يتنطتوا بيها على الخلق انسى انسى
محمود / حقك عليا
مرام / مسمحاك اعمل ايه فنفسى طيبه و قلبي ابيض ههههههههههههههههههههه
محمود يبتسم
مرام / محمود .. احنا ملناش غير بعض
محمود / من قلبك
مرام / انت عبيط و لا الضربه اثرت على نفوخك و لا ايه حكايتك دانت اخويا ياله
محمود ينفخ
محمود / انا بكره الواد ده اوى
مرام / شوفت و استغربت لما ادايقت انك بتتكلم معاه
مديحه تدخل شايله صينيه عليها طبق مسقعه و عيش بلدى مرام تجرى تاخد منها الصينيه و تحطها عالمكتب
مرام / الله عالبتنجان المقلى بالصلصه و التوم الله الله
مرام تغمس لقمه و تمدها ناحيه بق محمود يبصلها
مرام / انت هتاكل يلا و لا هدفسها فزورك
محمود يبصلها و يرفع حاجبه و يفتح بقه ياكل
مديحه / هههههههههههههههههه انا قولت محدش هيعدل مزاجك الا مرمورتى الحلوه هروح اصبع كفته الرز عشان اللحق اقليها لو عوزتوا تانى قومى اغرفى الصينيه مليانه جوه
محمود زعلان و مرام عماله تاكل و مديحه تمشى
مرام / متخافيش هننسفها  ... متاكل يابنى
محمود يبصلها
مرام / لا مانا مش هاكلك انا يادوب اكل نفسى اه متاخدش عالدلع ده اصلا المسقعه تجنن و انا مش قادره اقاوم... متاكل يابنى هتقعد تتفرج عليا و لا ايه ... انا بحذرك مش هتلاقى حاجه تاكلها
محمود / الف هنا
مرام / كل بقى يا محمود والله هزعل بجد تحب اتصلك بالكلب ده و امسحلك بكرامه اللى خلفوه الارض
محمود / دا على اساس انك مكنتيش واقفه قدامه زى الكتكوت المبلول و هو بيزعقلك
مرام / مهو من خبتك بقى الشحط ده يزعقلى و انت واقف تتفرج
محمود / للاسف معاه حق متعمليش كدا تانى
مرام / لا هعمل تانى و تالت و رابع مش هشوفهم بياذوك و اقف اتفرج
محمود / كان ممكن يمد ايده عليكى
مرام / طب كان يبقى يعملها و انا و عزه جلال الله اوريه اللى عمره مشافه باللى فرجلى و اصوت و اللم عليه امه لا اله الا الله ايه يابنى هى سايبه و لا ايه
محمود / انتى مجنونه عارفه كدا و لا لا
مرام / مش احسن مكون نكديه يا نكدى كل بقى دانت رزل اقولك انت مش وش نعمه انا هاخد الاكل ده و اروح اكله مع تيته حبيبتى و خليك بقى حاطت ايدك على خدك زى الولايا كدا و مصمص شفايفك اوعى
محمود يمسك ايدها تقعد تانى
مرام / انا قولت كدا برضه ناس مبتجيش غير بالعين الحمرا
محمود / الخضرا باجى بالعنين الخضرا
مرام / بكره تستوى ههههههههههههه و هى مش خاضره دى عسلى كل كل
محمود يبتسم و ياكل
...........................
فى شقه مازن
مازن قاعد فى اوضته و فاتح اللاب و بينقل صور مرام اللى صورهالها فى السيكشن و هو مدايق جرس الباب يضرب ينفخ و يقوم يقفل باب الاوضه بالمفتاح و يروح يفتح الباب يلاقى نورا تزقه و تدخل
نورا / صحيح اللى حصل ده مصدقتش لبنى و هى بتحكيلى
مازن / و هى ست الحقد و الابتزال قالتلك ايه
نورا / ههههههههههههههههههه اما لو زيزو سمعك
مازن / قالتلك ايه الزفته دى
نورا / بتقول انك ضربت مرام
مازن / تعرفى عنى كدا
نورا / منا مصدقتش و حاولت اتصل بيك قافل تليفونك فجيتلك
مازن / زعقت فيها
نورا/ اوووووووه
مازن / انا عمرى معليت صوتى على بنت بس هى اللى متخلفه بجد انسانه مش طبيعيه مش طبيعيه ابدا ههههههههههههههههههههههههههه
نورا / ياااااه طب دحكنى معاه
مازن / اصل ايدها تقيله اوى
نورا / متقولش
مازن / هههههههههههههه
نورا / لما انت تقول كدا لبنى تقول ايه
مازن / ههههههههههههههههههههههه تعرفى اهو ده اللى مصبرنى ان ايد بالقوه دى نزلت رنت على خد لبنى
نورا / هههههههههههههههههههههههههههه بس هى ضربتك ليه
مازن / لا هى كانت بتزقنى بعيد عشان ضربت محمود
نورا / بس شوفت بقى
مازن / ايه ؟؟؟
نورا / لما بتبقى مدايق مفيش حد بيعرف يعدل مزاجك غيرى
نورا تروح تقعد على رجله جرس الباب يضرب
نورا / يوووووه بقى
مازن يقومها و يقوم يفتح يلاقى مونى شايله كيسين
مونى / روحت جبت غدى و جيت ايه مش هتدخلنى
مازن يفتح الباب مونى تدخل تلاقى نورا تتقفل
نورا / هاى مونى قصيتى شعرك مبروك
مونى / اهلا
نورا / اوك يا مازن اطمنت عليك بقى سى يو
نورا تمشى و مازن يقفل الباب
مونى / قال و انا اللى جريت وراك و قال عامل زعلان بجد مش مصدقاك
مازن / و حد يشوفك و يزعل يا جميل
مونى / والله دا ليها مفعول السحر ست نورا
مازن / على فكره هى لسه داخله قبليكى مفيش خمس دقايق
مونى / مازن حبيبى انت مش صغير و البنات دول مش كويسين و اللى بتعمله ده هياذيك انت قبلهم
مازن / تعرفى متفكريش فى الحاجات دى و متشغليش دماغك
مونى / انا خايفه عليك
مازن / متخافيش و انتى قولتيها انا مش صغير ممكن ناكل بقى
مونى / عارف خليك كدا و بكره ان مجلكش لا قدر الله حاجه وحشه هتلاقى نفسك مدبس فواحده منهم عشان حامل
مازن / لا ده و لا ده هيحصل و قولتلك متفكريش فى الحاجات دى و خليكى فحالك
مونى / هو ده حالى يا مازن بص سيبك من كل ده ده حرااااااام
مازن / صبرنى يارب
مونى / انت و لا اخوك انا مش عارفه الاقيلكوا حل
مازن / بقولك ايه متيجى ناكل عشان اخدك و نخرج نتفسح اقولك تعالى نطلع الجونه و لا السخنه نقعد الكام يوم الفاضلين فى اجازتك انا و انتى لوحدنا
مونى / طب و الكليه
مازن / مجتش من كام يوم انا اصلا كل مروح الكليه تحصل مشكله لما قرفت منها و كرهتها
مونى / اول مره اشوفك انهزامى اوى كدا
مازن يبصلها
مونى / انت عندك مشاكل فى الكليه حلها مش تهرب منها
مازن / ملهاش حل يا مونى ملهاش حل اخوكى لاغى عقله و بيخبط فى ناس كويسه جدا عشان خاطر ست لبنى بتاعته و للاسف انا مسحوب فى الرجلين
مونى /  و انت مالك
مازن / يعنى اشوفه بيتخانق و اسكت
مونى / ادخل حوش مش تدخل تضرب معاه
مازن / الموضوع مش بالبساطه دى كلمه من هنا على كلمه من هنا الموضوع بيكبر
مونى / بتحصل ... طب و هتعمل ايه
................................