السكه شمال بقلم / لولو_محمد ( كامله )

الحلقه ١٣٠

((((((((((السكة شمال ))))))))))
#لولو_محمد
الحلقه 130
توفيق / لا كتر خيرك لحد كدا عملت اللى عليك و زياده
الشاب / متاخذنيش يا تيفا انا بره الليله اخوك هينفخنى
توفيق / ليله ايه يا جدع مخلاص تبنا الى الله انا بس بطمن على اهل حتتى و انا فالرقده انا اصلا كل المعلومات كانت عندى انا بس قولت اتاكد ان الكلام اللى وصلنى كان صح مش اكتر
الشاب / طب تؤمرش باى حاجه تانى
توفيق / تسلم يا حبيبى تسلم
............................
فى البحر
لبنى / يعنى ايه
زياد / اتوترتى كدا ليه مانا قولتلك لميت الموضوع و رقبته هو اللى بقت فى ايدى خلاص
لبنى / لو عليا اديله المفتاح و اوزع صافى و اسيبهم يخلصوا على بعض
زياد / و مين قالك ان مش ده اللى هيحصل
لبنى تبص لزياد يبتسم و يعوم على ضهره
................................
فى اوضه شهاب
شهاب بيستحمى يطلع مالحمام لافف بشكير على وسطه و بينشف شعره بفوطه يلاقى ظرف عالسرير يبص باستغراب يفتحه يلاقى كارت مكتوب عليه انجوى و مفتاح يقلب المفتاح فى ايده و يبتسم
.............................
فى المطعم
مرام / ايه اللى بتقوله ده مش المفروض ننام بدرى عشان هنركب اليخت بكره
مازن / و انا كمان مش موافق بالصلاه عالنبى كدا مراتى مترقصش غير وانا موجود غير كدا هفكسهالكوا فيها لاخفيها اه
لبنى / بلدى اوى يا مازن بتتكلم كدا ليه
مازن / غتاته
مازن يرقص للبنى حواجبه و هو مبتسم تمسك العصير و تشرب و هى مبتسمه
مونيكا / يا مرام احنا فمصيف مش هطلع انام انا سبعه و نص يعنى اهو نسهر ساعه و لا اتنين
كامل / امال لو مكنتوش انتوا علاطول اللى بتاخرونا و تغلبونا على متخلصوا لبس و مايكب انتوا كمان اللى هتسهروا
زياد / ده اللى ناقص يا سيدى البنات تسهر و الرجاله تنام مالمغرب
فادى / انا عن نفسى معنديش اى مانع
زياد / طب انت واحد طهقان و عاوز تخلص من مراتك و تنزل من على ودانك شويه احنا ذنبنا ايه
فادى/ ايه يا عم طهقان دى انت عاوز تلبسنى تهمه لا دى مارينا دى الحته اللى فالشمال دا بيهبل على فكره ملكيش انتى فالهبل ده
مارينا / عارفه يا قلبى
مروان / من خاف سلم يا حبيبى
مازن / مفيش راجل عاقل مبيخافش من مراته خالو دايما يقول كدا
انس / لا مدام خالو صفوت اللى قال يبقى لازم نقول امين لا جدال و لا نقاش و من هنا بعلنها اعذب اللى الابد
فادى / كلنا قولنا كدا بس اول مبتقع بتطب يا معلم و سلملى بقى على الابد بتاعتك دى
مروان / فدى معاك حق و اهو مازن اهو فاكر يا ميزو
مازن / مش عاوز افتكر اى حاجه ماشى
هانيا  / صحيح يا مازن هو انت هتقفل صفحتك
مازن / ليه بتقولى كدا
هانيا / انت اخر مره نزلت بوست او طلعت لايف امتى يابنى
مازن / مش فاضى عادى يعنى
سوزى  /طب ماحنا فاضيين اهو يلا طلع الموبايل و يلا ناخد بيج سيلفى
سوزى تقوم و تطلع الموبايل و تحطو فى السيلفى ستيك و الكل يقوم يقف وراها و مرام متقومش مازن يمدلها ايده تقوم و ياخدها فى حضنه تحت باطه تبتسم ابتسامه خفيفه و الكل يدحك و سوزى تاخد الصوره و توريهالهم
مونيكا / حلوه اوى يلا شباب تصبحوا على خير شوفوا هتناموا و لا هتعملوا ايه و انا بقى هطلع اوضتى اولعها مين جاى يا مزز
مرام / طب متيجوا اوضتنا اوسع
زياد / لا.. بقولكوا ايه انا عاوز انام مفرهد طول النهار فى البحر و عاوز ارتاح تشغلوا اغانى و تعلو الصوت هبلغ عنكوا الاداره انا بقولكوا اهو
مونيكا / بارتى كيلر احسن برده يلا يا بنات على اوضتى
مرام / هتيجى يا لبنى
لبنى / طبعا جايه يلا تصبح على خير يا بيبى
لبنى تبوس زياد من خده
زياد / هى بقت كدا ماشى يا قلبى انجوى بقى هاه
لبنى تبصله و تحدفله بوسه و تكمل مشى مع البنات
انس / منورين يا رجاله
كامل/ بنورك يا انوس هههههههههههههه
.........................
فى الكوريدور قدام اوضه مرام
تلت سياح بينهم اتنين بدى بيلدينج ماشيين معاهم كوره عمالين يشقطوها لبعض و يدحكوا بصوت عالى واحد فيهم يخبط فى التانى يزقه يقع يقوم يزق التانى و يبدئو يتخانقوا التالت ياخد الكوره و يحدفها بعيد تخبط فى الكاميره تزقها و تغير اتجاهها و بعدين يتصالحوا و ياخدوا الكوره و يكملوا مشى عادى
.....................
فى اوضه مونيكا
اوضه كبيره بسرير كبير البنات زقوه فى جنب و فضو مكان و قاعدين عالسرير كلهم و مشغلين التليفزيون و معليين الصوت عالاغانى و انجى بترقص على اغنيه يا بتاع النعناع يا منعنع و متحزمه و بتدلع و البنات بتسقف تروح تشد مونيكا تقوم و ترقص معاها و الكل مبسوط و سعيد
لبنى / انتى هتفضلى خانقه نفسك بالحجاب كدا متفكيها يا بنتى كلنا بنات مع بعض و لا انتى مش مسرحه شعرك
مرام تبصلها و تبتسم و تفك الطرحه و تسيب شعرها مونيكا تسيب الرقص و تشد مرام و تحزمها و مرام ترقص مع انجى
صافى / ايوه يا مرام يا جامد
سوزى / متشوفيلها حاجه تلبسها يا مونى من دولابك لبسها مش مبين حاجه خالص
لبنى / متحرجيهاش يا بنتى
مرام / تحرجنى ليه ماحنا بنات مع بعض ثوانى هخش الحمام و اجيلكوا
لبنى / خدى وقتك
مرام تدخل الحمام و تقلع هدومها لابسه كاش قصير احمر لحد الركبه تعدله عليها الباب يخبط تفتح
مونى / لو عاوزه ... وااااااو
مرام / لو عاوزه ايه
مونى / اه يا مازن لو شوفت اللى انا شيفاه و ربنا ميعتقك النهرده
مرام / ههههههههههههههههههه و هو فين مازن
مونى / متزنب عالباب بره بس بعينه
مرام / ايه اطلع كدا و لا اللبس حاجه مش عارفه مكسوفه بس كلكوا لابسين كدا يعنى و احنا بنات
مونى / انتى لو طلعتيلهم كدا هيولعوا فنفسهم اقولك اطلعى كيديهم
مرام / ماشى
مرام تطلع مع مونى البنات تصفر و سوزى تقوم تلفها
سوزى / كان مستخبى كل ده فين
هانيا / لا داحنا ننادى مازن بقى
مونى / بعينه قال نناديله قال
لبنى / طب ايه مش هترقصى و لا ايه
مرام / لا ازاى هرقص
انجى تدى لمرام تتحزم
مارينا / ايوه بقى
مونيكا تصفر و لبنى قاعده هاديه و بتتفرج و تسقف مرام تشدها ترقص قدامها و يدلعوا على بعض
.....................................
على باب الاوضه شريف
شريف يفتح باب اوضته و يشد كرسى و يروح يحطه جنب مازن اللى واقف قدام باب اوضه مونى
شريف / هتفضل واقف كدا طول الليل و لا ايه
صوت صفير من جوه مازن يشاورله عالباب
شريف / هههههههههههههههههههه يا عينى يابنى تصدق صعبت عليا
مازن / مبسوطه جوه
شريف / و انت عرفت منين
مازن / ايه مش هعرف اميز صوت دحكتها يعنى
شريف / طب الحمد لله اخيرا حاجه عدله فى الاجازه دى
مازن / على رايك
زياد يدخل
مازن / الله مش كنت هتنام و كدا ايه اللى نزلك
زياد / هنام لوحدى يعنى
مازن / ياختى كميله خايف و لا ايه
زياد / خفه
مازن / ههههههههههههههههههه احسن حس بيا شويه
زياد / ماشى يا عم
شريف / انت عرفت اننا هنا ازاى
زياد / لا انا كنت نازل ارخم عليه و استلمه لقيته هنا قولت قشطات
شريف / عالبركه
مازن / مرام و لبنى كانوا بيرقصوا سوا من شويه
زياد / مبسوط انهم انسجموا اخيرا
مازن / الحمد لله
زياد / على الله ميتفقوش علينا
مازن / هههههههههههههههههههههه لا مفتكرش
شريف / صحيح يا زيزو
زياد / ايوه يا حبيب قلبى
شريف / انت كنت بتتكلم مع شادى فى ايه النهرده الصبح
زياد / كان بيعاتبنى على حوار مازن و كدا و اتكلمنا شويه فالموضوع ده و بس و على فكره مكسوف من نفسه جدا عاللى عمله معاك
شريف / بس مش مكسوف من حاجه تانيه كان بيعملها
مازن / حاجه ايه
صوت بنات بتصفر جوه و اغنيه لا لا شغاله
زياد / طب ينفع كدا طب يرضيكوا كدا هههههههههههههههههه
مازن / وربنا ميرضى ربنا ابدا مراتى بترقص جوه و انا متزنب عالباب دى مراتى يا ناس
زياد / ياعم انت اللى مش مسيطر
شريف / يا عم بكره تبقى فبيتك و تزهق منها
زياد / ياعم لما هتبقى فى بيته مش هتبقى فاضيه ترقص
مازن يبصله
زياد / هتقوله الحمل تاعبنى
مازن / لا احنا هناجل الحوار ده شويه حرام السنه تروح على مرام
زياد / هههههههههههههههههههههه قال يعنى حوار التقدير و التعيين لسه فدماغها
مازن / حلمها تبقى دكتوره فى الجامعه
زياد / لسه مش قادره تستوعب حياتها الجديده يعنى ... يابنى فهمها بقى ان احلامها دى بقت صغيره على قدراتها دى لو عاوزه تكمل تعليمها بره هتكمل لو عاوزه جامعه بحالها تدرس فيها هتبنيهالها
مازن / النجاح اللى بيجى بعد تعب بيبقى طعمه احلى من اللى بيجى بالساهل
زياد / هههههههههههههههههههه دا كلامها ده مش كلامك و اوعى تعمل عليا انك مقتنع بيه
مازن / بالعكس مقتنع بيه جدا
زياد / ههههههههههههههههههه اتغيرت كتير يا مازن
شريف / لا متغيرش هو بس كبر و عقل اخيرا
زياد / صحيح الجواز بيربى
مازن يبصله زياد يدحك و يخبطه على كتفه
..............................
فى الاوضه جوه
مرام / كفايا بقى حد فيكوا يقوم هو مفيش غيرى
هانيا / اه مفيش غيرك احنا عاملين الليله دى كلها اصلا عشان نتفرج عليكى و انتى بترقصى انتى ناسيه و لا ايه
مرام / يا سلام مانا كمان عاوزه اتفرج عليكوا
سوزى / ماحنا كنا خاربينها امبارح
لبنى / و هى كانت فاضيه تتفرج عليكوا امبارح الله يسهلوا بقى مازن
مونى / تفتكروا لسه واقف بره
مارينا / لا مفتكرش احنا بقالنا كتير اوى هنا
هانيا / هو بجد عمره مشافك و انتى بترقصى ايه مرقصتيش فى فرحكوا
مارينا / رقصوا فرست دانس و شويه شعبى كدا بس بكتفها يعنى مرام واضح انها مش من النوع اللى بتطلع كل اسلحتها مره واحده
مرام / يا سلام
سوزى / مخبيه ايه تانى يا بت
لبنى / عارفين القاعده دى ناقصها ايه
انجى / ايه
لبنى / ناقصها زى معملت السنه اللى قبل اللى فاتت و جبت واحده تعملنا تاتو
هانيا / دا كان يوم
سوزى / محدش فينا قام رقص يوميها كلنا كنا محتاسين بالتاتوز لحد منشفت
هانيا / انا يوميها ولعتها
سوزى / دانتى ههههههههههههههههههههههههه
لبنى / هبقى اجبهالك يوم حنتك ترسملك هديه منى يلا خلى مازن يهيص
سوزى / مازن بيحب الحاجات دى اوى
مرام تبصلهم و ساكته و مفيش على وشها اى رياكشن
صافى / على فكره بيتهيالى فى فالبوكس بتاعى فوق حنه ممكن اجيبها و ارسملكوا
هانيا / الله ياريت والله تعرفى ارسميلى هنا سكوربيون كبير كدا
سوزى / و انا اعمليلى كوليه زى اللى كنتى عملاهولى فى الساحل كان خرافه
لبنى / ملوش لزوم هتطلعى فوق مخصوص عشان ايه و بعدين احنا جايين نرقص و لا نرسم لو رسمنا هنحتاس و مش هنقدر نكمل رقص
مرام / و فيها ايه ماحنا رقصنا كتير ندلع شويه بقى
مونيكا / والله فكره يا ترى مازن هيعمل ايه لما يعرف ان مرام رسمت تاتو
هانيا / مش هيهدى الا لما يشوفه هههههههههههههههههههههه
لبنى / لحظه لحظه اولا مرام مش هتخلى مازن يشوفه
هانيا / ليه
لبنى / مرام بتحب تكيب ذا ديستانس ان ذا ريلايشنشيب
سوزى / بس انتوا اولردى متجوزين يعنى يا مرام
مرام / مكتوب كتابنا بس
هانيا / نونسنز على فكره مازن يعتبر جوزك اه ممكن تحافظى على شويه ليمتس بنكم بس مش معنى كدا انكوا تتصرفوا كانكوا مخطوبين بالظبط يعنى
لبنى / يا بنتى اذا كانت مش سمحاله حتى يدخل يتفرج عليها و هى بترقص هتسمحله يشوف التاتو
مرام / مش الفكره على فكره بس هيدخل هنا فين الاوضه مكفيانا بالعافيه
لبنى / عادى يعنى يقف فى اى جنب و اهو تضمنى انه مش هيتهور و لا حاجه
سوزى / ههههههههههههههههههههههههه مثلا يعنى
هانيا / و لا يرقص معاكى دا هيولعها اقسم بالله هههههههههههههههههه
مونى / يعنى ايه افتحله و لا ايه
مرام / لا طبعا مش و انا كدا
انجى / و فيها ايه يفرق ايه يعنى عن اى فستان غير الماتيريال يعنى و بعدين مهو جوزك يا بنتى
صافى / والله صعبان عليا اوى كل ده واقف بره
مونيكا / احسن
انجى / و كانه مش اخوكى يا بت فى ايه مالك
مونى / شمتانه فيه عادى يعنى هههههههههههههههههه
مرام / هههههههههههههه
لبنى / انا بقول غلبان برده نديله فرصه اغنيه واحده متضرش و لا انتى خايفه يشوفك يصرف نظر
مرام / و اخاف من ايه يا لبنى لانا وحشه و لا رقصى وحش ايه اللى يخليه يصرف نظر يعنى
لبنى / لا مش قصدى طبعا انا اقصد اللى كان مستخبى يبان و ميبقاش فى جديد عندك يشتاقله
مرام / لا يا حبيبتى متشغليش بالك حتى لو ايه حصل هيفضل لهفته عليا هي هياها
سوزى / يا جامد انت يا واثق من نفسك ههههههههههههههههه
لبنى / خلاص نفتح الباب و ندخله
مرام / براحتك انا بس كنت خايفه على مشاعركوا لما تشوفونا سوا
مونى / كفايا يا مرام حرام عليكى احنا غلابه ههههههههههههههههههههه
انجى / مش ساهله البت دى
هانيا / وقعت مازن اكيد مش ساهله
لبنى / خشى الحمام لحد مفتحله يدخل
مرام تهز راسها و تدخل الحمام و لبنى تروح تفتح الباب وتطلع تتفاجئ بزياد و شريف واقفين مع مازن
لبنى / الله انتوا هنا
زياد / مش بعتينى
لبنى / اخص عليك و انا اقدر برده
لبنى تضرب مازن بضهر ايدها على بطنه
لبنى / افتكر الجمايل خش اتفرج شويه بصراحه بترقص حلو
مازن يعديها و يدخل و الباب يتقفل
لبنى / هههههههههههههههههه و ماله
ثوانى و صافى تخرج تتفاجئ بشريف
صافى / دا كان فى حفله تانيه بره و انا معرفش
لبنى / خرجتى ليه يا بنتى
صافى / هطلع اجيب البوكس
لبنى / مقولنا ملوش لزمه
صافى / مش مشكله مش هتاخر ثوانى و نازله
صافى تروح ناحيه الاسانسير و لبنى و زياد يبصوا لبعض
....................................
جوه فى الاوضه
مونيكا / والله انا مكنتش عوزاك تدخل مراعاه لمشاعرك بس لبنى بقى قدرت بطريقتها تقنع مرام
مازن / ايوه يعنى اللى هى فين يعنى
سوزى / اظهر و بان عليك الامان
مرام تطلع مالحمام لابسه كاش احمر و خدودها احمر منه و مبتسمه بخجل و عينها بين مازن و الارض مازن يتنح فيها و يرفع حواجبه لفوق و هو مبتسم ببلاهه  و مونى واقفه فالنص متابعه نظراتهم و مبتسمه سوزى تصفر و تقوم تعلى الاغانى و تزق مرام على مازن تزغرلها
مازن / عملت فيكوا ايه عشان تعملوا فيا كدا
الكل يدحك مونى تقعد مازن على كرسى التسريحه
مونيكا / يا حبيبى يا خويا تعال اقعد هنا كدا ليك اغنيه واحده بس
مازن / لا اغنيه ايه انتوا تتفضلوا على اوضكوا و نشوفكوا كمان خمس ست سنين كدا باذن الله
سوزى / بعينك دى هتبات فى حضنى النهرده
مونيكا / احنا لسه هنرغى يلا يا بنتى
مونيكا توصل موبايلها بالتليفزون و تشغل شيك شاك شوك و مرام تتحزم و ترقص ثوانى و مازن يقوم يرقص معاها و هما الاتنين مبتسمين و الباقى بيسقفوا و يصفروا
............................
فى اوضه صافى
صافى تدخل الاوضه ضلمه تحط الكارت تنور و تقفل الباب و تروح تفتح الدولاب عشان تطلع شنطه المكياج بتاعتها حد ضخم من وراها يكممها و يشدها على سرير جوه البوكس يقع منها يتكسر و اللى جواه يتشحطر
.........................
فى شقه محمود
محمود بيكلم ماماته فى التليفون
مديحه / لولولولولولى ايوه كدا ارفع راسى
محمود / عاوز اخلص كل ده قبل ممرام ترجع عشان تنبسط
مديحه / ياخويا قبل مترجعى قال يعنى فرحان برجوعى
محمود / ماكيد هفرح برجعوعك ياما هو انا ليا غيرك الفكره بس انى زعلت مرام منى اوى
مديحه / لا متاخدش فبالك مرام بتحبك و قلبها ابيض من اللبن الحليب زمانها نسيت اصلا و بعدين هى مرام فاضيالك الله يسهلها بقى بتتفسح فى حتت لانا و لا انت و لا عيلتك كلها راحوها قبل كدا
محمود / ربنا يهنيها
مديحه / المهم يعنى هيسفلتوا الشارع بكره
محمود / لا بعد بكره ان شاء الله  علاطول و هتبقى مع البياض فوقت واحد
مديحه / انا عاوزاهم يعملوا البيت عندنا اخضر فاتح عارف انت الدرجه دى اللى هى
محمود / حيلك يا ست الكل فى مهندس هو اللى هيعمل الموضوع انا مبفهمش فيه و هيرسموا و يلونوا بحيث يبقى شكل جمالى مش كل بيت بشكل
مديحه / شكل جمالى و ماله ياخويا قال يعنى الاخضر مكنش هيبقى جميل بس ترسملى كعبه بقى عالبلكونه بتاعتى مليش فيه مش راجعه من بيت ربنا
محمود / تيجى بالسلامه ياما تيجى بالسلامه يا ست الكل
مديحه / هههههههههههههههههههههههه خلاص خلاص هقفل يلا تصبح على خير
محمود / و انتى من اهله
.................................
قدام باب اوضه مونى
صوت تسقيف و صفير جوه و لبنى بتبص لزياد
زياد / متطلع تشوف صافى اتاخرت ليه يا شريف
شريف / والله طب متقول اتوزع ارحم
لبنى / الحق علينا يعنى خلاص يا سيدى هطلع انا
زياد / تطلعى فين خشى جوه لحسن يقولوا حاجه
شريف / مفيهاش حاجه على فكره
زياد / ياعم قرف السلايف مبيخلصش
لبنى / لا بس صافى فعلا اتاخرت انا هطلع اطمن عليها ليكون حصلها حاجه
زياد / لا انا كمان قلقت دى لو هتعبى الاوضه كلها مش هتتاخر كدا
لبنى تركب الاسانسير تلاقى شريف و زياد يركبوا  معاها
لبنى / ايه اللى جابك
شريف / بلاش
لبنى / لا ازاى تعال طبعا
زياد / تعملى حسابك مدام طلعنا نروح على اوضتنا مفيش نزول تانى
لبنى / زياد
لبنى تغمز زياد يدحك و شريف باصص الناحيه التانيه
...............................