السكه شمال بقلم / لولو_محمد ( كامله )

الحلقه ١٨٢

((((((((((السكة شمال )))))))))
#لولو_محمد
الحلقه 182
مازن / و هو انا لو اديتهاله مش هبقى بخسره مش هيبقى باعنى
مرام / اعمل اللى انت شايفه صح و اللى يريحك و اى كان قرارك انا معاك فيه المره قبل الحلوه
مازن / انا مش هكتبله اى حاجه دا شقى خالى الله يرحمه ياخده ليه عشان يقبل بجوازنا اضمن منين انه بعد مياخده هيقبل
مرام / مازن
مازن / انا مش هديله اى حاجه عاوزنى ابن ليه اهلا وسهلا مش عاوزنى هو الخسران انا مش على اخر الزمن هروح اشتريلى اب بالفلوس لو هعمل كدا يبقى على الاقل اشترى اب على مزاجى انا كمان اب فيه المواصفات اللى اتمنتها
مرام / زى ايه
مازن / زى خالى الله يرحمه
.............................
مرام / اتكلم معاه تانى قوله و جهه نظرك
مازن / انا تعبت مالكلام عمره مسمعنى عمره محاول يفهمنى تعرفى انا كان ممكن اعمل زى زياد مقالى اطلقك و اخد منه كل فلوسه و بعدين اردك و ابقى ردتله القلم عشره بس انا مقدرش اعمل كدا مش عشان بحبه على قد مع عشان بحبك انتى و مش هقدر احطك فى موقف زى ده
مرام / انا اصلا مش هقبل اكمل معاك لو عملت كدا
مازن / حتى مع انه مبيحبكيش
مرام / انا بحب نفسى كفايا و عارفه قيمتها
مازن / انا تعبت
مرام تاخد مازن فى حضنها و تطبطب عليه
مرام / حقك بصراحه الله يعينك بس انا متاكده انك اقوى من كدا تعرف انا لو منك انام دلوقت و ارتاح و الصباح رباح انسى و ارمى حمولك على الله
مازن / و نعم بالله
الفجر ياذن
مازن / فوقته بالظبط هههههههههههه
مرام تبتسم و مازن يقوم يبوس راسها و يروح يتوضى
...................
فى شقه شريف
شريف يدخل البيت شايل كيس موبايله يرن يرد
شريف / الو ...لا يا حوده صاحى فى ايه خير ... موضوع ايه ده قلقتنى
تقى تدخل
تقى / جبت الفطار
شريف يديها الكيس تاخده و تجرى على جوه و شريف ياخد التليفون و يدخل جوه
شريف / امتى ده ... و مرام عارفه حاجه عن الحوار ده ... طب كويس بص انا هلبس و اعدى عليهم و ابقى اكلمك ... لا لا لا متعملش اى حاجه انت كدا تمام انك قولتلى انا هتصرف خلاص متقلقش ... تمام يا حبيبى ... لا يا عم والله صاحى حتى كنت بجيب فطار كمان تعال افطر ... هههههه ماشى يا سيدى يلا مع السلامه يا حوده .. سلام
الست تدخل
الست / الفطار جاهز يا شريف
شريف / الف هنا انتوا انا يادوب انزل
الست / طب اعملك ساندوتش و لا اى حاجه فى السريع
شريف / اى حاجه اى حاجه
شريف يفتح الدولاب و يطلع هدومه بلهوجه
الست / هو فى حاجه يا شريف
شريف / لا يا ست الكل مفيش انا بس كنت ناسى معاد و اتاخرت عليه
الست / ماشى يابنى ربنا يوفقك
الست تطلع بره و شريف يلبس
................
فى فيلا زياد
زياد ينزل من فوق جرى يلاقى مازن مستنيه
زياد / فى ايه يابنى ايه اللى نزلك و انت تعبان اوى كدا
مازن / جيت اجبلك الملف اللى انت نسيته عندى
زياد / ملف ايه
مازن يدى الملف لزياد
زياد / ااااااه دا ...
مازن / انت عملت كدا ليه
زياد / عملت ايه
مازن / زياد خليك صريح احترمك عملت كدا ليه
زياد / هى شافته ؟؟
مازن / مش ده اللى انت كنت عاوزه مش انت عملت الفيلم دا كلو عشان هى تشوف الملف
زياد / انت بتقول ايه يا مازن
مازن / زياد قولتلك خليك صريح معايا و للمره المليون مش معنى انى مبزعلش منك و لا انى عمرى معاتبتك انى حمار و مش فاهم انا بس بحبك و بعديلك و كتير اوى بنضف وراك كمان عشان انت اخويا بس اللى انت عملته النهرده ده انا مش فاهمك
زياد / ايه الاوفر ده
مازن / عملت كدا ليه عاوز توصل لايه اه شافته و معملتش اى حاجه بالعكس تصدق انها شجعتنى امضى قالتلى ارميله كل الفلوس و تعال نعيش عند تيته بمرتبها بعد التعيين فى الكليه و مرتبى
زياد / بتهزر
مازن / اقولك نكته احلى منها انا قولتلها على اقتراحك انى اطلقها و اخد من بابا الفلوس و اردله القلم تعرف قالتلى ايه
زياد / ايه
مازن / قالتلى انها هتسبنى وقتها و هتحتقرنى كمان
زياد / لا جدعه
مازن / فانا قررت انى  مش همضى مش هتنازل عن قرش صاغ واحد
زياد / عين العقل انا قولتلك كدا لو تفتكر
مازن /مانا عارف بس اللى مش قادر افهمه انت ليه عملت كدا هتفرق فى ايه ان مرام تعرف او لا ايه اللى يخليك تنزل مرام من بيتها السعادى بحجه انى عيان و بموت مع ان الموضوع ميستاهلش
زياد / انا جيت و خبطت عالباب و انت مبتفتحش انا جيت اجبلك الملف و انت مفتحتش
مازن / دا على اساس ايه انا اول محسيت برجليكوا فى الشقه قمت تقوم انت تقولى خبطت و مفتحتش
زياد / اسال خليفه كلمه و اساله قوله انا قعدت قد ايه بخبط اساله احنا كنا هنعمل ايه لولا ان ربنا اللهمنى اتصل بمرام اسالها ان كان معاها نسخه من المفتاح و لا لا
مازن / اسال خليفه
زياد / كلمه بواب العماره بتاعتك اللى انا نزلت جرى صحيته مالنوم و انا فاكر انك مديله نسخه قال يعنى عشان التنضيف
مازن / تمام نكلم خليفه و نساله
زياد / تمام اتصل بيه شهد البواب على اخوك كلام البواب صادق و اخوك محتاج دليل على كلامه
مازن / مختش الملف معاك و انت ماشى ليه الملف كان معاك و انت بتخبط عليا اول مره مفهومه فضل فى ايدك لحد ما نزلت تصحى خليفه و طلعتوا ترزعوا عليا و انا ميت اكلينيكيا جوه مش حاسس باى حاجه و فضل معاك و انت بتكلم مرام و لحد مهى لبست و جت من عندها لعندى و فتحتلك و دخلتوا سبحان الله انا حسيت بنفسها الصحه ردت فيا و فوقت و بقيت زى الحصان مش كدا
زياد / تصدق متصدقش دا موضوع يرجعلك بس تصدق انا كان المفروض اتصل بشريف هو اكيد كان هيتصرف احسن منى مليون مره فى المواقف دى مهو شريف
مازن / ايوه ادخل بقى فى اسطوانه انت بتحب شريف اكتر منى هو فى ايه يا زياد ايه شغل العيال ده هو انتوا ضراير
زياد / انت عاوز ايه يا مازن
مازن / عاوز اعرف انت ليه عملت كدا
زياد / غصب عنى ابوك كان فاكر ان لما مرام تعرف انك هتبيع كل حاجه هتقفش عليك و تشوف وشها الحقيقى فتسيبها خلاص ارتاحت انبسطت كدا يعنى
مازن / جدا ارتحت جدا ليه بقى اللفه دى كلها هى مش لبنى اتصلت بيها و قالتلها بابا ناوى يكلمنى فى ايه من قبل حتى مانا اعرف
زياد / المفروض اقوله لا يعنى المفروض ماما تقوله لا بص يا مازن انت تقدر تقوله لا عشان انت ورثك من امك مدفيك و دلوقت بعد محطينا عليه ورث خالك انت مش بس تقدر تقوله لا دانت تقدر تصرخ فوشه و تقولها بعلو صوتك لكن لانا و لا امى و لا حتى الغلبانه لبنى اللى جت فى الرجلين نقدر نقوله تلت التلاته كام عارف ليه عشان يوم مهنبقى فى الشارع محدش هينفعنا
مازن / يا سلام
زياد / انت مش كنت عاوز الحقيقه اديك عرفتها عاوز ايه تانى
مازن / انت كنت راكب جنبى عالطياره و سافرنا سوا و انت عارف و انا لا و مش بس كدا انتوا كلمتوا مرام و قولتولها
زياد / انا اللى بيتقالى بعمله و بعدين مهى مرام طلعت عاقله اهى و معملتش مشاكل و حرقت دم ابوك و اثبتتلك و اثبتت للكل انها بت جدعه و بنت اصول هتعوز ايه تانى
مازن / عايزك فى صفى يا زياد
زياد / و انا ضريتك فى ايه الكلام ده تقوله لو كانت مرام قفشت عليك لكن انت بتقول انها بالعكس قالتلك ارميله الفلوس
مازن / عايزك تبقي صريح معايا بعد كدا و متخبيش عنى حاجه
زياد / صراحه بصراحه بقي ابوك مش هيهدى الا لما تسيب مرام شوف انت بقي ناوى على ايه و اعمله و ياريت بسرعه عشان تخرجنا مالليله دى عشان انا تعبت
مازن / بس كدا من عنيا حاضر
مازن يطلع تليفونه و يتصل و يفتح الاسبيكر
ابراهيم / الو صباح الخير
مازن / صباح النور ازى حضرتك
ابراهيم / انا كويس خير مش عادتك تتصل بيا الصبح كدا مش عاداتك تتصل اصلا خير في ايه انت كويس
مازن / بخصوص الورق اللى حضرتك بعته
ابراهيم / ورق ايه
مازن / هو مش حضرتك بعتلى ورق نقل الملكيه عشان اتنازلك عن فلوسي فحضرتك تتكرم و توافق على جوازى من مرام
ابراهيم / اتكلم معايا باسلوب احسن من كدا يا ولد الورق كان هنا قدامك و انت رفضت و الموضوع خلص ابعتهولك ليه
مازن / يعني حضرتك مبعتش حاجه
ابراهيم / اسمع يا مازن اخر كلام عندى عشان انا مش فاضي للكلام ده لو انت اخترت تكمل مع البنت دى يبقي تنسي ان ليك اب من اساسه و دا اخر كلام عندى سامعنى و لا لا حتى دفنتى مش عاوزك تحضرها و اوعى تكون فاكر انك بشله العيال الخيبين اللى لاممهم حواليك انت كدا خلاص بقيت راجل لاااء افهم كويس انك واقف على رجليك عشان انا ساندك بفلوسي و نفوذى انا لو سحبت ايدى هتقع و هتجيلى تعيط
مازن / فين
ابراهيم / فين ايه
مازن / حضرتك لما احب اجيلك و انا بعيط اجيلك فين
ابراهيم / انت ولد قليل الادب و انا معرفتش اربيك
مازن / مع السلامه يا ابراهيم بيه
مازن يقفل السكه و زياد يسقفله
زياد / حلينا المشكله دلوقت احنا صح ربع ساعه ادينى ربع ساعه و تليفونى انا هيرن و هتسمع بقي بودانك الباشا الكبير اللى مقدرش عليك و هو بيتشطى على ماما
مازن / و المطلوب منى
زياد / و لا حاجه
مازن / انت عمرك مطلبت منى حاجه و انا رفضتها لما تحتاج قولى
زياد / شكرا
مازن / عن اذنك
زياد / نورت يا مازن بيه
مازن يبصله و يمشي لبنى تنزل من فوق
لبنى / و بعدين هنعمل ايه
زياد / ولا حاجه هنطلع نكمل نوم
لبنى / ايه البرود ده يا اخى ولعتها حريقه و هتطلع تنام كدا عادى
زياد / اه عادى ميولعوا فبعض احنا مالنا مدام بعيد عننا اياكش يروحوا فى داهيه حتى خلاص
لبنى تبصله يبتسم و ياخدها و يطلع فوق
زياد / سيبك انتى مالتفاهات دى و خلينا نركز فى الحاجات المهمه تمام
.....................
فى شقه مازن
مرام نايمه جرس الباب يضرب تصحى تبص حواليها مفيش حد تقوم تلبس الطرحه و تروح تفتح تلاقي شريف جايب فطار
شريف / صباح الخير امال مازن فين
مرام / ثوانى هشوفه يمكن فى الحمام
مرام تدخل تدور على مازن فى الحمام و المطبخ تروح قدام المخبا و تخبط تحاول تفتح مقفوله تخبط تانى تروح تجيب الموبايل و تتصل بيه
مازن / صباح الفل يا ست الكل
مرام / انت فين
مازن / جاى فى الطريق اهو عاوزه حاجه من بره
مرام / لا شريف بره و انا مكنتش اعرف انك مش هنا
مازن / قوليله جاى مسافه ميشرب شاى مع خليفه هكون جيت
مرام / هقولهاله ازاى دى
مازن / قوليله بالحرف ملقتش مازن جوه و ملكيش دعوه بالباقي
مرام / حاضر خليك معايا
مرام تروح تلاقي شريف واقف عالباب من بره
مرام / ملقتش مازن جوه كلمته قالى جاى
شريف / طب خدى افطرى و انا هنزل اشرب شاى مع خليفه على ما يوصل
مرام / شكرا
مرام تاخد منه الكيس و شريف يركب الاسانسير و ينزل و مرام تدخل و تقفل الباب و تكمل كلام في التليفون
مرام / عمل زى ما قولت هينزل يشرب شاى مع خليفه بس انت عرفت منين انه هيعمل كدا استني انت فين اصلا و نزلت امتى و ازاى انا محستش بيك
مازن / ههههههههههههه  انا اول مره اشوف حد يحط راسه على سرير غريب و يروح فى النوم دانا بغيب فى النوم عن كدا
مرام / انا منمتش من امبارح حضرتك دا كفايا خضتى عليك لما زياد كلمنى المهم متغيرش الموضوع انت سبتنى هنا لوحدى و روحت فين
مازن / كنت بخلص حوار مهم كدا بس انا متاخرتش يعنى دا يادوب مسافه السكه والله
مرام / طب شريف جايب فطار اعمل فيه ايه
مازن / ههههههههههههههه الفطار بيتعمل بيه ايه افطرى يا مرام يا حبيبتى افطرى و انا ربع ساعه بالكتير و هكون عندك تمام
مرام / ماشى
...................
فى الحاره فى حته زنقه
شاب / والله زى ما بقولك كدا
توفيق / الله امال انا مسمعتش حاجه يعنى كان امتى الكلام ده ياض
الشاب / يا عم و لا اعرف انا الصبح لقيت امى بتحكى مع الوليه ام مياده جارتنا و بتقولها عالحوار داهون بس دا اكيد على تلاته تلاته و نص على مالقهوه شطبت انت ناسى اننا فى الصيف و لا ايه
توفيق / اااه عشان كدا محستش اصلى رجعت على اربعه و نص
الشاب / و خلصت الحوار اياه
توفيق / عيب عليك
توفيق يدى للشاب كيس اسود يبص يمين و شمال و يحطه فى جيبه
توفيق / بتبص على ايه امان يا عم
الشاب / اهو الامر ميسلمش
توفيق / بص بقى انا مش عاوز بيت فى الحته ميعرفش الفيلم ده
الشاب / يا عم و منغير وصايه دى حاره بنت كلب نسوانها لتاته
توفيق / يا عم اسمعنى
الشاب / معاك
توفيق / هى الكبده تتاكل الا بقرن الشنطه الحراق
الشاب / وصلت يا رياسه
توفيق / ولعهالى بقى يا زميلى
الشاب / حريقه يا كبير بالاذن انا
توفيق يغمزله الشاب يمشى
توفيق / و لسه يا ست العرايس اما زفيتك مبقاش انا
..................
فى شقه مازن
شريف / العيار اللى ميصبش يدوش و بصراحه هى غلطانه كانت بعتت المفتاح مع محمود
مازن / يعنى هى الحق عليها انها نزلت تجرى لما عرفت ان جوزها عيان
شريف / اهل الحاره ميعرفوش انك عيان هما ميعرفوش غير انها نزلت فوقت متاخر بص يا مازن مرام عايشه فى حى شعبى الكلام ده ما ينفعش فيه
مازن / يعنى اروح اولعلك فام الحاره دى دلوقت
شريف / و ده الحل يعنى
مازن / مانا مش فاهم انت عاوز ايه
شريف / اسمع دلوقت هتلاقى كل الناس فى اشغالها بالليل كدا عالساعه تمانيه هتلاقى القهوه اتردمت تاخد مرام و تروحها بايدك و انا هاجى معاك و محمود و نكلم المعلم اسعد يكون موجود
مازن / و اللى مسمعش يسمع صح
شريف / يا عم لو حكمت نجيب ميكروفون و نمشى بيه فى الحاره و نخبط على بيت بيت عشان نقولهم انك كنت عيان و مرام نزلت تلحقك نعملها احنا فى مصر يا حبيبى ستاتها بنموا على مخاليق ربنا اكتر ما بياكلوا يعنى غالبا مش بعيد ربع ساعه و تلاقى البى بى سى زايعه الخبر
مازن / هههههههههههههههه البى بى سى مره واحده
شريف / الفكره يعنى فهمت و لا انت رايك ايه
مازن / و من هنا للساعه تمانيه اعمل ايه
شريف / اعمل عيان ههههههههههههههههههه
مازن / منك لله يا زياد
شريف / بس انا مش مصدق اللى انت عملته بصراحه انت بجد شديت معاه و لا بتقول كدا و خلاص
مازن / يابنى لا شديت و لا نيله هو زى مقولتلك كدا بالظبط هو اللى قفش بقى براحته
شريف / و براحته كمان لا ياعم متقولش
مازن / استغفر الله العظيم انت عاوز ايه يا شريف
شريف / يا عم اعوز ايه دا كدا رضا اوى بص انا فى كام حاجه فى الشركه كدا هخلصهم و ارجعلك و ياريت فى الوقت ده ....
جرس الباب يضرب  شريف يسكت و مازن يقوم يفتح يلاقى سميحه و مديحه و محمود شايلين اكياس تقيله مازن يشيل عن سميحه و شريف يجرى يشيل عن مديحه
سميحه / الف سلامه عليك يا قلبى سلامتك
مازن / انا كويس يا تيته متقلقيش
سميحه / عملتلك لقمه ترم بيها عضمك
مازن / انتى كمان مكفايا مرام قامت بالواجب
مديحه / لا يا مازن يا حبيبى انت لازم تاخد بالك من نفسك و من صحتك
مرام تطلع من جوه
مرام/ انا قولت برده الصوت ده انا عرفاه
سميحه / خطى يا مرام الحاجات دى عالسفر اغرفى و خلى مازن ياكل
مرام تدخل المطبخ شريف و محمود و مازن يحطوا الاكياس عالسفره و يطلعوا منها حلل سخنه
شريف / هو دا محشى صح و لا مناخيرى هنجت
سميحه / دور البرد ميضيعوش الا الكرنب
مازن / محشى كرنب عالصبح احنا يادوب فاطرين
شريف / نفطر تانى عادى انت هتكفر النعمه تزول من وشك انت مش شامم و لا ايه
سميحه / هههههههههههههههه شايف الناس اللى بتفهم مش تقولى فاطرين
مرام تطلع شايله اطباق و معالق تغرف فيهم و شريف عمال يخطف من الحله
مازن / مش كان فى وراك حاجات فى الشركه برده و لا ايه
سميحه / جرا ايه يا مازن هو الشغل هيطير سيب الواد ياكل مالمحشى و هو سخن طلعى فراخ يا مرام
محمود يفتح حله و يطلع منها فراخ ملفوفه فى فويل
شريف / ادينى صدر بقى من عندك
محمود يقطعله
مازن / انا العيان هنا فى ايه مالك
شريف / يا عره الصحاب كل و انت ساكت الاكل كتير هى اللقمه فى ايد شريف عجبه متسبونا ناكل بقى مش انا لما بعيا يهرونى شوربات
مازن يعمل بيخنقه و سميحه بتدحك
..................
عالناصيه فى الحاره
تلت شباب واقفين يشربوا سجاير
الاول / ياعم حوار فاكس
التانى / بعد كل اللى قولتهولك
الاول / يا عم كلام ياعم هو انت لسه هتعرف رغى الحريم النهرده تلاقى الحوار اصله زقزوقه و كل واحده نفختلها فيها نفختين لحد مبقت بلونه كبيره و هتفرقع فوش امهم ان شاء الله
التالت / و مالك يعنى بتتكلم بثقه كدا كانها بنت خالتك مثلا
الاول / ياعم الشمال بيبانوا و البت دى عسكرى ميرى لا ماشيه و لا دحكته و لا اى نظام يا عبد السلام
التانى / ياعم هى هتستنضف اللى زينا تلك معاه دى بت عليوى بتاعه عربيات فخمه و فلل شغل فنادق يعنى
الاول / ياعم البت متجوزه من باشا و لو عرف الحوار ده هينفخنا كلنا
التالت / ياعم تلاقيه مسيارجى
التانى / يا جدعان نرجع الشريط كام شهر نسيتوا الخناقه اياها لما اتزنقوا و لقى نفسه هيتعلم عليه حب يهرب و قال خطيبتى و مش خطيبتى
الاول / يا جدعان و اتعمل الفرح و بعدها كتب الكتاب و جه وسطينا و اكل عيش و ملح عيب الكلام ده الراجل لو عرف هيزعل الحجه سميحه لو شمت خبر هتزعل و دى خيرها عالكل
التالت / ياعم خيرها عليك انت انما احنا محدش كاسر عينا بحاجه
الاول / اصحى ياعم انا محدش كاسر عينى
التانى / جرا ايه يا رجاله احنا هنخسر بعض على حوار زى ده فضوها سيرها و يلا كل واحد يروح لحاله
الاول / احسن
الاول يرمى السجاره و يمشى
.........................
فى الحاره بالليل
مازن و محمود يركنو عربياتهم و ينزلوا منها
مازن/ انا كنت عاوز المغلم اسعد فى حوار اسبقونى عالبيت و انا هحصلكوا
مرام / تمام
مرام و مديحه و سميحه يسبقوا بخطوتين و مازن و شريف و محمود يروحوا يقعدوا عالقهوه و توفيق قاعد
مازن / مساء الخير يا رجاله
الناس/ مساء الخير يا باشا
اسعد يدخل
اسعد / ايه اللى نزلك يا مازن يابنى و انت تعبان داحنا كنا جايين نزورك عندم شاى على ميه معدنيه للبهوات يا سلامه سكر بره
مازن / ولاد الحرام يا معلم اقعد انا عاوزك فى كلمتين
اسعد / خير يابنى
مازن / انا عاوز اشتكيلك بصفتك كبير المنطقه من حاجه حصلت و مديقانى
راجل كبير يقرب الكرسي بتاعه
الراجل / فى ايه يا مازن يابنى مين زعلك و احنا نقطملك رقبته
……………………….