السكه شمال بقلم / لولو_محمد ( كامله )

الجزء الرابع

(((((((((((((السكة شمال )))))))))
#لولو_محمد
الحلقه الرابعه
محمود يقومله / متحترم نفسك
مازن / انت بجد عاوز تتخانق معايا
مازن و محمود فوش بعض بالظبط و الكل يقوم يقف
مرام / احنا قدام مكتب الدكتور اهدوا
مرام تزق محمود يمشي معاها
مرام / هتضيع نفسك علي ايه هو انا يعني مش هعرف ارد
مازن / مثلا ههههههههههههههههههههههه
...............................
محمود يحاول يروح لمازن تاني
مرام / متخليهوش يستفزك ... و انت
مازن / اؤمرى
مرام / لو سمحت من فضلك خليك بعيد
مازن / انا متحركتش من مكاني اصلا هو اللي بيجيلي
مرام / احنا مستنين الدكتور يخلص اللي معاه و هنكلمه و نمشي تقدروا انتوا تخشوا بعدينا براحتكوا ممكن نبقي هادين لحد منخلص ممكن ؟؟ ممكن ؟؟
مرام تبص لمحمود يبص الناحيه التانيه و ينفخ وتبص لمازن
مازن / تؤمرى
مرام / شكرا
مازن / هو في مشكله صغيره
مرام / خير
مازن / اننا لازم هندخل سوا ... قبل اي حاجه ده مش بمزاجي هما اتصلوا بينا و طلبوا اننا نيجي
مرام / قبل اي حاجه انا مش هشتغل معاك
لبني / احنا اصلا مش عاوزين نشتغل معاكي فاكره نفسك ايه
مرام / متشتغليش مش عاوزه متشتغليش مين انتي اصلا
مازن / واحده كدا
زياد / مازن
مازن / سوري هههه سوري دي لبني خطيبه اخويا و ده زياد اخويا و انا مازن منتصر
مازن يمد ايده مرام متسلمش يسحبها
مازن / المهم و دا انس نورا نيفين و بيتهيالي واحد منكوا محمود و التاني سعد و انتي اكيد مرام
مرام / خلصت ؟؟
مازن يبتسم / خلصت
مرام / برده مش هشتغل معاك
مازن / اهم حاجه عندي راحتك
مرام / شكرا
مرام تروح ناحيه محمود و سعد و كل مجموعه تتودود سوا
لبني / فاكره نفسها ايه دي و ايه اللي هي لبساه ده جيباه من العتبه باين
مازن / بطلي غل البت حلوه بجد
زياد / كان باين عليك التثبيت ههههههه
مازن / بطل هبل انا طول عمري جنتلمان
مازن يبص لنيفين تبص الناحيه التانيه مش هاممها يعني مكتب الدكتور يتفتح و يخرج منه تلاته و المعيد
المعيد / اتفضلوا
التسعه يدخلوا
الدكتور / سمعت ان في مشكله في المجاميع بتاعتكوا
محمود / حضرتك احنا سجلنا مجموعتنا امبارح احنا التلاته النهرده لقينانا متوزعين كل واحد فينا فمجموعه نشتغل معاهم ازاي و احنا منعرفهمش
المعيد / يا دكتور فين مبدا تكافؤ الفرص لو الاوائل كانوا مجموعه واحده كدا مفيش اي فرصه للباقيين يحاولوا ليه و بعدين هما لو شغالين فشركه اكيد مش بتنقي كل اللي شغالين معاك يعني
محمود / بس احنا كدا بنتظلم لو مش عاوزينا فمجموعه واحده علي الاقل قولولنا ننقي فرق تانية
المعيد / يا دكتور كل الدفعه سجلت و استلمت المشاريع مش فاضل غير التسعه دول
مرام / حضرتك اننا نشتغل مع تيم منعرفوش عشان ندي فرصه لباقي الدفعه ده مش مبدا تكافؤ فرص دا اقصاء
لبني تدحك و تكتمها مرام تبص عليها
المعيد / انتوا الاوائل يعني المفروض ينطلب منكوا اكتر من باقي زمايلكوا و ده يعتبر شالنج قليل بالنسبالكوا الحياه مش فير و مش ايزي و فالشغل بره لا هتنقي التاسك بتاعك و لا التيم بتاعك و لازم تتاقلمي مع الوضع يا دكتور دا اول جمله فاي سي في اي كان ورك اندر بريشر
الدكتور / هي وجهه نظر بس برده كان المفروض تبلغهم امبارح يغيروا فرقهم قبل مالكل يستلم
مازن / بعد اذن حضرتك
الدكتور / اتفضل
مازن / احنا لما سجلنا كل اتنين مننا سجلوا فمجموعه و سبنا التالت مفتوح مقولناش انه هيكون واحد مالاوائل و لا كنا متوقعينها احنا ناويين نشتغل بجد
الدكتور / اتمني يا مازن
مازن / يا دكتور حضرتك احنا كمان منعرفهمش و عمرنا مشتغلنا معاهم و يمكن بالاسلوب ده احنا اللي منرتاحش معاهم و مدام هما مش عاوزينا هيشتغلوا معانا ازاي
مازن يبص لمرام و يبتسم محمود يغلي و مرام تبص للدكتور
الدكتور / بصوا اللي حصل مكنش فاير ليكوا كلكوا بس سي لا في و عشان كدا لفرقكوا التلاته هيبقي البروجكت من ١٥ مش من عشره الكل يبص لبعضه و بيتهيالي ده فرصه يا شباب انكوا تنافسوا بعض مش كل مره تبقوا فريق ده هيخليكوا تشتغلوا احسن
محمود / بس يا دكتور
الدكتور / و حاجه كمان انا همتحنكوا بنفسي انتوا التسعه و هعرف مين كان بيشتغل و مين كان مطنش يعني اي كان اللي هيشتغل هياخد درجات و اللي مبيشتغلش مش هياخد حتي لو فريقه كسب و درجاته في الحاله دي هتروح لاحسن واحد اشتغل فالفريق التاني تمام
مرام / طب ممكن طلب حضرتك
الدكتور / اتفضلي يا مرام
مرام / انا مش عاوزه مازن فمجموعتي يريت تبقي نيفين
الدكتور / حد عنده اعتراض ... تمام مازن و نيفين يبدلوا و استلموا مشاريعكوا و عاوز اشوف شغل كويس
مازن / ان شاء الله
الكل يطلع
محمود / انت كدا بقيت ففريقي
مازن / مش فارقه يلا شباب
محمود / مش هتيجي تستلم المشروع
مازن / انس هيجي معاك و انا هفطر و احصلك سلام
محمود / احنا لو هنبتديها
مرام / براحته سيبه يمشي انت سمعت الدكتور قال ايه انت تقدر تخلص المشروع ده لوحدك اصلا
لبني / شوفلكوا اوضه و خلصونا
مرام / ليه هو انا زيك
لبني / انتي متعرفيش تبقي زيي اصلا
مرام / فعلا انا معرفش اكون فاشله و مدبلره و شمال فعلا الموضوع ده مش سكتي خالص
مازن / ااااه بتوجع دي
مرام تبصله
مرام / انا هروح استلم مشروعي لو تحبوا تيجوا اهلا وسهلا مش عاوزين براحتكوا
مرام تمشي و محمود و سعد وراها
لبني / هي فاكره نفسها ايه بنت الكلب دي
مازن / مردتيش عليها ليه و هي موجوده
لبني / شاهد يا زياد
مازن / و زياد يعمل ايه يعني انتوا بنات سوا هو لو زياد بيتخانق مع راجل هتدخلي تضربي معاه انا هروح افطر حد جاي
نيفين / هروح استلم البروجكت عن اذنكوا
نورا / انا جايه معاكي سلام شباب
نيفين و نورا يمشوا
لبني / مالها دي
مازن / سبنا بعض
لبني / نو واي
مازن / الجيم ده صعب اوي علي انس قولت اسهلهاله شويه و اخرج مالماتش يمكن ربنا ينفخ فصورته و يعمل حاجه
انس / ايه هي الحفله هتبدا بدرى و لا ايه لسه فاضل اسبوعين عالديد لاين هروح استلم المشروع سلام
انس يمشي
لبني / ايه اللي انت هببته ده
مازن / لو عاوزه كل حاجه تمشي بمزاج جنابك ابقي اللعبي انتي انا ماشي
مازن يمشي
لبني / انت عاجبك كدا
زياد / هو عارف بيعمل ايه سبيه اسمعي انا بقول نروح نشوف سعد ده
لبني / نشوفه ازاي يعني
زياد / يعني نتعرف عليه نعمل اي منظر
لبني / انا مش فالمود روحله انت و انا هروح سلام
زياد / لبني .. لبني
...................
قدام مكتب المعيد
انس / طب هنتجمع فين
مرام / ممكن نتقابل كل يوم فى المكتبه فى الوقت الفاضى بتاعنا
نيفين / هو احنا كلنا هنشتغل سوا
مرام / لا بس المكتبه مش صغيره و اهو برده نساعد بعض
محمود / انا بقول نراجع جداولنا و نحدد المواعيد و نعمل جدول عشان مش كل يوم نضيع وقت فى الاتفاق
نورا / هو انتوا مش مافورين مش لازم فى الكليه يعنى احنا ممكن نتقابل بالليل و نسهر عادى
مرام / انا مش هينفع معايا معلش
نورا / ليه مبتخرجيش بالليل خالص اصل المكتبه خنيقه اوى طب خلوها الكافيتريا طيب على الاقل ناكل او نشرب حاجه
مرام / لا بخرج بس افضل نبقا هنا فى الكليه احسن
زياد يدخل / سورى عالتاخير امال سعد فين
محمود / استلم المشروع و روح
زياد / طب و احنا
محمود / المفروض يدور عليكوا يعنى
زياد / متتكلم باسلوب احسن من كدا شويه مالك
مرام / بص انا هديك رقم سعد و انت كلمه و ظبط معاه تمام
زياد / شكرا
مرام تطلع موبايلها و تدى زياد رقم سعد يسجله و يمشى
نورا / على فكره اللى حصل ده مش هيعدى على خير
محمود يبصلها
انس/ ادعى ربنا انه ميشتكيش لمازن
محمود / تصدق ركبى بتخبط فبعضيها
.........................
عند الكافيتريا
زياد / عملت حسابي ؟؟
مازن / اقعد اقعد
زياد / اوووف
مازن / ايه اتخانقت مع لبني
زياد / الزفت اللي اسمه محمود
مازن يتعدل
مازن / ماله
زياد / حرق دمي هو فاكر نفسه ايه بيتكلم بكل قله الزوق تقولش خدامين ابوه
مازن / بالراحه كدا احكيلي اللي حصل
...........
في مكان فاضي في الكليه
انس / خلاص تمام بكره فالمكتبه الساعه ٢
مرام / تمام
نيفين / ممكن رقمك عشان نعرف نتكلم
مرام / اوك
مرام تطلع موبايلها يرن
مرام / رقم غريب..ثواني  .... الو
مازن / اديني البتاع اللي علي يمينك
مرام / نعم مين معايا ؟؟؟
محمود ياخد الموبايل منها
مازن /ايوه اخيرا معرفتش اوصل لرقمك رقمها كان اسهل ابقي ابعتلي رقمك عشان ابقي اكلمك
محمود / انت هتستهبل
مرام / مين ؟؟؟
مازن / علي العموم براحتك كل مهعوزك هكلمك عليها سلام
محمود / اقسم بالله مهعديهالك
مازن / انا قدامك بالظبط هتيجي انت و لا اجيلك
محمود يرفع عينه يلاقي مازن باصصله و مبتسم و بيشاورله تعال محمود يدي الموبايل لمرام و يروحله بسرعه
مرام / محمود محمود
محمود يروح لمازن بعصبيه يجي يديه بالبوكس مازن يمسك ايده و يلويهاله وراضهره محمود ينزل علي ركبه و مازن متحكم فيه
مازن / بيقولك تو ستوب ذا ترين بول ذا تشاين و انا عارف سلسلتك فين فلم نفسك معايا انا و اخويا عشان انا زعلي وحش
مرام توصل مازن يسيبه
مرام / انت ايه بلطجي
مازن / انا كنت بدافع عن نفسي
مرام / انت جبت رقمي منين و بتكلمني بمناسبه ايه انت عاوز ايه بالظبط
مازن / هعوز ايه عاوز البروجكت بتاعي
مرام / والله
مازن / ملقتش رقمه و لقيت رقمك
مرام / و مكلمتش انس ليه
مازن / افتكرته روح
مرام / تصدق انك صعبان عليا اوي يلا يا محمود
مازن يبتسم مرام تمشي هي و محمود
انس / انا قولت اليوم ده مش هيعدي علي خير
مازن ساكت
نورا / انت كويس
مازن / وصلي نيفين فطريقك
مازن يمشي
انس / ماله ده
نورا / معرفش بس عادي مانت عارف مازن هتيجي اوصلك يا نوفي
نيفين / اوك يلا
...............
في الميكروباص
مرام / انت اتجننت ازاي تخليه يستفزك كدا
محمود ساكت
مرام / ايدك بتوجعك
محمود / سجلي رقمه و مترديش عليه
مرام / انسي انسي
محمود / ماشي
............
في عربيه نورا
نورا / احنا هنشوف المشهد ده كتير اوي الفتره الجايه
نيفين / هو مازن اتصل عليها ليه تفتكري
نورا / متسرحيش بخيالك البت دي مش سكه مازن خالص
نيفين / ليه
نورا / عشان مازن ملوش فالخنقه دي انتي مشوفتيهاش
نيفين / علي فكره عسولة و لذيذة
نورا / هنشوف
..........
تاني يوم بالليل
مرام قاعده بتلف محشي مع جدتها
الست / المسلسل خلص اقلبي شوفي حاجه حلوه البرنامج ده رزل
مرام / ايدي مش نضيفه خلينا نخلص و ندخل ننام
الست / علي رايك
المذيعه / مساء الخير عشاق السوشيال ميديا النهرده معانا فيديو عمل اربعه مليون مشاهده فاسبوع بس دي مش اول فيديو يحقق مشاهده عاليه و لا اول لايف لان الضيف اللي معانا النهرده له سبعه مليون فولور عالفيس بوك بس و اما بقي بالنسبه للانستاجرام و التويتر فحدث و لا حرج نشوف اول فيديوا و نبدا حوارنا
مرام / ايه الاوفر ده
الست / قولتلك اقلبي
الفيديو خمس عربيات راكنه جنب بعض و حد راكب موتوسيكل و بينط من فوقيهم و الكل بيسقف
المذيعه / ازيك يا مازن
مازن / الحمد لله ازي حضرتك
مرام / انا هقلب
الست / استني
المذيعه / الحمد لله قولي بقي كنت بتفكر فايه و انت بتنط كدا
مازن / مكنتش بفكر لو كنت فكرت مكنتش نطتها هههههههه
المذيعه / هههههههه فدي معاك حق بس يا تري كنت متوقع النجاح اللي حققه الفيديو ده
مازن / بصي بصراحه هو انا لما نطيت مكنتش عارف اصلا اني بتصور و كان كل تفكيري فالحركه اني اعملها صح لما خلصت صحابي وروني الفيديو و كنت فرحان طبعا اني لسه عايش ههههههه فشيرته
المذيعه / هههههههه الطبيعي لما بيعملوا الحاجات دي بره بيبقي في معاملات امان او فريق طبي انت وضعك كان ايه
مازن / لا بالنسبالي الموضوع جه فجاه احنا كنا سهرانين شله و فجاه جت الفكره نفذتها فلحظتها فلا مكناش مستعدين
المذيعة / مخفتش
مازن / وقتها لا بعدها اه اوي اللي هو علي قد لحظتها مكنت مبسوط باللي عملته علي قد مقولت ايه اللي عملته ده
المذيعة / ندمت يعني
مازن / الواحد مش المفروض انه يندم علي اي حاجه عملها فحياته لانه اكيد استفاد بالتجربه
المذيعة / اشرح اكتر
مازن / نطه زي دي اكيد مهما كانت خطورتها و الجنون لحظتها بس النجاح فيها اكيد زود ثقتي بنفسي اكيد اداني شهره و انا هنا اهو مع حضرتك يعني
المذيعة / نشوف فيديو تاني؟؟
مازن / اتفضلي
الست / الواد ده غلبان اوي
مرام / غلبان ده حيوان
الست / انتي تعرفيه
مرام / معايا فالكليه واد فاشل و مدبلر و صايع و بتاع بنات و مستفز و مقرف و
الست / حيلك حيلك خلاص
مرام / النهرده ضرب محمود فالكليه لواله ايده
الفيديو
مازن / فالهند الست هي اللي بتدفع المهر و عندهم يوم بيصوموا فيه الستات بس اللي تصوم عشان ربنا يجمعها بزوجها و يخليهولها و هنروح بعيد ليه هى مش السيده خديجه هي اللي اتقدمت لسيدنا محمد عليه الصلاه و السلام
الست / عليه الصلاه و السلام
مرام / عليه الصلاه و السلام
مازن / هو الفكره ان البنات حساسه شويه مبتتقبلش الرفض عكس الشباب ما شاء الله ايه جبلات و سبحان الله ممكن يترفض من نفس البنت مره و اتنين و تلاته و يفضل يتقدم برضه تناحه هو كدا هتجوزك عند و سبحان الله ممكن تقبل بعد المحاوله الرابعه و لا حاجه يطلع كدا جيم اوفر و يتجوزها طب بعد الجواز انت مقدر لما تتقدم لواحده و تترفض كل ده و بعدين تتجوزها و شطانك يوزك تزعلها هتعمل فيك ايه و لا هو خلاص انت كان كل غرضك انها تقبل و تثبت لنفسك انها وافقت لا طبعا قيمتها هتبقي غاليه ليه احنا كرجاله منطالبش بحقنا فان قيمتنا تبقي غاليه برضه ليه مثلا البنت متتعبش عشان توصلي هو انا مش قد المقام يعني علي راسها ريشه و انا علي راسي بطحه المهم انا كنت بهزر مع بابا فالموضوع ده و قالي يا مازن يابني خدها مني كلمه انت لو البنات اللي بتتقدم هتعنس و الكلمه حزت فنفسيتي اوي الصراحه و احب اهدي الفيديو ده لبابا تقبلي تتجوزيني هتابع الكومنتات بنفسي لمده ساعه يلا سلام
الست / والله دمه خفيف
مرام / انتي هتشليني يا تيته
الست / لفي لفي
المذيعه / اللايف ده حقق نجاح كبير وقتها
مازن / اه الحمد لله اقول لحضرتك حاجه
المذيعة / اتفضل
مازن / الفيديو ده مرعب بالنسبالي اكتر من التاني
المذيعه / معقوله
مازن / جدا التاني اخره ايه هموت لكن ده ذل مدي الحياه و تحفيل زي الفل اللي هو تدفن نفسك بقي دا غير تريقه بابا و دي الكبيره هههههههههه
المذيعة / و ردود الفعل كانت بالنسبالك ازاي
مازن / انا فاكر انه عمل حاجه و عشرين الف كومنت و متابعتش بعدها معظمهم كان دمه خفيف جالي عروض زي الفل بس كان في كومنت عمري مهنساه كان بيقول انت عاوز تفتح علينا فتوحه و بدل ماحنا اللي بنقي و نتامر يجوا هما يتامروا علينا ساعتها بقي كل واحد يعمل البدع فنفسه عشان يعجب و برده مش هيعجب
المذيعة / ههههههههههههههههههه
مازن / الكومنت ده خلاني اعيد حساباتي فالموضوع ده حضرتك متخيله لو ده الوضع ايه اللي هيحصل هيبقي اجره الحلاق اكبر من الكوافير و اشتراك الجيم هيبقي اغلي مالشبكه و الحياه البسيطه بتاعتنا كرجاله هتنتهي و مش بعيد تلاقي منتجات تجميل رجالي و تلاقي الرجاله تصحي الصبح تلت اربع ساعات قدام المرايه قبل متنزل و تلاقي عموا بيقولي ايه مش هنفرح بيك بقي و لا ايه متشد حيلك بقي شويه
المذيعة / ههههههههههه
مازن / كابوس حضرتك بجد و لما فكرت فيه صعبت عليا البنات اللي بتفكر بالشكل ده
المذيعة / ايوه بس احنا مش بنهتم عشان يجيلنا عريس احنا بنهتم عشان احنا بنحب الجمال
مازن / دي حقيقه بس فكري معايا كدا ثانيه ايه كان هيحصل لو مفيش منتجات تجميل او عناية بالبشره كانت كل واحده هتعتمد علي جمالها اللي خلقه ربنا و ثقتها فنفسها هتزيد لان دي حقيقتها ربنا خلقك حلوه و خلينا واقعين شويه انتي لو بتعملي كل ده عشان بتحبي الجمال بتبقي جميله بره البيت بس ليه يعنى انا كزوج امشي مع مراتي فالشارع مزه الكل يتفرج عليها و لما ادخل البيت و انا و هي لوحدينا بقي ترعبينى بربطه شعرك و ماسك الفحم دا حتى الخضه مش حلوه عشانى
.............................