السكه شمال بقلم / لولو_محمد ( كامله )

الحلقه ١٢٧

((((((((((السكة شمال)))))))))))
#لولو_محمد
الحلقه ١٢٧
شريف / انتى بطلتى تصلحيلى ليه ..بالسرعه دى فقدى فيا الامل 
صافى / مش الموضوع هو الفكره انى بحاول اقبلك زى مانت انت مش صافى وهدان سو وات شريف مش وحش يعنى
شريف / كويس انى اتاكدت انى مش عشان مبلبسش جيمى شو و لا عارف الفرق بين الشنيون و الجمب سوت و لا بهتم بالاتيديود دا يقل منى فنظرك
صافى تبصله باستغراب و تبص الناحيه التانيه و هى بتدحك
شريف / تعرفى تقولى قميص نفيسه نشف و لا لسه منشفش عشر مرات ورا بعض بسرعه
صافى / و لا مره واحده حتى هههههههههههههههههههه
شريف / هههههههههههههههههه
.................................
الناحيه التانيه مالديسكو عند البار
تلت بنات من ضمنهم البنت الروسيه قاعدين يدحكوا انس يدخل يقعد جنبهم
انس / هاى
يبصوله و ميعبروهوش
انس / كان اى اوفر يو ادرينك (اعزمكوا على مشروب )
واحده منهم تبصله انس يبص للبارتيندر و يشاورله بايده اربعه عليهم
بنت 1/ اى انجلش نوت جود (انا الانجليزى مش كويس )
انس / و انا مش فارق معايا نتكلم اصلا
بنت 1/ وات ؟؟
انس / وى كود اسبيك ذا لانجودج اوف لوف (يمكننا تحدث لغه الحب )
البنت تدحك انس يبتسم و عينه عالبنت الروسيه بتبص على مازن بيكلم مرام و يهزر معاها
انس / مازن
بنت 1/ وات
انس / يور فريند اذ لوكينج ات ماى فريند هيذ نايم ايذ مازن (صديقتك بتبص على صديقى اسمه مازن )
بنت 1 توشوش صحبتها تبصله
بنت 1/ يور نايم ؟ (اسمك ؟)
انس / انس
بنت 1/ ساشا ..اولجا .. نتالى
انس / نيس تو ميت يو
اولجا لسه بتبص على مازن
انس / هى ايز ماريد (متجوز )
اولجا / تو هير (ليها ؟)
انس / يس
اولجا / بور جاى (مسكين )
انس / ههههههههههههههههههه هى سبيك روشان فيرى ويل (بيتكلم روسى كويس )
اولجا تبتسم
انس / هى ايذ ذا اونر اوف زيز بلايس (هو مالك المكان )
شادى يدخل
شادى / و سايبنى لايص يابن عمى اخص عالمرجله
انس / شادى ماى فريند
شادى / شادى هيز فريند
شادى يسلم عالبنات و بيدحكوا
اولجا لسه بتبص على مازن اللى مونيكا شدته و قامت ترقص معاه
انس / هيز سيستر (اخته )
اولجا / دانس ؟؟ويز مى ؟؟(ترقص؟؟ معايا )
انس / اوفكورس
شادى / وقعت على حجرك يا حنين
انس يبصله و يروحوا يرقصوا سوا شادى يروح يلزق فى البنتين التانيين
..............................
فى السعوديه
مديحه  قاعده تبص لكام غويشه فى ايدها فى الفندق و سميحه بترص حاجات فى الشنط
مديحه / انا لو اعرف ان الدهب هنا رخيص كدا كنت جبت معايا فلوس بزياده
سميحه / تتهنى بيهم يا مديحه
مديحه / باقى معايا قرشين بقول اجيب بيهم انسيال و لا خاتم لمروه اهو اعمل منظر قدام اهلها ميقولوش ياما راحت ياما رجعت
سميحه / و ماله هاتيلها
مديحه / بس كدا مش هيتبقى معايا فلوس اجيب هدايا لحد اعمل ايه
سميحه / يا ستى مانا جبت هدايا للكل متشغليش بالك
مديحه / لا برده ميصحش
سميحه / يعنى اللى هيجى يسلم علينا هياخد ايه اكتر من سبحه و عبايه و لا جلبيه و سجاده انا جبت خلاص
مديحه / على رايك بس شويه الهدوم اللى جبتيها لمرام تهبل ابقى اديى واحد لمروه عشان تقول افتكرتيها
سميحه / جيبالها منغير متقولى
مديحه / اصل هى مرام ناقصها هدوم و لا حتى الحاجات دى هتملا عين مازن دا تلاقيه بيجيبلها مالسنيهات الغاليه دى دا راجل صاحب مزاج و اكيد هيدلع روحه يعنى
سميحه / اللى انا شيفاه ان عين مازن مليانه منغير حاجه يا مديحه بس الواحد بيحاول يعنى يسعد مرام مش اكتر
مديحه / ياختى و هى سعادتها فى اللبس سعادتها فى حضن جوزها دا تلاقيهم هايصيين فى البحر دلوقت عينى عليك يابنى يعنى هما لو كانوا مسكوا فيه يعنى مش كان راح
سميحه / هو مش انا و انتى اتحايلنا عليه و الناس مسكوا فيه عاوزه ايه يا مديحه يربطوه و ياخدوه غصب يعنى و بعدين بصراحه ابنك معاه حق يسيب خطيبته و يروح ليه
مديحه / اهو كان يغير جو يشوف اماكن مشفهاش
سميحه / بكره ياخد عروسته و يلف الدنيا اهمدى انتى بس و نامى عشان نلحق الفجر
مديحه / و انتى من اهله يا حجه
..................................
فى الديسكو
مازن و مونيكا يروحوا يقعدوا وسط الجروب
مونيكا / اوووف انا تعبت خلاص هههههههههههههههههههه
مرام / كان شكلكوا عسل اوى
انجى / انتى مبترقصيش ليه يا مرام
مرام / مبعرفش اعمل الحاجات دى
لبنى / يعنى مبتعرفيش ترقصى
مرام / مش الرقص ده
مونيكا / مرام بترقص اوريانتال ايه
مرام تبتسم بخجل
مونيكا / داحنا خربناها فى خطوبتك فاكره
مرام / دا هى اغنيه واحده اللى رقصت عليه
مونيكا / دانتى نشفتى دمى على مقومتى اصلا يوميها اصلا استنوا احكيلكوا دى يوميها مرام كانت بالحجاب و كدا و كل الستات بيتكلموا بقى عن حاجه اسمها رؤيه شرعيه و كدا
مرام تبص الناحيه التانيه بخجل
مازن / لقيتهم بينادونى و يقولوا اطلع مرام عوزاك ... اوبا عوزانى ليه دانا خاطبها بالتدبيس اصلا لتكون رجعت فى كلامها ربنا يستر طلعت اجرى لقيتهم قافلين الباب
مونيكا / بس بقى انا اللى بحكى المهم انا كنت معاها جوه و اقلعى الطرحه ابدا يا بنتى جربى المهم بعد معاناه طلعت عشان اخد الرياكشن بتاع مازن لما يشوفها اول مره بشعرها و دى يادوب خطف كدا هاى باى دخلت تجرى و قفلت الباب انا المنظر كلو متصور معايا عالموبايل استنوا اوريهولكوا
سوزى / لا بس انت يا مازن فاجئتنا كلنا اللى هو احنا كنا معاك امبارح مثلا فجاه لقينا اللايف و الكل بيعمل منشن لمرام اللى هو مين دى اصلا هو فى ايه فجاه مازن خطب مازن فسخ مازن خطب مازن فسخ مازن اتجوز
فادى / انتى هتقوليلى يوم فرحكوا يا مرام انا فجاه صحيت مالنوم لقيت مارينا بتقولى قوم النهرده فرح مازن اللى هو نعم يعنى ازاى حضرتك فرح مازن مين اللى هو مين بيعزم حد برساله عالموبايل يعنى دا اكيد مقلب و كدا و لقيتها نازله تجرى تجيب فستان جديد و كوافير اتصل بده بيجهز اتصل بده بيجهز ايه ده بجد هو فى ايه
مازن / مهى مرام متجيش غير كدا على فكره
مونيكا / انتوا متخيلين ان يوم الخطوبه كلنا عارفين ان مرام هتتخطب الا هى
مرام / ايوه انا كنت فكراه جاى يتقدم لسه و ده كان الاتفاق اصلا تيته كانت لسه عامله عمليه و خارجه مالمستشفى
كامل / بس انتوا كنتوا عاملين فراشه و خيل و بتاع
مرام / والله ماحنا دول الجيرنا
مازن / الجيران كانوا بيحتفلوا برجوع تيته سميحه مع خطوبتنا و كدا و على فكره كتب الكتاب انا كنت رايح اتقدم تانى برده بس المرادى خدت معايا الماذون
سوزى / عجبنى مهرك اوى
مازن / يا بنتى دا كان تعجيز صح و لا لا
مرام / صح انا قولت عمره مهيحفظ اصلا خصوصا فى الوقت القصير ده و خصوصا بعد مفسخنا و كل واحد راح لحاله كل شويه يجيلى و يقولى انا حفظت و قريب هاجى و اقوله مفيش نصيب يابنى مفيش نصيب و هو يرجع تانى
مازن / والله شوفوا والله لو كنت اترفضت لكنت فضلت لحد النهرده اتقدم كل يوم لحد مخليها تستسلم فى الاخر و توافق و قولتلك ده حصل و لا لا
مرام / حصل
مارينا / قولنا بقى ايه اكتر حاجه بتحبها فى مرام
مازن / كلها و بلاش الاسئله الهبله دى
مونيكا / بوووووو متقول يا ابيه هو احنا هنحسدكوا اكيد فيها حاجه يعني ايه اكتر حاجه بتحبها فيها حاجه متتخيلش مرام من غيرها
مرام / اقول ؟؟؟
مازن يبصلها و يبتسم
مازن / شعرها
انجى / مشوفتوش بس على كدا شكله حلو اوى
مونيكا / اه بسم الله ما شاء الله شعرها جميل
سوزى / و الحجاب مش ماثر عليه يا مرام مش كاتمه يعنى اسمع ان الحجاب بينشف الشعر و يوقعه
مرام / لا طبعا و الا مكنش ربنا فرضه بصى بيتهيالى الشمس و التراب اكيد منطقى ياذو الشعر اكتر و بعدين الحجاب لو صح و مش شادد الشعر مش هياذيه و اكيد مبتلبسيش الحجاب طول الوقت يعنى
هانيا / اصلا شابو يا مرام الواحد مننا لابس اللى عليه و مش طايق نفسه مالحر انتى قادره تستحملى ازاى اصلا
مرام / اتعودت عادى
لبنى / طب نرجع لموضوع الرقص مش هتقومى تورينا
مرام / لا طبعا مينفعش
هانيا / يا ستى نشغلك اغنيه شيك شاك شوك و لا اى حاجه
سوزى / لا شغلى مهرجانات و خلينا نخربها بقى
لبنى / بسيطه ثوانى اكلم الدى جاى
مرام / لبنى استنى متتعبيش نفسك مش هينفع برده
لبنى / ليه يا بنتى مكلنا مع بعض محدش غريب
مرام / مبرقصش قدام رجاله
فادى / مات الكلام هنا
سوزى / بالنسبالكوا بالنسبالنا احنا نطلع فوق و نقفل علينا اوضتنا و نولعها ايه رايك يا مرام
مرام / مدام بنات بس انا دايسه قشطه
هانيا  / ايوا بقى يا مرام يا جامد
مازن / انا معاكوا فى الليله دى
مونيكا / لا يا بابا جيرلز اونلى انسى انسى روح خليك مع الخناشير
مازن / انا جوزها يا حبيبتى لا تنطبق عليا القواعد
كامل / ياعم مازن خليك مع الرجاله تكسب دا على راى المثل قاعده الراجل بميت ست
مروان / كمل بقى و لما تيجى الست
فادى / يغور الميت راجل ههههههههههههه
مارينا تزغده
فادى / مانتى الست دى يا حبيبتى والله مقصدش
الكل يدحك
..............................
فى اوضه مازن
مازن نايم عالسرير بيكلم مرام فالتليفون
مازن / ههههههههههه و بعدين
مرام /  انا مش عارفه شريف ده غبى و لا ايه يعجب باريج و يسيب صافى طب دى مزه انا جنبها بحس انى جعفر فنفسي خالص 
مازن / ههههههههههههههههه عسل
مرام / مبهزرش كريم مش عارف ايه اول متصحي و كريم ايه قبل متنام دى معاها شنطه مليانه كريمات قعدت ساعه كامله تشرحلى كل كريم بيعمل ايه لما فصلت و فالاخر زهقت منى و سابتني و نامت
مازن /انتى مش محتاجه كل ده عشان تبقي حلوه
مرام / مانا قولتلها كده قالتلى انا مش بحط عشان ابقي حلوه مفيش حاجه من دى هتخليني حلوه انا بحط عشان افضل حلوه بس بصراحه معاها حق هى اكبر منى فالسن بس اللي يشوفها يقول بنتي
الباب يخبط
مازن / خليكي معايا ثانيه
مازن يروح يفتح الباب يلاقي اولجا
اولجا/ بريفيت (هاى)
مازن / كومناتا اشيبكا ( الغرفه خطا)
مازن يحاول يقفل الباب اولجاتحط رجلها يفتح تانى و هو مدايق
مازن / إشتو (ماذا؟)
اولجا/ نيستس نيايتيس(لا تكن خجولا)
مازن / يا بابراشوا بيزابازنوستى ( ساطلب الامن)
فجاه مرام تدخل تلف شعر البت على ايدها و تشدها لورا تنطرها عالارض لاخر دراعها و تبص لمازن شظرا
مرام / يلا يا بنت الكلب من هنا
مازن / مرام
اولجا/ بريزريانيي شيليازا ( وغده حقيره)
اولجا تقوم تحاول تضرب مرام مازن يحوش فالنص و يشد مرام يدخلها الاوضه
مرام / سبني عليها بنت الكلب دى
مازن / أويتى ( امشي )
مازن يدخل و يقفل الباب و اولجا تبص حواليها الجروب كلو طلع يبص عليهم
مازن يبص على مرام واقفه بتغلى
مازن / ايه اللى عملتيه ده هههههههههه
مرام / صعبت عليك معلش ليك حق مانا ضربتلك الليله
مازن / انتى بتقولى ايه يا مرام امال لو مكنتش خبطت و انا بكلمك فى التليفون و بعدين انا لو ليا مزاج يعنى هوقفها عالباب ليه مكنت دخلتها
مرام /طب كنت اعملها
مازن / هههههههههههههههه لا اله الا الله
مرام / انت عاوز تشلنى انا بغلى و انت بتدحك
مازن / تصدقى معاكى حق وشك احمر و شكلك بتغلى فعلا انتى عارفه انا بقول ندخل ناخد دوش ساقع يبردك
مازن يحرك مرام بالراحه ناحيه الحمام تزقه
مرام / انت بتقول ايه انت وسع كدا
مازن / ههههههههه بهزر معاكى ممكن تهدى
مرام / انا مش طايقه نفسي هى الكلبه دى شتمتنى قالت ايه
مازن / و عرفتى منين انها بتشتمك
مرام / طريقتها شتيمه و بعدين طبيعى اى واحده هتتكعور كدا لازم تقوم تشتم
مازن / هههههههههههه لا بس انتى رهيبه ايوه كدا حسسينى انك بتغيري عليا اموت انا فالواد الخطر
مرام / يا سلام و انت لو كنت لقيتنى واقفه برطن مع واحد و عمال يتمايص عليا كنت عملت ايه
مازن / كان زمانهم بيكفنوه دلوقت
مرام / بس انا اصلا مكنتش هديله فرصه مش زيك عمال ترغي معاها
مرام تبصله بحزن يقرب منها
مازن / انا ابدا والله انا حتى قولتلها هطلبلك الامن
مرام / امال كنت بتكلمها فى ايه عجباك اوى بكره اتعلم روسي و افهم كنت بتقولها ايه
مازن يحضنها
مازن / و لا يملى عينى غيرك انت يا جميل و ان كان عالروسي ااعلمك لوبيتيا فاس بحبك
مرام / اوعى انا مخصماك
مازن / هصالحك
مازن يحاول يبوسها تبعد و تروح تحاول تفتح الباب بسرعه يمنعها
مازن / رايحه فين
مرام / اوعى سبنى خليك فالزفته بتاعتك
مازن / انتى بتاعتى
مرام / بعينك
مازن يزنقها فالباب و يبص فعنيها
مرام / بتحبنى
مازن / اوى
مرام / اوى ؟
مازن يحاول يبوسها الباب يخبط مازن يقف معدول و مرام تتعدل و يبصوا لبعض يشورلها تدخل الحمام و يفتح
زياد / فى ايه يابنى تليفونك مشغول ليه
مازن يبص عالتليفون يلاقيه عالسرير جنب بتاع مرام و المكالمه لسه مفتوحه بين الاتنين يقفلها و يرجع لزياد
مازن / فى ايه
زياد / هو ده تليفون مرام هى هنا
مازن / اه هنا فى ايه يابنى اخلص
زياد / طب خلاص يا عم لو اعرف كنت اتصرفت من بره بره عن اذنك
زياد يجى يمشي مازن يمسكه
مازن / فى ايه يا بتاع انت ايه اللى حصل
زياد / يا عم البت الروسيه دى اللى كانت مع انس فالديسكو عامله مشاكل فالريسبشن تحت و طالبه السفير  محدش عارف يهديها و عماله تتكلم هى و شهاب و انا مش فاهم خفت يكون بيسخنها خليت حد يترجملى و فهمت انها عاوزه تاذى مرام هو ايه اللى حصل
مازن /انا جاى معاك
مرام تطلع مالحمام
مازن / خليكى هنا
مازن يفتح الدولاب و ياخد غيار و يدخل الحمام مرام تقعد عالسرير
زياد / هو ايه اللى حصل
مرام / امها مكنتش فاضيه تربيها قولت اساعدها
مرام تبص الناحيه التانيه زياد يروح يقعد جنبها
زياد /  ضربتيها
مرام / كانت ناويه اقطم رقبتها بس مازن حاشني
زياد / هههههههههه بتتكلمى جد
مرام تبصله مازن يطلع مالحمام يخبط على كتف زياد و يمشوا و يقفلوا الباب وراهم ثوانى و الباب يخبط
مرام / مين
لبني / انا لبني يا مرام افتحى
مرام تفتح الباب و لبني و هانيا و مونيكا و سوزى و انجى يدخلوا مرام تبص تلاقي شريف واقف بيبص عالباب
مرام/ مروحتش معاهم ليه
شريف / مازن قالى اخليني هنا جنبك
مرام / انا ضربتها
شريف / جدعه ههههههههههه
مرام /بتدحك بيقولوا كلمت السفير
شريف / انتى مراه مازن منتصر هتلاقيه جايبها تعتزرلك كمان شويه
لبني تطلع مالاضه
لبني / انتى واقفه ترغى هنا و احنا هننفجر مالفضول جوه تعالى هنا قولي ايه اللى حصل سورى يا شريف
لبني تشد مرام جوه و تقفل الباب
...............
فى مكتب المدير
شهاب / احنا كلمنا السفير و الموضوع انتهى
مازن / و ماله هو احنا اعترضنا انت اعترضت يابني
زياد / لا والله محصل
مازن / شوفت يانس و ينور بس انا كمان من حقي اطلب السفير بتاعى مازن يطلع من جيبه باسبور امريكي و يوريه لاولجا
مازن / سربريز (مفاجاه
اولجا / ساربيا ايتا بريزريايني (ساربي تلك الحقيره
مازن / ههههههههههه اوداشي ( بالتوفيق
مازن يقعد و يحط رجل على رجل
اولجا / باسول بريبوديت ( السفير هيجي
مازن / يا شدو يجو ( اديني مستني
شهاب يبص لزياد
شهاب /انا بقول نلم الليله و لا ندخل السفير ده و لا السفير ده و مرام تيجي تعتزر
مازن / ششششششش مرام مين اللى تعتزر و لمين لدى انت الضرب اللي كلته الصبح اثر علي دماغك و لا ايه بقولك ايه
زياد يطلع دفتر شيكات و يكتب شيك و يحطه قدام مازن
مازن / ايه ده
زياد  / تاخدلها قرشين و تسكت و نقفل الليله
مازن / تعتزر لستها الاول
زياد / مازن متحطش النار جنب البنزين
مازن / دا اللى عندى عن اذنكوا
مازن يطلع بره
زياد / ميه الف دولار و تعتزر لمرام ترجملها و اقنعها انت عارف مازن كويس خليها تلم الليله
زياد يقوم ورا مازن
زياد / انت لسه هنا دانا قولت هتطلع تلحق الليله قبل متنضرب
مازن / فايق ورايق اوى
زياد / متقولش لسه ملوداك عيبه فحقك يا ميزو الله
مازن / زيزو اعدل دى مراتى ماشي اظبط عشان منزعلش من بعض
زياد / هههههههههههه ياعم بهزر معاك لقيتك قافش قولت افكك بس تصدق البت طلعت جامده و تستاهل دانا شوفت التسجيل فكاميره الدور يلاهوى طيرت البت ههههههههههههه عجبتني
مازن / هههههههههههههههههههه
شهاب يطلع من جوه
شهاب / وفقت
البنت تطلع مازن يبصلها ويمشوا كلهم
................