السكه شمال بقلم / لولو_محمد ( كامله )

الحلقه ٦٧

((((((السكة شمال ))))))))))
#لولو_محمد
الحلقه السابعه و الستون
مازن / سكتى ليه
مرام / بسمعك
مازن / بحبك اوى يا مرام
مرام / شكرا
مازن / شكرا !!!
مرام / امال ارد اقول ايه
مازن / ماشى هعلمك و اكسب فيكى ثواب دى لما اقولهالك تردى و تقولى و انا بموووووت فيك
مرام / هههههههههههههههههههههههه يعنى اى حد يقولى بحبك اقوله و انا بموت فيك
.................................
مازن / اه طبعا يا حبيبتى لو عاوزه تموتى انتى و هو ان شاء الله على ايديا قوليله
مرام / هههههههههههههههههه انت بتغير بقى
مازن / مش من طبعى على فكره
مرام / يعنى مش هتغير عليا
مازن / لا بغير و بغير جدا كمان و مش هتصدقى انا كنت عامل ازاى فى الفتره بتاعه الزفت احمد دى اسالى شريف
مرام / مع انك كنت خاطب
مازن / محصلش انا مخطبتش هى اللى فرضت نفسها عليا كل ده كان تمثيل عشان خاطر بابا بس ياريته عجب
مرام / مازن ممكن اقولك حاجه بس متزعلش منى زى المره اللى فاتت
مازن / انا عمرى مزعل منك
مرام / الشيطان كان بيقولى انى لعبه بينك و بين احمد بتعاندوا بعض عليا و دلوقت بيقولى انك بتعاند باباك بيا
مازن / اولا احمد هو اللى كان بينتقم منى فيكى و صدقينى عمرى مكنت هسمحله اصلا و متنسيش انا حاولت بس انتى اللى كنتى مصره
مرام / اه السراب و الصحرا و اللبيب حلو التحزير ده
مازن / بتالسى عليا حقك ماشى
مرام / هههههههههههههههه
مازن / اما بقى بالنسبه لبابا فلا انا مش بعانده فيكى انا ارتباطى بيكى يعنى انى بخسره
مرام/ و دى حاجه تفرحنى
مازن / لا و عارف و ليكى حق تدايقى و انا كمان مدايق بس انا مش هقدر اضحى بسعادتى عشان ارضيه انا مش هقدر اتنازل عن الحاجه الوحيده الحلوه فحياتى عشان شويه فلوس انا مش عاوز الفلوس انا عاوزك انتى
مرام / يعنى لو جه يوم و خيرك بينى و بين
مازن / هختارك لو بينك و بين الدنيا هختارك
مرام / توعدنى بده
مازن / اوعدك
مرام / روح يا مازن احفظ احسن مالرغى ده و هستناك تعدى عليا يلا روح
مازن / حاضر مع السلامه
مرام / سلام
مازن يقفل السكه و يقوم يسجد عالارض
مازن / شكرا شكرا شكرا شكرا شكرا شكرا
مازن يقوم و يجرى يجيب المصحف و يقعد يحفظ و هو طاير مالسعاده
.................................
فى شقه مرام
الباب يخبط مرام تروح تفتح و هى بتلبس الطرحه و الدبابيس فى بقها
محمود / صباح الخير
مرام / صباح النور ثوانى هعدل البتاعه دى مغلبانى مالصبح
مرام تروح تقف قدام المرايه و تركب الدبابيس
محمود / انما ايه الحلاوه دى متشيكه يعنى
مرام / عاوز ايه يا بكاش
محمود / يا سلام هو انا لازم اكون عاوز حاجه يعنى عشان بقول انك حلوه
مرام / ههههههههههههههه خلاص خلاص متقفش كدا اخيرا اوف
محمود / هى تيته فين
مرام / خرجت من بدرى معرفش راحت فين
محمود / كنت عاوز اكلمك فحاجه
مرام / شوفت عشان مترجعش تقفش عاوز ايه
محمود / بجد بقى
مرام / سورى سورى اتفضل
محمود / بصى الحقيقه انا اترددت كتير اوى قبل مكلمك و فكل مره كنت باجل الموضوع ده كنت بندم اوى و اخيرا يعنى بصى انا
تليفون مرام يرن
مرام / مازن وصل يلا عشان منتاخرش و نكمل كلامنا فى السكه
محمود / مازن ؟؟ هو جاى ليه يعنى
مرام / هيوصلنا
محمود / بمناسبه ايه هو مش سيره و اتفضت يعنى مش خلاص
مرام / هو ايه اللى خلاص
محمود / ماما قالتلى امبارح ان الموضوع باظ و خلصنا
مرام / ايوه مهو خالو صفوت
محمود /خالو ؟؟
مرام / اووووف بص جه و اتكلم معايا و رجعنا سوا
محمود يبصلها
مرام / ممكن يلا عشان منتاخرش
محمود / اتفضلى
مرام و محمود يطلعوا و ينزلوا سلمتين
مرام / ياربى كنت هنسى اسبقنى و انا هحصلك عشان ميستناش كتير لوحده
محمود يبصلها و هو فاتح بقه
مرام / يلا يا محمود اتحرك اتاخرنا
مرام تزق محمود يمشى و هو بينفخ مرام ترجع الشقه تفتحها و تدخل
...........................
فى الشارع
مازن واقف ماسك بوكيه ورد فايده تليفونه يرن
مازن / الو
نورا / ازيك
مازن / الحمد لله انتى عامله ايه
نورا / انا الحمد لله كويسه انا اترددت كتير قبل مكلمك
مازن / ليه
نورا / بصراحه مكنتش متخيله انى هباركلك تانى بالسرعه دى بس صدقنى المرادى فرحتلك من قلبى مرام بنت كويسه اوى احسن من ماهى بكتير
مازن يشوف محمود جاى يفتح الباب ورا و يحط الورد و يقفل الباب
مازن / اصلا حوار ماهى كان فاكس اساسا انتى عارفه انى عمرى مهبصلها اصلا
محمود يقف قدام مازن و يفتح الباب و يركب و يرزع الباب و مازن يطنش و يقعد عالكابوت يكمل مكالمه
نورا / انا سعيده انى سمعت صوتك
مازن / انا اكتر نورا بصى انا مش عاوز اتطفل عليكى بس بجد لو محتاجه حاجه
نورا / متقلقش مش محتاج توصينى بس صدقنى انا مش محتاجه اى حاجه نهائى
مازن / تمام
مرام جايه من بعيد مازن ينزل يفتحلها الباب و يسده بجسمه و محمود من جوه بيبصله بقرف
نورا / انا هقفل بقى سلام
مازن / سلام
مازن يحط التليفون فى جيبه
مرام / صباح الخير
مازن/ صباح النور ايه الحلاوه دى
مرام / شكرا
محمود / متوسعلها يابنى خليها تركب خلينا نمشى هنتاخر
مازن يوسع و مرام تركب و مازن يقفل الباب و يروح يركب مرام تبص جنبها تلاقى بوكيه الورد تبتسم و تبص على مازن و تطلع الموبايل و تكتب رساله
مرام / يا ترى البوكيه ده لمين
الرساله توصل لمازن يبص عليها و يكتب توصل لمرام تشوفها و تبتسم
مازن / لحبيبتى تفتكرى هيعجبها
مرام تبعت رساله تانيه تليفون مازن يرن
محمود / ممكن تسيب الزفت ده و تركز فى الطريق
مازن يبصله و يحط الموبايل جنبه و يسوق و مرام تسحب ورده مالبوكيه و تشمها و هى بتبص مالشباك و مبتسمه
........................................
فى امريكا فى محل لشرايط الفيديو
نورا واقفه ترص مجموعه سيديهات الشاب المصرى يدخل نورا تشوفه تستغرب
نورا / هعمل نفسى هبله و اتخيل انك هنا صدفه
الشاب / بصراحه لا مش صدفه انا سالت كتير لحد معرفت انك بتشتغلى هنا
نورا / فى كافيه عالناصيه بيعمل قهوه حلو اوى استنانى هناك عشان انا معنديش اى استعداد انى اخسر شغلى بسببك هخلص الشيفت و اجيلك اوك ؟؟
الشاب / تمام
نورا / تمام
الشاب يمشى و نورا تكمل شغل
................................
فى الكليه
مازن يركن العربيه و ينزلوا و يروحوا ناحيه المبنى و محمود بيمشى فى النص لحد ميقابلوا سعد
سعد / صباح الخير
محمود / صباح النور
مرام / بليز قولى انك حجزتلنا
سعد / حجزت اتنين جنبى
اريج تدخل
اريج /انا بقى حجزت تلاته جنبى ... صباح الخير
اريج تبوس مرام
مرام / صباح النور ازيك
اريج / هتقعدوا جنبى يلا المحاضره هتبدا
زياد يدخل ووراه لبنى
زياد / صباح الخير ازيكوا
مازن يحضن زياد   
لبنى / مفيش مشكله يا زيزو خلينى اقعد جنب سلفتى شويه
اريج يلا المجموعه تتقسم زياد يقعد و جنبه مازن و جنبه محمود و جنبه سعد و الدكتور يدخل
محمود / مش هخلص منك انا صح
مازن / مش هرد عليك
محمود / طبعا بعد مصاحبك حاول بالفلوس و العرفي و منفعش مسابش قدامك غير انك تتقدم تتجوزها صح
مازن يبصله باستغراب
مازن / قصدك ايه
محمود / انت فهمت قصدى متصعش
مازن يوطى علي زياد
مازن / بدل معايا
زياد يقوم و يبدل مع مازن و الدكتور شغال
زياد / ازيك يا حوده
محمود يبصله بقرف و يركز فالمحاضره
زياد / عازرك مش سهله برده حلوه و تستاهل
محمود يقوم يضرب زياد و مازن و سعد يحوشوا
الدكتور / بس بس فين الامن ... الامن
الامن يدخل و يسحبوا الاربعه بره و الدكتور وراهم
لبنى / فالجر انا عارفه الاشكال دى سايبينها ليه
مرام / اهو بلاء من ربنا و صابرين عليه
مرام تلم حاجتها وتروح وراهم
.................
فمكتب العميد
زياد / هو اللى اتهجم عليا و ضربني و الدفعه كلها شاهده انا معملتش حاجه
العميد / انا مش قادر اصدق ان تصرف زي ده يطلع منك انت
محمود باصص فالارض
العميد / انا عمرى متخيلت انى هضطر افصل طالب زيك بس لو اعتزرت و زميلك قبل اعتزارك انا ممكن اعتبر ده محصلش
محمود يبص لزياد مبتسم اوى و يبص الناحيه التانيه
مازن / مفيش لزوم حضرتك الموضوع مش مستاهل
زياد / ايه
مازن / كان هزار عادى و احنا اللي اسفين يا محمود
محمود يبص الناحيه التانيه و زياد باصص لمازن
العميد / زياد
زياد / محصلش حاجه محمود ده اخويا و انا متاكد انه ميقصدش
العميد / روحوا المحاضره و ياريت متتكررش
الكل يمشي
العميد / محمود
محمود يقف و يبص للعميد
العميد / انا مش هقدر اغمض عيني المره الجايه
محمود يهز راسه و يطلع بره
زياد / ايه يا حوده القطه كلت لسانك جوه و لا ايه
مازن / بس يا زياد
مرام واقفه بعيد بتبص عليهم مازن يروحلها
مازن / ايه اللي خرجك مالمحاضره
مرام / هتفضلوا كدا لحد امتى
مازن / اسالي محمود
مرام / هو مش مجنون عشان يضرب زياد منغير سبب و بعدين انت بدلت معاه ليه اصلا
مازن / برده اسالي محمود
مرام / ليه كل مسالك على حاجه تقولي اسال  تاني انت ليه مش بتريحنى
مازن/ عشان الاجابه اصلا مش هتريحك بس عالعموم الغلطه دى مش هتتكرر اوعدك
مرام / انا مقدرش اتخيل حياتى و انتوا بتتخانقوا كدا طول الوقت و برده مقدرش اتخيلها منغيركوا
مازن يبتسم
مرام / ايه يعني الله مش خطيبي
مازن يبتسم اكتر
مرام / مستفز اوف عليك
مرام تسيبه و تروح عند محمود واقف مع سعد
سعد / لا طبعا غلطان
مرام / محمود انت كويس
محمود / فارق معاكى اوى
مرام تبص لسعد بحرج يسيبهم و يمشي
مرام / طبعا فارق يا عبيط مش اخويا
محمود / لا مش اخوكى خلاص
مرام / بجد؟؟ بالبساطه دى؟
محمود / قولتيلى قبل كدا لو خيرتك بينى و بين الكلب ده هتختاريني اثبتى
مرام / انت بتتكلم جد
محمود / انا و لا هو
مرام بصاله باندهاش و ساكته
محمود / قولتى و لا مقولتيش ايه ؟؟ كنتى بتسكتينى تلت ايام و هرفضه ايه غير رايك
مرام / مرتحاله
محمود يبصلها
مرام / ايه قولت حاجه غلط و لا عيب مش خطيبي بتبصلى كدا ليه كانى عملت جريمه
محمود / اشبعى بيه بس لما يزهق منك متجيش تعيطيلى
محمود يزقها و يمشي مازن يروحلها
مازن / انتى كويسه
مرام تبص فالارض و تدارى دموعها
مازن / تعالى نفطر كدا كدا المحاضره راحت علينا
مرام / هروح الحمام ثوانى
مرام تدخل اقرب حمام و تعيط
.................
فالكافتريا
لبنى تدخل تلاقي ماهى قاعده
لبنى / مصدقتش نفسي لما كلمتيني
ماهى / مصدقتش نفسي انك كنتى فالمحاضره اصلا
لبنى / ههههههههههههه فاتك فيلم اكشن مقولكيش غرام و انتقام
ماهى / ههههههههههههه تموتى انتى فالحاجات دى
لبنى / اهو بنتسلى
ماهى/ امال فين العرسان عشان اباركلهم
لبنى / اهم جايين هناك اهم
ماهى تقوم تقف و تبص لمازن و تبتسم مازن ملامحه تقلب و ياخد مرام ترابيزه بعيد ماهى تروحله
ماهى / ايه يا مازن عروستك تقول عليك ايه خايف منى
مازن / و اخاف من ايه احنا بس كنا عاوزين نقعد فمكان نضيف
ماهى / ههههههههههه دمه خفيف اوى مش كدا ... ايه ده عنيكي مالها حامره كدا ليه كنتى بتعيطي و لا حاجه
ماهى تمسك وش مرام مرام تزق ايدها مازن يشد ماهى بعيد
مازن / ايه مبتشبعيش فضايح
ماهى / ايه دى بزمتك دا منظر بنت تخطبها بعدى بصراحه ليك حق تخبى عن الكل اصلها تكسف
مازن / قهراكى صح
ماهى / الجربوعه دى
مازن / ستك و تاج راسك و جزمتها عندى برقبتك و رقبه عشره من عينتك و انا لو منك امشي بدل مبعتر الباقي من كرامتك فالارض
ماهى / ههههههههههههههه ماشي همشي بس متزعلش بقي من قلبتى سلام يا عريس
ماهى تمشي و مازن يبص للبنى بقرف و يروح يقعد مع مرام فى صمت مرام تفتح الشنطه و تطلع علبه و تحطها قدام مازن يبصلها و بعدين يبص لمرام
مرام / افتحها
مازن يفتح يلاقي تارت و شيكولاته و شوكتين بلاستيك
مرام / عملتهالك انت بتحبه
مازن / بحب اى حاجه منك
مرام تبتسم و مازن ياخد الشوكه و يقطع حته و يحطها على بق مرام تاخد الشوكه و تاكلها
مرام / شكرا
مازن / انا مبسوطه انه عجبك ... جزمه
مرام / ايه؟؟؟
مازن / مش فاكره فالمطعم لما حرقتى دمى و خلتيني امشي اكلم نفسي
مرام / بليز متفكرنيش بجد مدايقه من نفسي اوى
مازن / احسن ... بس ليه
مرام / ازاى كنت بالسذاجه دى
مازن / هو اللى عيل واطى انسي انسي خدى حته
مرام / لا كفايا كل انت دى بتاعتك و بعدين انا خدت شوكه اصلا عشان تطمن انى مش سماك و لا حاجه
مازن / ههههههههههههههههههه والله لو من ايدك لاشربه
مرام / بتحلف بالله
مازن / احنا فيها جربي
مرام / و هستفيد ايه لما تموت يا فالح
مازن / هتزعلى عليا ؟؟
مرام / طبعا
مازن يبتسم
مرام / مش بنيادم دا لو حيوان هنزعل عليه
مازن / انا المستفز هنا صح
مرام / انتوا كنتوا بتقولوا ايه هناك
مازن / كنت بقولها قد ايه انتى جميله
مرام / يا راجل
مازن / انا هشرب قهوه و هعزمك ماشي و لا ايه
مرام / ماشي غير الموضوع
مازن يبتسم
مرام / دحكتك مستفزه اوى
مازن يبتسم اكتر و مرام تبص الناحيه التانيه مازن يطلع موبايله و يبص فيه و يبتسم
مازن / كان هيعجبها اكتر لو انت اللى ادتهولها !!!
مرام تبصله
مازن / لو مكنش محمود جه كنت اديتهولك بس مش عارف حسيت انها مش هتبقى لطيفه يعنى
مرام / كان حلو اوى
مازن / انتى متعرفيش انا عملت ايه انا خليته يفتح مخصوص عشان اللحق
مرام تبتسم
مرام / هتعمل ايه مع محمود
مازن يبص الناحيه التانيه
مازن / هعمل ايه فى ايه
مرام / محمود اخويا يا مازن مينفعش تبقوا قافشين على بعض كدا انا عارفه انه عصبى و ساعات كتير لسانه بيفلت منه بس والله قلبه ابيض
مازن ياكل التارت و كانه مش سامع و بعدين يبصلها مرام تتنهد
مرام / تحب تلعب زى مكنا بنزاكر انا اسال و انت تسال
مازن / لا انا حرمت اللعب معاكى انتى بتخمى بتغيرى القوانين على مزاجك و بتدحكى عليا
مرام / مش هدحك عليك اقولك اسال انت الاول ايه رايك
.......................