السكه شمال بقلم / لولو_محمد ( كامله )

الحلقه ٣٧

(((((((السكة شمال )))))))))))))
#لولو_محمد
الحلقه السابعه و الثلاثون
مجدي / لو عالغلط فانا اعتزرت من يوميها و شديته و كان علي يدك و قدام الناس بس هو احنا كنا محرجين مالست سميحه يعني فقولنا نستنا اما الموضوع يهدي شويه نيجي نراضيها
سميحه / وزي ممرام قالت حصل خير موقف و عدي المهم ميتكررش
تيفا / بصي يا ست الكل هو من جهه ميتكررش فانا يمين عظيم ابدا مهيحصل تاني هو انا لو كنت قاصد حاجه كدا و لا كدا كان زماني هنا النهرده متقولي حاجه ياما الله
الست / بصي يا ست سميحه اللي فات مات و منفتحوش تاني احنا ولاد النهرده و مرام دي بنتي زيها زي اميره بالظبط و اتمنالها الرضا ترضي
توفيق / بس هي ترضي
…………………………
سميحه / مش فاهمه
الست / ميغركيش انه صغير توفيق دا كسيب و بيعرف يجيب القرش من بق السبع
محمود / لا اله الا الله
توفيق / محمد رسول الله يا استاذنا
الست / بس يا توفيق الله بصي يا ست سميحه
مجدي / مالاخر يا ست الكل احنا طالبين القرب منك
مرام / افندم
سميحه / خشي جوه يا مرام
مرام / اخش فين يا تيته انتوا جايين تقولوا ايه اصلا
مجدي / يا بنت الناس احنا شاريين من جنيه لالف
مرام / الف ايه انا اتجوز ده
توفيق / ماله ده في ايه متعدلي
محمود / متلم نفسك في ايه
مجدي / يا جدعان استهدوا بالله بس يا توفيق عيل ميصحش كل شئ بالخناق الا الجواز بالاتفاق اهدي كدا و انت يا استاذنا اقعد و خلينا نقول الكلمتين
مرام / مالاخر انا اكيد مش موافقه اصلا
توفيق / و انتي هتلاقي احسن مني و لا لازم اركب عربيه بالشئ الفلاني عشان اعجب
مرام / اطلع بره
مجدي / بس يا زفت انت الله في ايه هو مفيش احترام لحد و لا ايه
الست / خد اخوك و انزلوا تحت يا مجدي و انا ليا كلام تاني معاه لما نروح
مجدي يشد توفيق و يمشوا 
الست / حقك عليا يا ست الكل دا واد طايش مش عارف هو بيقول ايه
مرام / يا سلام
الست / طب بالعقل كدا هو لو كان شايف عليكي حاجه وحشه كان فكر يتقدملك تبقي مراته
مرام / ياريته مفكر
الست / انا مقدره و ليكي حق تدايقي و كمان واضح اننا جينا فوقت مش مناسب امتحانات و انتي متوتره و كدا بس خلاصه الكلام احنا شاريين مالالف للياء و لو مش عاوزه تتجوزه معانا براحتك الشقه في الحته اللي تعجبك و الموبيليا اللي تعجبك و الشبكه و المهر
مرام / انا مش فارق معايا كل ده اصلا
الست / احنا عارفين بس دا حقك
سميحه / يا ست ام مجدي الجواز قسمه و نصيب بس مرام متنفعلوش
الست / عشان التعليم يعني يا سلام يقدم جامعه مفتوحه دا هيبقي من ايدك دي لايدك دي انا اضمنهولم برقبتي
مرام / عن اذنكوا
مرام تدخل اوضتها و ترزع الباب
الست / انكسفت باين هههههههه
محمود / لا مهو باين
الست / فكرى يا ست سميحه الجواز للبنات ستره و خصوصا اليومين دول ولاد الحرام مخلوش لولاد الحلال حاجه و محدش عارف بكره مخبيلها ايه
سميحه / نورتي يا حجه
الست تقوم هي و اميره و يمشوا
محمود / قسما بالله لولا اني عامل اعتبار ليكي يا تيته مكنت خرجته من هنا غير متشال مرابعه دا نسي نفسه ابن الكلب ده و لا ايه
سميحه / بقولك ايه احنا فايام امتحانات متفكرش غير فمزاكرتك و بس امال امك فين
مديحه تدخل
مديحه / انا هنا يا حجه انا بس مكنتش عاوزه اجي و هما موجودين انتي عارفه انا بموت فيها قد ايه
سميحه / هههههههههههههه قلبك اسود يالهوي قوم يا محمود كمل مزاكرتك متضيعش وقتك قوم
محمود يقوم يخبط علي مرام متفتحش
سميحه / سيبها شويه رزعه الباب دي مبتروحش بسهوله انت لسه هتعرفها روح يابنى روح
محمود يمشي
محمود يمشي
سميحه / شوفتي اللي احنا فيه
مديحه / متحطيش فدماغك دي وليه مهبوشه فاكره ان خلفتها مش علي حد
سميحه / بتهددني
مديحه / اعلي مفخيلها تركبه انا بكره الصبح رايحه للست ام مروه و هشهدها و هقوم عليها الحاره كلها
سميحه / جنازه و تشبعي فيها لطم احنا ناقصين مشاكل
مديحه / تصدقي انا الغلطانه انا هروح اخلص اللي ورايا سلام
سميحه / ههههههههه خلاص يا قماصه تعالي ههههههههه انتي يا بنتي مش قادره اجري وراكي ههههههههه
مديحه تمشي و تدخل شقتها و سميحه تقف عالباب تدحك و تقفل الباب و تدخل تخبط علي مرام
...............
في الفيلا
ماهي / هو فاكر نفسه ايه
لبني / متعصبيش نفسك اشربي العصير ده هيعجبك اوي
ماهي / الحق عليا اني عبرته اصلا
زياد / يا ماهي مانل قولتلك هو واخد موضوع الامتحانات ده جد السنادي و لو كنتي اتاخرتي اسبوع واحد بس كنتي جيتي لقيتي مازن العادي بتاعنا
لبني / طب و غلاوه زيزو عندي احنا مبنشوفش مازن اصلا
ماهي / يا سلام و انا المفروض اصدق بقي مش كدا
لبني / بصراحه ليكي حق احنا نفسنا مش مصدقين
ماهي / اصلا براحته هو الخسران انا عن نفسي هقضي اجازتي عادي جدا و خليه هو مزاكرته تنفعه
زياد / والله جدعه
لبني / انتي سبتي شنطك هناك عنده
ماهي / لا انا حاجزه سويت
زياد / ايه الكلام ده طب و خلاوه لولا زعلت انتي تروحي حالا تجيبي شنطك و تاخدي احسن سويت هنا انتي غريبه يا بنتي تنزلي فاوتيل و بيتك مفتوح
ماهي / اصلا دا وضع مؤقت انا نازله مصر اصلا عشان استلم الفيلا الجديده بتاعتنا
لبني / هي خلاص خلصت
ماهي / اه هستلمها يوم الخميس و اقعد فيها باقي الاجازه
لبني / خلاص نبقي يوم الجمعه عندك بقي
زياد / ايه يا لولا اديها فرصه مش كدا
ماهي / لا علي فكره انا اصلا كنت ناويه فعلا اول مستلم الفيلا اعمل بارتي كبير و اعزم كل صحابنا اللي بقالي ياما مشوفتهمش
لبني / والله الواحد فعلا محتاج بارتي جو الامتحانات ده قفيل اوي
ماهي / الحمد لله اتخرجت من زمان مقولتلكوا سبكوا مالجامعه الحكومي دي انتوا اللي صممتوا
لبني / يا بنتي محسساني اننا هنتخرج ندور علي شغل و لا اصلا شهادتنا ليها لازمه احنا بنتسلي
ماهي / طبعا و في الجامعه بتاعتي مش هتلاقوا تسليه كلهم ولاد وزرا و رجال اعمال و خلايجه دماغ شياطين
لبني / هههههههههههههههه احنا برده ماشي يلا قومي نروح نجيب حاجتك مالاوتيل لحد متستلمي الفيلا قومي قومي
لبني و ماهي يقوموا
زياد / اجي اوصلكوا
لبني / مفيش داعي خلينا بنات فبعض في كلام كتير فايتنا عاوزين نكاتش اب و كدا مش هنتاخر
زياد / سلام يا قلبي
....................
في شقه مرام
سميحه / طب انتي بتعيطي ليه دلوقت
مرام / امتى نمشي مالحاره الزباله دي بقي
سميحه / مكل مكان فيه و فيه
مرام / انا قرفت بجد
سميحه / طب بزمتك هتلاقي جيران زي جرانا دا كفايا محمود و امه القماصه دي
مرام تبتسم
سميحه / و صحباتك هتسبيهم و امل و مروه اللي معتمدين عليكي فالدروس و شله المقاريض بتوع ابتدائي دول انا عارفه مدخلتيش تربيه ليه كان زمانك بتدي دروس و مولعالها دلوقت
مرام / هههههههههه بس بقي
سميحه / لا مدخلش اداب انا هو قسم دي كليه ابدا
مرام / هههههههههههههههههههه
سميحه / تدوم عليكي الدحكه يا احلي دحكه
مرام / ربنا يخليكي ليا يا احلي تيته فالدنيا
سميحه / مرام انتي اقوي من كدا اوعي تخلي دمعتك تنزل عشان حوار اهبل زي ده دموعك غاليا عليا اوي يا بنتي و بعدين هو احنا لسا شوفنا حاجه
مرام / كمان
سميحه / امال بكره تقولي تيته قالت
مرام تبصلها
سميحه / قومي شوفي مستقبلك هو اللي هينفعك و زاكرى هنا لو روحتي هناك مش هتزاكروا هتقعدي انتى و محمود ترغوا فاللي حصل و هتضيعوا الوقت انا عرفاه لتات زي امه
مرام / هههههههههههههههههههههه هقوله
سميحه / فتانه زي امك ههههههههههههههههه
...................
في العربيه
لبني / بس انتي مش جايبه شنط كتير زي كل مره يعني خير
ماهي / لا عادي بس انا مش هقعد كتير اصلا
لبني / اه
تليفون ماهي يرن
ماهي / دا اونكل ابراهيم
لبني / افتحي الاسبيكر عاوزه اسلم عليه
ماهي تفتح الاسبيكر
ماهي / الو ازيك يا اونكل واحشني مووووووت
ابراهيم / لا لا لا زعلان منك خالص متحاوليش تدحكي عليا زي كل مره
ماهي / و انا اقدر برده
ابراهيم / زياد قالى عالتاتش اللى حصل بينك و بين مازن
ماهى / عادى يا اونكل محصلش حاجه
ابراهيم / يا نور يا بنتى لازم تفهمى انى كلمت مازن و شديت ودانه و عاتبته ازاى يزعل اجمل و ارق بنت فى الدنيا و متعرفيش قالى ايه صدقينى هو مكنش يقصد خالص يزعلك و لولا انى شاغل موبايلك دلوقت كان زمانه هو اللى بيكلمك يراضيكى كمان
ماهى / مفيش مشكله يا اونكل
ابراهيم / انتى ناسيه ان باباكى شارط ان مازن يتخرج عشان خطوبتكوا لازم ياخد الموضوع جد مهو زهق خصوصا خناقته مع باباكى المره اللى فاتت
ماهى / ماشى يا اونكل تمام
ابراهيم / انا مش عاوزك زعلانه
ماهى / انت عارف انى مبزعلش من مازن
ابراهيم / ماشى يا حبيبتى كويس انى اطمنت عليكى انا لازم اقفل بقى عشان هركب الطياره هتعوزى حاجه
ماهى / ميرسى اوى
ابراهيم / تمام يا حبيبتى سلام
ابراهيم يقفل
ماهى / يعنى مسلمتيش عليه زى مقولتى
لبنى / دا على اساس انى لقيت فرصه مانتى شايفه مستعجل قد ايه
تليفون ماهى يرن
ماهى / مازن واضح ان اونكل كان معاه حق و انا ظلمته
لبنى / اه فعلا واضح اوى ردى ردى
ماهى / الو
مازن / ازيك يا ماهى عامله ايه
ماهى / الحمد لله تمام
مازن / انتى فين دلوقت
ماهى / فالعربيه رايحه الفيلا عندكوا
مازن / كويس هقابلك هناك
ماهى / اوك مفيش مشكله سلام
ماهى تقفل
لبنى / صالحك ؟؟
ماهى / قال هيجى الفيلا
لبنى / و ماله
ماهى / مالك يا لبنى قفلتى ليه
لبنى / و لا قفلت و لا فتحت انا بس بفكر بحاول اجمع الاحداث 
ماهى / احداث ايه
لبنى / يعنى مازن متغير اوى الفتره دى انا كنت فاكره ان دا بسبب البت مرام بس
ماهى / مرام مين
لبنى / اوووووه اه دى واحده معانا فى الكليه بتساعد مازن فى المزاكره
ماهى / ازاى يعنى
لبنى / عادى يعنى
ماهى / لبنى انا مش فاهمه حاجه
لبنى/ هو انتى يعنى مش عارفه مازن عادى كبرى مخك وصلنا اصلا يلا عشان تلحقى تغيرى قبل مازن ميوصل مينفعش يشوفك بنفس الطقم لازم تحسسيه بالذنب انه ضيع قمر زيك عليه ايه هو انا اللى هعلمك و لا ايه
ماهى / ماشى
.............................
في الكليه
مرام واقفه مع محمود
محمود / لا بس الحمد لله مفيش حاجه خرجت عن اللي زاكرناه
مرام / عكس المتوقع خالص
محمود / ههههههههههه ان جيتى للحق اه
مازن يدخل
مازن / اهلا شباب
محمود / اهلا
مازن / علي فكره انا الماده الجايه مخلصها فلو عاوزه تجربي تسالي انا معنديش مانع
مرام / كويس انا كمان مجهزالك الاسئله
محمود / ابقي صوريهاله و ابعتيهاله واتس زى كل مره
مرام /معلش يا محمود روح انت انا هقعد مع مازن شويه
مازن يبص باستغراب
محمود / نعم؟؟
مرام / طب بص شوف سعد و لشربوا شاى نصايه كدا احنا مش هنطول باذن الله
محمود / انا رايح الكافتريا اجيب مايه و مش هتوزع اكتر من كدا
مرام / شكرا
محمود يمشي و هو بينفخ و باصص علي مازن
مازن / علي فكره انا اكتشفت ان عينك وحشه اوى كبايه القهوه اللي بعتلك صورتها جالي ضيوف و مشربتهاش عاجبك كدا .... انتى وزعتيه ليه
مرام / انت قولت انك جاهز تتسال صح
مازن / اه بس مدام هتسال قدامك يبقي نرجع للقواعد القديمه بس المرادى السؤال الصح باتنين عشان نعوض
مرام / الحقيقه هو سؤال واحد اللي عندى لو جاوبته صح تنجح جاوبته غلط تخسر
مازن/ اتفضلي
مرام تطلع من شنطتها ورقه و تديها لمازن ياخدها و هو بيدحك و فجاه الدحكه تروح من وشه
مازن / ههههههههه دانتى جايه جاهزه .... ايه اللي بينك و بين نيفين !!!!
مازن يبص لمرام
مازن / و انتى معاكى حل السؤال ده عشان تصلحيلي
مرام / تقدر تقول كدا
مازن / مع انى اشك انك معاكى الاجابه بس كل اللي هقدر اقوله ان اى كان اللي بنا انتهى
مرام / دى مش اجابه و خد بالك ان محمود زمانه جاى
مازن / ليه بتسالي فحاجات ملكيش دعوه بيها
مرام / عشان اعرف اللي اتقالي حقيقي و لا كدب
مازن / و ايه اللي اتقالك
مرام / انت بتضيع وقتى سلام
مرام تيجي تمشي
مازن / استنى
مرام تبصله
مازن / انا و نيفين كنا متصاحبين بس خلاص كل واحد راح لحاله و اصلا دا حوار قديم حتى قبل البروجكت اللي اشتغلنا فيه سوا
مرام / بس كدا ؟؟؟
مازن / انتى عاوزه تعرفي ايه
مرام / عاوزه اعرف الحقيقه كل الناس بتقولي مردش عليك السلام حتى كل الناس بتقول انى هندم انى بساعدك بص انا مبيهمنيش حد و كدا كدا احنا اخرنا الامتحانات دى و بيتهيالي انك مش محتاجنى اصلا خلاص دوري خلص و ...
مازن / انتى شوفتى منى اى حاجه
مرام / بغض النظر انك بلطجى لا
مازن يدحك
مازن / نبقي نتكلم فموضوع بلطجى بعدين بس بخصوص نيفين مفتكرش انها ندمت انها عرفتنى هى ممكن تكون ندمت انها اتصاحبت علينا بس انا لا
مرام / و نورا
مازن / مالها نورا كمان
مرام / نورا تقريبا لمحتلي نفس التلميحات
مازن / مستحيل نورا عمرها متقول عنى كلمه وحشه دا غير انى اصلا لا اذبت نورا و لا نيفين و انا لو منك مدخلش نفسي فحوارات انا مليش دعوه بيها بس طبعا دا مش طبعك خالص
مرام / محمود واقف هناك انا ماشيه
مازن / مرام لو سمحتى متحكميش عليا منغير متتعاملي معايا
مرام / متحكميش عالنار انها هتحرقك الا لما تلسعك صح
مازن / انتى جايه واخده قرارك بتسالينى ليه بقي
مرمش / انت مجاوبتش اصلا ليه نيفين فالحاله دى انت عملت فيها ايه
مازن / مش انا و مليش دعوه باللي حصل معاها و صدقينى مدايق منه اكتر منك
مرام / اللي هو ؟؟؟
ماهى تدخل
ماهى / هاى مازن ... هاى
ماهى تجيب مرام من فوق لتحت
مازن / ازيك يا ماهى بتعملى ايه هنا
ماهى / كان فى بنا معاد امبارح بس انت مجتش قولت اجيلك انا ايه مش هتعرفنى و لا ايه
مازن / مرام ... ماهينور ... ماهى ... مرام
ماهى / ااااااه مرام اهلا
مرام / اهلا عن اذنكوا
ماهى / ليه متخليكى انا مش غريبه انا خطيبته
مرام / تشرفنا عن اذنكوا
مرام تمشي و مازن واقف مدايق يطلع موبايله
مازن / خطيبتى ؟؟؟
ماهى / ايه قولت حاجه غلط انا
مازن / لا ابدا و هو انتى برده بتقولى حاجه غلط
ماهى / مجتش امبارح ليه مش قولت هتيجى
مازن/ حصلت ظروف
ماهى / طب مش كان من الزوق برده انك تتصل تعتزر
مازن / حقك عليا ايه هو الكوليه معجبكيش و لا ايه
ماهى / يا حبيبى اى حاجه منك حلوه ممكن بليز بقى نمشى مالمكان البيئه ده و نروح نقعد نشرب حاجه فاى مكان فى كلام كتير اوى عاوزين نتكلم فيه
مازن / فى دى بقى عندك حق فى بنا كلام كتير اوى عاوزين نقعد كدا و نتكلم فيه اتفضلى
مازن ياخد ماهى و يمشوا
................
في الميكروباص
محمود / انا مش هسالك كنتوا بتتكلموا فى ايه
مرام باصه مالشباك
محمود / بس افهم مالك مقفوله ليه
مرام / انت ايه رايك فنيفين
محمود / نيفين مين
مرام / البنت اللي كانت معايا فالبروجكت
محمود / اه مالها دى
مرام / ايه رايك فيها
محمود / من حيث ايه يعنى
مرام / كل حاجه
محمود / اول مره تسالينى فحاجه زى دى بس هى من حيث الشكل حلوه يعنى بس قصيره و غالبا عنيها لانسز مش ملونه
مرام / قصيره ايه و عنيها ايه انا بسالك عن رايك فيها فشخصيتها
محمود / و انا اعرف منين هو انا اعرفها اصلا بس اقولك اى حد مالجروب الزباله ده شمال
مرام / حكمت علي اساس ايه
محمود / مانتى شايفه كلو بيبات عند كلو و الحياه سبهللى عالاخر
مرام / مره قريت ان الصح و الغلط نسبي يعنى لو انت اتربيت فالصعيد غير القاهره غير امريكا غير السعوديه كل بلد الصح و الغلط فيها بيفرق
محمود / نوعا ما صح بس احنا مبيحكمناش الصح و الغلط بيحكمنا الحلال و الحرام هى نيفين قالتلك ايه لما كلمتك المره اللى فاتت من ساعتها و انتى مش مظبوطه بس افتكرى انى قولتلك ان سكه العيال دى سكه شمال ماشى
................................