السكه شمال بقلم / لولو_محمد ( كامله )

الحلقه ٦٢

((((((((((((السكه شمال )))))))))
ً#لولو_محمد
الحلقه الثانيه و الستون
مرام / معرفش بس اكيد هكون عاوزه ابننا دكتور او مهندس عوزاه احسن حد فى الدنيا زى مانا عوزاك احسن حد فى الدنيا عشان انا بموت نفسى كل يوم عشان اكون احسن واحده فالدنيا انت فاهمنى و لا لا
مازن / فاهمك
مرام / انت زعلت منى
مازن / لا
مرام / طب مبوز ليه
مازن يبتسم مرام تدوق القهوه
مرام / لا دى بتاعتك المظبوط انا بتاعتى الزياده و لا انت هتقرف تشربها بعد مدوقتها
مازن / عرفتى منين انى بشربها مظبوط
..........................
مرام / مش فاكره يمكن جت صدفه متدقش انا ساعات كتير بشربها مظبوط برده على فكره بس مزاجى دلوقت اشربها زياده هات بقى بتاعتى
مازن / اتفضلى
مرام / بص انا اسفه انت معاك حق
مازن يبصلها
مرام / الواحد لو بيحب حاجه و موهوب فيها لازم نشجعه مينفعش كلنا نبقى زى بعض انت كفوتوجرافر ناجح بتحب شغلك احسن بكتير من انك تكون راجل اعمال كاره شغلك فتفشل فيه و انا لما ربنا يكرمنا بابن اكيد هكون فخوره بيه حتى لو دخل تجاره زينا او اى كان مدام هو حابب ده انت معاك حق انا اسفه
مازن يبتسم
مرام / انا بس
مازن / انتى قولتيها انتى عوزانى احسن حاجه انا فاهم
مرام تبتسم
مرام / بس مدايقه اوى اننا قفشنا على بعض احنا يادوب مقرى فتحتنا امبارح
مازن / ههههههههههههههههه يا مرام احنا من يوم متقابلنا و احنا بنقفش على بعض و عاوز اقولك حاجه اننا كل مبنقفش على بعض بنقرب من بعض اكتر
مرام تبصله و تبتسم
مازن / و اه انا مش شايف ان هيبقى فى مشكله انى انزل وقت اطول مع خالو و اتعلم كل صغيره و كبيره فى الشغل فى الاول و الاخر دى هتبقى فلوس اولادنا و لازم حد يحافظلهم عليها و اه كمان شكرا
مرام / على ايه
مازن / انك قولتى ابننا مقولتيش ابنى
مرام / و ده معناه ايه يعنى
مازن / يعنى انك متقبله الفكره اننا نكمل سوا
مرام / طب لعلمك بقى انا طول عمرى بحلم ان تكون عندى بنت
مازن / ههههههههههههه على قد مبطنك تشيل هاتى هو انا خسران ايه
مرام / بالبساطه دى
مازن / اه عاوزه واحد اتنين تلاته عشره انا معنديش مشكله
مرام / و لما اطخن و افشول و ركبى توجعنى و عضمى و سنانى و شعرى يقعوا
مازن / فى اختراع اسمه دكاتره تعالجك و تظبطلك كل الحاجات دى و بعدين انتى لازم تهتمى بنفسك يعنى
مرام / افرض موت و انا بولد
مازن / لا اله الا الله هو انا قولتلك هاتيهم انا قولتلك زى مانتى عاوزه
مرام / و انت ملكش راي يعنى
مازن / ههههههههههههههههههه لا استنى بقى كفايا قفش لحسن احنا لو قربنا من بعض اكتر من كدا هنلزق فى بعض ماشى ندى لنفسنا هدنه كدا خلاص اتنين او تلاته و اه ياريت يعنى متجبيش سيره الموت تانى ماشى
مرام تبصله يشرب اخر بق فى القهوه و يرميها فى الباسكت
مازن / ممكن نروح نقعد مع مونى بقى شويه
مرام / اوك
..............................
فى الفيلا
مازن / ايوه ايوه اتفقوا عليا
مونى / هههههههههههههههههههه الله و دى حاجه تزعلك
مازن / ابدا خدوا راحتكوا
صفوت / اسمعى يا مرام سمعت انك اقنعتيه بمعجزه مالسما انه اخيرا يمسك معايا الشغل
مرام تبتسم
مازن / اه بس انا مش هسيب التصوير اتفقنا
مرام / تمام
مازن / مقولتيش يا شيف ايه رايك فى الاكل اكلك احلى و لا الشيف بتاعنا احلى
مرام / لا والله اكله جميل تسلم ايده
مازن / مدوقتش انت يا خالو اكل مرام وهم بجد
صفوت / مهم بيقولوا اقرب طريق لقلب الراجل معدته و لا ايه يا مرام
مرام تبتسم
صفوت / ايه رايك فى المكان يا ست الكل
سميحه / جميل ربنا يباركلكوا و يوسعها عليكوا
صفوت / يرضيكى يا ست الكل اعيش فى البيت الطويل العريض ده لوحدى
سميحه / بكره يعيشوا معاك و يملوهولك عيالك
صفوت / يارب
مرام تبص على بورتريه لطفل صغير متعلق على الحيطه مازن يبص مكان مهى بتبص
مرام / الصوره دى شبهك اوى يا مازن
مازن / مهو انا
مرام / بجد
صفوت / الله يرحمها كانت رسامه موهوبه جدا الحقيقه كل اللوح اللى فالفيلا هنا هى اللى رسماها
مرام تبص لصفوت
صفوت / دى كانت اخر صوره رسمتها مازن كان عنده اربع سنين
مازن / و لسه محتفظ بوسامتى
مونى / هههههههههههههههههههههههه
مرام / فى صور تانيه غير دى رسمتها
مازن / اه فى اوضه هنا فيها لوح كتير ليها
صفوت / انا لميت شغلها كله مالمعارض بعد متوفت
مونى / لسه شايفه انها فكره وحشه اشهدى يا مرام موهبه زى دى تدفن فى اوضه و لا تتعرض للعالم كلو
صفوت / انا مقدرتش اشوف حد بيلمس لوحه ليها كانت بتحب اللوح بتاعتها كانهم عيالها و انا كل اللى كنت عاوزه انى احافظ على عيالها
مرام / هو انا ابقى قليله الزوق لو طلبت اتفرج على اللوح دى
مازن / ابدا تعالى
مرام و مازن يقوموا مونى تيجى تقوم صفوت يمسك ايدها و يغمزلها تبتسم و تقعد
مرام / مش هتيجى يا مونى
مونى / لا لا انا شوفتهم كتير روحى شويه و هحصلكوا
مرام / اوك
مرام و مازن يدخلوا صاله كبيره مليانه لوح كانها معرض
مرام / واو
مازن / عجبتك
مرام / على فكره انا اسفه
مازن / على ايه
مرام / انا مكنتش اعرف
مازن / عارف العيب مش عليكى العيب عليا انا اللى جايبلها الكلام تعالى اوريكى حاجه
مرام / ايه رايك فى الصوره دى
صوره بنت جميله شايله نونو
مرام / حلوه اوى
مازن / دى انا و هى
مرام / كانت حلوه اوى
مازن / مانا شبهها مش كدا
مرام تبصله و تبتسم و تروح تبص على صوره تانيه
مازن / انا فاشل فى الرسم بس خدت منها موهبه التصوير هى كانت بتصور الطبيعه بالكاميره و بعدين ترسمها عارفه الشقه بتاعتى اللى جتولى فيها دى كانت المرسم بتاعها لما خالو جاب كل شغلها هنا و انا كبرت و قررت بقى انفصل بحياتى محستش براحه غير فى الشقه دى لسه بحس ان فيها ريحتها
مازن يحط ايده على صوره فيها باباه و مامته و هو بيبى مامته شيلاه
مرام / لحظه هو ليه مفيش اى صور لمونى و زياد هنا
مازن يبصلها
مازن / عشان هى اتوفت قبل ممونى تتولد اصلا بلس لا مونى و لا زياد ولادها
مرام / بس انا كنت فاكره ان زياد اخوك مالام انتوا اسمكوا مختلف
مازن / بتقولوها ازاى ....زياد يبقى ابن مرات ابويا
مرام تبصله
مازن / ماما و طنط فريده كانوا صحاب انتيم و انا و زياد كنا مع بعض طول الوقت و لما اتوفت والدى اتجوز طنط فريده و طبعا انا كنت فى منتهى السعاده ان زياد هيبقى معايا علاطول و نبقى اخوات بجد مفيش تسع شهور و هارمونى شرفت و بقينا وان بيج هابى فاميلى
مرام / لحظه مين هارمونى
مازن / ههههههههههههههههه هارمونيكا اختى مونيكا مونى اسمها هارمونيكا
مرام ترفع حاجبها
مازن / دى اله موسيقيه زى الصفاره ايه عمرك مسمعتى عنها
مرام / لا سمعت بس معلومات كتير فوقت واحد عقلى فوت منك
مازن / ههههههههههههه
مرام / طنط فريده هى اللى بعتتك المدرسه الداخلى و مامتك كانت متوفيه عشان كدا مكنلهاش راى فى الموضوع
مازن / اممم اه كنت بلعب مع مونيكا وهى بيبى وقعت منى فى الارض اتعورت بس زى مقولتلك الموضوع مزادش عن شهر
مرام / طب باباك
مازن / بابا مش موجود علاطول مسافر
مرام / بس مدايقش ان ابنه راح مدرسه داخلى
مازن / انتى ليه بتتكلمى فى حاجات عدى عليها سنين كتير اوى
مرام / لانى مش فاهمه ازاى بتحب زياد اوى كدا و مبتستحملش عليه الهوا و هو اصلا مش اخوك بالعكس دا ابن الست اللى حرمتك من ابوك
مازن / ههههههههههههههههههه لانى مكنتش اعرف انه ابويا او مش واخد عاليه زى مقولت هو كان مسافر طول الوقت انا طول الوقت كنت مع ماما الله يرحمها بالنسبالى كنت فرحان ان هيبقى فى ماما تانيه بس هى مكنتش عاوزه ده لحد النهرده انا بقولها يا طنط بس زياد ملوش دعوه زياد قبل ميبقى اخويا هو صاحبى و على الاقل اخو مونيكا
مرام / انا اسفه لو كنت بفتح مواضيع تدايقك
مازن / لا مش مدايق و لا حاجه انتى لازم تعرفينى و تعرفى كل حاجه عنى
مرام / و يا ترى عرفت كل حاجه عنك
مازن / بيتهيالى هتحتاجى اكتر من تلت ايام عشان تعرفى كل حاجه بس يعنى شغال
مرام تبتسم شريف يدخل
مازن / اهلا اتاخرت ليه فاتك الغدى
شريف / معلش كان ورايا كام مشوار كدا ازيك يا مرام
مرام / ازيك يا شريف
مازن / مالك
شريف / بعدين
مازن / مرام
مرام / اوك انا بره مع تيته و مونى خدوا راحتكوا
مرام تطلع بره
مازن / فى ايه خير
شريف / احمد بيهددنى باهلى
مازن / اعلى مفخيله يركبه و لا يقدر يقرب منهم بيلعب باعصابك بس
شريف / مش عارف اتقفلت
مازن / قالك ايه بالظبط
شريف / باركلى على شيماء و سالنى عن اريج
مازن / عادى يعنى
شريف / يعنى انت مش عارفه
مازن / طب يبقى يفكر بس و انا ابيعه اللى وراه و اللى قدامه و اخليه يشحت فى اشارات المرور
شريف يهز راسه
مازن / اخبار اريج ايه صحيح
شريف / فى ايه
مازن / بص انت تاخد مامتك و تروح تخطبها و اتكلم مع اهلها و اتفقوا على كل حاجه متضيعش وقت
شريف / قولتلك انا
مازن / اسمعنى شبكتك هتبقى نقطتى ليك
شريف / انا مش عاوز مساعده من حد انا تعبت مساعدات فى ايه يا مازن كفايا بقى
شريف يمشى و يرزع الباب وراه و مازن واقف مصدوم
.......................
فى الجنينه
شريف ماشى رايح ناحيه العربيه مرام تجرى وراه
مرام / شريف شريف
شريف / نعم
مرام / مالك فى ايه
شريف / مفيش
مرام / امال مالك ماشى ليه ايه اللى حصل اتخانقتوا و لا ايه
شريف / لا عادى يعنى مروح
مرام / مش مصدقاك بص انا عارفه انه مستفز و محدش بيطيقه و لا يستحمله بس هو اكيد ميقصدش
شريف يبتسم
مرام / هو بيحبك اوى
شريف / انا عارف على فكره مفيش حد يعرف مازن قدى
مرام / امال
شريف / الموضوع ملوش دعوه بمازن خالص صدقينى و على فكره مازن واقف عند الباب
مرام تبص وراها و ترجع تبص لشريف
مرام / هو انا ممكن اسالك سؤال بما انك بتقول انك اكتر واحد عارفه
شريف / اكيد اتفضلى
مرام / هو لو انا اختك هتجوزنى لواحد زى مازن
شريف يبص لمازن
شريف / لا
مرام / ههههههههههههههههههههه
شريف / بس انتى تقدرى تغيريه
مرام / مفيش حد بيتغير
شريف / بما انى عارف مازن فلا هو اتغير كتير من يوم مدخلتى حياته و على فكره هو مكنش وحش اوى يعنى فيه شويه عيوب بس جدع
مرام / زى ايه يعنى عيوبه اقصد
شريف / هههههههههه عيوب غير انه مستفز و محدش بيطيقه و لا يستحمله
مرام تبص على مازن واقف بعيد بيبص عليهم و تبتسم و ترجع تبص لشريف
شريف / مازن شاب عاذب اتربى على ايد راجل عاذب يعنى تقدرى تقولى عيبه الاهم هو البنات غير كدا شكليات بس شهاده لله من يوم معرفك مسمحش لبنت تدخل حياته و صدقينى دا مش طبعه خالص
مرام / قال يعنى كدا طمنتنى
شريف / انا لازم امشى حاولى تتكلمى معاه هو احسن
مرام / هو انت تدايق لو سالتك عن مشكلتك مع احمد
شريف يبصلها باستغراب
مرام / مازن بيحكى قصه و احمد بيحكى قصه تانيه خالص
شريف / انتى ممكن تصدقى احمد اصلا حتى بعد كل اللى عمله
مرام / و هو ايه الفرق بين الاتنين
شريف / لو مش قادره تشوفى الفرق ده لحد دلوقت يبقى مازن خساره فيكى
مرام / متحكمش عليا كل الناس بتقولى ابعدى عن مازن نيفين كلمتنى و هى منهاره و قالتلى هيدمرك محمود بيقولى ابعدى و كل الناس اللى محوطاه مش مريحه و انا معدتش عارفه و اديك شايف احنا اتخطبنا ازاى انا مش قادره افكر الفتره اللى فاتت كانت صعبه عليا انا اصلا معرفش انا بكلمك ليه انت صاحبه و بتشتغل معاه يعنى اكيد هتكون فصفه بس انا اووووووف بقى خلاص
شريف / ماشى لو ده هيريحك و يخليكى تعرفى تاخدى قرار صح هحكيلك بس معلش سامحينى تعرفى منين انى مش هكدب عليكى يعنى ازاى هتاخدى رايى  فى واحد اصلا بشتغل و بقبض مرتبى منه مش يمكن دافعلى عشان اقولك كلام حلو عنده
مرام / انا فى الاول قولتلك لو انا اختك و كلو سلف و دين يا شريف
شريف / والدى اتوفى و انا فى الكليه و سابلى اربع بنات الكبيره فى ثانوى و الصغيره فى ابتدائى و والدتى كانت مريضه و علاجها لوحده بيكلف اكتر بكتير من معاش بابا الله يرحمه دا غير الايجار و فواتير الكهربا و المايه فى الفتره دى احمد بيه كتر خيره قرر يتكرم و يتعطف عليا و يشغنلى عنده تعرفى كنت بشتغل ايه يا مرام
مرام تهز راسها لا
شريف / مرمطون فالاول رفضت و لما روحت اكتشفت ان ماما دواها خلصان و بتتخانق مع اختى على فلوس دروس الشهر قوليلى لو مكانى هتعملى ايه... هديتهم و قولتلهم انى لقيت شغلانه بعد الكليه و كل حاجه هتبقى تمام ايوه قررت ارمي كرامتى فى اقرب صفيحه زباله و اشتغل مرمطون بقيت اخدم على زمايلى فى الكليه فى حفلات الباشا ده يكب كاسه امسح مكانه دا رمى منديل فى الارض اوطى اشيله و اروح اخر الليل لامى و ابتسم و اقولها الشغل كان زى الفل و ادخل انام و تانى يوم الصبح استحمل قرف دحكهم عليا و الكلام من تحت لتحت و النظرات و التريقه ده يرمى كلمه و ده تعليق لحد مسبت الكليه خالص و اكتفيت بشغلى عند الباشا بقيت مرمطون صبح و ليل
مرام / مكنش فى حل تانى مكنش فى اى شغلانه تانيه
شريف / كان فى كان فى كتير بس مكنش هيجيب ربع المرتب اللى كنت باخده و لا التبس اللى كانوا بيرموهولى فى الارض دروس اختى لوحدها كانت تقطم الضهر معرفش ازاى بابا كان مكفينا اصلا الموضوع ده استمر فتره كنت بموت فيها كل يوم الساعه بتعدى كانها سنه لحد فيوم كان فى حفله كبيره و عزم تقريبا الكليه كلها و اتراهنوا عليا مين اللى هيقدر يهينى بطريقه تخلينى اسيب الشغل و مش عاوز ادخل فى تفاصيل الاهانات اللى اتوجهتلى يوميها بالصدفه شله زياد و منهم مازن كانوا موجودين لما شافوا اللى حصل مازن منعهم عنى و قاله انت مريض و روح اتعالج و حياتى كلها اتغيرت اشتغلت فى الشركه مع صفوت بيه بس شغل بجد اصور ورق انقل الملفات و البوسطه من مكتب لمكتب ادخل حاجه عالكومبيوتر اساعد فى اى حاجه و رجعت الكليه و علاقتى بمازن بدل مكانت سطحيه بقيت مستعد انى اموت بداله و العلاقه بقت اقوى لما وقف للكلب اللى اسمه احمد لما اتعرض لاختى فى الكليه و على فكره انا اعرف عن مازن قصص تانيه كتير دور مازن فيها كان اهم بكتير من دوره فى حياتى
مرام / و نيفين ؟؟
شريف / اسالى نيفين لان مازن مش هيفيدك عارفه مين ممكن تفيدك لبنى
مرام / اشمعن
شريف / عشان معندهاش اى مانع تخوض فى الاعراض و تفضح غيرها و دى ميزه كمان فمازن لا هيحكيلك خير عمله فى حد و لا مشكله حصلت مع حد
مرام / اووووووف
شريف / ممكن امشى بقى و لا هتسالينى فى حاجه تانيه
مرام / امشى
شريف / سلام
شريف يركب العربيه و يمشى و مرام واقفه مدايقه تبص ورا تلاقى مازن واقف عند الباب بيلعب بالموبايل تروحله
مازن / مش هسال كنتوا بتتكلموا فى ايه بس غالبا عنى صح ؟
مرام / انت ليه فضلت واقف طول الوقت ده هنا ليه مجتش تشوف بنقول ايه هاه ليه مش مدايق حتى انى وقفت اتكلمت معاه كل ده هاه انت ايه حكايتك بالظبط
مازن / لو مش واثق فى صديقى الوحيد على الاقل اثق فيكى دا غير انه هيحكيلى اتكلمتوا فى ايه لو سالته بس انا نفسى ان انتى اللى تحكى طبعا بس لو مش عوزانى اعرف مش هساله
مرام / سالته لو انا اخته هتوافق اتجوز واحد زيك و لا لا
مازن / ههههههههههههههههههههههه لو كنتى سالتينى انا كنت قولت لا
مرام / ايه ؟؟؟
مازن / اكدب يعنى
مرام / يعنى انت مترضاش تجوز اختك لواحد زيك و عاوزنى انا اتجوزك ليه بقى ان شاء الله اختك احسن منى فى ايه هاه انطق
مازن / ههههههههههههههههههههههه اهدى يا بوتجاز اولا انا مليش زيى ثانيا اختى نفسها لو سالتيها هتقولك انها كان نفسها فواحد زيي بس للاسف مفيش ثالثا محدش فينا هيتجوز مكانك فلازم تاخدى القرار بنفسك و اه فى حاجه كدا جواكى اسمها قلب لو سمعتى عنه ياريت تخليه هو اللى ياخد القرار
مرام / مستفز
مازن / شريف قالك ايه بقى
مرام / قال لا
مازن / ههههههههههههههه شوفتى
مرام / و حكالى على اللى احمد عمله معاه
مازن يسكت
مرام / مش قادره اصدق ان فى ناس زى الكلب ده عايشين عادى وسطينا ربنا ينتقم منه
مازن / مش عاوز اصدمك و اقولك فى اسوء
مرام تبصله
مازن / تحبى ندخل جوه
مرام / انا عاوزه اروح بجد اتقفلت
مازن / اوك يلا
....................................
فى الفيلا عند زياد
لبنى / انت وعدتنى انت وعدتنى
زياد / ممكن تهدى كل ده هتلاقيه جزء من خطته
لبنى / و مقالكش عليها ليه
زياد / عشان مقولكيش و توقعى بلسانك لما مرام تستفزك و تبوظى عليه كل حاجه
لبنى / انت مصدق نفسك
زياد / مازن مقالناش خطته لماهى عشان يستفزنا فنفركشهاله و يبان مسكين مازن مش اهبل و لا سهل
لبنى /و تستفيد ايه بقى مالكلام ده ان مازن مبيثقش فيك مازن باعك و بقى بيخطط من وراك
زياد / و ايه الجديد طول عمره مبيكشفش خطته لحد
لبنى / ماعدا نورا
زياد / و سافرت خلاص
لبنى / و ان كان جد ان كان بيحبها بجد هتسيبه يتجوزها هتسيب الكلبه دى تعمل راسها براسى دى اللعن من ماهى دى هتخلى حياتى جاحييييييم انت فاهم جحييييييييم
زياد / مش هيحصل اوعدك اوعدك
لبنى / و ايه حكايه مونيكا دى كمان تجيبلها طقم سولتير بالمبلغ ده هديه دى مجابتليش كيس شيبس حته
زياد / هنسيب مرام و مازن بقى و نمسك فمونيكا
لبنى / انا تعبت
زياد / انا وعدتك انى هخليها تبوس رجلك و هخليها تبوس رجلك مهما كان التمن مهما كان التمن و ده وعد
..................................