السكه شمال بقلم / لولو_محمد ( كامله )

الحلقه ١٣١

((((((((((السكة شمال ))))))))
#لولو_محمد
الحلقه 131
لبنى تركب الاسانسير تلاقى شريف و زياد يركبوا  معاها
لبنى / ايه اللى جابك
شريف / بلاش
لبنى / لا ازاى تعال طبعا
زياد / تعملى حسابك مدام طلعنا نروح على اوضتنا مفيش نزول تانى
لبنى / زياد
لبنى تغمز زياد يدحك و شريف باصص الناحيه التانيه
...............................
فى اوضه صافى
صافى نايمه عالسرير بتعيط و شعرها مغطى وشها بوقها متكمم و فى واحد بيربط ايديها ورا ضهرها و التانى بيربط رجليها و شهاب واقف ساند عالتسريحه بيتفرج اولجا تدخل
اولجا  /جديا شليوخا (اين العاهره ) ...يا باكاجو فام تيراريستا ( هربيكى يا ارهابيه )
اولجا تمسك وش صافى اللى بتتنفض مالرعب و تزقها على اخر دراعها
اولجا / ايز نيخ فى ايدوت (مين دى يا غبى )
شهاب / نيت رازنيتسا ..جيدى دينجى (متفرقش.. فين الفلوس  )
اولجا / بويديومتيا (يلا )
اولجا تمشى و الاتنين الرجاله وراها تبص لشهاب و تشخط فيه 
اولجا / يا ني يوفيشو تيبا سنوفا (اوعى اشوفك تانى )
اولجا تتف عليه و هو واقف مدايق و بيبص على صافى و هى بتبص عليه برعب و تحاول تفك ايديها من ورا ضهرها و تفلت ايديها بالراحه مالحبل
شهاب / عاجبك كدا اهى خربت بس ملحوقه مدام كدا علقه و كدا علقه يبقى اخد حقى و لا ايه يا صافى
شهاب يقعد جنب صافى عالسرير و يقرب منها اوى
شهاب / كدا يا صافى كدا حبيبك تعملى فيه كد    ....  فين شريف دلوقت يا صافى
شهاب يبعد شعر صافى عن وشها
شهاب / تفضلى الجربوع ده عليا معلش
شهاب يحاول ينيمها تلطشه بالقلم ينزل فيها تلطيش
شهاب / بتمدى ايدك على سيدك يا بنت الكلب هتنسى نفسك يا زباله اما ربيتك اما وريتك
باب الاوضه يخبط
صوت شريف / صافى ... صافى
شهاب يحط ايده على نفس صافى
شهاب / مسمعش نفسك بدل مموتك انتى فاهمه
صافى تمد ايدها بالعافيه تشد سلك الاباجوره الكرستال من عالكومدينو تقرب تمسكها و شهاب عينه عالباب صافى تحدفها تخبط فى المرايه المرايه تتكسر شهاب يبص لصافى بغل و شريف يرزع عالباب و يكسره و يدخل يلاقى شهاب واقف بيدور على مخرج شريف يبص على شهاب و على منظر صافى ملامحه تتغير و يجرى على شهاب ياخده و ينزل بيه فى الارض و ينزل فيه ضرب لحد مشهاب يفقد الوعى صافى تفك بقها و تتكلم بضعف تايه فوسط الشحتفه
صافى / شريف
شريف يجرى عليها و يمسك وشها يطمن
شريف / انتى كويسه عمل  فيكى حاجه
صافى تهز راسها شريف يفك رجليها تترمى فى حضنه
صافى / متسبنيش ارجوك متسبنيش
شريف / ايه اللى حصل دخل هنا ازاى
صافى تهز راسها معرفش شريف يقوم يطلع الموبايل من جيبه و يتصل
.................................
فى الاوضه عند مازن
مازن بيرقص مع مرام الموبايل يرن فجيبه يطلعه و يبص يرد على عينه
صوت شريف / اطلع اوضه صافى حالا
مازن ملامحه تتغير
مازن / فى ايه
صوت شريف / حالا بقولك حالا
مازن يقفل و يطلع يجرى
مونيكا / فى ايه هو رايح فين
مرام / ربنا يستر شكل حاجه حصلت
مرام تجرى عالحمام تلبس هدومها
.............................
فى اوضه صافى
صافى عماله تعيط و شريف ماسك فوطه مبلوله و عمال ينضف لصافى وشها بالراحه
صافى / مكنش لوحده
شريف / ايه
صافى / مكنوش عاوزينى انا عاوزين مرام
شريف / بتقولى ايه
صافى / كانوا بيتكلموا لغه مفهمتهاش بس شهاب كان فاهمهم كويس غالبا روسى كان معاهم بنت هجمت عليا و لما شافتنى اتخانقت مع شهاب و سابوه و مشيو و هو اتنرفز عليا و قالى علقه بعلقه بقى اخد حقى
مازن يدخل الاوضه
مازن / فى ايه .. صافى !! انتى كويسه ؟؟ ... هو اللى عمل فيكى كدا
صافى تعيط
شريف / مكنش لوحده كان فى روس منهم بنت
مازن / لو شفتيهم تعرفيهم يا صافى
صافى تهز راسها اه
مازن / زياد فين
شريف / خد لبنى و راحوا يناموا
مازن يمسك الموبايل و يتصل
مازن / تعال اوضه صافى حالا ... لما تيجى هتفهم سلام
مازن يقفل و ثوانى و زياد يدخل يشوف المنظر يتصدم و يبص على شهاب فى الارض يمسكه و ينزل فيه ضرب بايديه و رجليه فى بطنه و صدره و يمد ايده فى جيبه و ياخد موبايله يحطه فى جيبه منغير محد ياخد باله
زياد / اه يا بن الكلب يا زباله يا رمه يا قليل الاصل يا معفن يا بن الكلب انا حزرتك حزرتك يابن الكلب
زياد يبطل و يبص على شريف باصص عليه
مازن / حطلى الكلب ده فى اى حته لحد مفوقله
زياد / اعتبره حصل
زياد يطلع بره يتكلم فى التليفون و مرام تدخل تتفاجئ تجرى على صافى تاخدها فى حضنها
مرام / حبيبتى ..انتى كويسه ؟ايه اللى حصل
صافى / الحمد لله
زياد يرجع و يهز راسه لمازن و يضرب شهاب بالرجل
مرام / ايه اللى حصل
زياد / عاوزك يا مازن ثوانى
مرام و شريف يبصوا على زياد مازن ياخده و يروحوا بره
زياد / الحيوان ده ... انا عمرى متخيلت انه هيعملها بجد
مازن / مش فاهم
زياد / امبارح كان رايح جاى فى الريسبشن قال بيخلص حاجات للفوج بتاعه
مازن يهز راسه بانتباه
زياد / و لما مرام شدت مع لبنى و انا بحصل لبنى لقيته بيجرى وراها و لما شافنى ادارى حسيت بيه بيتصنت علينا وشوشتها قال يعنى ببوسها و كدا
مازن / متخلص يابنى
زياد / المهم يعنى وقعناه و جه و قالى انه عاوز المفتاح و انا سجلتله و قولتله ينسى بس عمرى والله ابدا يا مازن متخيلت انه هيعمل كدا فعلا
مازن / انت بتقول ايه
زياد / خد اسمع و انت تفهم كل حاجه
زياد يدى لمازن الموبايل
صوت شهاب / عاوز مفتاح اوضه مرام و صافى
صوت زياد / ههههههههههههههههههههههههه طب متقول مالاول ان ابوك واحشك و عاوز تحصله انت عارف انت بتطلب ايه
صوت شهاب / يا سيدى و انت هتخسر حاجه بالعكس كلو بيصب فى مصلحتك
صوت زياد / يا راجل بص يا شهاب انا مهما كنت شايفنى وحش مش هقدر اساعدك فى سكتك دى و لا لمرام و لا لصافى انا عندى اخت يا شهاب
صوت شهاب / يا حنين و بعدين فلنفرض الموضوع اصلا مش اللى فبالك خالص يا عم البت اولجا محروقه من مرام و عاوزه تاخد حقها حوار بنات مع بعض ملناش فيه
صوت زياد / و صافى
صوت شهاب / لو تعرف تخرجها خرجها معرفتش اهو يبقى حق اخوك الغلبان
صوت زياد / لا مش واكله معايا
صوت شهاب / البت هتدفع الميه الف دولار اللى خدتهم من مازن
مازن / اه يا ولاد الكلب
مازن يبص جنبه يلاقى شريف واقف و بيسمع
شريف / و لما سالتك بتكلمه فى ايه توهت مش كدا
شريف يزق زياد و مازن يحوش
زياد / كنت عاوزنى اولعها عالفاضى
شريف / كنت عارف انه ناوى على غدر و سكت يا واطى 
زياد / عاوزنى اقول لمازن عشان يقتله عاوزنى اضيع اخويا بايدى
مازن يزق شريف
مازن / قسما بالله لربيهم اهدى
شريف يبص لزياد زياد يزعق فيه
زياد / بتبصلى كدا ليه هاه انت فاكرنى هشوفه بياذيهم و اسكت مانت عارفه بق و جعوره من امتى هدد بحاجه و عملها مانت عارفه
مرام تطلع من جوه
مازن / خشى جوه يا مرام جنب صافى
مرام / طب فهمنى فى ايه بتتخانقوا ليه
مازن / خليكى جنب صافى
اتنين بدى بيلدينج يدخلوا
مازن / الكلب ده يتحط فى عربيه و يتشحن على مصر و يتحبس فى قفص زعتر ملط لحد مرجعله
زياد / دا كدا يموت يا مازن
مازن / الف هنا على زعتر بلا قرف
مرام تبص لمازن
مرام / بلغ البوليس
مازن / خشى جوه
مرام / بلغ البوليس بدل مبلغهم انا
مازن / خشى جوه
مازن يزعق فى مرام تبصله و تدخل شريف يدخل وراها و الاتنين يشيلو شهاب و يمشوا
زياد / ليه كدا يا مازن من حقها تفهم
مازن / مش عايز اسمع صوتك
مازن يدخل و زياد واقف مبتسم و ثوانى و يدخل وراهم
.........................
فى الاوضه جوه
مرام بتقلب فى الحاجه
مرام / مش لاقيه موبايلى .. صافى موبايلك فين
صافى / مش عارفه
مرام / هات موبايلك يا شريف
مازن / عوزاه ليه
مرام / هكلم البوليس
مازن / خدى موبايلى انا
مرام / انت بجد .. انت هتسكت عاللى حصل ... يا مازن افرض مات فى ايدك
مازن / لا مش هيموت متخافيش   
مرام / احنا مش فغابه البلد دى فيها قانون
مازن / الكلب ده كان قاصدك انتى و لازم يتربى ماشى
مرام / انت بتقول ايه انت
زياد / اولجا دفعتله الميه الف دولار اللى مازن اداهوملها
مرام تروح تقعد و هى مش فاهمه حاجه
زياد / كانت عاوزه تنتقم منك و جت فصافى
مرام تبص لصافى و تبدا تعيط
مازن / انا مش عاوزك تخافى ماشى انا هحل الموضوع ده تمام هربيه و اسيبه متقلقيش انتى عارفه كويس انى مليش فى الدم
مرام / هو فى ايه ..مازن هو فى ايه؟؟ هو ده بجد هو اللى بيحصل ده بجد 
مازن / للاسف حصل
مرام تبص لصافى
مرام / انتى كويسه
صافى تهز راسها اه لبنى تدخل
لبنى / فى ايه ياب... صافى ايه اللى حصل ... زياد ؟؟
زياد يبص الناحيه التانيه
لبنى / يابن الكلب يا حيوان شهاب صح
شريف / عرفتى منين
لبنى / اه يابن الكلب اه يابن الكلب
مازن / عرفتى منين يا لبنى
لبنى / النهرده الصبح زياد قالى ان شهاب بيراقبنى و طلب منى امثل حوار كدا بعدين جالى طلب منى مفتاح الاوضه و انا شتمته و قولتله لو قرب منى تانى هقولك و هقول لزياد و قالى خلاص و مشى و انا قولت لزياد حتى باماره لما كان بيدايق مرام عند كابينه الغيار زياد بعده عنها
مازن / هو شهاب دايقك النهرده مقولتليش ليه ؟؟
مرام / محصلش حاجه تتحكى عادى يعنى
مازن يبص لزياد
زياد / انا اول مشوفته والله مسكتله و سجلتله الحوار اللى انت سمعته
شريف / تمثيليه ايه اللى عملتوها
زياد / ان لبنى بتكره مرام و عاوزه تنتقم و كدا يعنى
شريف / اكيد مثلتى الدور ببراعه اوى لدرجه انه يصدق
زياد / انت متعرفش حاجه ماشى
شريف / معاك حق انت اللى عارف كل حاجه
زياد / شريف اعقل ماشى متقولش حاجه تندم عليها
شريف / انا مقولتش انت اللى قولت بره
زياد / خلينا فى اللى احنا فيه صافى لازم تروح مستشفى و هناك اكيد هيسالوها ايه اللى حصل ... مازن .. مازن
مازن يطلع بره يبص فوق يمين و شمال عالكاميره يلاقيها معوجه
مازن / تعال معايا يا زياد خليك هنا معاهم يا شريف
مازن ينزل تحت يدخل اوضه الامن و زياد وراه يكلم حد مالموظفين يشغل تسجل الكاميره لحد ميثبت على فيو بعيد
مازن / رجع الحته دى التلاته اللى بيلعبوا بالكوره ... بس هنا اقف .. اعرفلى مين دول يا زياد
زياد / بسيطه حاضر
مازن يجرى عالريسبشن يلاقى شريف واقف بيكلم مع الموظف
مازن / انت بتعمل ايه هنا يا غبى مش قولتلك خليك معاهم
شريف / اولجا عملت شيك اوت من نص ساعه و خدت حاجتها و مشيت هى و اتنين كمان مالفوج و خدوا تاكس و مشيو
مازن /دى لو استخبت فى الكرملين هجيبها
مازن يرجع اوضه الامن 
زياد / لقينا واحد منهم كان فى الفوج الروسى و الاتنين التانين لسه بندور عليهم
مازن / شغلى الكاميرات اللى بره عالبوابه عاوز اشوف حاجه
الراجل يشغل التسجيلات لحد ميشوف اولجا و اتنين رجاله بشنطهم بياخدوا تاكس
زياد / وقف وقف
مازن ياخد ورقه و يكتب رقم التاكس و يديها لزياد
مازن / اتصرف
زياد ياخد الورقه و يطلع بره شريف يدخل
مازن / انت بتعمل ايه هنا يابنى هو انا هغنيهالك متظبط يا شريف الله
شريف / انا كلمت مونيكا و قولتلها ان صافى قفشت مع لبنى و خدناهم و خرجنا مالاوتيل و دلوقت العمال بيغيروا الباب و كل حاجه رجعت زى مكانت و صافى و مرام و لبنى فى اوضه لبنى و الباقيين كل واحده راحت اوضتها عادى و زمانهم ناموا عشان الصبح
مازن / برافو عليك
شريف / هتعمل ايه
مازن / هربيهم يا شريف هو اللى بيجى على واحده من اهلى بيحصل فيه ايه
شريف / شهاب بتاعى
مازن / و ماله ميغلاش عليك
شريف يهز راسه و يمشى و مازن واقف بيغلى
............................
فى اوضه لبنى
مرام قاعده عالسرير بتعيط و صافى بتطبطب عليها
لبنى/ اما غريبه والله المفروض ان واحده اتعرضت للموقف ده هى اللى تعيط و التانيه تطبطب عليها مش العكس انتى بتعيطى ليه دلوقت
مرام / مفيش حاجه
لبنى / هو مازن معجبوش الكاشمايو الاحمر و لا ايه
مرام تبصلها و تتنهد و تسكت
صافى / منهم لله كان زمانا بنرقص دلوقت
لبنى / شوف بتفكر فى ايه انتى فيكى حيل
صافى / انا رجعت مالموت يا لبنى اه فيا حيل و الحيوان اللى عمل فيا كدا دلوقت بيتربى انا عارفه ان مازن هيندمه عاليوم اللى اتولد فيه
مرام / انتى موافقه على اللى بيحصل ده
لبنى / و هو ايه اللى بيحصل طب دا حتى مازن قلبه طيب و مش هيخليه يموت مع ان صدقينى الموت هيبقى اهون ماللى هيجراله
مرام / انتوا بتتكلموا كانه عادى كل واحد ياخد حقه بايده و البقاء للاقوى
لبنى / الحمد لله ان احنا الاقوى ههههههههههههههههههههه
مرام تبصلها
لبنى / انتى مزعله نفسك ليه انتى ضربتى البت و جت اعتزرتلك عشان سواد عيونك عشان انتى الاقوى و لا ساعتها محستيش بمشكله
مرام / انا ماذيتهاش
لبنى / ههههههههههههههههههههههههه طبعا
مرام / لو كنتى مكانى كنتى عملتى ايه اه افتكرت هتبوسيه و تحضنيه قدامها
صافى / على قد غلطتها عاقبتيها و كل واحد بياخد على قد غلطته
مرام / و لما يروح يعمل محضر فى مازن انه ضربه و لا بهدله عادى
لبنى / مش هيعمل هيخاف مش اول مره يعنى ياما شوفنا و بعدين هنروح بعيد ليه دانتى قصتك مع احمد و مازن مليانه امثله و اخرها الاقوى كسب و التانى هرب
مرام / و هعيد القصه تانى مع شهاب مش كدا
لبنى / امال كنتى فاكره ايه الحياه مع مازن هتبقى وردى مازن ليه فكل خرابه عفريت
صافى / انتى بتقولى ايه يا لبنى
لبنى / مازن طول عمره معندوش اللى يخاف عليه و كان طايح فى الكل و الكل كان بيعمله الف حساب دلوقت كلنا عارفين فين ايد مازن اللى بتوجعه و ده اللى احمد او شهاب حاولوا يعملوه
مرام لنفسها بصوت واطى 
مرام / يعنى دى هتبقى حياتى العمر كله
لبنى / على فكره ناس كتير اوى تتمنى الحياه اللى مش عجباكى دى
مرام / انتى بتسمى دى عيشه
لبنى / امال الفقر اللى كنتى فيه كان عيشه
مرام / اه كان عيشه كنت بنام و بالى مرتاح كنت عايشه فى امان
لبنى / هههههههههههههههههه امان دانتى اعفن امين شرطه كان يحط عليكى انتى و عيلتك كلها دلوقت وزير الداخليه نفسه يضربلك تعظيم سلام و تقوليلى امان و بعدين انا هتعب قلبى معاكى ليه مش عجباكى عيشتنا خلاص ارجعى للى كنتى فيه محدش ماسك فيكى يعنى
مرام تبصلها و تقوم تطلع بره تلاقى مازن و شريف جايين عليهم تروح ناحيه اوضتها و تعدى من جنب مازن منغير متكلمه صافى تطلع مالاوضه وراها و مازن بيبص لشريف باستغراب و التلاته يروحوا وراها اوضتها تدخل و تجيب شنطتها و تملا هدومها
مازن / بتعملى ايه
مرام / زى مانت شايف نازله مصر
مازن / تمام مفيش مشكله الصبح ننزل
مرام / مفيش صبح انا هنزل دلوقت و اه بص يا مازن انا بحبك مش هنكر بس انا تعبت كل واحد و له طاقه و انا مش قادره خلاص
مازن / مش فاهم
مرام / يعنى نطلق
مازن / ايه ؟؟
مرام / انا العيشه دى مش عجبانى مش قادره اتخيل انى هعيش انا و عيالى فى التوتر و الخوف ده طول عمرنا
مازن / انا مقدر اللى انتى فيه بس لازم تفهمى ان
مرام / انت اللى لازم تفهم انا مش زيكوا عمرى مهكون زيكوا انت فاهم انا حياتى بسيطه جدا اقصى مشكله بتقابلنى ان الشيكولاته تخلص بالليل و فى طلبات الصبح هلحق اخلص الاوردات كلها و لا لا مازن انا شوفت معاك دنيا مرعبه ياريتك مدخلت حياتى ياريتنى معرفتك
صافى / مرام
مازن / ششششششش
شريف ياخد صافى بره و مرام تروح تقعد عالسرير و تدى لمازن ضهرها و تعيط مازن يتنهد و يروح يقعد جنبها يحاول يحضنها تزقه بعيد
مرام / لو سمحت
مازن / مرام انا عارف ان مش سهل اللى حصل و الله و لا عليا انا كمان
مرام تبصله باستهزاء
مرام / يا راجل مع ان واضح انك بتعرف تتعامل فى المواقف اللى زى دى كويس هتاخده و تضربه و لا تعمل فيه ايه الله اعلم
مازن / لازم يكون عبره عشان محدش يحاول يقلده
مرام / مهو محدش هيقلده بسم الله ما شاء الله كل واحد بيبتكر بلوه جديده ياذينى بيها انا جربت معاك كل حاجه الحمد لله فاضل ايه لسه مشوفتوش ياخى هو انت مش خايف عليا هتستنى لما اموت و لا يجرالى حاجه يعنى هتنبسط ساعتها
مازن / انا عمرى مهسمح بحاجه زى دى
مرام / كان هيحصل يا مازن لولا لطف ربنا كان زمانى مكان صافى
مازن / و توفيق كان بسببى انا برده
مرام / اه بسببك نسيت عملت فيه ايه فى الحاره اول مره
مازن / كان بيعاكسك كنت اقف اتفرج و هو ماسك ايدك بالشكل ده
مرام /  كنت هعرف اتعامل على فكره
مازن / اه طبعا امال ايه
مازن يقوم يروح يقف فى ركن
مرام / مازن لو بتحبنى بلغ البوليس لو بتحبنى متكسبش عداوات جديده
..............................